RUSTAVI2 Rustavi2 TV News Portal RSS Feed Rustavi2 Broadcasting Company http://rustavi2.com/ გირჩი სამართალდამცველებს ბიონარკოტიკების ინტერნეტით შეძენის შესაძლო მფარველობაში ადანაშაულებს http://rustavi2.com/ka/news/68942

ბიონარკოტიკის შეძენის ექსპერტიმენტთან დაკავშირებით გირჩის დამფუძნებელი, ზურა ჯაფარიძე, პოლიციის განყოფილებაში დაკითხვაზე იმყოფებოდა.

პოლიტიკური ცენტრის წევრებმა გუშინ ოფისში პოლიცია გამოიძახეს და ინტერნეტით ნაყიდი ნარკოტიკი გადასცეს. გირჩი სამართალდამცველებს ბიონარკოტიკების ინტერნეტით შეძენის შესაძლო მფარველობაში ადანაშაულებს.

]]>
25-02-2017 12:17 +0400
დაკავება უაქციზო სიგარეტის რეალიზაციისთვის http://rustavi2.com/ka/news/68935

საქართველოს ფინანსთა სამინისტროს საგამოძიებო სამსახურმა უაქციზო სიგარეტის რეალიზაციისთვის 3 პირი დააკავა. 

ამის შესახებ ინფორმაციას ფინანსთა სამინისტროს საგამოძიებო სამსახური ავრცელებს. 

"გამოძიებით დადგენილია, რომ ბრალდებულებმა მოახდინეს აქციზური მარკის სავალდებულო დართვას დაქვემდებარებული პროდუქციის, დიდი ოდენობით სომხური წარმოების სიგარეტის BLACK TIP-ის აქციზური მარკის გარეშე რეალიზაცია. საგამოძიებო სამსახურმა ბრალდებულები, უაქციზო სიგარეტის რეალიზაციის ფაქტზე დააკავა," - ნათქვამია უწყების ინფორმაციაში. 

საქმეზე გამოძიება საქართველოს სისხლის სამართლის კოდექსის მე-200 მუხლის მე-2 ნაწილის გ ქვეპუნქტით მიმდინარეობს, რაც სასჯელის სახით 4-დან 6 წლამდე თავისუფლების აღკვეთას ითვალისწინებს. 

]]>
25-02-2017 11:01 +0400
სამართალდამცველებმა მოპარული მობილური ტელეფონები ამოიღეს http://rustavi2.com/ka/news/68861

სამართალდამცველებმა მოპარული მობილური ტელეფონები ამოიღეს. გამოძიების ინფორმაციით,
მიიღეს შეტყობინება, რომ სავაჭრო ცენტრ პასაჟი 2000-ის მიმდებარე ტერიტორიაზე ნაქურდალი მობილურები ყიდებოდა.

სამართალდამცველებმა მოწმის სახით დაკითხეს რამდენიმე ადამიანი, რომლებმაც ნებაყოფლობით წარმოადგინეს სხვადასხვა მოდელის 14 მობილური და ერთი ფოტოაპარატი.

გამოძიება ნაქურდალი ნივთის შეძენა-შენახვის ფაქტზე მიმდინარეობს.

]]>
24-02-2017 10:01 +0400
გურამ ჯაშს თავს დაესხნენ - მსახიობს ტრეპანაცია დასჭირდა http://rustavi2.com/ka/news/68724

მსახიობი გურამ ჯაში გუშინ საღამოს დააყაჩაღეს. დამნაშავეებმა მას თავის არეში რამდენჯერმე ძლიერი დარტყმა მიაყენეს, რის შედეგადაც მსახიობს ოპერაცია დასჭირდა.

მას ინგოროყვას კლინიკაში ტრეპანაცია ჩაუტარდა. გურამ ჯაშს საფეთქლის ძვალი აქვს გატეხილი და თავზე დიდი ზომის ჰემატომა აღენიშნებოდა. 

ექიმი-რეანიმატოლოგი კონსტანტინე მუმლაძე აცხადებს, რომ გურამ ჯაშის ზოგადი მდგომარეობა დინამიკაში დამაკმაყოფილებელია და მსახიობი ახლა რეანიმაციის განყოფილებაში იმყოფება.

მსახიობს დამნაშავეები მშრალ ხიდზე დაესხნენ თავს. წაართვეს ტელეფონი, გასაღები და სავარაუდოდ, ქურთუკის წართმევასაც ცდილობდნენ. გურამ ჯაშის დედა ამბობს, რომ მსახიობი მასთან მივიდა და მხოლოდ ამის შემდეგ გამოიძახეს სასწრაფო დახმარების ბრიგადა.

„მე ბედნიერი, ვარ რომ გასაღები წაიღო იმ კაცმა, რომ ჩემი შვილი ჩემს კართან მოვიდა და მე ამას შევესწარი, თორემ გასაღები რომ მას ჰქონოდა, შევიდოდა და შვილი დამეღუპებოდა. უკნიდან ჩაურტყამთ, თანხა იყო თუ რაც იყო ყველაფერი წაიღეს. ეტყობა ქურქის გახდა უნდოდათ და მოგლეჯილია სახელო,“ - ყვება ციცო სარაჯიშვილი.

გამოძიებას გურამ ჯაში ჯერ არ დაუკითხავს. შინაგან საქმეთა სამინისტროს განცხადებით, გამოძიება, ამ ეტაპზე, სხეულის განზრახ მსუბუქი დაზიანების მუხლით მიმდინარეობს. 

]]>
22-02-2017 16:36 +0400
იარაღის მართლსაწინააღმდეგო შეძენა-შენახვის ბრალდებით წარსულში ნასამართლევი პირი დააკავეს http://rustavi2.com/ka/news/68720

სამართალდამცველებმა ცეცხლსასროლი იარაღის მართლსაწინააღმდეგო შეძენა-შენახვის ბრალდებით წარსულში ნასამართლევი პირი დააკავეს.

გამოძიების ინფორმაციით, 1983 წელს დაბადებული მოქალაქის საცხოვრებელი ბინის ჩხრეკისას უკანონო ცეცხლსასროლი იარაღი, მჭიდი და 11 საბრძოლო ვაზნა ამოიღეს.

დაკავებული ჩადენილ დანაშაულს აღიარებს.

 

]]>
22-02-2017 15:58 +0400
თურქეთის საზღვარზე საქართველოს მოქალაქე დააკავეს, რომელიც ჩემოდანში იმალებოდა http://rustavi2.com/ka/news/68579

თურქეთის პოლიციამ ქვეყნის ჩდილო-აღმოსავლეთ საზღვართან, ართვინის პროვინციაში საქართველოს ორი მოქალაქე დააკავა. ისინი მაშინ დააკავეს როდესაც, მამაკაცს 28 წლის ქალბატონი საზღვარზე ჩემოდნის საშუალებით გადაყავდა.

პოლიციის თანამშრომლებმა ბარგი საეჭვოდ მიიჩნიეს და მფლობელს მისი გახსნა მოთხოვეს. გახსნის შემდეგ აღმოჩნდა, რომ მასში ქალბატონი იჯდა.

ეჭვმიტანილებმა საზღვარი სარფში გადალახეს, თუმცა ისინი ჰოფაში აიყვანეს. დაკითხვისას გაირკვა, რომ ქალბატონის დეპორტაცია თურქეთიდან სამი თვის წინ განხორციელდა, ვიზის მოქმედების გასვლის მიზეზით.

სამი დღის წინ თურქეთში მსგავი შემთხვევა დაფიქსირდა. ართვინში პოლიციამ ადამიანი იპოვა, რომელიც საზღვრის გადასალახად ჩემოდანში იმალებოდა, აყვანილების ვინაობას თურქეთის პოლიცია არ ასახელებს.

]]>
21-02-2017 10:55 +0400
აფეთქება და მსხვერპლი ოკუპირებული ცხინვალის რეგიონში http://rustavi2.com/ka/news/68571

აფეთქებას ოკუპირებულ ცხინვალის რეგიონში მსხვერპლი მოჰყვა. სოფელ ავნევში, 22 წლის მამაკაცი ნაღმზე აფეთქდა და ადგილზე გარდაიცვალა.

ცხინვალის თვითაღიარებული ხელისუფლების წარმომადგენლები აცხადებენ, რომ სოფელი განაღმული იყო.

ავნევი 2008 წლის, რუსეთ-საქართველოს ომის შემდეგ ოკუპირებულია. რუსული მედია ნაღმის ფოტოს ავრცელებს და ირწმუნება, რომ ის ქართული წარმომავლობისაა და 2008 წლის ომის შემდეგ არის სოფელში დარჩენილი.

]]>
21-02-2017 09:05 +0400
ომბუდსმენი, მისი წინამორბედების მიერ ნიკა ლომინაძის მკვლელობის საკითხზე აღმოჩენილ დარღვევებზე საუბრობს http://rustavi2.com/ka/news/68512

საქართველოს სახალხო დამცველი, უჩა ნანუაშვილი აცხადებს, რომ თელასის ფინანსური დირექტორის, ნიკა ლომინაძის მკვლელობის საქმის საკითხზე დარღვევებზე საუბარი ჯერ კიდევ მის წინამორბედებს ჰქონდათ.

დღეს მოსამართლემ ბრალდებულები გიორგი გვიჩიანი და ნიკა ჩემია სასამართლო დარბაზიდან გაათავისუფლა, მათ პატიმრობაში 11 წელი გაატარეს.

„ამ საქმესთან დაკავშირებით, როგორც ჩემთვის ცნობილია, ჩემი წინამორბედების მიერ იყო გარკვეული დარღვევები აღმოჩენილი. მოგეხსენებათ, მისი დაკავება მოხდა 11 წლის წინ და შესაბამისად, იმ პერიოდში სახალხო დამცველი მუშაობდა ამ საკითხზე და კონკრეტულ დარღვევებზე საუბრობდა ჯერ კიდევ მაშინ,“ - განაცხადა უჩა ნანუაშვილმა.

 

ავტორი: ეკა გაგუა.

]]>
20-02-2017 15:18 +0400
სამართალდამცველებმა ე.წ. კანონიერი ქურდი დააკავეს http://rustavi2.com/ka/news/68372

სამართალდამცველებმა ე.წ. კანონიერი ქურდი დააკავეს. ამის შესახებ ინფორმაციას შინაგან საქმეთა სამინისტრო ავრცელებს.

უწყების ცნობით, 1961 წელს დაბადებული, წარსულში რამდენჯერმე ნასამართლევი კანონიერი ქურდობის ბრალდებით, სარფის სასაზღვრო გამშვებ პუნქტში ოპერატიული ინფორმაციის საფუძველზე დააკავეს. 

შსს-ს ინფორმაციითვე, გამოძიებამ დაადგინა, რომ დაკავებული 1981 წლიდან ე.წ. ქურდულ სამყაროში აღიარებულია კანონიერ ქურდად. სამართალდამცველებმა ის იმ დროს დააკავეს, როდესაც სარფის სასაზღვრო გამშვები პუნქტის გავლით, თურქეთის რესპუბლიკიდან საქართველოში შემოდიოდა.

გამოძიება კანონიერი ქურდობის ფაქტზე მიმდინარეობს.

]]>
17-02-2017 14:35 +0400
შსს-მ ნარკორეალიზატორები დააკავა http://rustavi2.com/ka/news/68366

შსს-მ ნარკორეალიზატორები დააკავა. გამოძიების ინფორმაციით, წინასწარი შეთანხმებით ჯგუფის მიერ დიდი ოდენობით ნარკოტიკული საშუალების უკანონო შეძენა-შენახვის და გასაღების ბრალდებით 1948 და 1942 წელს დაბადებული მოქალაქეები აიყვანეს.

მათი საცხოვრებელი სახლისა და ეზოს ჩხრეკისას კი ბუპრემორფინის შემცველი ნარკოტიკული ნივთიერება ამოიღეს.

გამოძიებამ დაადგინა, რომ ბრალდებულები ნარკოტიკულ საშუალებას უკანონოდ ყიდდნენ.

]]>
17-02-2017 13:56 +0400
ახალციხეში მიკროსაფინანსო ორგანიზაცია "ლენდოს" ფილიალის ყაჩაღობის ფაქტი გახსნილია http://rustavi2.com/ka/news/68341

შინაგან საქმეთა სამინისტრომ ახალციხეში მიკროსაფინანსო ორგანიზაცია ლენდოს ფილიალის ყაჩაღობის ფაქტი ცხელ კვალზე გახსნა. დაკვებლია ერთი პირი. გავრცელებული ინფორმაციით, მან კომპანიის თანამშრომლებს ხელყუმბარის მუქარით თანხა გამოსძალა და მიიმალა.

შეიარაღებული თავდასხმა სამუშაო დღის ბოლოს მოხდა. თვითმხილველები გვიანობამდე იკითხებოდნენ. შემთვევის ადგილზე ასევე გვიანობამდე მუშაობდნენ ექსპერტ კრიმინალისტები. გამოძიება ყაჩაღობის მუხლით მიმდინარეობს.

]]>
17-02-2017 08:31 +0400
ინტერპოლის საქართველოს ბიუროს წარმომადგენელზე თავდასხმის ფაქტზე გამოძიება მიმდინარეობს http://rustavi2.com/ka/news/68285

ქალაქის ცენტრში ინტერპოლის თანამშრომელზე შეიარაღებული თავდასხმა განხორცილდა. ავტომობილს, სადაც ინტერპოლის საქართველოს ბიუროს წარმომადგენელი იმყოფებოდა, ცეცხლი რამდენიმე პირმა გაუხსნა.

ერთ-ერთი თავდამსხმელი საპასუხო ცეცხლის დროს დაიჭრა. ის ამჟამად კლინიკაში იმყოფება და მისი მდგომარეობა მძიმეა.

მომხდარი თავდასხმის მიმდებარე ტერიტორიაზე სავაჭრო ობიექტების წარმომადგენლების თქმით, სამართალდამცავებმა ვიდეო ჩანაწერები ამოიღეს. ადგილობრივების თქმით, კადრებში ინტერპოლის საქართველოს ბიუროს წარმომადგენელია დაფიქსირებული. 

პარალელურად საგამოძიებო მოქმედებები კვლავაც მიმდინარეობს, ხოლო თბილისის პროკურატურაში მოწმეების დაკითხვა გრძელდება.

მომხდარზე გამოძიება ინტერპოლის თანამშრომლის მიმართ განზრახ მკვლელობის მცდელობისა და ცეცხლსასროლი იარაღის მართლსაწინააღმდეგო შეძენა-შენახვის მუხლით მიმდინარეობს.

ავტორი: მარიამ გაფრინდაშვილი.

]]>
16-02-2017 15:07 +0400
შატბერაშვილის ქუჩაზე დაჭრილი მამაკაცის მდგომარეობა მძიმეა http://rustavi2.com/ka/news/68272

შატბერაშვილის ქუჩაზე დაჭრილი მამაკაცის მდგომარეობა მძიმეა.  როგორც მისმა მკურნალმა ექიმმა განაცხადა, დაჭრილი ამ დრომდე ხეჩინაშვილის საუნივერსიტეტო კლინიკაში  რეანიმაციული განყოფილებაში, მართვით სუნთქვაზე იმყოფება.

მას გადაუდებელი ოპერაცია ჩაუტარდა.  ხეჩინაშვილის საუნივერსიტეტო კლინიკის ქირურგიული დეპარტამენტის ხელმძღვანელის განცხადებით, პაციენტი კლინიკაში მრავლობითი ჭრილობებით შეიყვანეს.

„პაციენტს ჩაუტარდა კომპიუტერულ ტომოგრაფიული კვლევა. ინახა გულ-მკერდის ღრუ, იმის გამო რომ მრავლობითი ჭრილობები იყო ფილტვზე, დაფლეთილი ჭრილობის გამო სისხლნაჟღენთები იყო მასიურად, რაც ქმნის ასევე დამატებით რისკფაქტორს. ამჟამად მდგომარეობა რჩება ისევ მძიმე. ამჟამად რეანიმაციის განყოფილებაში, იმყოფება მართვით სუნთქვაზე,“-განაცხადა ქირურგმა გიორგი გახარიამ.

შეგახსენებთ, რომ შატბერაშვილის ქუჩაზე გვიან ღამით დაუდგენელმა პირებმა ერთ-ერთ ავტომობილს ცეცხლი გაუხსნეს. პროკურატურის ინფორმაციით, თავდასხმა საქართველოს ინტერპოლის ეროვნული ცენტრალური ბიუროს თანამშრომელზე განხორციელდა.

ვაკეში შემთხვევის ადგილზე საგამოძიებო მოქმედებები ამ დრომდე მიმდინარეობს.

მომხდარზე გამოძიება ინტერპოლის თანამშრომლის მიმართ განზრახ მკვლელობის მცდელობისა და ცეცხლსასროლი იარაღის მართლსაწინააღმდეგო შეძენა-შენახვის მუხლით მიმდინარეობს.

 

 

]]>
16-02-2017 12:38 +0400
სროლა შატბერაშვილის ქუჩაზე - თავდასხმა საქართველოს ინტერპოლის ეროვნული ცენტრალური ბიუროს თანამშრომელზე განხორციელდა http://rustavi2.com/ka/news/68271

ვაკეში, შატბერაშვილის ქუჩაზე გუშინ საქართველოს ინტერპოლის ეროვნული ცენტრალური ბიუროს თანამშრომელზე თავდასხმა განხორციელდა. ინფორმაციას საქართველოს მთავარი პროკურატურა ადასტურებს.

პროკურატურის პრესსამსახურის უფროსის, ნათია სუხიაშვილის განცხადებით, ცეცხლი საქართველოს ინტერპოლის ეროვნული ცენტრალური ბიუროს უფროს ინსპექტორს როსტომ ლორთქიფანიძეს გაუხსნეს.

უწყების ცნობით,  თავდასხმისას როსტომ ლორთქიფანიძემ საპასუხო ცეცხლი გახსნა, რის შედეგადაც დაიჭრა ერთი პირი. თავად ინტერპოლის თანამშრომელი დაჭრილი არ არის. 

