RUSTAVI2 Rustavi2 TV News Portal RSS Feed Rustavi2 Broadcasting Company http://rustavi2.com/ ლარი დოლართან მიმართებაში გაუფასურდა, ევროსთან კი გამყარდა http://rustavi2.com/ka/news/71839

საქართველოს ეროვნულმა ვალუტამ დოლართან მიმართებაში მცირე გაუფასურება განიცადა. ეროვნული ბანკის ოფიციალური კურსის მიხედვით, 1 აშშ დოლარი 2.4472 ლარს უტოლდება, როდესაც წინა ოფიციალური მონაცემის მიხედვით, დოლარი 2.4432 ლარი ღირდა.

დოლარისგან განსხვავებით, ლარი ევროსთან მიმართებაში 1 თეთრით გამყარდა. 1 ევრო, ოფიციალური კურსით, 2.6408 ლარი ღირს.

კომერციულ ბანკებში დოლარის ღირებულება ასეთია: TBC ბანკი2.492 ლარი, ბანკი რესპუბლიკა2.494 ლარი, პროკრედიტ ბანკი2.466 ლარი, საქართველოს ბანკი2.49 ლარი.

]]>
29-03-2017 16:58 +0400
ქვეყანას ოლიგარქი "მინიგარქებით" მართავს - ლევან ხაბეიშვილი http://rustavi2.com/ka/news/71788

სამოქალაქო პლატფორმა ახალი საქართველოს წევრი, ლევან ხაბეიშვილი, აცხადებს, რომ შესწავლის შედეგად დადგინა, რომ 29 დეკლარაციიდან 13 დეპუტატი საკრებულოში მილიონერია და მათ შორის 12 უმრავლესობის წევრია.

ამის თაობაზე მან გადაცემა არჩევანის პირდაპირ ეთერში ისაუბრა. მან აღნიშნა, რომ ორგანიზაცია მალე გეგმავს დეპუტატების ბიზნესინტერესებზე კვლევა გამოაქვეყნოს.

„მილიონრობა კი არ არის პრობლემა. აქ პრობლემა არის რაში, აი, მაგალითად, პარლამენტში 8 დეპუტატს, რომლებიც მილიონერთა სიაში არიან, სახელმწიფოსგან მიღებული აქვთ 131 მილიონი ლარის ხელშეკრულება, მათ შორის ტენდერების გარეშე,“ - განაცხადა ლევან ხაბეიშვილმა.

მისი თქმით, სამომავლო კვლევაში გაირკვევა, თბილისის საკრებულოს 13 მილიონერიდან რამდენია კეთილსინდისიერი.

"მილიონერმა დეპუტატებმა მიიღეს გადაწყვეტილება, რომ, მაგალითად, გააუქმეს სოციალური დახმარების ვაუჩერი," - განაცხადა ლევან ხაბეიშვილმა.

მისი თქმით, ქვეყანას ოლიგარქი "მინიგარქებით" მართავს.

ლევან ხაბეიშვილის აზრით, კომისიის შექმნას ბავშვთა სამყაროს ხანძრის შედეგად დაზარალებული ადამიანები ვერ დაელოდებიან, რადგან კომპენსაცია სასწრაფოდ სჭირდებათ.

]]>
28-03-2017 23:31 +0400
ინვესტორების ბრალდებები სასამართლოს მიმართ და პოლიტიკური შეფასებები http://rustavi2.com/ka/news/71695

ოპოზიციაში ფიქრობენ, რომ სასამართლოში კორუფცია მასშტაბურ სახეს იძენს. პარლამენტის ფრაქცია ნაციონალური მოძრაობის თავმჯდომარე, რომან გოცირიძე, არაბი ინვესტორის, ფადი ასლის მიერ საქალაქო სასამართლოსადმი წაყენებულ ბრალდებებს აფასებს.

„მოსამართლის მიერ მიღებული გადაწყვეტილება არის აბსურდული, მას არ აქვს წარმოდგენა, რა არის ასეულობით მილიონი. მან 2 გადაწყვეტილება მიიღო და სადღაც 270 მილიონამდე ჯარიმა დააკისრა უცხოურ კომპანიებს. საერთოდ მასშტაბში არის აცდენილი, საერთოდ ვერ ხვდება რა გააკეთა. ან არის საერთოდ არაკომპეტენტური, ან გვაქვს კორუფციასთან საქმე,“ - განაცხადა რომან გოცირიძემ.

ფრაქცია მოძრაობა თავისუფლებისთვის - რეგიონების წევრი, ზურაბ ჭიაბერაშვილი ფიქრობს, რომ კორუფცია სასამართლოში ისეთ დონეს აღწევს, როგორიც ის შევარდნაძის პერიოდში იყო.

უმრავლესობაში კი აცხადებენ, რომ სასამართლოს დამოუკიდებლობა მოსამართლეებს კანონისგან დამოუკიდებლებს ვერ ხდის და შესაბამისად, პარლამენტმა კანონის დახვეწაზე უნდა იზრუნოს. უმრავლესობის ნაწილი ბრალდებებს ცილისწამებას უწოდებს.

„ასე ხელაღებით საუბარი კორუფციაზე ეს სასამართლო იქნება თუ ნებისმიერი უწყება, არის უპასუხისმგებლო. აქედან გამომდინარე, მე ვფიქრობ, რომ ეს განცხადებები, როგორ მინიმუმ, არის უპასუხისმგებლო და ყველა მათგანს სჭირდება არგუმენტირება და დადასტურება,“ - განაცხადა პარლამენტის ფრაქცია ქართული ოცნების თავმჯდომარემ, მამუკა მდინარაძემ.

]]>
27-03-2017 19:01 +0400
კონკრეტული ადამიანების დასჯა არის საჭირო კონკრეტულ ფაქტზე წასწრებით - გიორგი პაპუაშვილი ფადი ასლის ბრალდებებს ეხმაურება http://rustavi2.com/ka/news/71693

საქართველოს საკონსტიტუციო სასამართლოს ყოფილი თავმჯდომარე, გიორგი პაპუაშვილი ფიქრობს, რომ საერთაშორისო სავაჭრო პალატის ბრალდებებზე საქალაქო სასამართლოს მიმართ, რეაგირება აუცილებელია.

საერთაშორისო სავაჭრო პალატის პრეზიდენტი სასამართლოში არსებულ კორუფციაზე საუბრობს და კონკრეტულ ფაქტებს ასახელებს.

„მნიშვნელოვანია, რომ შესაბამისი ორგანოები და ის ინსტიტუციები, რომლებიც პასუხისმგებლები არიან სასამართლო სისტემაზე, რამდენად ღისეულად შეხვდებიან ამ გამოწვევებს, რომ კითხვის ნიშნები არ იყოს. მათ შორის სავაჭრო და საინვესტიციო გარემოში ძალიან ხელისშემშლელია. კონკრეტული ადამიანების დასჯა არის საჭირო კონკრეტულ ფაქტზე წასწრებით,“ - აცხადებს საქართველოს საკონსტიტუციო სასამართლოს ყოფილი თავმჯდომარე, გიორგი პაპუაშვილი.

]]>
27-03-2017 18:50 +0400
თბილისის საქალაქო სასამართლოს პასუხი ფადი ასლის http://rustavi2.com/ka/news/71689

თბილისის საქალაქო სასამართლო  სასამართლოში არსებული კორუფციის თაობაზე არაბი ინვესტორის ფადი ასლის ბრალდებას პასუხობს.

"სასამართლო ხელისუფლება მკაცრად გმობს და დაუშვებლად მიიჩნევს მოსამართლის მიმართ გამოთქმულ ღირსებისა და საქმიანი რეპუტაციის შემლახველი ცნობების გავრცელებას. 

"საერთაშორისო სავაჭრო პალატის თავმჯდომარის ფადი ასლის მხრიდან  მოსამართლის კორუფციაში დადანაშაულება, ცილისწამებაა, არ გააჩნია კონკრეტული გონივრული დასაბუთება და მიზნად ისახავს მოსამართლის დისკრედიტაციას. იმ შემთხვევაში, თუ განცხადების ავტორს გააჩნია მოსამართლის მხრიდან კორუფციული ქმედების დამადასტურებელი კონკრეტული ფაქტი, იგი არამხოლოდ უფლებამოსილია, არამედ ვალდებულიცაა მიმართოს შესაბამის უწყებებს.

"კერძო სუბიექტებს შორის წარმართულ დავაში ცალსახად იკვეთება საერთაშორისო სავაჭრო პალატის თავმჯდომარის არაჯანსაღი მიკერძოებულობა პროცესში მონაწილე ერთ-ერთი მხარის მიმართ, რაც სავარაუდოდ მიანიშნებს საქმის შედეგის მიმართ ფადი ასლის კონკრეტულ ინტერესებზე.

"თბილისის საქალაქო სასამართლო მოუწოდებს ფადი ასლის დარჩეს სამართლებრივ სივრცეში და ნაცვლად დეზინფორმაციული ხასიათის განცხადებებისა, დაელოდოს ამავე საქმეებზე ზემდგომი ინსტანციის გადაწყვეტილებებს. ასევე, მნიშვნელოვნად მიგვაჩნია ამ უკანასკნელმა თავი შეიკავოს მსგავსი განცხადებებისგან, რათა თავიდან იქნას აცილებული კანონსაწინააღმდეგო ქმედება," - ნათქვამია განცხადებაში.

]]>
27-03-2017 18:40 +0400
განვიხილავთ გზებს, თუ როგორ უნდა გაიწმინდოს მართლმსაჯულება კორუმპირებული მოსამართლეებისგან - ფადი ასლი http://rustavi2.com/ka/news/71688

საერთაშორისო სავაჭრო პალატის პრეზიდენტი სასამართლოში არსებულ კორუფციაზე საუბრობს და კონკრეტულ ფაქტებს ასახელებს. სამართლებრივი დავა, რომელზეც გადაწყვეტილება მოსამართლე ვლადიმერ კაკაბაძემ მიიღო, ინვესტორებს მილიონობით ლარის ჯარიმას აკისრებს.

ფადი ასლი მოსამართლე ვლადიმერ კაკაბაძეს კორუმპირებულს უწოდებს. არაბი ინვესტორი არ გამორიცხავს, რომ მორიგი კორუფციული გარიგების შემთხვევაში, ქვეყანას დატოვებს.

„განვიხილავთ გზებს, თუ როგორ უნდა გაიწმინდოს მართლმსაჯულება კორუმპირებული მოსამართლეებისგან, რომლებიც ძირს უთხრიან სასამართლოს სისტემის სანდოობასა და იმიჯს. ასევე ძირს უთხრიან საინვესტიციო კლიმატს საქართველოში, მოსამართლე ვლადიმერ კაკაბაძის მიერ მიღებული გადაწყვეტილებები, ჩვენ პარიზში, 3 ყველაზე ცნობილ მოსამართლეს გადავუგზავნეთ და როდესაც ისინი საქმეებს გაეცნენ, ეს მათთვის შოკი იყო,“ - განაცხადა ფადი ასლიმ.

ის აღნიშნავს, რომ  მას მოსაზრებას ვერაფერი შეაცვლევინებს. მისი აზრით, ვლადიმერ კაკაბაძე სასამართლოსა და საქართველოს არცხვენს.

„როდესაც მეკითხებიან, კორუფციის რა მტკიცებულება გაქვს, ჩემი პასუხია - როდესაც ვგრძნობ ნაგვის სუნს, არ მჭირდება ვინმემ დამიდასტუროს, რომ ეს ნაგავია. რაც ვლადიმერ კაკაბაძემ გააკეთა, სირცხვილია,“ - განაცხადა ფადი ასლიმ.

]]>
27-03-2017 18:37 +0400
გვაქვს ტექნიკური საშუალებები, რათა გამოვავლინოთ მოქალაქეები, რომლებიც უვიზო მიმოსვლის პირობებს დაარღვევენ - შალვა ხუციშვილი http://rustavi2.com/ka/news/71685

ვიზალიბერალიზაციის მოახლოებასთან დაკავშირებით, მესაზღვრე-კონტროლიორებმა სპეციალური გადამზადება გაიარეს, რათა საქართველოს მოქალაქეებს, რომლებსაც ევროპის უვიზო მიმოსვლის ზონის ქვეყნებში სურთ გამგზავრება, კონსულტაცია გაუწიონ და თითოეულმა მოქალაქემ შესაბამისი შემოწმება გაიაროს.

„პრემიერის დავალების შესაბამისად, გვაქვს ტექნიკური საშუალებები იმისა, რომ გამოვავლინოთ მოქალაქეები, რომლებიც უვიზო მიმოსვლის პირობებს დაარღვევენ, გადააჭარბებენ ვადას და ა.შ. და ამის შესახებ პროაქტიულად მივაწოდოთ ინფორმაცია ევროკავშირის შესაბამის სტრუქტურებს და ჩვენს კოლეგებს სხვადასხვა ქვეყანაში,“ - განაცხადა საქართველოს შინაგან საქმეთა მინისტრის მოადგილემ, შალვა ხუციშვილმა.

უვიზო მიმოსვლის ამოქმედებიდან პირველი რეისი ქუთაისი-ბუდაპეშტის მიმართულებით შესრულდება.

]]>
27-03-2017 18:27 +0400
ქუთაისის საერთაშრისო აეროპორტში მგზავრებისთვის დამატებითი გასასვლელი დაემატება http://rustavi2.com/ka/news/71680

​ვიზალიბერალიზაციამდე რამდენიმე საათი რჩება. უვიზო მიმოსვლის რეჟიმის დადებით მხარეებზე შპს საქართველოს აეროპორტების გაერთიანების დირექტორი, ქეთევან ალექსიძე საუბრობს და ადასტურებს, რომ მგზავრთა ნაკადი გაზრდილია და ქუთაისის აეროპორტის ხელმძღვანელობის გადაწყვეტილებით, აეროპორტს კიდევ ერთი გასასვლელი დაემატება. ამას თან ერთად, ქუთაისი-თბილისისა და თბილისი-ქუთაისის მარშრტუტზე 2 სამგზავრო ავტობუსი დაემატება.

ქეთევან ალექსიძის აზრით, ვიზალიბერალიზაცია საქართველოს ავიაციისთვის ძალიან მნიშვნელოვანი წინგადადგმული ნაბიჯი იქნება.

„ძალიან მნიშვნელოვანია ეს ფაქტი არა მხოლოდ საქართველოს განვითარებისთვის, არამედ ასევე მნიშვნელოვანია ავიაციისთვის. ჩვენ ვფიქრობთ, რომ ეს მნიშვნელოვანი წინგადადგმული ნაბიჯი იქნება. როგორც იცით, ავიაცია საკმაოდ დინამიურად ვითარდებოდა ბოლო რამდენიმე წლის განმავლობაში. წელსაც პრაქტიკულად უპრეცედენტო ზრდა გვქონდა საერთაშირისო აეროპორტებში და ეს ახალი შესაძლებლობა უფრო დაგვეხმარება, რომ კიდევ უფრო უკეთ წარმოვაჩინოთ საქართველო,“ - აცხადებს შპს საქართველოს აეროპორტების გაერთიანების დირექტორი, ქეთევან ალექსიძე.

]]>
27-03-2017 18:01 +0400
ერთობლივი ძალისხმევით ვაპირებთ, უფრო ძლიერი გავხადოთ არა მარტო სუამი, არამედ საკუთარი ქვეყნებიც - გიორგი კვირიკაშვილი http://rustavi2.com/ka/news/71676

კიევში, ბიზნეს ფორუმის დაწყებამდე სუამის ქვეყნების მეთაურებმა გაფართოებულ შეხვედრაზე სამიტის პოლიტიკურ მნიშვნელობაზე ისაუბრეს.

სუამის სამიტი კიევში პირველად იმართება და 2017 წელს თავმჯდომარე ქვეყანა საქართველოა.

"საქართველოს თავმჯდომარეობის დროს პროგრამა შემთხვევით არ არის წარმოდგენილი დევიზით: "ერთად ძლიერი სუამისთვის", რადგან ერთობლივი ძალისხმევით ჩვენ ვაპირებთ უფრო ძლიერი გავხადოთ არა მარტო სუამი, არამედ საკუთარი ქვეყნებიც. დღევანდელ შეხვედრაზე ყველა მნიშვნელოვანი საკითხი განვიხილეთ და შევთანხმდით, გავაგრძელოთ მუშაობა სუამის განვითარებისთვის. ასევე აღინიშნა, რომ ჩვენი საერთო გამოწვევები უკავშირდება მოუგვარებელ კონფლიქტებს სუამის რეგიონში და ეს გვავალდებულებს გავაძლიეროთ თანამშრომლობა, რომ მივაღწიოთ უფრო ფართო საერთაშორისო მხარდაჭერას," - განაცხადა გიორგი კვირიკაშვილმა.

უკრაინის პრემიერმინისტრმა, ვლადიმერ გროისმანმა სუამის ქვეყნების მეთაურების გაფართოებულ შეხვედრაზე განხილულ საკითხებზე ისაუბრა.

"შეხვედრაზე მკვეთრად განვსაზღვრეთ მომავალი თანამშრომლობის ნაბიჯები. შევეხეთ ეკონომიკური თანამშრომლობის გაძლიერებასთან დაკავშირებულ საკითხებს, ასევე პოლიტიკურ ურთიერთობებს. მნიშვნელოვანია, რომ ხელი მოვაწერეთ დოკუმენტებს, რომლებიც საშუალებას მოგვცემს უკვე წელს სრულფასოვნად ავამოქმედოთ თავისუფალი სავაჭრო ზონა. ეს სასარგებლო იქნება ჩვენი ეროვნული ეკონომიკების განვითარებისთვის და თანამშრომლობის გასაძლიერებლად," - განაცხადა ვლადიმერ გროისმანმა.

გიორგი კვირიკაშილი უკრაინის პრეზიდენტთან შეხვედრის შემდეგ, თავის უკრაინელ კოლეგას შეხვდება. საქართველოს პრემიერმინისტრი უკრაინას დღეს დატოვებს.

]]>
27-03-2017 15:25 +0400
პრემიერმინისტრმა სუამის წევრ სახელმწიფოთა მეთაურები და ბიზნესმენები საქართველოში დაპატიჟა http://rustavi2.com/ka/news/71671

გიორგი კვირიკაშვილი კიევში სუამის სამიტს დაესწრო, რომელიც საქართველოს თავმჯდომარეობით ტარდება. დღეს ხელი მოეწერა საკოორდინაციო ჯგუფის შექმნას თავისუფალი ვაჭრობის რეჟიმის ამუშავებისთვის.

საქართველოს პრემიერმინისტრი სუამის წევრ სახელმწიფოთა მეთაურებს და ბიზნესმენებს საქართველოში ეპატიჟება. გიორგი კვირიკაშვილმა კიევში ბიზნეს ფორუმზე მათ სიტყვით მიმართა და ქვეყანაში არსებულ ბიზნეს გარემოზე ისაუბარა.

“ნება მომეცით, მადლობა გადავუხადო უკრაინის პრემიერმინისტრს, ბატონ გროისმანს მასპინძლობისა და დროული ინიციატივისთვის, რომ დღევანდელი შეხვედრა და სუამის პირველი ბიზნეს ფორუმი ჩვენთვის ყველასთვის საყვარელ ქალაქ კიევში იმართება. საქართველოს განსაკუთრებული პატივი ხვდა წილად, ყოფილიყო თავმჯდომარე სუამის საიუბილეო წელს. ბოლო 20 წლის განმავლობაში ორგანიზაცია ჩამოყალიბდა პერსპექტიულ ინსტიტუციურ მექანიზმად რეგიონული თანამშრომლობის, რომელსაც სჭირდება ახალი იმპულსი მომავალი განვითარებისთვის და პოტენციალის სრულად გამოყენება. იმედი გვაქვს, რომ გადავდგამთ კონკრეტულ ნაბიჯებს ჩვენი პოლიტიკური თანამშრომლობის გასამყარებლად,” - განაცხადა გიორგი კვირიკაშვილმა.

კიევში 20-მდე ქართველი ბიზნესმენი იმყოფება, რომლებიც სუამის ქვეყნებში საკუთარი ბიზნესის განვითარებას გეგმავენ.

უკრაინის პრეზიდენტისა და სუამის ქვეყნის მეთაურების შეხვედრა რამდენიმე წუთში დაიწყება. მთავარი თემები პოლიტიკური ურთიერთობების გაღრმავება და ეკონომიკური თანამშრომლობის განვითარება იქნება. 

]]>
27-03-2017 15:05 +0400
კიევში სუამის სამიტი გაიხსნა - სამიტი საქართველოს თავმჯდომარეობით ტარდება http://rustavi2.com/ka/news/71654

კიევში სუამის სამიტი გაიხსნა. სამიტი საქართველოს თავმჯდომარეობით ტარდება და სუამის წევრი სახელმწიფოების მთავრობებთან ერთად, სქართველოს პრემიერმინისტრი და ვიცე პრემიერი ესწრებიან. კახი კალაძემ განაცხადა, რომ მნიშვნელოვანია უკრაინა-საქართველოს შორის ურთიერთობა.

„ძალიან მნიშვნელოვან როლს ვანიჭებ ჩვენს ქვეყნებს შორის ურთიერთობას, არა ერთხელ მითქვამს, რომ აზერბაიჯანი, მაგალითად, არის სტრატეგიული პარტნიორი ქვეყანა, მნიშვნელოვანი ურთიერთობები გვაკავშირებს ამ ქვეყანასთან, მნიშვნელოვანია უკრაინა, ჩვენს ქვეყნებს შორის, ხალხს შორის ურთიერთობები. ვფიქრობთ, რომ ძალიან დიდი შესაძლებლობები გააჩნია ამ ორ ქვეყანას, კიდევ უფრო გააღრმავოს ურთიერთობები,“- განაცხადა კახი კალაძემ.

საქართველოს ეკონომიკის მინისტრის, გიორგი გახარიას განცხადებით, დღეს ხელი მოეწერება საკოორდინაციო ჯგუფის შექმნას, რომელიც ყველაფერს გააკეთებს, რომ თავისუფალი ვაჭრობის რეჟიმი ამუშავდეს.  

უკრაინის პრემიერმინისტრის, ვლადიმერ გროისმანის თქმით, ქვეყნებს შორის ურთიერთობებისთვის მნიშვნელოვანი ნაბიჯები იდგმება.

„ძალიან მნიშვნელოვან ნაბიჯებს ვდგამთ ჩვენი ურთიერთობებისთვის, პირველი - მივცეთ თავისუფალ ვაჭრობას სრულად ამოქმედების საშუალება, ასევე მნიშვნელოვანია სატრანსპორტო კორიდორის იდეის რეალიზაციაც,“ - განაცხადა უკრაინის პრემიერმა.

სამიტის ფარგლებში დაგეგმილია სხვადასხვა ფორმატის შეხვედრები, მათ შორის გიორგი კვირიკაშვილსა და პეტრე პოროშენკოს შორის. ეს საქართველოს პრემიერის პირველი ოფიციალური ვიზიტია უკრაინაში.

