RUSTAVI2 Rustavi2 TV News Portal RSS Feed Rustavi2 Broadcasting Company http://rustavi2.com/ სპეცოპრაცია სტამბულში - დაკავებულია პირი, რომელმაც ღამის კლუბში 39 ადამიანის მოკლა http://rustavi2.com/ka/news/65684

სპეცოპერაცია მიმდინარეობს, თურქეთის ქალაქ სტამბულში. თურქული მედიის ინფორმაციით დაკავებულია, პირი, რომელმაც ახალი წლის ღამეს, სტამბულის ღამის კლუბში reina 39 ადამიანი მოკლა და 69 დაჭრა. 

თურქი სამართალდამცველების მტკიცებით, დაკავებული უზბეკეთიდანაა. აბდულგადირ მაშარიპოვის დაკავების ოპერაცია სტამბულის ესენიურტის რაიონში მიმდინარეობს. თურქული მედია წერს, რომ ტერაქტში ეჭვმიტანილი მეგობართან იმალებოდა და მაშარიპოვი საცხოვრებელ სახლში დააკავეს. 

შეგახსენებთ, რომ სტამბულის ღამის კლუბზე თავდასხმაზე პასუხისმგებლობა "ისლამურმა სახელმწიფომ" აიღო და დაკავებულიც სავარაუდოდ ამ დაჯგუფების წევრია. 

თავდასხმა სტამბულის ყველაზე პრესტიჟულ ღამის კლუბზე 31 დეკემბრის ღამეს მოხდა. 

 

 

 

 

]]>
17-01-2017 03:08 +0400
არასამთავრობოები შსს-ს დანაშაულის სტატისტიკის როგორც მინიმუმ კვარტალში ერთხელ გამოქვეყნებას ურჩევს http://rustavi2.com/ka/news/65664

არასამთავრობო ორგანიზაციების წარმომადგენელთა აზრით, კრიმინალის ზრდასთან, დანაშაულის სტატისტიკასთან და მეთოდოლოგიასთან დაკავშირებით კითხვის ნიშნები არსებობს.

სამოქალაქო სექტორი შსს-ს მოუწოდებს სამ თვეში მაინც გამოაქვეყნოს დანაშაულის სტატისტიკა. გიორგი მშვენიერაძის განცხადებით, წინააღმდეგ შემთხვევაში, საზოგადოებაში ჩნდება განცდა, რომ ქვეყანაში კიდევ უფრო მეტი დანაშაული ხდება.

„მიუხედავად იმისა, რომ 2016 წლის 9 თვის მონაცემებით შეგვიძლია ვთქვათ, რომ გარკვეულწილად მომატებული არის დანაშაული, გადაჭრით, ამისი თქმა არის ძალიან რთული გამომდინარე იქიდან, რომ შსს არ აქვეყნებს დანაშაულის შესახებ სტატისტიკას ჯეროვნად. ჩვენ გვახსოვს მინისტრის განცხადება, რომ კანონი მას არ ავალდებულებს რომ გამოაქვეყნოს ეს ინფორმაცია რეგულარულად. მიუხედავად ამისა, ჩვენი რეკომენდაცია არის ის, რომ შსს-მ სულ მცირე კვარტალურად გამოაქვეყნოს დანაშაულის შესახებ სტატისტიკა,“ - განაცხადა IDFI-ის ანტიკორუფციული მიმართულების ხელმძღვანელმა, საბა ბუაძემ. 

ავტორი: ნინო სამყურაშვილი.

]]>
16-01-2017 19:13 +0400
ორგანიზებული დანაშაული, საკმაოდ მოთოკილია საქართველოში - გია ვოლსკი http://rustavi2.com/ka/news/65663

ქართულ ოცნებაში ფიქრობენ, რომ ქვეყანაში კრიმინოგენური სიტუაცია არ დამძიმებულა. უმრავლესობის წევრები ოპოზიციის ბრალდებებს პასუხობენ.

„ბრალდებები ყოველთვის იქნება, დემაგოგია მოგონილია ამ ადამიანების, რომლებიც ნებისმიერ დროს ნებისმიერ საკითხზე იტყვიან, რომ კრიმინალი იზრდება. დანაშაულების რაოდენობა სამწუხაროდ, მომატებულია ამ პერიოდში, სტატისტიკა საერთოდ არ არსებობდა, რასაც უნდოდათ იმას აჩვენებდნენ. ახლა სტატისტიკა არსებობს, გაკეთდა სტატისტიკა და იქნება შედარებებიც. ღიაა ინფორმაცია საზოგადოებისთვის. კრიმინალი, როგორც ასეთი, ორგანიზებული დანაშაული, საკმაოდ მოთოკილია საქართველოში,“ - განაცხადა გია ვოლსკიმ.

ქართულ ოცნებაში ასევე აცხადებენ, რომ ოპოზიციის მიერ დასახელებული ბრალდებები უსაფუძვლოა. ზვიად ძიძიგურის აზრით, ოპოზიციას  საქსტატის ციფრებთან მიმართებაში ორმაგი სტანდარტების აქვთ.

ავტორი: ნინო სამყურაშვილი.

]]>
16-01-2017 19:04 +0400
პრემიერმინისტრმა ღამის კლუბების დევნას თავი უნდა დაანებოს, მოუმატოს პოლიციას ანაზღაურება - პეტრე ცისკარიშვილი http://rustavi2.com/ka/news/65660

შინაგან საქმეთა სამინისტროს მხრიდან დანაშაულის სტატისტიკის გაყალბებასა და არასწორ მეთოდოლოგიაზე საუბრობენ ნაციონალურ მოძრაობაში. ისინი აცხადებენ, რომ ქვეყანაში არსებული მძიმე ეკონომიკური მდგომარეობის ფონზე კრიმინოგენური სიტუაცია უფრო მძიმდება. ლევან ბეჟაშვილის აზრით, შს მინისტრის მხრიდან „თვალების დახუჭვა და სტატისტიკის დამალვა“ ამ სიტუაციას ვერ უშველის.

პეტრე ცისკარიშვილის აზრით, შსს-ს მთელი რესურსი ჟურნალისტებისა და პოლიტიკური ოპონენტების დევნისკენ არის მიმართული.

„ჩემი აზრით, პრემიერმინისტრმა ღამის კლუბების დევნას თავი უნდა დაანებოს, მოუმატოს პოლიციას ანაზღაურება, შეჰმატოს მას პრესტიჟი და ნდობა და რეალურად შეებრძოლოს გაზრდილ კრიმინალს,“ - განაცხადა პეტრე ცისკარიშვილმა. 

ავტორი: ნინო სამყურაშვილი.

]]>
16-01-2017 18:53 +0400
როდესაც შენ ებრძვი სტატისტიკას, ეს იმას ნიშნავს, რომ შენ ვერ ებრძვი კრიმინალს - სერგო რატიანი http://rustavi2.com/ka/news/65658

შსს-ს დანაშაულის სტატისტიკასთან დაკავშირებით განცხადება არ გაუკეთებია, თუმცა ამ საკითხზე ფრაქცია ევროპულ საქართველოში საგანგებო განცხადება გაკეთდა. მათი აზრით, შს მინისტრი დანაშაულის ამსახველ სტატისტიკას მალავს.

ისინი აცხადებენ, რომ ქართული ოცნების „მავნებლური და უპასუხისმგებლო პოლიტიკით საზოგადოების ისედაც გაუსაძლისი ეკონომიკური მდგომარეობა დამატებით მძიმდება.“ ოთარ კახიძის თქმით, ქართულმა ოცნებამ წინასაარჩევნოდ დანაშაულებრივი სამყარო გამოიყენა, რომელთანაც ახლა ვალში არის და ეს პოლიციის დემორალიზაციას იწვევს.

„შინაგან საქმეთა მინისტრს მიაჩნია, რომ თუ ისინი სტატისტიკას დამალავენ, ამით რამე შეიცვლება. პირიქით, ეს არის გზავნილი საზოგადოებისათვის და გზავნილი კრიმინალისათვის, რომ, ფაქტობრივად, მთავრობაში არაფერს აკეთებენ ამ მიმართულებით, ისინი ვერ ებრძვიან კრიმინალს. როდესაც შენ ებრძვი სტატისტიკას, ეს იმას ნიშნავს, რომ შენ ვერ ებრძვი კრიმინალს,“ - განაცხადა სერგო რატიანმა.

ავტორი: ნინო სამყურაშვილი.

]]>
16-01-2017 18:43 +0400
ავარია სიღნაღში - დაღუპულია ერთი, დაშავდა 5 ადამიანი http://rustavi2.com/ka/news/65636

სიღნაღში ავტოავარიის შედეგად ერთი ადამიანი დაიღუპა. შემთხვევა ცოტა ხნის წინ მოხდა. დედოფლისწყაროდან სიღნაღისკენ მომავალი სატვირთო მანქანა სამგზავრო მიკროავტობუსს შეეჯახა.

დაშავებულია მიკროავტობუსის 5 მგზავრი, მათ შორის ერთი ბავშვი, დაღუპულია ერთი ადამიანი.

თვითმხილველების თქმით, სატვირთო მანქანა დიდი სიჩქარით მოძრაობდა, რის გამოც მძღოლმა საჭე ვერ დაიმორჩილა და მანქანა გადაბრუნდა.

შინაგან საქმეთა სამინისტროში საქმეზე გამოძიება 276 მუხლის მე-5 ნაწილით მიმდინარეობს, რაც ავტოსატრანსპორტო საშუალების ექსპლუატაციისა და უსაფრთხოების წესების დარღვევას ითვალისწინებს.

ამ დროისთვის ადგილზე მიმდინარეობს საგამოძიებო მოქმედებები. დაშავებული მგზავრები ლაგოდეხისა და წნორის არქიმედეს საავადმყოფოში გადაყავთ.

]]>
16-01-2017 14:18 +0400
დაკავება ნარკოდანაშაულისთვის - ამოღებულია დიდი ოდენობით ნარკოტიკი http://rustavi2.com/ka/news/65635

შინაგან საქმეთა სამინისტრომ აჭარაში განსაკუთრებით დიდი ოდენობით ნარკოტიკი ამოიღო. სამართალდამცველებმა ნარკოტიკული საშუალების შეძენა-შენახვის ბრალდებით ბათუმში ერთი პირი დააკავეს.

სამართალდამცველებმა მისი პირადი ჩხრეკისას 100 აბი სუბოქსინი ამოიღეს.

გამოძიება განსაკუთრებით დიდი ოდენობით ნარკოტიკული საშუალების შეძენა-შენახვის ფაქტზე მიმდინარეობს. 

]]>
16-01-2017 14:09 +0400
შსს-მ ისანი-სამგორის რაიონში მომხდარი მკვლელობის ფაქტი გახსნა http://rustavi2.com/ka/news/65634

სამართალდამცველებმა ისანი-სამგორის რაიონში მომხდარი მკვლელობის ფაქტი ცხელ კვალზე გახსნეს. ამის შესახებ შინაგან საქმეთა სამინისტრომ განცხადება გაავრცელა.

გამოძიებამ დაადგინა, რომ ბრალდებულმა მიმდინარე წლის 16 იანვარს თბილისში, ისანი-სამგორის რაიონში, ურთიერთშელაპარაკების ნიადაგზე ერთ პირს ცივი იარაღით სხეულზე ჭრილობები მიაყენა, რის შედეგადაც ის გარდაიცვალა.

სამართალდამცველებმა ძებნილი ცხელ კვალზე, შემთხვევის ადგილზევე დააკავეს. პოლიციამ დანაშაულის ჩადენის იარაღი - დანა ნივთმტკიცებად ამოიღო.

გამოძიება განზრახ მკვლელობის ფაქტზე მიმდინარეობს. 

]]>
16-01-2017 14:07 +0400
შარტავას ქუჩაზე მომხდარი მკვლელობა გახსნილია - განზრახ მკვლელობის ბრალდებით ერთი პირი დააკავეს http://rustavi2.com/ka/news/65633

სამართალდამცავებმა განზრახ მკვლელობის ბრალდებით თბილისში ერთი პირი დააკავეს. ამის შესახებ შინაგან საქმეთა სამინისტროს მიერ გავრცელებულ განცხადებაშია ნათქვამი. 

გამოძიებამ დაადგინა, რომ ბრალდებულმა მიმდინარე წლის 14 იანვარს, თბილისში, შარტავას ქუჩაზე, ურთიერთშელაპარაკების ნიადაგზე ერთი პირი ცეცხლსასროლი იარაღით დაჭრა და შემთხვევის ადგილიდან მიიმალა, დაჭრილი კი საავადმყოფოში გარდაიცვალა.

გამოძიება განზრახ მკვლელობის და ცეცხლსასროლი იარაღის მართლსაწინააღმდეგო შეძენა-შენახვა-ტარების ფაქტებზე მიმდინარეობს. 

]]>
16-01-2017 14:00 +0400
გურიაში "ლიბერთი ბანკის" მომსახურების ცენტრი გაქურდეს http://rustavi2.com/ka/news/65592

ძარცვა ლანჩხუთის რაიონის სოფელ სუფსაში. გამოძიებისთვის დაუდგენელმა პირებმა, ლიბერთი ბანკის მომსახურების ცენტრი გაქურდეს. ცენტრი პოლიციის ოფისიდან 100 მეტრში მდებარეობს.

დაუზუსტებელი ინფორმაციით, 1100 ლარია წაღებულია. მიმდინარეობს გამოძიება.

]]>
16-01-2017 07:45 +0400
ბიზნესმენის ძმის მკვლელობის მოტივი ამ დრომდე უცნობია - საქმეზე თვითმხილველები დაკითხეს http://rustavi2.com/ka/news/65591

მთელი ღამის განმავლობაში კითხავდნენ შიდა ქართლის პოლიციის დეპარტამენტში იმ ორ თვითმხილველს, რომლებიც გორში მომხდარ მკვლელობას შეესწრნენ. ასევე გვიანობამდე მუშაობდნენ ექსპერტ კრიმინალისტები შემთხვევის ადგილზე.

მკვლელობა გორის ცენტრში გუშინ მოხდა. მოკლულია ბიზნესმენ ბორია გოგიჩაიშვილის ძმა. გურამ გოგიჩაიშვილი ნინო ბურჯანაძის პარტიის გორის ოფისში დემოკრატიული საქართველოს ერთ-ერთ წევრთან იყო მისული.

გავრცელებული ინფორმაციით, პირველად მას სწორედ ამ ოფისში ესროლეს, რის შემდეგაც გოგიჩაიშვილმა ტერიტორია დატოვა და ეზოში გაიქცა, სადაც ის საკონტროლო გასროლით მოკლეს. დამნაშავე კი ადგილიდან მიიმალა.

რა იყო მკვლელობის მოტივი, უცნობია. საგამოძიებო უწყება ჯერ-ჯერობით კონკრეტული პირის ბრალეულობაზე არ საუბრობს. ფაქტზე გამოძიება განზრახ მკვლელობის მუხლით დაიწყო.

]]>
16-01-2017 07:38 +0400
მკვლელობა საკონტროლო გასროლით - გორში ბიზნესმენ ბორია გოგიჩაიშვილის ძმა მოკლეს http://rustavi2.com/ka/news/65585

გურამ გოგიჩაიშვილს ცხედარი ექსპერტიზისათვის პროზექტურაში საღამოს გადაასვენეს. ბიზნესმენ ბორია გოგიჩაიშვილის ძმა წერეთლის ქუჩაზე სავარაუდოდ კრიმინალური გარჩევის შედეგად ჩაცხრილეს. მკვლელობის ზუსტი მოტივი ამ დრომდე უცნობია.

გარდაცვალებამდე გურამ გოგიჩაიშვილი სტუმრად ნინო ბურჯანაძის პარტიაში დემოკრატიული საქათველოს ერთ-ერთ წევრთან, ნუკრი ჯალაბაძესთან იყო. გავრცელებული ინფორმაციით პირველი გასროლაც სწორედ ამავე ოფისში მოხდა. მოგვიანებით გოგიჩაიშვილმა ტერიტორია დატოვა და ეზოში გაიქცა, სადაც ის საკონტროლო გასროლით მოკლეს. ჯალაბაძეს სამ თვითმხილველთან ერთად სამართალდამცველები ამ დრომდე კითხავენ.

გორის ცენტრში რამდენიმე გასროლის ხმა გაიგეს ადგილობრივებმა, თუმცა მკვლელის დანახვა ვერ შეძლეს. მათივე თქმით გოგიჩაიშვილი პარტიის ოფისში ხშირად იყო. ეს გოგიჩაიშვილების ოჯახში მკვლელობის უკვე მეორე შემთხვევაა. გურამ გოგიჩაიშვილის ერთ-ერთი ძმა რამდენიმე წლის წინ, რესტორანში შურისძიების ნიადაგზე მოკლეს.

გოგიჩაიშვილის მკვლელობის ადგილზე ექსპერტ-კრიმინალისტები ამ დრომდე მუშაობენ. უწყება ჯერჯერობით კონკრეტული პირის ბრალეულობაზე არ საუბრობს. ფაქტზე გამოძიება სისხლის სამართლის კოდექსის 108-ე მუხლით დაიწყო, რაც განზრახ მკვლელობას გულისხმობს.

ავტორები: თამთა დოლენჯაშვილი, იზო ჩუბინიძე.

]]>
15-01-2017 21:06 +0400
პრეზიდენტის სიძემ რესპუბლიკური საავადმყოფო დატოვა http://rustavi2.com/ka/news/65580

საქართველოს პრეზიდენტის სიძე რესპუბლიკური საავადმყოფოდან გაწერეს.

მინდია გოგოჭური და მისი მეგობარი მიხეილ თათრიშვილი 11 იანვარს ბალანჩივაძის ქუჩაზე ცეცხსასროლი იარაღით დაჭრეს. ორივე მათგანი სამართალდამცველებმა სავადმყოფოში დაკითხეს.

ბალანჩივაძის ქუჩაზე მომხდართან დაკავშირებით კი გამოძიება ჯანმრთელობის განზრახ ნაკლებად მძიმე დაზიანებასა და ცეცხლსასროლი იარაღის უკანონო შეძენა-შენახვა-ტარებას მუხლით მიმდინარეობს. შინაგან საქმეთა სამინისტროს ფაქტთან დაკავშირებით ამ დრომდე არავინ დაუკავებია. 

მინდია გოგოჭურმა რესპუბლიკური საავადმყოფოს მიმდებარე ტერიტორია კომენტარის გარეშე დატოვა.

]]>
15-01-2017 17:43 +0400
მკვლელობა გორში - ბურჯანაძის პარტიის წევრი დაკითხვაზეა გადაყვანილი http://rustavi2.com/ka/news/65579

გორის ცენტრში მომხდარ მკვლელობაზე ახალი დეტალები ხდება ცნობილი. ბიზნესმენ ბორია გოგიჩაიშვილის ძმა, გურამ გოგიჩაიშვილი საკონტროლო გასროლით მოკლეს. მას რამდენიმე ტყვია მუცელშიც აქვს მოხვედრილი. 

გურამ გოგიჩაიშვილს ნინო ბურჯანაძის პარტიის გორის ოფისის ეზოში ესროლეს. შემთხვევა მაშინ მოხდა, როდესაც ის პარტიის ერთ-ერთ წევრთან, ნუკრი ჯალაბაძესთან სტუმრად იმყოფებოდა. თვითმხილველების თქმით მას უცნობი პირი თავს დაესხა, გოგიჩაიშვილი ეზოში გაიქცა, სადაც ის მოკლეს.

