RUSTAVI2 Rustavi2 TV News Portal RSS Feed Rustavi2 Broadcasting Company http://rustavi2.com/ კანაფის ლეგალიზაციასთან დაკავშირებით ამ ქვეყანაში უნდა ჩატარდეს რეფერენდუმი - ზურაბ ჯაფარიძე http://rustavi2.com/ka/news/68992

„ეს კომენტარები შინაგან საქმეთა სამინისტროს მხრიდან, რომ მათ ბრძოლა აქვთ გამოცხადებული და გაამკაცრებენ ბიოსთან თუ სხვა ფსიქოტროპულ ნივთიერებებთან ბრძოლას, არის ზღაპარი,“ - ასე შეაფასა ზურაბ ჯაფარიძემ მათი ექსპერიმენტის შემდეგ შსს-ს მიერ გაკეთებული განცხადება.

„ვიღაცას აწყობს, რომ ამ ქვეყანაში იყოს ისეთი რეპრესიული ნარკოპოლიტიკა, რომელიც დღესდღეობით არის ამ ქვეყანაში, რაც საშუალებას აძლევს ვიღაცებს, ვინც დგანან ამ ყველაფრის უკან, რომ მათ ხელში იყოს კონკრეტული ბერკეტები. ეს ბერკეტები ნიშნავს, რომ მათ შეუძლიათ, რომელიმე ბერკეტი მოუშვან და რომელიმე ნარკოტიკის გასაღებას შეუწყონ ხელი და არ ებრძოლონ მას,“ - განაცხადა ზურაბ ჯაფარიძემ.

შაბათის კურიერში ზურაბ ჯაფარიძემ განაცხადა, რომ ამ ბიზნესის უკან ფინანსური დაინტერესების მქონე პირები დგანან. მისი თქმით, დეკრიმინალიზაცია აუცილებელია.

„ჩვენ ვაპირებთ, მათ შორის, რომ კანაფის ლეგალიზაციასთან დაკავშირებით ამ ქვეყანაში ჩატარდეს რეფერენდუმი წელს, ოქტომბერში, როდესაც ამ ქვეყანაში ჩატარდება ადგილობრივი თვითმართველობის არჩევნები. იმედი გვაქვს საღი აზრის გამარჯვების საბოლოო ჯამში,“ - განაცხადა ზურაბ ჯაფარიძემ.  

]]>
25-02-2017 23:10 +0400
ახალი ფსიქოაქტიური ნივთიერებების მოხმარება და ჯანმრთელობის საფრთხის ქვეშ მყოფი ახალგაზრდები http://rustavi2.com/ka/news/68980

ნარკოლოგები ბოლო დროს ახალგაზრდებში გახშირებული ინსულტის მიზეზად ე.წ. ბიოს მოხმარებას ასახელებენ.

ახალი ფსიქოაქტიური ნივთიერებების მოხმარების გახშირებისდა მიუხედავად, ნარკოდანაშაულის მიმართ მკაცრი კანონმდებლობის გამო, დაზარალებულები კლინიკას საერთოდ არ მიმართავენ. ხშირ შემთხვევაში კი არ ამხელენ ინტოქსიკაციის მიზეზს.

ზუსტი სტატისტიკა, რამდენი ადამიანი მოკლა ან მძიმე ჯანმრთელობის პრობლემა შეუქმნა ე.წ. ბიოს მოხმარებამ, უცნობია.

პოლიტიკური ცენტრი - გირჩის მიერ ჩატარებულმა ექსპერიმენტმა ცხადყო, რომ ახალი ფსიქოაქტიური ნივთიერების შეძენა მარტივია. ზურაბ ჯაფარიძე ამტკიცებს, რომ ქართულ შავ ბაზარზე რამდენიმე გზით შეიძლება ახალი ფსიქოაქტიური ნივთიერების შეძენა და ეს ყველას, მათ შორის არასრულწლოვნებსაც, შეუძლიათ.

გუშინდელი ექსპერიმენტის შემდეგ ე.წ. ბიო ჯაფარიძემ პოლიციას გადასცა მათ კი გამოძიება დაიწყეს.

ფსიქოთერაპევტთა ნაწილი მიიჩნევს, რომ ქვეყანაში ახალი ფსიქოაქტიური ნივთიერებების მოხმარების შემცირება კანაფის დეკრიმინალიზაციითაა შესაძლებელი.

შინაგან საქმეთა სამინისტროში აცხადებენ, რომ ბრძოლა ქვეყანაში ახალი ფსიქოაქტიური ნივთიერების შემოდინების მიმართ აქტიურად მიმდინარეობს.

აქვს თუ არა რაიმე სტრატეგია და როგორ გეგმავს ძალოვანი უწყება ქვეყანაში ახალი ფსიქოაქტიური ნივთიერების აქტიურ ვაჭრობასთან და მოხმარებასთან ბრძოლას, უცნობია.

]]>
25-02-2017 23:03 +0400
2008 წლის კონფლიქტში მონაწილე ქართველი სამხედროების მონაცემები ოკუპირებული ცხინვალის რეგიონის გენპროკურორმა რუსეთს მიაწოდა http://rustavi2.com/ka/news/68978

ოკუპირებული სამხრეთ ოსეთის გენერალურმა პროკურორმა, ურუზმაგ ჯაგაევმა, 2008 წლის რუსეთ-საქართველოს ომში მონაწილე ქართველი ძალოვნების სიას რუსეთის პროკურატურას გაუგზავნა.

რუსეთის საგამოძიებო უწყებებმა ვინც ციხეში ჩასმით ვერ დასაჯეს, აღმოჩნდა, რომ ამას საერთაშორისო ძებნის დახმარებით აპირებენ. რუსეთის პროკურატურაში საერთაშორისო ძებნაზე გადასაცემად უკვე გაგზავნილია იმ სამხედროებისა და სამართალდამცველების სია, რომლებიც 2008 წელს რუსეთის აგრესიის წინააღმდეგ იბრძოდნენ.

ურუზმაგ ჯაგაევმა არც ის დამალა, რომ 2008 წლის რუსეთ-საქართველოს ომში მონაწილე ქართველი ძალოვნების სია მალე გაიზრდება და მისმა რაოდენობამ შესაძლოა, 500-ს გადააჭარბოს.

ინფორმაციის წყაროს ოკუპირებულ ცხინვალში, ბუნებრივია, არ ასახელებენ. ქართველი სამხედრო, გია ცერცვაძე, კი არ გამორიცხავს, რომ ქართველ ძალოვნებზე ინფორმაციას მოსკოვი თბილისიდან კარგად აწყობილი ჯაშუშური ქსელის დახმარებით იღებდეს.

კითხვაზე, როგორ მოხვდა ცხინვალში 2008 წლის ომში მონაწილე ძალოვნების მონაცემები, ოფიციალურ თბილისს პასუხი არ სურს, არც თავდაცვის და არც პრემიერ მინისტრის დონეზე.