 

]]>
27-03-2017 12:15 +0400
სამთავრობო ქალაქის აშენების ინიციატივა - ოპოზიცია და ექსპერტები ხელისუფლებას აკრიტიკებენ http://rustavi2.com/ka/news/71623

საქართველოს ხელისუფლება ორთაჭალაში სამთავრობო ქალაქის აშენებას გეგმავს. პრემიერ-მინისტრის აზრით, ქალაქის ცენტრალურ ადგილებში სამინისტროების ფართების გათავისუფლება ქვეყნის ეკონომიკურ განვითარებას შეუწყობს ხელს.  

მმართველი გუნდის წევრები ფიქრობენ, რომ სამინისტროების შენობები შესაძლოა დიდი შემოსავლის მქონე სასტუმროებად გადაკეთდეს.

მსგავსი განცხადებები და ინიციატივები იმის ფონზე კეთდება, როდესაც შენობები, რომლებიც სამინისტროებმა წლების წინ დაცალეს, ძველებურ მდგომარეობაშია და არავითარი სასტუმროები, როგორც ამას თავის დროზე აანონსებდნენ, იქ არ გახსნილა.

ოპოზიციაში ფიქრობენ, რომ საქართველოში არსებული ეკონომიკური მდგომარეობიდან გამომდინარე, ბიუჯეტიდან სამინისტროების მშენებლობაზე ასეულობით მილიონი ლარის დახარჯვა აბსოლუტურად მიუღებელია.

ორთაჭალაში, ავტოსადგურის მიმდებარედ, სადაც შარშან ბიზნესსახლის მშენებლობა დაანონსდა, 6 თვის თავზე არათუ მშენებლობა არ დაწყებულა, ადგილზე აბრაც არ არის დამაგრებული.

დაანონსებული სამთავრობო ქალაქის შესახებ, ხელისუფლება უკან დასახევ გზასაც იტოვებს და ამბობს, რომ ეს ინიციატივა მხოლოდ საკითხის ეფექტურობისა და მოგების მოლოდინის გათვლის შემდეგ განხორციელდება.

ავტორი: აკაკი გოგიჩაიშვილი.

]]>
26-03-2017 21:26 +0400
საქართველოს პრემიერ-მინისტრის პირველი ოფიციალური ვიზიტი უკრაინაში http://rustavi2.com/ka/news/71610

საქართველოს პრემიერ-მინისტრის პირველი ოფიციალური ვიზიტი უკრაინაში. დაგეგმილი ორმხრივი შეხვედრების გარდა, ხვალ გიორგი კვირიკაშვილი მონაწილეობას სუამის ქვეყნების სამიტშიც მიიღებს. ბიზნესფორუმს საქართველო თავმჯდომარეობს, ერთ-ერთი მთავარი საკითხი სუამის ქვეყნებს შორის თავისუფალი ვაჭრობის ამოქმედება იქნება. ვიზიტის ფარგლებში გიორგი კვირიკაშვილი უკრაინის პრეზიდენტსა და პრემიერ-მინისტრს შეხვდება.

საქართველოს ეკონომიკისა და მდგრადი განვითარების მინისტრის მოადგილე, გენადი არველაძე აცხადებს, რომ სუამის წევრ სახელმწიფოებს შორის გამართულ ბიზნესფორუმში ქართველი ბიზნესმენები პირველად იღებენ მონაწილეობას.

პრემიერების შეხვედრა გაიმართება დილით. შემდეგ მოხდება დოკუმენტების ხელმოწერა, იქნება ასევე ერთობლივი განცხადება, შემდეგ ბიზნესფორუმი, ჩამოდის თითოეული წევრი სახელმწიფოდან ბიზნეს დელეგაცია, რადგან საუბარია თავისუფალი ზონის ამოქმედებაზე და ძალზედ მნიშვნელოვანია, რომ პრემიერ-მინისტრი კიევში ჩამოვიდა,“ - განაცხადა საქართველოს საგანგებო და სრულუფლებიანმა ელჩმა უკრაინაში, მიხეილ უკლებამ.

წელს სუამის 20 წლის იუბილე აღინიშნება. სუამის შემადგენლობაში საქართველო, აზერბაიჯანი, უკრაინა და მოლდოვა შედის.

]]>
26-03-2017 15:17 +0400
გარემოვაჭრეებს ქალაქის ტერიტორიაზე უკანონო საქმიანობის განხორციელების უფლება აღარ მიეცემათ - თბილისის მერია http://rustavi2.com/ka/news/71532

თბილისის მერიის გადაწყვეტილებით, გარემოვაჭრეებს ქალაქის ტერიტორიაზე უკანონო საქმიანობის განხორციელების უფლება აღარ მიეცემათ. 

ამის შესახებ საგანგებო განცხადებას თბილისის მერია გარემოვაჭრეების პროტესტთან დაკავშირებით ავრცელებს, რაც მათთვის ვაჭრობის აკრძალვას მოჰყვა. 

განცხადებაში ნათქვამია, რომ მერია კანონის დაცვით მოქმედებს და დათმობაზე წასვლას არ აპირებს, რადგან "უმებართვო გარევაჭრობა დაკავშირებულია სხვა სახის პრობლემებთანაც, მათ შორისაა: შეფერხება გადაადგილებისას, უსაფრთხოების ნორმების დაცვის ხელშეშლა, ანტისანიტარია, მალფუჭებადი პროდუქტის შენახვის პირობების დაუცველობა, გაურკვეველი წარმოების პროდუქციის გაყიდვა, ქალაქში არსებული ტურისტული ზონებისა და თბილისის იერსახის დამახინჯება". 

განცხადებაში აღნიშნულია, რომ "ბაზრობების ასოციაციასთან გამართული მოლაპარაკებების შედეგად, ასოციაცია გამოთქვამს მზადყოფნას, დაუყოვნებლივ, შეღავათიანი პირობებით 6 თვის ვადით სავაჭრო ადგილი დაუთმოს თითოეულ მათგანს. ბაზრობების დირექცია მეწარმეებს ყველა პირობას შეუქმნის საკუთარი პროდუქციის კონკურენტუნარიან პირობებში რეალიზაციისთვის". 

რეალიზაციის ობიექტები მოიცავს შემდეგ ტერიტორიებს: რკინიგზის სადგური და მისი მიმდებარე ტერიტორია, დინამოს მიმდებარე ტერიტორია, მეტრო „დიდუბის“ მიმდებარე ტერიტორია, ძველი დეზერტირების ბაზრის ადგილას აშენებული ახალი ბაზრის ტერიტორია, ისნისა და სამგორის ბაზრობების ტერიტორიები. 



]]>
25-03-2017 10:04 +0400
კვირის ბოლოს ლარი მცირედით გაუფასურდა http://rustavi2.com/ka/news/71531

კვირის ბოლოს ლარი მცირედით გაუფასურდა. ამის შესახებ ინფორმაციას ეროვნული ბანკი აქვეყნებს, რომელიც კურსს ყოველი სამუშაო დღის ბოლოს, ბანკთაშორის გამართული ვაჭრობის შედეგად, ადგენს.   

ოფიციალური მონაცემებით, 1 აშშ დოლარის ღირებულებამ 2.4513 ლარი შეადგინა. კურსი, რომელიც გუშინ მოქმედებდა, 2.4509 ლარი იყო. შესაბამისად, დოლარის ცვლილებამ ეროვნულ ვალუტასთან მიმართებაში 0.0004 ლარი შეადგინა.

1 ევრო კი 2.6484 ლარია მაშინ, როცა გუშინ მოქმედი კურსი 2.6443 ლარს შეადგენდა. შესაბამისად, ევროს ცვლილებამ 0.0041 ლარი შეადგინა.

]]>
25-03-2017 09:48 +0400
ლარი დოლართან და ევროსთან მიმართებაში გაუფასურდა http://rustavi2.com/ka/news/71428

საქართველოს ეროვნულმა ბანკმა ვალუტის გაცვლის ახალი ოფიციალური კურსი გამოაქვეყნა. 1 ამერიკული დოლარი, ოფიციალური კურსით, 2.4509 ლარი ღირს, რაც წინა დღის მონაცემზე 0.0011-ით მეტია.

ეროვნულმა ვალუტამ გაუფასურება ევროსთან მიმართებაშიც განიცადა. 1 ევროს ოფიციალური გაცვლითი კურსი 2.6443 ლარია, როდესაც გუშინ ევრო 2,6436-ს უტოლდებოდა.

]]>
23-03-2017 17:02 +0400
"ევროპულმა საქართველომ" მოსახლეობას და მეწარმეებს მხარდამჭერი პროგრამა გააცნო http://rustavi2.com/ka/news/71408

ევროპული საქართველო მოსახლეობას და მეწარმეებს პარტიის ბიზნესის მხარდამჭერ პროგრამას აცნობს. სამეწარმეო პროგრამა დავით ბაქრაძემ ქუთაისში მცირე ბიზნესით დაკავებულ მეწარმეებს გააცნო. ევროპული საქართველოს პროგრამის მიხედვით, დღიურად 550 ლარამდე საშუალო ბრუნვის ბიზნესი არ უნდა დაიბეგროს და ასეთმა მეწარმემ დამატებული ღირებულების გადასახადი არ უნდა გადაიხადოს.

დავით ბაქრაძის განცხადებით ეკონომიკური კრიზისის და მძიმე სოციალური ფონის პირობებში ეს ინიციატივა მცირე მეწარმეებისთვის საუკეთესო გამოსავალი იქნება.

]]>
23-03-2017 12:54 +0400
სამთავრობო ქალაქი ორთაჭალაში - გიორგი გახარია დაგეგმილ პროექტზე საუბრობს http://rustavi2.com/ka/news/71403

საქართველოს ეკონომიკისა და მდგრადი განვითარების მინისტრი, გიორგი გახარია დღეს მთავრობის სხდომაზე, პრემიერ-მინისტრის მიერ გაჟღერებულ ინიციატივას განმარტავს. გიორგი გახარიას განცხადებით, ორთაჭალაში სამთავრობო ქალაქის მშენებლობა მხოლოდ ხარჯების ხარჯთეფექტურობის დათვლის შემდეგ დაიწყება.

„ეს არის გარკვეული ტერიტორია, სადაც იმ შემთხვევაში, თუ სივრცითი მოწყობის და ეკონომიკური დასაბუთების ნაწილში, რაც პირველ რიგში არის ხარჯთეფექტურობის და ხარჯების ოპტიმიზაციის კრიტერიუმი იქნება პირველი. ეს ყველაფერი დადასტურდება ტექნიკურ-ეკონომიკური დასაბუთების საშუალებით და მხოლოდ ამის შემდეგ იქნება ეს ყველაფერი აშენებული,“ - განაცხადა გიორგი გახარიამ.

]]>
23-03-2017 12:36 +0400
2015 წლის შეცდომის გამოსწორება - პრეზიდენტს კანონი გადაეგზავნა, რომელიც ეროვნული ბანკს საზედამხედველო ფუნქციას უბრუნებს http://rustavi2.com/ka/news/71361

კანონი, რომელიც ორი წლის წინ მწვავე დაპირისპირების მიზეზი იყო, დღეს ისევ აქტუალურია. პრეზიდენტი მზად არის ხელი მოაწეროს კანონს, რომლის მიხედვითაც ეროვნულ ბანკს საბანკო ზედამხედველობის ფუნქცია დაუბრუნდება, თუმცა მმართველ გუნდს პოლიტიკურ პასუხისმგებლობას აკისრებს.

პრეზიდენტის ადმინისტრაციის უფროსის, გიორგი აბაშიშვილის განცხადებით, დღევანდელი კანონი და 2015 წელს პრეზიდენტის მიერ პარლამენტში გადაგზავნილი მოტივირებული შენიშვნები, ერთმანეთის იდენტურია.

გიორგი აბაშიშვილს მმართველმა გუნდმა სტატუსი დაუწუნა და არაეთიკურ ქმედებაში დაადანაშაულა. საჯარო მოხელე, ქართული ოცნების აზრით, პარლამენტის წევრების პასუხისმგებლობაზე არ უნდა მიუთითებდეს.

ოპოზიცია კანონის პირვანდელი რედაქციისთვის დაბრუნებას, მთავრობის მხრიდან დაშვებული შეცდომის აღიარებად აფასებს. საპარლამენტო უმცირესობაში იხსენებენ, რომ წელიწადნახევრის წინ ადგილობრივი და საერთაშორისო ორგანიზაციების კატეგორიული წინააღმდეგობის მიუხედავად, მმართველმა გუნდმა გადაწყვეტილება ერთხმად მიიღო.

შემდგომ უმრავლესობამ პრეზიდენტის ვეტოც დაძლია. კანონის ძალაში შესვლის შემდეგ კი, ოპოზიციამ ის საკონსტიტუციო სასამართლოში გაასაჩივრა. სასამართლოს საბოლოო გადაწყვეტილებამდე კანონის მოქმედება შეჩერებული იყო, მას შემდეგ რაც ქვეყნის პირველი პირი დოკუმენტს ხელს მოაწერს, საბანკო ზედამხედველობის ფუნქცია ეროვნულ ბანკს დაუბრუნდება.

]]>
22-03-2017 21:45 +0400
ირაკლი სესიაშვილის აზრით, პრეზიდენტი მოტივირებულ შენიშვნებში უფრო პრინციპული უნდა იყოს http://rustavi2.com/ka/news/71336

პარლამენტის თავდაცვისა და უშიშროების კომიტეტის თავმჯდომარე, ირაკლი სესიაშვილი ფიქრობს, რომ პრეზიდენტის ადმინისტრაციის უფროსი, გიორგი აბაშიშვილი, განცხადებებს საჯარო მოხელის ეთიკური ნორმების დარღვევით აკეთებს.

დეპუტატი გიორგი აბაშიშვილის მიერ დღეს უმრავლესობის მისამართით, ეროვნული ბანკიდან ზედამხედველობის სამსახურის გასვლისა და ე.წ. მოსმენების კანონის თაობაზე გამოთქმულ კრიტიკას აფასებს.

„სამწუხაროდ, პრეზიდენტის ადმინისტრაცია და თავად პრეზიდენტიც კი ხშირად გველაპარაკება და გვესაუბრება ჩვენობით, ანუ კრებით ფორმატში გვესაუბრება და გვეუბნება. მე ვერ გავიგე, ვინ არის ეს ჩვენ, მე ვიცი საქართველოს პრეზიდენტის ინსტიტუტი, საქართველოს პრეზიდენტი, რომელიც ავირჩიეთ. ბატონი აბაშიშვილი რომ რაღაც განცხადებებს აკეთებს და საჯარო მოხელის არანაირ ეთიკურ ნორმებს არ იცავს, ეს არის აბაშიშვილის განცხადება თუ „ჩვენის“ ანუ კრებით ფორმაში გაკეთებული განცხადება, უკვე ვეღარ გავერკვიე,“ - განაცხადა ირაკლი სესიაშვილმა.

მისი აზრით, განცხადებები თავად პრეზიდენტმა უნდა გააკეთოს და არა ადმინისტრაციის სხვა წარმომადგენელმა.

"პრეზიდენტის ადმინიტრაციის რიგითი ჩინოვნიკი საკუთარი ფირებით არ უნდა გველაპარაკებოდეს," - განაცხადა ირაკლი სესიაშვილმა.

ის აცხადებს, რომ ე.წ. მოსმენების კანონზე, პრეზიდენტის მოტივირებული შენიშვნები ყოველ ჯერზე ერთმანეთისგან განსხავებულია. მისი აზრით, გიორგი მარგველაშვილი პრინციპული არ არის.

„უბრალოდ გაუგებარია ჩემთვის მისი ეს მოტივაციები და სამწუხაროდ, მე მიმანიშნებს, რომ რაღაც უპრინციპოდ უდგება. ამით მე მინდა იმის დემონსტრირება მოვახდინო, რომ სამწუხაროდ, ამ თემის პოლიტიზირება ხდება. ჩვენ რა კანონპროექტიც არ უნდა შეგვემუშავებინა, რა სისტემაც არ უნდა შეგვეთავაზებინა, დარწმუნებული ვარ, რომ როგორც ოპოზიცია და საქართველოს პრეზიდენტი, ისე არასამთავრობო სექტორი, მაინც კრიტიკით დაკავდებოდა. იმიტომ რომ, ეს იყო პოლიტიკურად მოტივირებული,“ - განაცხადა ირაკლი სესიაშვილმა.

მისი აზრით, დღეს სამოქალაქო საზოგადოების ნაწილი „მოდას აყვა“, რადგან რეალური არგუმენტები მათ არ გააჩნიათ.

ირაკლი სესიაშვილი აცხადებს, რომ ე.წ. მოსმენების ახალი კანონი საკონსტიტუციო სასამართლოს გადაწყვეტილებასთან სრულ თანხვედრაშია. მისი აზრით, კანონით უმრავლესობამ შეძლო სახელმწიფო უსაფრთხოებასა და ადამიანის უფლებებს შორის ოქროს შუალედისთვის მიეგნო.

]]>
22-03-2017 18:23 +0400
ლარი დოლართან მიმართებაში მცირედით გაუფასურდა, ევროსთან კი გამყარდა http://rustavi2.com/ka/news/71330

საქართველოს ეროვნულმა ვალუტამ დოლართან მიმართებაში მცირე გაუფასურება განიცადა. ეროვნული ბანკის ოფიციალური გაცვლითი კურსის მიხედვით, 1 ამერიკული დოლარი 2.4498 ლარს უტოლდება, როდესაც წინა მონაცემი 2.4491 იყო.

ეროვნული ვალუტა ევროსთან მიმართებაში 0.0017 ლარით გამყარდა. შედეგად 1 ევროს ოფიციალური გაცვლითი კურსი 2.6436 ლარია.

]]>
22-03-2017 16:52 +0400
საპარლამენტო ოპოზიცია მთავრობას მოუწოდებს ე.წ. მოსმენების კანონზე ეროვნული ბანკის შეცდომა არ დაუშვან http://rustavi2.com/ka/news/71329

საპარლამენტო ოპოზიციაში ფიქრობენ, რომ ეროვნული ბანკის თაობაზე შეცდომა უმრავლესობამ ე.წ. მოსმენების კანონზეც არ უნდა დაუშვას.

პარლამენტის ფრაქცია ნაციონალური მოძრაობის თავმჯდომარე, რომან გოცირიძე აცხადებს, რომ ეროვნული ბანკიდან ზედამხედველობის სამსახურის გამოყოფის თაობაზე გადაწყვეტილებით, მმართველმა გუნდმა უდიდესი შეცდომა დაუშვა, რომელსაც საფუძვლად პოლიტიკური მოტივი ედო. მისი თქმით, უმრავლესობამ მსგავსი შეცდომა ე.წ. მოსმენების კანონის თაობაზეც არ უნდა დაუშვას.

„არ მოხდეს ისე, რომ ნაცვლად მორალური პასუხისმგებლობისა, ფიზიკური პასუხისმგებლობა დააკისროს ხალხმა და ჭინჭრებით, ასე ვთქვათ, დაცხონ ერთ ადგილას,“ - აცხადებს რომან გოცირიძე.

პარლამენტის ფრაქცია მოძრაობა თავისუფლებისთვის - რეგიონების წევრი, ზურაბ ჭიაბერაშვილი აცხადებს, რომ პოლიტიკოსები და არასამთავრობო ორგანიზაციები, უამრავი ექსპერტი აფრთხილებდა მმართველ გუნდს, რომ ეროვნული ბანკის თაობაზე მსგავსი გადაწყვეტილება ქვეყანას მნიშვნელოვან ზიანს მიაყენებდა, თუმცა უმრავლესობამ ეს რჩევები არ გაითვალისწინა.

„სანამ, პრაქტიკულად, არ დადგებიან ფაქტის წინაშე, მანამდე არ უნდათ აბსოლუტურად რაციონალური და არგუმენტირებული მოსაზრებების გაზიარება,“ - განაცხადა ზურაბ ჭიაბერაშვილმა.

]]>
22-03-2017 16:01 +0400
უმრავლესობა გიორგი აბაშიშვილს მოუწოდებს საკუთარი სტატუსის შესაბამისი განცხადებები გააკეთოს http://rustavi2.com/ka/news/71327

პრეზიდენტის ადმინისტრაციის უფროსმა, ეროვნული ბანკიდან ზედამხედველობის სამსახურის გამოყოფის თაობაზე მიღებული გადაწყვეტილების ყველა მონაწილის პასუხისმგებლობის საკითხის დაყენება მოითხოვა. უმრავლესობა გიორგი აბაშიშვილს მოუწოდებს საკუთარი სტატუსის შესაბამისი განცხადებები გააკეთოს.

„ჩვენ კანონებს ვცვლით პერიოდულად, იქიდან გამომდინარე, რა საჭიროებაა, რა მოცემულობაა და რა გამოწვევები არსებობს. ეს არის ბუნებრივი საკანონმდებლო პროცესი, გუშინ ერთი კანონი გვქონდა, მეორე დღეს შეიძლება ცვლილება შევიტანოთ. თუ ვინმეს ეს არ ესმის და უნდა, რომ პოლიტიკურად თავი წარმოაჩინოს, ჯერ საკუთარი სტატუსი განსაზღვროს, ვინ არის. იმტომ რომ ბატონი აბაშიშვილი გახლავთ ჩვეულებრივი საჯარო მოხელე. თუ პრეზიდენტი ამბობს ამას, მაშინ ეს პრეზიდენტისგან მოვისმინოთ და არა რიგითი თანამშრომლისგან,“ - განაცხადა პარლამენტის თავდაცვისა და უშიშროების კომიტეტის თავმჯდომარემ, ირაკლი სესიაშვილმა.

პარლამენტის ფრაქცია ქართული ოცნების წევრი, ნუკრი ქანთარია გიორგი აბაშიშვილს მოუწოდებს, რომ არ ინერვიულოს, რადგან წელიწად-ნახევრის წინ ეს გადაწყვეტილება პარლამენტის უმრავლესობამ პრეზიდენტის ვეტო მნიშნელოვანი მიზეზების გამო დაძლია. მან არ უარყო, რომ ერთ-ერთი მიზეზი სწორედ ეროვნული ბანკის მაშინდელი პრეზიდენტის, გიორგი ქადაგიძის ფატორი იყო.

]]>
22-03-2017 15:49 +0400
გიორგი აბაშიშვილის აზრით, ზედამხედველობის ფუნქციის ეროვნული ბანკიდან გამოსვლის მხარდამჭერი დეპუტატების პასუხისმგებლობა უნდა დადგეს http://rustavi2.com/ka/news/71323

საფინანსო ზედამხედველობის სამსახურთან დაკავშირებით მმართველი გუნდის შეცვლილ პოზიციას პრეზიდენტის ადმინისტრაციაში პოლიტიკურ უპასუხისმგებლობად აფასებენ. ავლაბარში გიორგი მარგველაშვილის მიერ ეროვნული ბანკის შესახებ კანონზე დადებულ ვეტოს იხსენებენ, რომელიც საპარლამენტო უმრავლესობამ წელიწად-ნახევრის წინ დაძლია, ახლა კი პოზიცია რადიკალურად შეცვალა.