როგორც ცნობილია მომხდარს მხოლოდ ბურჯანაძის პარტიის წევრი, ნუკრი ჯალაბაძე შეესწრო, რომელიც ამ დრომდე დაკითხვაზე იმყოფება. მასთან ერთად დაკითხვაზეა კიდევ 3 პირი, რომლებიც მიმდებარე ტერიტორიაზე იმყოფებოდნენ. 

ჯერჯერობით თავდამსხმელის სავარაუდო ვინაობას ვერავინ ვერ ასახელებს. მომხდარზე საქმე სისხლის სამართლის კოდექსის 108-ე მუხლით აღიძრა, რაც განზრახ მკვლელობას გულისხმობს. 

 

]]>
15-01-2017 16:39 +0400
ბიზნესმენ ბორია გოგიჩაიშვილის ძმა, გურამ გოგიჩაიშვილი ნინო ბურჯანაძის გორის ოფისის ეზოში მოკლეს http://rustavi2.com/ka/news/65574

გორში ცნობილი ბიზნესმენის ბორია გოგიჩაიშვილის ძმა, გურამ გოგიჩაიშვილი ნინო ბურჯანაძის ოფისის ეზოში მოკლეს. როგორც პარტიის წარმომადგენლები აცხადებენ, გოგიჩაიშვილს მათთან არანაირი კავშირი არ ჰქონია და უცნობია თუ რისთვის მივიდა გურამ გოგიჩაიშვილი ნინო ბურჯანაძის ოფისში. 

თვითმხილველების თქმით გოგიჩაიშვილს ოფისში შესვლისთანავე უცხო პირი დაედევნა და ბიზნესმენი ეზოში მოკლეს. 

ადგილზე ამ დრომდე მუშაობენ სამართალდამცველები. მოკლულის ცხედარი შემთხვევის ადგილიდან ამ დრომდე არ გადაუსვენებიათ. 

]]>
15-01-2017 15:18 +0400
გროზნოში ტერორიზმში ეჭვმიტანილი დააკავეს http://rustavi2.com/ka/news/65572

გროზნოში ტერორიზმში ეჭვმიტანილი დააკავეს, რომელმაც რამდენიმე დღის წინ ჩეჩნეთში ჩატარებული სპეცოპერაციის დროს მიმალვა მოახერხა.

ინფორმაცია იმრან დაცაევის დაკავების შესახებ თავად რესპუბლიკის ლიდერმა გაავრცელა. რამზან კადიროვის თქმით, ეჭვმიტანილი სამართალდამცველებმა სავაჭრო ცენტრის შესასვლელთან დააკავეს და ის ძალზე საშიში ტერორისტია.

ბოლო წლების განმავლობაში ყველაზე მასშტაბური სპეცოპერაცია ჩეჩნეთში 11 იანვარს ღამეს ჩატარდა. შეტაკების დროს 4 მებრძოლი მოკლეს, რომლებსაც დაჯგუფება ისლამურ სახელმწიფოსთან ჰქონდათ კავშირი, ერთი კი ცოცხლად აიყვანეს. დაიღუპა ორი სპეცრაზმელიც.

]]>
15-01-2017 15:10 +0400
შარტავას ქუჩაზე დაჭრილი ადამიანის გადარჩენა ექიმებმა ვერ მოახერხეს http://rustavi2.com/ka/news/65570

40 წლამდე ასაკის მამაკაცი, რომელიც ღამით თბილისის ცენტრში ცეცხლსასროლი იარაღიდან დაჭრეს დაიღუპა. შემთხვევა შარტავას ქუჩაზე მოხდა. დაჭრილს სასწრაფო ოპერაცია ჩაუტარდა, თუმცა მისი გადარჩენა ვერ მოხერხდა.

ქირურგის განცხადებით, პაციენტი კლინიკაში მასიური სისხლდანაკარგით მიიყვანეს, მიუხედავად ამისა ოპერაციის დასრულება ექიმებმა მოახერხეს. მამაკაცმა 4 ლიტრი სისხლი დაკარგა.

დღუპულის მეზობლების განცხადებით, გარდაცვლილი და დამნაშავე ერთ ეზოში ცხოვრობდნენ და შელაპარაკება ვალის გადაუხდელობის ნიადაგზე მოხდა. მკვლელმა მსხვერპლს ცეცხლსასროლი იარაღიდან ორჯერ ესროლა.

სისხლის სამართლის საქმე განზრახ მკვლელობის მუხლით არის აღძრული.

ავტორი: მარიამ გაფრინდაშვილი.

]]>
15-01-2017 14:55 +0400
გორის ცენტრში ბიზნესმენის ძმა ჩაცხრილეს http://rustavi2.com/ka/news/65568

გორში ბიზნესმენის ძმა ჩაცხრილეს. შემთხვევა ცოტა ხნის წინ მოხდა. ქალაქის ცენტრში წერეთლის ქუჩაზე, ერთ-ერთი გავლენიანი ოჯახის, გოგიჩაიშვილების წარმომადგენელი გურამ გოგიჩაიშვილი მოკლეს. მოკლულის ძმა გორში გავლენიანი პირი, ბორია გოგიჩაიშვილია. მას საკუთარი ბიზნესი და რამდენიმე ქარხანა აქვს.

ადგილზე მობილიზებული არიან სამართალდამცველები. მომხდარზე გამოძიება სისხლის სამართლის კოდექსის 108-ე მუხლით დაიწყო, რაც განზრახ მკვლელობას გულისხმობს. 

ეს გოგიჩაიშვილების ოჯახში მკვლელობის უკვე მეორე შემთხვეაა. მანამდე ერთ-ერთი ძმა რესტორანში მოკლეს. 

 

]]>
15-01-2017 14:22 +0400
პირველი ლედის ძმის, მიხეილ მგალობლიშვილის ადვოკატი დაკავებულის სახლიდან ამოღებული იარაღის შესახებ საუბრობს http://rustavi2.com/ka/news/65556

საქართველოს პირველი ლედის ძმის, მიხეილ მგალობლიშვილის ადვოკატი იმ დასკვნის გასაჩივრებას გეგმავს, რომელიც შსს-ს ექსპერტიზის ბიურომ დადო. დოკუმენტის თანახმად მიხეილ მგალობლიშვილის სახლიდან ამოღებული 3 იარაღიდან 2 ვარგისია, რასაც კატეგორიულად არ ეთანხმება მგალობლიშვილის დაცვის მხარე და ალტერნატიული ექსპერტიზის ჩატარებას გეგმავს. ადვოკატი ზაზა მიქატაძე ამოღებული იარაღის წარმომავლობაზეც საუბრობს და განმარტავს, რომ ისინი გარდაცვლილის მამას ეკუთვნოდა. 

„მისი გადმოცემით მას რამოდენიმე დღით ადრე გარდაეცვალა მამა, ოჯახის დალაგების დროს აღმოაჩინა, რომ ალბათ მამის დანატოვარი იყო ძველი იარაღი, მე დავარქმევ რკინის ნაჭრებს როგორც თვითონ უწოდებს, მოგეხსენებათ თვითონ არის მხატვარი, ხატავს ესკიზებს მის ნახატებში არაორიგინალურად არის სხვადასხვა ნივთები გამოყენებული. მისი გადმოცემით უნდოდა რომ დაეხატა ეს ესკიზები და იარაღიც გამოეყენებინა ამ მხატვრობაში. ის ვერ წარმოიდგენდა თუ ეს იქნებოდა ამ იარაღიდან შეიძლებოდა გასროლა მომხდარიყო,"-განაცხადა მიქატაძემ.

რაც შეეხება კიდევ ერთ იარაღს, რომელიც როგორც ცნობილია მგალობლიშვილის პირადი ჩხრეკისას აღმოაჩინეს, ადვოკატი ადასტურებს, რომ ისიც დაკავებულს ეკუთვნოდა.

„ამას ხსნის იმით რომ ის იმყოფებოდა სახლში, მას სჭირდებოდა ტელეფონზე ფულის შეტანა, გავიდა სახლიდან მოიცვა ქურთუკი და თვითონ არც იცოდა, აღმოაჩნდა რომ შიგნით იარაღი იყო, ადასტურებს რომ ეს ნივთები არის მისი,“-აცხადებს ზაზა მიქატაძე.

მიხეილ მგალობლიშვილის ადვოკატი რამდენიმე საათში სააპელაციო სასამართლოსაც მიმართავს და პირველი ლედის ძმისთვის აღკვეთის ღონისძიების სახით პატიმრობის შეფარდებას გააპროტესტებს.

ავტორი:მარიამ გაფრინდაშვილი.

]]>
15-01-2017 11:55 +0400
პრეზიდენტის სიძე მასზე მომხდარი თავდასხმის შემდეგ პირველ კომენტარს აკეთებს http://rustavi2.com/ka/news/65549

მინდია გოგოჭურსა და მის მეგობარს რესპუბლიკური საავადმყოფოდან ხვალ გამოწერენ.

გამოძიება კი ამ დრომდე განზრახ მკვლელობის მცდელობისა და იარაღის უკანონო შეძენა-შენახვის მუხლებით მიმდინარეობს და სამართალდამცავებს ჯერჯერობით არავინ დაუკავებიათ.

მინდია გოგოჭურმა დღეს პირველი სატელევიზიო კომენტარი გააკეთა. მისი თქმით, გამომძიებელი დაკითვის მიზნით საავადმყოფოში შემთხვევის პირველივე დღეს მივიდა.

მინდია გოგოჭურის მეგობარმა კი პროკურატურაში ჩვენების მიცემის დეტალებზე კურიერთან არ ისაუბრა.

რესპუბლიკური საავადმყოფოს ექიმის განცხადებით, ორივე პაციენტის ჯანმრთელობის მდგომარეობა დამაკმაყოფილებელია, თუმცა მკურნალობა გაწერის შემდეგაც გაგრძელდება.

რამდენიმე დღის წინ ბალანჩივაძის ქუჩაზე გოგოჭურსა და თათრიშვილს უცნობმა პირებმა ცეცხლი გაუხსნეს.

ავტორი: მარიკა გოცირიძე. 

]]>
14-01-2017 21:11 +0400
სანტა-კლაუსის ფორმით სავალუტო ჯიხურის დაყაჩაღებისთვის 25 წლის კაცი დააკავეს http://rustavi2.com/ka/news/65508

შსს-ს აჭარის პოლიციის დეპარტამენტის ბათუმის საქალაქო სამმართველოს თანამშრომლებმა, ჩატარებული ოპერატიულ-სამძებრო და საგამოძიებო ღონისძიებების შედეგად, 1991 წელს დაბადებული ჯ.მ., ყაჩაღობის ბრალდებით, სასამართლოს განჩინების საფუძველზე დააკავეს.

ამის შესახებ ინფორმაციას შსს ავრცელებს, სადაც ნათქვამია, რომ 2016 წლის 31 დეკემბერს, ღამით, სანტა-კლაუსის ფორმაში გამოწყობილი ბრალდებული ბათუმში, სუპერმარკეტში მდებარე ვალუტის გადამცვლელ ჯიხურში შეიჭრა და სათამაშო იარაღის მუქარით 8 820 ლარი გაიტაცა.

სამართალდამცველებმა ჯ.მ. ბათუმში დააკავეს. ბრალდებული ჩადენილ დანაშაულს აღიარებს.

გამოძიება დიდი ოდენობით ნივთის დაუფლების მიზნით ჩადენილი ყაჩაღობის ფაქტზე მიმდინარეობს.

]]>
14-01-2017 10:04 +0400
ავტოკატასტროფა ხაშურში - დაიღუპა 3 ადამიანი, ერთი სასულიერო პირია http://rustavi2.com/ka/news/65418

ავტოკატასტროფა ხაშურის რაიონში, სოფელ ალთან მსუბუქი ავტომობილების შეჯახების შედეგად სამი ადამიანი დაიღუპა, მათ შორის სასულიერო პირი, არასრულწლოვანი და ქალბატონია. ასევე არის 4 დაშავებული. ამის შესახებ შემთხვევის ადგილიდან კურიერის კორესპონდენტი იუწყება. 

დაშავებულები ხაშურის საავადმყოფოდან უკვე თბილისის კლინიკებში გადაიყვანეს. როგორც თვითმხილველებმა ჟურნალისტებს განუცხადეს, ერთმანეთს მერსედესის მარკის ავტომობილი და ნივა შეეჯახა.

ფოტო არქივიდან

 

 

]]>
12-01-2017 18:36 +0400
მუქარა ლომბარდის მფლობელზე და შსს-ს განცხადება http://rustavi2.com/ka/news/65411

შინაგან საქმეთა სამინისტრო ინდოეთის მოქალაქის დაყაჩაღებასა და მიკროსაფინანსო ორგანიზაცია გირო კრედიტთან დაკავშირებით განცხადებას ავრცელებს. განცხადებაში აღნიშნულია, რომ გამოძიება საქართველოს სისხლის სამართლის კოდექსის 179-ე მუხლით მიმდინარეობს.

"შინაგან საქმეთა სამინისტროს თბილისის პოლიციის დეპარტამენტის ვაკე-საბურთალოს სამმართველოს მე-7 განყოფილებამ მიმდინარე წლის 10 იანვარს დაიწყო გამოძიება ინდოეთის მოქალაქის - გ.მ.-ს დაყაჩაღების ფაქტზე, საქართველოს სისხლის სამართლის კოდექსის 179-ე მუხლით.

დაზარალებულის განმარტებით, დანაშაულის ჩამდენი პირი მას თბილისში, ალექსანდრე ყაზბეგის გამზირის N31-ში მდებარე შპს „მიკროსაფინანსო ორგანიზაცია გირო კრედიტის“ ლომბარდში შეჰყვა, სადაც გ.მ.-მ 100 აშშ დოლარი შესაბამისი ოდენობის ლარზე გადაცვალა. გამოსვლისას უცნობმა პირმა დანის მუქარით გ.მ.-ს ფული მოსთხოვა და შემთხვევის ადგილიდან მიიმალა.

მომხდარის შესახებ დაზარალებულმა პოლიციას შეატყობინა. სამართალდამცველებმა შეტყობინების შემოსვლისთანავე მოახდინეს ოპერატიული რეაგირება. გამოკითხვისას გ.მ.-მ დეტალურად აღწერა, სავარაუდოდ, დამნაშავე პირი და აღნიშნა, რომ უცნობი მამაკაცი მას მიკროსაფინანსო ორგანიზაციიდან გამოჰყვა.

პოლიცია ტელეფონის საშუალებით დაუკავშირდა შპს-ს „მიკროსაფინანსო ორგანიზაცია გირო კრედიტის“ დირექტორს - გ.გ.-ს და კანონის შესაბამისად, საგამოძიებო მოქმედებების ფარგლებში, სათვალთვალო ვიდეოკამერების ჩანაწერების გადმოცემა სთხოვა, რაზეც გ.გ.-მ უარი განაცხადა.

ამის შემდეგ სამართალდამცველებმა ვითარების უკეთ ასახსნელად გ.გ.-ს საცხოვრებელ ბინაში მიაკითხეს. ალკოჰოლის ზემოქმედების ქვეშ მყოფი გ.გ. პოლიციელებს სადარბაზოში შეხვდა. იგი სამართალდამცველებს ცინიკურად ესაუბრებოდა და ჩანაწერების გადაცემაზე უარს აცხადებდა. პოლიციელებმა გ.გ.-ს წარუდგინეს პროკურორის დადგენილება - „გადაუდებელი აუცილებლობიდან გამომდინარე კომპიუტერულ სისტემაში არსებული ინფორმაციის გამოთხოვის შესახებ“ და აუხსნეს, რომ მათი მოთხოვნა სრულიად კანონიერი იყო. ასევე, განუმარტეს, რომ საგამოძიებო მოქმედებასთან დაკავშირებით პრეტენზიის არსებობის შემთხვევაში, შეეძლო, გაესაჩივრებინა იგი ზემდგომ პროკურორთან ან ედავა სასამართლოში.

მიუხედავად ამისა, გ.გ. არ დაემორჩილა სამართალდამცველთა კანონიერ მოთხოვნას და არ მისცა მათ საშუალება, განეხორციელებინათ საგამოძიებო მოქმედებები. გ.გ.-ს და მისი ოჯახის წევრების მხრიდან ადგილი ჰქონდა პოლიციის თანამშრომელთა მიმართ აგრესიას და სიტყვიერ შეურაცხყოფას. მიუხედავად სამართალდამცველთა მხრიდან არაერთგზის მოწოდებისა, რომ გ.გ.-სა და მის ოჯახის წევრებს შეეწყვიტათ აგრესიული და შეურაცხმყოფელი ქმედება, ისინი არ დაემორჩილნენ პოლიციელთა კანონიერ მოთხოვნას.

ზემოაღნიშნულიდან გამომდინარე, შსს-ს თბილისის პოლიციის დეპარტამენტის ვაკე-საბურთალოს სამმართველოს მე-7 განყოფილების თანამშრომლებმა გ.გ. ადმინისტრაციული წესით დააკავეს, საქართველოს ადმინისტრაციულ სამართალდარღვევათა კოდექსის 173-ე მუხლის თანახმად და ვაკე-საბურთალოს სამმართველოს მე-7 განყოფილებაში მიიყვანეს. დაკავებული პოლიციის განყოფილებაში სიმთვრალე-სიფხიზლეზე შემოწმდა, რა დროსაც ალკოჰოლური თრობა დაუდგინდა. შესაბამისი პროცედურების შემდეგ, გ.გ. თბილისის დროებითი მოთავსების იზოლატორში გადაიყვანეს. მეორე დღეს იგი გადაყვანილი იქნა თბილისის საქალაქო სასამართლოში, სადაც მის მიმართ მიმდინარეობს ადმინისტრაციული სამართალწარმოება.

შპს „მიკროსაფინანსო ორგანიზაცია გირო კრედიტის“ დირექტორის - გ.გ.-ს ოჯახის წევრმა პოლიციას ლომბარდში არსებული სათვალთვალო ვიდეოკამერების ჩანაწერები გადასცა, რის შედეგადაც მოხდა სავარაუდო დამნაშავის ვიზუალური იდენტიფიცირება. ამ დროისთვის აღნიშნული პირის დადგენა-დაკავების მიზნით მიმდინარეობს ინტენსიური საგამოძიებო მოქმედებები.

კიდევ ერთხელ განვმარტავთ, რომ დანაშაულის პრევენციისთვის, ასევე, საგამოძიებო მოქმედებების ოპერატიულად განხორციელების მიზნით, აუცილებელია მტკიცებულებების დროულად შეგროვება და რეაგირება. მოვუწოდებთ მოქალაქეებს, ითანამშრომლონ გამოძიებასთან და ნუ შეუშლიან ხელს პოლიციას დანაშაულის წინააღმდეგ ბრძოლაში" - ნათქვამია შსს-ს მიერ გავრცელებულ განცხადებაში. 

]]>
12-01-2017 17:23 +0400
შსს-მ პოლიციელის დაჭრის ბრალდებით 3 პირი დააკავა http://rustavi2.com/ka/news/65394

ცინცაძის ქუჩაზე პოლიციელის დაჭრის ფაქტიდან რამდენიმე საათში შინაგან საქმეთა სამინისტრომ 3 პირი დააკავა.

როგორც რუსთავი 2-ს შსს-ში განუცხადეს, გამოძიებას პროკურატურა აწარმოებს. გამოძიების დეტალების შესახებ პროკურატურას ინფორმაცია ჯერ არ გაუვრცელებია.