პრეზიდენტის ადმინისტრაციაში ნებისმიერი ქართველი სამხედრო რუსეთის ფედერაციისთვის გადაცემას გამორიცხავენ. უშიშროების საბჭოში ხაზგასმით აღნიშნავენ, რომ საქართველომ მოქმედი თუ ყოფილი ძალოვნები უნდა დაიცვას.

მმართველი გუნდი საკუთარი ძალოვანების დაცვაში დარწმუნებულები არიან. ირაკლი სესიაშვილის განმარტებით, იმის გამო, რომ ოკუპირებული რეგიონი ჰააგის საერთაშორისო სასამართლოსთან არ თანამშრომლობს, ისინი მოსკოვის დახმარებით ცდილობენ სამხედროებისთვის ზიანის მიყენებას.

 

ავტორები: თამთა დოლენჯაშვილი, სოფო ვარდიაშვილი, იზო ჩუბინიძე.

]]>
25-02-2017 22:41 +0400
მე მასში ვხედავდი არამხოლოდ მოწინააღმდეგეს, არამედ ადამიანსაც - ირაკლი ალასანია ჩურკინზე http://rustavi2.com/ka/news/68991

გასულ კვირას გაერო-ში რუსეთის წარმომადგენლის, ვიტალი ჩურკინის, გარდაცვალებას ირაკლი ალასანია ეხმაურება.

საქართველოს თავდაცვის ყოფილი მინისტრმა ჩურკინის პიროვნებაზე, მის დიპლომატიურ საქმიანობასა და მასთან ურთიერთობაზე რუსეთის ტელეარხ დოჟდის ეთერში ილაპარაკა.

„მე შემიძლია, პატიოსნად ვთქვა, რომ ეს ადამიანი იყო ძალიან პროფესიონალი დიპლომატი. როგორც დიპლომატს, მას ჰქონდა ძალიან მაღალი კვალიფიკაცია. ჩვენ ვიყავით მოწინააღმდეგეები, რადგან რუსეთის მხრიდან საქართველოსთან მიმართებაში მიმდინარეობდა აგრესიული ომი. ჩვენ ბოლომდე ვიყავით უშიშროების საბჭოში, მე ვიცავდი ჩემს სამშობლოს, ის კი ასრულებდა საკუთარი მთავრობის დავალებას, მაგრამ ამავე დროს, მე მასში ვხედავდი ადამიანს, რომელიც ძალიან განიცდიდა იმ პრობლემებს, რომლითაც ასე იყო გაჯერებული ქართულ-რუსული ურთიერთობები.

"ჩვენ ყოველთვის ვცდილობდით, როგორმე გამოვმძვრალიყავით ამ სიტუაციიდან. ეს, რა თქმა უნდა, შეუძლებელი იყო, მაგრამ მე მასში ვხედავდი არამხოლოდ მოწინააღმდეგეს, ოპონენტს, არამედ მასში ადამიანსაც ვხედავდი. უშიშროების საბჭოში გამართული ძალიან მძიმე შეხვედრების შემდეგ კულუარებში ჩვენ ბევრს ვსაუბრობდით, თუ როგორ შეიძლებოდა ამ სიტუაციიდან გამოსვლა. ვხედავდი, რომ მას უნდოდა და ცდილობდა, როგორც შეეძლო, რომ ეს ურთიერთობები არ გამოსულიყო სამხედრო წინააღმდეგობების ჩარჩოებიდან, მაგრამ მოხდა ის, რაც მოხდა. განხორციელდა აგრესია საქართველოს წინააღმდეგ, მაგრამ ამის შემდეგაც ჩვენ ვაგრძელებდით ურთიერთობას," - აღნიშნა ალასანიამ.

ირაკლი ალასანიამ ნიუ იორკში ჩურკინთან შეხვედრა გაიხსენა. 

„აფხაზეთისა და სამხრეთ ოსეთის აღიარება იყო პუტინის მხრიდან დანაშაული, ძალიან დიდი შეცდომა. ვფიქრობთ, რომ მას ეს ძალიან კარგად ესმით, მაგრამ მაშინ მათ ეს გადაწყვეტილება მიიღეს. ჩვენ ორივეს გვჯეროდა, რომ ქართულ-რუსულ ურთიერთობას მომავალი აქვს. მე ახლაც დარწმუნებული ვარ ამაში, რომ ჩვენ შეგვიძლია, დავალაგოთ ჩვენი ურთიერთობები, მაგრამ ამისთვის, პირველ რიგში, უნდა გავიზიაროთ ის, თუ რა შეცდომები დავუშვით,“ - განაცხადა ირაკლი ალასანიამ. 

 

 

 

]]>
25-02-2017 22:41 +0400
გვიჩნდება ეჭვი, რომ თანხის და მიწის გადაცემის ოპერაცია უკავშირდებოდა რუსთავი2-ის საწინააღმდეგო გადაწყვეტილების მიღებას - დიმიტრი საძაგლიშვილი http://rustavi2.com/ka/news/68990

„ლოგიკური ეჭვი გვიჩნდება, რომ ეს იყო განზრახ განხორციელებული ქმედება, ოპერაცია თანხის და მიწის გადაცემის უკავშირდებოდა რუსთავი2-ის საწინააღმდეგო გადაწყვეტილების მიღებას,“ - ეს განცხადება რუსთავი2-ის იურისტმა მოსამართლე ნატა ნაზღაიძის საქმესთან დაკავშირებით შაბათის კურიერის პირდაპირ ეთერში გააკეთა.

დიმიტრი საძაგლიშვილის თქმით, საქმესთან დაკავშირებით ბევრი კითხვის არსებობის მიუხედავად, არ იწყება გამოძიება და ასევე მერიის წარმომადგენლები თავს არიდებენ კითხვებზე პასუხის გაცემას.

„არგუმენტი, რომელიც ხშირად გაისმის ხელისუფლების წარმომადგენლების მხრიდან, არის ის, რომ, თითქოს, ზვიად ნაზღაიძე არაფერ შუაშია და სინამდვილეში ზვიად ჩოხელსა და ნაზღაიძეს შორის გაფორმდა რაღაც შეთანხმება, რომლითაც ზვიად ნაზღაიძემ იკისრა ვალდებულება, დაებრუნებინა მიწის ნაკვეთი ჩოხელისთვის. შეთანხმებასთან დაკავშირებით მნიშვნელოვანია, რომ რეალურად როდესაც მიწის ნაკვეთის ნასყიდობის ხელშეკრულება თავდაპირველი რეგისტრირებულია საჯარო რეესტრში, არ არის შესაძლებელი მხოლოდ მარტივი წერილობით ფორმით მოხდეს ხელშეკრულების გაფორმება. შეუძლებელია, დადგინდეს, როდის არის ეს შეთანხმება გაფორმებული. არ არის გამორიცხული, რომ მხოლოდ მას შემდეგ, რაც რუსთავი2-ის მეშვეობით გახდა საჯარო ის ინფორმაცია, რაზეც ვსაუბრობთ, ამის შემდეგ იქნა თვალთმაქცურად შედგენილი ეს შეთანხმება,“ - აღნიშნა საძაგლიშვილმა. 