პრეზიდენტის ადმინისტრაციის უფროსი, გიორგი აბაშიშვილი აცხადებს, რომ პრეზიდენტის მოტივირებული ვეტო ზედამხედველობის სამსახურის გამოყოფის თაობაზე და მთავრობის დღევანდელი პოზიცია, იდენტურია.

„საქართველოს მთავრობამ გაიზიარა პრეზიდენტის მოტივირებული შენიშვნები წელიწად-ნახევრის შემდგომ, ამ წელიწად-ნახევრის განმავლობაში, როდესაც პარლამენტმა მიიღო ასეთი პოლიტიკურად მოტივირებული გადაწყვეტილება, ქვეყანას მიადგა როგორც ფინანსური ზიანი, ისე რეპუტაციული ზიანი. შესაბამისად, საჭიროა პოლიტიკური პასუხისმგებლობა ყველა იმ დეპუტატის, რომლებმაც მაშინ მიიღეს მონაწილეობა პრეზიდენტის ვეტოს დაძლევაში და მათი ერთი ნაწილი ახლაც წარმოდგენილია დღევანდელ პარლამენტში,“ - განაცხადა გიორგი აბაშიშვილმა.

]]>
22-03-2017 15:36 +0400
ლარი ყველა ვალუტასთან გამყარდა http://rustavi2.com/ka/news/71232

ეროვნული ბანკის მონაცემებით, ლარი ყველა ვალუტასთან გამყარდა, რაც, ფაქტობრივად, უპრეცედენტო შემთხვევაა.   

რაც შეეხება, კონკრეტულ მაჩვენებლებს, ხვალიდან 1 აშშ დოლარი 2.4491 ლარი ეღირება, რაც 3 თეთრზე მეტით ნაკლებია დღევანდელ კურსთან.  

ევროსთან მიმართებაში კი ლარი 2,5 თეთრით გამყარდა და 1 ევროს ღირებულება 2.6453 ლარი გახდა. 

ეროვნული ბანკის მიერ გამოქვეყნებული კურსი, რომელიც დღის ბოლოს ბანკთაშორის გამართული ვაჭრობის შედეგად დგინდება, ღამის 12 საათიდან შევა ძალაში. 

]]>
21-03-2017 17:02 +0400
ევროპული საქართველო მთავრობას ბიზნესთან დავების ლიბერალიზაციისკენ მოუწოდებს http://rustavi2.com/ka/news/71211

მთავრობასა და ბიზნესს შორის დავების ლიბერალიზაციის მიზნით, ევროპულმა საქართველომ პარლამენტში კანონპროექტი დაარეგისტრირა. ზურაბ ჭიაბერაშვილის თქმით, მთავრობა კომპანიებს უბრალო ბუღალტრულ შეცდომას სისხლის სამართლებრივ დანაშაულად უთვლის რაც ბიზნესს აფერხებს.

ევროპული საქათველოს საკანონმდებლო ინიციატივა ეკონომიკური დანაშაულების სფეროში სისხლის სამართლის კოდექსის 3 მიმართულებით ლიბერალიზაციას გულისხმობს.

„სისხლის სამართლის კოდექსში გარკვეული ტიპის დანაშაულზე არის დაწესებული ზღვრები, რომლის ზემოთაც უკვე იწყება სისხლის სამართლებრივი დევნა. ჩვენ ვფიქრობთ, რომ ეს ზღვრები უნდა აიწიოს,“ - განაცხადა პარლამენტის ფრაქცია მოძრაობა თავისუფლებისთვის - რეგიონების წევრმა, ზურაბ ჭიაბერაშვილმა.

]]>
21-03-2017 15:00 +0400
საბანკო ტერმინების ლექსიკონის ელექტრონული და ბეჭდური ვერსია ხელმისაწვდომი იქნება http://rustavi2.com/ka/news/71209

პირველი ქართული ლექსიკონი, რომელიც საბანკო ტერმინებს განმარტავს - საქართველოს ბანკში ახალი ინიციატივის შესახებ ისაუბრეს. ლექსიკონი 1000-მდე ტერმინს, როგორც საბანკო ასევე საფინანსო, იურიდიული, საბუღალტრო, სადაზღვევო, მარკეტინგული და სხვა მონათესავე სფეროებიდან მოიცავს.

ლექსიკონი ყველა დაინტერესებული პირისთვის ხელმისაწვდომი იქნება, როგორც ელექტრონული ასევე, ბეჭდური ვერსიით.

„არის ძალიან ბევრი ტერმინი, რომელიც უცხო ენაზე გამოიყენება ხშირად და ზოგჯერ გაუგებრობას ქმნის. აქედან გამომდინარე, რაც უფრო გათვიცნობიერებული იქნება მომხმარებელი, ამ სხვადასხვა პროდუქტთან დაკავშირებით, რომელიც არის შეთავაზებული ქართულ საფინანსო სექტორში, მით უფრო უკეთესია,“ - განაცხადა საქართველოს ეროვნული ბანკის პრეზიდენტმა, კობა გვენეტაძემ.

]]>
21-03-2017 14:51 +0400
თბილისში ბიზნეს ფორუმი მიმდინარეობს http://rustavi2.com/ka/news/71124

თბილისში ბიზნეს ფორუმი მიმდინარეობს. საერთაშორისო სარეიტინგო სააგენტოები ქართველ ბიზნესმენებს ამ სფეროს განვითარების გამოცდილებას უზიარებენ.

ფორუმის განმავლობაში ქართველ მეწარმეებს საკუთარი პროდუქციის წარდგენა შეეძლებათ. ისაუბრებენ სამომავლო პერსპექტივებზე საინვესტიციო კუთხით.

]]>
20-03-2017 15:30 +0400
დახარჯული მილიონები აგრო-პროგრამებისთვის - ექსპერტები პროგრამის უშედეგობასა და პოლიტიკურ ქულებზე საუბრობენ http://rustavi2.com/ka/news/71074

ჯერ კიდევ ხუთი წლის წინ, ახალმა მმართველმა გუნდმა თავის ერთ-ერთ ძირითად ეკონომიკურ პრიორიტეტად სოფლის მეურნეობა დაასახელა. შესაბამისი ცვლილებები ბიუჯეტშიც შევიდა, აგრო-პროგრამებისკენ უზარმაზარი თანხები წავიდა და ქართული ოცნების წევრებიც მუდმივად საჯაროდ ამაყობდნენ ამ პროექტებით.

ექსპერტები და არასამთავრობოები მთავრობას მოუწოდებდნენ, რომ ეს პროგრამა შეეწყვიტა, რადგან შედეგები არ ჩანდა. ისინი მიიჩნევენ, რომ ეს მხოლოდ პოლიტიკური ქულების დასაწერად იყო გათვლილი.

სოფლის მეურნეობის დაფინანსება 2015 წელს 292.9 მილიონი იყო, როდესაც 2011 წელს იყო 57.8 მილიონი, თუმცა, აგროწარმოების წილი ამ პერიოდში, არათუ გაიზარდა, არამედ შემცირდა.  

უფასო ხვნის პროგრამა, რომელზეც ჯამში 300 მილიონი დაიხარჯა, შედეგად კი ნათესი ფართობი კი არ გაიზარდა, პირიქით - შემცირდა.

უფასო ხვნის უკვე დასრულებულ პროგრამას მთავრობა წარმატებად ითვლის, რადგან მან სოფლის მეურნეობისადმი ხალხის დაინტერესება გაზარდა, თუმცა ციფრები სხვას აჩვენებს.

ავტორი: აკაკი გოგიჩაიშვილი. 

 

 

 

]]>
19-03-2017 22:36 +0400
1983 წელს დაგებული პარკეტის გამო მოხსნილი სოციალური დახმარება - ტატალაშილების ოჯახი დახმარებას ითხოვს http://rustavi2.com/ka/news/71037

გორში მცხოვრები ტატალაშვილების ოჯახი დახმარებას ითხოვს. ისინი აცხადებენ, რომ მათ სოციალური დახმარება მოუხსნეს. სააგენტოს გადაწყვეტილების მიზეზი, სახლში, ერთ ოთახში, იატაკის დაგება გახდა.

დედა-შვილი, გოჩა და ლენა ტატალაშვილები, ორივე მძიმე ავადმყოფია, მათი ერთადერთი შემოსავალი დედის პენსიაა, რაც ელემენტარული პირობების დასაკმაყოფილებლადაც არ ჰყოფნით, ვეღარ ახერხებენ მედიკამენტების შეძენასაც.

ევროპული საქართველოს ლიდერთან, დავით ბაქრაძესთან საუბარში დედა-შვილი ამბობს, რომ რამდენჯერმე მიმართეს სააგენტოს სტატუსის აღდგენაზე, მაგრამ ყოველ ჯერზე უარის მიზეზად ისევ ერთ ოთახში დაგებული იატაკი გახდა.

„ეს ოჯახი არის ერთ-ერთი მაგალითი, როდესაც გაჭირვებულ ადამიანს, ყოველგვარი ახსნა-განმარტების გარეშე, მოუხსნეს სოციალური დახმარება და მიზეზად მოიყვანეს ის, რომ თურმე ერთ-ერთ ოთახში, მის ბინაში არის პარკეტი, რომელიც დაგებულია 1983 წელს, ანუ 35 წლის წინ,“ - აცხადებს დავით ბაქრაძე.

]]>
19-03-2017 12:17 +0400
ზვიად ხორგუაშვილი სესხების გალარების პროგრამას "წარუმატებელს" უწოდებს http://rustavi2.com/ka/news/70983

მთავრობის გეგმა ევროპული საქართველოს წევრმა, ზვიად ხორგუაშვილმა, შეაფასა და სესხების გალარების პროგრამას "წარუმატებელი" უწოდა.

ეკონომისტის თქმით, პროექტი სოციალურად უსამართლო იყო, ხდებოდა თანხების არამიზნობრივი დახარჯვა.

ხორგუაშვილის ინფორმაციით, პროექტის წარუმატებლობაზე მეტყველებს ის ფაქტიც, რომ პროექტით მხოლოდ 4500-მა ადამიანმა ისარგებლა, როცა მოლოდინი გაცილებით დიდი იყო. 

]]>
18-03-2017 12:15 +0400
ლარი 2 თეთრით გამყარდა http://rustavi2.com/ka/news/70971

კვირის ბოლოს ლარი აშშ დოლართან და ევროსთან მიმართებაში გამყარდა. ეროვნული ბანკის მონაცემებით, 1 აშშ დოლარის ოფიციალური ღირებულება 2.4817 ლარი გახდა. კურსი, რომელიც ბანკთაშორის გამართულ ვაჭრობამდე  მოქმედებდა, 2.5039 ლარი იყო. შესაბამისად, დოლარის ცვლილებამ ეროვნულ ვალუტასთან მიმართებაში 0.0222 ლარი შეადგინა.

ლარი გამყარდა ევროსთან მიმართებაშიც და 1 ევროს ღირებულება 2.6720 ლარია მაშინ, როცა გუშინ მოქმედი კურსი 2.6844 ლარს შეადგენდა. შესაბამისად, ევროს ცვლილებამ 0.0124 ლარი შეადგინა. 

]]>
18-03-2017 09:56 +0400
ლარი დოლართან და ევროსთან მიმართებაში გაუფასურდა http://rustavi2.com/ka/news/70846

საქართველოს ეროვნული ბანკის მიერ გამოქვეყნებული ახალი ოფიციალური კურსის მიხედვით, ლარი დოლართან მიმართებაში 0.0129 პუნქტით გაუფასურდა. რაც იმას ნიშნავს, რომ 1 აშშ დოლარი, ახალი ოფიციალური კურსის თანახმად, უკვე 2.5039 ლარი ღირს.

საქართველოს ეროვნული ვალუტა ევროსთან მიმართებაშიც გაუფასურდა. გაუფასურებამ თითქმის 4 თეთრი შეადგინა. 1 ევროს ოფიციალური გაცვლითი კურსი 2.6844 ლარია, როდესაც, წინა მონაცემი 2,6454 ლარი იყო.

საქართველოს ეროვნული ბანკის ოფიციალურ გვერდზე განთავსებული ინფორმაციის მიხედვით, ლარი ყველა ვალუტასთან მიმართებაში გაუფასურდა.

]]>
16-03-2017 17:02 +0400
სანქციები რუსეთის წინააღმდეგ - აშშ-ის სენატში სანქციების შენარჩუნების აუცილებლობაზე საუბრობენ http://rustavi2.com/ka/news/70816

შეერთებული შტატების სენატში რუსეთის წინააღმდეგ სანქციების შენარჩუნების აუცილებლობაზე საუბრობენ. მოსმენა ამ საკითხზე სენატის საბანკო კომიტეტში გაიმართა. კომიტეტის წამყვანმა რესპუბლიკელმა და დემოკრატმა სენატორებმა დაადასტურეს, რომ მინსკის ხელშეკრულებით გათვალისწინებული ვალდებულებების შესრულებამდე შეზღუდვების მოხსა რუსეთის მორიგ აგრესიას გაუხსნის გზას.

კომიტეტის რესპუბლიკელმა თავმჯდომარემ, სენატორმა მაიკ ქრეიფომ, განაცხადა, რომ სანქციები არ უნდა მოიხსნას, თუკი რუსეთი ქმედებებს არ შეცვლის. კომიტეტის ხელმძღვანელობამ იმედი გამოთქვა, რომ პრეზიდენტი ამ საკითხთან დაკავშირებით ორაზროვან პოლიტიკას შეწყვეტს.

„ერთი რამ ნათელია, სანქციების დონის ნებისმიერი შემცირება, რუსეთის საქციელში შესაბამისი ცვლილებების გარეშე, აღქმული იქნება, როგორ შეერთებული შტატების პოლიტიკის შეცვლა უკრაინაში რუსეთის ქმედებებთან დაკავშირებით. ეს კი წინააღმდეგობაში მოვა საერთაშორისო სამართლის ნორმებთან და მისცემს რუსეთს ნებართვას მორიგი ავანტიურებისთვის. რუსეთი თავის საქციელზე პასუხისმგებელი უნდა იყოს,” - განაცხადა მაიკ ქრეიფომ.

ფინანსური ექსპერტები რუსეთის წინააღმდეგ ძალიან ძლიერი, ირანის მსგავსი სანქციების გამოყენების რეკომენდაციას არ იძლევიან, რადგან თვლიან, რომ ამან შეიძლება, ევროპელები სანქციების კამპანიაში მონაწილეობისგან დააფრთხოს და, რაც მთავარია, რუსეთის ფინანსური სისტემა მთლიანად ჩამოშალოს. ეს კი სერიოზულ ზიანს მიაყენებს არამხოლოდ რუსეთის ეკონომიკას, არამედ გლობალურ პროცესებზეც ექნება გავლენა. 

]]>
16-03-2017 12:34 +0400
ლარი დოლართან და ევროსთან მიმართებაში გაუფასურდა http://rustavi2.com/ka/news/70764

საქართველოს ეროვნულმა ბანკმა ვალუტის ახალი გაცვლითი კურსი გამოაქვეყნა. ოფიციალური მონაცემებით, 1 ამერიკული დოლარი 2.4910 ლარს უტოლდება. დღეს მოქმედი კურსით, 1 აშშ დოლარი 2.4854 ლარი ღირდა, რაც იმას ნიშნავს, რომ ეროვნული ვალუტა 0,0056 პუნქტით გაუფასურდა.

ლარი გაუფასურდა ევროსთან მიმართებაშიც. ოფიციალური კურსი მიხედვით, 1 ევრო 2.6454ლარი ღირს, რაც წინა მონაცემზე  0.0014 პუნქტით მეტია.

კომერციულ ბანკებში დოლარის გაცვლითი კურსი აშშ დოლართან მიმართებაში ასეთია: საქართველოს ბანკი - 2,545 ლარი, TBC ბანკი - 2,549 ლარი, პროკრედიტ ბანკი - 2,53 ლარი. 

]]>
15-03-2017 17:27 +0400
ფინანსთა მინისტრი საერთაშორისო ინვესტორთა ჯგუფს შეხვდა http://rustavi2.com/ka/news/70632

ფინანსთა მინისტრი დიმიტრი ქუმსიშვილი საერთაშორისო ინვესტორთა ჯგუფს შეხვდა. მათ შორის იყვნენ JP Morgan-ის, BNP-ის და Bank of America Merril Lynch-ის, წარმომადგენლები.

დიმიტრი ქუმსიშვილმა ყურადღება ახალი პროგრამის დაწყების შესახებ საერთაშორისო სავალუტო ფონდთან მიღწეულ შეთანხმებაზე გაამახვილა, რომელიც მთავრობის ეკონომიკური პოლიტიკის მხარდაჭერას ითვალისწინებს.

საერთაშორისო კორპორაციებმა სურვილი გამოთქვეს, საქართველოს ეკონომიკაში ინვესტიციები განხორციელონ. ეს კომპანიები საქართველოს მიერ გამოშვებული ევრობონდების მფლობელები არიან. თუმცა, მათ ასევე გამოხატეს დაინტერესება, მთავრობის სახაზინო ფასიანი ქაღალდები ადგილზევე შეიძინონ.

]]>
14-03-2017 15:32 +0400
კახა კალაძე მინსკში „ინტერ-რაოს“ წარმომადგენლებს შეხვდება http://rustavi2.com/ka/news/70601

ენერგეტიკის მინისტრი კახა კალაძე მინსკში გაემგზავრა. ინფორმაციას ენერგეტიკის სამინისტრო ავრცელებს. უწყების ინფორმაციით, ვიზიტის ფარგლებში კახა კალაძე კომპანია ინტერ-რაოს წარმომადგენლებს შეხვდება.

სამინისტროს მიერ გავრცელებულ განცხადებაში აღნიშნულია, რომ კომპანია ინტერ-რაოსთან მორიგ სამუშაო შეხვედრაზე მხარეები მიმდინარე საკითხებს განიხილავენ.

]]>
14-03-2017 10:03 +0400
ლარი დოლართან მიმართებაში გამყარდა და ევროსთან მიმართებაში გაუფასურდა http://rustavi2.com/ka/news/70548

საქართველოს ეროვნული ვალუტა დოლართან მიმართებაში, დაახლოებით, ნახევარი თეთრით გამყარდა. ეროვნული ბანკის ოფიციალური მონაცემებით, 1 აშშ დოლარი 2.5052 ლარი  ღირს.

ახალი მონაცემების მიხედვით, ეროვნული ვალუტა ევროსთან მიმართებაში გაუფასურდა. ოფიციალური გაცვლითი კურსის მიხედვით, 1 ევრო 2.6735-ს უტოლდება, რაც წინა მონაცემზე 0.0085 ლარით მეტია.

]]>
13-03-2017 17:18 +0400
სესხების გალარების პროგრამა დასრულდა http://rustavi2.com/ka/news/70968

სესხების გალარების პროგრამა მთელი ქვეყნის მასშტაბით დასრულდა, თუმცა ხელისუფლების მოლოდინი არ გამართლდა და სახელმწიფო სერვისით დოლარში მქონე სესხების მქონე მომხმარებელთა მხოლოდ მცირე ნაწილმა ისარგებლა.

სოციალური აქციის მიმართ სკეპტიკური დამოკიდებულება პროგრამის დასრულების შემდეგ კიდევ უფრო მეტი კრიტიკის საბაბი გახდა. მთავრობის ოპონენტები მიიჩნევენ, რომ ხელისუფლება საბიუჯეტო თანხებს არამიზნობრივად ხარჯავს.

გალარების პროგრამა ექსპერტების ნაწილის აზრით ფინანსური სექტორის ინტერესს არ ემსახურებოდა. იმას, რომ გალარებით მეტმა მომხმარებელმა არ ისარგებლა საზოგადოება და ბანკებში ხელისუფლებასა და მომხმარებლებს შორის ცუდი კომუნიკაციით ხსნიან. ორგანიზაციაში განმარტავენ, რომ მოლოდინი თითქოს გალარების აქცია ლარის კურსზე აისახება მცდარია.

შეგახსენებთ, რომ გალარების ერთჯერადი პროგრამა მთავრობამ ლარიზაციის პოლიტიკის ფარგლებში გამოაცხადა. დოლარზე დამოკიდებულების შესამცირებლად უკვე მოქმედებს კიდევ ერთი ცვლილება, რომლის მიხედვითაც 100 ათას ლარამდე სესხები მხოლოდ ლარში გაიცემა. ჯერჯერობით უცნობია აამოქმედებს თუ არა მთავრობა კიდევ ერთ დაანონსებულ სიახლეს და აიკრძალება თუ არა ქვეყანაში უცხოურ ვალუტაში ფასდადება.

]]>
12-03-2017 21:51 +0400
ლარი გაუფასურებას განაგრძობს - 1 აშშ დოლარი ოფიციალური კურსით 2.51 ლარია http://rustavi2.com/ka/news/70256

ლარი გაუფასურებას განაგრძობს. საქართველოს ეროვნული ბანკის მონაცემების მიხედვით, ხვალ 1 დოლარის შეძენა 2.5111 ლარად იქნება შესაძლებელი.

შესაბამისად, დოლარის ცვლილებამ ეროვნულ ვალუტასთან მიმართებაში 0.0344 ლარი შეადგინა.

რაც შეეხება კომერციულ ბანკებს, საქართველოს ბანკში 1 დოლარის ყიდვა 2.555 ლარად იქნება შესაძლებელი, ბანკ რესპუბლიკაში 2.554 ლარად, თი ბი სი ბანკში კი 1 დოლარი 2.52 ლარი ღირს.

1 ევროს ღირებულება კი 2.6650 ლარია. ევროს ცვლილებამ 0.0501 ლარი შეადგინა. საქართველოს ეროვნული ბანკის მიხედვით, ლარი სხვა ყველა ვალუტასთან მიმართებაშიც გაუფასურდა. 

]]>
10-03-2017 17:05 +0400
ფინანსური ზედამხედველობის შესახებ კანონპროექტს დღეს მეორე და მესამე მოსმენით განიხილავენ http://rustavi2.com/ka/news/70211

ფინანსური ზედამხედველობის შესახებ კანონპროექტის მეორე და მესამე მოსმენით განხილვა გაგრძელდება დღეს პარლამენტში. დეპუტატები კანონპროექტს კენჭს დღესვე უყრიან.

ეროვნული ბანკისთვის ფინანსური ზედამხედველობის ფუნქციის დაბრუნების პარალელურად, უმრავლესობაში არასაბანკო ფინანსური სექტორის ზედამხედველობის საჭიროებაზეც საუბრობენ.