„ჩატარებული გამოძიებით დგინდება, რომ 15 თებერვალს ღამის საათებში ქ.თბილისში შატბერაშვილის ქუჩის მიმდებარე ტერიტორიაზე საქართველოს ინტერპოლის ეროვნული ცენტრალური ბიუროს უფროსი ინსპექტორი როსტომ ლორთქიფანიძე კუთვნილი ავტომანქანით მეგობართან ერთად გადაადგილდებოდა, რა დროსაც მას, ამ ეტაპზე დაუდგენელმა პირებმა ცეცხლი გაუხსნეს. თავის დაცვის მიზნით როსტომ ლორთქიფანიძემ კუთვნილი სამსახურებრივი საშტატო ცეცხლსასროლი იარაღით თავდამსხმელების მიმართულებით მოახდინა გასროლა. შედეგად დაიჭრა ერთი პირი, რომელსაც ჩაუტარდა გადაუდებელი სამედიცინო დახმარება,“ - განაცხადა ნათია სუხიაშვილმა.

მომხდართან დაკავშირებით ამ დროისთვის არც ბრალდებული და არც დაკავებული არავინ არ არის. საგამოძიებო მოქმედებები კი ამ დრომდე გრძელდება.

მომხდარზე გამოძიება ინტერპოლის თანამშრომლის მიმართ განზრახ მკვლელობის მცდელობისა და ცეცხლსასროლი იარაღის მართლსაწინააღმდეგო შეძენა-შენახვის მუხლით მიმდინარეობს.

ადგილობრივები აცხადებენ, რომ გუშინ შატბერაშვილის ქუჩაზე ორმხრივი სროლისას ორი ადამიანი დაიჭრა, თუმცა აღნიშნულ ინფორმაციას პროკურატურა არ ადასტურებს.  

]]>
16-02-2017 12:34 +0400
სროლა ვაკეში - დაჭრილია ინტერპოლის საქართველოს ბიუროს თანამშრომელი http://rustavi2.com/ka/news/68246

სროლა ვაკეში - წინასწარი ინფორმაციით, შატბერაშვილის ქუჩაზე გვიან ღამით შეიარაღებული თავდასხმა მოხდა. დაუდგენელმა პირებმა ცეცხლსასროლი იარაღიდან ცეცხლი გაუხსნეს BMW-ს მარკის ჯიპს, რომელშიც რამდენიმე პირი იმყოფებოდა.

მედიაში გავრცელებული ინფორმაციით, მათ შორის იყო ინტერპოლის საქართველოს ბიუროს თანამშრომელი, რომელიც დაიჭრა.

დაჭრილს ხეჩინაშვილის სახელობის საუნივერსიტეტო კლინიკაში რამდენიმე საათის განმავლობაში უტარდებოდა ოპერაცია. მომხდარის სხვა დეტალები ამ ეტაპზე უცნობია.

საქმის ძიება თავდაპირველად შინაგან საქმეთა სამინისტრომ დაიწყო, თუმცა მალევე პროკურატურას გადაეცა.

კურიერი მთელი ღამის განმავლობაში ცდილობდა პროკურატურის პრესსამსახურთან დაკავშირებას, თუმცა მათ ჩვენს სატელეფონო ზარებს არ უპასუხეს.   

]]>
16-02-2017 07:54 +0400
სამართალდამცავებმა ბათუმში ტერორიზმში ბრალდებული პირი დააკავეს http://rustavi2.com/ka/news/68174

ქართველმა სამართალდამცავებმა ბათუმის აეროპორტში ტერორიზმის, კრიმინალური ორგანიზაციის შექმნის, დივერსიული თავდასხმების განხორციელებას და საბრძოლო მასალის უკანონო ჩამორთმევაში ბრალდებული პირი დააკავეს. 

შინაგან საქმეთა სამინისტროს ინფორმაციით, სამართალდამცავებმა  ტაშკენტის ინტერპოლის მიერ საერთაშორისო დონეზე ძებნილი, ამერიკის შეერთებული შტატების მოქალაქე, 1978 წელს დაბადებული ლ.კ. აეროპორტში დააკავეს. 

ლ.კ. დამნაშავედ უზბეკეთის რესპუბლიკის სისხლის სამართლის კოდექსის 97-2, 155-3 159-3, 242-2, 244 მუხლებით გათვალისწინებული დანაშაულების ჩადენისათვის არის არის ცნობილი. 

უწყების ცნობით, დაკავებულის მიმართ კანონით გათვალისწინებული წინასაექსტრადიციო პროცედურები მიმდინარეობს.

]]>
15-02-2017 13:51 +0400
სამართალდამცველებმა ვაგზლის მოედანზე მომხდარ მკვლელობაში ბრალდებული არასრულწლოვანი დააკავეს http://rustavi2.com/ka/news/68079

შინაგან საქმეთა სამინისტრომ 13 თებერვალს თბილისში, ვაგზლის მოედანზე, ურთიერთშელაპარაკების ნიადაგზე  მომხდარი მკვლელობა გახსნა.  

უწყების ინფორმაციით, სამართალდამცველებმა  განზრახ მკვლელობის ბრალდებით, 2000 წელს დაბადებული გ.ქ. დააკავეს. 

შს სამინისტროს ცნობით, გამოძიებით დადგინდა, რომ დაკავებულმა ცივი იარაღით სხეულზე მრავლობითი ჭრილობა მიაყენა 2001 წელს დაბადებულ გ.ს.-ს და შემთხვევის ადგილიდან მიიმალა. დაჭრილი საავადმყოფოში მიყვანისთანავე გარდაიცვალა.

ბრალდებულის დაკავება თბილისში შემთხვევიდან რამდენიმე საათში დააკავეს. 

გამოძიება განზრახ მკვლელობის ფაქტზე მიმდინარეობს.

]]>
14-02-2017 13:40 +0400
17 წლის ახალგაზრდებს შორის დაპირისპირება მსხვერპლით დასრულდა http://rustavi2.com/ka/news/68045

17 წლის ახალგაზრდებს შორის დაპირისპირება მსხვერპლით დასრულდა. შემთხვევა თბილისი ცენტრალის მიმდებარე ტერიტორიაზე მოხდა.

ცივი იარაღით დაჭრილი ახალგაზრდის გადარჩენა ექიმებმა ვერ შეძლეს. გავრცელებული ინფორმაციით, ეჭვმიტანილი შემთხვევის ადგილიდან გაიქცა.

ვაგზლის მოედანზე ექსპერტ-კრიმინალისტები გვიანობამდე მუშაობდნენ.

შინაგან საქმეთა სამინისტროს ცნობით, გამოძიება სისხლის სამართლის კოდექსის 108-ე მუხლით მიმდინარეობს, რაც განზრახ მკვლელობას გულისხმობს.

]]>
14-02-2017 08:40 +0400
სახელმწიფო დაცვის სპეცსამსახური, მამა გიორგი მამალაძის დაკავების ფაქტს ოფიციალურად ადასტურებს http://rustavi2.com/ka/news/67967

სახელმწიფო დაცვის სპეციალური სამსახურის ხელმძღვანელმა ანზორ ჩუბინიძემ რუსთავი 2-თან საუბრისას ოფიციალურად დაადასტურა, ინფორმაცია მამა გიორგი მამალაძის დაკავების შესახებ.

სდსს-ის ხელმძღვანელმა კურიერის ჟურნალისტთან თამარ ნუცუბიძესთან საუბრისას განაცხადა, რომ საქართველოს მთავარ პროკურატურას, სისხლის სამართლის საქმე აქვს აღძრული და გამოძიება მიმდინარეობს. რუსთავი 2-ის ჟურნალისტის კითხვაზე თუ რატომ მოხდა პატრიარქის დაცვის გაძლიერება და უკავშირდება თუ არა ეს ფაქტი მიმდინარე გამოძიებას, ჩუბინიძე პასუხობს: 

"ყველა სპეცსამსახურებით მუდმივად ვიყავით ჩართულები პატრიარქის დაცვაში, ამის მიუხედვად ჩვენ მაინც ჩავთვალეთ, რომ ჩამოვსულიყავით და გვენახა მდგომარეობა პატრიარქის უსაფრთხოებასთან დაკავშირებით," - აცხადებს ანზორ ჩუბინიძე. 

დღესვე სახელმწიფო დაცვის სპეციალური სამსახურის ხელმძღვანელმა კომენტარი გააკეთა საქართველოს მთავარი პროკურატურის მიერ, პატრიარქის უსაფრთხოების სამსახურის ხელმძღვანელის, სოსო ოხანაშვილის დაკითხვასთან დაკავშირებით და განაცხადა, რომ მასთან საგამოძიებო უწყებებს მიცემული ჩვენების შემდეგ კითხვები აღარ აქვთ. 

"სოსომ ძალიან კარგი გააკეთა, რომ იგი ჩავიდა, მიეხმარა გამოძიებას ყველანაირად ამ საქმესთან დაკავშირებით, სოსო განაგრძობს მუშაობას ჩვეულებრივად, სოსოთან არანაირი კითხვის ნიშანი არ არის," - განუცხადა ანზორ ჩუბინიძემ რუსთავი 2-ს. 

შეგახსენებთ, რომ საქართველოს საპატრიარქოს ქონების მართვის სამსახურის ხელმძღვანელი მამა გიორგი მამალაძე პარასკევს გამთენიისას, თბილისის საერთაშორისო აეროპორტში დააკავეს, ამ დრომდე საქართველოს მთავარი პროკურატურა არ აკეთებს კომენტარს, თუ რა მოტივით მოხდა სასულიერო პირის დაკავება.

რუსთავი 2-ის ინფორმაციით, ამავე საქმეზე საქართველოს მთავარმა პროკურატურამ, შაბათს საქართველოს საპატრიარქოს უსაფრთხოების სამსახურის უფროსი იოსებ ოხანაშვილი დაკითხა.

ფოტო: რუსთავი2 

 

 

 

 

]]>
13-02-2017 02:09 +0400
რამდენიმე გასროლა ოზურგეთის რაიონში - დაჭრილი მამაკაცის მდგომარეობა მძიმეა http://rustavi2.com/ka/news/67946

სროლა ოზურგეთის რაიონში - სოფელ დვაბზუში დაუდგენელმა პირებმა ცეცხლსასროლი იარაღიდან რამდენიმე გასროლით 40 წლის მამაკაცი დაჭრეს.

დაშავებული, რომლის ვინაობა ადგილობრივებისთვის უცნობია, მრავლობითი ჭრილობებით ოზურგეთის კლინიკაშია გადაყვანილი. ექიმების განცხადებით მისი ჯანმრთელობის მდგომარეობა ამ დროისთვის მძიმეა.

შემთხვევის ადგილზე ადგილზე ექსპერტ-კრიმინალისტები მუშაობენ. საქმეზე გამოძიება განზრახ მკვლელობის მცდელობის მუხლით მიმდინარეობს. 

]]>
12-02-2017 17:09 +0400
აფეთქება ქობულეთში - გვიან ღამით ერთ-ერთი სახლის ეზოში ძლიერი აფეთქება მოხდა http://rustavi2.com/ka/news/67855

გუშინ, გვიან ღამით, ძლიერი აფეთქების მოხდა ქობულეთში, რუსთაველის ქუჩაზე, ერთ-ერთი საცხოვრებელი სახლის ეზოში.

ოჯახი მომხდარის დეტალებზე არ საუბრობს. ისინი არც იმას აკონკრეტებენ, თუ რამ გამოიწვია აფეთქება.

როგორც ცნობილია, შემთხვევის შედეგად არავინ დაშავებულა.

თვითმხილველების ვერსიით, შესაძლოა, საცხოვრებლი სახლის ეზოში ხელნაკეთი ასაფეთქებელი მოწყობილობა აფეთქდა. 

]]>
11-02-2017 11:05 +0400
დაკავება განსაკუთრებით დიდი ოდენობით ნარკოტიკების უკანონოდ შეძენა-შენახვისთვის http://rustavi2.com/ka/news/67853

კრიმინალურმა პოლიციამ  1987 წელს დაბადებული, წარსულში ნასამართლევი გ.ს., განსაკუთრებით დიდი ოდენობით ნარკოტიკული საშუალების შეძენა-შენახვის ბრალდებით, თბილისში დააკავა. 

ამის შესახებ ინფორმაციას შსს ავრცელებს, სადაც ნათქვამია, რომ  სამართალდამცველებმა, დაკავებულის პირადი ჩხრეკისას, 185,1 გრამი ბუპრენორფინის შემცველი 460 აბი და 15 ნატეხი, ასევე, 640,61 გრამი ნარკოტიკული საშუალება „მდმა“-ს შემცველი 1633 აბი, აბის ნატეხები და ფხვნილი ამოიღეს.

ნარკოლოგიური შემოწმების შედეგად, გ.ს.-ს მარიხუანის მოხმარების ფაქტი დაუდგინდა.

გამოძიება განსაკუთრებით დიდი ოდენობით ნარკოტიკული საშუალების უკანონო შეძენა-შენახვის ფაქტზე მიმდინარეობს.

 

]]>
11-02-2017 10:15 +0400
თბილისში ნარკოტიკული დანაშულისთვის აზერბაიჯანის მოქალაქე დააკავეს http://rustavi2.com/ka/news/67820

თბილისში ნარკოტიკული დანაშულისთვის აზერბაიჯანის მოქალაქე დააკავეს. შსს-ს ინფორმაციით, 1980 წელს დაბადებული პირი კრიმინალურმა პოლიციამ აიყვანა, მისი პირადი ჩხრეკისას კი 200 გრამზე მეტი ჰეროინი ამოიღეს.

გამოძიება განსაკუთრებით დიდი ოდენობით ნარკოტიკული საშუალების უკანონო შეძენა-შენახვის ფაქტზე მიმდინარეობს.

]]>
10-02-2017 15:58 +0400
საზღვარზე დიდი ოდენობით იარაღის უკანონოდ გადმოტანის ფაქტზე ერთი პირი დააკავეს http://rustavi2.com/ka/news/67786

სამართალდამცავებმა საქართველოს საბაჟო საზღვარზე განსაკუთრებით დიდი ოდენობით ცეცხლსასროლი, სანადირო და პნევმატური იარაღის უკანონოდ გადმოტანის ფაქტზე ერთი მოქალაქე დააკავა.

გამოძიებით დადგენილია, რომ ბრალდებულმა, საბაჟო - გამშვები პუნქტი, სარფის გავლით, საქართველოს საზღვარი გადმოკვეთა, რა დროსაც, მისივე ავტომობილით საბაჟო კონტროლისგან მალულად დეკლარირებას დაქვემდებარებული განსაკუთრებით დიდი ოდენობით ცეცხლსასროლი იარაღები საქართველოში გადმოიტანა.

დანაშაული სასჯელის სახით ითვალისწინებს თავისუფლების აღკვეთას 5-დან 7 წლამდე ვადით.

 

]]>
10-02-2017 11:41 +0400
თაღლითობის ბრალდებით სამი პირი დააკავეს http://rustavi2.com/ka/news/67381

შსს-მ თაღლითობის ბრალდებით სამი პირი დააკავა. ამის შესახებ განცხადებას შინაგან საქმეთა სამინისტრო ავრცელებს.

გამოძიებამ დაადგინა, რომ ბრალდებულებმა, წინასწარი შეთანხმებით, აფხაზეთიდან იძულებით გადაადგილებულ პირებს თბილისის ზღვის ტერიტორიაზე არსებულ საცხოვრებელ კორპუსებში დევნილებისთვის განკუთვნილი ბინების მიღებაში დახმარების სანაცვლოდ 95 500 აშშ დოლარი, მოტყუებით გამოართვეს.

გამოძიება წინასწარი შეთანხმებით, ჯგუფის მიერ ჩადენილი დიდი ოდენობით თაღლითობის ფაქტზე მიმდინარეობს. 

]]>
06-02-2017 09:43 +0400
დავით ოთხმეზურის მკვლელობის საქმე და პროკურატურის მოწმეების ურთიერთგამომრიცხავი ჩვენებები http://rustavi2.com/ka/news/67362

2016 წლის მარტში პროკურატურამ გახსნილად გამოაცხადა 12 წლით ადრე თბილისში მომხდარი დავით ოთხმეზურის მკვლელობა და საქმე სასამართლოს გადაულოცა, მაგრამ რამდენიმე თვეში სასამართლოს პირველივე ინსტანციამ მკვლელობაში ბრალდებული გაამართლა და გაათავისუფლა, ვინაიდან პროკურატურის მოწმეებმა ურთიერთგამომრიცხავი ჩვენებები წარმოადგინეს.

მოწმეებს შორის იყვნენ ისეთებიც, რომლებიც თვითონ იხდიან სასჯელს მძიმე დანაშაულისთვის, მათ შორის, რამდენიმე ადამიანის მკვლელობისთვის. თანაც ამ მოწმეებს ერთი და იგივე პროკურორი სისტემატურად იყენებს სხვადასხვა საქმეში და მათ ჩვენებებს უკვე არაერთი ადამიანის თავისუფლება შეეწირა.

ჩნდება საფუძვლიანი ეჭვი, რომ პროკურატურა პატიმრობაში მყოფ მსჯავრდებულებზე ან ზეწოლას ახდენს, ან რამეს ჰპირდება მათ. ამის ხარჯზე სხვადასხვა საქმეში მოწმეებად იყენებს და ბრალდებისთვის სასურველი ჩვენებების მიცემას აიძულებს.

პროკურატურასთან ერთად, დაზარალებულის ოჯახი დღემდე დარწმუნებულია, რომ 2004 წლის 27 ოქტომბერს დავით ოთხმეზური ასლან ბეჟანიძემ მოკლა.

9-თვიანი პატიმრობიდან გათავისუფლებული ბეჟანიძის ადვოკატი, ტარიელ კაკაბაძე მომავალ სასამართლოზე ისევ მოითხოვს სატელეფონო კომპანიების ამონაწერს, რომელსაც წინა პროცესზე უშედეგოდ ითხოვდა - სჯერა, რომ ამით უეჭველად დაამტკიცებს, ვინ იყო და ვინ არ იყო მკვლელობის ადგილას 2004 წლის 27 ოქტომბერს და ვის შეიძლება აფარებდეს ხელს პროკურატურა.