]]>
25-02-2017 22:38 +0400
ნაზღაიძის ოჯახისთვის ქონების გადაცემასთან დაკავშირებით ოპოზიციას და ხელისუფლებას განსხვავებული პოზიციები აქვთ http://rustavi2.com/ka/news/68977

მოსამართლე ნატა ნაზღაიძის ოჯახის სადავო ქონება და შესაძლო კორუფციული გარიგება პოლიტიკურ ოპონენტებს შორის კვლავ მწვავე დაპირისპირების მიზეზია. ოპოზიცია ადგილობრივი და ცენტრალური ხელისუფლებისგან ახსნა-განმარტებებს ელოდება.

დაპირისპირებისა და ხმაურის ფონზე განხილვა დედაქალაქის საკრებულოში რამდენიმე საათის განმავლობაში მიმდინარეობდა. საბოლოოდ, საკრებულოს უმრავლესობამ ოპოზიციას მოსამართლე ნატა ნაზღაიძის ოჯახისთვის მილიონიანი ქონების გადაცემის განკარგულების გაუქმებაზე უარი უთხრა.

ოპოზიციის მოთხოვნის მიუხედავად განხილვამ მერის გარეშე ჩაიარა. ისინი კორუფციულ გარიგებაში დარწმუნებულები არიან და მას რუსთავი2-ის საქმეს უკავშირებენ. მმართველი გუნდის წევრების ნაწილი მოსამართლე ნაზღაიძის ძმისთვის, როგორც სტიქიის შედეგად დაზარალებულისთვის, ქონების გადაცემის საკითხის პოლიტიზირებაში ოპოზიციასთან ერთად რუსთავი2-საც ადანაშაულებს.

ადამიანის უფლებათა კომიტეტის ამ სხდომაზე კითხვები შესაძლო კორუფციულ გარიგებასთან დაკავშირებით უმრავლესობის დეპუტატებს არ ჰქონიათ. 

სადავო ფაქტთან დაკავშირებით მოკვლევის დაწყებას არ გეგმავენ იუსტიციის უმაღლეს საბჭოში. დოკუმენტაციის შესწავლა პროკურატურაში დაიწყეს.

ამჟამად ცნობილი მხოლოდ ის არის, რომ სადავო ქონებასთან დაკავშირებით საგამოძიებო უწყებამ რამდენიმე პირი გამოკითხა. მათ შორის მოსამართლე ნაზღაიძის ძმა, ზვიად ნაზღაიძე.

 

]]>
25-02-2017 22:25 +0400
ამ ქვეყანაში ყველას ტოტალურად აქვს შიში, რომ ფარული მიყურადება ხორციელდება - გიორგი ბურჯანაძე http://rustavi2.com/ka/news/68989

"ეს არის კლასიკური შემთხვევა, თუ როგორ არ უნდა შევასრულოთ საკონსტიტუციო სასამართლოს გადაწყვეტილება, თუ როგორ უნდა დავარღვიოთ კონსტიტუცია, როგორ უნდა მივიღოთ ისეთი კანონი, რომელიც საფრთხეს უქმნის პირადი ცხოვრების გარანტიას,“ - ეს განცხადება ფონდ ღია საზოგადოება - საქართველოს ადამიანის უფლებების პროგრამის მენეჯერმა, გიორგი ბურჯანაძემ, შაბათის კურიერის პირდაპირ ეთერში ფარული მოსმენების შესახებ კანონპროექტზე გააკეთა.

გიორგი ბურჯანაძის თქმით, ხდება კანონმდებლობის კიდევ უფრო გაურესება. მისი განცხადებით, ქართულმა ოცნებამ არცერთი რეკომენდაცია არ გაითვალისწინა.

„ყველას ამ ქვეყანაში ტოტალურად აქვს შიში, რომ ფარული მიყურადება ხორციელდება და ეს შიში კანონმა უნდა დაგვიძლიოს, ისეთმა კანონმა, რომელიც საკონსტიტუციო სასამართლოს გადაწყვეტილებას კი არ დაძლევს, არამედ იქნება სრულიად იქნება შესაბამის საქართველოს კონსტიტუციასთან,“ - განაცხადა ბურჯანაძემ. 

გიორგი ბურჯანაძის თქმით, კანონის მიღების შემთხვევაში, არასამთავრობოები ადამიანის უფლებათა ევროპულ სასამართლოს მიმართავენ.

 

]]>
25-02-2017 22:15 +0400
შევქმენით კონტროლის ისეთი მექანიზმი, რომელიც პარლამენტს ავალდებულებს, შექმნას სპეციალური ნდობის ჯგუფი - გიორგი ვოლსკი ე.წ. ფარული მოსმენების კანონზე http://rustavi2.com/ka/news/68987

„ფაქტობრივად ყალიბდება სტრუქტურა, რომელიც არსებობს ფორმალური დაკავშირება უსაფრთხოების სამსახურთან, მაგრამ პრემიერმინისტრის მიმართ არის ანგარიშვალდებული,“ - ასე აფასებს ქართული ოცნების წევრი, გიორგი ვოლსკი, ე.წ. მოსმენების კანონპროექტს.

კანონპროექტი ფარული მოსმენების შესახებ პარლამენტმა მეორე მოსმენით დაამტკიცა, დარჩენილია მესამე მოსმენა.

შაბათის კურიერში გიორგი ვოლსკიმ ოპოზიციის და არასამთავრობოების მიერ შემოთავაზებული ვარიანტი, როდესაც ე.წ. მოსმენების გასაღები სუს-ის დაქვემდებარებაში არ იქნებოდა, "აბსურდულ ვარიანტად" მოიხსენია.

„საერთოდ განუკითხაობიდან ამოვიღეთ ეს სისტემა და შევქმენით კონტროლის ისეთი მექანიზმი, რომელიც პარლამენტს ავალდებულებს, სპეციალური ნდობის ჯგუფი იქმნება, რომელსაც შეუძლია, ყველაფერი შეამოწმოს. ფინანსურად დამოუკიდებელიც არის ეს სტრუქტურა და ფინანსური მუშობიდან დაწყებული დამთავრებული კონკრეტულ ტექნიკურ საკითხებამდე, მათ შორის, ოპოზიციის მონაწილეობით,“ - განაცხადა გიორგი ვოლსკიმ.