ეროვნული ბანკისთვის ფინანსური ზედამხედველობის ფუნქციის დაბრუნებას მხარს ოპოზიციაც უჭერს, თუმცა მმართველ გუნდს კვლავ აკრიტიკებს 2 წლის წინ მიღებული გადაწყვეტილებისთვის, როდესაც ეს ფუნქცია ჩამოართვა ეროვნულ ბანკს.

ოპოზიციაში ამბობს, რომ ზემოხსენებული გადაწყვეტილების მიმღებმა ყველა პირმა, კანონის წინაშე პასუხი უნდა აგოს.

 

]]>
10-03-2017 08:44 +0400
საფინანსო ზედამხედველობის ფუნქცია - დეპუტატები ხელისუფლებას პოლიტიკური გადაწყვეტილების მიღებაში ადანაშაულებენ http://rustavi2.com/ka/news/70163

ოპოზიციამ საფინანსო ზედამხედველობის სამსახურის საკითხის სხდომაზე განხილვამდე საკანონმდებლო პაკეტი გააკრიტიკა. დეპუტატებმა ხელისუფლება პოლიტიკური გადაწყვეტილების მიღებაში დაადანაშაულეს.  

პარლამენტის ფრაქცია მოძრაობა თავისუფლებისთვის - რეგიონების წევრი ზურაბ ჭიაბერაშვილი მმართველ გუნდს ეკონომიკური ზიანის მიყენებაში ადანაშაულებს. მისი თქმით, საფინანსო ზედამხედველობის სამსახურის ჩამორთმევით წლების წინ საქართველომ დიდი ეკონომიკური ზარალი ნახა.

პარლამენტის ფრაქცია ნაციონალური მოძრაობის თავმჯდომარე რომან გოცირიძე აღნიშნავს, რომ საერთაშორისო სავალუტო ფონდმა გაცილებით ნაკლები თანხა გამოყო წლების წინ. რომან გოცირიძე სამარცხვინოს უწოდებს ფაქტს, როდესაც მმართველი გუნდი ამ გადაწყვეტილებას სავალუტო ფონდის მოთხოვნის შესრულებით ასაბუთებს.

მმართველ პარტიაში  ბრალდებებს უარყოფენ. პარლამენტის საფინანსო-საბიუჯეტო კომიტეტის თავმჯდომარე ირაკლი კოვზანაძისთვის მნიშვნელოვანია, რომ საბანკო ზედამხედველობა იყოს მკაცრი, დამოუკიდებელი და ადეკვატური.

 

]]>
09-03-2017 15:50 +0400
ეროვნული ბანკისთვის საზედამხედველო ფუნქციის დაბრუნების თაობაზე განხილვას პარლამენტში კამათი მოჰყვა http://rustavi2.com/ka/news/70164

პარლამენტში დეპუტატები საფინანსო ზედამხედველობის ფუნქციის ეროვნული ბანკისთვის დაბრუნების საკითხს განიხილავდნენ. სამსახურის გამოყოფის გადაწყვეტილება ქართულმა ოცნებამ წელიწად-ნახევრის წინ მიიღო, რაც ხელისუფლების აღიარებით პოლიტიკური გადაწყვეტილება იყო. 

სხდომის დროს საპარლამენტო ოპოზიციამ უმრავლესობას კრიტიკულ შეკითხვებზე პასუხის გაცემა მოსთხოვა.

„თქვენ თუ გაქვთ გათვლილი კონკრეტულად თქვენმა მთავრობამ რა ზარალი მიაყენა საქართველოს მოსახლეობას ამ უგუნური ნაბიჯით? ვინ უნდა აიღოს ეს პასუხისმგებლობა? კვირიკაშვილმა, რომელიც ახლა პრემიერმინისტრია, ხადურმა, ქუმსიშვილმა, თუ იმ დეპუტატებმა, რომლებმაც ამ კანონს თავის დროზე მხარი დაუჭირეს?“ - განაცხადა ფრაქცია ნაციონალური მოძრაობის მდივანმა, თინათინ ბოკუჩავამ.

დეპუტატის შეკითხვას ზარალთან დაკავშირებით, არჩილ თალაკვაძემ უპასუხა. საპარლამენტო უმრავლესობის ლიდერის განცხადებით, ერთ-ერთი ყველაზე მნიშვნელოვანი პრობლემა, რომელმაც გადაწყვეტილების მიღების აუცილებლობა გამოიწვია, ლარის ძალიან მკვეთრი გაუფასურება იყო.

„ძალიან კონკრეტული პრობლემები იყო. პირველი ეს არის ვალუტის გაუფასურება, რომელიც სწორედ მაშინ ყველაზე ჩქარა და ყველაზე კატასტროფულ რეჟიმში მოხდა. მეორე არის რეზერვები არაადეკვატური მართვა. მესამე არის რეფინანსირების აუქციონები და ბევრი კითხვებია ამასთან დაკავშირებით და მეოთხე- ზოგადად კომუნიკაცია არ იყო ადეკვატური ეროვნულ ბანკსა და მთავრობას შორის,“ - განაცხადა არჩილ თალაკვაძემ.

ფრაქცია ნაციონალური მოძრაობის თავმჯდომარის, რომან გოცირიძის თქმით, მმართველმა გუნდმა „პრინციპები 285 მილიონ დოლარად გაყიდა.“

უმრავლესობის წევრების განცხადებით, წელიწად-ნახევრის წინ მიღებული გადაწყვეტილების გამო საქართველო არ დაზარალებულა.

პარლამენტი ეროვნული ბანკისთვის საზედამხედველო ფუნქციის დაბრუნების თაობაზე ცვლილებას მთავრობის მოთხოვნით, დაჩქარებული წესით განიხილავს. პირველი მოსმენა შესვენების შემდეგ გაგრძელდება.

ავტორი: ანა წერეთელი.

]]>
09-03-2017 15:50 +0400
ოპოზიცია ეროვნული ბანკისთვის ზედამხედველობის ფუნქციის დაბრუნების ინიციატივას პოლიტიკური დღის წესრიგით განპირობებულს უწოდებს http://rustavi2.com/ka/news/70142

დღეს პარლამენტში პარლამენტის ინიციატივას ეროვნული ბანკისთვის საბანკო სექტორის ზედამხედველობის ფუნქციის დაბრუნებას განიხილავენ.

ოპოზიციის აზრით, ხელისუფლების მხრიდან მსგავსი გადაწყვეტილება პოლიტიკური დღის წესრგით არის განპირობებული.

ფრაქცია ნაციონალური მოძრაობის თავმჯდომარე, რომან გოცირიძე, ხელისუფლების მიერ თავის დროზე ეროვნული ბანკისთვის საზედამხედველო ფუნქციის ჩამორთმევას „დანაშაულს“ უწოდებს. მისი თქმით, მმართველი გუნდის მთავარი მიზანი ფინანსური ნაკადების კონტროლი იყო, თუმცა ამის საშუალება მას საკონსტიტუციო სასამართლომ არ მისცა.

„ზიანი რაც მიიღო ქვეყანამ, ეს იყო ინვესტორთან ნდობის დაკარგვა, ეს იყო საერთაშირისო საფინანსო ინსტიტუტების ნდობის დაკარგვა და უკმაყოფილება. ზიანი უკვე მივიღეთ და ასახულია ეს ლარის ვარდნაშიც, ფასების გაძვირებაშიც, ეკონომიკური ზრდის შემცირებაშიც და ამ ზიანს მხოლოდ ეს ნაბიჯი ვერ გამოასწორებს. ზიანს გამოასწორებს ხელისუფლების შეცვლა და სწორი ეკონომიკური პოლიტიკის გატარება,“ - აცხადებს პარლამენტის ფრაქცია მოძრაობა თავისუფლებისთვის - რეგიონების წევრი, ზურაბ ჭიაბერაშვილი.

ავტორი: ანა წერეთელი.

]]>
09-03-2017 12:51 +0400
"თანამშრომლობის პრობლემა, რომელიც არსებობდა ეროვნულ ბანკსა და მთავრობას შორის უკვე აღმოფხვრილია" - არჩილ თალაკვაძე http://rustavi2.com/ka/news/70139

პარლამენტში დღეს ეროვნული ბანკის შესახებ ცვლილებებს განიხილავენ. მთავრობის მიერ მომზადებული ინიციატივის მიხედვით, ეროვნულ ბანკს საზედამხედველო ფუნქციას უბრუნებენ. უმრავლესობაში აცხადებენ, რომ ეს ინიციატივა იმით არის განპირობებული, რომ მმართველ გუნდსა და ეროვნულ ბანკს შორის არსებული პრობლემა უკვე აღმოფხვრილია.

„თანამშრომლობის პრობლემა, რომელიც არსებობდა ეროვნულ ბანკსა და მთავრობას შორის უკვე აღმოფხვრილია და დღეს არის ნორმალური თანამშრომლობის რეჟიმი, რომელიც სჭირდება ქვეყანას და როგორიც უნდა იყოს ერთი და მეორე - საკითხი, რომელიც საკონსტიტუციო სასმართლოში განიხილება უკვე ძალიან დიდი ხანია, პრაქტიკულად სამართლებრივ ჩიხშია შესული და საჭიროა სამართლებრივი გადაწყვეტილების მიღება, რომ ფისკალურ და ეკონომიკურ სფეროში რაიმე შეფერხებები ამან არ გამოიწვიოს,“ - განაცხადა ქართული ოცნების წევრმა, არჩილ თალაკვაძემ.

ავტორი: ანა წერეთელი.

]]>
09-03-2017 12:30 +0400
ლარი დოლართან და ევროსთან მიმართებაში გაუფასურდა http://rustavi2.com/ka/news/69865

საქართველოს ეროვნულმა ბანკმა ლარის ახალი გაცვლითი კურსი გამოაქვეყნა. ოფიციალური კურსის მიხედვით, 1 ამერიკული დოლარი 2,4604 გახდა, რაც წინა მონაცემზე 3 თეთრით მეტია.

საქართველოს ეროვნული ვალუტა ევროსთან მიმართებაშიც გაუფასურდა. 1 ევრო, ახალი ოფიციალური კურსის მიხედვით, 2,6048 ლარი ღირს, რაც იმას ნიშნავს, რომ ლარი 0.0467 პუნქტით გაუფასრუდა.

]]>
06-03-2017 17:38 +0400
გაზრდილი ეკონომიკური მაჩვენებელი - ექსპერტები ეკონომიკის ხელოვნურად გაბერვაზე საუბრობენ http://rustavi2.com/ka/news/69804

წინა კვირაში მთავრობამ ეკონომიკური ზრდის გაზრდილი პარამეტრების შესახებ ისაუბრა, თუმცა ექსპერტების ანალიზით, ეს მხოლოდ ციფრებით მანიპულირება იყო და ამ მონაცემების უკან რეალური წინსვლა არ დგას.

სამთავრობო ხარჯები გაიზარდა, სწორედ ეს აისახა სტატისტიკაზე და სტატისტიკურად მოგვცა შედეგი, რომ ეკონომიკური ზრდის მაჩვენებელი არის გაზრდილი.

დამატებითი ფული კი გაზრდილი გადასახადებიდან მოდის, რომელიც გაიზარდა საწვავზე, თამბაქოზე და ა.შ. ექსპერტები ამბობენ, რომ ამ გზით ეკონომიკის ხელოვნურად გაბერვა, ცუდი შედეგების მომტანია. 

„დაახლოებით 13%-ით არის გაზრდილი მთავრობის ხარჯები წლევანდელ თვეს. ეს იმას ნიშნავს, რომ რეალურად მთავრობის ხარჯებმა განაპირობა ამ ეტაპზე მთლიანი შიდა პროდუქტის ზრდა, რამაც საბოლოო ჯამში შეიძლება მყისიერად 5,2 %-იანი ეკონომიკური ზრდა, მაგრამ გრძელვადიან პერსპექტივაში ეს იქნება ეკონომიკის შემაფერხებელი სტრატეგია, რომელსაც დღეს ახორციელებენ,“ - განაცხადა ეკონომისტმა ირაკლი ყიფიანმა.

როგორია მთავრობის დამოკიდებულება იმ მესაკუთრეებისადმი, როდესაც იგეგმება გზების, რკინიგზის ან სხვა ამ მასშტაბის პროექტების განხორციელება და რა მდგომარეობაშია ის ადგილები, რომლებიც პროექტების განხორციელებას წინ ეღობება. კანონის შესაბამისად, უნდა მოხდეს სამართლიანი ფასის დადგენა და ამ ფასად უნდა მოხდეს გამოსყიდვა მესაკუთრისგან, თუმცა, ბოლო წლებში პრაქტიკაში ჩანს, რომ  ეს ხშირ შემთხვევაში ირღვევა. ხშირ შემთხვევაში ხდება ქონების ჩამორთმევა იმ წესებით, რომელსაც თავად მთავრობა აწესებს.

ავტორი: აკაკი გოგიჩაიშვილი. 

]]>
05-03-2017 23:24 +0400
"ბღუჯა მინისტრი"- თბილისსა და ქუთაისში ქუმსიშვილის გადადგომის მოთოხვნით აქციები გაიმართა http://rustavi2.com/ka/news/69776

დღეს თბილისსა და ქუთაისში გამართულ აქციებზე დიმიტრი ქუმსიშვილის გადადგომას ითხოვდნენ. შეკრებილები მთავრობის ეკონომიკურ პოლიტიკას და კონკრეტულად საწვავზე აქციზის გაძვირებას აპროტესტებდნენ.

აქციის მონაწილეეების განცხადებით, განხორციელეეული ცვლიელებები მოსახლეობას კიდევ უფრო გააღარიბებს. მოთხოვნების დაუკმაყოფილებლობის შემთხვევაში შეკრებილი ადამიანებსი პერმანენტულ საპროტესტო აქციებს გეგმავენ. პროტესტს შეუერთდნენ დღეს ოპოზიციური პოლიტიკური პარტიებიც.

„ეს აქცია არის მიმართული აქციზის ზრდის წინააღმდეგ ყველა სახის პროდუქტზე. მათ შორის საწვავზე, თამბაქოზე, ალკოჰოლზე, ყველაფერზე და მოვითხოვთ ბღუჯა მინისტრის დიმიტრი ქუმსიშვილის გადადგომას,“ - აცხადებს აქციის მონაწილე, ვახტანგ ხარაზიშვილი.

]]>
05-03-2017 15:42 +0400
ბუნებრივი აირის ტარიფი 20 ივლისამდე გახდება ცნობილი http://rustavi2.com/ka/news/69375

საქართველოს ენერგეტიკისა და წყალმომარაგების მარეგულირებელმა კომისიამ გაზის ტარიფზე გადაწყვეტილების მიღების ბოლო ვადა დაადგინა. ბუნებრივი აირის საფასური ცნობილი 20 ივლისამდე გახდება.

ამ ეტაპზე მოსაზრებების წარდგენის ეტაპი მიმდინარეობს, 31 მარტამდე მარეგულირებლისთვის საკუთარი პოზიციის გაცნობა ნებისმიერ დაინტერესებულ პირს შეუძლია.

ტარიფის გადახედვის მოთხოვნით სემეკს სოკარ გაზმა და საქ ორგ გაზმა მიმართეს.

„მას შემდეგ, რაც მოხდება დოკუმენტაციის გაანალიზება, ჩაინიშნება საჯარო სხდომა, სადაც დეპარტამენტი თავის მოსაზრებას, პოზიციას წარმოადგენს პროექტის სახით. გაიმართება საჯარო მსჯელობა და ამის შემდეგ იქნება მიღებული კომისიის მიერ გადაწყვეტილება ტარიფებთან მიმართებაში,“ - აცხადებს სემეკის საზოგადოებასთან ურთიერთობის სამსახურის ხელმძღვანელიქეთი ბერიკაშვილი.

]]>
01-03-2017 14:31 +0400
2017 წლის იანვარში მთლიანი შიდა პროდუქტის ზრდის მაჩვენებელმა 5.2 პროცენტი შეადგინა http://rustavi2.com/ka/news/69273

2017 წლის იანვარში მთლიანი შიდა პროდუქტის ზრდის მაჩვენებელმა 5.2 პროცენტი შეადგინა. საქსტატის მონაცემები ეკონომიკის სამინისტროში შეაფასეს, სადაც ექსპორტის ზრდაზე და გაუმჯობესებულ ეკონომიკურ აქტივობაზე ამახვილებენ ყურადღებას.

საქსტატის ინფორმაციით, 33%-ით არის გაზრდილი 2017 წლის იანვარში ახლად რეგისტრირებულ საწარმოთა რაოდენობა, 2016 წლის შესაბამის მაჩვენებელთან შედარებით.

„2017 წლის იანვარში, ეკონომიკურმა ზრდამ შეადგინა 5.2 %, რც ბოლო პერიოდის განმავლობაში ერთერთი ყველაზე მაღალი მაჩვენებელია. ასევე ძალიან დიდი ზრდა იყო ექსპორტში. ზოგადად რეგიონშიც უკვე ეკონომიკური მდგომარეობის თვალსაზრისით, მდგომარეობა ნელ-ნელა უმჯობესდება, რაც იმედის საფუძველს გვაძლევს, რომ ამ არხებით საქართველოს ეკონომიკურ ზრდასა და განვითარებაზე დადებითი გავლენა ექნება შემდგომი თვეების განმავლობაში,“ - განაცხადა საქართველოს ეკონომიკისა და მდგრადი განვითარების მინისტრის მოადგილემ ნინო ჯავახაძემ.

]]>
28-02-2017 15:15 +0400
ლარსის ალტერნატივა - რუსეთ-სომხეთის დამაკავშირებელი ახალი გზა შესაძლოა ოკუპირებულ აფხაზეთზე გამავალი რკინიგზა გახდეს http://rustavi2.com/ka/news/69041

2013 წლის იანვარში პრემიერმა ივანიშვილმა სარკინიგზო მიმოსვლისა და ტერიტორიული მთლიანობის აღდგენის საკითხები ერთმანეთისგან გაყო და ხელისუფლებაში მოსვლიდან რამდენიმე თვეში დააანონსა, რომ შესაძლოა, მალე რუსეთ-სომხეთის დამაკავშირებელი რკინიგზა, რომელიც საქართველოზე გაივლის, მათ შორის ოკუპირებულ აფხაზეთზე, რეალობადაც იქცეს.

ჯერ კიდევ 2013 წელს, სომხეთში ვიზიტისას, იმჟამინდელმა პრემიერმა ბიძინა ივანიშვილმა განაცხადა, რომ ყველა მხარის თანხმობის შემთხვევაში, რკინიგზის გახსნა შესაძლებელი იყო. ამ განცხადებიდანაც კარგად გამოჩნდა, რომ ქართული ოცნების ხელისუფლება იმთავითვე მზად იყო ამ დერეფნის გასახსნელად.

4 წლის შემდეგ სომხეთის პრემიერმინისტრმა განცხადება გააკეთა, რომელშიც ლარსის დერეფნის ალტერნატივის გახსნაზე ისაუბრა, თუმცა რომელი გზა არის ალტერნატივა, ის არ აკონკრეტებს.

კარენ კარაპეტიანი საქართველოში 3 დღის წინ იყო ჩამოსული და გიორგი კვირიკაშვილთან შეხვედრა გამართა. პრემიერებმა შეხვედრის დეტალებზე მედიასთან არ ისაუბრეს. მათ მხოლოდ აღნიშნეს, რომ საუბარი ტრანსპორტის სფეროში თანამშრომლობის გაღრმავების პერსპექტივებს შეეხებოდა.

საზოგადოებაში შეკითხვები გაჩნდა, ლარსის გამშვები პუნქტის რა სახის ალტერნატივაზე შეიძლება იყოს საუბარი. სომხურ პრესაში გაჩნდა სტატიები, რომლებშიც ლარსის ალტერნატივად ოკუპირებული აფხაზეთის გავლით დამაკავშირებელ სარკინიგზო გზას ასახელებს.

ავტორი: თენგო გოგოტიშვილი.

]]>
26-02-2017 22:18 +0400
თურქმენეთიდან ქვეყანაში ნავთობის ტრანზიტი მთავრობის მიერ დაანონსებულ მოცულობას არ შეესაბამება http://rustavi2.com/ka/news/68979

საქართველოს მთავრობამ 2017 წლის იანვარში თურქმენეთიდან ნავთობის ტრანზიტის განხორციელების შემთხვევაში ბიუჯეტში შემოსავლის 180 მილიონი დოლარით გაზრდა დააანონსა. შიდა წყაროების ცნობით კი, ამ ეტაპზე, მხოლოდ 40 ათას ტონაზე მიმდინარეობს საუბარი.

ჰაბ-ჯორჯიას ცნობით, საქართველოში ბოლო 7 წლის განმავლობაში თურქმენულ ნავთობს ქართული რკინიგზა 100 ათას ტონამდე მოცულობით ატარებდა, თუმცა ამას კერძო კომპანია კასპიან ტრანზიტს ახორციელებდა, რომლის ჩანაცვლებასაც რკინიგზის ადმინისტრაცია ცდილობს.

არასამათავრობოთა კვლევით, ბოლო წლებში რკინიგზამ ათამდე საკუთარი კომპანია გააერთიანა და მათი საშუალებით გადაზიდვებში კონკურენციის სრულად აღმოფხვრას ცდილობს.

შიდა გადაზიდვებზე რკინიგზას ტარიფები არ აქვს დარეგულირებული, შედეგად კი, ეს მოცულობა რკინიგზის ნაცვლად ტრაილერებით გადააქვთ კომპანიებს, რაც გაცილებით ძვირი უჯდებათ. მადნის გადამამუშავებელი კომპანიები იძულებულები გახდნენ გადაზიდვებისთვის საკუთარი ავტოპარკი შეექმნათ.

ექსპერტების თქმით, გლობალური კლების დაბალანსება ადგილობრივი გადაზიდვებით სრულიად იყო შესაძლებელი. ამჯერად, 33%-ით არის შემცირებული ადგილობრივი გადაზიდვები, მთლიანი ჯამური ტვირთბრუნვა კი 42%-ით.

ექსპერტები შესაძლო მიზეზად რკინიგზის გაკოტრებასა და შემდეგ მისი იაფად გაყიდვის სურვილს ასახელებენ, შესაძლო შედეგად კი რკინიგზიდან ათასობით ადამიანის დათხოვნას.

 

 

ავტორი: აკაკი გოგიჩაიშვილი

]]>
25-02-2017 22:56 +0400
ლარი მცირედით გამყარდა http://rustavi2.com/ka/news/68932

კვირის ბოლოს ლარი მცირედით გამყარდა. ეროვნული ბანკის მონაცემებით, 1 აშშ დოლარის ღირებულება 2.5883 ლარი გახდა. კურსი, რომელიც გუშინ მოქმედებდა, 2.6014 ლარი იყო. შესაბამისად, დოლარის ცვლილებამ ეროვნულ ვალუტასთან მიმართებაში 0.0131 ლარი შეადგინა. 