ავტორი: თენგიზ გოგოტიშვილი.

]]>
05-02-2017 21:46 +0400
დაკავება ნარკოტიკების შეძენა-შენახვისთვის - ბრალდებულს ჰეროინის შემცველი ნივთიერება აღმოუჩინეს http://rustavi2.com/ka/news/67319

სამართალდამცველებმა განსაკუთრებით დიდი ოდენობით ნარკოტიკული საშუალების უკანონო შეძენა-შენახვის ბრალდებით ერთი პირი დააკავეს. 

1991 წელს დაბადებული გ.მ.-ს პირადი ჩხრეკისას, 24 შეკვრად დაფასოებული 16,65 გრამი ნარკოტიკული ნივთიერება აღმოაჩნდა, რომელიც, ექსპერტიზის დასკვნით, 3,3478 გრ. ჰეროინს შეიცავს. ბრალდებული ჩადენილ დანაშაულს აღიარებს.

გამოძიება განსაკუთრებით დიდი ოდენობით ნარკოტიკული საშუალების უკანონო შეძენა-შენახვის ფაქტზე მიმდინარეობს. 

]]>
05-02-2017 10:28 +0400
თავდასხმის მცდელობა პარიზში ლუვრის მუზეუმზე http://rustavi2.com/ka/news/67227

პარიზში ლუვრის მუზეუმზე თავდასხმა აღკვეთეს. დანით შეიარაღებულმა მამაკაცმა, რომელსაც ხელში ჩემოდანი ეჭირა მუზეუმში შესვლა სცადა. გავრცელებული ცნობით, ის ალაჰის სადიდებელ სიტყვებს ყვიროდა. მუზეუმის დაცვის წევრმა თავდამსხმელს ცეცხლი გაუხსნა.

სროლის შედეგად ის მძიმედ დაიჭრა. სამართალდამცველებმა შეამოწმეს ეჭვმიტანილის ჩემოდანი, თუმცა შიგნით ასაფეთქებელი მოწყობილობები არ აღმოჩნდა.

მომხდარის გამო ლუვრიდან ხალხის ევაკუაცია განხორციელდა. დროებით დაიხურა ახლოს მდებარე მეტროს სადგურები.

საფრანგეთის შინაგან საქმეთა სამინისტრო მუზეუმთან არსებულ ვითარებას სერიოზულს უწოდებს და მასშტაბურ ოპერაციას ატარებს.

]]>
03-02-2017 16:03 +0400
რუსთაველის გამზირზე მომხდარ ავტოსაგზაო შემთხვევაში მონაწილე მძღოლი დაკავებულია http://rustavi2.com/ka/news/67201

სამართალდამცავებმა 24 იანვარს, თბილისში, რუსთაველის გამზირზე მომხდარ ავტოსაგზაო შემთხვევაში მონაწილე მძღოლი დააკავეს. შინაგან საქმეთა სამინისტროს ინფორმაციით, საქალაქო სასამართლოს განჩინების საფუძველზე დაკავებულია 1993 წელს დაბადებული მამაკაცი.

უწყების ცნობით, გამოძიების ფარგლებში დანიშნული ტრასოლოგიური, ავტოტექნიკური და სასამართლო-სამედიცინო ექსპერტიზების დასკვნების საფუძველზე დადგინდა, რომ „მერსედესის“ მარკის ავტომანქანა, რომელსაც გიორგი ჯ. მართავდა, საპირისპირო ზოლში გადავიდა და შემხვედრი მიმართულებით მოძრავ „ოპელისა“ და „მერსედესის“ მარკის ავტომანქანებს შეეჯახა.

შეჯახების შედეგად, ადგილზე გარდაიცვალა „ოპელის“ მგზავრი სოფო ბ. და დაშავდა ოთხი ადამიანი.

მომხდარზე გამოძიება საქართველოს სსკ-ის 276-ე მუხლის 1-ლი, მე-3 და მე-5 ნაწილებით მიმდინარეობს. 

]]>
03-02-2017 13:45 +0400
მაგისტრალური მილსადენიდან ნავთობის ქურდობისთვის 5 პირი დააკავეს http://rustavi2.com/ka/news/67087

მაგისტრალური მილსადენიდან ნავთობის ქურდობა მოხდა - შინაგან საქმეთა სამინისტროს ინფომრაციით, სამართალდამცველბმა დანაშულში ეჭვმიტანილი პირები დააკავეს. დაპატიმრებულია 5 ადამიანი.

უწყების ცნობით, ბრალდებულები გორის რაიონის სოფელ რეხაში, ბაქო-სუფსის მაგისტრალური მილსადენიდან, შემდგომი რეალიზაციის მიზნით, ნავთობს სისტემატურად იპარავდნენ. მოპარული ნავთობის ნაწილი ნივთმტკიცებად ამოიღეს.

 

]]>
02-02-2017 10:10 +0400
ქრთამის აღების ფაქტზე თბილისის მერიის გამწვანების სამსახურის და ნაძალადევის გამგეობის თანამშრომლები დააკავეს http://rustavi2.com/ka/news/67007

დიდი ოდენობით ქრთამის აღების ფაქტზე თბილისის მერიის გამწვანების სამსახურის და ნაძალადევის გამგეობის თანამშრომლები დააკავეს.

ფინანსთა სამინისტროს საგამოძიებო სამსახურის ინფორმაციით, დაკავებულებმა დიდი ოდენობით თანხა მერიის ტენდერში გამარჯვებული კომპანიის მფარველობისთვის მიიღეს.

დაკავებულებს სასჯელის სახით 6-დან 9 წლამდე თავისუფლების აღკვეთა ემუქრებათ.

]]>
01-02-2017 12:24 +0400
ფარული კადრებით შანტაჟი და სქესობრივი კავშირის იძულება - დაკავებულია ორი პირი http://rustavi2.com/ka/news/66998

გამოძალვისა და სქესობრივი კავშირის იძულების ბრალდებით შსს-ს მცხეთა-მთიანეთის პოლიციის დეპარტამენტის თანამშრომლებმა 2 პირი დააკავეს.

გამოძიების მასალებით ირკვევა, რომ 1974 წელს დაბადებული მ.ჯ. და 1990 წელს დაბადებული ი.მ. პირადი ცხოვრების ამსახველი ვიდეომასალის, ასევე, სახელის გამტეხი ცნობების გავრცელების მუქარითა და შანტაჟით მოქალაქეს ფულს სძალავდნენ და სქესობრივი კავშირის დამყარებას აიძულებდნენ.

გამოძიება გამოძალვის, სქესობრივი კავშირის იძულების და პირადობის დამადასტურებელი დოკუმენტის გატაცების ფაქტზე მიმდინარეობს (საქართველოს სსკ-ს 181-ე მუხლის მე-2 ნაწილის „ბ“ და „გ“ ქვეპუნქტებით, 139-ე მუხლის 1-ლი ნაწილით და 363-ე მუხლის მე-2 ნაწილით).

შსს-მ ბრალდებულების დაკავების ვიდეომასალა და ფარული ჩანაწერი დღეს დილით გაავრცელა.

]]>
01-02-2017 10:18 +0400
აფხაზეთის დე-ფაქტო ხელისუფლება ცატავას გატაცებას ადასტურებს - სახელმწიფო უსაფრთხოების სამსახური http://rustavi2.com/ka/news/66954

აფხაზეთის დე-ფაქტო ხელისუფლება ადასტურებს, რომ ცატავა ე.წ საზღვრის უკანონო კვეთის ბრალდებით არის დაკავებული და გალის ე.წ იზოლატორში იმყოფება.

ამის შესახებ ინფორმაციას სახელმწიფო უსაფრთხოების სამსახური ავრცელებს, სადაც ნათქვამია, რომ მათ ინფორმაცია ცხელი ხაზის მეშვეობით გადაამოწმეს, სადაც ცატავას დაკავება დაუდასტურეს.

განცხადებაში ასევე ნათქვამია, რომ სახელმწიფო უსაფრთხოების სამსახური აღნიშნულ საქმეზე ცხელი ხაზის მეშვეობით აგრძელებს მუშაობას.

თუ არ მოხდა გერონტი ცატავას უახლოეს პერიოდში გათავისუფლება, საქართველოს ცენტრალური ხელისუფლება მის საკითხს 22 თებერვალს ჩანიშნულ IPRM-ის შეხვედრაზე განიხილავს. 

გალიდან 52 წლის მამაკაცის საკუთარი სახლიდან შეიარაღებული პირების მიერ გატაცების შესახებ ინფორმაცია დღეს გახდა ცნობილი. გამტაცებლები გამოსყიდვის მიზნით ოჯახს 200 ათას რუსულ რუბლს სთხოვენ.

]]>
31-01-2017 20:28 +0400
დიდი ოდენობით ალკოჰოლური სასმელის კონტრაბანდა - დაკავებულია ერთი პირი http://rustavi2.com/ka/news/66844

დიდი ოდენობით ალკოჰოლური სასმელის კონტრაბანდის ფაქტზე ფინანსთა სამინისტროს საგამოძიებო სამსახურმა ერთი პირი დააკავა.

გამოძიებით დადგინდა, რომ ბრალდებული საქართველოს ტერიტორიაზე აქციზური მარკირების გარეშე ახდენდა ბრენდირებული ალკოჰოლური სასმელის რეალიზაციას. ამოღებულია 700 ერთეული უაქციზო ალკოჰოლური სასმელი.

]]>
31-01-2017 14:18 +0400
ფსიქოტროპული მედიკამენტები - ფინანსთა სამინისტრომ აფთიაქების უკანონო სამეწარმეო საქმიანობა გამოავლინა http://rustavi2.com/ka/news/66779

ფინანსთა სამინისტროს საგამოძიებო სამსახურმა, სხვადასხვა აფთიაქის ხელმძღვანელების მიერ უკანონო სამეწარმეო საქმიანობის ფაქტები გამოავლინა.

გამოძიების ინფომარციით, 21 სააფთიაქო დაწესებულებიდან მოქალაქეებზე, მათ შორის არასრულწლოვანებზე სისტემატიურად ხდებოდა ფსიქოტროპული მედიკამენტების რეცეპტის გარეშე რეალიზაცია.

დანაშული 1-დან 3 წლამდე პატირომბას ითვალისწიმნებს.

]]>
30-01-2017 17:39 +0400
გამოძალვა, ძარცვა, თავისუფლების უკანონო აღკვეთა - სამართალდამცველებმა 4 პირი დააკავეს http://rustavi2.com/ka/news/66663

სამართალდამცველებმა თურქეთის რესპუბლიკის სამი მოქალაქე და საქართველოს ერთი მოქალაქე ორგანიზებული ჯგუფის მიერ ჩადენილი გამოძალვის, ძარცვის და თავისუფლების უკანონო აღკვეთის ბრალდებით დააკავეს.

1993 წელს დაბადებული ე.ბ., 1988 წელს დაბადებული ს.ბ., 1977 წელს დაბადებული ფ.ე. და 1983 წელს დაბადებული მ.მ. ბათუმში აიყვანეს.

ბრალდებულებმა ბათუმის ერთ-ერთ კლუბში მყოფი თურქეთის რესპუბლიკის მოქალაქეებისგან, გაწეული მომსახურების სანაცვლოდ, შეუსაბამოდ დიდი თანხა მოითხოვეს. უარის მიღების შემდეგ კი მათ თავისუფლება უკანონოდ აღუკვეთეს და ფიზიკური ანგარიშსწორების მუქარით, 2 600 ლირა, 3 040 ლირა, 7 172 ლარი და 1 489 დოლარი გამოსძალეს.

გამოძიება სისხლის სამართლის კოდექსის რამდენიმე მუხლით მიმდინარეობს - დიდი ოდენობით ქონების მიღების მიზნით ორგანიზებული ჯგუფის მიერ ჩადენილი გამოძალვის, წინასწარი შეთანხმებით ჯგუფის მიერ, ძალადობით ან ძალადობის მუქარით ჩადენილი ძარცვის ფაქტზე, რამაც მნიშვნელოვანი ზიანი გამოიწვია, გარდა ამისა სხვა დანაშაულის დაფარვის ან მისი ჩადენის გაადვილების მიზნით, წინასწარი შეთანხმებით ჯგუფის მიერ თავისუფლების უკანონო აღკვეთის ფაქტზე.  

]]>
29-01-2017 10:52 +0400
2 დღეში 57 სისხლის სამართლის დანაშაული და ადმინისტრაციულ სამართალდარღვევათა 883 ფაქტი გამოვლინდა http://rustavi2.com/ka/news/66597

26-27 იანვარს შსს-მ მთელი ქვეყნის მასშტაბით სპეციალური საპოლიციო კონტროლი განახორციელა, რა დროსაც 57 სისხლის სამართლის დანაშაული და ადმინისტრაციულ სამართალდარღვევათა 883 ფაქტი გამოვლინდა.

ამის შესახებ ინფორმაციას შსს ავრცელებს, სადაც ნათქვამია, რომ 2017 წლის 26-27 იანვარს, საპოლიციო კონტროლის დროს, სამართალდამცველების მიერ გამოვლინდა სისხლის სამართლის 57 დანაშაული, მათ შორის: ცეცხლსასროლი იარაღის მართლსაწინააღმდეგო შეძენა-შენახვისა და ტარების (სსკ-ს 236-ე მუხლი) - 9 ფაქტი; ნარკოტიკების უკანონო შეძენა-შენახვა-გასაღების (სსკ-ს 260-ე მუხლი) – 15 ფაქტი; ნარკოტიკული საშუალების საქართველოში უკანონოდ შემოტანა-გატანის (სსკ-ს 262-ე მუხლი) – 1 ფაქტი; სხვისი ნივთის დაზიანების (სსკ-ს 187-ე მუხლი) – 2 ფაქტი; პოლიციისთვის წინააღმდეგობის გაწევის (სსკ-ს 353-ე მუხლი) – 3 ფაქტი; ძალადობის (სსკ-ს 126-ე მუხლი) – 1 ფაქტი; ოჯახში ძალადობის (სსკ-ს 126-ე პრიმა მუხლი) – 3 ფაქტი; ქურდობის (სსკ-ს 177-ე მუხლი) – 5 ფაქტი; ხულიგნობის (სსკ-ს 239-ე მუხლი) – 1 ფაქტი;

განცხადებაში ასევე ნათქვამია, რომ პოლიციამ 2 ძებნილი პირი დააკავა. 

გარდა ამისა, შსს-ს ინფორმაციით, დაფიქსირდა ადმინისტრაციული სამართალდარღვევის 883 შემთხვევა, მათ შორის: ნარკოტიკების უკანონო მოხმარების (ასკ-ს 45-ე მუხლი) - 28 ფაქტი; წვრილმანი ხულიგნობის (ასკ-ს 166-ე მუხლი) - 9 ფაქტი; პოლიციისადმი დაუმორჩილებლობის (ასკ-ს 173-ე მუხლი) - 21 ფაქტი; პოლიციისადმი დაუმორჩილებლობისა და წვრილმანი ხულიგნობის (ასკ-ს 173-ე და 166-ე მუხლები) - 13 ფაქტი; ცივი იარაღის ტარების (ასკ-ს 181-პრიმა მუხლი) – 21 ფაქტი.

საპოლიციო კონტროლის მიმდინარეობისას, უკანონო ბრუნვიდან ამოღებული იქნა სხვადასხვა სახის ცეცხლსასროლი იარაღი და საბრძოლო მასალა.

საპოლიციო კონტროლის დროს, სამართალდამცველებმა ჩადენილი სისხლის სამართლის დანაშაულისთვის - 16, ხოლო ადმინისტრაციული სამართალდარღვევისთვის – 36 პირი დააკავეს.

]]>
28-01-2017 10:18 +0400
შემოსავლების სამსახურმა საბაჟო-გამშვებ პუნქტში არადეკლარირებული საქონელი აღმოაჩინა http://rustavi2.com/ka/news/66566

საბაჟო-გამშვებ პუნქტში სადახლო არადეკლარირებული საქონელი 360 კოლოფი სიგარეტი გამოვლინდა. ფინანსთა სამინისტროს შემოსავლების სამსახურის ინფორმაციით, ტვირთი შემოსავლების სამსახურის მებაჟე ოფიცრებმა სომხეთიდან შემომავალი, სომხეთის მოქალაქის ა.ს-ს კუნთვნილ მანქანაში, სპეციალური დათვალიერების შედეგად აღმოაჩინეს.  

შემოსავლების სამსახურის ინფორმაციით, გამოძიება 289-ე მუხლის მე-14 ნაწილის მიხედვით მიმდინარეობს. უწყების ცნობით, სამართალდამრღვევი მოქალაქე დაჯარიმდა და სანქციის სახით შეეფარდა ფულადი ჯარიმა 1000 ლარი.

ამასთან, კანონის მოთხოვნის შესაბამისად, ა.ს-ს ჩამოერთვა როგორც საქონელი, ასევე ავტოსატრანსპორტო საშუალება. 

]]>
27-01-2017 17:40 +0400
ქუთაისში ინკასაციის მანქანა გაძარცვეს http://rustavi2.com/ka/news/66508

ქუთაისში ინკასაციის მანქანა გაძარცვეს. გავრცელებული ინფორმაციით, ევდოშვილის ქუჩაზე მანქანას ნიღბიანი პირები თავს მაშინ დაესხნენ, როდესაც სწრაფი ჩარიცხვის აპარატს ბანკის თანამშრომლები დაგროვილი თანხისგან ცლიდნენ.

რა რაოდენობის თანხა გაიტაცეს ნიღბიანებმა უცნობია.

ფაქტზე უკვე დაწყებულია გამოძიება მუხლით, რომელიც მართლსაწინააღმდეგო მისაკუთრების მიზნით, სხვისი მოძრავი ნივთის დაუფლებას ეხება.