გიორგი ვოლსკის თქმით, ოპოზიციის მიერ წარმოდგენილ გეგმის განხორციელებისთვის სახელმწიფოს დიდი თანხის გადახდა მოუწევს. 

გიორგი ვოლსკის თქმით, ნდობის ჯგუფი იქნება სწორედ იმის გარანტია, რომ უკანონოდ აღარ მოუსმენენ. 

]]>
25-02-2017 22:12 +0400
ჩვენ უნდა გამოვიყენოთ ყველა ტრიბუნა, უნდა დავუსვათ, რაც შეიძლება, დიდი ფასი ხელისუფლებას ეს სიბინძურე - გიგა ბოკერია ე.წ. მოსმენების კანონპროექტზე http://rustavi2.com/ka/news/68985

„ეს რეალობა გარანტირებულად არ შეიცვლება ამ კანონის პირობებში. ეს არის არათუ რისკი, არამედ ძალიან მძიმე რეალობა,“ - ასე აფასებს ევროპული საქართველოს წევრი, გიგა ბოკერია, მმართველი გუნდის მიერ ე.წ. მოსმენების კანონპროექტს.

შაბათის კურიერში გიგა ბოკერია აცხადებს, რომ ყველა ინსტიტუტს, მათ შორის, საკონსტიტუციო სასამართლოს და ყველა შესაძლებლობას გამოიყენებენ, რათა ამ ხელისუფლებამ არსებული კანონპროექტი არ განახორციელოს.

„მთელი სახელმწიფო, ხელისუფლება დგას სუს-ზე და სუს-ი ემსახურება ივანიშვილს და ემსახურება მას მისთვის არასასურველი ოპონენტების და ჩვეულებრივი მოქალაქეების ცხოვრებაში შეჭრის და მათი უფლებების შელახვისთვის,“ – განაცხადა გიგა ბოკერიამ.

მისი თქმით, მმართველი გუნდის წევრებიც აცნობიერებენ, რომ  თვითონაც იქნებიან პოტენციური სამიზნეები.

„ჩვენ უნდა გამოვიყენოთ ყველა ტრიბუნა, უნდა დავუსვათ, რაც შეიძლება, დიდი ფასი ხელისუფლებას ეს სიბინძურე. საბოლოო ჯამში, რა თქმა უნდა, აუცილებელი იქნება ამ ხელისუფლების დემოკრატიული გზით დემონტაჟი, სხვა გზა არ არსებობს იმიტომ, რომ პოლიტიკური ნებაა ივანიშვილის და მისი გუნდის, რომ ეს ძალიან საზიანო თამაშის წესები ჩვენი ქვეყნისთვის იყოს შენარჩუნებული,“ - განაცხადა გიგა ბოკერიამ. 

]]>
25-02-2017 21:58 +0400
ეს არის დაკანონებული მოსმენაც, უკანონო მოსმენაც და დაკანონებული ძარცვაც - რომან გოცირიძე მოსმენების კანონპროექტზე http://rustavi2.com/ka/news/68986

„ეს არის ბიზნესის ძარცვა, საქართველოს მთავარი ეკონომიკური გზიდან გადახვევა,“- ამის შესახებ ფრაქცია ნაციონალური მოძრაობის თავმჯდომარემ შაბათის კურიერის პირდაპირ ეთერში ფარული მოსმენების შესახებ კანონპროექტზე გააკეთა.

რომან გოცირიძე მმართველი გუნდის მიერ ინიცირებულ კანონპროექტს აკრიტიკებს და „საშინელს“ უწოდებს. მისი თქმით, "ეს კანონი არის არაკონსტიტუციური".

„კაცმა არ იცის, სუს-ი რის ლიცენზირებას გადაწყვეტს... იქმნება სააგენტო, რომელიც ერთი მხრივ არის მალიცენზირებადი, ასევე ახალი მაკონტროლებელი ორგანო,  შეუძლია შესვლა, ტექნიკური კუთხით დაჯარიმება და ავტორიზაციის შეჩერებაც კი,“ - აღნიშნა გოცირიძემ.

რომან გოცირიძის თქმით, ამერიკელ კონგრესმენებთან ფარული მოსმენების შესახებ კანონზე ისაუბრა.

„ეს არის დაკანონებული მოსმენაც, უკანონო მოსმენაც და დაკანონებული ძარცვაც,“ - აღნიშნა გოცირიძემ.

]]>
25-02-2017 21:53 +0400
კრიტიკის მიუხედავად, ფარული მოსმენების კანონპროექტი პარლამენტმა მეორე მოსმენით მიიღო http://rustavi2.com/ka/news/68976

ოპოზიციისთვის განსაკუთრებით მიუღებელი საჯარო სამართლის იურიდიული პირის ხელმძღვანელის დანიშვნის წესია. მმართველი გუნდის ინიციტივით, კომისია, რომელშიც მხოლოდ უმრავლესობის წევრები და სახალხო დამცველი შედის, 3 კანდიდატურას ირჩევს, რომელსაც სუს-ის ხელმძღვანელს შესთავაზებს. გომელაური მას პრემიერმინისტრს წარუდგენს, თუმცა მას უფლება აქვს კომისიის კანდიდატურა დაბლოკოს.

კანონპროექტის მიხედვით, სიპის ხელმძღვანელის მოადგილეებს გომელაური დანიშნავს. გარდა ამისა, სუს-ის ხელმძღვანელს უფლება აქვს, საჯარო სამართლის იურდიული პირის ხელმძღვანელი მისი სურვილისამებრ გაათავისუფლოს.

ნაციონალურ მოძრაობაში მიაჩნიათ, რომ მმართველი გუნდი ე.წ მოსმენების გასაღების საგამოძიებო სტრუქტურაში დატოვებით, საკონსტიტუციო სასამართლოს მოთხოვნას უხეშად არღვევს.

პროვაიდერულ კომპანიაში არ გამორიცხავენ, რომ სახელმწიფო უსაფრთხოების სამსახურმა პარალელური მოსმენის საშულებების დამონტაჟებაც შეძლოს. პროვაიდერების სუს-ის მხრიდან უკონტროლო კონტროლზე ეჭვი მას შემდეგ გამძაფრდა, რაც გაირკვა, რომ ელექტროკომუნიკაციის კომპანიებში შესაძლებელია ღია ან ფარული წარმომადგენელის დანიშვნა.

84 ხმით 5-ის წინააღმდეგ პარლამენტმა კანონი ფარული საგამოძიებო საქმიანობის შესახებ მეორე მოსმენით უკვე მიიღო. კენჭისყრას პლენარულ სხდომაზე საპარლამენტო უმცირესობა არ დასწრებია, ევროპულმა საქართველომ პროტესტის ნიშნად დარბაზი ჯერ კიდევ განხილვის დაწყებამდე დატოვა.