დაჭრის ფაქტი გვიან ღამით მოხდა, პოლიციელს ჭრილობა ცივი იარაღით მიაყენეს. დაზარალებული ქვეყნის რესპუბლიკურ საავადმყოფოში გადაიყვანეს.

დაშავებულ პოლიციელს გადაუდებელი ოპერაცია რესპუბლიკურ საავადმყოფოში ჩაუტარდა. 

]]>
12-01-2017 13:30 +0400
"გირო კრედიტის" დამფუძნებელმა მთავარ პროკურატურას მიმართა http://rustavi2.com/ka/news/65392

გირო კრედიტის დამფუძნებელმა გამოძიების დაწყების მოთხოვნით დღეს მთავარ პროკურატურას მიმართა.

გიორგი გუგუმბერიძე სამართალდამცველებს ძალადობასა და მის უკანონოდ დაკავებაში ადანაშაულებს. დაზარალებული კანონდამრღვევი პოლიციელების პასუხისგებაში მიცემას და გამოძიების დასრულებამდე მათი თანმდებობიდან გადაყენებას ითხოვს.

გირო კრედიტის დამფუძნებლის უფლებების დამცველები აცხადებენ, რომ გამოძიება არაადამიანური მოპყრობისა და განზრახ უკანონო დაკავების მუხლებით უნდა დაიწყოს. ისინი რეაგირებისკენ მოუწოდებენ პერსონალურ მონაცემთა დაცვის ინსპექტორსაც.

გუგუმბერიძის განცხადებით, ჩანაწერები ნებართვის გაცემამდე 3 საათით ადრე ამოიღეს.

„მოხდა დანაშაული, მათ სურდათ ამოეღოთ ჩანაწერები ნებართვის გარეშე. ამოიღეს კიდევაც ჩანაწერები, მაგრამ მაშინაც არ ჰქონდათ ნებართვა. ნებართვა მოიტანეს დაახლოებით დილის 05:00 საათზე. მე მქონდა საუბარი პროკურორთან, რომელმაც დამიდასტურა, რომ გადაწყვეტილება კამერების ამოღებასთან დაკავშირებით გასცა დილის 05:00 საათზე, ხოლო ჩანაწერები ამოიღეს ღამის ორ საათზე,“ - აცხადებს გიორგი გუგუმბერიძე.

]]>
12-01-2017 12:44 +0400
შეიარაღებული თავდასხმა პრეზიდენტის სიძეზე - ინტერვიუები თვითმხილველებთან http://rustavi2.com/ka/news/65384

პრეზიდენტის სიძეზე განხორციელებული თავდასხმის შესახებ ოფიციალური განცხადება ამ დრომდე არ ვრცელდება, თუმცა ერთ-ერთი ვერსიით მომხდარს წინ უძღვოდა დაპირისპირება გოგოჭურს, მის მეგობარ თათრიშვილსა და რამდენიმე ადამიანს შორის, რის შემდეგაც გოგოჭური მიხეილ თათრიშვილთან ერთად ბალანჩივაძის ქუჩაზე გაემგზავრა, სადაც მათ ესროლეს.

როგორც ცნობილია სწორედ ამ მისამართზე ცხოვრობს მინდია გოგოჭურის მეგობარი მიხეილ თათრიშვილი. მანქანას, რომელშიც ისინი ისხდნენ ტყვიების კვალი ეტყობა. საგამოძიებო მოქმედებები მთელი რამის განმავლობაში მიმდინარეობდა, თუმცა ამ ეტაპზე სამართალდამცველებმა ბალანჩივაძის ქუჩა დატოვეს.

მომხდარს იხსენებენ თვითმხილველებიც.

„სროლა გავიგე დაახლოებით 9 საათზე, ზედიზედ იყო რამოდენიმე გასროლის დმა, სადღესასწაულო ფეიერვერკებს მივამსგავსე და აღმოჩნდა რომ აქ მომხდარა,“-აცხადებს ერთ-ერთი თვითმხილველი.

გოგოჭურზე მომხდარი თავდასხმის დროს კიდევ რამდენიმე მანქანა დაზიანდა, რომლებიც შემთხვევის ადგილზე იდგნენ.

„ანაზღაურების თემაზე ვაპირებ საუბარს და იმედია რომ კომპენსაცია იქნება. მე როგორც ვიცი პრეზიდენტის სიძე თავად არის დაზარალებული და შესაბამისად ვინც ესროლა პრეტენზია იმასთან იქნება, ვინც ტყვია მოახვედრა მანქანას“- აცხადებს დაზიანებული მანქანის პატრონი. 

მინდია გოგოჭური მედიის ყურადღების ცენტრში პირველად 2016 წლის ივლისში  მოექცა, როდესაც პრეზიდენტმა სკანდალური განცხადება გააკეთა და აღნიშნა, რომ მის სიძეზე ზეწოლა ხორციელდებოდა. მაშინ მარგველაშვილმა საგანგებო ბრიფინგზე პირველად გააჟღერა ინფორმაცია იმის შესახებ, რომ ივნისში გოგოჭურის სახლში ჩხრეკა ჩატარდა.

მომხდარზე გამოძიება სამსახურეობრივი უფლებამოსილების გადამეტების მუხლით მიმდინარეობდა. გოგოჭური პროკურატურაში გამოკითხვაზეც იმყოფებოდა. როგორც პრეზიდენტის სიძის ადვოკატი აცხადებდა, გოგოჭურის სახლში ჩხრეკის ჩატარებისას სამართალდამცველებმა უხეში დარღვევები განახორციელეს და ადგილი ჰქონდა კანონის უგულვებელყოფას. 

]]>
12-01-2017 12:17 +0400
პრეზიდენტის სიძე და მისი მეგობარი რესპუბლიკურ საავადმყოფოს 3-4 დღეში დატოვებენ - ექიმის პირველი კომენტარი http://rustavi2.com/ka/news/65380

მინდია გოგოჭური და მისი მეგობარი მიხეილ თათრიშვილი რესპუბლიკურ საავადმყოფოს 3-4 დღეში დატოვებენ. როგორც მათი მკურნალი ექიმი, ნიკოლოზ კვაჭაძე რუსთავი 2-თან საუბრისას აცხადებს, ორივე პაციენტის ჯანმრთელობის მდგომარეობა დამაკმაყოფილებელია და მათ ჩაუტარდათ ყველა საჭირო სამედიცინო პროცედურა.

კვაჭაძის თქმით პრეზიდენტის სიძესთან და მის მეგობართან ჯერჯერობით არ ყოფილან სამართალდამცველები.

შეგახსენებთ, რომ მინდია გოგოჭური და მისი მეგობარი გუშინ გვიან ღამით ბალანჩივაძის ქუჩაზე ცეცხლსასროლი იარაღით დაჭრეს.

მინდია გოგოჭური მედიის ყურადღების ცენტრში პირველად 2016 წლის ივლისში  მოექცა, როდესაც პრეზიდენტმა სკანდალური განცხადება გააკეთა და აღნიშნა, რომ მის სიძეზე ზეწოლა ხორციელდებოდა. მაშინ მარგველაშვილმა საგანგებო ბრიფინგზე პირველად გააჟღერა ინფორმაცია იმის შესახებ, რომ ივნისში გოგოჭურის სახლში ჩხრეკა ჩატარდა.

მომხდარზე გამოძიება სამსახურეობრივი უფლებამოსილების გადამეტების მუხლით მიმდინარეობდა. გოგოჭური პროკურატურაში გამოკითხვაზეც იმყოფებოდა. როგორც პრეზიდენტის სიძის ადვოკატი აცხადებდა, გოგოჭურის სახლში ჩხრეკის ჩატარებისას სამართალდამცველებმა უხეში დარღვევები განახორციელეს და ადგილი ჰქონდა კანონის უგულვებელყოფას. 

]]>
12-01-2017 11:50 +0400
ცუდია როდესაც ახალგაზრდა ადამიანზე ხდება თავდასხმა, ველოდებით გამოძიებას - ეკა მიშველაძე მინდია გოგოჭურის დაჭრაზე საუბრობს http://rustavi2.com/ka/news/65379

საქართველოს პრეზიდენტის პრესსპიკერი ეკა მიშველაძე მარგველაშვილის სიძეზე, მინდია გოგოჭურზე მომხდარ თავდასხმას აფასებს და აცხადებს, რომ ამ ეტაპზე წინასწარ რაიმე ვერსიაზე საუბარი არ შეიძლება.

„ძალიან ცუდია როდესაც ახალგაზრდა ადამიანზე ხდება თავდასხმა, თუმცა მიმდინარეობს გამოძიება და ველოდებით გამოძიების დასასრულს და ძალიან დიდი იმედი გვაქვს, რომ იქნება ეს ყველაფერი ეფექტური,“-განაცხადა ეკა მიშველაძემ.

]]>
12-01-2017 11:39 +0400
პრეზიდენტის სიძე ფეხშია დაჭრილი - გოგოჭური და მისი მეგობარი მკურნალობას რესპუბლიკურ საავადმყოფოში განაგრძობენ http://rustavi2.com/ka/news/65378

პრეზიდენტის სიძე მინდია გოგოჭური ფეხშია დაჭრილი. გოგოჭური და მისი მეგობარი მიხეილ თათრიშვილი ამ ეტაპზე მკურნალობას რესპუბლიკური საავადმყოფოს მულტიპროფილურ განყოფილაბაში განაგრძობენ. ისინი ერთ პალატაში არიან მოთავსებული. 

როგორც დღეს რუსთავი 2-თან საუბრისას რესპუბლიკური საავადმყოფოს პრესსამსახურმა განაცხადა, დაჭრილებს უკვე ჩაუტარდათ ყველა გადაუდებელი საჭირო ღონისძიება და მათ სიცოცხლეს საფრთხე არ ემუქრებათ.

დამატებითი დეტალები გოგოჭურის ოჯახის მოთხოვნით ამ დრომდე არ ხმაურდება, შესაბამისად ექიმებიც კომენტარს ჯერჯერობით არ აკეთებენ.

]]>
12-01-2017 11:14 +0400
მდგომარეობა სტაბილურია - ბოლო ინფორმაცია პრეზიდენტის სიძის ჯანმრთელობის მდგომარეობის შესახებ http://rustavi2.com/ka/news/65376

პრეზიდენტის სიძე მინდია გოგოჭური და მისი მეგობარი მკურნალობას რესპუბლიკურ საავადმყოფოში განაგრძობენ და მათი ჯანმრთელობის მდგომარეობა სტაბილურია. ინფორმაცია ცოტა ხნის წინ რუსთავი 2-ს რესპუბლიკურ საავადმყოფოში დაუდასტურეს.

"ამ ეტაპზე მდგომარეობა სტაბილურია და მათ სიცოცხელს საფრთხე არ ემუქრებათ,"-განაცხადა რესპუბლიკური საავადმყოფოს პრესსამსახურის უფროსმა.

რესპუბლიკურ საავადმყოფოში აცხადებენ, რომ ოჯახს დამატებითი დეტალების გამჟღავნება ჯერ არ სურს, შესაბამისად უცნობი რჩება მომხდარის დეტალები და დაჭრილების შესახებ დაწვრილებითი ინფორმაცია.

შეგახსენებთ, რომ პრეზიდენტის სიძე მინდია გოგოჭური და მისი მეგობარი გუშინ ღამით ბალანჩივაძის ქუჩაზე დაჭრეს.

 

]]>
12-01-2017 09:55 +0400
პრეზიდენტის სიძესთან ერთად დაჭრილია მისი მეგობარიც http://rustavi2.com/ka/news/65365

თბილისში, ბალანჩივაძის ქუჩაზე, პრეზიდენტის სიძესთან, მინდია გოგოჭურთან ერთად დაჭრეს მისი მეგობარიც. ინფორმაცია ამის შესახებ რუსთავი 2-ს შს სამინისტროს საზოგადოებასთან ურთიერთობის სამსახურში დაუდასტურეს და განუცხადეს, რომ ამ შემთხვევაშიც ძიება სისხლის სამართლის კოდექსის 118-ე და 236-ე მუხლებით დაიწყო, რაც ჯანმრთელობის განზრახ ნაკლებად მძიმე დაზიანებასა და ცეცხლსასროლი იარაღის უკანონო შეძენა-შენახვა-ტარებას გულისხმობს.
 
დაშავებულები რესპუბლიკურ საავადმყოფოში არიან მოთავსებული, თუმცა მათი ჯანმრთელობის მდგომარეობის შესახებ კომენტარს ექიმები არ აკეთებენ. 
 
შეგახსენებთ, რომ საქართველოს პრეზიდენტის, გიორგი მარგველაშვილის სიძე, მინდია გოგოჭური დღეს საღამოს ბალანჩივაძის ქუჩაზე დაჭრეს. მას, სავარაუდოდ, ცეცხლსასროლი იარაღიდან ერთი ტყვია აქვს მოხვედრილი.

შემთხვევის ადგილზე ამ დრომდე ექსპერტ-კრიმინალისტები და გამომძიებლები მუშაობენ. გადაკეტილია მიმდებარე ტერიტორია.

შინაგან საქმეთა სამინისტრომ გამოძიება მომხდართან დაკავშირებით სისხლის სამართლის კოდექსის 2 მუხლით უკვე დაიწყო.

 

ფოტო: არქივიდან 

 

]]>
12-01-2017 02:24 +0400
საბურთალოზე პოლიციელი დაჭრეს - ძიება მკვლელობის მცდელობის მუხლით დაიწყო http://rustavi2.com/ka/news/65364

შინაგან საქმეთა სამინისტროს თანამშრომელი დაჭრეს, გვიან ღამით თბილისში,  ცინცაძის ქუჩაზე, როგორც შემთხვევის ადგილიდან, კურიერის კორესპდენტი იუწყება პოლიციელს ჭრილობა ცივი იარაღით აქვს მიყენებული.

დაზარალებული ქვეყნის რესპუბლიკურ საავადმყოფოშია გადაყვანილი. მომხდარზე გამოძიება, თბილისის პროკურატურამ განზრახ მკვლელობის მცდელობის მუხლით დაიწყო.

დაშავებულ პოლიციელს გადაუდებელი ოპერაცია რესპუბლიკურ საავადმყოფოში უტარდება. ექიმებს მისი ჯანმრთელობის მდგომარეობის შესახებ კომენტარი ჯერ არ გაუკეთებიათ. 

 

 

ფოტოზე: რესპუბლიკური საავადმყოფოში დაჭრილი პოლიციელის შეყვანა

ავტორი -  ნინო ვარძელაშვილი - რუსთავი 2

 

]]>
12-01-2017 01:38 +0400
შსს ბალანჩივაძის ქუჩაზე მომხდარი თავდასხმის ფაქტს ადასტურებს http://rustavi2.com/ka/news/65362

საქართველოს პრეზიდენტის სიძის, მინდია გოგოჭურის დაჭრის ფაქტთან დაკავშირებით შინაგან საქმეთა სამინისტრომ გამოძიება, სისხლის სამართლის კოდექსის 118 ჯანმრთელობის განზრახ ნაკლებად მძიმე დაზიანების და 236, იარაღის უკანონოდ შეძენა შენახვა ტარების მუხლებით დაიწყო, ამის შესახებ რუსთავი 2 შს სამინსიტროს საზოგადოებასთან ურთიერთობის დეპარტამენტში განუცხადეს. 

საქართველოს პრეზიდენტის სიძეს გავრცელებული ინფორმაციით ცეცხლასასროლი იარაღიდან ესროლეს შემთხვევა, დღეს საღამოს იოსელიანის ქუჩაზე მოხდა. ვრცლად ინფორმაცია იხილეთ ამ ბმულზე. 

 

 

 

]]>
11-01-2017 23:01 +0400
პრეზიდენტის სიძე დაჭრეს http://rustavi2.com/ka/news/65361

პრეზიდენტის სიძე დაჭრეს, შემთხვევა ბალანჩივაძის ქუჩაზე მოხდა, ამის შესახებ შემთხვევის ადგილიდან კურიერის კორესპონდენტი იუწყება. სამართალდამცველებს მიმდებარე ტერიტორია გადაკეტილი აქვთ, ადგილზე საპატრულო პოლიციის ეკიპაჟები და ექსპერტ კრიმინალისტები მუშაობენ. მინდია გოგოჭური ქვეყნის რესპუბლიკური საავადმყოფოს გადაუდებელი სამედიცინო დახმარების ცენტრშია გადაყვანილი. კურიერის გადამღები ჯგუფი ადგილზე მუშაობს. ვრცლად დეტალები ჩვენს ვებ გვერდზე rustavi2.com 

 

 

 ფოტო შემთხვევის ადგილიდან, ავტორი მარიამ გაფრინდაშვილი 

]]>
11-01-2017 22:49 +0400
პატიმრისთვის ნარკოტიკული საშუალების გადაცემის მცდელობის ფაქტზე ერთი პირი დააკავეს http://rustavi2.com/ka/news/65318

სასჯელაღსრულებისა და პრობაციის სამინისტროს საგამოძიებო დეპარტამენტმა პენიტენციურ დაწესებულებაში მოთავსებული პირისთვის ნარკოტიკული საშუალების გადაცემის მცდელობის ფაქტზე ერთი პირი დააკავა. ამის შესახებ სასჯელაღსრულებისა და პრობაციის სამინისტრომ განცხადება გაავრცელა.

„დაკავებულია მოქალაქე ნ.ჭ, რომელიც N2 პენიტენციურ დაწესებულებაში მოთავსებული ბრალდებულის ს.შ-სთვის ამანათის შეგზავნის მიზნით დაწესებულების საამანათო განყოფილებაში მივიდა. შესაბამისი შემოწმებისას აღმოჩნდა, რომ მის მიერ წარდგენილ ს.შ-სთვის განკუთვნილ ტანსაცმელში მალულად იყო ჩაკერებული ვერცხლისფერ ქაღალდში შეხვეული ორი ცალი პოლიეთილენის პაკეტი, რომლებშიც მოთავსებული იყო 0.046141 გრამი ნარკოტიკული საშუალება „ჰეროინი". ნ.ჭ. ადგილზე დააკავეს,“- ნათქვამია განცხადებაში. 

]]>
11-01-2017 12:50 +0400
ალაბამაში ბანკზე თავდამსხმელი დააკავეს, რომელსაც მძევლები ჰყავდა აყვანილი http://rustavi2.com/ka/news/65304

შეერთებული შტატების პოლიციამ შეიარაღებული პირი დააკავა, რომელსაც ქალაქ ტუსკალუზასში, საფინანსო დაწესებულების განყოფილების შენობაში მძევლები ჰყავდა აყვანილი.

ადგილობრივი მედიის მიერ გავრცელებული ინფორმაციით, შენობაში სულ 8 ადამიანი იმყოფებოდა.

რამდენიმე საათიანი მოლაპარაკებების შემდეგ, სამართალდამცველები შენობაში შეიჭრნენ და დამნაშავე დააკავეს.

სპეცოპერაციის შედეგად არავინ დაშავებულა. წინასწარი ინფორმაციით, მძევლების აყვანის მოტივი საფინანსო დაწესებულების ძარცვა იყო.

]]>
11-01-2017 09:04 +0400
დუისის ინციდენტი - ძალოვანი უწყება გამოძიების დეტალებზე არ საუბრობს http://rustavi2.com/ka/news/65289

ამ დრომდე უცნობია, ვინ დგას დუისში მომხდარი ინციდენტის უკან. გამოძიების დეტალებზე არ საუბრობს ძალოვანი უწყება და არც ის არის ცნობილი, ჰყავთ თუ არა სამართალდამცველებს ეჭვმიტანილი, რომელმაც დუისში კულტურის ცენტრს ცეცხლი წაუკიდა.