]]>
27-01-2017 08:21 +0400
სამართალდამცავებმა ჟურნალისტ გიორგი გასვიანის ცემის ფაქტზე 3 ყოფილი პოლიციელი დააკავეს http://rustavi2.com/ka/news/66492

სამართალდამცავებმა ჟურნალისტ გიორგი გასვიანის ცემის ფაქტზე შსს-ს 3 ყოფილი თანამშრომელი დააკავეს, ინფორმაცია რუსეთავი 2-ს  პროკურატურაში დაუდასტურეს.

ყოფილ პოლიციელებს სისხლის სამართლის კოდექსის 151-ე და 126-ე მუხლის პირველი ნაწილით წაუყენეს ბრალი, რაც ცემისა და მუქარის განხორციელებას გულისხმობს.

დაკავების თაობაზე ვრცელ ინფორმაციას პროკურატურა ხვალ გაავრცელებს.

გიორგი გასვიანმა სამართალდამცველები ძალადობაში დეკემბერში დაადანაშაულა. მისი განცხადებით, შემთხვევა სასტუმრო ბორჯომი კროუნ პლაზას მიმდებარე ტერიტორიაზე მოხდა.

]]>
26-01-2017 20:33 +0400
ქურდული სამყაროს წევრობის ბრალდებით 2 პირი დააკავეს http://rustavi2.com/ka/news/66416

ქურდული სამყაროს წევრობის ბრალდებით 2 პირი დააკავეს სამართალდამცველებმა.
მამაკაცების აყვანა თბილისში მოხდა.

გამოძიების ინფომრაციით, ერთ-ერთი ბრალდებული
სამარშტურო ტაქსის მძღოლს გარკვეულ თანხას სისტემატურად სძლავდა, თუმცა იანვარში
მოიჯარე მძღოლმა თანხის მიცემაზე უარი განაცხადა, რის გამოც დაკავებულმა
ქურდული სამყაროს სხვა წევრს დახმარებისთვის მიმართა. 

]]>
26-01-2017 09:53 +0400
იტალიაში 45 წლის ქართველი მოკლული იპოვეს http://rustavi2.com/ka/news/66165

იტალიაში 45 წლის ქართველი მოკლული იპოვეს. ინფორმაციას bari.repubblica.it ავრცელებს და წერს, რომ ცხედარი ქალაქის ცენტრალურ პარკში, სკამზე აღმოაჩინეს. გარდაცვლილს ბეჭის არეში ჭრილობა აღენიშნება, რომელიც ცეცხლსასროლი ან ბასრი იარაღით არის მიყენებული.

ერთ-ერთი ვერსიით ადგილზე იმყოფებოდა ქართველების ჯგუფი, მათ შორის მოხდა შელაპარაკება, რასაც მოჰყვა მკვლელობა.

ადგილობრივი სამართალდამცველების თქმით სამხილები იმაზეც მიუთითებს, რომ მკვლელობა სხვაგან მოხდა და ცხედარი ცენტრალურ მოედანზე დანაშაულის ჩადენის შემდეგ მიიტანეს. 

რუსთავი 2-ს საგარეო საქმეთა სამინისტროში დაუდასტურეს, რომ აღნიშნული ფაქტის შესახებ ინფორმაცია აქვთ და მოლაპარაკებები ცხედრის გადმოსვენების შესახებ მას შემდეგ დაიწყება, რაც ოჯახი საკონსულოს ოფიციალურად მიმართავს. 

]]>
23-01-2017 16:32 +0400
ნარკოტიკული საშუალების უკანონო შეძენა-შენახვის ბრალდებით ერთი პირი დააკავეს http://rustavi2.com/ka/news/66149

შსს-მ განსაკუთრებით დიდი ოდენობით ნარკოტიკული საშუალების უკანონო შეძენა-შენახვის ბრალდებით, 1994 წელს დაბადებული პირი თბილისში დააკავა.

სამართალდამცველებმა, დაკავებულის პირადი ჩხრეკისას, 159 აბი ნარკოტიკული საშუალება მდმა (3,4 მეთილენდიოქსიმეტამფეტამინი) ამოიღეს.

ნარკოლოგიური შემოწმების შედეგად, დაკავებულს ნარკოტიკული საშუალების მოხმარების ფაქტი დაუდგინდა.

გამოძიება განსაკუთრებით დიდი ოდენობით ნარკოტიკული საშუალების უკანონო შეძენა-შენახვის ფაქტზე მიმდინარეობს. 

 

]]>
23-01-2017 14:40 +0400
ცეცხლსასროლი იარაღის უკანონო შეძენა-შენახვისა და ტარების ბრალდებით ერთი პირი დააკავეს http://rustavi2.com/ka/news/66060

სამართალდამცველებმა ცეცხლსასროლი იარაღის უკანონო შეძენა-შენახვისა და ტარების ბრალდებით ერთი პირი დააკავეს. 1973 წელს დაბადებული შ.მ. სოფელ ბაკურციხეში აიყვანეს.

მისი კუთვნილი ავტომანქანის ჩხრეკისას ამოიღეს MAUZER-WERKE A.G.OBERNDORF-ის მოდელის არარეგისტრირებული ცეცხლსასროლი იარაღი მჭიდითა და 5 საბრძოლო ვაზნით .

ბრალდებული ჩადენილ დანაშაულს აღიარებს.

გამოძიება  საქართველოს სისხლის სამართლის კოდექსის 236-ე მუხლის მე-2 და მე-3 ნაწილით, ცეცხლსასროლი იარაღის მართლსაწინააღმდეგო შეძენა-შენახვის და ტარების ფაქტზე მიმდინარეობს.

]]>
22-01-2017 10:30 +0400
76 წლის ქალის მკვლელობის გამოძიებაში ახალი გარემოებები გამოიკვეთა http://rustavi2.com/ka/news/66054

სამი თვის წინ თბილისში მომხდარი მკვლელობის საქმეზე, სადაც ქალის მკვლელობაში რიტუალური ქმედება და სავარაუდო კანიბალიზმი ფიგურირებს, ახალი გარემოებები გამოიკვეთა.

პირველი საკმაოდ მძიმე შინაარსის სასამართლო პროცესისგან განსხვავებით, სავარაუდოდ, პროკურორი იმ პროცესის დახურვას მოთხოვს , რომელზეც ვიდეო და აუდიო ფირების გამოქვეყნება მოუწევს.

27 წლის შენგელიას მსგავსად, თავს დამნაშავედ ცნობს მოკლულის შვილი. აღიარებს იმასაც, რომ გვამის დანაწევრებას საკუთარი სურვილით ესწრებოდა. პროკურატურა ამ დრომდე ეძებს საქმეში კიდევ ერთ ბრალდებულს პირს.

მთავარ საგამოძიებო უწყებაში განმარტავენ, რომ სამომავლოდ პროკურორები ხმაურიანი მკვლელობის საქმეზე განცხადებებს მხოლოდ სასამართლო პროცესებზე გააკეთებენ. დღეს ბრალმდებელი შეკითხვას აღარ პასუხობს.

17 იანვარს სასამართლომ დანაშაულის შეუტყობინებლობის ბრალდებით დაკავებულებსაც უსმენდა. მოსამართლემ მათი არგუმენტები არ გაითვალისწინა და დანაშაულის დაფარვისა და მოწმეებზე ზემოქმედების შესაძლო რისკის გამო, ისინიც პატიმრობაში დატოვა.

სამი თვის წინ მომხდარი მკვლელობის განხილვა სასამართლოში 30 იანვარს გაგრძელდება.

 

 

ავტორები: ვაჩე გოგოლაშვილი, ფატი მდორეული, დავით ქაშიაშვილი.

]]>
21-01-2017 22:12 +0400
ლაგოდეხში პოლიციელმა მამკაცი დაჭრა http://rustavi2.com/ka/news/66016

ლაგოდეხში პოლიციელმა ცეცხლასასროლი იარაღით მამაკაცი დაჭრა. შემთხვევა გუშინ, გვიან ღამით, ქალაქის ცენტრში მოხდა.
 
ადგილობრივების ინფორმაციით, ინციდენტს წინ ურთიერთშელაპარაკება უძღოდა. რესტორნის მეპატრონის თქმით, რესტორანში ნათლობას აღნიშნავდნენ, სადაც მამაკაცებს შორის სიტყვიერი შელაპარაკება მოხდა, რაც მოგვიანებით შენობის გარეთ გაგრძელდა.
 
მამაკაცს პოლიციელმა ჭრილობა მუცლის არეში მიაყენა. დაჭრილი გურჯაანის საავადმყოფოში მკურნალობს.
 
შსს-ს ინფორმაციით, პოლიციელი ლაშა წიქარიშვილი სამსახურიდან უკვე გაათავისუფლეს. მომხდარ ფაქტს პროკურატურა იძიებს. თუმცა, უწყებას ამ დრომდე კომენტარი არ გაუკეთებია.
 
არსებული ინფორმაციით, ინციდენტის ერთ-ერთ მიზეზი დაზარაალებულის მხრიდან პოლიციელის მეუღლისთვის გაგზავნილი სატელეფონო მესიჯები გახდა. 

]]>
21-01-2017 11:29 +0400
თბილისში ნარკოტიკების უკანონოდ შეძენა-შენახვისთვის საბერძნეთის მოქალაქე დააკავეს http://rustavi2.com/ka/news/66012

შსს-ს თანამშრომლებმა საბერძნეთის რესპუბლიკის მოქალაქე, 1968 წელს დაბადებული გ.ჩ., ნარკოდანაშაულისთვის თბილისში დააკავეს. 

ამის შესახებ ინფორმაციას შსს ავრცელებს, სადაც ნათქვამია, რომ  სამართალდამცველებმა, დაკავებულის პირადი ჩხრეკისას, 58,4 მილიგრამი მეტადონის მარილის შემცველი სითხე და 8,77 გრამი კოკაინის მარილი ამოიღეს.

გამოძიება დიდი ოდენობით ნარკოტიკული საშუალების უკანონოდ შეძენა-შენახვის ფაქტზე მიმდინარეობს.

]]>
21-01-2017 10:07 +0400
ქურდობა რუსთავში - აფთიაქიდან 1000 ლარამდე ღირებულების კოსმეტიკური საშუალებები გაიტანეს http://rustavi2.com/ka/news/65980

რუსთავში აფთიაქი იმპექსი გაქურდეს. აფთიაქის საზოგადოებასთან ურთიერთობის წარმომადგენლის ლელა ლეჟავას თქმით, მეგობრობის გამზირზე მდებარე აფთიაქში 5-მდე ქალი შევიდა და აფთიაქიდან კოსმეტიკური საშუალებები - პარფიუმერია და ჰიგიენური საშუალებები წაიღეს.

წინასწარი ინფორმაციით, 1000 ლარამდე ღირებულების სხვადასხვა ჰიგიენური საშუალება წაიღეს.

შინაგან საქმეთა სამინისტროს ცნობით, მომხდარ ქურდობაში მხოლოდ ერთი პირი ფიგურირებს. მათივე ინფორმაციით, სავარაუდო ეჭვმიტანილი კამერებმა დააფიქსირეს და მისი იდენტიფიცირება შესაძლებელია. უწყების ცნობით, გამოძიება 177-ე მუხლით მიმდინარეობს, რაც ქურდობას გულისხმობს.

შსს-ს ცნობით, აფთიაქში ქურდობა 12 იანვარს მოხდა, თუმცა საქმეზე გამოძიება მას შემდეგ დაიწყო, რაც აფთიაქის ხელმძღვანელებმა უწყებაში განცხადება შეიტანეს. 

]]>
20-01-2017 16:53 +0400
ლაგოდეხში პოლიციელმა მამაკაცი დაჭრა http://rustavi2.com/ka/news/65971

ლაგოდეხში გვიან ღამით პოლიციელმა მამაკაცი დაჭრა. შემთხვევა ერთ-ერთ რესტორანთან მოხდა. როგორც რესტორნის მეპატრონე აცხადებს, მამაკაცი ნათლობას აღნიშნავდა და შენობიდან გასვლის შემდეგ კი პოლიციელთან უთანხმოება მოუვიდა.

კონფლიქტში მამაკაცმა, რომელიც მოგვიანებით დაჭრეს, თბილისიდან ჩამოყვანილი მეგობრებიც ჩართო, სწორედ ამის შემდეგ გაუხსნა მას ცეცხლი პოლიციელმა და მუცლის არეში დაჭრა.

დაშავებული გურჯაანის საავადმყოფოში გადაიყვანეს, თუმცა მის სიცოცხლეს საფრთხე არ ემუქრება.

შსს-ში აცხადებენ, რომ სამართალდამცველი, რომელმაც მოქალაქე დაჭრა, რიგითი პოლიციელი იყო და ის უკვე გათავისუფლებულია თანამდებობიდან.

საქმეს პროკურატურა იძიებს. როგორც უწყებაში განმარტავენ, ფაქტზე გამოძება საქართველოს სისხლის სამართლის კოდექსის 19, 108 -ე მუხლით დაიწყო და მკვლელობის მცდელობის ფაქტზე ლაშა წიქარიშვილი დააკავეს.

პროკურატურის განცხადებით გამოძიებით დადგინდა, რომ მკვლელობის მცდელობა ურთიერთშელაპარაკების ნიადაგზე მომხდარ კონფლიქტს უკავშირდება. ლაშა წიქარიშვილს შსს ლაგოდეხის რაიონული სამმართველოს ინსპექტორ-გამომძიებლის თანამდებობა ეკავა თუმცა მომხდარ ფაქტს მის სამსახურებრივ საქმიანობასთან კავშირი არ აქვს.

]]>
20-01-2017 15:33 +0400
ჯგუფურად ჩადენილი ყაჩაღობის ბრალდებით ორი პირი დააკავეს http://rustavi2.com/ka/news/65945

სამართადამცველებმა აჭარაში მომხდარი ყაჩაღობის ფაქტი გახსნეს. ჯგუფურად ჩადენილი ყაჩაღობის ბრალდებით ორი პირი ფოთსა და ბათუმში დააკავეს.

გამოძიების ინფორმაციით, 3 იანვარს ბრალდებულები იარაღის მუქარით თავს დაესხნენ შპს იალჩინ მარკეტის ბუღალტერს და შპს-ს კუთვნილი 148 ათას 500-ზე მეტი ლარი, ასევე, პირადი თანხა და ნივთები გასტაცეს.

გამოძიება დიდი ოდენობით ნივთის დაუფლების მიზნით, ჯგუფურად ჩადენილი ყაჩაღობის ფაქტზე მიმდინარეობს.

]]>
20-01-2017 10:02 +0400
მექსიკაში ერთ-ერთ სკოლაში თავდასხმისას 4 ადამიანი დაიჭრა http://rustavi2.com/ka/news/65875

4 ადამიანი დაიჭრა მექსიკის ჩრდილოეთით ერთ-ერთ სკოლაში მომხდარი თავდასხმის შედეგად.

ეჭვმიტანილი 15 წლის მოსწავლეა, რომელიც გაკვეთილზე იარაღით შეიჭრა და თავის თანატოლებს ცეცხლი გაუხსნა, შემდეგ კი თავი მოიკლა. დაჭრილთა შორის 3 მოსწავლეა, ერთი კი მასწავლებელი.

თავდასხმა სათვალთვალო კამერებმა დააფიქსირეს. უცნობია რა გახდა მომხდარის მიზეზი - საუბრობენ, რომ 15 წლის მოსწავლეს დეპრესია სჭირდა.

]]>
19-01-2017 09:00 +0400
გერმანიის პოლიციამ საქსონიის რეგიონში ქართველების დანაშაულებრივი ჯგუფი დააკავა http://rustavi2.com/ka/news/65871

გერმანიის პოლიციამ საქსონიის რეგიონში ქართველების დანაშაულებრივი ჯგუფი დააკავა, სულ 10 ადამიანი. მათ ძარცვაში ედებათ ბრალი.

სამართალდამცველებმა 30-ზე მეტი საცხოვრებელი სახლი დრეზდენსა და ლაიპციგში გაჩხრიკეს.

დაკავებულები დევნილის სტატუსით იმყოფებოდნენ და ძირითადად სავაჭრო ცენტრებსა და მაღაზიებს ძარცვავდნენ.

მათი საცხოვრებლების ჩხრეკისას ამოღებულია ნაქურდალი სასმელი, თამბაქო, ბავშვთა კვების პროდუქტები და კოსმეტიკა.

]]>
19-01-2017 08:45 +0400
კიდევ ერთი გაკოტრებული საბროკერო კომპანია - 600 მეანაბრე კუთვნილ ფულს ითხოვს http://rustavi2.com/ka/news/65847

შ.პ.ს mfxcapitalgeorgia-ს წინააღმდეგ ფინანსთა სამინისტროს საგამოძიებო სამსახურსა და მთავარ პროკურატურაში საჩივარი შევიდა. 600 მეანაბრე კუთვნილ თანხებს ითხოვს, რომელიც სარგებლის დარიცხვის მიზნით მათ mfxcapital-ში შეიტანეს. 

"ორი თვე მალავდნენ, რომ პრობლემები იყო და სატელფონო საუბრით გვეუბნებოდნენ, რომ 15 იანვრიდან მოხდებოდა თანხების დარიცხვა. გამოხურეს კარი და წავიდნენ. გაიქცა ის, შემოწმებული იქნა, რომ საქართველოდან წასულია," - განუცხადა ერთ ერთმა მეანაბრემ რუსთავი 2 -ს. 

დაზარალებულთა თქმით, მათ საჩივარი შეიტანეს, ფინანსთა სამინსიტროს საგამოძიებო სამსახურსა და მთავარ პროკურატურაში. 

"სახელმწიფომ უნდა გაგვცეს პასუხი, საჩივარი შევიტანეთ ფინანსურ პოლიციაში და პროკურატურაში ორშაბათს. ამხელა ორგანიზაცია ორი წელია ბაზარაზეა, როგორ ამუშავებდნენ თუ იცოდნენ, რომ იყვნენ აფერისტები. დაცვას ვითხოვთ სახელმწიფოსგან," - აცხადებენ დაზარალებულები. 

შ.პ.ს. mfxcapital მეანაბრეებს, წლიურ 36 % სარგებელს სთავაზობდა.

ვრცლად რეპორტაჟი კურიერში 9 საათზე. 