ფარული საგამოძიებო საქმიანობის შესახებ კანონში შესატან ცვლილებებს პარლამენტი მესამე მოსმენით მომდევნო კვირაში რიგგარეშე სხდომაზე განიხილავს და ხელმოსაწერად პრეზიდენტს გადაუგზავნის. გიორგი მარგველაშვილმა ვეტოს საკითხი, ფაქტობრივად, უკვე დაანონსა.

 

]]>
25-02-2017 21:45 +0400
დღემდე არ არსებულა და არ არსებობს საქმეში ვიდეომასალა, რომელიც ადასტურებს, ვისგან შეიძინა მამა გიორგიმ აღნიშნული ციანიდი - მიხეილ რამიშვილი http://rustavi2.com/ka/news/68983

მამა გიორგი მამალაძის ადვოკატი, მიხეილ რამიშვილი, პროკურატურას ცრუ ბრალდებების გაკეთებისგან თავის შეკავებისკენ მოუწოდებს. მისი თქმით, ე.წ. ციანიდის საქმეში პროკურატურამ მამა გიორგი მამალაძის დაკითხვა დღის მეორე ნახევარში ექსპერტის მოუცლელობის მომიზეზების გამო ვერ შეძლო.

შაბათის კურიერში მიხეილ რამიშვილმა აღნიშნა, რომ საგამოძიებო უწყებასთან შეთანხმების მიხედვით ექსპერტიზისთვის ნიმუშების აღებას 45 წუთი უნდა მონდომებოდა, თუმცა პროკურატურამ დრო გაწელა.

„დამთავრდა თუ არა ნიმუშების აღება, პატარა ბავშვებივით ჩაიცვეს და დააპირეს კარებისკენ წასვლა. გადავუდექი წინ და ვუთხარი, გელოდებათ მამა გიორგი, ბრალდებული, რომ ჩვენება მოგცეთ მეთქი,“ - განაცხადა მიხეილ რამიშვილმა.

ადვოკატის თქმით, საქმეში არ არსებობს ვიდეომტკიცებულება, რომელიც ციანიდის ყიდვას დაადასტურებს.

„დღემდე არ არსებულა და არ არსებობს საქმეში ვიდეომასალა, რომელიც ადასტურებს და დრო არის განსაზღვრული, სად, როდის, ვისგან შეიძინა მამა გიორგიმ აღნიშნული ციანიდი იმიტომ, რომ საბრალდებო დადგენილებაში პირდაპირ სწერია, რომ აღნიშნული ნივთიერება დაუდგენელ დროს, დაუდგენელ ვითარებაში, დაუდგენელი პირისგან იქნა შეძენილი. თუ ეს არ არის დადგენილი, რატომ იქნა ასეთი ვარაუდი დასაბუთებული, რომ, თურმე, არსებობს საერთოდ დანაშაული, რომელიც უნდა აღიკვეთოს და ამისთვის მზადება მიმდინარეობდა,“ - განაცხადა მიხეილ რამიშვილმა.

მისი თქმით, მამა გიორგი მამალაძის მიერ მიცემული ჩვენება უახლოეს მომავალში საქმეში არსებული მოწმეების მიერ მიცემულ ჩვენებას კითხვის ნიშნის ქვეშ დააყენებს. 

]]>
25-02-2017 21:35 +0400
ვიზიტები საპატრიარქოში და განვითარებული მოვლენები http://rustavi2.com/ka/news/68975

ბოლო დღეების განმავლობაში საპატრიარქოში ხელისუფლების წარმომადგენლები, ადვოკატები და ბრალდების მოწმეები იმყოფებოდნენ. საპატრიარქოში, დაახლოებით, 15 წუთის განმავლობაში იმყოფებოდა ბიძინა ივანიშვილი მეუღლესა და შინაურ ცხოველთან ერთად. ყოფილი პრემიერს მედიასთან კომენტარი არ გაუკეთებია.

უცნობია, რა დეტალებზე ისაუბრეს პატრიარქთან ვიცეპრემიერებმა, რომლებიც გამოსვლის შემდეგ ირწმუნებოდნენ, რომ მხოლოდ უწმინდესის ჯანმრთელობის მდგომარეობის გასაგებად იყვნენ საპატრიარქოსი მისულები. ინტერვიუდან სამ დღეში კი ახალმა ვიცეპრემიერმა აღიარა, რომ საპატრიარქოში მხოლოდ უწმინდესის ჯანმრთელობის მდგომაროების გასაგებად არ ყოფილა მოსული.

საპატრიარქოში მიმდინარე მოვლენებზე ღიად საუბრობს უფლებადამცველი, ნანა კაკაბაძე, რომელიც პატრიარქთანაც კი იმყოფებოდა. მოგვიანებით კი მან პრესკონფერენციაც მოაწყო და სინოდის გადაწყვეტილებების შესახებ მედიას ესაუბრა.

პრეზიდენტის აზრით, დარღვევაა, როდესაც ხელისუფლების წარმომადგენლები და საპარლამენტო უმრავლესობის წევრები გამოძიების დეტალებს ფლობენ და ამ თემაზე ღიად საუბრობენ მაშინ, როდესაც ბრალდებულის მხარეს მსგავსი შესაძლებლობა არ ეძლევა.

არაჯანსაღად მიმდინარე პროცესებზე საუბრობს სახალხო დამცველი. ბრალდებულის მხარის მიმართ განხორციელებულ შეზღუდვასა და საქმესთან დაკავშირებით ხელისუფლების ინფორმირებულობაზე არასამთავრობო ორგანიზაციებიც მიუთითებენ.

ოპოზიცია ხელისუფლების მხრიდან გამოძიების პროცესში უხეშ ჩარევასა და პროცესების მართვაზე საუბრობს.

 

 

 

]]>
25-02-2017 21:17 +0400
პროგრამა "საავტორო და მომიჯნავე უფლებები საქართველოში" საზოგადოების ცნობიერების ამაღლებას ემსახურება http://rustavi2.com/ka/news/68971

საქართველოს საავტორო უფლებათა ასოციაციამ იურისტი სტუდენტებისთვის ახალი ინიციატივა წამოიწყო. პროგრამა სახელწოდებით საავტორო და მომიჯნავე უფლებები საქართველოში მიზნად ისახავს ამ სფეროში საზოგადოების ცნობიერების ამაღლებას და პროფესიული საზოგადოების ჩართულობის ზრდას.

პირველ სამუშაო შეხვედრას თბილისის რამდენიმე უნივერსიტეტის იურიდიული ფაკულტეტის 30-მდე ბაკალავრი და მაგისტრანტი დაესწრო.

ღონისძიებაზე საავტორო და მომიჯნავე უფლებების შესახებ საერთაშორისო და ადგილობრივი კანონმდებლობა განიხილეს.