დღეს გამართული შეხვედრის შემდეგ არასამთავრობო ორგანიზაციმ, რომელიც ამ ცენტრში ფუნქციონირებდა, მუშაობის გაგრძელების გადაწყვეტილება მიიღო.

შეხვედრას პრეზიდენტისა და სახალხო დამცველის წარმომადგენლები ესწრებოდნენ. დისკუსიასი მონაწილოებას იღებდნენ არასამთავრობო და საერთასორისო ორგანიზაციები და პანკისიის მაცხოვრებლები. 

პანკისის სათემო რადიოს დამფუძნებელი, გელა მთივლიშვილი, არ გამორიცხავს, რომ ინციდენტები გარე ძალების მიერ იყოს მართული, რათა რეგიონი უფრო ჩაკეტილი გახდეს.

სახალხო დამცველის მოადგილე, ნატია კაციტაძე, აცხადებს, რომ პანკისში მომუშავე არასამთავრობო ორგანიზაციებსა და მედიასაშუალებებს უსაფრთხოების გარანტია უნდა ჰქონდეთ.

შინაგან საქმეთა მინისტრის მოადგილის განცხადებით, მოკვლევა მიმდინარეობს და პოლიცია პრევენციული ღონისძიებების გატარებაზეა ორიენტირებული.

პრეზიდენტის ადმინისტრაცია რელიგიური ნიშნით დევნას გამორიცხავს.

კულტურის სახლის შენობის დაწვა დუისში გასულ კვირას სცადეს. ეს არის ცენტრი, სადაც პანკისელი ახალგაზრდები სხვადასხვა სპეციალობას უფასოდ ეუფლებიან.

 

 

ავტორები: ეკა გაგუა, ია გულიაშვილი.

]]>
10-01-2017 21:47 +0400
თამარ მეფის გამზირზე 31 წლის მამაკაცი სახლში გარდაცვლილი იპოვეს http://rustavi2.com/ka/news/65240

თამარ მეფის გამზირზე 31 წლის მამაკაცი სახლში გარდაცვლილი იპოვეს. მომხდარ ფაქტთან დაკავშირებით საქმე თვითმკვლელობამდე მიყვანის მუხლითაა აღზრული. შემთხვევა რამდენიმე საათის წინ მოხდა. მამაკაცი სახლში გარდაცვლილი ნათესავმა ნახა.

]]>
10-01-2017 14:39 +0400
ვანში ძმამ ძმა მშობლების თვალწინ მოკლა http://rustavi2.com/ka/news/65239

ვანში ძმამ ძმა მშობლების თვალწინ მოკლა. შეხვევა სოფელ ყუმურში მოხდა. ბრალდებულმა ურთიერთშელაპარაკებისას სანადირო თოფიდან გასროლით, სასიკვდილო ჭრილობები მიაყენა თავის ძმას, რომელიც შემთხვევის ადგილზე გარდაიცვალა.

ბრალდებული სამართალდამცავებმა ცხელ კვალზე, ოჯახის წევრის მიმართ ჩადენილი განზრახ მკვლელობის ბრალდებით დააკავეს.

 

 

 

]]>
10-01-2017 14:36 +0400
იარაღის და საბრძოლო მასალის მართლსაწინააღმდეგო შეძენა-შენახვისთვის ერთი პირი დააკავეს http://rustavi2.com/ka/news/65237

დაკავება იარაღის და საბრძოლო მასალის მართლსაწინააღმდეგო შეძენა-შენახვის ბრალდებით. სამართალდამცველებმა, ბრალდებულის საცხოვრებელი სახლის ჩხრეკისას, „აკს“-ის მოდელის ავტომატური ცეცხლსასროლი იარაღი, 1 მჭიდი, ნაგანის ტიპის რევოლვერი და 19 ვაზნა ამოიღეს.

დაკავებული ჩადენილ დანაშაულს აღიარებს.

გამოძიება ცეცხლსასროლი იარაღის და საბრძოლო მასალის მართლსაწინააღმდეგო შეძენა-შენახვის ფაქტზე მიმდინარეობს (საქართველოს სსკ-ს 236-ე მუხლის მე-2 ნაწილით).

]]>
10-01-2017 14:35 +0400
გლდანში საქართველოს ბანკი დააყაჩაღეს http://rustavi2.com/ka/news/65226

გლდანის მე-5 მიკრორაიონში, ხიზანიშვილის ქუჩის 77 ნომერში საქართველოს ბანკი დააყაჩაღეს. შემთხვევა დაახლოებით დილის 9 საათისთვის მოხდა. მომხდარს საქართველოს ბანკში ადასტურებენ. თუმცა, წაღებული თანხის ოდენობა ჯერჯერობოთ უცნობია. 

ბანკის დაყაჩაღებას ადასტურებენ შინაგან საქმეთა სამინისტროშიც. უწყების ინფორმაციით, სისხლის სამართლის საქმე 179-ე მუხლით დაიწყო. 

გავრცელებული ინფორმაციით, მძარცველი შეიარაღებული იყო. დაკავებული ამ ეტაპისთვის არავინ არის.

ადგილზე ამ დრომდე მუშაობს ექსპერტ-კრიმინალისტთა ჯგუფი.

]]>
10-01-2017 11:13 +0400
სასამართლო არ თვლის პრობლემად, მოძალადე იყოს გარეთ - მშვენიერაძე გაჩეჩილაძის გათავისუფლებაზე http://rustavi2.com/ka/news/65220

სასამართლოს მიერ რატი გაჩეჩილაძესთან დაკავშიერებით მიღებულ გადაწყვეტილებაზე კითხვის ნიშნები აქვს სამოქალაქო სექტორს. არასამთავრობო ორგანიზაციების ნაწილი აცხადებს, რომ ნიკა გვარამიაზე თავდასხმა ეს ძალადობა იყო, რაც აღმკვეთი ღონისძიების სახით უფრო მძიმე სასჯელს იმსახურებდა.

მათივე თქმით, აუცილებლად დასადგენია დანაშაული ერთმა პირმა ჩაიდინა, თუ ეს იყო ჯგუფური თავდასხმა, როგორც ამას დაზარალებული მხარე ამტკიცებს.

„ეს დანაშაული ჩადენილია ძალადობით, რაც გაცილებით მაღალ სასჯელს ითვალისწინებს და რაც ყველაზე მთავარია, სასამართლომ მსგავსი მუხლით წაღებული საქმის აღკვეთის ღონისძიების მოთხოვნის შემთხვევაში, მხედველობაში უნდა მიეღო და გაეთვალისწინებინა, რომ ბატონი გაჩეჩილაძე არ თვლის, რომ რაც დააშავა, ეს არის პრობლემა. მისი თავისუფლებაში დატოვება, ეს არის პასუხი დანარჩენი საზოგადოებისთვისაც, რომ სასამართლო არ თვლის პრობლემად, რომ მოქალაქე, რომელიც ძალადობს სხვებზე ფიზიკურად, იყოს გარეთ,“ - განაცხადა გიორგი მშვენიერაძემ.

]]>
10-01-2017 08:44 +0400
რატი გაჩეჩილაძეს გირაოს სახით 5000 ლარი შეუფარდეს-იგი სასამართლო დარბაზიდან გაათავისუფლეს http://rustavi2.com/ka/news/65197

რატი გაჩეჩილაძეს გირაოს სახით 5000 ლარი შეუფარდეს. მან სასამართლო დარბაზი რამდენიმე წუთის წინ დატოვა და ჟურნალისტების შეკითხვებს გაექცა. კომენტარი არც გაჩეჩილაძის ოჯახის წევრებს გაუკეთებიათ.

გადაწყვეტილება საქალაქო სასამართლოში რამდენიმე წუთის წინ გამოაცხადეს. მოსამართლემ აღნიშნა, რომ ნიკა გვარამიაზე განხორციელბული თავდასხმის ავტორი პატიმრობაში უკანონოდ იმყოფებოდა. 

 

]]>
09-01-2017 21:38 +0400
ელჩები, ოპოზიციისა და არასამთავრობოების წარმომადგენლები გვარამიაზე ძალადობას გმობენ http://rustavi2.com/ka/news/65200

ამერიკისა და ევროკავშირის ელჩები ნიკა გვარამიას საქმეზე დაწყებულ გამოძიებას განსაკუთრებულად მიადევნებენ თვალყურს. დიპლომატები გმობენ ნებისმიერი ტიპის ძალადობას და ხელისუფლებისგან შესაბამის რეაგირებას ელოდებიან.

ძალადობა ასევე დაგმეს უმრავლესობის წევრებმაც, თუმცა კანონის მთელი სიმკაცრით გამოყენებას არ ეთანხმებიან. ეკა ბესელიასა და მამუკა მდინარაძისთვის რატი გაჩეჩილაძის წინააღმდეგ აღკვეთის ღონისძიების ფორმად, წინასწარი პატიმრობის გამოყენება მიუღებელია.

ოპოზიციური პარტიები და არასამთავრობო ორგანიზაციები თავდასხმის გამჭვირვალედ გამოძიებას ითხოვენ. პოლიტიკოსები რუსთავი 2-ის გენერალურ დირექტორზე მომხდარ თავდასხმაში მონაწილეთა მკაცრად დასჯას ითხოვენ და მომხდარზე მთელ პასუხისმგებლობას ხელისუფლებას აკისრებენ.

ნიკა გვარამიას ლევან გაჩეჩილაძის შვილი, რატი გაჩეჩილაძე თავს 7 ინავარს დაესხა, როდესაც რუსთავი 2-ის გენერალური დირექტორი მეგობრებთან ერთად რესტორან დაინინგ რუმში იმყოფებოდა. თვითმხილველების თქმით, თავდასხმა რატი გაჩეჩილაძეს მარტოს არ განუხორციელებია.

ავტორი: ნათია გოგსაძე.

]]>
09-01-2017 21:18 +0400
რატი გაჩეჩილაძის აღკვეთის ღონისძიებაზე სასამართლო მსჯელობს - ადვოკატი ბრალდებულის აღკვეთის გარეშე დატოვებას მოითხოვს http://rustavi2.com/ka/news/65209

რატი გაჩეჩილაძის აღკვეთის ღონისძიებაზე თბილისის საქალაქო სასამართლოში ორი საათია მსჯელობენ. ნიკა გვარამიაზე განხორციელებულ ძალადობაში ბრალდებულისთვის პროკურატურა 5000 ლარიანი გირაოს შეფარდებას ითხოვს. ადვოკატები კი სასამართლოს რატი გაჩეჩილაძის აღკვეთის გარეშე დატოვების შუამდგომლობთ მიმართავენ. უკიდურეს კი მინიმალური ოდენობის 1000 ლარის გირაოს გამოყღენებას სთავაზობენ.

რატი გაჩეჩილაძეს ბრალი პოლიციის მთავარი სამმართველოს დროებითი მოთავსების იზოლატორში დღის პირველ ნახევარში წარუდგინეს. გამოძიება მას ცემას ან სხვაგვარ ძალადობას ედავება. გაჩეჩილაძისთვის წარდგენილი მუხლი მსუბუქი დანაშაულის კატეგორიაში გადის და მასში არც ჯგუფური თავდასხმაა გათვალისწინებული.

დაზარალებულების პოზიცია მიუღებელია ბრალდებულის ადვოკატისთვის. ლილი გელაშვილი კვალიფიაციის შეცვლის წინააღმდეგია. მისი განცხადებით რატი გაჩეჩილაძის ქმედება სისხლის სამართლის დანაშაულად თავიდანვე არასწორად იქნა შეფასებული. ადვოკატის ინფორმაციით გაჩეჩილაძეს ნიკა გვარამიას მიმართ პირადი ბოღმა ჰქონდა და მისი წარსული პოლიტიკური საქმიანობა ან საზოგადოებრივი აქტივობა არაფერ შუაშია.

ნიკა გვარამიას შეფასებით მასზე თავდასხმა შესაძლოა სიძულვილის დანაშაულადაც შეფასდეს, ამ დასკვნამდე კი ის ბრალდებულისა და მისი ადვოკატების განცხადებების გაცნობის შემდეგ მივიდა.

ავტორი: ნათია ტრაპაიძე.

]]>
09-01-2017 21:13 +0400
"რუსთავი 2-ს" არ ვაღიარებ, როგორც ტელევიზიას... თავხედურად იქცევით, - გია გაჩეჩილაძე http://rustavi2.com/ka/news/65208

გია გაჩეჩილაძემ სამოქალაქო სასამართლოში, რატი გაჩეჩილაძის პროცესზე დასწრებამდე, რუსთავი 2-ის თანდასწრებით ინტერვიუზე უარი განაცხადა.

მან ჟურნალისტს შეკითხვის დასმისთვის "თავხედი" უწოდა.

„თქვენ პასუხს არ გცემთ, რუსთავი 2-ს არ ვაღიარებ, როგორც ტელევიზიას, შეგიძლიათ ჩაწიოთ მიკროფონი და სხვა ტელევიზიებში გავა ჩემი ნათქვამი,“ - განაცხადა გაჩეჩილაძემ.

ავტორი: ნათია ტრაპაიძე.

]]>
09-01-2017 21:03 +0400
საქალაქო სასამართლოში რატი გაჩეჩილაძის აღკვეთის ღონისძიებაზე მსჯელობა დაიწყო http://rustavi2.com/ka/news/65199

საქალაქო სასამართლოში რატი გაჩეჩილაძის აღკვეთის ღონისძიებაზე მსჯელობა დაიწყო. დაცვის მხარე ბრალდებულის აღკვეთის ღონისძიების გარეშე დატოვებას ითხოვს, უკიდურეს შემთხვევაში კი გირაო სახით 1000 ლარის გამოყენებაზე საუბრობს. 

როგორც ცნობილია პროკურატურა გაჩეჩილაძისთვის გირაოს სახით 5000 ლარიანი გირაოს შეფარდებას მოითხოვს პატიმრობის უზრუნველყოფით, რაც იმას ნიშნავს, რომ მას საპატიმროს დატოვება მხოლოდ თანხის გადახდის შემდეგ შეეძლება. 

სასამართლოში პროცესს რატი გაჩეჩილაძის ოჯახის წევრები და მისი ახლობლები ესწრებიან. 

]]>
09-01-2017 19:19 +0400
„უზრუნველყოფის სახით პატიმრობა უნდა იქნას გამოყენებული"- ნიკა გვარამიას ადვოკატი http://rustavi2.com/ka/news/65189

რატი გაჩეჩილაძისთვის შეფარდებული ბრალი ნიკა გვარამიას ადვოკატმა კურიერის პირდაპირ ეთერში შეაფასა. ადვოკატის თქმით, 126-ე მუხლი, რომელიც შედარებით მსუბუქ დანაშულს წარმოადგენს, სპეციალურად იქნა შერჩეული, რათა შემსუბუქებულიყო რატი გაჩეჩილაძისთვის დაკისრებული პასუხისმგებლობა. 

„სამართალდამცავ ორგანოებს რატი გაჩეჩილაძის ქმედება სისხლის სამართლის კოდექსის 156-ე მუხლით უნდა დაეკვალიფიცირებინათ, რომელიც გულისხმობს, პირის პოლიტიკურ ან საზოგადოებრივ მოღვაწეობასთან დაკავშირებით ძალადობას,“- აცხადებს საძაგლიშვილი.

მან ასევე აღნიშნა, რომ კვალიფიკაციის შეცვლის მოთხოვნით სამართალდამცავებს წერილობით  უკვე მიმართა.

„მოვითხოვთ, რომ ქმედება სწორად შეფასდეს და შერჩევითი მიდგომა არ მოხდეს და ვიღაცებისთვის პასუხისმგებლობის შემცირება იმის გამო, თუ რამდენად დაახლოებული არიან ხელისუფლებასთან და რამდენად ხელისუფლებისთვის არასასურველ პიროვნებებს აყენებენ ფიზიკურ შეურაცხყოფას,“- განაცხადა საძაგლიშვილმა.

ადვოკატმა სასჯელის აღკვეთის ღონისძიების ზომაზეც ისაუბრა. 

„რაც ვუსმინე ადვოკატის განცხადებას, რომ თურმე ერთი-ორი წამორტყმა არაფერია, დაახლეობით, მსგავსი შინაარსის განცხადება იყო გაკეთებული რატი გაჩეჩილაძის მამის მხრიდან, შეგვიძლია შეგვექმნას წარმოდგენა, რომ ერთი-ორი წამორტყმა ადამიანებისთვის მათთვის არაფერს ნიშნავს, ასეთ პირობებში უზრუნველყოფის სახით პატიმრობა უნდა იქნას გამოყენებული, რადგან მომამავლში მათ მიერ დანაშულის პრევენცია მოხდეს,“- განაცხადა დიმიტრი საძაგლიშვილმა. 

]]>
09-01-2017 18:17 +0400
რატი გაჩეჩილაძის აღკვეთის ღონისძიებაზე სასამართლო დღეს 19:00 საათზე იმსჯელებს http://rustavi2.com/ka/news/65188

რამდენიმე წუთის წინ ცნობილი გახდა, რომ ნიკა გვარამიაზე თავდასხმის საქმეზე ბრალედბულის აღკვეთის ღონისძიებაზე სასარმთლო დღეს 19:00 საათზე იმსჯელებს.

ბრალი რატი გაჩეჩილაძეს დღეს შუადღეს წარუდგინეს. კვალიფიკაცია უცვლელია - სისხლის სამართლის კოდექსის 126-ე ძალადობის მუხლის პირველი ნაწილი, რაც ძირითად სასჯელად 1-დან 3 წლამდე პატიმრობას ითვალისწინებს. საქმე მსუბუქი დანაშაულის კატეგორიაშია.

პროკურატურა რატი გაჩეჩილაძისთვის 5000 ათასი ლარის ოდენობის გირაოს ითხოვს საპატიმრო უზრუნველყოფით, რაც იმას ნიშნავს, რომ ვიდრე თანხის გადახდა არ მოხდება, რატი გაჩეჩილაძე პატიმრობაში დარჩება.

]]>
09-01-2017 18:08 +0400
"აბსოლუტური ტყუილია, რომ რაიმე სახის პროვოცირებას ჰქონდა ადგილი," - ნიკა გვარამია თავდასხმის ფაქტს იხსენებს http://rustavi2.com/ka/news/65187

ნიკა გვარამიამ ლევან სამხარაულის სახელობის ეროვნულ ბიუროში ექსპერტიზა გაიარა. ექიმის უკვე არსებული დასკვნის მიუხედავად, ექსპერტიზა გამოძიებამ მოითხოვა. რუსთავი 2-ის გენერალურმა დირექტორმა საქმესთან დაკავშირებით დამატებით განმარტებებიც გააკეთა.

იგი აბსოლუტურ ტყუილს უწოდებს რატი გაჩეჩილაძის ადვოკატის განცხადებებს რაიმე სახის პროვოცირებასთან დაკავშირებით.