 

 

 

 

 

 

 

 

]]>
18-01-2017 18:20 +0400
დეტექტივ-გამომძიებელმა ქრთამის აღება აღიარა http://rustavi2.com/ka/news/65839

იმერეთის კრიმინალური პოლიციის ყოფილ უფროსთან გიორგი კაჭარავასთან ერთად დაკავებულმა დეტექტივ-გამომძიებელმა ზურაბ ჭელიძემ წარდგენილ ბრალში თავი დამნაშავედ ცნო.

დღევანდელ სასამართლო პროცესზე მან თავი დამნაშავედ ქრთამის აღებაში ცნო, რასაც მას გამოძიება ედავება. აქამდე ბრალდებული თავს უდანაშაულოდ მიიჩნევდა და წარდგენილ ბრალს არ აღიარებდა.

გიორგი კაჭარავა და ზურაბ ჭელიძე 2016 წლის სექტემბერში დააკავეს. კაჭარავას ბრალად ქრთამის აღება, იარაღის უკანონო შეძენა-შენახვა-ტარება, დიდი ოდენობით ნარკოტიკული ნივთიერების შეძენა-შენახვა და ასევე იარაღის, ასაფეთქებელი მოწყობილობებისა და საბრძოლო მასალის უკანონო შეძენა-შენახვა ედება. ჭელიძეს კი გამოძიება ქრთამის აღებას ედავება.

]]>
18-01-2017 17:28 +0400
ბათუმში 15 წლის მოზარდი დაჭრეს http://rustavi2.com/ka/news/65821

15 წლის მოზარდი დაჭრეს ბათუმში. შემთხვევა ბონის დასახლებაში მოხდა.

ბიჭს ჩაუტარდა გადაუდებელი ოპერაცია და მდგომარეობა ამ დროისთვის სტაბილურია, ჭრილობა პაციენტს წელის არეში ცივი იარაღით აქვს მიყენებული.

დაჭრილის ოჯახის განმარტებით, ბიჭი თანატოლის დაბადების დღეზე იმყოფებოდა.

შს სამინისტროში აცხადებენ, რომ დანაშული ცხელ კვალზე გაიხსნა. დადგენილია სავარაუდო დამნაშავის ვინაობა და მიმდინარეობა მის დასაკავებლად ღონისძიებები.

გამოძიება ჯანმრთელობის განზრახ მძიმე დაზიანების მუხლით მიმდინარეობს.

]]>
18-01-2017 14:22 +0400
ორ დღეში ჩადენილი სისხლის სამართლის 129 დანაშაული - შსს-ს სტატისტიკა http://rustavi2.com/ka/news/65806

საქართველოს შინაგან საქმეთა სამინისტრო, 2017 წლის 16-17 იანვარს გამოვლენილი დანაშაულების სტატისტიკას აქვეყნებს.

უწყების ინფორმაციით, 16-17 იანვარს საპოლიციო კონტროლის დროს სისხლის სამართლის 129 დანაშაული, ხოლო ადმინისტრაციული სამართალდარღვევის 1088 შემთხვევა გამოვლინდა. 

შსს-ს ინფორმაციით, უწყებამ სპეციალური საპოლიციო კონტროლი დანაშაულის პრევენციისა და საზოგადოებრივი წესრიგის დაცვის მიზნით, პოლიციის შესახებ საქართველოს კანონის შესაბამისად, მთელი ქვეყნის მასშტაბით, განახორციელა.

"2017 წლის 16-17 იანვარს, საპოლიციო კონტროლის დროს, სამართალდამცველების მიერ გამოვლინდა სისხლის სამართლის 129 დანაშაული, მათ შორის:

ცეცხლსასროლი იარაღისა და საბრძოლო მასალის მართლსაწინააღმდეგო შეძენა-შენახვისა და ტარების (სსკ-ს 236-ე მუხლი) - 63 ფაქტი;

ჯანმრთელობის მძიმე დაზიანება (სსკ-ს 117-ე მუხლი) – 1 ფაქტი;

ქურდობის (სსკ-ს 177-ე მუხლი) – 15 ფაქტი;

ქურდობის მცდელობის (სსკ-ს 19-177-ე მუხლი) – 1 ფაქტი;

ოჯახში ძალადობის (სსკ-ს 126-პრიმა მუხლი) - 3 ფაქტი;

ძალადობის (სსკ-ს 126-ე მუხლი) – 4 ფაქტი;

ნარკოტიკების უკანონო შეძენა-შენახვა-გასაღების (სსკ-ს 260-ე მუხლი) – 19 ფაქტი;

ნარკოტიკული საშუალების შემცველი მცენარის დათესვა-მოყვანა-კულტივირების (სსკ-ს 265-ე მუხლი) – 2 ფაქტი;

ხულიგნობის (სსკ-ს 239-ე მუხლი) – 2 ფაქტი.

საპოლიციო კონტროლის დროს გამოვლინდა ადმინისტრაციული სამართალდარღვევის 1088 შემთხვევა, მათ შორის:

დაუმორჩილებლობისა და წვრილმანი ხულიგნობის (ასკ-ს 166-ე და 173-ე მუხლები) - 24 ფაქტი;

ცივი იარაღის ტარების (ასკ-ს 181-პრიმა მუხლი) – 43 ფაქტი.

ნარკოტიკების უკანონო მოხმარების (ასკ-ს 45-ე მუხლი) - 45 ფაქტი;

საპოლიციო კონტროლის მიმდინარეობისას, უკანონო ბრუნვიდან ამოღებულ იქნა შემდეგი სახის ცეცხლსასროლი იარაღი და საბრძოლო მასალა: 5 ავტომატი, 9 პისტოლეტი, 1 რევოლვერი, 7 შაშხანა, 5 გადაჭრილი სანადირო თოფი, 2 სანადირო თოფი, 1 საფანტის პისტოლეტი, 18 ხელყუმბარა, 3 ყუმბარმტყორცნის ჭურვი, 1 ტანკსაწინააღმდეგო ნაღმი და სხვადასხვა კალიბრის 2858 საბრძოლო ვაზნა.

სამართლდამცველებმა ასევე ამოიღეს სხვადასხვა სახის ნარკოტიკული საშუალება.

საპოლიციო კონტროლის დროს, პოლიციამ ჩადენილი სისხლის სამართლის დანაშაულისთვის - 22, ხოლო ადმინისტრაციული სამართალდარღვევისთვის – 42 პირი დააკავა,"-ნათქვამია უწყების მიერ გავრცელებულ განცხადებაში.

]]>
18-01-2017 11:29 +0400
ავტოსაგზაო შემთხვევის შედეგად ყაზბეგის გამზირზე სამი ადამიანი დაშავდა http://rustavi2.com/ka/news/65798

ავტოსაგზაო შემთხვევის შედეგად ყაზბეგის გამზირზე სამი ადამიანი დაშავდა, დაზიანდა ასევე ოთხი ავტომობილი. დაშავებულები კლინიკებში სასწრაფო სამედიცინო დახმარების ჯგუფებმა გადაიყვანეს. 

არსებული ინფორმაციით მათ სიცოცხლეს საფრთხე არ ემუქრება. წინასწარი ინფორმაციით, ავტოსაგზაო შემთხვევა ერთ-ერთი ავტომობილის მძღოლის დაუდევრობას მოჰყვა. გამოძიება ტრანსპორტის მოძრაობის უსაფრთხოების ან ექსპლუატაციის წესის დარღვევის ფატზე მიმდინარეობს 

]]>
18-01-2017 08:49 +0400
ქალის შესაძლო რიტუალურ მკვლელობაში კიდევ ერთი ახალი მონაწილე გამოიკვეთა - საქმის პროკურორი http://rustavi2.com/ka/news/65737

თბილისის საქალაქო სასამართლოში, სადაც შესაძლო რიტუალური მკვლელობის საქმის შესახებ მიმდინარეობს მსჯელობა, პროკურორმა განაცხადა, რომ საქმეში კიდევ ერთი პირი ფიგურირებს, თუმცა როგოც მან განაცხადა, ამ ეტაპზე უცნობია მისი ვინაობა.

ცოტა ხნის წინ საქალაქო სასამართლოში ბოლო დროის ყველაზე ხმაურიანი მკვლელობის საქმის წინასასამართლო სხდომაზე  განზრახ მკვლელობის ბრალდებით დაკავებული პირების მიმართ აღმკვეთი ღონისძიება მოსამართლემ ძალაში დატოვა.

ამ წუთებში კი, მკვლელობის შეუტყობინებლობის ბრალდებით დაკავებული ორი პირის საქმის განხილვის პროცესი იწყება.

]]>
17-01-2017 16:54 +0400
შესაძლო რიტუალური მკვლელობა - ამ წუთებში სასამართლოში დანაშაულის შეუტყობინებლობის ბრალდებით დაკავებულების პროცესი იწყება http://rustavi2.com/ka/news/65736

ამ წუთებში საქალაქო სასამართლოში ოქტომბერში ჩადენილი ბოლო დროის ყველაზე ხმაური მკვლელობის საქმეზე მსჯელობენ, სადაც შესაძლო რიტუალური მკვლელობის შეუტყობინებლობის ბრალდებით დაკავებული ორი პირის სასამართლო პროცესი იწყება.

ცოტა ხნის წინ საქალაქო სასამართლოში განზრახ მკვლელობის ბრალდებით დაკავებული პირების მიმართ აღმკვეთი ღონისძიება მოსამართლემ ძალაში დატოვა.

საუბარია რიტუალურ მკვლელობაზე, რომელიც ოქტომბერში მოხდა. ეს არის ერთადერთი საქმე, სადაც შესაძლოა, კანიბალიზმიც იკვეთებოდეს. თუმცა, დაკავებულები თავად რიტუალურ მკვლელობას არ აღიარებენ. 

]]>
17-01-2017 16:46 +0400
იარაღის მართლსაწინააღმდეგო შეძენა-შენახვა-ტარებისთვის დაკავებულია ერთი პირი http://rustavi2.com/ka/news/65724

სამართალდამცველებმა იარაღის მართლსაწინააღმდეგო შეძენა-შენახვისა და ტარების ბრალდებით, წარსულში ნასამართლევი ერთი პირი თბილისში დააკავეს.

დაკავებულის პირადი ჩხრეკისას, კალაშნიკოვის არარეგისტრირებული ავტომატი და მჭიდი ამოიღეს.

შინაგან საქმეთა სამინისტროს ინფორმაციით, დაკავებული დანაშაულს აღიარებს.

]]>
17-01-2017 15:20 +0400
ამოღებული დიდი ოდენობით ქარვის თვლები და ვერცხლის ნაკეთობები - დაკავებულია ერთი პირი http://rustavi2.com/ka/news/65704

საქართველოს საბაჟო საზღვარზე საქონლის გადაადგილებასთან დაკავშირებული წესის დარღვევის ფაქტზე ერთი პირი დააკავეს. გამოძიებით დადგენილია, რომ ბრალდებულმა საბაჟო-გამშვებ პუნქტ წითელი ხიდის გავლით გადმოკვეთა საქართველოს სახელმწიფო საზღვარი, რა დროსაც ტანსაცმელსა და ხელბარგში აღმოაჩნდა დეკლარირებას დაქვემდებარებული, განსაკუთრებით დიდი ოდენობით ქარვის თვლები და ვერცხლის ნაკეთობები.

საგამოძიებო სამსახურის მიერ საზღვარზე მალულად გადმოტანილი პროდუქცია ამოღებულია ნივთმტკიცების სახით.

საქმეზე მიმდინარეობს გამოძიება საქართველოს სისხლის სამართლის კოდექსის 214-ე მუხლის მე-2 ნაწილით, რაც სასჯელის სახით ითვალისწინებს თავისუფლების აღკვეთას 5-დან 7 წლამდე ვადით.

]]>
17-01-2017 11:21 +0400
ყაჩაღობა ავლაბარში - შსს-მ გამოძიება დაიწყო http://rustavi2.com/ka/news/65703

ავლაბარში მომხდარ ყაჩაღობაზე გამოძიება სისხლის სამართლის კოდექსის 179-ე მუხლით დაიწყო, რაც ყაჩაღობას გულისხმობს. ამის შესახებ რუსთავი 2-ს შინაგან საქმეთა სამინისტროში განუცხადეს.

სამართალდამცველებს ჯერჯერობით არავინ დაუკავებიათ.

უწყების ინფორმაციით, ამ დროისთვის მიმდინარეობს საგამოძიებო მოქმედებები.

შეგახსენებთ, რომ დღეს დილით ავლაბარში, წურწუმიას ქუჩაზე ტაქსის მძღოლი დააყაჩაღეს. ადგილზე ექსპერტ-კრიმინალისტები მუშაობენ. ექსპერტიზა უტარდება ტაქსის მძღოლის კუთვნილ მერსედესის მარკის ავტომობილსაც. 

]]>
17-01-2017 11:15 +0400
ავლაბარში ტაქსის მძღოლი დააყაჩაღეს http://rustavi2.com/ka/news/65702

ყაჩაღობა თბილისში - ავლაბარში წურწუმიას ქუჩაზე ტაქსის მძღოლი დააყაჩაღეს. შემთხვევა რამდენიმე საათის წინ მოხდა.

ამ წუთებში შემთხვევის ადგილზე ექსპერტ-კრიმინალისტები მუშაობენ. ექსპერტიზა უტარდება მის კუთვნილ მერსედესის მარკის ავტომობილსაც. 

]]>
17-01-2017 10:14 +0400
მექსიკაში ღამის კლუბში სროლას 5 ადამიანის სიცოცხლე ემსხვერპლა http://rustavi2.com/ka/news/65696

მსხვერპლით დასრულდა სროლა მექსიკის ერთ-ერთი კურორტის ღამის კლუბში. დაღუპულია 5 ადამიანი. კლუბში მუსიკის ფესტივალი მიმდინარეობდა, სადაც უცხოელი ტურისტებიც იმყოფებოდნენ. გარდაცვლილთა და დაჭრილთა შორის ისინიც არიან.

გამოძიების ინფორმაციით, მამაკაცი, რომელმაც ცეცხლი გახსნა, ღამის კლუბში შესვლას ცდილობდა, თუმცა მას იარაღის გამო უარი უთხრეს.

ეჭვმიტანილი გაიქცა, თუმცა სამართალდამცველებს ამ დროისთვის 3 პირი ყავთ დაკავებული.

]]>
17-01-2017 08:55 +0400
სპეცოპერაცია სტამბოლში - დაკავებულია პირი, რომელმაც ღამის კლუბში 39 ადამიანი მოკლა http://rustavi2.com/ka/news/65684

სპეცოპერაცია მიმდინარეობს თურქეთის ქალაქ სტამბოლში. თურქული მედიის ინფორმაციით, დაკავებულია პირი, რომელმაც ახალი წლის ღამეს, სტამბოლის ღამის კლუბში reina 39 ადამიანი მოკლა და 69 დაჭრა. 

თურქი სამართალდამცველების მტკიცებით, დაკავებული უზბეკეთიდანაა. აბდულგადირ მაშარიპოვის დაკავების ოპერაცია სტამბოლის ესენიურტის რაიონში მიმდინარეობს. თურქული მედია წერს, რომ ტერაქტში ეჭვმიტანილი მეგობართან იმალებოდა და მაშარიპოვი საცხოვრებელ სახლში დააკავეს. 

შეგახსენებთ, რომ სტამბოლის ღამის კლუბზე თავდასხმაზე პასუხისმგებლობა ისლამურმა სახელმწიფომ აიღო და დაკავებულიც სავარაუდოდ, ამ დაჯგუფების წევრია. 

თავდასხმა სტამბოლის ყველაზე პრესტიჟულ ღამის კლუბზე, 31 დეკემბრის ღამეს მოხდა. 

 

 

 

 

]]>
17-01-2017 03:08 +0400
არასამთავრობოები შსს-ს დანაშაულის სტატისტიკის როგორც მინიმუმ კვარტალში ერთხელ გამოქვეყნებას ურჩევს http://rustavi2.com/ka/news/65664

არასამთავრობო ორგანიზაციების წარმომადგენელთა აზრით, კრიმინალის ზრდასთან, დანაშაულის სტატისტიკასთან და მეთოდოლოგიასთან დაკავშირებით კითხვის ნიშნები არსებობს.

სამოქალაქო სექტორი შსს-ს მოუწოდებს სამ თვეში მაინც გამოაქვეყნოს დანაშაულის სტატისტიკა. გიორგი მშვენიერაძის განცხადებით, წინააღმდეგ შემთხვევაში, საზოგადოებაში ჩნდება განცდა, რომ ქვეყანაში კიდევ უფრო მეტი დანაშაული ხდება.

„მიუხედავად იმისა, რომ 2016 წლის 9 თვის მონაცემებით შეგვიძლია ვთქვათ, რომ გარკვეულწილად მომატებული არის დანაშაული, გადაჭრით, ამისი თქმა არის ძალიან რთული გამომდინარე იქიდან, რომ შსს არ აქვეყნებს დანაშაულის შესახებ სტატისტიკას ჯეროვნად. ჩვენ გვახსოვს მინისტრის განცხადება, რომ კანონი მას არ ავალდებულებს რომ გამოაქვეყნოს ეს ინფორმაცია რეგულარულად. მიუხედავად ამისა, ჩვენი რეკომენდაცია არის ის, რომ შსს-მ სულ მცირე კვარტალურად გამოაქვეყნოს დანაშაულის შესახებ სტატისტიკა,“ - განაცხადა IDFI-ის ანტიკორუფციული მიმართულების ხელმძღვანელმა, საბა ბუაძემ. 

ავტორი: ნინო სამყურაშვილი.

]]>
16-01-2017 19:13 +0400
ორგანიზებული დანაშაული, საკმაოდ მოთოკილია საქართველოში - გია ვოლსკი http://rustavi2.com/ka/news/65663

ქართულ ოცნებაში ფიქრობენ, რომ ქვეყანაში კრიმინოგენური სიტუაცია არ დამძიმებულა. უმრავლესობის წევრები ოპოზიციის ბრალდებებს პასუხობენ.