]]>
25-02-2017 18:29 +0400
სენაკის მოსახლეობა ცენტრალურ პარკის ტერიტორიის გასხვისებას აპროტესტებს http://rustavi2.com/ka/news/68965

სენაკში მოსახლეობა ცენტრალურ პარკის ტერიტორიის გასხვისებას აპროტესტებს. ორგანიზაცია სამოქალაქო საზოგადოების ინფორმაციით, გამგეობამ 50 კვადრატული მეტრის ფართობი აუდიტის სამსახურის უფროსის მეუღლეზე 30-წლიანი სარგებლობის უფლებით გადააფორმა.

ამ ეტაპზე პარკში კლინიკის გახსნაა დაგეგმილი. ორგანიზაცია ადგილობრივ ხელისუფლებას კორუფციაში ადანაშაულებს და რეკრეაციულ ზონაში ტერიტორიის გადაცემას აუდიტის სამსახურის გაჩუმების სავარაუდო მცდელობას უკავშირებს.

სამოქალაქო საზოგადოებამ სასამართლოს სარჩელით მიმართა. დავაში მოსარჩელის ინტერესებს ახალგაზრდა იურისტთა ასოციაცია იცავს. 

]]>
25-02-2017 18:28 +0400
პარლამენტში აშშ-ის კონგრესმენებთან შეხვედრაზე საქართველოს წინაშე არსებულ გამოწვევებზე იმსჯელეს http://rustavi2.com/ka/news/68970

საქართველოს პარლამენტში აშშ-ის კონგრესის წარმომადგენლებთან რუსეთის მხრიან საქართველოს ტერიტორიების ოკუპაციაზე იმსჯელეს. შეხვედრები საგარეო საქმეთა, ევროპასთან ინტეგრაციის, თავდაცვისა და უშიშროების, საპროცედურო და საფინანსო საბიუჯეტო კომიტეტებში გაიმართა.

პარლამენტის ევროპასთან ინტეგრაციის კომიტეტის თავმჯდომარე, თამარ ხულორდავა, კონგრესმენების მხრიდან პოზიტიურ გზავნილებზე საუბრობს.

„დღევანდელი შეხვედრის მიზანი გახლავთ სწორედ ის, რომ ჩვენ ვისაუბროთ საერთო ინტერესებზე და ჩვენი საერთო ინტერესი არის საპარლამენტო ხელისუფლების გაძლიერება, პარლამენტთა შორის თანამშრომლობის გაძლიერება და საქართველოს პარლამენტში საზედამხედველო ფუნქციის გაძლიერება,“ - განაცხადა თამარ ხულორდავამ.

ფრაქცია ნაციონალური მოძრაობის თავმჯდომარე, რომან გოცირიძე, აღნიშნავს, რომ კონგრესმენებთან მთავრობის მიერ ბოლო პერიოდში განხორციელებულ ქმედებების საშიშროებაზე ისაუბრეს.

„საუბარი გვქონდა, თუნდაც, იგივე მოსმენების კანონთან დაკავშირებით, თუ როგორ ცდილობს ხელისუფლება ნელ-ნელა უზურპაციას ჩვენი ცხოვრების ყველა სფეროსი. ვისაუბრეთ რუსთავი2-ზე, საზოგადოებრივ მაუწყებელზე, ვისაუბრეთ ყველა იმ საჭირბოროტო საკითხზე, რომელშიც საქართველოშია,“ - განაცხადა რომან გოცირიძემ.

კონგრესმენებმა საქართველოს სუვერენიტეტისა და ევროატლანტიკური არჩევანისადმი მხარდაჭერა კიდევ ერთხელ გამოხატეს.

]]>
25-02-2017 18:21 +0400
ვმუშაობთ იმისთვის, რომ მისი გათავისუფლება მოხერხდეს უმოკლეს ვადებში - ქეთევან ციხელაშვილი გორის რაიონიდან გატაცებული მოქალაქის შესახებ http://rustavi2.com/ka/news/68969

შერიგების საკითხებში სახელმწიფო მინისტრი საქართველოს საოკუპაციო ხაზიდან გატაცებული მოქალაქის საკითხს გამოეხმაურა. ქეთევან ციხელაშვილის თქმით, გორის რაიონში მცხოვრები მოქალაქის გასათავისუფლებლად ცხელი ხაზი ამოქმედდა.

„უკვე ამოქმედებული გახლავთ ცხელი ხაზი, რომელიც ანალოგიურ შემთხვევებში ერთვება ხოლმე, რომ პირის ადგილსამყოფელი დადასტურდეს. ახლა ჩვენ ვმუშაობთ იმისთვის, რომ მისი გათავისუფლება მოხერხდეს უმოკლეს ვადებში,“ - განაცხადა ქეთევან ციხელაშვილმა.

გორის რაიონის სოფელ კოშკაში 69 წლის ამირან გუგუტიშვილი საკუთარ ბაღში შეშის მოსატანად იყო წასული, როდესაც რუსეთის საოკუპაციო ძალებმა აიყვანეს.

სოფელ კოშკას მცხოვრებლები ვარაუდობენ, რომ ამირან გუგუტიშვილი კვლავ საზღვრის უკანონოდ გადაკვეთის ბრალდებით დააკავეს.  

]]>
25-02-2017 18:19 +0400
ოკუპაციის დღესთან დაკავშირებით მეტროსადგურ რუსთაველში გამოფენა გაიხსნა http://rustavi2.com/ka/news/68964

ოკუპაციის დღესთან დაკავშირებით მეტროსადგურ რუსთაველში გამოფენა გაიხსნა. ფოტოები საქართველოს პირველი რესპუბლიკისა და მისი დამცველების ისტორიას ასახავს.

ღონისძიება მოძრაობა თავისუფლებისთვის - ევროპული საქართველოს ორგანიზებით მოეწყო.

გამოფენას პარტიის ლიდერებიც დაესწრნენ და ბროშურები დაარიგეს, სადაც რუსეთის იმპერიის წინააღმდეგ საქართველოს 200-წლიანი ბრძოლის ქრონოლოგიაა აღბეჭდილი. 

]]>
25-02-2017 18:15 +0400
აშშ-ის კონგრესმენებმა საპარლამენტო უმცირესობასთან რუსთავი2-ის საქმეზე ისაუბრეს http://rustavi2.com/ka/news/68963

ამერიკელი კონგრესმენები საპარლამენტო უმცირესობას შეხვდნენ. საუბრის ძირითადი თემა საქართველოში მედია პლურალიზმის კუთხით არსებული ვითარება და რუსთავი2-ის საქმე იყო.

უმცირესობის ინფორმაციით, ამერიკელ კონგრესმენებს შექმნილ მდგომარეობასთან დაკავშირებით კითხვები აქვთ.