ლარი მცირედით გამყარდა ევროსთან მიმართებაშიც და 1 ევროს ღირებულება 2.7402 ლარია მაშინ, როცა გუშინ მოქმედი კურსი 2.7434 ლარს შეადგენდა. შესაბამისად, ევროს ცვლილებამ 0.0032 ლარი შეადგინა. 

 

]]>
25-02-2017 10:22 +0400
ეკონომიკის მინისტრი ეროვნული ბანკისთვის საბანკო ზედამხედველობის ფუნქციის დაბრუნებას აფასებს http://rustavi2.com/ka/news/68722

ეკონომიკის მინისტრი ეროვნული ბანკისთვის საბანკო ზედამხედველობის ფუნქციის დაბრუნებას აფასებს. გიორგი გახარიას განცხადებით, მთავრობის 2015 წლის გადაწყვეტილება გამოყოფასთან დაკავშირებით შეცდომა არ ყოფილა, თუმცა ქამრების შემოჭერის პოლიტიკის ფონზე, ახალი სტრუქტურის შემქნა მიზანშეწონილად არ მიაჩნია.

„შეცდომას არ დავარქმევ. დღეს, როდესაც ჩვენ ვსაუბრობთ, ასე ვთქვათ, ბიუჯეტის ოპტიმიზაციაზე, როდესაც ვსაუბრობთ, რომ ჩვენთვის ეკონომიკური ზრდის და ეკონომიკური სიტუაციიდან გამომდინარე, მნიშვნელობა აქვს ყოველ დახარჯულ ლარს, რა თქმა უნდა, ვთვლი, რომ კიდევ ერთი მეგარეგულატორის შექმნა, ამ ეტაპზე ალბათ არ იყო სწორი და მისი, ასე ვთქვათ, ეროვნული ბანკის სტრუქტურაში შეტანა აბსოლუტურად მისაღებია,“ - განაცხადა გიორგი გახარიამ.

 

 



]]>
22-02-2017 16:09 +0400
ეკონომიკის მინისტრი საქართველოს ბიზნეს ასოციაციის წევრებს შეხვდა http://rustavi2.com/ka/news/68719

საქართველოს ბიზნეს ასოციაციის წევრებს გიორგი გახარია მინისტრის რანგში დღეს პირველად შეხვდა. ეკონომიკის მინისტრმა ასოციაციის წევრ ბიზნესმენებთან ერთად, დარგში არსებული პრობლემები და გამოწვევები განიხილა. განსახილველ საკითხებს შორის იყო საპენსიო რეფორმა, მიმდინარე სასამართლო დავები და საგადასახადო სისტემაში არსებული გამოწვევები.

კერძო სექტორის წარმომადგენლები მინისტრისგან საგადასახადო შეღავათების დაწესებას მოითხოვენ. შეხვედრა დახურულ კარს მიღმა დაახლოებით 2 საათის განმავლობაში მიმდინარეობდა.

]]>
22-02-2017 15:55 +0400
საფინანსო სექტორის ზედამხედველობის ფუნქცია კვლავ სებ-ს უბრუნდება - შეფასებები და კრიტიკა http://rustavi2.com/ka/news/68643

საფინანსო სექტორის ზედამხედველობის ფუნქცია ისევ ეროვნულ ბანკს უბრუნდება. 2015 წელს ქართული ოცნებას, როგორც ქართველი, ისე საერთაშორისო ექსპერტები აფრთხილებდნენ იმ ეკონომიკურ უკუეფეტქზე, რომელიც ამ ფუნქციის ეროვნული ბანკისთვის ჩამორთმევას მოჰყვებოდა. კონკრეტულად რა მოვლენებმა გამოიწვია  წელიწად-ნახევრის წინ მიღებული გადაწყვეტილების შეცვლა, ხეისუფლებაში არ აკონკრეტებენ.

ქართული ოცნების ის დეპუტატები, რომლებმაც წინა მოწვევის პარლამნეტში ამ კანონზე პრეზიდენტის ვეტოც კი დაძლიეს, აღიარებენ, რომ ცვლილება კონკრეტულად ეროვნული ბანკის მაშინდელი პრეზიდნეტის, გიორგი ქადაგიძის, გამო მიიღეს.

ოპოზიცია მცდარი გადაწყვეტილების მიღებაში ქართულ ოცნებას ჯერ კიდევ 2 წლის წინ აკრიტიკებდა. ოპონენტები მმართველ გუნდს ქვეყნისთვის ზიანის მიყენებაში ადანაშაულებენ. ბოლო წლების ეკონომიკის დაბალი ზრდის ერთ-ერთ ფაქტორად დეპუტატები სწორედ ამ ცვლილებას ასახელებენ.

პარლამენტმა "ეროვნული ბანკის შესახებ" კანონში ცვლილებები მაშინდელი საფინანსო კომიტეტის თავმჯდომარის, თამაზ მეჭიაურის, ინიციატივით მიიღო. ცხარე კრიტიკისა და პრეზიდნეტის მიერ ვეტოს დადების მიუხედავად, კანონი ძალაში შევიდა, რის შემდეგაც ოპოზიციამ საკონსტიტუციო სასამართლოს მიმართა და ზედამხედველობის სააგენტოს ცალკე შექმნა გააპროტესტა. სააგენტო მუშაობას მხოლოდ სასამართლოს გადაწყვეტილების შემდეგ შეძლებდა.

ექსპერტების აზრით, ხელისუფლება 2015 წლის შეცდომის გამოსწორებას დღეს ცდილობს, თუმცა ზარალი, რომელიც ამ პროცესში ქვეყანამ მიიღო, მათი აზრით, ვეღარ ანაზღაურდება.

17 კანონში შესატანი ცვილელების პაკეტს მთავრობა პარლამნეტში უახლოეს პერიოდში შეიტანს. ქრთულ ოცნებას იმ რედაქციის დაცვა მოუწევს, რომელიც 2 წლის წინ თავად დაიწუნა.

 

 

 

ავტორი: თეონა ცხომელიძე

]]>
21-02-2017 21:30 +0400
ბუნებრივი აირი შესაძლოა გაძვირდეს - ოპოზიცია პასუხისმგებლობას მმართველ გუნდს აკისრებს http://rustavi2.com/ka/news/68644

ბუნებრივი აირი შესაძლოა, გაძვირდეს - ტარიფები, რომელიც სემეკის თავმჯდომარის მოადგილის განცხადებით, რეალობას არ ასახავს, უახლოეს მომავალში გადაიხედება.

ენერგეტიკის მარეგულირებელი ეროვნული კომისია ბუნებრივი აირის კომპანიების განაცხადების შესწავლას იწყებს. განხილვებამდე ცოტა ხნით ადრე, სემეკ-ში არ გამორიცხავენ, რომ გაზის ფასი გაიზარდოს. მითუმეტეს, რომ ბუნებრივი აირის ტარიფი უკვე 11 წელია, არ გადაანგარიშებულა, ამ პერიოდის განმავლობაში კი ბევრი რამ შეიცვალა, მათ შორის ეროვნული ვალუტის კურსიც.

ტარიფის მატებაზე საუბრობს საპარლამენტო უმრავლესობა. ყოფილი ენერგეტიკოსი ამჟამად კი მმართველი გუნდის წევრი, რევაზ არველაძე, მოსალოდნელ გაძვირებას ასევე ვალუტის გაუფასურებას უკავშირებს. ის დარწმუნებულია, რომ ბუნებრივი აირის საფასური მოიმატებს, თუმცა რამდენით, ვერ აკონკრეტებს.

ლარის გაუფასურებაზე დოლართან მიმართებაში და ამის გამო ჯერ დენზე და ახლა უკვე გაზზე ტარიფების გაზრდაზე საუბრობენ ოპოზიციის წარმომადგენლებიც. ხელისუფლების პოლიტიკური ოპონენტები ქვეყანაში შექმნილ ეკონომიკურ მდგომარებაზე პასუხისმგებლობას სწორედ მმართველ გუნდს აკისრებენ.

ექსპერტების ნაწილი თვლის, რომ მომატებული გადასახადი შესაძლოა, მომწოდებელი კომპანიის მოთხოვნა სულაც არ იყოს და ამით მთავრობა ბიუჯეტის შევსებას ცდილობდეს.

სწორედ ექსპერტების მიერ გავრცელებული ინფორმაციით, ბუნებრივი აირის საფასურის გაზრდა გაზაფხულზე ან ყველაზე შორს - ზაფხულში იგეგმება.

 

 

 

ავტორი: ეკა გაგუა 

]]>
21-02-2017 21:26 +0400
რომან კაკულიას აზრით, 2015 წელს ეროვნული ბანკისთვის საფინანსო ზედამხედველობის ფუნქციის ჩამორთმევა სწორი არ იყო http://rustavi2.com/ka/news/68629

დარგობრივი ეკონომიკის კომიტეტის თვმჯდომარის, რომან კაკულიას, აზრით, საფინანსო ზედამხედველობის სამსახურის ეროვნული ბანკიდან გამოყოფა „ალბათ, სწორი არ იყო“.

საფინანსო ზედამხედველობის ფუნქცია ისევ ეროვნულ ბანკს უბრუნდება. ფინანსთა მინისტრის, დიმიტრი ქუმსიშვილის, განცხადებით, მთავრობა მიიჩნევს, რომ ეს ფუნქცია ბანკს უნდა ჰქონდეს და აღარ ელოდება საკონსტიტუციო სასამართლოს გადაწყვეტილებას.

რომან კაკულიამ არ იცის, რა მოტივი ჰქონდა 2015 წელს ეროვნული ბანკისთვის ამ ფუნქციის ჩამორთმევას. მისი აზრით, "იყო თუ არა ეს გადაწყვეტილება პოლიტიკური, იმ ადამიანებს უნდა ვკითხოთ, ვინც ეს გადაწყვეტილება მიიღო".

„მე ვთქვი, რომ ეს, ალბათ, არ იყო სწორი გადაწყვეტილება, მაგრამ საქართველოს ეკონომიკის განვითარების ტენდენციების უარყოფითი მხარეები ჩვენ უფრო სხვა სეგმენტებში უნდა ვეძებოთ და არა ამ კონკრეტულ გადაწყვეტილებაში,“ - განაცხადა რომან კაკულიამ.

მისი თქმით, პარლამენტში ამ საკითხს კვლავ განიხილავენ. მისი აზრით, მინისტრის დღევანდელი გადაწყვეტილება სწორია. ხელისუფლების მიერ დაანონსებული მონეტარული პოლიტიკიდან გამომდინარე, ის ფიქრობს, რომ ეროვნული ბანკი ძლიერი უნდა იყოს.

რომან კაკულიას განცხადებით, საფინანსო ზედამხედველობის ფუნქციის ეროვნული ბანკისთვის დაბრუნების საკითხზე უმრავლესობის შიგნით ამ წინადადების წარდგენის შემდეგ იმსჯელებენ. მისი აზრით, დეპუტატებს საკითხში გარკვევის საშუალება უნდა მიეცეთ.

„როდესაც მთავრობა რაღაცას წარმოადგენს, ჩვენ არ გვეძლევა საშუალება, რომ პირდაპირ რეჟიმში არ ვაკეთოთ და არ უნდა გავაკეთოთ პირდაპირ რეჟიმში განმარტებები. ჩვენ დრო გვჭირდება იმისათვის, რომ ჩვენ ჩვენი შიდა ანალიზი გავაკეთოთ ამ წარმოდგენილი წინადადებების. წინა გუნდის წევრები რა პოზიციას დაიკავებენ, მართალი რომ გითხრათ, ეს მათი საქმეა, მაგრამ საერთოდ გუნდის წევრობა არ ნიშნავს იმას, რომ არ იყოს ალტერნატიული მოსაზრებები სხვადასხვა თემაზე. მთავარია საბოლოო გადაწყვეტილება. მე შეიძლება, ზოგიერთ გადაწყვეტილებას კამათის პროცესში თანაგუნდელებთან არ ვეთანხმებოდე, მაგრამ ჩვენ მივდივართ ერთობლივ გადაწყვეტილებამდე,“ - აცხადებს რომან კაკულია.

მისი აზრით, ძლიერი ბანკი აუცილებელია, რათა საქართველოში ბიზნესის განვითარებისათვის ჯანსაღი კონკურენტული გარემო იყოს.

]]>
21-02-2017 18:50 +0400
ძალიან სასაცილო მდგომარეობაში არიან ახლა - რომან გოცირიძე საფინანსო სექტორის ზედამხედველობის ისევ სებ-ში დაბრუნებაზე http://rustavi2.com/ka/news/68632

ფრაქცია ნაციონალური მოძრაობის თავმჯდომარე, რომან გოცირიძე, საფინანსო სექტორის ზედამხედველობის ფუნქციის ისევ ეროვნული ბანკისთვის დაბრუნების შესახებ კურიერის პირდაპირ ეთერში საუბრობს და ამბობს, რომ პარტია კანონპროექტს მხარს დაუჭერს.

რომან გოცირიძე მთავრობას მიერ საზოგადოების წინაშე ბოდიშის მოხდის აუცილებლობაზე საუბრობს იმის გამო, რომ „მათ უზარმაზარი ზიანი მიაყენეს ქვეყანას“.

გოცირიძე თავის დროზე ეროვნული ბანკიდან საფინანსო ზედამხედველობის ფუნქციის გამოყოფით გამოწვეულ უარყოფით შედეგებზე საუბრობს.

„ითამაშეს სერიოზული როლი ლარის შემდგომ გაუფასურებაში და ასევე ძალიან დიდი რაოდენობის უცხოური დახმარება და გრანტები ვერ მივიღეთ სწორედ ამ გადაწყვეტილების გამო საერთაშორისო სავალუტო ფონდისგან,“ - განაცხადა რომან გოცირიძემ და დასძინა, რომ  „ძალიან სასაცილო მდგომარეობაში არიან ახლა ყველანი ჩავარდნილი".

"ისტორიამ იცის ხოლმე დროდადრო ადამიანების დასჯა, დაცინვა,“ - განაცხადა რომან გოცირიძემ.

გოცირიძე ამბობს, რომ იმ ადამიანების პასუხისმგებლობის საკითხი უნდა დადგეს, ვინც კანონპროექტი დაწერა.

„ყველას პასუხისმგებლობის საკითხი უნდა დადგეს. პრემიერმინისტრ კვირიკაშვილის, რომელიც იმ დროს იყო ეკონომიკის მინისტრი, იმ ადამიანების, ვინც დაწერა ეს კანონპროექტი,“ - განაცხადა გოცირიძემ. 

]]>
21-02-2017 18:50 +0400
ეროვნული ბანკისთვის ზედამხედველობის ფუნქციის დაბრუნება - ოპოზიცია და ექსპერტები დაგვიანებულ გადაწყვეტილებაზე საუბრობენ http://rustavi2.com/ka/news/68618

ფინანსთა მინისტრის განცხადებას ეროვნული ბანკისთვის საფინანსო სექტორის ზედამხედველობის ფუნქციის დაბრუნების შესახებ ოპოზიცია და ექსპერტები ეხმაურებიან. მათ მიაჩნიათ, რომ ხელისუფლებას თავის დროზე ეროვნული ბანკიდან ზედამხედველობის ფუნქციის გამოყოფის გადაწყვეტილება არ უნდა მიეღო.

ოპოზიციაში მიაჩნიათ, რომ ხელისუფლებამ ბოდიში უნდა მოუხადოს საზოგადოებას, რადგან ქვეყანამ ფინანსურად იზარალა.

„თუ ნამუსი აქვთ, ბოდიში უნდა მოუხადონ ხალხს და თავისი ჯიბიდან უნდა დაფარონ ის ზარალი, რაც მიადგა ქვეყანას, ამ გადაწყვეტილებამ ლარის შემდგომი გაუფასურება გამოიწვია, ეს იყო პირდაპირ ბრძოლა ეროვნული ბანკის წინააღმდეგ, მაშინ, როცა ლარის დევალვაციის პროცესი მიდიოდა, ყველა ეწინააღმდეგებოდა ამას და ახლა უნდათ საკუთარ თავზე მიიწერონ, რომ თითქოსდა 2 წლის შემდეგ გონს მოეგნენ, ნურასუკაცრავად, ეს არის გაჩერებული საკონსტიტუციო სასამართლოს მიერ, ვეტო დაადო პრეზიდენტმა და ყველა საერთაშორისო ორგანიზაციამ წერილი მისწერა პრემიერმინისტრსა და პარლამენტის თავმჯდომარეს, რომ ეს უგუნური გადაწყვეტილება არ გაკეთებულიყო,“- განაცხადა ნაციონალური მოძრაობის წევრმა, რომან გოცირიძემ.

ევროპულ საქართველოში მიაჩნიათ, რომ ეროვნული ბანკიდან ზედამხედველობის ფუნქციის გამოყოფით ქვეყანას ზიანი მიადგა.

„ზიანი ამით უკვე მოგვაყენეს, მაშინვე, როდესაც ამაზე დაიწყო ლაპარაკი, ეს იყო განსაკუთრებით საფინანსო სექტორში ინვესტორებისთვის ძალიან ცუდი სიგნალი, ამას ცუდად შეხვდა ბიზნესი,“- განაცხადა ზურაბ ჭიაბერაშვილმა.

ექსპერტების აზრით, ზედამხედველობის ფუნქციის ეროვნული ბანკისთვის დაბრუნება აუცილებელია, თუმცა სპეციალისტების თქმით, ეს გადაწყვეტილება დაგვიანებულია და ხელისუფლებას თავის დროზე ეროვნული ბანკიდან ზედამხედველობის ფუნქციის გამოყოფის გადაწყვეტილება არ უნდა მიეღო.  

ავტორი: თეონა ცხომელიძე.

 

 

]]>
21-02-2017 15:59 +0400
ეროვნული ბანკიდან ზედამხედველობის ფუნქციის გამოყოფის მიზეზი - ზაქარია ქუცნაშვილი გიორგი ქადაგიძეზე საუბრობს http://rustavi2.com/ka/news/68614

საფინანსო სექტორის ზედამხედველობის ფუნქცია ისევ ეროვნულ ბანკს დაუბრუნდება. ფინანსთა მინისტრის, დიმიტრი ქუმსიშვილის განცხადებით, მთავრობა მიიჩნევს, რომ ეს ფუნქცია ბანკს უნდა ჰქონდეს და აღარ ელოდება საკონსტიტუციო სასამართლოს გადაწყვეტილებას.

მმართველ გუნდში ამბობენ, რომ მაშინ ხელისუფლების მხრიდან შეცდომა არ ყოფილა დაშვებული, ვინაიდან კონკრეტული მიზეზი არსებობდა თუ რატომ მოხდა ეროვნული ბანკიდან ზედამხედველობის ფუნქციის გამოყოფა და ეს მიზეზი იყო მაშინდელი ეროვნული ბანკის პრეზიდენტი, გიორგი ქადაგიძე.

„ბატონი ქადაგიძე არ ახდენდა მაშინ ვთქვათ ეროვნული ბანკის ინსტრუმენტების აქტიურ გამოყენებას და კანონპროექტის ავტორებმა ამ მოსაზრებით შექმნეს პროექტი, რომლის მიხედვით, სხვა მოთამაშეებზე სხვანაირი წესით უნდა განხორციელებულიყო ზედამხედველობა,“- განაცხადა ზაქარია ქუცნაშვილმა.

 

 

ავტორი: თეონა ცხომელიძე.

 

]]>
21-02-2017 15:48 +0400
ბუნებრივი აირი შესაძლოა გაძვირდეს http://rustavi2.com/ka/news/68603

ზაფხულიდან შესაძლოა, ბუნებრივი აირი გაძვირდეს. ამის შესახებ უკვე ისმის ღია განცხადებები, როგორც ექსპერტების, ასევე შესაბამისი კომპანიების და უწყებების წარმომადგენლების მხრიდან. პარალელურად, სემეკში ახალი სატარიფო განაცხადების განხილვა იწყება.

„კომისია იწყებს ბუნებრივი გაზის სექტორის სატარიფო რეგულირებას. ბუნებრივი გაზის სექტორში ტარიფები 2005 წლის შემდეგ არ გადათვლილა, ეს დიდი პერიოდია, ამ პერიოდის განმავლობაში მოხდა ძალიან ბევრი ცვლილება ამ სექტორში, შემოვიდნენ ახალი მოთამაშეები, განხორციელდა ახალი ინვესტიციები, მოხდა კომპანიების გამსხვილება, შესაბამისად, მარეგულირებელი კომისია პროცესების, გარემოებების გათვალისწინებით სატარიფო რეგულირებას იწყებს ამ სექტორში,“ - განაცხადა საქართველოს ენერგეტიკის და წყალმომარაგების მარეგულირებელი ეროვნული კომისიის წევრმა, გოჩა შონიამ, რომლის თქმითვე, ვალუტის კურსის ცვლილება ტარიფებზეც ისახება.

ნაციონალური მოძრაობის წევრები ფასების მომატებას ვარაუდობენ.

„ჩემი შეფასებით, ტარიფების ზრდა გარდუვალი იქნება, ეს არის იმის პირდაპირი შედეგი, რაც დღეს ქართულ ეკონომიკას ემართება, რაც ემართება ლარს,“ - განაცხადა სალომე სამადაშვილმა.

ევროპულ საქართველოში მიაჩნიათ, რომ ტარიფების გაზრდა ხელისუფლების არასწორი ეკონომიკური პოლიტიკის შედეგია.

„ბუნებრივ აირზე, გაზზე ფასის მომატების შესაძლებლობა, რომელიც დღეს მარეგულირებელმა კომისიამ დააანონსა, არის პირდაპირი შედეგი იმ მავნებლურ-ეკონომიკური პოლიტიკისა, რასაც ბიძინა ივანიშვილის მთავრობა ატარებს და იმ ქვეყნისთვის და მოქალაქეებისთვის საზიანო ხელშეკრულებისა, რომელსაც ბატონმა კალაძემ, ბატონმა კვირიკაშვილმა და მთავრობის სხვა წევრებმა ხელი მოაწერეს,“ - განაცხადა ზურაბ ჭიაბერაშვილმა.

ექსპერტის, სოსო ცისკარიშვილის თქმით, მას ინფორმაცია აქვს ყაზტრანსგაზის თანამშრომლებისგან, რომ გაზაფხულზე ფასები მოიმატებს.

„არ ვარ დარწმუნებული, რომ ეს იდეა აზერბაიჯანში დაიბადა, რადგან ისეთი აქტიური ძებნა რაიმე შემოსავლისა ბიუჯეტში, შეიძლება არც მივიდეს ეს მომატებული თანხა გამყიდველისთვის აზერბაიჯანში. ხელისუფლების გარეშე ასეთ ინიციატივას ვერავინ განახორციელებს,“ - განაცხადა სოსო ცისკარიშვილმა.