„ბრალდებები ყოველთვის იქნება, დემაგოგია მოგონილია ამ ადამიანების, რომლებიც ნებისმიერ დროს ნებისმიერ საკითხზე იტყვიან, რომ კრიმინალი იზრდება. დანაშაულების რაოდენობა სამწუხაროდ, მომატებულია ამ პერიოდში, სტატისტიკა საერთოდ არ არსებობდა, რასაც უნდოდათ იმას აჩვენებდნენ. ახლა სტატისტიკა არსებობს, გაკეთდა სტატისტიკა და იქნება შედარებებიც. ღიაა ინფორმაცია საზოგადოებისთვის. კრიმინალი, როგორც ასეთი, ორგანიზებული დანაშაული, საკმაოდ მოთოკილია საქართველოში,“ - განაცხადა გია ვოლსკიმ.

ქართულ ოცნებაში ასევე აცხადებენ, რომ ოპოზიციის მიერ დასახელებული ბრალდებები უსაფუძვლოა. ზვიად ძიძიგურის აზრით, ოპოზიციას  საქსტატის ციფრებთან მიმართებაში ორმაგი სტანდარტების აქვთ.

ავტორი: ნინო სამყურაშვილი.

]]>
16-01-2017 19:04 +0400
პრემიერმინისტრმა ღამის კლუბების დევნას თავი უნდა დაანებოს, მოუმატოს პოლიციას ანაზღაურება - პეტრე ცისკარიშვილი http://rustavi2.com/ka/news/65660

შინაგან საქმეთა სამინისტროს მხრიდან დანაშაულის სტატისტიკის გაყალბებასა და არასწორ მეთოდოლოგიაზე საუბრობენ ნაციონალურ მოძრაობაში. ისინი აცხადებენ, რომ ქვეყანაში არსებული მძიმე ეკონომიკური მდგომარეობის ფონზე კრიმინოგენური სიტუაცია უფრო მძიმდება. ლევან ბეჟაშვილის აზრით, შს მინისტრის მხრიდან „თვალების დახუჭვა და სტატისტიკის დამალვა“ ამ სიტუაციას ვერ უშველის.

პეტრე ცისკარიშვილის აზრით, შსს-ს მთელი რესურსი ჟურნალისტებისა და პოლიტიკური ოპონენტების დევნისკენ არის მიმართული.

„ჩემი აზრით, პრემიერმინისტრმა ღამის კლუბების დევნას თავი უნდა დაანებოს, მოუმატოს პოლიციას ანაზღაურება, შეჰმატოს მას პრესტიჟი და ნდობა და რეალურად შეებრძოლოს გაზრდილ კრიმინალს,“ - განაცხადა პეტრე ცისკარიშვილმა. 

ავტორი: ნინო სამყურაშვილი.

]]>
16-01-2017 18:53 +0400
როდესაც შენ ებრძვი სტატისტიკას, ეს იმას ნიშნავს, რომ შენ ვერ ებრძვი კრიმინალს - სერგო რატიანი http://rustavi2.com/ka/news/65658

შსს-ს დანაშაულის სტატისტიკასთან დაკავშირებით განცხადება არ გაუკეთებია, თუმცა ამ საკითხზე ფრაქცია ევროპულ საქართველოში საგანგებო განცხადება გაკეთდა. მათი აზრით, შს მინისტრი დანაშაულის ამსახველ სტატისტიკას მალავს.

ისინი აცხადებენ, რომ ქართული ოცნების „მავნებლური და უპასუხისმგებლო პოლიტიკით საზოგადოების ისედაც გაუსაძლისი ეკონომიკური მდგომარეობა დამატებით მძიმდება.“ ოთარ კახიძის თქმით, ქართულმა ოცნებამ წინასაარჩევნოდ დანაშაულებრივი სამყარო გამოიყენა, რომელთანაც ახლა ვალში არის და ეს პოლიციის დემორალიზაციას იწვევს.

„შინაგან საქმეთა მინისტრს მიაჩნია, რომ თუ ისინი სტატისტიკას დამალავენ, ამით რამე შეიცვლება. პირიქით, ეს არის გზავნილი საზოგადოებისათვის და გზავნილი კრიმინალისათვის, რომ, ფაქტობრივად, მთავრობაში არაფერს აკეთებენ ამ მიმართულებით, ისინი ვერ ებრძვიან კრიმინალს. როდესაც შენ ებრძვი სტატისტიკას, ეს იმას ნიშნავს, რომ შენ ვერ ებრძვი კრიმინალს,“ - განაცხადა სერგო რატიანმა.

ავტორი: ნინო სამყურაშვილი.

]]>
16-01-2017 18:43 +0400
ავარია სიღნაღში - დაღუპულია ერთი, დაშავდა 5 ადამიანი http://rustavi2.com/ka/news/65636

სიღნაღში ავტოავარიის შედეგად ერთი ადამიანი დაიღუპა. შემთხვევა ცოტა ხნის წინ მოხდა. დედოფლისწყაროდან სიღნაღისკენ მომავალი სატვირთო მანქანა სამგზავრო მიკროავტობუსს შეეჯახა.

დაშავებულია მიკროავტობუსის 5 მგზავრი, მათ შორის ერთი ბავშვი, დაღუპულია ერთი ადამიანი.

თვითმხილველების თქმით, სატვირთო მანქანა დიდი სიჩქარით მოძრაობდა, რის გამოც მძღოლმა საჭე ვერ დაიმორჩილა და მანქანა გადაბრუნდა.

შინაგან საქმეთა სამინისტროში საქმეზე გამოძიება 276 მუხლის მე-5 ნაწილით მიმდინარეობს, რაც ავტოსატრანსპორტო საშუალების ექსპლუატაციისა და უსაფრთხოების წესების დარღვევას ითვალისწინებს.

ამ დროისთვის ადგილზე მიმდინარეობს საგამოძიებო მოქმედებები. დაშავებული მგზავრები ლაგოდეხისა და წნორის არქიმედეს საავადმყოფოში გადაყავთ.

]]>
16-01-2017 14:18 +0400
დაკავება ნარკოდანაშაულისთვის - ამოღებულია დიდი ოდენობით ნარკოტიკი http://rustavi2.com/ka/news/65635

შინაგან საქმეთა სამინისტრომ აჭარაში განსაკუთრებით დიდი ოდენობით ნარკოტიკი ამოიღო. სამართალდამცველებმა ნარკოტიკული საშუალების შეძენა-შენახვის ბრალდებით ბათუმში ერთი პირი დააკავეს.

სამართალდამცველებმა მისი პირადი ჩხრეკისას 100 აბი სუბოქსინი ამოიღეს.

გამოძიება განსაკუთრებით დიდი ოდენობით ნარკოტიკული საშუალების შეძენა-შენახვის ფაქტზე მიმდინარეობს. 

]]>
16-01-2017 14:09 +0400
შსს-მ ისანი-სამგორის რაიონში მომხდარი მკვლელობის ფაქტი გახსნა http://rustavi2.com/ka/news/65634

სამართალდამცველებმა ისანი-სამგორის რაიონში მომხდარი მკვლელობის ფაქტი ცხელ კვალზე გახსნეს. ამის შესახებ შინაგან საქმეთა სამინისტრომ განცხადება გაავრცელა.

გამოძიებამ დაადგინა, რომ ბრალდებულმა მიმდინარე წლის 16 იანვარს თბილისში, ისანი-სამგორის რაიონში, ურთიერთშელაპარაკების ნიადაგზე ერთ პირს ცივი იარაღით სხეულზე ჭრილობები მიაყენა, რის შედეგადაც ის გარდაიცვალა.

სამართალდამცველებმა ძებნილი ცხელ კვალზე, შემთხვევის ადგილზევე დააკავეს. პოლიციამ დანაშაულის ჩადენის იარაღი - დანა ნივთმტკიცებად ამოიღო.

გამოძიება განზრახ მკვლელობის ფაქტზე მიმდინარეობს. 

]]>
16-01-2017 14:07 +0400
შარტავას ქუჩაზე მომხდარი მკვლელობა გახსნილია - განზრახ მკვლელობის ბრალდებით ერთი პირი დააკავეს http://rustavi2.com/ka/news/65633

სამართალდამცავებმა განზრახ მკვლელობის ბრალდებით თბილისში ერთი პირი დააკავეს. ამის შესახებ შინაგან საქმეთა სამინისტროს მიერ გავრცელებულ განცხადებაშია ნათქვამი. 

გამოძიებამ დაადგინა, რომ ბრალდებულმა მიმდინარე წლის 14 იანვარს, თბილისში, შარტავას ქუჩაზე, ურთიერთშელაპარაკების ნიადაგზე ერთი პირი ცეცხლსასროლი იარაღით დაჭრა და შემთხვევის ადგილიდან მიიმალა, დაჭრილი კი საავადმყოფოში გარდაიცვალა.

გამოძიება განზრახ მკვლელობის და ცეცხლსასროლი იარაღის მართლსაწინააღმდეგო შეძენა-შენახვა-ტარების ფაქტებზე მიმდინარეობს. 

]]>
16-01-2017 14:00 +0400
გურიაში "ლიბერთი ბანკის" მომსახურების ცენტრი გაქურდეს http://rustavi2.com/ka/news/65592

ძარცვა ლანჩხუთის რაიონის სოფელ სუფსაში. გამოძიებისთვის დაუდგენელმა პირებმა, ლიბერთი ბანკის მომსახურების ცენტრი გაქურდეს. ცენტრი პოლიციის ოფისიდან 100 მეტრში მდებარეობს.

დაუზუსტებელი ინფორმაციით, 1100 ლარია წაღებულია. მიმდინარეობს გამოძიება.

]]>
16-01-2017 07:45 +0400
ბიზნესმენის ძმის მკვლელობის მოტივი ამ დრომდე უცნობია - საქმეზე თვითმხილველები დაკითხეს http://rustavi2.com/ka/news/65591

მთელი ღამის განმავლობაში კითხავდნენ შიდა ქართლის პოლიციის დეპარტამენტში იმ ორ თვითმხილველს, რომლებიც გორში მომხდარ მკვლელობას შეესწრნენ. ასევე გვიანობამდე მუშაობდნენ ექსპერტ კრიმინალისტები შემთხვევის ადგილზე.

მკვლელობა გორის ცენტრში გუშინ მოხდა. მოკლულია ბიზნესმენ ბორია გოგიჩაიშვილის ძმა. გურამ გოგიჩაიშვილი ნინო ბურჯანაძის პარტიის გორის ოფისში დემოკრატიული საქართველოს ერთ-ერთ წევრთან იყო მისული.

გავრცელებული ინფორმაციით, პირველად მას სწორედ ამ ოფისში ესროლეს, რის შემდეგაც გოგიჩაიშვილმა ტერიტორია დატოვა და ეზოში გაიქცა, სადაც ის საკონტროლო გასროლით მოკლეს. დამნაშავე კი ადგილიდან მიიმალა.

რა იყო მკვლელობის მოტივი, უცნობია. საგამოძიებო უწყება ჯერ-ჯერობით კონკრეტული პირის ბრალეულობაზე არ საუბრობს. ფაქტზე გამოძიება განზრახ მკვლელობის მუხლით დაიწყო.

]]>
16-01-2017 07:38 +0400
მკვლელობა საკონტროლო გასროლით - გორში ბიზნესმენ ბორია გოგიჩაიშვილის ძმა მოკლეს http://rustavi2.com/ka/news/65585

გურამ გოგიჩაიშვილს ცხედარი ექსპერტიზისათვის პროზექტურაში საღამოს გადაასვენეს. ბიზნესმენ ბორია გოგიჩაიშვილის ძმა წერეთლის ქუჩაზე სავარაუდოდ კრიმინალური გარჩევის შედეგად ჩაცხრილეს. მკვლელობის ზუსტი მოტივი ამ დრომდე უცნობია.

გარდაცვალებამდე გურამ გოგიჩაიშვილი სტუმრად ნინო ბურჯანაძის პარტიაში დემოკრატიული საქათველოს ერთ-ერთ წევრთან, ნუკრი ჯალაბაძესთან იყო. გავრცელებული ინფორმაციით პირველი გასროლაც სწორედ ამავე ოფისში მოხდა. მოგვიანებით გოგიჩაიშვილმა ტერიტორია დატოვა და ეზოში გაიქცა, სადაც ის საკონტროლო გასროლით მოკლეს. ჯალაბაძეს სამ თვითმხილველთან ერთად სამართალდამცველები ამ დრომდე კითხავენ.

გორის ცენტრში რამდენიმე გასროლის ხმა გაიგეს ადგილობრივებმა, თუმცა მკვლელის დანახვა ვერ შეძლეს. მათივე თქმით გოგიჩაიშვილი პარტიის ოფისში ხშირად იყო. ეს გოგიჩაიშვილების ოჯახში მკვლელობის უკვე მეორე შემთხვევაა. გურამ გოგიჩაიშვილის ერთ-ერთი ძმა რამდენიმე წლის წინ, რესტორანში შურისძიების ნიადაგზე მოკლეს.

გოგიჩაიშვილის მკვლელობის ადგილზე ექსპერტ-კრიმინალისტები ამ დრომდე მუშაობენ. უწყება ჯერჯერობით კონკრეტული პირის ბრალეულობაზე არ საუბრობს. ფაქტზე გამოძიება სისხლის სამართლის კოდექსის 108-ე მუხლით დაიწყო, რაც განზრახ მკვლელობას გულისხმობს.

ავტორები: თამთა დოლენჯაშვილი, იზო ჩუბინიძე.

]]>
15-01-2017 21:06 +0400
პრეზიდენტის სიძემ რესპუბლიკური საავადმყოფო დატოვა http://rustavi2.com/ka/news/65580

საქართველოს პრეზიდენტის სიძე რესპუბლიკური საავადმყოფოდან გაწერეს.

მინდია გოგოჭური და მისი მეგობარი მიხეილ თათრიშვილი 11 იანვარს ბალანჩივაძის ქუჩაზე ცეცხსასროლი იარაღით დაჭრეს. ორივე მათგანი სამართალდამცველებმა სავადმყოფოში დაკითხეს.

ბალანჩივაძის ქუჩაზე მომხდართან დაკავშირებით კი გამოძიება ჯანმრთელობის განზრახ ნაკლებად მძიმე დაზიანებასა და ცეცხლსასროლი იარაღის უკანონო შეძენა-შენახვა-ტარებას მუხლით მიმდინარეობს. შინაგან საქმეთა სამინისტროს ფაქტთან დაკავშირებით ამ დრომდე არავინ დაუკავებია. 

მინდია გოგოჭურმა რესპუბლიკური საავადმყოფოს მიმდებარე ტერიტორია კომენტარის გარეშე დატოვა.

]]>
15-01-2017 17:43 +0400
მკვლელობა გორში - ბურჯანაძის პარტიის წევრი დაკითხვაზეა გადაყვანილი http://rustavi2.com/ka/news/65579

გორის ცენტრში მომხდარ მკვლელობაზე ახალი დეტალები ხდება ცნობილი. ბიზნესმენ ბორია გოგიჩაიშვილის ძმა, გურამ გოგიჩაიშვილი საკონტროლო გასროლით მოკლეს. მას რამდენიმე ტყვია მუცელშიც აქვს მოხვედრილი. 

გურამ გოგიჩაიშვილს ნინო ბურჯანაძის პარტიის გორის ოფისის ეზოში ესროლეს. შემთხვევა მაშინ მოხდა, როდესაც ის პარტიის ერთ-ერთ წევრთან, ნუკრი ჯალაბაძესთან სტუმრად იმყოფებოდა. თვითმხილველების თქმით მას უცნობი პირი თავს დაესხა, გოგიჩაიშვილი ეზოში გაიქცა, სადაც ის მოკლეს.

როგორც ცნობილია მომხდარს მხოლოდ ბურჯანაძის პარტიის წევრი, ნუკრი ჯალაბაძე შეესწრო, რომელიც ამ დრომდე დაკითხვაზე იმყოფება. მასთან ერთად დაკითხვაზეა კიდევ 3 პირი, რომლებიც მიმდებარე ტერიტორიაზე იმყოფებოდნენ. 

ჯერჯერობით თავდამსხმელის სავარაუდო ვინაობას ვერავინ ვერ ასახელებს. მომხდარზე საქმე სისხლის სამართლის კოდექსის 108-ე მუხლით აღიძრა, რაც განზრახ მკვლელობას გულისხმობს. 

 

]]>
15-01-2017 16:39 +0400
ბიზნესმენ ბორია გოგიჩაიშვილის ძმა, გურამ გოგიჩაიშვილი ნინო ბურჯანაძის გორის ოფისის ეზოში მოკლეს http://rustavi2.com/ka/news/65574

გორში ცნობილი ბიზნესმენის ბორია გოგიჩაიშვილის ძმა, გურამ გოგიჩაიშვილი ნინო ბურჯანაძის ოფისის ეზოში მოკლეს. როგორც პარტიის წარმომადგენლები აცხადებენ, გოგიჩაიშვილს მათთან არანაირი კავშირი არ ჰქონია და უცნობია თუ რისთვის მივიდა გურამ გოგიჩაიშვილი ნინო ბურჯანაძის ოფისში. 

თვითმხილველების თქმით გოგიჩაიშვილს ოფისში შესვლისთანავე უცხო პირი დაედევნა და ბიზნესმენი ეზოში მოკლეს. 

ადგილზე ამ დრომდე მუშაობენ სამართალდამცველები. მოკლულის ცხედარი შემთხვევის ადგილიდან ამ დრომდე არ გადაუსვენებიათ. 

]]>
15-01-2017 15:18 +0400
გროზნოში ტერორიზმში ეჭვმიტანილი დააკავეს http://rustavi2.com/ka/news/65572

გროზნოში ტერორიზმში ეჭვმიტანილი დააკავეს, რომელმაც რამდენიმე დღის წინ ჩეჩნეთში ჩატარებული სპეცოპერაციის დროს მიმალვა მოახერხა.

ინფორმაცია იმრან დაცაევის დაკავების შესახებ თავად რესპუბლიკის ლიდერმა გაავრცელა. რამზან კადიროვის თქმით, ეჭვმიტანილი სამართალდამცველებმა სავაჭრო ცენტრის შესასვლელთან დააკავეს და ის ძალზე საშიში ტერორისტია.