საპარლამენტო უმცირესობის ლიდერი, ფრაქცია მოძრაობა თავისუფლებისთვის - ევროპული საქართველოს წევრი, დავით ბაქრაძე, აშშ-ის მხრიდან ქვეყნის დემოკრატიულ მდგომარეობასთან დაკავშირებულ კითხვებზე საუბრობს.

„ჩვენ გვქონდა ძალიან დეტალური საუბარი რუსთავი2-ის საქმეზე და ნამდვილად ვერ დაგიდასტურებთ, რომ კონგრესმენებს არ გააჩნიათ შეკითხვები ან კრიტიკა. პირიქით, მათ გააჩნიათ, შეკითხვებიც და გააჩნდათ ძალიან მკაფიოდ ჩამოყალიბებული პოზიციაც, რომელიც ნამდვილად არ იქნება მთავრობისთვის სასიამოვნო მოსასმენი რუსთავი2-ის შემთხვევასთან დაკავშირებით,“ - განაცხადა დავით ბაქრაძემ.

საპარლამენტო უმცირესობის ლიდერის მოადგილე, ფრაქცია ევროპული საქართველოს წევრი, გიგა ბოკერია, აცხადებს, რომ კონგრესმენებთან ქვეყანის წინაშე არსებულ მთავარ გამოწვევებზე ისაუბრეს.

]]>
25-02-2017 15:38 +0400
პრეზიდენტმა უშიშროების საბჭოს ეროვნული უსაფრთხოების საკითხებზე ფართო საზოგადოებრივი დისკუსიის მოწყობაა დაავალა http://rustavi2.com/ka/news/68962

საქართველოს პრეზიდენტმა უშიშროების საბჭოს აპარატს ეროვნული უსაფრთხოების საკითხებზე ფართო საზოგადოებრივი დისკუსიის მოწყობაა დაავალა. საჯარო განხილვებში ყველა საზოგადოებრივი ფენა უნდა ჩაერთოს.

ქვეყნის მთავარსარდალმა განცხადება პრეზიდენტის სასახლეში გააკეთა.

„შეიარაღებული ძალები არ არის მხოლოდ ქვეყნის თავდაცვის ერთადერთი ფორმა, არამედ ყველა საზოგადოებრივ-პოლიტიკური ინსტიტუტი უნდა იყოს თანხმობაში იმასთან დაკავშირებით, თუ როგორ დავიცვათ ჩვენი ქვეყანა, მათ შორის შეირაღებული ძალები ამ ერთიანი მხარდაჭერის, ერთიანი გაერთიანებული საზოგადოების მხარდაჭერის ფონზე მოქმედებენ, მაშინ არის მათი მოქმედება ეფექტური და შედეგიანი. შესაბამისად, დისკუსია, რომელსაც ჩვენ ვიწყებთ, რომლის ფარგლებშიც ჩვენ შევეცდებით, ერთმანეთს გავუზიაროთ, რანაირად როგორ იქნას გაერთიანებული საზოგადოებრივ-პოლიტიკური შეიარაღებული რესურსი ერთიან, მდგრად სისტემაში, რომელიც ნებისმიერ მტერს აფიქრებინებს, ღირს თუ არა საქართველოს წინააღმდეგ ნაბიჯების გადადგმა, არის ის, თუ რის გამოც მე მოგიწვიეთ სასაუბროდ და სასაუბროდ,“- განაცხადა გიორგი მარგველაშვილმა.

საქართველოს პრეზიდენტის თანაშემწის უშიშროების საკითხებში, ეროვნული უშიშროების საბჭოს მდივნის, დავით რაქვიაშვილის, თქმით, მათი ამოცანაა საქართველოში, ყველა რეგიონში უსაფრთხოების შეგრძნებების ჰქონდეთ ინფორმაცია.

ეროვნული უსაფრთხოების საკითხებში დისკუსიებში აქტიურად იქნებიან ჩართულები საექსპერტო წრეების წარმომადგენლები. მათი თქმით, მნიშვნელოვანია თითოეულ მოქალაქემდე ზუსტი გზავნილი მივიდეს, თუ როგორ აპირებს ხელისუფლება, პრეზიდენტი ქვეყნის უსაფრთხოების დაცვას და რა უნდა გააკეთონ მოქალაქეებმა.

 

 

 

 

 

]]>
25-02-2017 15:27 +0400
რუსეთის საოკუპაციო ძალებმა გორის რაიონიდან კიდევ ერთი მოქალაქე გაიტაცეს http://rustavi2.com/ka/news/68961

საოკუპაციო ხაზთან საქართველოს კიდევ ერთი მოქალაქე გაიტაცეს. შემთხვევა გორის რაიონის სოფელ კოშკაში მოხდა.

ადგილობრივები ყვებიან, რომ 69 წლის ამირან გუგუტიშვილი საკუთარ ბაღში შეშის მოსატანად იყო წასული, როდესაც რუსეთის საოკუპაციო ძალებმა აიყვანეს.

სოფელ კოშკას მცხოვრებლები ვარაუდობენ, რომ ამირან გუგუტიშვილი კვლავ საზღვრის უკანონოდ გადაკვეთის ბრალდებით დააკავეს.

]]>
25-02-2017 15:23 +0400
ევროპული საქართველოს წევრებმა დამოუკიდებლობისთვის ბრძოლაში დაღუპულ გმირთა ხსოვნას პატივი მიაგეს http://rustavi2.com/ka/news/68960

კოჯორი-ტაბახმელას გზაზე არსებულ სანგრებთან, რომლითაც 1921 წელს იუნკერები სარგებლობდნენ, მოძრაობა თავისუფლებისთვის - ევროპული საქართველოს ლიდერებმა პატივი მიაგეს.  

პარტიის გენერალური მდივნის, გიგი უგულავას, თქმით, საერთაშორისო უსაფრთხოების გამო ქვეყანას დამოუკიდებლობის დაცვისა და განვითარების შესაძლებლობა აქვს.

„დღევანდელი დღე არის, პირველ რიგში, თითოეული ჩვენგანისთვის, მთელი საზოგადოებისთვის შეხსენება, რომ თავისუფლებას და დამოუკიდებლობას დღესაც სჭირდება დაცვა,“ - განაცხადა გიგი უგულავამ.

 

 

ავტორი: თამთა დოლენჯაშვილი

]]>
25-02-2017 15:18 +0400
ნაციონალური მოძრაობის ლიდერები საბჭოთა ოკუპაციის მუზეუმს ეწვივნენ http://rustavi2.com/ka/news/68954

ნაციონალური მოძრაობის ლიდერები საბჭოთა ოკუპაციის მუზეუმში იმყოფებოდნენ. პარტიის წევრების განცხადებით, დაწესებულებას ახალი დოკუმენტები უნდა შეემატოს, რაც საგანმანათლებლო ექსპოზიციაში 2008 წლის ომის მოვლენებსაც ასახავს.