ავტორი: ეკა გაგუა.

 

]]>
21-02-2017 15:14 +0400
საფინანსო სექტორის ზედამხედველობა შესაძლოა ეროვნულ ბანკს დაუბრუნდეს http://rustavi2.com/ka/news/68582

„საქართველოს მთავრობის სხდომაზე ჩვენ წარვადგინეთ ჯამში 17 კანონისგან შემდგარი პროექტი, რომელიც საფინანსო სექტორის ზედამხედველობის ეროვნულ ბანკში დაბრუნებას ითვალისწინებს,“- ეს განცხადება ფინანასთა მინისტრმა მთავრობის სხდომის დასრულების შემდეგ გააკეთა.

დიმიტრი ქუმსიშვილის თქმით, პარლამენტს კანონპროექტს წარუდგენენ, რომელიც საფინანსო სექტორის ზედამხედველობას ეხება.

„ჩვენ რამდენიმეჯერ განვაცხადეთ რომ, ბოლო პერიოდში მომხდარი ცვლილებების შედეგად ვთვლიდით, რომ საფინანსო სექტორის ზედამხედველობა უნდა დაბრუნებულიყო ეროვნულ ბანკში. აქედან გამომდინარე, ჩვენ აღარ ველოდებით საკონსტიტუციო სასამართლოს მსჯელობას ამ საკითხზე და შესაბამისად, საქართველოს პარლამენტს წარვუდგენთ პირვანდელი სახით იმ კანონპროექტებს, რომელიც საფინანსო სექტორის ზედამხედველობას ეხება,“ - განაცხადა დიმიტრი ქუმსიშვილმა.

 

ავტორი: ანა წერეთელი. 

]]>
21-02-2017 12:05 +0400
საგადასახადო სისტემის რეფორმირება - სავალუტო ფონდი საქართველოსთან სამწლიან პროგრამას იწყებს http://rustavi2.com/ka/news/68565

საგადასახადო სისტემის რეფორმირების მიზნით, სავალუტო ფონდი საქართველოსთან სამწლიან პროგრამას იწყებს. ეს საკითხი განიხილეს შეხვედრაზე პირველმა ვიცე პრემიერმა, ფინანსთა მინისტრმა და საერთაშორისო სავალუტო ფონდის წარმომადგენელმა.

სამწლიანი პროგრამა საგადასახადო ადმინისტრირების გაუმჯობესებას, ევროკავშირთან ასოცირების შეთანხმებით გათვალისწინებული ვალდებულებების ეფექტურად შესრულებას ისახავს მიზნად.

„ჩვენი ურთიერთობა მოიცავს საგადასახადო პოლიტიკას, შემოსავლების ადმინისტრირებას და საზოგადოებრივი ფინანსების მენეჯმენტს. საქართველოს ხელისუფლებასთან კონსტრუქციული თანამშრომლობით კმაყოფილი ვართ. რაც შეეხება სამწლიან პროგრამას, ჩვენ ვეხმარებით საქართველოს, რათა მან უკეთ შეძლოს ქვეყნის ეკონომიკის ზრდისა და განვითარების გეგმების განხორციელება," - განაცხადა საერთაშორისო სავალუტო ფონდის ფისკალურ საკითხთან დეპარტამენტის დირექტორმა ვიტორ გასპარიმ. 

]]>
21-02-2017 08:16 +0400
უმრავლესობა ოპოზიციას, გაზპრომის საკითხზე "კომედი შოუს" მოწყობაში ადანაშაულებს http://rustavi2.com/ka/news/68541

ნაციონალური მოძრაობის წარმომადგენელი, რომან გოცირიძე აცხადებს, რომ ხელისუფლება გაზპრომის თემაზე საუბარს გაურბის. იქიდან გამომდინარე, რომ უმცირესობის რეზოლუცია დარგობრივმა კომიტეტმა უარყო, ისინი პარლამენტისგან დროებითი საგამოძიებო კომისიის შექმნას ითხოვენ.

„შევისწავლოთ ის მოტივები, თუ რატომ იქნა ხელისუფლების მიერ დადებული ქვეყნის ინტერესების საზიანო ხელშეკრულება. ეს ხელშეკრულება არის ანტისახელმწიფოებრივი, ის არის წამგებიანი როგორც პოლიტიკურად, ასევე ფინანსურად,“ - განაცხადა რომან გოცირიძემ.

ოპოზიციას ეჭვი აქვს, რომ ამ ხელშეკრულების მიღმა შესაძლოა კერძო ინტერესებიც იმალებოდეს.

უმრავლესობა ოპოზიციის განცხადებებს არ ეთანხმება და მათ პოლიტიკური აჟიოტაჟის შექმნაში ადანაშაულებს.

„რაღაც პოლიტიკური კომედი შოუს მოწყობა უნდათ ამასთან დაკავშირებით და რასაკვირველია, ეს არის მათი მთავარი მამოძრავებელი ძალა,“ - აცხადებს საქართველოს პარლამენტის თავმჯდომარის მოადგილე, გია ვოლსკი.

ავტორი: ნინო სამყურაშვილი.

]]>
20-02-2017 18:47 +0400
საპარლამენტო უმცირესობა კახა კალაძისგან პარლამენტისადმი ანგარიშვალდებულების დაცვას ითხოვს http://rustavi2.com/ka/news/68540

გაზპრომთან დაკავშირებით საპარლამენტო უმცირესობა კახი კალაძისგან და მთავრობისგან ახსნა-განმარტებებს ითხოვს, კერძოდ რატომ არ აკეთებენ ისინი კომენტარს ამ საკითხზე. კალაძის დაბარებასთან დაკავშირებით ოპოზიციამ პარლამენტს ორჯერ მიმართა, თუმცა ორივეჯერ უარი მიიღო. ამ საკითხზე დღეს დეპუტატებმა ბიუროს სხდომაზე იკამათეს.

პარლამენტის ფრაქცია ევროპული საქართველოს თავმჯდომარე, ოთარ კახიძე ფიქრობს, რომ ენერგეტიკის მინისტრი, პარლამენტის, ქვეყნისა და კანონმდებლობის წინაშე ანგარიშვალდებულია.

„რაღაც ფორმით რეაგირება რომ მოვახერხოთ ამ საკითხზე, ეს არის ჩემი დაბეჯითებული თხოვნა ეს რეაგირება შეიძლება იყოს, რომ თქვენ, როგორც პარლამენტის თავმჯდომარე ჩაერთოთ საკითხში, რომ უზრუნველეყოთ მისი მოსვლა, ან რეგლამენტის დარღვევისთვის არსებობს შესაბამისი პასუხისმგებლობა და მაშინ მივწეროთ პრემიერმინისტრს და ვთხოვოთ, რომ შეისწავლოს ეს საკითხი და როგორმე საპარლამენტო ანგარიშვალდებულებაც იქნას დაცული მთავრობის წევრის მხრიდან,“ - განაცხადა ოთარ კახიძემ.

პარლამენტის თავმჯდომარე ოპოზიციის წარმომადგენლებს ამ საკითხის დღესვე გარკვევას დაჰპირდა.

პარლამენტის განათლების, მეცნიერებისა და კულტურის კომიტეტის თავმჯდომარის, მარიამ ჯაშის აზრით კი უმრაიცრესობა ამ საკითხის პოლიტიზირებას ცდილობს, რაც სასურველი არ არის.

ავტორი: ნინო სამყურაშვილი.

]]>
20-02-2017 18:37 +0400
დიმიტრი ქუმსიშვილი საერთაშორისო სავალუტო ფონდის ალტერნატიულ აღმასრულებელ დირექტორს შეხვდა http://rustavi2.com/ka/news/68525

ფინანსთა მინისტრი დიმიტრი ქუმსიშვილი საერთაშორისო სავალუტო ფონდის ალტერნატიულ აღმასრულებელ დირექტორს რიჩარდ დორნბოშს შეხვდა, რომელიც საქართველოს ამ რანგში პირველად ეწვია.

სავალუტო ფონდის წარმომადგენელი თბილისში სამუშაო ვიზიტით იმყოფება, რომლის ფარგლებშიც ასევე დაგეგმილია შეხვედრა საქართველოს ეროვნული ბანკის ხელმძღვანელობასთან.

„ჩვენ განვიხილეთ ჩვენს ქვეყანაში მიმდინარე რეფორმები, როგორც სტრუქტურული რეფორმები, ასევე ფისკალური მიმართულებით განხორციელებული რეფორმები და შევთანხმდით, თუ რამდენად მნიშვნელოვანია აღნიშნული რეფორმების იმპლემენტაცია და გატარება, იმისთვის, რომ ქვეყანაში სწრაფი ეკონომიკური ზრდა გვქონდეს,“ - განაცხადა დიმიტრი ქუმსიშვილმა.

]]>
20-02-2017 15:46 +0400
"ენმ" ბოლო სამ თვეში საწვავის 50 თეთრით გაძვირებას ხელისუფლების ეკონომიკურ პოლიტიკას უკავშირებს http://rustavi2.com/ka/news/68510

ბოლო სამ თვეში საწვავის 50 თეთრით გაძვირებას ხელისუფლების ეკონომიკურ პოლიტიკას უკავშირებენ ერთიან ნაციონალურ მოძრაობაში. როგორც ოპოზიციაში აცხადებენ, ბენზინის გაძვირებას ხელი აქციზის ზრდასთან ერთად, ლარიზაციის გეგმამაც შეუწყო.

„სასწრაფოდ გადასადგმელია შემდეგი ნაბიჯები. შესამცირებელია აქციზის გადასახადი, რომ ამან შეამციროს ფასის ტვირთი საწვავზე. პარალელურად, ხარჯვითი ნაწილი არის შესამცირებელი ბიუჯეტის, დაახლოებით ერთი მილიარდით,“ - განაცხადა ნაციონალური მოძრაობის პოლიტიკური საბჭოს წევრმა ზურაბ მელიქიშვილმა.

]]>
20-02-2017 15:13 +0400
"გაზპრომის" საკითხს დარგობრივი ეკონომიკის კომიტეტის სხდომაზე ცხარე კამათი მოყვა http://rustavi2.com/ka/news/68296

გაზპრომთან დაკავშირებული ნაციონალური მოძრაობის რეზოლუცია საპარლამენტო უმრავლესობამ ჩააგდო. ოპოზიცია რუსულ კომპანიასთან გაფორმებული ხელშეკრულების პირობების გასაჯაროებას და კახი კალაძის პარლამენტში დაბარებას ითხოვდა.

რომან გოცირიძის ინფორმაციით, ქართული მხარე ამ პროცესში რამდენიმე მილიონი ლარით იზარალებს და ეს თანხა შესაძლოა ყოველწლიურად გაიზარდოს.

დარგობრივი ეკონომიკის კომიტეტის დღევანდელი სხდომა უმრავლესობისა და უმცირესობის წარმომადგენლებს შორის ცხარე დებატების ფონზე მიმდინარეობდა. მხარეებმა გაზპრომთან გასაფორმებელ ხელშეკრულებაზე პრემიერ გიორგი კვირიკაშვილის განცხადებაზეც იკამათეს.

ფრაქცია ევროპული საქართველოს წევრმა, გიგა ბოკერიამ კახა კალაძისა და გიორგი კვირიკაშვილის ურთიერთგამომრიცხავი განცხადებები გაიხსენა, მისი განცხადებით, დღევანდელი ხელისუფლება, რუსული მხარის ყველა მოთხოვნას ასრულებს. უმრავლესობამ ოპოზიცია წარმოდგენების მოწყობაში დაადანაშაულა.

„თუ შეიძლება, რომ მოვთხოვოთ უმცირესობას, დამსწრე საზოგადოებას, უზრუნველყონ ხოლმე ესეთი წარმოდგენები... პოპკორნი აუცილებლად მოიტანონ ხოლმე და აუცილებლად დაგვირიგონ ხოლმე, ეს ჩემი წინადადება იქნება,“ - განაცხადა პარლამენტის ჯანმრთელობის დაცვისა და სოციალურ საკითხთა კომიტეტის თავმჯდომარის მოადგილემ, ლევან კობერიძემ.

უმრავლესობამ ნაციონალური მოძრაობა წინა ხელისუფლების დროს, არასწორი ენერგოპოლიტიკის წარმოებაში დაადანაშაულა. პარლამენტის ფრაქცია ქართული ოცნება - მწვანეების თავმჯდომარემ, გიორგი გაჩეჩილაძემ აღნიშნა, რომ 2012 წლამდე ხელისუფლება გაზპრომთან "ჩახუტებული" იყო.

მოძრაობა თავისუფლებისთვის - ევროპული საქართველოს წევრმა, გიორგი კანდელაკმა სხდომაზე განაცხადა, რომ უმრავლესობის წევრები თავს შეურაცხყოფილად უნდა გრძნობდნენ, რადგან ენერგეტიკის მინისტრი ამ საკითხზე სასაუბროდ, პარლამენტში მისვლას არ აპირებს. 

ავტორი: თეონა ცხომელიძე. 

]]>
16-02-2017 15:49 +0400
საკრებულოში ყოველ მეორე სხდომაზე ერთ-ერთი საკითხი ყოველთვის არის მიწის უსასყიდლოდ გადაცემა ეკლესიისთვის - ხათუნა სამნიძე http://rustavi2.com/ka/news/68243

საქართველოს რესპუბლიკური პარტიის თავმჯდომარე, ხათუნა სამნიძე ამბობს, რომ ყველა ხელისუფლების პირობებში ეკლესიას პირდაპირი დაფინანსება აქვს ყოველგვარი მიზნობრიობის გარეშე, რაც გაუმჭვირვალე სიტუაციას ქმნის.

ამის შესახებ მან გადაცემა არჩევანში ისაუბრა. 

„მე ვარ თბილისის საკრებულოს წევრი და ყოველ მეორე სხდომაზე ერთ-ერთი საკითხი ყოველთვის არის მიწის უსასყიდლოდ გადაცემა მართლმადიდებლური ეკლესიისთვის,“ - აცხადებს ხათუნა სამნიძე.

ის ამბობს, რომ მსგავსი საკითხები საკრებულოს სხდომაზე არ იხილება და თითოეული პრეტენზია აღიქმება, როგორც „მკრეხელობა“ და „ურჯულოება“.

რესპუბლიკური პარტია ეკლესიისა და სახელმწიფოს ერთმანეთისგან გამიჯვნის მომხრეა, რის გამოც, ხათუნა სამნიძის განმარტებით, პარტია არა ერთხელ გამხდარა ცილისწამების ობიექტი.

„გამოხეთქა ამ პრობლემამ და ძალიან ღრმა კრიზისმა ეკლესიიდან, ეს კრიზისი ხომ ჩვენმა საუბარმა არ გამოიწვია, ამან თავად ეკლესიიდან გამოხეთქა და ბუნებრივია, ეს მივიდა ამ კონდიციამდე იმის გამო, რომ ძალაუფლებისთვის ბრძოლა მიდის ეკლესიაში, სადაც ძალიან სერიოზული ბიზნესინტერესბია, სამწუხაროდ. შერწყმულია საერო და სასულიერო პირების ინტერესები და ეს ჩანს სტატისტიკაში,“ - განაცხადა ხათუნა სამნიძემ.

]]>
16-02-2017 00:28 +0400
ბიუჯეტიდან საპატრიარქოს დაფინანსების საკითხი - მომხრეები და მოწინააღმდეგეები http://rustavi2.com/ka/news/68225

რესპუბლიკური პარტია ბიუჯეტიდან ეკლესიის დაფინანსების არსებული წესის გაუქმებას მოითხოვს. პარტიაში აცხადებენ, რომ ბოლო პერიოდის განმავლობაში ხელისუფლებისა და საპატრიარქოს კავშირები არაჯანსაღ ფორმას იძენს და სულ უფრო ბუნდოვანია, რა მიზნით გადაეცემა მილიონობით ლარი თუ ქონება ეკლესიას.

ოპოზიცია ხელისუფლებისა და ეკლესიის გამიჯვნას და საფინანსო საკითხების მხოლოდ კონკორდატით გათვალისწინებული კომპენსაციით დარეგულირებას მოითხოვს.

რეპუბლიკელებმა დღეს რიცხვები დაასახელეს, რომლებიც არა მხოლოდ რეესტრის, არამედ ორგანიზაცია EMC-ს კვლევას ეყრდნობა, რომლის მიხედვითაც 2002 წლიდან დღემდე პირდაპირი სუბსიდიის სახით, ბიუჯეტიდან ეკლესიამ 250 მილიონი ლარი და მილიონ-ნახევარ ჰექტარზე მეტი მიწა მიიღო.

ურთიერთობის ეს ფორმა სპეციალისტების თქმით, კონსტიტუციური შეთანხმების ფარგლებიდან გადის და ხელისუფლების მხრიდან საპატრიარქოს პოლიტიკურ იარაღად გამოყენების ეჭვებს აღრმავებს.

ეკლესიისა და ხელისუფლების არაჯანსაღ ურთიერთობაზე რესპუბლიკელების თქმით, პრემიერის განცხადებაც მეტყველებს, რომელიც მან დეკანოზ მამალაძის დაკავების შემდეგ გააკეთა. ოპოზიცია მთავრობის მეთაურისა და მეუფე იაკობის კავშირებზეც მიუთითებს.

მმართველი გუნდი კატეგორიულად გამორიცხავს გავლენებს საპატრიარქოში მიმდინარე პროცესებზე და პრემიერის მხრიდან უდანაშაულობის პრეზუმფციის დარღვევასაც. უმრავლესობისთვის რესპუბლიკური პარტიის პოზიცია მიუღებელია.

საპატრიარქოს აუდიტის სამსახურისთვის არ მიუმართავს. კომენტარი ოფიციალურად ეკლესიის სახელით, დღეს არც რესპუბლიკელების მოთხოვნაზე გაკეთებულა.

]]>
15-02-2017 21:46 +0400
უმრავლესობის ნაწილის აზრით, მთავრობას და ეკლესიას შორის ფინანსური ურთიერთობა ჩარჩოშია ჩასასმელი http://rustavi2.com/ka/news/68187

პარლამენტის უმრავლესობის ნაწილი მზად არის საპატრიარქოს დაფინანსება გაუზარდოს. ნაწილი კი მიიჩნევს, რომ ხელისუფლებასა და ეკლესიას შორის ფინანსური ურთიერთობის ჩარჩოებში ჩასმა აუცილებელია.

მათი აზრით, მკაცრად უნდა განისაზღვროს იმ კომპენსაციის ოდენობა, რომელიც მართლმადიდებელმა ეკლესიამ, კონკორდატით გათვალისწინებული პირობების თანახმად, სახელმწიფოსგან უნდა მიიღოს.

„კეთილ საქმეს ეკლესია და სახელმწიფო ერთად გააკეთებს, მე ამ შემთხვევაში ვგულისხმობს, იგივე თავშესაფრებს, უფასო სასადილოებს, სოციალურ პროექტებს, სადაც ეკლესია და სახელმწიფო შეიძლება ძალიან კარგი მოკავშირეები და პარტნიორები იყვნენ. ეს ფორმა თუ დაიხვეწება და პროექტები წინა პლანზე წამოვა და მერე უკვე მიზნობრიობა, პირველ ეტაპზე, შესაბამისად იქნება განსაზღვრული, შესაბამისად, კონტროლის მექანიზმებიც უფრო მაღალ დონეზე იქნება და არც ეკლესიისთვის არ უნდა იყოს ეს ალბათ რაიმე უხერხულობის მატარებელი,“ - განაცხადა პარლამენტის ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარის პირველმა მოადგილემ, გედევან ფოფხაძემ.

ქართული ოცნების წარმომადგენლების აზრით, ხელისუფლების მხრიდან ეკლესიის საქმიანობაში ჩარევის მცდელობა წინა ხელისულების მხრიდან უფრო ხშირი იყო. 

 

ავტორი: ელისო ჯარიაშვილი.

]]>
15-02-2017 15:51 +0400
საქართველოს ეკლესიის საკუთრებაში არსებული ტერიტორია ვატიკანის ფართობს 36-ჯერ აღემატება - EMC http://rustavi2.com/ka/news/68183

არასამთავრობო ორგანიზაცია EMC საპატრიარქოს დაფინანსების საკითხს წლების განმავლობაში სწავლობდა. ორგანიზაციის კვლევიდან გამომდინარე, კონკორდატის გაფორმების დღიდან, საპატრიარქოს 250 მილიონი ლარი აქვს მიღებული და ამ თანხაში პრეზიდენტისა და პარლამენტის სარეზერვო ფონდებიდან გამოყოფილი ფული არ არის გათვალისწინებული.

არასამთავრობო ორგანიზაციაში აცხადებენ, რომ ეკლესიისთვის ამ თანხისა და ტერიტორიის გადაცემა სცდება იმ ჩარჩოებს, რომელიც განსაზღვრულია ეკლესიასა და სახელმწიფოს შორის კონსტიტუციით გაფორმებული შეთანხმებით.

ორგანიზაციის გამოთვლებით, დღეს მართლმადიდებელი ეკლესიის საკუთრებაში არსებული უძრავი ქონება 36-ჯერ მეტია, ვიდრე, მაგალითად ვატიკანის ტერიტორია. 

ავტორი: ელისო ჯარიაშვილი.

]]>
15-02-2017 15:41 +0400
ლარი დოლართან და ევროსთან მიმართებაში გაუფასურდა http://rustavi2.com/ka/news/68105

საქართველოს ეროვნულმა ბანკმა ვალუტის გაცვლის ახალი ოფიციალური კურსი გამოაქვეყნა. ლარი დოლართან მიმართებით 0.0179 ლარით გაუფასურდა. 1 აშშ დოლარის ოფიციალური გაცვლითი კურსი 2.6467 ლარი გახდა.

ეროვნული ბანკის მონაცემებით, საქართველოს ეროვნული ვალუტა ევროსთან მიმართებაშიც გაუფასურდა და 1 ევრო ამჟამად 2.8100 ლარს უტოლდება, რაც წინა დღის მონაცემთან შედარებით, 0.0143 პუნქტით მეტია.

ლარმა გაუფასურება ეროვნული ბანკის მიერ გამოქვეყნებული ყველა ვალუტის მიმართ განიცადა.

 

]]>
14-02-2017 17:09 +0400
7 მილიონი საყდრისის მუზეუმის ასაშენებლად, სადაც აფეთქებული ძეგლის არტეფაქტებს შეინახავენ http://rustavi2.com/ka/news/67963

ოქროს მომპოვებელი კომპანია არ-ემ-ჯი საყდრისის მუზეუმის ასაშენებლად შვიდ მილიონს დახარჯავს.

ისტორიულ ოქროს მაღაროს ხელისუფლებამ ჯერ კულტურული ძეგლის სტატუსი შეუჩერა და რიგით ობიექტად აქცია, ბოლოს კი მისი აფეთქების ნებართვა გასცა. 