ბოლო წლების განმავლობაში ყველაზე მასშტაბური სპეცოპერაცია ჩეჩნეთში 11 იანვარს ღამეს ჩატარდა. შეტაკების დროს 4 მებრძოლი მოკლეს, რომლებსაც დაჯგუფება ისლამურ სახელმწიფოსთან ჰქონდათ კავშირი, ერთი კი ცოცხლად აიყვანეს. დაიღუპა ორი სპეცრაზმელიც.

]]>
15-01-2017 15:10 +0400
შარტავას ქუჩაზე დაჭრილი ადამიანის გადარჩენა ექიმებმა ვერ მოახერხეს http://rustavi2.com/ka/news/65570

40 წლამდე ასაკის მამაკაცი, რომელიც ღამით თბილისის ცენტრში ცეცხლსასროლი იარაღიდან დაჭრეს დაიღუპა. შემთხვევა შარტავას ქუჩაზე მოხდა. დაჭრილს სასწრაფო ოპერაცია ჩაუტარდა, თუმცა მისი გადარჩენა ვერ მოხერხდა.

ქირურგის განცხადებით, პაციენტი კლინიკაში მასიური სისხლდანაკარგით მიიყვანეს, მიუხედავად ამისა ოპერაციის დასრულება ექიმებმა მოახერხეს. მამაკაცმა 4 ლიტრი სისხლი დაკარგა.

დღუპულის მეზობლების განცხადებით, გარდაცვლილი და დამნაშავე ერთ ეზოში ცხოვრობდნენ და შელაპარაკება ვალის გადაუხდელობის ნიადაგზე მოხდა. მკვლელმა მსხვერპლს ცეცხლსასროლი იარაღიდან ორჯერ ესროლა.

სისხლის სამართლის საქმე განზრახ მკვლელობის მუხლით არის აღძრული.

ავტორი: მარიამ გაფრინდაშვილი.

]]>
15-01-2017 14:55 +0400
გორის ცენტრში ბიზნესმენის ძმა ჩაცხრილეს http://rustavi2.com/ka/news/65568

გორში ბიზნესმენის ძმა ჩაცხრილეს. შემთხვევა ცოტა ხნის წინ მოხდა. ქალაქის ცენტრში წერეთლის ქუჩაზე, ერთ-ერთი გავლენიანი ოჯახის, გოგიჩაიშვილების წარმომადგენელი გურამ გოგიჩაიშვილი მოკლეს. მოკლულის ძმა გორში გავლენიანი პირი, ბორია გოგიჩაიშვილია. მას საკუთარი ბიზნესი და რამდენიმე ქარხანა აქვს.

ადგილზე მობილიზებული არიან სამართალდამცველები. მომხდარზე გამოძიება სისხლის სამართლის კოდექსის 108-ე მუხლით დაიწყო, რაც განზრახ მკვლელობას გულისხმობს. 

ეს გოგიჩაიშვილების ოჯახში მკვლელობის უკვე მეორე შემთხვეაა. მანამდე ერთ-ერთი ძმა რესტორანში მოკლეს. 

 

]]>
15-01-2017 14:22 +0400
პირველი ლედის ძმის, მიხეილ მგალობლიშვილის ადვოკატი დაკავებულის სახლიდან ამოღებული იარაღის შესახებ საუბრობს http://rustavi2.com/ka/news/65556

საქართველოს პირველი ლედის ძმის, მიხეილ მგალობლიშვილის ადვოკატი იმ დასკვნის გასაჩივრებას გეგმავს, რომელიც შსს-ს ექსპერტიზის ბიურომ დადო. დოკუმენტის თანახმად მიხეილ მგალობლიშვილის სახლიდან ამოღებული 3 იარაღიდან 2 ვარგისია, რასაც კატეგორიულად არ ეთანხმება მგალობლიშვილის დაცვის მხარე და ალტერნატიული ექსპერტიზის ჩატარებას გეგმავს. ადვოკატი ზაზა მიქატაძე ამოღებული იარაღის წარმომავლობაზეც საუბრობს და განმარტავს, რომ ისინი გარდაცვლილის მამას ეკუთვნოდა. 

„მისი გადმოცემით მას რამოდენიმე დღით ადრე გარდაეცვალა მამა, ოჯახის დალაგების დროს აღმოაჩინა, რომ ალბათ მამის დანატოვარი იყო ძველი იარაღი, მე დავარქმევ რკინის ნაჭრებს როგორც თვითონ უწოდებს, მოგეხსენებათ თვითონ არის მხატვარი, ხატავს ესკიზებს მის ნახატებში არაორიგინალურად არის სხვადასხვა ნივთები გამოყენებული. მისი გადმოცემით უნდოდა რომ დაეხატა ეს ესკიზები და იარაღიც გამოეყენებინა ამ მხატვრობაში. ის ვერ წარმოიდგენდა თუ ეს იქნებოდა ამ იარაღიდან შეიძლებოდა გასროლა მომხდარიყო,"-განაცხადა მიქატაძემ.

რაც შეეხება კიდევ ერთ იარაღს, რომელიც როგორც ცნობილია მგალობლიშვილის პირადი ჩხრეკისას აღმოაჩინეს, ადვოკატი ადასტურებს, რომ ისიც დაკავებულს ეკუთვნოდა.

„ამას ხსნის იმით რომ ის იმყოფებოდა სახლში, მას სჭირდებოდა ტელეფონზე ფულის შეტანა, გავიდა სახლიდან მოიცვა ქურთუკი და თვითონ არც იცოდა, აღმოაჩნდა რომ შიგნით იარაღი იყო, ადასტურებს რომ ეს ნივთები არის მისი,“-აცხადებს ზაზა მიქატაძე.

მიხეილ მგალობლიშვილის ადვოკატი რამდენიმე საათში სააპელაციო სასამართლოსაც მიმართავს და პირველი ლედის ძმისთვის აღკვეთის ღონისძიების სახით პატიმრობის შეფარდებას გააპროტესტებს.

ავტორი:მარიამ გაფრინდაშვილი.

]]>
15-01-2017 11:55 +0400
პრეზიდენტის სიძე მასზე მომხდარი თავდასხმის შემდეგ პირველ კომენტარს აკეთებს http://rustavi2.com/ka/news/65549

მინდია გოგოჭურსა და მის მეგობარს რესპუბლიკური საავადმყოფოდან ხვალ გამოწერენ.

გამოძიება კი ამ დრომდე განზრახ მკვლელობის მცდელობისა და იარაღის უკანონო შეძენა-შენახვის მუხლებით მიმდინარეობს და სამართალდამცავებს ჯერჯერობით არავინ დაუკავებიათ.

მინდია გოგოჭურმა დღეს პირველი სატელევიზიო კომენტარი გააკეთა. მისი თქმით, გამომძიებელი დაკითვის მიზნით საავადმყოფოში შემთხვევის პირველივე დღეს მივიდა.

მინდია გოგოჭურის მეგობარმა კი პროკურატურაში ჩვენების მიცემის დეტალებზე კურიერთან არ ისაუბრა.

რესპუბლიკური საავადმყოფოს ექიმის განცხადებით, ორივე პაციენტის ჯანმრთელობის მდგომარეობა დამაკმაყოფილებელია, თუმცა მკურნალობა გაწერის შემდეგაც გაგრძელდება.

რამდენიმე დღის წინ ბალანჩივაძის ქუჩაზე გოგოჭურსა და თათრიშვილს უცნობმა პირებმა ცეცხლი გაუხსნეს.

ავტორი: მარიკა გოცირიძე. 

]]>
14-01-2017 21:11 +0400
სანტა-კლაუსის ფორმით სავალუტო ჯიხურის დაყაჩაღებისთვის 25 წლის კაცი დააკავეს http://rustavi2.com/ka/news/65508

შსს-ს აჭარის პოლიციის დეპარტამენტის ბათუმის საქალაქო სამმართველოს თანამშრომლებმა, ჩატარებული ოპერატიულ-სამძებრო და საგამოძიებო ღონისძიებების შედეგად, 1991 წელს დაბადებული ჯ.მ., ყაჩაღობის ბრალდებით, სასამართლოს განჩინების საფუძველზე დააკავეს.

ამის შესახებ ინფორმაციას შსს ავრცელებს, სადაც ნათქვამია, რომ 2016 წლის 31 დეკემბერს, ღამით, სანტა-კლაუსის ფორმაში გამოწყობილი ბრალდებული ბათუმში, სუპერმარკეტში მდებარე ვალუტის გადამცვლელ ჯიხურში შეიჭრა და სათამაშო იარაღის მუქარით 8 820 ლარი გაიტაცა.

სამართალდამცველებმა ჯ.მ. ბათუმში დააკავეს. ბრალდებული ჩადენილ დანაშაულს აღიარებს.

გამოძიება დიდი ოდენობით ნივთის დაუფლების მიზნით ჩადენილი ყაჩაღობის ფაქტზე მიმდინარეობს.

]]>
14-01-2017 10:04 +0400
ავტოკატასტროფა ხაშურში - დაიღუპა 3 ადამიანი, ერთი სასულიერო პირია http://rustavi2.com/ka/news/65418

ავტოკატასტროფა ხაშურის რაიონში, სოფელ ალთან მსუბუქი ავტომობილების შეჯახების შედეგად სამი ადამიანი დაიღუპა, მათ შორის სასულიერო პირი, არასრულწლოვანი და ქალბატონია. ასევე არის 4 დაშავებული. ამის შესახებ შემთხვევის ადგილიდან კურიერის კორესპონდენტი იუწყება. 

დაშავებულები ხაშურის საავადმყოფოდან უკვე თბილისის კლინიკებში გადაიყვანეს. როგორც თვითმხილველებმა ჟურნალისტებს განუცხადეს, ერთმანეთს მერსედესის მარკის ავტომობილი და ნივა შეეჯახა.

ფოტო არქივიდან

 

 

]]>
12-01-2017 18:36 +0400
მუქარა ლომბარდის მფლობელზე და შსს-ს განცხადება http://rustavi2.com/ka/news/65411

შინაგან საქმეთა სამინისტრო ინდოეთის მოქალაქის დაყაჩაღებასა და მიკროსაფინანსო ორგანიზაცია გირო კრედიტთან დაკავშირებით განცხადებას ავრცელებს. განცხადებაში აღნიშნულია, რომ გამოძიება საქართველოს სისხლის სამართლის კოდექსის 179-ე მუხლით მიმდინარეობს.

"შინაგან საქმეთა სამინისტროს თბილისის პოლიციის დეპარტამენტის ვაკე-საბურთალოს სამმართველოს მე-7 განყოფილებამ მიმდინარე წლის 10 იანვარს დაიწყო გამოძიება ინდოეთის მოქალაქის - გ.მ.-ს დაყაჩაღების ფაქტზე, საქართველოს სისხლის სამართლის კოდექსის 179-ე მუხლით.

დაზარალებულის განმარტებით, დანაშაულის ჩამდენი პირი მას თბილისში, ალექსანდრე ყაზბეგის გამზირის N31-ში მდებარე შპს „მიკროსაფინანსო ორგანიზაცია გირო კრედიტის“ ლომბარდში შეჰყვა, სადაც გ.მ.-მ 100 აშშ დოლარი შესაბამისი ოდენობის ლარზე გადაცვალა. გამოსვლისას უცნობმა პირმა დანის მუქარით გ.მ.-ს ფული მოსთხოვა და შემთხვევის ადგილიდან მიიმალა.

მომხდარის შესახებ დაზარალებულმა პოლიციას შეატყობინა. სამართალდამცველებმა შეტყობინების შემოსვლისთანავე მოახდინეს ოპერატიული რეაგირება. გამოკითხვისას გ.მ.-მ დეტალურად აღწერა, სავარაუდოდ, დამნაშავე პირი და აღნიშნა, რომ უცნობი მამაკაცი მას მიკროსაფინანსო ორგანიზაციიდან გამოჰყვა.

პოლიცია ტელეფონის საშუალებით დაუკავშირდა შპს-ს „მიკროსაფინანსო ორგანიზაცია გირო კრედიტის“ დირექტორს - გ.გ.-ს და კანონის შესაბამისად, საგამოძიებო მოქმედებების ფარგლებში, სათვალთვალო ვიდეოკამერების ჩანაწერების გადმოცემა სთხოვა, რაზეც გ.გ.-მ უარი განაცხადა.

ამის შემდეგ სამართალდამცველებმა ვითარების უკეთ ასახსნელად გ.გ.-ს საცხოვრებელ ბინაში მიაკითხეს. ალკოჰოლის ზემოქმედების ქვეშ მყოფი გ.გ. პოლიციელებს სადარბაზოში შეხვდა. იგი სამართალდამცველებს ცინიკურად ესაუბრებოდა და ჩანაწერების გადაცემაზე უარს აცხადებდა. პოლიციელებმა გ.გ.-ს წარუდგინეს პროკურორის დადგენილება - „გადაუდებელი აუცილებლობიდან გამომდინარე კომპიუტერულ სისტემაში არსებული ინფორმაციის გამოთხოვის შესახებ“ და აუხსნეს, რომ მათი მოთხოვნა სრულიად კანონიერი იყო. ასევე, განუმარტეს, რომ საგამოძიებო მოქმედებასთან დაკავშირებით პრეტენზიის არსებობის შემთხვევაში, შეეძლო, გაესაჩივრებინა იგი ზემდგომ პროკურორთან ან ედავა სასამართლოში.

მიუხედავად ამისა, გ.გ. არ დაემორჩილა სამართალდამცველთა კანონიერ მოთხოვნას და არ მისცა მათ საშუალება, განეხორციელებინათ საგამოძიებო მოქმედებები. გ.გ.-ს და მისი ოჯახის წევრების მხრიდან ადგილი ჰქონდა პოლიციის თანამშრომელთა მიმართ აგრესიას და სიტყვიერ შეურაცხყოფას. მიუხედავად სამართალდამცველთა მხრიდან არაერთგზის მოწოდებისა, რომ გ.გ.-სა და მის ოჯახის წევრებს შეეწყვიტათ აგრესიული და შეურაცხმყოფელი ქმედება, ისინი არ დაემორჩილნენ პოლიციელთა კანონიერ მოთხოვნას.

ზემოაღნიშნულიდან გამომდინარე, შსს-ს თბილისის პოლიციის დეპარტამენტის ვაკე-საბურთალოს სამმართველოს მე-7 განყოფილების თანამშრომლებმა გ.გ. ადმინისტრაციული წესით დააკავეს, საქართველოს ადმინისტრაციულ სამართალდარღვევათა კოდექსის 173-ე მუხლის თანახმად და ვაკე-საბურთალოს სამმართველოს მე-7 განყოფილებაში მიიყვანეს. დაკავებული პოლიციის განყოფილებაში სიმთვრალე-სიფხიზლეზე შემოწმდა, რა დროსაც ალკოჰოლური თრობა დაუდგინდა. შესაბამისი პროცედურების შემდეგ, გ.გ. თბილისის დროებითი მოთავსების იზოლატორში გადაიყვანეს. მეორე დღეს იგი გადაყვანილი იქნა თბილისის საქალაქო სასამართლოში, სადაც მის მიმართ მიმდინარეობს ადმინისტრაციული სამართალწარმოება.

შპს „მიკროსაფინანსო ორგანიზაცია გირო კრედიტის“ დირექტორის - გ.გ.-ს ოჯახის წევრმა პოლიციას ლომბარდში არსებული სათვალთვალო ვიდეოკამერების ჩანაწერები გადასცა, რის შედეგადაც მოხდა სავარაუდო დამნაშავის ვიზუალური იდენტიფიცირება. ამ დროისთვის აღნიშნული პირის დადგენა-დაკავების მიზნით მიმდინარეობს ინტენსიური საგამოძიებო მოქმედებები.

კიდევ ერთხელ განვმარტავთ, რომ დანაშაულის პრევენციისთვის, ასევე, საგამოძიებო მოქმედებების ოპერატიულად განხორციელების მიზნით, აუცილებელია მტკიცებულებების დროულად შეგროვება და რეაგირება. მოვუწოდებთ მოქალაქეებს, ითანამშრომლონ გამოძიებასთან და ნუ შეუშლიან ხელს პოლიციას დანაშაულის წინააღმდეგ ბრძოლაში" - ნათქვამია შსს-ს მიერ გავრცელებულ განცხადებაში. 

]]>
12-01-2017 17:23 +0400
შსს-მ პოლიციელის დაჭრის ბრალდებით 3 პირი დააკავა http://rustavi2.com/ka/news/65394

ცინცაძის ქუჩაზე პოლიციელის დაჭრის ფაქტიდან რამდენიმე საათში შინაგან საქმეთა სამინისტრომ 3 პირი დააკავა.

როგორც რუსთავი 2-ს შსს-ში განუცხადეს, გამოძიებას პროკურატურა აწარმოებს. გამოძიების დეტალების შესახებ პროკურატურას ინფორმაცია ჯერ არ გაუვრცელებია.

დაჭრის ფაქტი გვიან ღამით მოხდა, პოლიციელს ჭრილობა ცივი იარაღით მიაყენეს. დაზარალებული ქვეყნის რესპუბლიკურ საავადმყოფოში გადაიყვანეს.

დაშავებულ პოლიციელს გადაუდებელი ოპერაცია რესპუბლიკურ საავადმყოფოში ჩაუტარდა. 

]]>
12-01-2017 13:30 +0400
"გირო კრედიტის" დამფუძნებელმა მთავარ პროკურატურას მიმართა http://rustavi2.com/ka/news/65392

გირო კრედიტის დამფუძნებელმა გამოძიების დაწყების მოთხოვნით დღეს მთავარ პროკურატურას მიმართა.

გიორგი გუგუმბერიძე სამართალდამცველებს ძალადობასა და მის უკანონოდ დაკავებაში ადანაშაულებს. დაზარალებული კანონდამრღვევი პოლიციელების პასუხისგებაში მიცემას და გამოძიების დასრულებამდე მათი თანმდებობიდან გადაყენებას ითხოვს.