„აბსოლუტური ტყუილია, რომ რაიმე სახის პროვოცირებას ჰქონდა ადგილი. ჯერ ერთი, მე საერთოდ არ ვიცნობ რატი გაჩეჩილაძეს, არც შემინიშნავს იქ. ეს აბსოლუტურად სხვა დღე იყო ჩემთვის და გაჩეჩილაძე კი არა, საერთოდ არავინ არ გამხსენებია. ვისთან არის საერთოდ ლევან გაჩეჩილაძე, რომ ოდესმე მახსენდებოდეს მისი არსებობა. ვსაუბრობდით ჩუმად, ნორმალურად და ვსაუბრობდით ჩემს პრობლემაზე, მამაჩემის გარდაცვალებაზე და ა.შ. მეტი რაზე უნდა გვესაუბრა... მე, მართალია, თავდასხმა არ მინახავს, იმიტომ რომ ეს თავდასხმა მოხდა უკნიდან და მიპარვით. მიუხედავად ამისა, მე ვნახე ორი თავდამსხმელი, რომელიც გარბოდა. ამას გარდა, ეს ორი თავდამსხმელი ნახეს ჩემმა ასე ვთქვათ, თანამესუფრეებმა, იქ მყოფმა ჩემმა მეგორბებმა და ნახეს, რომ ორივე იღებდა ამაში მონაწილეობას. მე არავითარი საფუძველი არ მაქვს მათ არ ვენდო. ასე რომ, ნამდვილად შემიძლია ვთქვა, რომ იქ იყო ორი ადამიანი და სახელმწიფო გამოძიებას და ბრალდებას აქვს ვალდებულება, რომ დაადგინოს მეორე ადამიანის ვინაობა,“ - განაცხადა ნიკა გვარამიამ. 

ავტორი: ანა წერეთელი.

]]>
09-01-2017 17:55 +0400
ნიკა გვარამია გაჩეჩილაძეებს ადვოკატის გამოცვლას ურჩევს http://rustavi2.com/ka/news/65186

რუსთავი 2-ის გენერალური დირექტორი გაჩეჩილაძეებს ურჩევს ადვოკატი გამოცვალონ, რადგან გვარამიას თქმით ყველაფერი, რასაც ის ამბობს, სწორედ მათ წინააღმდეგ შიძლება იყოს გამოყენებული.

გვარამიას აზრით ვიღაცას შესაძლოა ბოღმა ჰქონდეს, თუმცა ის ასეთ ფორმებში არ უნდა გადაიზარდოს. 

„გაჩეჩილაძის ადვოკატს შემიძლია შევთავაზო, მოვიდეს და რამდენიმეჯერ წამოვარტყამ, თუ ეს არფერს არ ნიშნავს და დამაჯარიმებენ ადმინისტრაციულად. რა თქმა უნდა, ამას არ ვიზამ. გაჩეჩილაძეებს ვურჩევ ადვოკატი გამოცვალონ, იმიტომ რომ ყველაფერი, რასაც ეს ადვოკატი ლაპარაკობს, არის მათ წინააღმდეგ მიმართული. ყველაფერს, რასაც ეს ქალბატონი ლაპარაკობს, იმის მანიშნებელია, რომ ადგილი აქვს სიძულვილის დანაშაულს, რაც თავისი შინაარსით არის მძიმე დანაშაული. როდესაც ვსაუბრობ კვალიფიკაციის შეცვლაზე, ვსაუბრობ იქიდან გამომდინარე, რასაც ბრალდებული და ადვოკატი საუბრობენ საჯაროდ. ამ განცხადებებიდან გამომდინარე, ეს კვალიფიკაცია, რომელიც ახლა არის საქმეში, არის მსუბუქი და არაადექვატური. ამ ლოგიკიდან გამომდინარე, ძალიან ბევრ ადამიანს შეიძლება ჰქონდეს ჩემ მიმართ ბოღმა, არავითარი პრობლემა არ არის, მაგრამ ეს არ უნდა გადაიზარდოს ფიზიკურ შეურაცხყოფაში. მითუმეტეს ისეთ მუხანათურ და სამარცხვინო ფორმებში, როგორითაც ეს გაჩეჩილაძემ ჩაიდინა, სიბნელეში უკნიდან მიპარვით და თავში ჩარტყმით,“ - განაცხადა ნიკა გვარამიამ. 

რუსთავი 2-ის გენერალური დირექტორი მასზე განხორციელებულ თავდასხმას "სამარცხვინოს და საზოგადოებისთვის საშიშის" უწოდებს. 

ნიკა გვარამია იტოვებს უფლებას, რომ გააკრიტიკოს, დაეთანხმოს ან არ დაეთანხმოს სასამართლოს გადაწყვეტილებას. იგი აცხადებს, რომ არ მოიქცევა ისე „თავხედურად და არაკვალიფიციურად“, როგორც ეს უმრავლესობის ლიდერმა, მამუკა მდინარაძემ გააკეთა.

ავტორი: ანა წერეთელი.

]]>
09-01-2017 16:56 +0400
რატი გაჩეჩილაძის მეგობრების დაკითხვა დასრულდა http://rustavi2.com/ka/news/65173

რატი გაჩეჩილაძის მეგობრების დაკითხვა თბილისის პოლიციის მთავარ სამმართველოში დასრულდა. ისინი ამ დრომდე მოწმის სტატუსის სარგებლობენ.

გიორგი ფანცულაიას ადვოკატის, ნიკოლოზ ბიბილაშვილის განცხადებით, ფანცულაია ინციდენტის დროს რატი გაჩეჩილაძესთან ერთად იმყოფებოდა დაინინგ რუმში, თუმცა ნიკა გვარამიაზე განხორციელებულ თავდასხმაში არ მონაწილეობდა.

რატი გაჩეჩილაძის მეგობრებს მედიასთან კომენტარი არ გაუკეთებიათ.

რუსთავი 2-ის გენერალურ დირექტორზე განხორციელებული თავდასხმის ფაქტზე დაკავებულ რატი გაჩეჩილაძეს ცოტა ხნის წინ ბრალი წაუყენეს.

 

ავტორი: ნათია ტრაპაიძე. 

]]>
09-01-2017 15:07 +0400
ნიკა გვარამიაზე თავდასხმა - რატი გაჩეჩილაძეს ბრალი წაუყენეს http://rustavi2.com/ka/news/65163

რუსთავი 2-ის გენერალურ დირექტორზე განხორციელებული თავდასხმის ფაქტზე დაკავებულ რატი გაჩეჩილაძეს ბრალი წაუყენეს. ამის შემდეგ პროკურატურა საქალაქო სასამართლოს მიმართავს აღკვეთის ღონისძიების შეფარდების მოთხოვნით.

გაჩეჩილაძის ადვოკატის თქმით, დაკავებული გვარამიაზე თავდასხმას აღიარებს, თუმცა ადვოკატი ამტკიცებს, რომ დაპირისპირების პროვოცირება გვარმიამ და მისმა მეგობრებმა მოახდინეს. 

ნიკა გვარამიაზე თავდასხმის ფაქტზე გამოძიება 126-ე მუხლის პირველი ნაწილით მიმდინარეობს, რაც ცემას ან სხვაგვარ ძალადობას გულისხმობს.

 

 

 

 

 

]]>
09-01-2017 14:53 +0400
„ეს იყო ნასვამი ადამიანის დაგროვებული ბოღმა"- რატი გაჩეჩილაძის ადვოკატი სისხლის სამართლებრივი დევნის დაწყებას არასწორად მიიჩნევს http://rustavi2.com/ka/news/65166

„ეს ყო ნასვამი ადამიანის დაგროვებული ბოღმა, ერთმა შეურაცხმყოფელმა წამოსროლილმა ფრაზამ ნიკა გვარამიასგან, სპონტანური რეაქცია გამოიწვია, მივიდა და დაარტყა,“- ეს განცხადება ნიკა გვარამიაზე განხორციელებული თავდასხმის ფაქტზე დაკავებული რატი გაჩეჩილაძის ადვოკატმა, ლილი გელაშვილმა გააკეთა.

გაჩეჩილაძის ადვოკატი თავდასხმის მოტივთან დაკავშირებით აცხადებეს, რომ ეს იყო „ნიკა გვარამიას მხრიდან მისი მამის, ბიძის მიმართ დღევანდელ დღემდე ინტენსიური, ყოველდღიური შეურაცხმყოფელი განცხადებების გაკეთება.“

ლილი გელაშვილის განცხადებით, ნიკა გვარამიას განცხადებებთან დაკავშირებით პრესკონფერენციის ჩატარებას გეგმავენ.

რატი გაჩეჩილაძის ადვოკატის თქმით, სისხლის სამართლებრივი დევნა არ უნდა დაწყებულიყო.

„მიგვაჩნია, რომ იმ ფარგლებში, რაც ახლა მიმდინარეობს, ესეც არ არის სწორი. ეს იყო წმინდა ერთი-ორი დარტყმა, რომელსაც კი არ ვაკნინებ, ან ვაბუქებ, მაგრამ ეს იყო მხოლოდ ადმინისტრაციულად დასჯადი ქმედება და არ უნდა დაწყებულიყო სისხლის სამართლებრივი დევნა. პოლიტიკური ნიშნით ცდილობს, ამ ჩარჩოში, რაკურსში გადაიყვანოს ნიკა გვარამიამ, რაც აბსურდია, ეს უკვე მათი ხელწერაა, ვინმემ, რომ მათზე რამე განაცხადოს, ეს პოლიტიკური დევნით და ფიგურებად უნდა წარმოჩინდნენ,“ - განაცხადა გაჩეჩილაძის ადვოკატმა, ლილი გელაშვილმა.

ავტორი: ნათია ტრაპაიძე. 

]]>
09-01-2017 14:44 +0400
"დამნაშავეა პირდაპირ საქართველოს ხელისუფლება" - რომან გოცირიძე ნიკა გვარამიაზე თავდასხმას აფასებს  http://rustavi2.com/ka/news/65138

სამაუწყებლო კომპანია რუსთავი 2-ის გენერალურ დირექტორ ნიკა გვარამიაზე თავდასხმას საგანგაშო ფაქტად აფასებენ საპარლამენტო და არასაპარლამენტო ოპოზიციის წარმომადგენლები. ისინი მომხდარს ქვეყანაში არსებულ დაუსჯელობის სინდრომს უკავშირებენ.

მათი აზრით, კრიტიკულად განწყობილი ადამიანისადმი ძალადობა, ხელისუფლების მხრიდან წაქეზებულია და პასუხისმგებლობას მმართველ გუნდს აკისრებენ.

ნაციონალური მოძრაობაში აცხადებენ, რომ ქართული ოცნების მმართველობის პერიოდში პოლიტიკოსებისა და საჯარო პირების ფიზიკური შეურაცხყოფა არა ერთხელ მოხდა, თუმცა არცერთი დამნაშავე შესაბამისად არ დასჯილა.

„ამაში დამნაშავეა პირდაპირ საქართველოს ხელისუფლება, რომელმაც არა ერთხელ წაუყრუა მსგავს ხულიგნურ და ამაზრზენ საქციელს. არ აქცევდა ყურადღებას დეპუტატების ცემას, პოლიტიკური ნიშნით ადამიანების ფიზიკურ დევნას. ასეთი კრიმინალური ფონის შემქნა სწორედ იმ პოლიტიკური ატმოსფეროს შედეგია, რაც დღეს სუფევს საქართველოში,“-განაცხადა რომან გოცირიძემ.

სამაუწყებლო კომპანია რუსთავი 2-ის გენერალურ დირექტორზე განხორციელებულ თავდასხმაზე პასუხისმგებლობას ექსპრემიერ ბიძინა ივანიშვილს აკისრებს ლეიბორისტების ლიდერი.

„პასუხისმგებლობა აკისრია რეჟიმის მეთაურ ბიძინა ივანიშვილს, რომელიც წლების განმავლობაში აღვივებს სიძულვილს, არა მარტო პოლიტიკური მოწინააღმდეგეების მიმართ, არამედ მისთვის მიუღებელი ტელევიზიების, ჟურნალისტების თუ ტელეკომპანიათა მენეჯერების მისამართით,“ - აცხადებს შალვა ნათელაშვილი.

სამართალდამცველებს მომხდარზე შესაბამისი რეაგირებისა და თავდასხმაში მონაწილე პირების სათანადო დასჯისკენ მოუწოდებენ თავისუფალი დემოკრატებიც.

]]>
09-01-2017 08:13 +0400
"არ არის აუცილებელი მაინცდამაინც დაკავება" - მამუკა მდინარაძე ნიკა გვარამიაზე განხორციელებულ თავდასხმას აფასებს  http://rustavi2.com/ka/news/65137

თავდასხმა ნიკა გვარამიაზე - ფრაქცია ქართული ოცნების თავმჯდომარე აცხადებს, რომ რატი გაჩეჩილაძეს არ უნდა შეეფარდოს აღკვეთის ღონისძიების სახით პატიმრობა. მამუკა მდინარაძის შეფასებით, ეს მსუბუქი დანაშაულია და პატიმრობის გამოყენება არ არის მიზანშეწონილი, თუმცა აცხადებს, რომ ის გმობს ძალადობას.

"ძალადობას არ აქვს არანაირი გამართლება, მე როგორც პოლიტიკოსმა, ეს შემიძლია ვთქვა, მაგრამ ჩემი აზრია, რომ არ არის აუცილებელი მაინცდამაინც დაკავება, მაშინ როდესაც სხვა შემთხვევებში ანალოგიურ დანაშაულზე არ შეეფარდათ დაპატიმრება. ეს არის ევროსასამართლოს რეკომენდაციებიც და ეს არის პრინციპებიდან გამომდინარე, რაც აღკვეთის ღონისძიების საკითხის განხილვის დროს განიხილება ხოლმე.

"კიდევ ერთხელ ხაზგასმით აღვნიშნავ, არ უნდა იყოს გამონაკლისი, ნიკა გვარამია იქნება თუ ნებისმიერი ადამიანი, ოპოზიციური ტელევიზიის დირექტორი თუ ქართული ოცნების მომხრე თუ მოწინააღმდეგე და ა.შ. ამას არ უნდა ჰქონდეს მნიშვნელობა. რაც არის დადგენილი პრაქტიკა, მაგალითად, ნაკლებად მძიმე დანაშაულებებზე, ასე უნდა გაგრძელდეს ამ შემთხვევებშიც,“ - განაცხადა მამუკა მდინარაძემ.

ნიკა გვარამიასა და რეჟისორ დავით დოიაშვილზე მომხდარ ძალადობას გმობენ მმართველი პარტიის სხვა წევრებიც და მოუწოდებენ შესაბამის უწყებებს, საქმე სათანადოდ გამოიძიონ.

შეგახსენებთ, რომ ინციდენტი ფალიაშვილის ქუჩაზე, რესტორან დაინინგ რუმში ორი დღის წინ მოხდა. ლევან გაჩეჩილაძის შვილი, მეგობართან ერთად ფიზიკურად გაუსწორდა ნიკა გვარამიას და რეჟისორ დავით დოიაშვილს.

შინაგან საქმეთა სამინისტროს ამ ფაქტზე მხოლოდ რატი გაჩეჩილაძე ყავს დაკავებული. ინციდენტში მონაწილე მეორე პირის ვინაობას კი საგამოძიებო უწყება ამ დრომდე არ აკონკრეტებს.

]]>
09-01-2017 08:03 +0400
"კვალიფიკაცია, რომელიც ჯერჯერობით აქვს საქმეს - ძალადობა, სრულიად არაადეკვატურია,"-ნიკა გვარამია http://rustavi2.com/ka/news/65131

"კვალიფიკაცია, რომელიც ჯერჯერობით აქვს საქმეს - ძალადობა (126.1), სრულიად არაადეკვატურია,"-ეს განცხადება რუსთავი 2-ის გენერალურმა დირექტორმა ნიკა გვარამიამ ცოტა ხნის წინ გაავრცელა. სოციალურ ქსელში გვარამია ახსენებს დასახელებულ მოტივს და წერს, რომ თავდასხმა ჯგუფური იყო.

განცხადებას უცვლელად გთავაზობთ:

"თუ ჩემ წინააღმდეგ ჩადენილ დანაშაულს მოტივი არ ქონდა, მაშინ ჯგუფური ხულიგნობაა (239.2.ა). თუ მოტივი ჩემი პოლიტიკური და საზოგადოებრივი საქმიანობაა, მაშინ სიძულვილის დანაშაულია და დევნა ძალის გამოყენებით (156.2.ა)
კვალიფიკაცია, რომელიც ჯერჯერობით აქვს საქმეს - ძალადობა (126.1), სრულიად არაადეკვატურია. 
ps ხაზგასმით - თავდასხმა იყო ჯგუფური."

]]>
08-01-2017 21:44 +0400
მომხდარზე პასუხისმგებლობა აკისრია ივანიშვილს - შალვა ნათელაშვილი ნიკა გვარამიაზე თავდასხმის ფაქტს აფასებს http://rustavi2.com/ka/news/65130

ლეიბორისტული პარტიის თავმჯდომარე შალვა ნათელაშვილი დარწმუნებულია, რომ ნიკა გვარამიაზე განხორციელებული თავდასხმა ბიძინა ივანიშვილს პირდაპირ უკავშირდება.

მისი თქმით, ბოლო 5 წლის განმავლობაში ბიძინა ივანიშვილის ყველა ინტერვიუ იწყება რუსთავი 2-ზე საუბრით და სრულდება ნიკა გვარამიათი. აქედან გამომდინარე, მისი აზრით, მომხდარზე პასუხისმგებლობა ბიძინა ივანიშვილს ეკისრება.

პოლიტიკოსის თქმით, რატი გაჩეჩილაძე დანაშაულის იარაღად არის გამოყენებული.

„მომხდარზე პერსონალური პასუხისმგებლობა აკისრია რეჟიმის მეთაურ ბიძინა ივანიშვილს, რომელიც წლებია პირადად აღვივებს სიძულვილს არა მარტო პოლიტიკური მოწინააღმდეგეების მიმართ, არამედ მისთვის მიუღებელი ტელევიზიების, ჟურნალისტების თუ ტელეკომპანიათა მენეჯერების მისამართით. ეს ახალგაზრდა გამოყენებულია დანაშაულის იარაღად თავისი გარემოცვისა და ივანიშვილის პროპაგანდის გავლენით,“ - განაცხადა შალვა ნათელაშვილმა.

მომხდარ ფაქტს ნაციონალურ მოძრაობაშიც ეხმაურებიან და მიიჩნევენ, რომ დამნაშავე კანონის სრული სიმკაცრით უნდა დაისაჯოს.

]]>
08-01-2017 18:19 +0400
რატი გაჩეჩილაძეს ნიკა გვარამიაზე განხორციელებული თავდასხმისთვის ბრალს სავარაუდოდ ხვალ დილით წარუდგენენ http://rustavi2.com/ka/news/65125

რუსთავი 2-ის გენერალურ დირექტორზე განხორციელებულ თავდასხმის ფაქტზე დაკავებულ რატი გაჩეჩილაძეს ოფიციალურად ბრალს დღის ბოლომდე წარუდგენენ. გაჩეჩილაძე ნიკა გვარამიაზე თავდასხმას აღიარებს, თუმცა მისი ადვოკატის ინფორმაციით დაპირისპირების პროვოცირება გვარამიამ და მისმა მეგობრებმა მოახდინეს. თავდასხმის მოტივად კი ადვოკატი ნიკა გვარამიასა და ნაციონალური მოძრაობის კავშირს ასახელებს. ლევან გაჩეჩილაძის შვილი გვარამიას ფიზიკურად გუშინ საღამოს ფალიაშვილის ქუჩაზე ერთ-ერთ რესტორანში გაუსწორდა.