პროექტის ავტორები მაქსიმალურად ცდილობენ მუზეუმში აღადგინონ მაღაროს განადგურებული სივრცე, ააგონ საყდრისის ბორცვის მოდელი, საგამოფენო დარბაზებში ააშენონ მაღაროს გვირაბების ასლები რეალურ მასშტაბებში და ა.შ.

მეცნიერები იძულებულნი არიან საყდრისის სიმულაცია შექმნან - ხოლო კომპანია არ-ემ-ჯი, რომელმაც ნამდვილი ბორცვი თვითონვე ააფეთქა, ახლა მისი მოდელების შექმნაში იხდის მილიონებს, რაც მხოლოდ მიზერული ნაწილია იმ უზარმაზარი მოგებისა, რომელიც კომპანიამ სწორედ ამ ვანდალური აფეთქების შედეგად მიიღო.

ავტორი: ეკა ქადაგიშვილი.

]]>
12-02-2017 21:44 +0400
წამების ფაქტები საქართველოს ოთხგზის ჩემპიონის საქმეში და პროკურატურის არგუმენტები http://rustavi2.com/ka/news/67958

საქართველოს ოთხგზის ჩემპიონი, დიმიტრი ჯავახიშვილი, რომელიც მოჭიდავის კარიერას ტრავმის გამო ჩამოშორდა ბიზნესში იყო ჩართული, რომელიც კახეთში გლეხებისგან ღვინის მასალის ჩაბარებას და გადამუშავებას ითვალისწინებდა. მან მუშაობა დაიწყო, თუმცა, რამდენიმე დღეში, კომპანია ახაშენის შვიდივე თანამშრომელი დააკავეს და თელავის პოლიციაში გადაიყვანეს.

დაკავება ოპერატიულ ინფორმაციაზე დაყრდნობით მოხდა, რომ ეს ჯგუფი გლეხებისგან ყურძნის ჩაბარებას, დაწურვას, გაყიდვას და შემდეგ მიმალვას აპირებდა. წინა წელს კახეთში მსგავსი ფაქტი მართლაც მოხდა, თუმცა დამნაშავეების დაკავება ვერ მოახერხეს.

დაკავებულების თქმით, იყო წამებისა და მუქარის ფაქტები სასურველი აღიარებითი ჩვენებების მისაღებად, რასაც მოჰყვა სასამართლო სხდომა და ყველა ბრალდებულისთვის წინასწარი პატიმრობის შეფარდება.

პატიმრობას თავი მხოლოდ დიმიტრი ჯავახიშვილმა დააღწია, რომელიც მეორედ დაკავების დროსაც აწამეს და ეს ფაქტი სასამართლო ექსპერტმაც დაადასტურა.

ოპერატიული ინფორმაციის გარდა, საქმეში თაღლითობის ან თუნდაც განზრახვის არანაირი საბუთი არ დევს, პროკურატურას მხოლოდ ორი არგუმენტი აქვს, ერთი რომ კომპანიის დირექტორი გლეხებს რუსულად ელაპარაკებოდა, რაც მათ თვალში თითქოს უფრო სანდოს ხდიდა, და მეორეც, რომ დაწურული ყურძნის პირველი პარტია იაფად ადგილზე გაყიდეს.

სასამართლოს ბოლო სხდომა ამ საქმეზე 3 დღის წინ გაიმართა, მოსამართლემ, ადვოკატებს, დაყადაღებული ყურძნის წვენის ექსპერტიზის უფლება მისცა.

ავტორი: აკაკი გოგიჩაიშვილი.

]]>
12-02-2017 21:38 +0400
ბათუმის მერიის დაფინანსება 2015 წელს წინა წელთან შედარებით, თითქმის, 28%-ით არის გაზრდილი http://rustavi2.com/ka/news/67903

როგორ მუშაობენ ჩინოვნიკები - სახელმწიფო აუდიტმა ეს ბათუმის მერიის მაგალითზე შეამოწმა და გაირკვა, რომ 2015 წელს მისი დაფინანსება წინა წელთან შედარებით, თითქმის, 28%-ით, 2013 წელთან შედარებით კი 54%-ით არის გაზრდილი.

წინა წელთან შედარებით 160%-ით აღმოჩნდა გაზრდილი შრომის ანაზღაურებაც, ხოლო 2013 წელთან შედარებით 240%-ით და 4 მილიონ ლარს გადააჭარბა. აქედან უშუალოდ ხელფასად 2 მილიონ 800 ათას ლარი დარიგდა, პრემია - 887 ათასი, ხოლო დანამატი 671 ათასი ლარი იყო

2015 წელს ბათუმის მერიაში 28 500 ლიტრამდე საწვავი დაიხარჯა, რომელიც 28 ავტომობილში ჩაასხეს, არცერთი მათგანი მერიის ბალანსზე არ აღმოჩნდა და თანამშრომლების პირადი მანქანები იყო.

ექსპერტთა შეფასებით, ასეთი მმართველობის ერთი შედეგია ისიც, რომ ლარი დაეცა, ბენზინი კი გაძვირდა, მათ შორის მხოლოდ ამ კვირაში ზედიზედ ორჯერ და შედეგად, საშუალო ფასი 2 ლარი და 2 თეთრიდან 2 ლარსა და 13 თეთრამდე გაიზარდა.

ანალიტიკოსები ჩინოვნიკებისთვის პრემია-დანამატების გაცემის უკანონობაზეც საუბრობენ. ეს საკითხი წელს ევრორეგულაციით უნდა მოწესრიგებულიყო, თუმცა არასამთავრობოები აღნიშნავენ, რომ მთავრობამ გრანტი მიიღო, დანაპირები კი არ შეასრულა.

 

 

 

ავტორი: აკაკი გოგიჩაიშვილი 

]]>
11-02-2017 22:57 +0400
ლარი მცირედით გამყარდა http://rustavi2.com/ka/news/67852

კვირის ბოლოს ლარი მცირედით გამყარდა. ეროვნული ბანკის მონაცემებით, 1 აშშ დოლარის ღირებულება 2.6223 ლარი გახდა. კურსი, რომელიც გუშინ მოქმედებდა, 2.6454 ლარი იყო. შესაბამისად, დოლარის ცვლილებამ ეროვნულ ვალუტასთან მიმართებაში 0.0231 ლარი შეადგინა. 

ლარი მცირედით გამყარდა ევროსთან მიმართებაშიც და 1 ევროს ღირებულება 2.7907 ლარია მაშინ, როცა გუშინ მოქმედი კურსი 2.8290 ლარს შეადგენდა. შესაბამისად, ევროს ცვლილებამ 0.0383 ლარი შეადგინა. 

 

 

]]>
11-02-2017 10:02 +0400
პრემია-დანამატის ზუსტი რაოდენობა - მესამე სექტორი მერიიდან დამატებით დოკუმენტაციას ელოდება http://rustavi2.com/ka/news/67559

არასამთავრობო სექტორი თბილისის მერიის დაქვემდებარებული უწყებებიდან პრემია-დანამატების სახით გაცემულ 1 600 000 ლარზე ინფორმაციის მიღებას ელოდება. აღნიშნული თანხა მერიის ადმინისტრაციისა და საქალაქო სამსახურების თანამშრომლებმა მხოლოდ დეკემბერში აიღეს.

თბილისის მერიაში წინასაახალწლო პრემიების გაცემას მხოლოდ რიგითი თანამშრომლების შემთხვევაში ადასტურებენ, თუმცა დოკუმენტებით ირკვევა, რომ დანამატები ვიცე მერებმა და სხვა მაღალჩინოსნებმაც მიიღეს.

არასამთავრობო ორგანიზაციის მიერ მოპოვებული დოკუმენტების მიხედვით, მაღალი პრემიები და დანამატები აქვთ მიღებული მერიის, როგორც შტატიან, ასევე უშტატო თანამშრომლებსაც. თუმცა, პრემია და დანამატი თბილისის მერს არა აქვს მიღებული.

მერიაში წინასაახალწლოდ დარიგებული თანხების გაცემა საკრებულოს ოპოზიციის წევრებისთვის მიუღებელია და ხელისუფლებას ქამრების შემოჭრის პოლიტიკას ახსენებენ.

არასამთავრობო ორგანიზაცია დამატებით დოკუმენტაციას გამგეობებიდან და სხვა საქალაქო სამსახურებიდან უახლოეს დღეებში ელოდება, რის შემდეგაც ზუსტად გახდება ცნობილი, მუნიციპალიტეტისა და მისდამი დაქვემდებარებული სამსახურების საახალწლო დანამატმა რამდენი მილიონი ლარი შეადგინა.

 

 

ავტორი: ეკა გაგუა 

]]>
07-02-2017 21:41 +0400
ლარი აშშ დოლართან და ევროსთან მიმართებაში მცირედით გამყარდა http://rustavi2.com/ka/news/67533

ლარი  აშშ დოლართან და ევროსთან მიმართებაში მცირედით გამყარდა. ეროვნული ბანკის მონაცემებით,  1 აშშ დოლარის ღირებულება ბანკთაშორის გამართული ვაჭრობის შედეგად 2.6656 ლარით განისაზღვრა. კურსი, რომელიც აქამდე მოქმედებდა, 2.6795 ლარი იყო. შესაბამისად, დოლარის ცვლილებამ ეროვნულ ვალუტასთან მიმართებაში 0.0139 ლარი შეადგინა. 

1 ევროს ღირებულება კი 2.8439 ლარია მაშინ, როცა აქმდე მოქმედი კურსი 2.8770 ლარს შეადგენდა. შესაბამისად, ევროს ცვლილებამ ეროვნულ ვალუტასთან მიმართებაში 0.0331 ლარი შეადგინა. 


]]>
07-02-2017 16:53 +0400
"რუსთავის აზოტის" აქტივისტებსა და სამართალდამცველებს შორის დაპირისპირება მოხდა http://rustavi2.com/ka/news/67501

ამ წუთებში თავისუფლების მოედანზე რუსთავის აზოტის გათავისუფლებული თანამშრომლების სოლიდარობის აქცია იმართება. აქციის მონაწილეებსა და სამართალდამცველებს შორის რამდენჯერმე დაპირიპირება მოხდა.

აქციას აუდიტორია 115 და პროფკავშირების წარმომადგენლებიც შეურთდნენ. აქტივისტები გათავისუფლებული თანამშრომლების სამსახურში დაბრუნებასა და კომპანიაში მომუშავე ადამიანებთან გაფორმებული კაბალური ხელშეკრულების შეცვლას მოითხოვენ.

 

]]>
07-02-2017 13:15 +0400
ოპოზიცია კახა კალაძეს პარლამენტში მისვლის თარიღის დასახელებისთვის ორკვირიან ვადას აძლევს http://rustavi2.com/ka/news/67495

ევროპული საქართველოს წევრები ენერგეტიკის მინისტრს 2 კვირიან ვადას აძლევენ იმისთვის, რათა მან განსაზღვროს ზუსტი თარიღი, თუ როდის მივა ის პარლამენტში სხვადასხვა საკითხზე სასაუბროდ და განსაკუთრებით გაზპრომთან ხელშეკრულების განსახილველად.

უმცირესობაში ასევე მოითხოვენ, რომ შეიქმნას ინტერფრაქციული ნდობის ჯგუფი, სადაც გაზპრომთან ხელშეკრულების პირობებს დეტალურად გაეცნობიან.

„წინა ჯერზე მან მოიმიზეზა მოუცლელობა, ამჯერად ჩვენ ვაძლევთ მას 2 კვირის ვადას, რომლის განმავლობაშიც მან უნდა დაასახელოს თარიღი, როდესაც მას შეეძება მოსვლა და შეხვედრა. ეს არის ძალიან მნიშნელოვანი, რადგან გაზპრომის საკითხი ეხება ქვეყნის ენერგოუსაფრთხოებას და ასევე ეკონომიკურ პრობლემებს. გარდა ამისა, ჩვენ ვითხოვთ პოლიტიკურ დეპატებს, რათა უმრავლესობამ გაგვცეს პასუხი კითხვაზე, თუ რამხელა ზიანი მიადგა ქვეყანას,“ - განაცხადა სერგო რატიანმა.

ფრაქცია ევროპული საქართველოს ინიციატივას ნაციონალური მოძრაობაც უჭერს მხარს. სალომე სამადაშვილის აზრით, ისეთი მნიშვნელოვანი ხელშეკრულების საკითხზე გადაწყვეტილების მიღებამდე, როგორიც გაზპრომთან ხელშეკრულებაა, თემის პარლამენტში განხილვა აუცილებელია.

უმრავლესობაში კი კახა კალაძის პარლამენტში მოსვლის აუცილებლობას ვერ ხედავენ და ოპოზიციას გაზპრომის თემით სპეკულირებაში ადანაშაულებენ. გია ვოლსკის აზრით, უმცირესობის მოთხოვნები მხოლოდ „სკანდალის შემქნის“ სურვილია, თუმცა პარლამენტის თავმჯდომარის მოადგილე ასევე აღნიშნავს, რომ ნდობის ჯგუფის საკითხზე დეპატების გამართვა საინტერესო იქნება. 

ავტორი: ნატა მახვილაძე.

]]>
07-02-2017 12:37 +0400
აუდიტის დასკვნა - როგორ ხდება სახელმწიფო უწყებებში ბიუჯეტიდან ასობით მილიონის მითვისება http://rustavi2.com/ka/news/67365

როგორ ხდება სახელმწიფო უწყებებში ბიუჯეტიდან ასობით მილიონის მითვისება, იმ ფონზე, როდესაც უკიდურესად გაჭირვებული მოსახლეობა შიმშილობს და მათ გამოსაკვებად ქვეყანას ფული არ აქვს.

რა სქემით იღებს მთავრობა ფულს ბიუჯეტიდან - ამასთან დაკავშირებით სახელმწიფო აუდიტი აჩვენებს, რომ სქემა არის შტატების გაბერვა. ამაზე წლიდან წლამდე მიუთითებს მთავრობას აუდიტი, თუმცა უშედეგოდ, რაზეც პასუხისმგებლობას ექსპერტები უშუალოდ პრემიერ-მინისტრს აკისრებენ.

„სამინისტროები, ბიუჯეტის დაგეგმვის დროს, არ ითვალისწინებენ წინა წლების გამოცდილებას დასაქმებულ მომუშავეთა რიცხოვნობის შესახებ და ჩნდება ვაკანსიები. აღნიშნული ვაკანსიების გამო გამოწვეული ეკონომიები, შემდგომ შეიძლება გამოყენებულ იქნეს სხვადასხვა მუხლებში, მათ შორის პრემიების და დანამატების გასაცემად,“ - განაცხადა ეკონომიკური საქმიანობის სახელმწიფო აუდიტმა თორნიკე შერმადინმა.

გასულ წელს, არასამთავრობო სექტორმა დააჯამა მთლიანობაში, პრემიებსა და დანამატებზე რამდენი გაიცემა  მთელი სამთავრობო სტრუქტურების მასშტაბით და აღმოჩნდა რომ ეს ციფრი შეადგენს წელიწადში 200 მილიონ ლარს.

ავტორი: აკაკი გოგიჩაიშვილი. 

]]>
05-02-2017 22:48 +0400
მთავრობამ თბილისის "ბალნეოლოგიური კურორტი" გაყიდა http://rustavi2.com/ka/news/67303

მთავრობამ თბილისში ბალნეოლოგიური კურორტი გაყიდა. თბილისის ბალნეოლოგიური კურორტის თანამშრომლები ახალი მფლობელის ვინაობას არკვევენ. ამბობენ, რომ ობიექტი, სადაც წლებია, მუშაობენ, მათგან ფარულად გაიყიდა. ფიქრობენ, რომ ინვესტორი ტერიტორიაზე სასტუმროს გახსნის, თავად კი უმუშევრად დარჩებიან.

თბილისის ბალნეოლოგიური კურორტი 30 დეკემბერს მთავრობის დადგენილებით კომპანია იალონს გადაეცა. სახელმწიფომ კულტურის ძეგლი მიწის 3 ნაკვეთში გაცვალა, რომელთაგან ერთი - სოფელ დიღომში, ორი კი დიდ დიღომში მდებარეობს.

ქონების მართვის სააგენტო გარიგებას რუსთავი2-თან წერილობით ადასტურებს, სადაც ჩანს, რომ გაცვლილ ქონებებს შორის სხვაობა 2 357 234 ლარია და ამ თანხას კომპანია სახელმწიფოს სასარგებლოდ გადაიხდის.

ახალგაზრდა იურისტების წარმომადგენელი ფიქრობს, რომ სახელმწიფომ ქონება არაეფექტურად განკარგა.

კომპანია იალონი ძველ თბილისში ტურისტული ინფრასტრუქტურის მოწყობაზეა ორიენტირებული. მის 50% სადისტრიბუციო კომპანია შარმ ტრეიდინგი, დარჩენილ 50%-ს კი მეიდან ჯგუფი ფლობს.

 

 

ავტორი: კახა ნოზაძე 

]]>
04-02-2017 22:37 +0400
ეკონომიკური კრიზისი - "ფურშეტი" სასამართლოს გაკოტრების პროცესის დასაწყებად მიმართავს http://rustavi2.com/ka/news/67298

ეკონომიკურმა კრიზისმა თბილისში კიდევ ერთი მსხვილი მოვაჭრე ფურშეტი დააზარალა, სავაჭრო ქსელი დაიხურა და პროდუქციის ათობით მიმწოდებელი კუთვნილი ანაზღაურების გარეშე დატოვა. კომპანია სასამართლოს გაკოტრების პროცესის დასაწყებად მიმართავს, თუმცა დისტრიბუტორები შიშობენ, რომ ეს მათ გაკოტრებასაც ნიშნავს. 

დისტრიბუტორთა ასოციაციის თავმჯდომარის, ივა ჭყონიას, თქმით, „თაღლითური სქემების ავტორები უნდა დაისაჯონ".

„თუ არ იქნებიან შესაბამისი მავანნი დასჯილნი, რომლებმაც ჩაუყარეს ასე მავნებლურ სქემებს საფუძველი, დამერწმუნეთ, რომ ამას შეუქცევადი ხასიათი მიეცემა და ეს იქნება დამანგრეველი,“ - აცხადებს ივა ჭყონია.

აი პროდაქტსის წარმომადგენელი, ზაალ ბახუტაშვილი, აღნიშნავს, რომ კომპანიას ეკონომიკური ზარალი მიადგა და თანამშრომელთა შესაძლო გათავისუფლებას არ გამორიცხავს.

„ჩვენზე ძალიან იმოქმედებს ეს ყველაფერი, პირდაპირადაც და არაპირდაპირადაც. მაგალითად, შეიძლება, მომიწიოს თანამშრომლების შემცირება, ზოგადად,“ - განაცხადა ზაალ ბახუტაშვილმა.

]]>
04-02-2017 22:33 +0400
ბავშვთა სამყაროს აქციონერები ხელმძღვანელებთან შეხვედრას ელოდებიან http://rustavi2.com/ka/news/67294

ბავშვთა სამყაროს აქციონერები ისევ დამწვარი შენობის წინ დგანან და ხელმძღვანელობასთან შეხვედრას ელოდებიან. ისინი ხელისუფლებას გამოძიების დაწყებას, ხელმძღვანელობისგან კი აქციების შესაბამისი თანხით ანაზღაურებას ითხოვენ.

ბავშვთა სამყაროს აქციათა 5-5%-ის მფლობელები, თენგიზ ლოლაძე და მაყვალა ომაძე, ბავშვთა სამყაროს ხელმძღვანელობას შემოსავლების დამალვაში ადანაშაულებენ. სააქციო საზოგადოება ბავშვთა სამყაროს სულ 90-მდე აქციონერი ჰყავს. ყველაზე მეტს, აქციათა 41%-ს, ბოლო მონაცემებით, დიმიტრი აბდუშელიშვილი ფლობს. 

ახალ და ძველ ყველაზე დიდ აქციონერს შორის კავშირი ჩანს საჯარო რეესტრის მონაცემებიდან. ჩანაწერიდან ირკვევა, რომ დიმიტრი აბდუშელიშვილის ძმა, ზურაბ აბდუშელიშვილი და კომპანია ლაუფერტი წლებია, შპს ზიდის მეწილეები არიან.

აქციონერები ეჭვობენ, რომ გარიგებას ფორმალური ხასიათი ჰქონდა და ის აქციის ფასის შესამცირებლად სჭირდებოდათ. ბავშვთა სამყაროს ერთი აქციის ფასი, რომელიც საფონდო ბირჟაზე 2013 წელს 3 ათას ლარს აღემატებოდა, ამ გარიგების შედეგად, 1200 ლარამდე შემცირდა.

30 იანვრის ღამეს გაჩენილმა ხანძარმა აქციონერების ქონების ღირებულება საბოლოოდ მინიმუმზე ჩამოიყვანა. ისინი არ გამორიცხავენ, რომ მაჭავარიანი შესაძლოა, აქციების სხვა პირებზე გადაფორმებას ცდილობდეს.

 

 

ავტორები: ნონა ქვლივიძე, ირაკლი ფოცხიშვილი.

]]>
04-02-2017 22:31 +0400
გადახდისუუნარობა გამოწვეულია მოვალის არაკეთილსინდისიერებით - ირაკლი გაფრინდაშვილი კომპანიების ხელოვნურად გაკოტრების საკითხზე http://rustavi2.com/ka/news/67300

დისტრიბუტორების და იურიდიული კომპანიების წარმომადგენლები სავაჭრო კომპანიებს ხელოვნურად გაკოტრების შედეგად ფულის მითვისებაში ადანაშაულებენ. გადახდისუუნარობის პროცესის დროს, რომელიც სასამართლოების მოუცლელობის გამო, წლობით გრძელდება, ხშირად მევალეებს პროცესის თანადაფინანსება თავად უწევთ.

იურიდიული კომპანია GLCC-ის მმართველი პარტნიორი, ირაკლი გაფრინდაშვილი, აღნიშნავს, რომ გადახდისუუნარობის საკითხზე დაწყებული პროცესი თავად მოვალესაც აზარალებს.

„არის ძალიან ხშირად ისეთი სიტუაცია, როდესაც, რეალურად, გადახდისუუნარობა გამოწვეულია მოვალის არაკეთილსინდისიერებით. ყველა შემთხვევაში, იმდენად გრძელვადიან პროცესთან გვაქვს საქმე, რომ მოვალისთვისაც არანაკლებ მტკივნეული არის იმიტომ, რომ ის ვეღარ აგრძელებს ყოველდღიურ ფუნქციონირებას,“ - განაცხადა ირაკლი გაფრინდაშვილმა. 

]]>
04-02-2017 22:31 +0400
კვირის ბოლოს ლარი მცირედით გამყარდა http://rustavi2.com/ka/news/67260

კვირის ბოლოს ლარი მცირედით გამყარდა. ეროვნული ბანკის მონაცემებით, 1 აშშ დოლარის ღირებულება 2.6816 ლარი გახდა. კურსი, რომელიც გუშინ მოქმედებდა, 2.7052 ლარი იყო. შესაბამისად, დოლარის ცვლილებამ ეროვნულ ვალუტასთან მიმართებაში 0.0236 ლარი შეადგინა. 