გირო კრედიტის დამფუძნებლის უფლებების დამცველები აცხადებენ, რომ გამოძიება არაადამიანური მოპყრობისა და განზრახ უკანონო დაკავების მუხლებით უნდა დაიწყოს. ისინი რეაგირებისკენ მოუწოდებენ პერსონალურ მონაცემთა დაცვის ინსპექტორსაც.

გუგუმბერიძის განცხადებით, ჩანაწერები ნებართვის გაცემამდე 3 საათით ადრე ამოიღეს.

„მოხდა დანაშაული, მათ სურდათ ამოეღოთ ჩანაწერები ნებართვის გარეშე. ამოიღეს კიდევაც ჩანაწერები, მაგრამ მაშინაც არ ჰქონდათ ნებართვა. ნებართვა მოიტანეს დაახლოებით დილის 05:00 საათზე. მე მქონდა საუბარი პროკურორთან, რომელმაც დამიდასტურა, რომ გადაწყვეტილება კამერების ამოღებასთან დაკავშირებით გასცა დილის 05:00 საათზე, ხოლო ჩანაწერები ამოიღეს ღამის ორ საათზე,“ - აცხადებს გიორგი გუგუმბერიძე.

]]>
12-01-2017 12:44 +0400
შეიარაღებული თავდასხმა პრეზიდენტის სიძეზე - ინტერვიუები თვითმხილველებთან http://rustavi2.com/ka/news/65384

პრეზიდენტის სიძეზე განხორციელებული თავდასხმის შესახებ ოფიციალური განცხადება ამ დრომდე არ ვრცელდება, თუმცა ერთ-ერთი ვერსიით მომხდარს წინ უძღვოდა დაპირისპირება გოგოჭურს, მის მეგობარ თათრიშვილსა და რამდენიმე ადამიანს შორის, რის შემდეგაც გოგოჭური მიხეილ თათრიშვილთან ერთად ბალანჩივაძის ქუჩაზე გაემგზავრა, სადაც მათ ესროლეს.

როგორც ცნობილია სწორედ ამ მისამართზე ცხოვრობს მინდია გოგოჭურის მეგობარი მიხეილ თათრიშვილი. მანქანას, რომელშიც ისინი ისხდნენ ტყვიების კვალი ეტყობა. საგამოძიებო მოქმედებები მთელი რამის განმავლობაში მიმდინარეობდა, თუმცა ამ ეტაპზე სამართალდამცველებმა ბალანჩივაძის ქუჩა დატოვეს.

მომხდარს იხსენებენ თვითმხილველებიც.

„სროლა გავიგე დაახლოებით 9 საათზე, ზედიზედ იყო რამოდენიმე გასროლის დმა, სადღესასწაულო ფეიერვერკებს მივამსგავსე და აღმოჩნდა რომ აქ მომხდარა,“-აცხადებს ერთ-ერთი თვითმხილველი.

გოგოჭურზე მომხდარი თავდასხმის დროს კიდევ რამდენიმე მანქანა დაზიანდა, რომლებიც შემთხვევის ადგილზე იდგნენ.

„ანაზღაურების თემაზე ვაპირებ საუბარს და იმედია რომ კომპენსაცია იქნება. მე როგორც ვიცი პრეზიდენტის სიძე თავად არის დაზარალებული და შესაბამისად ვინც ესროლა პრეტენზია იმასთან იქნება, ვინც ტყვია მოახვედრა მანქანას“- აცხადებს დაზიანებული მანქანის პატრონი. 

მინდია გოგოჭური მედიის ყურადღების ცენტრში პირველად 2016 წლის ივლისში  მოექცა, როდესაც პრეზიდენტმა სკანდალური განცხადება გააკეთა და აღნიშნა, რომ მის სიძეზე ზეწოლა ხორციელდებოდა. მაშინ მარგველაშვილმა საგანგებო ბრიფინგზე პირველად გააჟღერა ინფორმაცია იმის შესახებ, რომ ივნისში გოგოჭურის სახლში ჩხრეკა ჩატარდა.

მომხდარზე გამოძიება სამსახურეობრივი უფლებამოსილების გადამეტების მუხლით მიმდინარეობდა. გოგოჭური პროკურატურაში გამოკითხვაზეც იმყოფებოდა. როგორც პრეზიდენტის სიძის ადვოკატი აცხადებდა, გოგოჭურის სახლში ჩხრეკის ჩატარებისას სამართალდამცველებმა უხეში დარღვევები განახორციელეს და ადგილი ჰქონდა კანონის უგულვებელყოფას. 

]]>
12-01-2017 12:17 +0400
პრეზიდენტის სიძე და მისი მეგობარი რესპუბლიკურ საავადმყოფოს 3-4 დღეში დატოვებენ - ექიმის პირველი კომენტარი http://rustavi2.com/ka/news/65380

მინდია გოგოჭური და მისი მეგობარი მიხეილ თათრიშვილი რესპუბლიკურ საავადმყოფოს 3-4 დღეში დატოვებენ. როგორც მათი მკურნალი ექიმი, ნიკოლოზ კვაჭაძე რუსთავი 2-თან საუბრისას აცხადებს, ორივე პაციენტის ჯანმრთელობის მდგომარეობა დამაკმაყოფილებელია და მათ ჩაუტარდათ ყველა საჭირო სამედიცინო პროცედურა.

კვაჭაძის თქმით პრეზიდენტის სიძესთან და მის მეგობართან ჯერჯერობით არ ყოფილან სამართალდამცველები.

შეგახსენებთ, რომ მინდია გოგოჭური და მისი მეგობარი გუშინ გვიან ღამით ბალანჩივაძის ქუჩაზე ცეცხლსასროლი იარაღით დაჭრეს.

მინდია გოგოჭური მედიის ყურადღების ცენტრში პირველად 2016 წლის ივლისში  მოექცა, როდესაც პრეზიდენტმა სკანდალური განცხადება გააკეთა და აღნიშნა, რომ მის სიძეზე ზეწოლა ხორციელდებოდა. მაშინ მარგველაშვილმა საგანგებო ბრიფინგზე პირველად გააჟღერა ინფორმაცია იმის შესახებ, რომ ივნისში გოგოჭურის სახლში ჩხრეკა ჩატარდა.

მომხდარზე გამოძიება სამსახურეობრივი უფლებამოსილების გადამეტების მუხლით მიმდინარეობდა. გოგოჭური პროკურატურაში გამოკითხვაზეც იმყოფებოდა. როგორც პრეზიდენტის სიძის ადვოკატი აცხადებდა, გოგოჭურის სახლში ჩხრეკის ჩატარებისას სამართალდამცველებმა უხეში დარღვევები განახორციელეს და ადგილი ჰქონდა კანონის უგულვებელყოფას. 

]]>
12-01-2017 11:50 +0400
ცუდია როდესაც ახალგაზრდა ადამიანზე ხდება თავდასხმა, ველოდებით გამოძიებას - ეკა მიშველაძე მინდია გოგოჭურის დაჭრაზე საუბრობს http://rustavi2.com/ka/news/65379

საქართველოს პრეზიდენტის პრესსპიკერი ეკა მიშველაძე მარგველაშვილის სიძეზე, მინდია გოგოჭურზე მომხდარ თავდასხმას აფასებს და აცხადებს, რომ ამ ეტაპზე წინასწარ რაიმე ვერსიაზე საუბარი არ შეიძლება.

„ძალიან ცუდია როდესაც ახალგაზრდა ადამიანზე ხდება თავდასხმა, თუმცა მიმდინარეობს გამოძიება და ველოდებით გამოძიების დასასრულს და ძალიან დიდი იმედი გვაქვს, რომ იქნება ეს ყველაფერი ეფექტური,“-განაცხადა ეკა მიშველაძემ.

]]>
12-01-2017 11:39 +0400
პრეზიდენტის სიძე ფეხშია დაჭრილი - გოგოჭური და მისი მეგობარი მკურნალობას რესპუბლიკურ საავადმყოფოში განაგრძობენ http://rustavi2.com/ka/news/65378

პრეზიდენტის სიძე მინდია გოგოჭური ფეხშია დაჭრილი. გოგოჭური და მისი მეგობარი მიხეილ თათრიშვილი ამ ეტაპზე მკურნალობას რესპუბლიკური საავადმყოფოს მულტიპროფილურ განყოფილაბაში განაგრძობენ. ისინი ერთ პალატაში არიან მოთავსებული. 

როგორც დღეს რუსთავი 2-თან საუბრისას რესპუბლიკური საავადმყოფოს პრესსამსახურმა განაცხადა, დაჭრილებს უკვე ჩაუტარდათ ყველა გადაუდებელი საჭირო ღონისძიება და მათ სიცოცხლეს საფრთხე არ ემუქრებათ.

დამატებითი დეტალები გოგოჭურის ოჯახის მოთხოვნით ამ დრომდე არ ხმაურდება, შესაბამისად ექიმებიც კომენტარს ჯერჯერობით არ აკეთებენ.

]]>
12-01-2017 11:14 +0400
მდგომარეობა სტაბილურია - ბოლო ინფორმაცია პრეზიდენტის სიძის ჯანმრთელობის მდგომარეობის შესახებ http://rustavi2.com/ka/news/65376

პრეზიდენტის სიძე მინდია გოგოჭური და მისი მეგობარი მკურნალობას რესპუბლიკურ საავადმყოფოში განაგრძობენ და მათი ჯანმრთელობის მდგომარეობა სტაბილურია. ინფორმაცია ცოტა ხნის წინ რუსთავი 2-ს რესპუბლიკურ საავადმყოფოში დაუდასტურეს.

"ამ ეტაპზე მდგომარეობა სტაბილურია და მათ სიცოცხელს საფრთხე არ ემუქრებათ,"-განაცხადა რესპუბლიკური საავადმყოფოს პრესსამსახურის უფროსმა.

რესპუბლიკურ საავადმყოფოში აცხადებენ, რომ ოჯახს დამატებითი დეტალების გამჟღავნება ჯერ არ სურს, შესაბამისად უცნობი რჩება მომხდარის დეტალები და დაჭრილების შესახებ დაწვრილებითი ინფორმაცია.

შეგახსენებთ, რომ პრეზიდენტის სიძე მინდია გოგოჭური და მისი მეგობარი გუშინ ღამით ბალანჩივაძის ქუჩაზე დაჭრეს.

 

]]>
12-01-2017 09:55 +0400
პრეზიდენტის სიძესთან ერთად დაჭრილია მისი მეგობარიც http://rustavi2.com/ka/news/65365

თბილისში, ბალანჩივაძის ქუჩაზე, პრეზიდენტის სიძესთან, მინდია გოგოჭურთან ერთად დაჭრეს მისი მეგობარიც. ინფორმაცია ამის შესახებ რუსთავი 2-ს შს სამინისტროს საზოგადოებასთან ურთიერთობის სამსახურში დაუდასტურეს და განუცხადეს, რომ ამ შემთხვევაშიც ძიება სისხლის სამართლის კოდექსის 118-ე და 236-ე მუხლებით დაიწყო, რაც ჯანმრთელობის განზრახ ნაკლებად მძიმე დაზიანებასა და ცეცხლსასროლი იარაღის უკანონო შეძენა-შენახვა-ტარებას გულისხმობს.
 
დაშავებულები რესპუბლიკურ საავადმყოფოში არიან მოთავსებული, თუმცა მათი ჯანმრთელობის მდგომარეობის შესახებ კომენტარს ექიმები არ აკეთებენ. 
 
შეგახსენებთ, რომ საქართველოს პრეზიდენტის, გიორგი მარგველაშვილის სიძე, მინდია გოგოჭური დღეს საღამოს ბალანჩივაძის ქუჩაზე დაჭრეს. მას, სავარაუდოდ, ცეცხლსასროლი იარაღიდან ერთი ტყვია აქვს მოხვედრილი.

შემთხვევის ადგილზე ამ დრომდე ექსპერტ-კრიმინალისტები და გამომძიებლები მუშაობენ. გადაკეტილია მიმდებარე ტერიტორია.

შინაგან საქმეთა სამინისტრომ გამოძიება მომხდართან დაკავშირებით სისხლის სამართლის კოდექსის 2 მუხლით უკვე დაიწყო.

 

ფოტო: არქივიდან 

 

]]>
12-01-2017 02:24 +0400
საბურთალოზე პოლიციელი დაჭრეს - ძიება მკვლელობის მცდელობის მუხლით დაიწყო http://rustavi2.com/ka/news/65364

შინაგან საქმეთა სამინისტროს თანამშრომელი დაჭრეს, გვიან ღამით თბილისში,  ცინცაძის ქუჩაზე, როგორც შემთხვევის ადგილიდან, კურიერის კორესპდენტი იუწყება პოლიციელს ჭრილობა ცივი იარაღით აქვს მიყენებული.

დაზარალებული ქვეყნის რესპუბლიკურ საავადმყოფოშია გადაყვანილი. მომხდარზე გამოძიება, თბილისის პროკურატურამ განზრახ მკვლელობის მცდელობის მუხლით დაიწყო.

დაშავებულ პოლიციელს გადაუდებელი ოპერაცია რესპუბლიკურ საავადმყოფოში უტარდება. ექიმებს მისი ჯანმრთელობის მდგომარეობის შესახებ კომენტარი ჯერ არ გაუკეთებიათ. 

 

 

ფოტოზე: რესპუბლიკური საავადმყოფოში დაჭრილი პოლიციელის შეყვანა

ავტორი -  ნინო ვარძელაშვილი - რუსთავი 2

 

]]>
12-01-2017 01:38 +0400
შსს ბალანჩივაძის ქუჩაზე მომხდარი თავდასხმის ფაქტს ადასტურებს http://rustavi2.com/ka/news/65362

საქართველოს პრეზიდენტის სიძის, მინდია გოგოჭურის დაჭრის ფაქტთან დაკავშირებით შინაგან საქმეთა სამინისტრომ გამოძიება, სისხლის სამართლის კოდექსის 118 ჯანმრთელობის განზრახ ნაკლებად მძიმე დაზიანების და 236, იარაღის უკანონოდ შეძენა შენახვა ტარების მუხლებით დაიწყო, ამის შესახებ რუსთავი 2 შს სამინსიტროს საზოგადოებასთან ურთიერთობის დეპარტამენტში განუცხადეს. 

საქართველოს პრეზიდენტის სიძეს გავრცელებული ინფორმაციით ცეცხლასასროლი იარაღიდან ესროლეს შემთხვევა, დღეს საღამოს იოსელიანის ქუჩაზე მოხდა. ვრცლად ინფორმაცია იხილეთ ამ ბმულზე. 

 

 

 

]]>
11-01-2017 23:01 +0400
პრეზიდენტის სიძე დაჭრეს http://rustavi2.com/ka/news/65361

პრეზიდენტის სიძე დაჭრეს, შემთხვევა ბალანჩივაძის ქუჩაზე მოხდა, ამის შესახებ შემთხვევის ადგილიდან კურიერის კორესპონდენტი იუწყება. სამართალდამცველებს მიმდებარე ტერიტორია გადაკეტილი აქვთ, ადგილზე საპატრულო პოლიციის ეკიპაჟები და ექსპერტ კრიმინალისტები მუშაობენ. მინდია გოგოჭური ქვეყნის რესპუბლიკური საავადმყოფოს გადაუდებელი სამედიცინო დახმარების ცენტრშია გადაყვანილი. კურიერის გადამღები ჯგუფი ადგილზე მუშაობს. ვრცლად დეტალები ჩვენს ვებ გვერდზე rustavi2.com 

 

 

 ფოტო შემთხვევის ადგილიდან, ავტორი მარიამ გაფრინდაშვილი 

]]>
11-01-2017 22:49 +0400
პატიმრისთვის ნარკოტიკული საშუალების გადაცემის მცდელობის ფაქტზე ერთი პირი დააკავეს http://rustavi2.com/ka/news/65318

სასჯელაღსრულებისა და პრობაციის სამინისტროს საგამოძიებო დეპარტამენტმა პენიტენციურ დაწესებულებაში მოთავსებული პირისთვის ნარკოტიკული საშუალების გადაცემის მცდელობის ფაქტზე ერთი პირი დააკავა. ამის შესახებ სასჯელაღსრულებისა და პრობაციის სამინისტრომ განცხადება გაავრცელა.

„დაკავებულია მოქალაქე ნ.ჭ, რომელიც N2 პენიტენციურ დაწესებულებაში მოთავსებული ბრალდებულის ს.შ-სთვის ამანათის შეგზავნის მიზნით დაწესებულების საამანათო განყოფილებაში მივიდა. შესაბამისი შემოწმებისას აღმოჩნდა, რომ მის მიერ წარდგენილ ს.შ-სთვის განკუთვნილ ტანსაცმელში მალულად იყო ჩაკერებული ვერცხლისფერ ქაღალდში შეხვეული ორი ცალი პოლიეთილენის პაკეტი, რომლებშიც მოთავსებული იყო 0.046141 გრამი ნარკოტიკული საშუალება „ჰეროინი". ნ.ჭ. ადგილზე დააკავეს,“- ნათქვამია განცხადებაში. 

]]>
11-01-2017 12:50 +0400
ალაბამაში ბანკზე თავდამსხმელი დააკავეს, რომელსაც მძევლები ჰყავდა აყვანილი http://rustavi2.com/ka/news/65304

შეერთებული შტატების პოლიციამ შეიარაღებული პირი დააკავა, რომელსაც ქალაქ ტუსკალუზასში, საფინანსო დაწესებულების განყოფილების შენობაში მძევლები ჰყავდა აყვანილი.

ადგილობრივი მედიის მიერ გავრცელებული ინფორმაციით, შენობაში სულ 8 ადამიანი იმყოფებოდა.

რამდენიმე საათიანი მოლაპარაკებების შემდეგ, სამართალდამცველები შენობაში შეიჭრნენ და დამნაშავე დააკავეს.

სპეცოპერაციის შედეგად არავინ დაშავებულა. წინასწარი ინფორმაციით, მძევლების აყვანის მოტივი საფინანსო დაწესებულების ძარცვა იყო.

]]>
11-01-2017 09:04 +0400