რუსთავი 2-ის გენერალურ დირექტორზე თავდასხმა თავდაპირველად 126-ე მუხლის მეორე ნაწილით დაიწყო, რაც ცემას ჯგუფის მიერ გულისხმობს. თუმცა მოგვიანებით მუხლი შეიცვალა ძიება ახლა 126-ე მუხლის პირველი ნაწილით მიმდინარეობს. საქმეზე საგამოძიებო მოქმედებები გრძელდება, არ არის გამორიცხული, ბრალის წარდგენის შემდეგ მუხლი ისევ გადაკვალიფიცირდეს. რატი გაჩეჩილაძეს ბრალს სავარაუდოდ ხვალ დილით წარუდგენენ.

ავტორები: მარიამ გაფრინდაშვილი, თამთა დოლენჯაშვილი, მამუკა ჯინჭარაძე, ტატო კახიძე, გიორგი კვიწინაძე.

]]>
08-01-2017 18:07 +0400
თუ ჩვენ გვინდა გვქონდეს სახელმწიფო, ასეთი დანაშაული მთელი სიმკაცრით უნდა დაისაჯოს - ელენე ხოშტარია ნიკა გვარამიაზე თავდასხმას აფასებს http://rustavi2.com/ka/news/65121

ნაციონალური მოძრაობის წევრები რუსთავი 2-ის გენერალურ დირექტორზე მომხდარ თავდასხმას ქვეყანაში დაუსჯელობის სინდრომის არსებობას უკავშირებენ. პარტიის წევრების თქმით, პოლიტიკოსებისა და საჯარო პირების ფიზიკური შეურაცხოფა არაერთხელ მომხდარა, თუმცა არც ერთი დამნაშავე შესაბამისად არ დასჯილა.

„თავდასხმა რუსთავი 2-ის გენერალურ დირექტორზე არის ძალიან საგანგაშო მოვლენა. ეს ძალადობის გამოვლენის პირველი ფაქტი არ არის და ზოგადად ჩვენ ვხედავთ, რომ ვცხოვრობთ სახელმწიფოში, სადაც ძალადობა კრიტიკულად განწყობილი ადამიანის მიმართ წაქეზებულიც არის ხოლმე ხელისუფლების მხრიდან. მარგამ ამ ძალადობას თან ახლდა დეკლარირებული, პირდაპირ გაკეთებული განცხადება, რომ საზოგადოებრივი თუ პოლიტიკური საქმიანობის გამო გაუსწორდნენ ნიკა გვარამიას. თუ ჩვენ გვინდა ვიყოთ სახელმწიფო, აქ აღარ არის საუბარი უკვე დემოკრატიულ სახელმწიფოზე, ასეთი ტიპის დანაშაულისთვის კანონის მთელი სიმკაცრით უნდა დაისაჯოს ეს ადამიანი. იმიტომ რომ ეს არ ეხება უბრალოდ ცალკე აღებულ ნიკა გვარამიას, ეს ეხება ნებისმიერ ჩვენს მოქალაქეს, რომელიც შეიძლება ხვალ გახდეს ვიღაცის გულისრევის თუ გაღიზიანების მსხვერპლი,“ - განაცხადა ელენე ხოშტარიამ.

]]>
08-01-2017 15:21 +0400
მოიპარნენ... ერთ-ერთმა გამეტებით დაუწყო ნიკას თავში რტყმა,- მანანა დოიაშვილი გვარამიაზე მომხდარ თავდასხმას იხსენებს http://rustavi2.com/ka/news/65117

ნიკა გვარამიაზე მომხდარი თავდასხმის დეტალებს დავით დოიაშვილის და, მანანა დოიაშვილი იხსენებს. მისი თქმით დამნაშავეები ტელეკომპანიის გენერალურ დირექტორს ჩუმად მიეპარნენ და თავდასხმა 2-მა პირმა განახორციელა.

„როცა შემოვედით აქეთ ბიჭები ისხდნენ, სვამდნენ და არ მესიამოვნა ისეთი სიტუაცია იყო. ნიკა გვარამიას,  2 ბიჭი იყო მოსული უკნიდან, მოიპარნენ იმ დონეზე, რომ გვეგონა მისასამძიმრებლად ვიღაც ნაცნობი 2 ბიჭი მიუახლოვდა მას. არაფრით არ ველოდით რომ ეს მოხდებოდა. ერთ-ერთმა გამეტებით დაუწყო ნიკას თავში რტყმა, ამ დროს დათო წამოდგა და მეორე ბიჭი დათოს გაუსწორდა დოიაშვილს,“-აცხადებს დოიაშვილი. 

რესტორანში გვარამიასტან ერთად მყოფი ნიკოლოზ რაჭველი კი აცხადებს, რომ მაგიდა ისეთ ადგილას მდებარეობდა, რომ მათი საუბრის შინაარსსაც კი ვერავინ გაიგონებდა. ის კატეგორიულად არ ეთანხმება ადვოკატის მიერ გაჟღერებულ ვერსიას, რომლის თანახმადაც რატი გაჩეჩილაძე მისი გვარის ხსენებამ გააღიზიანა.

„საუბრის შინაარსი იყო აბსოლუტურად აპოლიტიკური და ნამდვილად ვერ დავეთანხმები იმ მოსაზრებას, რომ ჩვენ იმ შინაარსის ტექსტს ვუზიარებდით ერთმანეთს, რომ ეს გამოიწვევდა რაიმე სახის დაპირისპირების პროვოცირებას,“-აცხადებს ნიკოლოზ რაჭველი.

ნიკოლოზ რაჭველი ასევე აცხადებს, რომ მან 2 ახალგაზრდა დაინახა, რომლებიც მოულოდნელად მივიდნენ მათ სუფრასთან.

მომხდარს იხსენებს მარინა ბერიძეც, რომელიც აცხადებს, რომ თავდამსხმელი ნიკა გვარამიასთან ერთად სუფრის სხვა წევრებსაც "წირავდა."

„წირავდა ის ბიჭი, მე არ ვიცი რატი იყო, შმატი იყო, გრეჩიხას შვილი იყო, მით უარესი იმიტომ, რომ იქ მარტო ნიკა გვარამია არ იჯდა, იქ იჯდა დათო დოიაშვილი, იქ იჯდა ნიკოლოზ რაჭველი და თუ მეტყვის მე დიდი გრეჩიხა, რომ მაგათზე მეტი ამ ქვეყნისთვის გაუკეთებია, ვიდრე ამ 2 ადამიანს, რომლებიც არ გამოვლენ ეკრანებზე, იმიტომ რომ სხვა ადამიანები არიან. მარტო ნიკა გვარამია რომ მჯდარიყო ვინმე პოლიტიკოსთან ერთად ეს სხვა თემაა,“-აცხადებს მარინა ბერიძე. 

შეგახსენებთ, რომ ნიკა გვარამიაზე თავდასხმა გუშინ საღამოს მოხდა. მომხდარზე დაკავებულია ლევან გაჩეჩილაძის შვილი, რატი გაჩეჩილაძე. მისთვის ბრალი ამ დრომდე არ წარუდგენიათ. 

]]>
08-01-2017 13:56 +0400
შსს რატი გაჩეჩილაძის დაკავების ვიდეომასალას ავრცელებს http://rustavi2.com/ka/news/65115

შინაგან საქმეთა სამინისტრო, სამაუწყებლო კომპანია რუსთავი 2-ის გენერალურ დირექტორზე, ნიკა გვარამიაზე თავდასხმის ბრალდებით დაკავებული რატი გაჩეჩილაძის ვიდეომასალას ავრცელებს.

ნიკა გვარამიაზე განხორციელებული თავდასხმის ბრალდებით შინაგან საქმეთა სამინისტრომ ლევან გაჩელაძის შვილი, რატი გაჩეჩილძე დააკავა, ამის შესახებ განცხადება, სამინისტრომ ოფიციალურ ვებ გვერდზე გაავრცელა. 

"შსს-ს თბილისის პოლიციის დეპარტამენტის დეტექტივების სამმართველოს თანამშრომლებმა, ჩატარებული საგამოძიებო მოქმედებების შედეგად, 1986 წელს დაბადებული რ.გ. ძალადობის ბრალდებით დააკავეს.

გამოძიებამ დაადგინა, რომ ბრალდებულმა მიმდინარე წლის 7 იანვარს თბილისში, რესტორან „დაინინგ რუმში“ ფიზიკური და სიტყვიერი შეურაცხყოფა მიაყენა 1976 წელს დაბადებულ ნ. გ.-ს.

გამოძიება საქართველოს სსკ-ს 126-ე მუხლის 1-ლი ნაწილით მიმდინარეობს." ნათქვამია შს სამინისტროს განცხადებაში. 

მუხლი, რომლითაც გამოძიება მიმდინარეობს, სამ წლამდე პატიმრობას ითვალისწინებს. 

 

]]>
08-01-2017 12:45 +0400
თავდასხმა ნიკა გვარამიაზე - სასამართლო რატი გაჩეჩილაძის აღკვეთის ღონისძიების საკითხზე უახლოეს დღეებში იმსჯელებს http://rustavi2.com/ka/news/65103

რუსთავი 2-ის გენერალურ დირექტორს მასზე მომხდარი თავდასხმის შედეგად, ქალატვინის დახურული ტრავმა, ტვინის შერყევა და სხეულის რბილი ქსოვილის დაზიანება აღენიშნება. განცხადება ექიმებმა კომპლექსური შემოწმების შემდეგ გააკეთეს.  ნიკა გვარამია სამართალდამცველებმა უკვე დაკითხეს.

მომხდარიდან რამდენიმე საათში ლევან გაჩეჩილაძის ვაჟმა სოციალურ ქსელში დაწერა, რომ რუსთავი 2-ის გენერალურ დირექტორს თავს ნაციონალურ მოძრაობასთან თანამშრომლობის გამო დაესხა. რატი გაჩეჩილაძის განცხადებით, ის ბარში გვარამიას მარტო გაუსწორდა.

რუსთავი 2-ის გენერალურ დირექტორზე თავდასხმა რესტორან დაინინგ რუმში მოხდა. გამოძიება საქმეზე სისხლის სამართლის 126-ე მუხლის პირველი ნაწილით მიმდინარეობს, რაც ცემას ან სხვაგვარ ძალადობას ჯგუფურად გულისხმობს. რატი გაჩეჩილაძის აღკვეთის ღონისძიების შესახებ სასამართლო უახლოეს დღეებში იმსჯელებს.

ავტორები: მარიამ გაფრინდაშვილი, თამთა დოლენჯაშვილი, ტატო კახაძე, გიორგი კვიწინაძე.

]]>
08-01-2017 12:08 +0400
რატი გაჩეჩილაძის ადვოკატი ნიკა გვარამიაზე განხორციელებული თავდასხმის მოტივზე საუბრობს http://rustavi2.com/ka/news/65102

რატი გაჩეჩილაძე ამ დრომდე წინასწარი დაკავების იზოლატორში იმყოფება, თუმცა მომხდარზე კომენტარი გააკეთა მისმა ადვოკატმა, ლილი გელაშვილმა. მისი თქმით გაჩეჩილაძე ჯერჯერობით მხოლოდ მოწმის სახით გამოკითხეს, რის შემდეგაც მას დაკავების ორდერი გადაეცა. 

„არ ვიცი პირადად იცნობდა თუ არა, მაგრამ გამოსვლისას, როდესაც ტოვებდა ის რესტორანს, მას მოესმა სახელი გრეჩიხა და მამამისს რომ ახსენებდნენ და ამის საფუძველზე მივიდა იქ, დაარტყა,“-განაცხადა ადვოკატმა,  ლილი გელაშვილმა.

გაჩეჩილაძეს ბრალს დღეს წარუდგენენ.

ავტორი:მარიამ გაფრინდაშვილი.

]]>
08-01-2017 12:01 +0400
რატი გაჩეჩილაძე "რუსთავი 2"-ის გენერალური დირექტორის ცემის ფაქტზე დააკავეს-შსს http://rustavi2.com/ka/news/65101

რუსთავი 2-ის გენერალური დირექტორზე, ნიკა გვარამიაზე განხორციელებული თავდასხმის ბრალდებით შინაგან საქმეთა სამინისტრომ რატი გაჩეჩილძე დააკავა, ამის შესახებ განცხადებას, სამინისტრო ოფიციალურ ვებ გვერდზე ავრცელებს 

"შსს-ს თბილისის პოლიციის დეპარტამენტის დეტექტივების სამმართველოს თანამშრომლებმა, ჩატარებული საგამოძიებო მოქმედებების შედეგად, 1986 წელს დაბადებული რ.გ. ძალადობის ბრალდებით დააკავეს.

გამოძიებამ დაადგინა, რომ ბრალდებულმა მიმდინარე წლის 7 იანვარს თბილისში, რესტორან „დაინინგ რუმში“ ფიზიკური და სიტყვიერი შეურაცხყოფა მიაყენა 1976 წელს დაბადებულ ნ. გ.-ს.

გამოძიება საქართველოს სსკ-ს 126-ე მუხლის 1-ლი ნაწილით მიმდინარეობს." ნათქვამია შს სამინისტროს განცხადებაში. 

მუხლი, რომლითაც გამოძიება მიმდინარეობს, სამ წლამდე პატიმრობას ითვალისწინებს. 

 

]]>
08-01-2017 11:43 +0400
ნიკა გვარამიაზე თავდასხმის გამო, ლევან გაჩეჩილაძის შვილს ბრალი დღეს უნდა წარუდგინონ http://rustavi2.com/ka/news/65100

რუსთავი 2-ის გენერალურ დირექტორზე თავდასხმის გამო ლევან გაჩეჩილაძის შვილს ბრალი დღეს უნდა წარუდგინონ. სწორედ ამის შემდეგ გადაწყდება როდის იმსჯელებს სასამართლო მისთვის აღკვეთის ღონისძიების შეფარდებაზე. 

რატი გაჩეჩილაძე ამ დრომდე წინასწარი დაკავების იზოლატორში იმყოფება. დანაშაული მან, მომხდარიდან რამდენიმე საათში, სოციალური ქსელით აღიარა და განაცხადა, რომ თავდასხმაში მარტო მონაწილეობდა.

შეგახსენებთ, რომ ნიკა გვარამიაზე თავდასხმა რესტორან დაინინგ რუმში დღის ბოლოს მოხდა, სადაც ის მეგობრებთან ერთად იმყოფებოდა. 

 

]]>
08-01-2017 11:01 +0400
თავდასხმა ნიკა გვარამიაზე - ტელეკომპანიის გენერალურ დირექტორს ქალატვინის დახურული ტრავმა აქვს http://rustavi2.com/ka/news/65098

აკადემიკოს ნიკოლოზ ყიფშიძის სახელობის რესპუბლიკურ საავადმყოფოში ჩატარებული სამედიცინო გამოკვლევების შედეგად, რუსთავი 2 - ის გენერალურ დირექტოროს ნიკა გვარამიას ქალატვინის დახურული ტრავმა, ტვინის შერყევა და სხეულის რბილი ქსოვილის დაზიანება დაუდგინდა.

განცხადება ამის შესახებ რესპუბლიკური საავადმყოფოს ექიმმა რეანიმატოლოგმა ხათუნა მარგველაშვილმა გააკეთა. ექიმები ნიკა გვარამიას 24 საათიან ჰოსპიტალიზაციას ითხოვდნენ, თუმცა პაციენტის გადაწყვეტლებით ის მკურნალობას სახლში განაგრძობს.

შეგახსენებთ, რომ გუშინ საღამოს რუსთავი 2-ის გენერალურ დირექტორზე და მის მეგობრებზე, დავით დოიაშვილზე მარინა ბერიძესა და ნიკოლოზ რაჭველზე  თავდასხმა რესტორან დაინინგ რუმში მოხდა, მათ ფიზიკური შეურაცხყოფა რატი გაჩილაძემ და მისმა თანმხლებმა პირმა მიაყენეს. 

მომხდარიდან რამდენიმე საათში სოციალურ ქსელში ლევან გაჩეჩილაძის შვილმა, რატი გაჩეჩილაძემ, განცხადება გაავრცელა და გვარამიაზე თავდასხმა აღიარა. 

გაჩეჩილაძე დაკავებულია, მას სამ წლამდე პატიმრობა ემუქრება. 

 

]]>
08-01-2017 10:33 +0400
ნიკა გვარამიაზე თავდასხმა - რატი გაჩეჩილაძე პოლიციის სამმართველოში მიიყვანეს http://rustavi2.com/ka/news/65091

რატი გაჩეჩილაძე ცოტა ხნის წინ პოლიციის სამმართველოში მიიყვანეს. ლევან გაჩეჩილაძის შვილმა ცოტა ხნის წინ სოციალური ქსელით გაავრცელა ინფორმაცია და აღიარა, რომ გვარამიას თავს ის დაესხა.

ადგილზე იმყოფება მისი ადვოკატიც. ლილი გელაშვილი აცხადებს, რომ მას ლევან გაჩეჩილაძეც დაუკავშირდა და სამმართველოში მისვლა თხოვა. ადვოკატი ადასტურებს, ნიკა გვარამიას ფიზიკური შეურაცხყოფა რატი გაჩეჩილაძემ მიაყენა, თუმცა სხვა დეტალებზე არ საუბრობს.

რუსთავი 2-ის გენერალურ დირექტორზე თავდასხმა დღეს საღამოს მოხდა. ნიკა გვარამიას თქმით, თავს მაშინ დაესხნენ, როდესაც რესტორანში მეგობრებთან ერთად იმყოფებოდა.

შსს-მ ნიკა გვარამიაზე მომხდარ თავდასხმასთან დაკავშირებით გამოძიება დაიწყო. ამის შესახებ ინფორმაცია რუსთავი 2-ს შინაგან საქმეთა სამინისტროში დაუდასტურეს.
გავრცელებული ინფორმაციით, მომხდარზე საქმე სისხლის სამართლის კოდექსის 126-ე მუხლით დაიწყო, რაც ძალადობას გულისხმობს.

]]>
07-01-2017 23:14 +0400
ნიკა გვარამიაზე თავდასხმა მოხდა http://rustavi2.com/ka/news/65073

რუსთავი 2-ის გენერალურ დირექტორზე თავდასხმა მოხდა. ნიკა გვარამია მომხდარის შესახებ სოციალურ ქსელში წერს. მისი თქმით, თავს მაშინ დაესხნენ, როდესაც რესტორანში მეგობრებთან ერთად იმყოფებოდა. 

"დღეს მამა დავასაფლავე და მძიმე ხასიათზე ვარ. მეგობრებმა რესტორან დაინინგ რუმსში წამიყვანეს, ცოტა მდგომარეობიდან რომ გამოვეყვანეთ. შუქი ჩაქრა და უკვე წამოსასვლელად ვემზადებოდით, რომ თავს დაგვესხნენ ჩუმად, მიპარვით, სიბნელეში. მოგვაყენეს ფიზიკური შეურაცხყოფა. მე ბოლო დღეების უძილობის და სტრესის გამო, იმდენად გაბრუებული ვარ, ვერც მოვასწარი რეაგირება და საერთოდაც ვერაფერს მივხვდი, სანამ იატაკზე არ გამოვფხიზლდი. ეგრევე გამოვიძახე პატრული. ირგვლივ კამერებია. თავდამსხმელების მაგიდაზე ყველაფერს მათი ანაბეჭდები აქვს.

"პირობას ვდებ, არ მივიღებ არავითარ ბოდიშს და მეტანიებს. ნულოვანი ტოლერანტობა. არც მეტი, არც ნაკლები, საფლავის კარამდე ჩავყვები და ვაზღვევინებ ბოლომდე. ცალკე რესტორანი გაწეწავს საქმიანი რეპუტაციის შელახვისთვის. პირობას ვდებ, მათ ფეხ ქვეშ მიწა დაიწვება,“- წერს ნიკა გვარამია სოციალურ ქსელ Facebook-ზე. 