ლარი მცირედით გამყარდა ევროსთან მიმართებაშიც და 1 ევროს ღირებულება 2.8806 ლარია მაშინ, როცა გუშინ მოქმედი კურსი 2.9243 ლარს შეადგენდა. შესაბამისად, ევროს ცვლილებამ 0.0437 ლარი შეადგინა. 

 

]]>
04-02-2017 11:19 +0400
დაბეგვრა ავანსის მიღებისთანავე - ბიზნესს ხარჯი გაეზარდა http://rustavi2.com/ka/news/67159

ფინანსთა სამინისტრომ ბიზნეს და ნავთობ იმპორტიორთა ასოციაციებს ინსტრუქცია, რომელიც კომპანიებს ავანსის დამატებული ღირებულებით დაბეგვრისთვის სჭირდებათ, დღეს გააცნო. ფინანსთა სამინისტრო აცხადებს, რომ ერთი კვირის ვადაში მოისმენს მოსაზრებებს და საბოლოო ვერსიას შეიმუშავებს.

მიუხედავად იმისა, რომ საგადასახადო კოდექსში ცვლილება ავანსის დღგ-თი დაბეგვრასთან დაკავშირებით ერთი თვის წინ შევიდა და პირველი იანვრიდან ამოქმედდა, ბიზნეს სექტორს ჯერ კიდევ ბევრი შეკითხვა აქვს.

თუ სამინისტრო არსებულ რედაქციაში ცვლილებებს არ შეიტანს, კომპანიების ნაწილი კონკრეტული მომსახურებების გაწევას ვერ შეძლებს. ნავთობ იმპორტიორებს სამინისტრო დაპირდა, რომ მათთვის აუცილებელი ცვლილების შესახებ ნორმატიულ აქტს მინისტრი უახლოეს პერიოდში მოაწერს ხელს.

დამატებული ღირებულების გადასახადით დაბეგვრის ახალი სისტემა უკვე ამოქმედებულია. თუ აქამდე დამატებითი ღირებულების გადასახადს კომპანიები მომსახურების გაწევის შემდეგ იხდიდნენ, ისინი უკვე ავანსის მიღებისთანავე იბეგრებიან. კერძო სექტორში ამ ცვლილების ამოქმედების შემდეგ შექმნილ სირთულეებზე საუბრობენ.

რატომ იჩქარა სამინისტრომ და არ მოხდა ბიზნესთან კომუნიკაცია კანონმდებლობის შეცვლამდე, გაუგებარია სპეციალისტებისთვის. ფინანსთა სამინისტროს მიმართ, გადასახადის გადამხდელთა კავშირის მთავარი პრეტენზია სწორედ ვადებს უკავშირდება.

დღგ-თი დაბეგვრის ახალი სისტემა ძირითადად გრძელვადიანი კონტრაქტებისთვის არის შემოღებული. კომპანიებს, რომლებიც თვეში რამდენიმე ასეულ ფინანსურ ოპერაციას ახორციელებენ, ადმინისტრირების ხარჯი გაეზარდათ. პირველი დეკლარირება 15 დეკემბერს მოხდება.

ავტორი: თეონა ცხომელიძე.

]]>
02-02-2017 22:01 +0400
გია ჟორჟოლიანის ინიციატივა - მთავრობა თავისუფლების ქარტიის გადახედვას არ გეგმავს http://rustavi2.com/ka/news/67131

უმრავლესობის წევრის, გია ჟორჟოლიანის ინიციატივას, კონსტიტუციიდან იმ აქტის ამოღების თაობაზე, რომლის მიხედვითაც მთავრობას გადასახადების გაზრდის უფლება რეფერენდუმის გარეშე არ აქვს, არც მთავრობა და არც საპარლამენტო უმრავლესობა მხარს არ დაუჭერს.

ეკონომიკის მინისტრის განცხადებით, მთავრობა სოციალ-დემოკრატების თავისუფლების ქარტიის გადახედვის შესახებ, წინადადების განხილვას არ გეგმავს.

„მთავრობაში მსგავსი თემა არ განიხილება, ეს ერთი. მეორე - ჩვენი ეკონომიკური პოლიტიკა სრულ თანხვედრაშია კონსტიტუციის იმ ნორმებთან, რომლებიც დღეს მოქმედებს. მესამე გახლავთ ის, რომ ჩვენ ძალიან კარგად გვესმის რა მნიშვნელობა აქვს, განსაკუთრებით საგადასახადო ნაწილში, სტაბილურობის შეგრძნებას ინვესტიციებისთვის და განსაკუთრებით პირდაპირი უცხოელი ინვესტორებისთვის,“ - განაცხადა ეკონომიკის მინისტრმა, გიორგი გახარიამ.

]]>
02-02-2017 16:14 +0400
როგორც პოლიტიკურად, ასე ეკონომიკურად ძალზედ მნიშვნელოვანი მოვლენა - გიორგი გახარია ვიზალიბერალიზაციაზე http://rustavi2.com/ka/news/67121

საქართველოს ეკონომიკისა და მდგრადი განვითარების მინისტრმა გიორგი გახარიამ მთავრობის სხდომის დასრულების შემდეგ ვიზალიბერალიზაციის შემდგომ ეკონომიკურ ასპექტებზე გაამახვილა ყურადღება.

„ჩვენ ვთვლით, რომ ეს როგორც პოლიტიკურად, ასე ეკონომიკურად არის ძალზედ მნიშვნელოვანი მოვლენა, რომელიც ხელს შეუწყობს როგორც პოლიტიკურ, ასევე პირველ რიგში ჩვენთვის და პირადად ჩემთვის, მნიშვნელოვანი ეკონომიკური კოოპერირების გაღრმავებას,“ - განაცხადა გიორგი გახარიამ. 

553 ხმით 66-ის წინააღმდეგ საქართველოს ვიზალიბერალიზაციას ევროპარლამენტმა მხარი დაუჭირა. კენჭისყრა ცოტა ხნის წინ დასრულდა.

]]>
02-02-2017 15:37 +0400
ეკონომიკური თავისუფლების აქტი - "სოციალ-დემოკრატების" ინიციატივის განხილვას პარლამენტის თავმჯდომარე არ გამორიცხავს http://rustavi2.com/ka/news/67062

სოციალ-დემოკრატების ინიციატივა, რომელიც კონსტიტუციიდან იმ მუხლის ამოღებას ითვალისწინებს, რომლის მიხედვითაც გადასახადების გაზრდა რეფერენდუმით არის სავალდებულო, არ არის გამორიცხული, ინიციატივად დარჩეს.

უმრავლესობას ჯერ ერთიანი პოზიცია თანაგუნდელების საკანონმდებლო წინადადებაზე არ დაუფიქსირებია, თუმცა მთავრობამ დღის ბოლოს განცხადება გაავრცელა. აღმასრულებელი ხელისუფლება ირწმუნება, რომ გადასახადების გაზრდა დღის წესრიგში არ დგას.

მთავრობისგან განსხვავებით, საკითხის განხილვაზე კატეგორიული უარი არ უთქვამს პარლამენტის თავმჯდომარეს, რომელიც საკონსტიტუციო კომისიას ხელმძღვანელობს.

„არცერთ ნორმასთან დაკავშირებით არ გვაქვს წინასწარ მიღებული გადაწყვეტილება. დისკუსიები გრძელდება ყველა საკითხთან დაკავშირებით. მათ შორის ამ საკითხზე გვექნება მსჯელობა საკონსტიტუციო კომისიაში,“ - განაცხადა ირაკლი კობახიძემ.

კონსულტაციები ჟორჟოლიანის ინიციატივაზე კომისიაში სავარაუდოდ, ამ დრომდე მიმდინარეობს. აზრთა სხვადასხვაობაა მმართველ გუნდშიც.

ინიციატივას საპარლამენტო უმცირესობა ეკონომიკური თავისუფლების აქტის გაუქმების მცდელობად აფასებს. თავისუფლების აქტი გაზრდისგან ძირთადად 3 გადასახადს იცავს -საშემოსავლო, მოგების და დამატებითი ღირებულების. ოპოზიციაში ფიქრობენ არიან, რომ თუ კონსტიტუციაში ცვლილება შევა, გადასახადების გაზრდა მოხდება.

ავტორი: ნატა მახვილაძე

]]>
01-02-2017 21:18 +0400
ხელისუფლებას აქვს სურვილი გაზარდოს გადასახადები ხალხის დაუკითხავად - რომან გოცირიძე http://rustavi2.com/ka/news/67045

პარლამენტის ფრაქცია ნაციონალური მოძრაობის თავმჯდომარე, რომან გოცირიძე აცხადებს, რომ ეკონომიკური თავისუფლების აქტი თავის დროზე იმის გამო იყო მიღებული, რათა ქვეყნის ეკონომიკის განვითარების ბედი დაზღვეული ყოფილიყო „ცუდი ხელისუფლებისაგან“.

ახალი ინიციატივის დამტკიცება, რომლის მიხედვითაც მთავრობას საბიუჯეტო ხარჯვებთან დაკავშირებით შეზღუდვები მოიხსნება, რომან გოცირიძის აზრით, ძალიან დიდი შეცდომა იქნება.

„უნდა მიგვეღო ისეთი დოკუმენტი, რომელიც არ იქნებოდა ადვილი შესაცვლელი, კანონი არ იყო საკმარისი იმისათვის, რომ ეს ნორმა ყოფილიყო სტაბილური, ეს ყოფილიყო ბარიერი, ზღუდე, რომლის გადალახვის შესაძლებლობა არ ექნებოდა პოპულისტ, არაკვალიფიციურ, ან პოლიტიკური მიზნებისთვის საგადასახადო თუ ეკონომიკური სისტემის თავის სასარგებლოდ გამოყენების მსურველ მთავრობას,“ - განაცხადა რომან გოცირიძემ.

მისი თქმით, სამწუხაროა ის რეალობა, რომელშიც ქართულ ოცნებას აქვს საკონსტიტუციო უმრავლესობა და მათ ყველაფრის შეცვლის შესაძლებლობა აქვთ. გოცირიძის განმარტებით, თავის დროზე აქტი ეკონომიკის სტაბილურობის უზრუნველსაყოფად იყო მიღებული, რათა ბიუჯეტის ხარჯები არ ყოფილიყო გაუაზრებელი.

„ნაცვლად იმისა, რომ ქვეყანაში იყოს სტაბილური ლარი და არ მოიმატოს ფასებმა, ადგნენ და 50 გვირაბისა და 1000 კილომეტრი მაგისტრალის აშენების გეგმა ჩადეს, ამას სჭირდება ფული, ამისთვის გაზარდეს ბიუჯეტში შემოსავლის მობილიზებისათვის აქციზების გადასახადი, 600 მილიონით მეტი და ამას ხსნიან რაღაც, ასე ვთქვათ, კეთილი საქმეებით,“ - აცხადებს რომან გოცირიძე.

მისი აზრით, ხელისუფლებას აქვს სურვილი გაზარდოს გადასახადები ხალხის დაუკითხავად. გოცირიძის განცხადებით, იმის ნაცვლად, რომ მთავრობას კონტროლის მეტი ბერკეტი შეიქმნას, უმრავლესობა იმ აქტის ლიკვიდაციას აპირებს, რომელიც ხელისუფლებას ფულის გასაფლანგად ხელ-ფეხს უხსნის.

]]>
01-02-2017 18:15 +0400
ლარი გაუფასურებას განაგრძობს http://rustavi2.com/ka/news/67037

ლარი დოლარისა და ევროს მიმართებით გაუფასურდა. ეროვნულმა ბანკმა ლარის ახალი ოფიციალური გაცვლითი კურსი დაადგინა, რომლის მიხედვითაც, ხვალიდან 1 აშშ დოლარის ღირებულება 2.7090 ლარი იქნება, სხვაობამ 0.0013 ლარი შეადგინა.

ეროვნული ბანკის მონაცემებით, ხვალიდან ერთი ევროს ღირებულება 2.9227 ლარი იქნება, ცვლილებამ 0.0241ლარი შეადგინა. 

]]>
01-02-2017 17:03 +0400
„ხელისუფლებას არ აქვს ხედვა, რაზეა აგებული მისი ეკონომიკური პოლიტიკა" - გია ხუხაშვილი http://rustavi2.com/ka/news/67027

ექსპერტებს მიაჩნიათ, რომ ხელისუფლებას ეკონომიკური ხედვა არ აქვს. ანალიტიკოსები მთავრობის ეკონომიკურ პოლიტიკას აკრიტიკებენ. 

„ხელისუფლებას არ აქვს ხედვა, რაზეა აგებული მისი ეკონომიკური პოლიტიკა, ბიუჯეტზე  - ანუ სახელისუფლებო ინვესტიციებზე თუ თავისუფალ ბაზარზე. ეს კონცეპტუალური გადაწყევტილება მათ არ აქვთ მიღებული. შიგნით პრემიერმინისტრი დაიყვირებს მემარჯვენეს, ვიღაც გამოჩნდება ჟორჟოლიანისნაირი მემარცხენე და იმის საწინააღმდეგოს დაიყვირებს, ასე არ იმართება ქვეყანა,“- განაცხადა პოლიტოლოგმა, გია ხუხაშვილმა.

ექსპერტებს მიაჩნიათ, რომ გია ჟორჟოლიანის ინიციატივა ეკონომიკური თავისუფლების აქტის გაუქმების შესახებ ეკონომიკურ კრიზისს კიდევ უფრო გააღრმავებს.

„თავისუფლების აქტის გადახედვის ერთადერთი მიზანი არის უფრო მეტი დაბეგვრის შემოტანა და ჩვენი ფულის მითვისება მთავრობის მიერ,“ - განაცხადა ახალი ეკონომიკური სკოლა საქართველოს პრეზიდენტმა, პაატა შეშელიძემ.

 

ავტორი: ნატა მახვილაძე. 

]]>
01-02-2017 15:38 +0400
შალვა ნათელაშვილი "ბავშვთა სამყაროში" გაჩენილ ხანძარზე პასუხისმგებლობას ბიძინა ივანიშვილს აკისრებს http://rustavi2.com/ka/news/67017

შალვა ნათელაშვილი ბავშვთა სამყაროში გაჩენილ ხანძარს ბიძინა ივანიშვილის ინტერესებს უკავშირებს. ლეიბორისტების ლიდერის აზრით, მომხდარზე სრული პასუხისმგებლობა სწორედ ყოფილ პრემიერს ეკისრება, ვინაიდან ნათელაშვილის თქმით, ივანიშვილი ამ საწარმოს აქციონერია.

ლეიბორისტული პარტიის ლიდერი ამბობს, რომ დაზარალებულ მოვაჭრეებს ზარალიც სწორედ ბიძინა ივანიშვილმა უნდა აუნაზღაუროს.

„ბავშვთა სამყაროს დაწვასა და იქ დატრიალებულ ტრაგედიაზე სრული პასუხისმგებლობა ამ ობიექტის მფლობელ, აქციონერ ბიძინა ივანიშვილს. ისევე, როგორც ანალოგიურად მის სინდისზეა საყდრისის აფეთქება, იპოდრომის, ბოტანიკური ბაღის, თბილისის ცენტრის, ლაგუნა ვერეს განადგურება და მითვისება, რაზეც ის აუცილებლად აგებს პასუხს,“ - აცხადებს შალვა ნათელაშვილი.

]]>
01-02-2017 15:13 +0400
მივმართავთ დავით ნარმანიას გამოვიდეს სირაქლემის პოზიდან და ფინანსური დახმარება გაუწიოს დაზარალებულ ადამიანებს - თემურ გრიგალაშვილი http://rustavi2.com/ka/news/67015

საკრებულოს უმცირესობა თბილისის მერიას ხანძრით დაზარალებულების ფულადი კომპენსაციით უზრუნველყოფისკენ მოუწოდებს და ამ მიზნით დედაქალაქის სარეზერვო ფონდის გამოყენების ინიციატივით გამოდის. ოპოზიციაში აცხადებენ, რომ მერიას დაზარალებულთა დასახმარებლად ტენდერებიდან დაზოგილი თანხების გამოყენებაც შეუძლია. მათი განმარტებით მხოლოდ ბოლო სამ ტენდერში თბილისის მერიამ 900 000 ლარის ეკონომია გააკეთა და ეს თანხა დაზარალებულების დასახმარებლად უნდა იქნას მიმართული.

„ჩვენ მივმართავთ დავით ნარმანიას გამოვიდეს სირაქლემის პოზიდან და ფინანსური დახმარება გაუწიოს დაზარალებულ ადამიანებს. ჩვენ მოვიძიეთ ამის რესურსი, კერძოდ, ერთი თვის განმავლობაში, მხოლოდ 3 საგზაო ტენდერში ეკონომიამ შეადგინა დაახლოებით 900 000 ლარი. მე ვფიქრობ, რომ ეს თანხა სავსებით საკმარისია, რომ გარკვეულწილად დავეხმაროთ გაჭირვებაში მყოფ ადამიანებს,“ - აცხადებს თბილისის საკრებულოს ფრაქცია ერთიანი ნაციონალური მოძრაობის წევრი, თემურ გრიგალაშვილი.

]]>
01-02-2017 15:07 +0400
ისინი დგამენ შეგნებულად მოღალატეობრივ ნაბიჯებს - გიორგი გუგავა ხელისუფლების საგარეო კურსზე http://rustavi2.com/ka/news/66977

„ისინი დგამენ შეგნებულად მოღალატეობრივ ნაბიჯებს. აქ საუბარი იყო გარკვეულ სიმპტომებზე, რომელიც პირდაპირ სახელმწიფო ღალატს წარმოადგენს,“ - ეს განცხადება ლეიბორისტული პარტიის პოლიტიკური მდივანმა, გიორგი გუგავავამ, გადაცემა არჩევანის პირდაპირ ეთერში საუბრისას გააკეთა. 

„საიდუმლო ინფორმაცია გასული არის საქართველოს ხელისუფლებიდან. ბუნებრივია, ამას ერთ-ერთი ვინმე ჯაშუში ამას ვერ გააკეთებდა. ეს შეგნებულად, მიზანმიმართულად მტრული, მოღალატეობრივი ნაბიჯი არის გადადგმული და ხელისუფლების მაღალი ეშელონებიდან მკაცრად დაცული ინფორმაცია არის გატანილი, რათა ნადირობა გამოცხადდეს ამ ბიჭებზე,“ - აცხადებს გიორგი გუგავა.

ლეიბორისტული პარტიის წარმომადგენელი გაზპრომთან დაკავშირებულ საკითხზეც ამახვილებს ყურადღებას, რადგან უცნობია, ამ ხელშეკრულების უკან რა დგას. მისი თქმით, "პუტინის მეფისნაცვალი ზის საქართველოში ივანიშვილის სახით".

]]>
01-02-2017 00:02 +0400
მგონია, რომ არაპროფესიონალურობასთან ერთად, დათმობის პოლიტიკა მიდის რუსეთთან - პუბლიცისტი თამარ ჩარკვიანი http://rustavi2.com/ka/news/66972

პუბლიცისტი თაკო ჩარკვიანი აცხადებს, რომ საქართველო რუსეთთან ათწლეულებია, საუბრობს, თუმცა საპასუხოდ აგრესიას იღებს. 

ამის შესახებ მან გადაცემა არჩევანში ისაუბრა და თქვა, რომ „ზოგადად არავინ რუსეთთან საუბრის წინააღმდეგი არ არის, მე ასე ვფიქრობ, მაგრამ 21 წლიდან საქართველო აკეთებს მხოლოდ იმას, რომ ესაუბრება რუსეთს და ჩვენ იქიდან ვიღებთ მათრახს, თავში უროს და ტერიტორიების წართმევას“.

მისი აზრით, საქართველოსა და რუსეთს შორის მოლაპარაკებები კი არ მიმდინარეობს, არამედ ნაბიჯ-ნაბიჯ ქართული მხარე დათმობაზე მიდის.  

„მგონია, რომ არაპროფესიონალურობასთან ერთად დათმობის პოლიტიკა მიდის რუსეთთან,“ - აცხადებს თამარ ჩარკვიანი.

მისი აზრით, დღევანდელმა ხელისუფლებამ ძველი მთავრობის შეცდომები აღარ უნდა გაიმეოროს. ის ამბობს, რომ ქვეყანა ქართული ოცნებისა და ნაციონალური მოძრაობის "ომს და ჩხუბს არ უნდა შეეწიროს".

კონსტიტუციაში ქვეყნის კურსთან დაკავშირებით ჩანაწერის გაკეთების საკითხზე თამარ ჩარკვიანსა და გიორგი ახვლედიანს შორის კამათი გაიმართა. დემოკრატიული მოძრაობა - ერთიანი საქართველოს მთავარი საბჭოს წევრმა, გიორგი ახვლედიანმა, საქართველოს უბლოკო სტატუსზე ჩანაწერის გაკეთების საკითხზე ისაუბრა, რასაც მათ შორის კამათი მოჰყვა. 

]]>
31-01-2017 23:27 +0400
კალაძეს გაუჩნდა ილუზია, რომ მას შეეძლო, თანაბრად ელაპარაკა გაზპრომთან - გია ხუხაშვილი გაზპრომთან დადებულ ხელშეკრულებას აფასებს http://rustavi2.com/ka/news/66971

პოლიტოლოგი გია ხუხაშვილის თქმით, მიზნები და ამოცანები ხელისუფლებას წინას და ახალს მსგავსი აქვს,  განსხვავება კი ტაქტიკაშია.

გია ხუხაშვილმა არჩევანის ეთერში გაზპრომის საკითხზეც ისაუბრა და აღნიშნა, რომ ხელშეკრულების დადებასთან დაკავშირებით ან მონეტიზაციასთან ვერ ხედავს.

„ენერგეტიკული უსაფრთხოების თვალსაზრისით მე აქ ზარალს ვერ ვხედავ. მე კარგად ვიცი, რომ ჩვენ შეგვიძლია, იგივე რაოდენობის გაზი წამოვიღოთ აზერბაიჯანიდან ანუ კიდევ უფრო დასუსტდეს რუსული გაზი,“ - აცხადებს გია ხუხაშვილი.

მისი თქმით, აზერბაიჯანიდან გაზის ყიდვა რუსეთისთვის სიგნალი იქნება, რომ არ სჭირდება ქვეყანას მისგან ნაყიდი გაზი.

გია ხუხაშვილის განმარტებით, კალაძეს გაუჩნდა ილუზია, რომ მას შეეძლო თანაბრად ელაპარაკა გაზპრომთან და მისი თქმით, საქართველოს ხელისუფლებამ უხარისხოდ აწარმოეს ხელშეკრულება.

]]>
31-01-2017 23:19 +0400