]]>
07-01-2017 19:41 +0400
ქუთაისში პოლიეთილენის პარკში გახვეული ახალშობილი იპოვეს http://rustavi2.com/ka/news/65049

ქუთაისში პოლიეთილენის პარკში გახვეული ახალშობილი იპოვეს. ახალშობილი ქუთაისის საავადმყოფოში გადაიყვანეს, მისი მდგომარეობა სტაბილურია.

შინაგან საქმეთა სამინისტროში რუსთავი 2-ს განუცხადეს, რომ მომხდარზე გამოძიება სისხლის სამართლის კოდექსის 173-ე მუხლით მიმდინარეობს, რაც შვილად ან შვილობილად აყვანის წესების დარღვევას გულისხმობს.

შსს-ს ცნობით, მიმდინარეობს საგამოძიებო მოქმედებები.

 

 

]]>
07-01-2017 14:07 +0400
5 მოკლული და 8 დაჭრილი - სროლა ფლორიდის აეროპორტში http://rustavi2.com/ka/news/65031

5 ადამიანი დაიღუპა და რვა დაიჭრა, აშშ, ფლორიდის საერთაშორისო აეროპორტში მომხდარი სროლის შედეგად, ამის შესახებ ტელეკომპანია cnn - იუწყება.

ABC-ს ცნობით სროლა თავდამსხმელმა მოფრენის დარბაზში, სწორედ მაშინ დაიწყო, როდესაც მგზავრები ბარგს ელოდნენ. 

ამერიკელი სამართალდამცველები ადასტურებენ, რომ სავარაუდოდ ერთი თავდამსხმელი დაკავებულია. 

თავდასხმის ფაქტს აშშ ყოფილი პრეზიდენტის ჯორჯ ბუშ უმცროსის პრეს სპიკერი არი ფლეიშერი შეესწრო, რომელმაც მომხდარი შემდეგი სიტყვებით აღწერა. 

"როდესაც სროლა დაიწყო, ყველა გაიქცა" მისივე თქმით პოლიციამ მგზავრებს გადაადგილებას უკრძალავდა. 

 

]]>
06-01-2017 23:38 +0400
დიდი ოდენობით ნარკოტიკული საშუალების უკანონო შეძენა-შენახვის ბრალდებით ორი პირი დააკავეს http://rustavi2.com/ka/news/64952

სამართალდამცავებმა განსაკუთრებით დიდი ოდენობით ნარკოტიკული საშუალების უკანონო შეძენა-შენახვის ბრალდებით, ორი მოქალაქე ბათუმში დააკავეს.

სამართალდამცველებმა ერთ-ერთის პირადი და დროებითი საცხოვრებელი ბინის ჩხრეკისას 235 აბი „სუბოქსონი“ ამოიღეს, ხოლო მეორე მოქალაქის პირადი ჩხრეკისას ამოღებულია 5 აბი „სუბოქსონი“.

ორივე დაკავებული ჩადენილ დანაშაულს აღიარებს.

გამოძიება დიდი ოდენობით და განსაკუთრებით დიდი ოდენობით ნარკოტიკული საშუალების უკანონო შეძენა-შენახვის ფაქტებზე მიმდინარეობს. 

 

]]>
06-01-2017 10:58 +0400
გერმანიაში შოკოლადის ქურდობისთვის 2 ქართველი მამაკაცი დააკავეს http://rustavi2.com/ka/news/64927

გერმანიის ქალაქ კიონიგსბრუკში ორმა ქართველმა მამაკაცმა  ერთ-ერთი სუპერმარკეტიდან ტკბილეული მოიპარა, თუმცა მათ შოკოლადებით შორს გაქცევა ვერ მოახერხეს. ამის შესახებ ადგილობრივი ინტერნეტგამოცემა Sächsische Zeitung-ი წერს.

35 და 29 წლის მამაკაცებმა მანქანით გაქცევა მოახერხეს, თუმცა მალე ისინი პოლიციამ დააკავა. ქართველებმა 200 ევროს საფასურის 37 შოკოლადი მოიპარეს. პოლიციამ ისინი წინასწარი დაკავების საკანში დააპატიმრა.

]]>
05-01-2017 17:33 +0400
დაკავება იარაღის უკანონო შეძენა-შენახვისა და ტარების ბრალდებით http://rustavi2.com/ka/news/64900

შსს-მ იარაღის უკანონო შეძენა-შენახვისა და ტარების ბრალდებით, წარსულში ნასამართლევი, პირი დააკავა.

1989 წელს დაბადებული პირი სამართალდამცავებმა თბილისში ავტოსადგურ ოკრიბას მიმდებარე ტერიტორიაზე  აიყვანეს.

დაკავებულის  პირადი ჩხრეკისას, კალაშნიკოვის ავტომატური ცეცხლსასროლი იარაღი და 3 საბრძოლო ვაზნა ამოიღეს.

გამოძიება ცეცხლსასროლი იარაღის და საბრძოლო მასალის მართლსაწინააღმდეგო შეძენა-შენახვისა და ტარების ფაქტზე მიმდინარეობს.

]]>
05-01-2017 11:33 +0400
43 წლის ქალის მკვლელობა თბილიში - ერთ-ერთ მოტივად ეჭვიანობა სახელდება http://rustavi2.com/ka/news/64888

დღეს აღმაშენებლის გამზირზე 43 წლის ქალი მოკლეს. ზიზი არეშიძის ცხედარი მის საცხოვრებელ სახლში მეზობლებმა დილით იპოვეს. ადგილობრივების ინფორმაციით, ქალი თოკით იყო გაგუდული, სხეულზე კი დაზიანებები ჰქონდა მიყენებული.

მეზობლების ცნობით, მკვლელობაში ბრალდებული გარდაცვლილის ქმარია, რომლიც შემთხვევის შემდეგ სახლიდან გავიდა და პოლიციას თავად ჩაბარდა.

ერთ-ერთი ვერსიით, მკვლელობის მოტივი ეჭვიანობა გახდა. გავრცელებული ინფორმაციით, მოკლული ქალის ქმარი ფსიქოტროპულ აბებს მოიხმარდა და ხშირად არაფხიზელ მდგომარეობაში იმყოფებოდა.

ცოლ-ქმარი 4 წლის განმავლობაში აღმაშენებლის გამზირზე ნაქირავებ ბინაში ცხოვრობდა. ადგილზე დღეს ბინის მესაკუთრეც იმყოფებოდა, რომელსაც სამართალდამცავები რამდენიმე საათის განმავლობაში კითხავდნენ.

მკვლელობის მოტივზე საუბარი არ სურთ გარდაცვლილის ახლობლებს. მათი განცხადებით, ცოლ-ქმარს შორის კონფლიქტი არასდროს მომხდარა.

გამოძიებას მომხდართან დაკავშირებით ოფიციალური განმარტება ჯერ არ გაუკეთებია, თუმცა, როგორც ცნობილია, მკვლელობაში ბრალდებული, გარდაცვლილის მეუღლეა.

ავტორი: მარიამ გაფრინდაშვილი.

]]>
04-01-2017 21:22 +0400
კულტურის ცენტრის დაწვის მცდელობა - დუისში ვითარების დესტაბილიზაციის საფრთხეზე საუბრობენ http://rustavi2.com/ka/news/64892

დუისის კულტურის ცენტრი დაწვას დარაჯმა გადაარჩინა, რომელმაც დროულად შენიშნა ხანძარი და ჩაქრობა მოახერხა. ადგილობრივი მოსახლეობა დღეს ხეობაში არსებული ერთადერთი კულტურული მიმართულების დაწესებულების დასაცავად შეიკრიბა.

ორგანიზაციის ხელმძღვანელი კი იმ მუქარის ზარებს იხსენებს, რომელიც მას შემდეგ დაიწყო, რაც კულტურის ცენტრი ქარლთა ძალადობის წინააღმდეგ აქციაში ჩაერთო.

იზა ბექაური ყვება, რომ ამ ფაქტისთვის განსაკუთრებული მნიშვნელობა არ მიუნიჭებია და ამიტომ, პოლიციასაც არ შეატყობინა.

კონკრეტული პიროვნებების დასახელებისგან თავს იკავებენ პანკისის ხეობის სხვა მცხოვრებლებიც. ამ თემაზე ღიად საუბარს ერიდება ხეობის უხუცესი, რომელმაც მომხდარი დღეს გამართულ აქციაზე ასევე გააპროტესტა. ის არ გამორიცხავს, რომ დამნაშავეების დაუსჯელობის შემთხვევაში, მსგავსი ფაქტები უფრო მასშტაბურ ხასიათს მიიღებს.

ადგილობრივები ასევე ეჭვობენ, რომ მსგავსი ფაქტები პანკისის ხეობაში ვითარების დაძაბვის მიზნით, ხელოვნურად ხდება და საკმაოდ მძიმე სცენარის განვითარებაში, ქვეყნის გარე ძალები არიან დაინტერესებული.

გამოძიებას ეჭვმიტანილების შესახებ ოფიციალური ინფორმაცია ჯერ არ გაუვრცელებია. საქმე სისიხლის სამართლის კოდექსის 187-ე მუხლით დაიწყო, რაც ნივთის დაზიანებას ან განადგურებას ნიშნავს. გამოძიება ცენტრის ხელმძღვანელის მიმართ განხორციელებული მუქარითაც დაინტერესდა.

ეკა გაგუა , ია გულიაშვილი, მამუკა მირიანაშვილი

]]>
04-01-2017 21:19 +0400
თბილისში მოკლული ქალი ექსპერტიზაზე გადაასვენეს http://rustavi2.com/ka/news/64877

ფემიციდის მორიგი შემთხვევა თბილისის ცენტრში. აღმაშენებლის გამზირზე 45 წლამდე ქალი მოკლეს. ადგილობრივების ინფორმაციით, დანაშაული ქმარმა მეუღლე სახლში თოკით გაგუდა.

გამოძიება ოჯახური ძალადობის ნიადაგზე ჩადენილი განზრახ მკვლელობის კვალიფიკაციით მიმდინარეობს. ცხედარი ექსპერტიზაზე გადაასვენეს.

გავრცელებული ცნობით, დამნაშავე გამოძიებას თავად ჩაბარდა.

]]>
04-01-2017 17:53 +0400
მკვლელობა აღმაშენებელზე - გავრცელებული ინფორმაციით, ქმარმა ცოლი თოკით გაგუდა http://rustavi2.com/ka/news/64870

მკვლელობა მოხდა თბილისში აღმაშენებლის გამზირზე. გარდაცვლილია ახალგაზრდა ქალი. სამართალდამცველებმა ერთი ბრალდებული დააკავეს. გავრცელებული ინფორმაციით, ქმარმა ცოლი თოკით გაგუდა. 

გარდაცვლილი მეზობლებმა სახლში იპოვეს. მათივე თქმით, ბრალდებული გარდაცვლილის მეუღლეა, რომელიც სამართალდამცავებს თავად ჩაბარდა.

ექსპერტ-კრიმინალისტები ამ დრომდე მუშაობენ შემთხვევის ადგილზე. გამოძიება ოჯახური ძალადობის ნიადაგზე ჩადენილი განზრახ მკვლელობის მუხლით მიმდინარეობს.

შინაგან საქმეთა სამინისტროს დეტალებთან დაკავშირებით კომენტარი ჯერ არ გაუკეთებია.

ბრალდებულის მიმართ კი აღმკვეთი ღონისძიებების შეფარდების შესახებ პროკურატურა სასამართლოს ხვალ მიმართავს.

]]>
04-01-2017 14:59 +0400
კორცხელში მამაკაცის ცხედარი იპოვეს http://rustavi2.com/ka/news/64862

კორცხელში 70 წლამდე მამაკაცის ცხედარი იპოვეს. სამეგრელოში მომხდარი ფაქტი რუსთავი 2-ს შინაგან საქმეთა სამინისტროში დაუდასტურეს. მამაკაცის ცხედარი წყლით სავსე ორმოში იპოვეს.

შსს-ს ინფორმაციით, პირველადი დათვალიერების შედეგად ცხედარზე ძალადობის კვალი არ აღინიშნება.

გამოძიება 115-ე მუხლით მიმდინარეობს, რაც თვითმკვლელობამდე მიყვანას გულისხმობს.

]]>
04-01-2017 14:12 +0400
ჯგუფური თაღლითობის ბრალდებით 4 პირი დააკავეს http://rustavi2.com/ka/news/64853

ჯგუფური თაღლითობის ბრალდებით შსს-მ 4 პირი დააკავა და კიდევ ერთ მოქალაქეს ეძებს. გამოძიების ინფორმაციით, ბრალდებულები კლიენტებს აშშ-დან და ევროპიდან დაბალ ფასად ავტომანქანების ჩამოყვანას პირდებოდნენ და წინასწარ ართმევდნენ თანხებს.

შედეგად თაღლითურად დაეუფლნენ 115 300 აშშ დოლარს და 1900 ევროს.

პოლიციამ ერთ-ერთი დაკავებულის საცხოვრებელი ბინის ჩხრეკისას, 7200 ამერიკული დოლარი, ბრალდებულების კუთვნილი კომპანიების ოფისებიდან კი სხვადასხვა დოკუმენტაცია და კომპიუტერები ნივთმტკიცების სახით ამოიღო.

]]>
04-01-2017 11:53 +0400
საახალწლო ყაჩაღობის ფაქტები თბილისსა და რეგიონებში http://rustavi2.com/ka/news/64840

ახალი წლის დღეებში თბილისში რამდენიმე დაყაჩარება მოხდა. დღეს ბახტრიონის ქუჩაზე საქართველოს ბანკის ექსპერსფილიალზე ყაჩაღური თავდასხმა განხორციელდა. ცხელ კვალზე დაკავებულია დანაშაულში სავარაუდო ეჭვმიტანილი 30 წლამდე პირი.

შსს-ს ინფორმაციით, საქმე აღძრულია ყაჩაღობის და იარაღის უკანონოდ შეძენა-შენახვა-ტარების მუხლებით.

ვარკეთილში კი PSP-ს აფთიაქი გაქურდეს. ქურდობა გამთენიისას მოხდა. წაღებულია თანხა, თუმცა რა რაოდენობის, უცნობია.

მომხდარი გარე და შიდა კამერებმა დააფიქსირეს. საქმეს სწავლობენ სამართალდამცველები. დაკავებული ამ დროისთვის არავინაა.

ბათუმში კი ყაჩაღ სანტა კლაუსს ეძებენ, რომელიც ახალი წლის ღამეს, მაღაზიას დაესხა თავს. შემთხვევა, ფიროსმანის ქუჩაზე მდებარე თურქულ სუპერმარკეტში მოხდა.

გავრცელებული ინფორმაციით, მამაკაცმა, იარაღის გამოყენებით, სალაროდან 40 ათას ლარამდე თანხა გაიტაცა. ეჭვმიტანილი ჯერ დაკავებული არ არის.

 

 

ავტორი: მარიკა გოცირიძე

]]>
03-01-2017 21:38 +0400
ყაჩაღობა ბახტრიონის ქუჩაზე - დაყაჩაღებულია საქართველოს ბანკის ექსპრესფილიალი http://rustavi2.com/ka/news/64823

თბილისში, ბახტრიონის ქუჩაზე, რამდენიმე წუთის წინ ყაჩაღობა მოხდა, რა დროსაც საქართველოს ბანკის ექსპრესფილიალი დააყაჩაღეს.

რუსთავი2-ის ინფორმაციით, ცხელ კვალზე დაკავებულია სავარაუდო დანაშაულში ეჭვმიტანილი 30 წლამდე პირი.

შსს-ს ინფორმაციით,  საქმე აღძრულია ყაჩაღობის და იარაღის უკანონოდ შეძენა-შენახვა-ტარების მუხლებით. უწყებაში ჯერჯერობით სხვა კომენტარი არ კეთდება. 

მომხდარ ფაქტთან დაკავშირებით კომენტარს არც საქართველოს ბანკში არ აკეთებენ.

]]>
03-01-2017 18:04 +0400
ყაჩაღობა სანტა კლაუსის ფორმაში - დამნაშავემ 40 ათას ლარამდე თანხა წაიღო http://rustavi2.com/ka/news/64803

ბათუმში, ახალი წლის ღამეს, სანტა კლაუსის ფორმაში გამოწყობილმა მამაკაცმა მაღაზია დააყაჩაღა. შემთხვევა 31 დეკემბერს, ღამის საათებში, ფიროსმანის ქუჩაზე მდებარე თურქულ სუპერმარკეტ იალჩინში მოხდა.

გავრცელებული ინფორმაციით, სანტას ფორმიანმა ახალგაზრდა მამაკაცმა, იარაღის გამოყენებით, მაღაზიის სალაროდან 40 ათას ლარამდე თანხა გაიტაცა.

შინაგან საქმეთა სამინისტროს ინფორმაციით, მომხდართან დაკავშირებით საქმე სისხლის სამართლის კოდექსის 179-ე მუხლით აღიძრა, რაც ყაჩაღობას გულისხმობს.

]]>
03-01-2017 14:37 +0400
უპრეცენდენტო სამოქალაქო დაუმორჩილებლობა გირჩის ოფისში და პირდაპირ ეთერში დათესილი ნარკოტიკული საშუალება http://rustavi2.com/ka/news/64757

2016 წლის 31 დეკემბერს გირჩის ოფისში, ახალი პოლიტიკური ცენტრის წევრებმა, მოხალისეებთან ერთად, საჯაროდ მათ მიერვე დაანონსებული, წინასწარი ინფორმაციის თანახმად, სავარაუდოდ ნარკოტიკული საშუალების შემცველი მცენარე დათესეს. გამოძიება ნარკოტიკული საშუალების შემცველი მცენარის უკანონო დათესვის ფაქტზე მიმდინარეობს. პოლიცია შესაბამის საგამოძიებო მოქმედებებს ატარებს, თუმცა უცნობია რა კონკრეტული საგამოძიებო მოქმედებები ჩატარდა.

„თუ ჩვენ არ გვაპატიმრებენ იმის გამო, რომ ჩვენ ვზრდით კანაფს, ცხადია ვერც რეგიონებშიც ვერავის ვერ დააპატიმრებენ იმის გამო, რომ პირადი მოხმარებისთვის ერთი ან ორი ძირი გაზარდა თავისთვის,“ - გამაცხადა გირჩის ლიდერმა, ზურაბ ჯაფარიძემ.

ზურა ჯაფარიძის პრესკონფერენციიდან ცოტა ხანში, შინაგან საქმეთა სამინსიტრომ განცხადება გაავრცელა, სადაც ნათქვამია, რომ გამოძიება ნარკოტიკული ნივთიერების შემცველი მცენარის უკანონო დათესვის ფაქტზე დაიწყო და რომ პოლიცია შესაბამის საგამოძიებო მოქმედებებს ატარებს. გირჩის ოფისთან პოლიციის წარმომადგენლები გვიან ღამით მივიდნენ. ამ დრომდე სხვა სახის რეაგირება სამართალდამცველებს არ მოუხდენიათ.

ავტორი: ვახტანგ ბუნტური.

]]>
01-01-2017 21:39 +0400
ქავთარაძის ქუჩაზე მოკლული შესაძლოა, ბესიკ ხარძიანის საქმეზე პატიმრობაშეფარდებული პირი იყოს http://rustavi2.com/ka/news/64636

სოციალურ ქსელში აქტიურად საუბრობენ, რომ ქავთარაძის ქუჩაზე მოკლული პირი, სავარაუდოდ, არის ოლეგ დუევი, რომელიც სასამართლოს მიერ პატიმრობაშეფარდებული პირია, რომელსაც პატიმრობა ბიზნესმენ ბესიკ ხარძიანის მკვლელობის საქმეზე შეეფარდა.

ამ ინფორმაციას შინაგან საქმეთა სამინისტროში არ ადასტურებენ. უწყებას ოფიციალური განცხადება ამ დრომდე არ გაუვრცელებია.

როგორც ცნობილია, სავარაუდოდ, მამაკაცი აივანზე იმყოფებოდა, რა დროსაც მისი მკვლელობა მოხდა. სავარაუდოდ, მკვლელობის დროს სახლში კიდევ ერთი პირი, გარდაცვლილის მეგობარი იმყოფებოდა, რომელიც სამართალდამცველებმა დაკითხეს. სავარაუდოდ, შსს მუშაობს ვერსიაზე, რომ გასროლა სნაიპერმა განახორციელა.

]]>
31-12-2016 12:06 +0400
ქავთარაძის ქუჩაზე მომხდარი მკვლელობა - სავარაუდოდ, გასროლა სნაიპერმა განახორციელა http://rustavi2.com/ka/news/64632

ქავთარაძის ქუჩაზე გარდაცვლილი პიროვნება სავარაუდოდ რუსეთის მოქალაქეა. ამის შესახებ ინფორმაცია რუსთავი 2-ს მეზობლებმა მიაწოდეს. გავრცელებული ინფორმაციით, ის მე-16 სართულის აივანზე იმყოფებოდა, როდესაც გასროლა მოხდა. სავარაუდოდ, შსს მუშაობს ვერსიაზე, რომ გასროლა სნაიპერმა განახორციელა.

გავრცელებული ინფორმაციით, ამ დროს გარდაცვლილი ბინაში მეგობართან ერთად იმყოფებოდა, რომელიც სამართალდამცველებმა დაკითხვაზე გადაიყვანეს.

შსს-ში სავარაუდო ეჭვმიტანილზე და მომხდარის დეტალებზე ამ ეტაპზე არ საუბრობენ. როგორც რუსთავი 2-ს გუშინ შინაგან საქმეთა სამინისტროში განუცხადეს, მომხდარზე გამოძიება 108-ე და 236-ე მუხლებით მიმდინარეობს, რაც განზრახ მკვლელობასა და იარაღის უკანონო შეძენა-შენახვა-ტარებას გულისხმობს.

ადგილზე დილამდე მუშაობდნენ ექსპერტ-კრიმინალისტები. მოხდა ავტო ფარეხების და ტერიტორიის მთლიანი პერიმეტრის დათვალიერება.

გარდაცვლილი გუშინვე პროზექტურაში გადაასვენეს. მეზობლები ამბობენ, რომ ის ბინაში, დაახლებით, სამი კვირის წინ გადმოვიდა.

 

 

]]>
31-12-2016 10:33 +0400
ქავთარაძის ქუჩაზე მამაკაცი მოკლეს http://rustavi2.com/ka/news/64626

ქავთარაძის ქუჩაზე  ცეცხლსასროლი იარაღით მამაკაცი მოკლეს. როგორც რუსთავი 2-ს შინაგან საქმეთა სამინისტროში განუცხადეს, მომხდარზე გამოძიება 108-ე და 236-ე მუხლებით მიმდინარეობს, რაც განზრახ მკვლელობასა და იარაღის უკანონო შეძენა-შენახვა-ტარებას გულისხმობს.

შემთხვევის ადგილზე ამ დრომდე ექსპერტ-კრიმინალისტები მუშაობენ.

როგორც ცნობილია, მოკლულია, სავარაუდოდ, რუსეთის მოქალაქე, შემთხვევა ერთ-ერთი საცხოვრებელი კორპუსის მე-16 სართულზე მოხდა. 

 

]]>
30-12-2016 21:22 +0400
ქურდული სამყაროს წევრობის ბრალდებით ერთი პირი დააკავეს http://rustavi2.com/ka/news/64602

სამართალდამცავებმა თბილისში ქურდული სამყაროს წევრობის ბრალდებით 1976 წელს დაბადებული ს.გ. დააკავეს.

შინაგან საქმეთა სამინისტროს მიერ გავრცელებულ განცხადებაში ნათქვამია, რომ დაკავებულის საცხოვრებელი ბინების ჩხრეკისას 30 700 აშშ დოლარი, 1000 ლარი, სხვადასხვა ჩანაწერი - ე.წ. „ქურდული საერთოს სიები“ და ძვირადღირებული ავტომანქანა ნივთმტკიცებად ამოიღეს.

„გამოძიებამ დაადგინა, რომ ბრალდებულს სისტემატური ურთიერთობა ჰქონდა ე.წ. ქურდული სამყაროს წევრებთან და ე.წ. ქურდული სამყაროსათვის სარგებლის მიღების მიზნით, აქტიურად ეხმარებოდა თურქეთის რესპუბლიკაში მყოფ „კანონიერ ქურდს“ - კ.გ.-ს ე.წ. ,,ქურდული საერთოს“ შეგროვების ორგანიზებაში. მისივე მითითებით, დაკავებული სისტემატურად აგროვებდა და ინახავდა ე.წ. ,,ქურდული საერთოსთვის“ განკუთვნილ ფულს,“- აღნიშნულია შსს-ს განცხადებაში.

გამოძიება ქურდული სამყაროს წევრობის ბრალდებით მიმდინარეობს.

]]>
30-12-2016 17:09 +0400
დაკავება თაღლითობის ბრალდებით http://rustavi2.com/ka/news/64577

სამართალდამცველებმა თაღლითობის ბრალდებით ზუგდიდში 1966 წელს დაბადებული, წარსულში ნასამართლევი პირი დააკავეს.

შინაგან საქმეთა სამინისტროს ცნობით, გამოძიებამ დაადგინა, რომ ბრალდებულმა ოკუპირებული ტერიტორიებიდან იძულებით გადაადგილებულ პირს, ლტოლვილთა სამინისტროდან ბინის მიღებაში დახმარების სანაცვლოდ, 2500 ლარი გამოართვა.

თაღლითურად მითვისებული თანხა - 2500 ლარი სამართალდამცველებმა, დაკავებულის პირადი ჩხრეკისას, ნივთმტკიცების სახით ამოიღეს.

უწყების ცნობით, ბრალდებული ჩადენილ დანაშაულს აღიარებს.

გამოძიება დიდი ოდენობით თაღლითობის ფაქტზე მიმდინარეობს, რამაც მნიშვნელოვანი ზიანი გამოიწვია. 

]]>
30-12-2016 11:28 +0400
სტიქიის ზონაში ქონების უკანონოდ დაუფლების საკითხს დავით ნარმანია აფასებს http://rustavi2.com/ka/news/64515

13 ივნისის სტიქიის ზონაში ქონების უკანონოდ დაუფლების საკითხს დღეს თბილისის მერი, დავით ნარმანია გამოეხმაურა.

დავით ნარმანიას თქმით, მერია სასამართლოს გადაწყვეტილების შესაბამისად იმოქმედებს.

„ჩვენ ველოდებით სასამართლო გადაწყვეტილებას, რომლის შესაბამისადაც მოვიქცევით. თუ ვინმეს რამე დამატებით ეკუთვნის ესეც გაირკვევა, თუ ვინმეს რამე ზედმეტად აქვს მიღებული ესეც გაირკვევა. ასე, რომ საბოლოო შედეგის შემდეგ მივიღებთ შესაბამის გადაწყვეტილებას,“-აცხადებს დავით ნარმანია.

პროკურატურის ინფორმაციით, 4 პირი, მათ შორის 2 ადვოკატი, მოტყუებით სტიქიის შედეგად დაზარალებულ ზონაში არსებულ სახელმწიფოსა და კერძო პირების კუთვნილ მიწის ნაკვეთსა და მასზე განთავსებულ შენობა-ნაგებობებს დაეუფლა.

]]>
29-12-2016 14:30 +0400
შსს-მ ქურდული სამყაროს წევრობის ბრალდებით სამი პირი დააკავა http://rustavi2.com/ka/news/64511

შსს-მ ქურდული სამყაროს წევრობის და გამოძალვის ბრალდებით სამი პირი დააკავა.

გამოძიებამ დაადგინა, რომ , ე.წ. ქურდული სამყაროს სახელით, რუსთავში მცხოვრებ ბიზნესმენს მიწის ნაკვეთი გამოსძალეს.

გამოძიების ინფორმაციით, ისინი ერთ-ერთი ე.წ. „კანონიერი ქურდის“ დავალებით მოქმედებდნენ.

პოლიციამ სამივე ბრალდებული რუსთავში, საკუთარ საცხოვრებელ სახლებში დააკავა.

]]>
29-12-2016 14:13 +0400
გიგა ოთხოზორიას მკვლელობა - პროკურატურა სასამართლოს გადაწყვეტილებას გაასაჩივრებს http://rustavi2.com/ka/news/64449

პროკურატურას მიაჩნია, რომ გიგა ოთხოზორიას მკვლელობაში ბრალდებულისთვის გამოტანილ განაჩენი მსუბუქია და მას უფრო მძიმე სასჯელის დანიშვნის მოთხოვნით სააპელაციო წესით გაასაჩივრებს. ამის შესახებ უწყების მიერ გავრცელებულ განცხადებაშია ნათქვამი. 

"ბრალდების მხარეს მიაჩნია, რომ სასამართლოს მიერ გიგა ოთხოზორიას მკვლელობაში ბრალდებულის რაშიდ კანჯი-ოღლისთვის გამოტანილი სასჯელი არის მსუბუქი და განაჩენს უფრო მძიმე სასჯელის დანიშვნის მოთხოვნით სააპელაციო წესით გაასაჩივრებს,"- ნათქვამია განცხადებაში.

ზუგდიდის რაიონულმა სასამართლომ გიგა ოთხოზორიას განზრახ მკვლელობაში ბრალდებული რაშიდ კანჯი-ოღლი დამნაშავედ ცნო. სასამართლომ ბრალდებულს სასჯელის სახედ და ზომად 12 წლით თავისუფლების აღკვეთა განუსაზღვრა.

 

]]>
28-12-2016 17:16 +0400
სოფელ მელექედურში 42 წლის მამაკაცი დანით მოკლეს http://rustavi2.com/ka/news/64448

ოზურგეთის სოფელ მელექედურში 42 წლის მამაკაცი დანით მოკლეს. შინაგან საქმეთა სამინისტროს პრესსამსახურმა რუსთავი 2-თან საუბრისას განაცხადა, რომ მომხდართან დაკავშირებით გამოძიება სისხლის სამართლის კოდექსის 108-ე მუხლით მიმდინარეობს, რაც განზრახ მკვლელობას გულისხმობს.

შს სამინისტროს ცნობით, სავარაუდო ბრალდებული დადგენილია და შესაბამისი ღონისძიებები მიმდინარეობს.

]]>
28-12-2016 16:56 +0400
მარნეულის რაიონში ცოლმა ქმარი ნაჯახით მოკლა http://rustavi2.com/ka/news/64334

მკვლელობა მოხდა მარნეულის მუნიციპალიტეტის სოფელ თაზაქენდში. გავრცელებული ინფორმაციით, ოჯახში კონფლიქტი მოხდა, რა დროსაც ცოლმა 28 წლამდე მეუღლე ნაჯახით მოკლა. 

შსს-ს ინფორმაციით, პრესსამსახურში მკვლელობაში ეჭვმიტანილი დაკავებულია. სისხლის სამართლის საქმე 11-108 მუხლით აღიძრა, რაც ოჯახში ძალადობის ნიადაგზე ჩადენილ განზრახ მკვლელობას გულისხმობს.

]]>
27-12-2016 10:24 +0400
აჭარაში ნარკოდანაშაულისთვის ორი პირი დააკავეს http://rustavi2.com/ka/news/64332

ნარკოდანაშაულისთვის ორი პირი დააკავეს სამართალდამცველებმა აჭარაში.
დაახლოებით 40 წლის ასაკის მამაკაცების პირადი ჩხრეკისას ამოღებულია სხვადსხვა დასახელების ნარკოტიკის შემცველი პრეპარატები.

გამოძიება განსაკუთრებით დიდი ოდენობით ნარკოტიკული საშუალებების უკანონო შეძენა-შენახვის ფაქტზე მიმდინარეობს.

ბრალის დამკტიცების შემთხვევაში დაკავებულებს ხანგრძლივი პატიმრობა ემუქრებათ.

]]>
27-12-2016 10:05 +0400
სამართალდამცველები "საქართველოს ბანკის" დაყაჩაღებაში დამნაშავეებს ეძებენ http://rustavi2.com/ka/news/64330

სამართალდამცველები გლდანში მომხდარ ყაჩაღობაში ეჭვმიტანილებს ამ დრომდე ეძებენ. 
თავდასხმა მეოთხე მიკრორაიონში მდებარე საქართველოს ბანკის ექსპრეს ფილიალზე 
დღის მეორე ნახევარში მოხდა.

ცნობილია, რომ ბანკში ორი სამედიცინო ნიღბიანი პირი შეიჭრა. წაღებულია თუ არა თანხა - არც ბანკი და არც შინაგან საქმეთა სამინისტრო ამ თემაზე ინფორმაციას არ ავრცელებენ.

არავინ დაშავებულა. გამოძიება ყაჩაღობის მუხლით მიმდინარეობს.

]]>
27-12-2016 09:53 +0400
დაკავება ცეცხლსასროლი იარაღის და საბრძოლო მასალის მართლსაწინააღმდეგო შეძენა-შენახვა-ტარების ბრალდებით http://rustavi2.com/ka/news/64257

ცეცხლსასროლი იარაღის და საბრძოლო მასალის მართლსაწინააღმდეგო შეძენა-შენახვა-ტარების ბრალდებით სამართალდამცველებმა 28 წლის ახალგაზრდა დააკავეს თბილისში.

დაკავებულის  ბინისა და მანქანის ჩხრეკისას ამოღებულია სხვადსხვა სისტემის ცეცხლსასროლი იარაღი და ვაზნები.

ბრალდებულმა დანაშაული აღიარა. დაკავებულს 5-დან 8 წლამდე პატიმრობა ემუქრება.

]]>
26-12-2016 09:51 +0400
გასაიდუმლოებული კრიმინოგენური ვითარება საქართველოში http://rustavi2.com/ka/news/64231

საქართველოში არსებული კრიმინოგენული მდგომარეობა, შინაგან საქმეთა სამინისტროს, შეიძლება ითქვას, გასაიდუმლოებული აქვს.

საქსტატის ოფიციალურ ვებ-გვერდზე, შინაგან საქმეთა სამინისტროს მიერ მიწოდებული მონაცემები უკანასკნელად 2010-2011 წლებში გამოქვეყნდა.

ბოლო სტატისტიკა მღებრიშვილის უწყებამ მიმდინარე წლის თებერვალში გაასაჯაროვა და ამ მონაცემებითაც კი ვითარება გაუარესებული იყო. მონაცემები 2015 წლის ანალოგიურ პერიოდთან იყო შედარებული და კრიმინალის საერთო რაოდენობა 39-ით, სიცოცხლის წინააღმდეგ მიმართული დანაშაულის რიცხვი კი 48 ერთეულით იყო გაზრდილი. ამ სტატისტიკურ მონაცემებში, განზრახ მკვლელობა დამამძიმებელ გარემოებაში, საერთოდ არ ფიგურირებდა, არადა კრიმინალურ შემთხვევას, რომლითაც მიმდინარე წელი დაიწყო სწორედ ამგვარი კვალიფიკაცია შეესაბამებოდა.

შეგახსენებთ, რომ 2016 წელს მედია კრიმინალური ისტორიებით იყო გაჯერებული: მკვლელი ეჭვიანი ქმრები, მაგდა პაპიძის გახმაურებული საქმე, ფარული ჩანაწერების გავრცელება, არჩევნების წინ ნაციონალური მოძრაობის წევრის,  გია თარგამაძის აფეთქება და სხვა ისეთი მნიშვნელოვანი საქმეები, რომელთა შესახებ ახლა ჩვენ ოფიციალური სტატისტიკა არ გაგვაჩნია.

შს მინისტრს სტატისტიკური მონაცემების გამოქვეყნების თაობაზე საკუთარი აზრი აქვს და ამ მონაცემების გამოქვეყნება, მღებრიშვილის პირადი გადაწვეტილებით, სამინისტროს წელიწადში ერთხელ მოუწევს.

ავტორი: გიორგი გვიშიანი.

]]>
25-12-2016 21:40 +0400
შეიარაღებული თავდასხმა მამა გიორგიზე - რას ყვებიან თვითმხილველები http://rustavi2.com/ka/news/64197

შეიარაღებული თავდასხმა მამა გიორგიზე - ოჯახის წევრებს მომხდარის მიზეზების დასახელება უჭირთ. როგორც რუსთავი 2-თან საუბრისას სასულიერო პირის მრევლი და ახლობლები აცხადებენ, მას რამდენიმე ტყვია ფეხებში აქვს მოხვედრილი.

"ოჯახის წევრები რომ ჩავიდნენ მანქანის ფარეხში იყო დავარდნილი, არაფერი არ იციან ჯერ, სახლში დაბრუნდა ლოცვის შემდეგ და მეტი არაფერი არ იციან. ოჯახის წევრებმა გაიგეს მხოლოდ გასროლის ხმა,"-აცხადებს მამა გიორგის ოჯახის ახლობელი.

საავადმყოფოში იმყოფებოდა მისი მრევლის ნაწილიც. 

"ეს იმდენად უცნაურია, საიდან რა მოხდა, არაფერი არ ვიცით,"-განაცხადა სასულიერო პირის ერთ-ერთმა მრევლმა.

მამა გიორგი რესპუბლიკურ საავადმყოფოში იმყოფება.

მომხდარზე უკვე აღძრულია საქმე და გამოძიება სისხლის სამართლის კოდექსის 236-ე და 118-ე მუხლებით დაიწყო, რაც იარაღის უკანონო შეძენა, შენახვა-ტარებასა და ჯანმრთელობის განზრახ ნაკლებად მძიმე დაზიანებას გულისხმობს. 

]]>
25-12-2016 10:30 +0400
თავდასხმა სასულიერო პირზე - ვაკეში მამა გიორგის ესროლეს http://rustavi2.com/ka/news/64195

თავდასხმა მოხდა მამა გიორგი ცნობილაძეზე, ამის შესახებ ინფორმაცია რუსთავი 2 მამა შალვა კეკელიამ დაუდასტურა.  სასულიერი პირს წყნეთის ქუჩაზე, მისი საცხოვრებელი სახლის ავტოფარეხთან ესროლეს. ინფორმაციის გადასამოწმებლად რუსთავი 2, შს სამინისტროს დაუკავშირდა, სადაც თავდასხმის ფაქტი დაადასტურეს და განმარტეს, რომ შემთხვევის ადგილზე სამართალდამცველები მუშაობენ. 

შს სამინისტრომ მომხდართან დაკავშირებით ძიება სისხლის სამართლის კოდექსის 236 და 118 მუხლებით დაიწყო, რაც იარაღის უკანონო შეძენა, შენახვა ტარებასა და ჯანმრთელობის განზრახ ნაკლებად მძიმე დაზიანებას გულისხმობს. 

ფოტო არქივიდან 

]]>
24-12-2016 23:25 +0400