ნაციონალური მოძრაობის პოლიტსაბჭოს წევრებმა დეოკუპაციის პოლიტიკის მნიშვნელობაზე ისაუბრეს.

„აქ დღე და ღამე უნდა იყვნენ ბავშვები, ახალგაზრდები იმისთვის, რომ ნახონ რეალურად რა სჭირდა ჩვენს ქვეყანას და რა კონფლიქტში არის ის დღეს საკუთარი თავისუფლებისთვის,“ - განაცხადა ნიკა რურუამ.

ერთიანი ნაციონალური მოძრაობისპოლიტიკური საბჭოს წევრი, ხათუნა ოჩიაური, აცხადებს, დეოკუპაციის დასაწყისი იქნება, როდესაც ყველა შეთანხმდება, რომ სწორედ ოკუპაციაა ქვეყანაში არსებული პრობლემების საწყისი. 

ოკუპაციის მუზეუმი 2005 წელს დაარსდა.

]]>
25-02-2017 15:17 +0400
პრეზიდენტის ინიციატივით, კოჯრის ტყეში იმ ტერიტორიაზე, სადაც იუნკერების სანგრები მდებარეობდა, ტურისტული ზონა მოეწყობა http://rustavi2.com/ka/news/68957

დამოუკიდებლობისთვის ბრძოლაში დაღუპულ გმირთა ხსოვნას დღის მთელი დღის განმავლობაში პატივს მიაგებენ ტაბახმელაში, სადაც იუნკერთა მემორიალთან ხელისუფლებისა და ოპოზიციური პოლიტიკური პარტიების წარმომადგენლებს ყვავილები მიაქვთ.

პრეზიდენტმა მემორიალთან ახალი ინიციატივაც გაახმაურა, რის მიხედვითაც, პრეზიდენტის ფონდიდან გამოიყო თანხა, რომელიც კოჯრის ტყეში იმ ტერიტორიის აღდგენასა და ტურისტულ ზონად მოწყობას მოხმარდება, სადაც იუნკერების სანგრები მდებარეობდა.

პრემიერმინისტრ გიორგი კვირიკაშვილის განცხადებით, ქვეყნის წინაშე ამჟამინდელი გამოწვევა საქართველოს ევროპული მომავლის მშენებლობაა.  

თავდაცვის მინისტრმა, ლევან იზორიამ, აღნიშნა, რომ მომდევნო წლებში მუზეუმი შეიქმნება, სადაც თავს მოიყრის ყველა ექსპონატი.

პარლამენტის თავმჯდომარის, ირაკლი კობახიძის, თქმით, ოკუპაცია ქვეყნის უმთავრეს პრობლემას წარმოადგენს.

თბილისის მერმა დავით ნარმანიამ აღნიშნა, რომ ტურისტებისთვის საკმაოდ მიმზიდველი იქნება ამ ადგილის დათვალიერება. 

 

 

ავტორი: თამთა დოლენჯაშვილი

]]>
25-02-2017 15:14 +0400
ენგურის ხიდთან საბჭოთა ოკუპაციის დღესთან დაკავშირებით საპროტესტო აქცია გაიმართა http://rustavi2.com/ka/news/68947

საბჭოთა ოკუპაციის დღესთან დაკავშირებით საპროტესტო აქცია გაიმართა ენგურის ხიდზე. ნაციონალური მოძრაობის ზუგდიდის ორგანიზაციის წევრებმა პატივი მიაგეს 1921 წელს გმირულად დაღუპული მოქალაქეების ხსოვნას.

ენგურის ხიდთან შეკრებილებმა რუსეთის მხრიდან მიმდინარე ოკუპაციაც დაგმეს. აქციის მონაწილეების განცხადებით, 2008 წელს კრემლის მხრიდან ქვეყნის სრული ოკუპირების მცდელობა საერთაშორისო თანამეგობრობის მხარდაჭერის შედეგად ჩავარდა, თუმცა პროცესები კვლავ მიმდინარეობს.

„ერთმანეთთან ვდებთ პირობას, რომ ყველაფერს გავაკეთებთ იმისთვის, რომ ის ტერიტორია, რომელსაც დღეს ცრემლიანი გაჰყურებს ყოველი ქართველი, დავუბრუნოთ ხელახლა ჩვენს ქვეყანას,“ - განაცხადა ენმ-ს წევრმა, მაია კალანდიამ.  

]]>
25-02-2017 12:23 +0400
ამერიკელი კონგრესმენების ვიზიტი თბილისში - დეპუტატები პარლამენტის თავმჯდომარეს შეხვდნენ http://rustavi2.com/ka/news/68946

ამერიკელი კონგრესმენების ვიზიტი თბილისში. დეპუტატები პარლამენტის თავმჯდომარეს შეხვდნენ და ამ წუთებში შეხვედრას უმცირესობის წევრებთან მართავენ. კონგრესმენებს კომიტეტებშიც ელოდებიან.

ამერიკელმა კონგრესმენებმა გადაუხადეს მადლობა საქართველოს სამშვიდობო ოპერაციის მონაწილეობაში.

"აქ ვიმყოფებით, რომ ძალიან ნათელი გზავნილი გავაძლიეროთ, ეს არის ორპარტიულ საფუძველზე შეერთებული შტატების კონგრესის ერთგულება საქართველოს ტერიტორიული მთლიანობისა და სუვერენიტეტის მიმართ. ჩვენ ვაღიარებთ, რომ არსებობს ზეწოლა ავტორიტარული რეჟიმებისგან და ამ ფონზე მნიშვნელოვანია გადაწყვეტილები, რომელსაც საქართველო იღებს, რომ წინ წაიწიოს და დემოკრატიული პრინციპები შეინარჩუნოს, ასევე გააგრძელოს დასავლურ დემოკრატიასთან ინტეგრაცია,“ - განაცხადა აშშ-ის კონგრესმენმა, პიტერ როსკამმა.

საქართველოს პარლამენტის თავმჯდომარის თქმით, შეხვედრაზე საქართველოში მიმდინარე რეფორმები განიხილეს.

„ჩვენ განვიხილეთ საქართველოში მიმდინარე რეფორმები, რომელთა მიზანია ქვეყნის განვითარება, დემოკრატიული ინსტიტუტების გაძლიერება, ასევე ეკონომიკისა გაძლიერება, კანონის უზენაესობის კიდევ უფრო გამყარება და პოლიტიკური სისტემის კონსოლიდაცია,“ - განაცხადა ირაკლი კობახიძემ.

 

 

ავტორი: სოფო ვარდიაშვილი 

]]>
25-02-2017 12:21 +0400
გირჩი სამართალდამცველებს ბიონარკოტიკების ინტერნეტით შეძენის შესაძლო მფარველობაში ადანაშაულებს http://rustavi2.com/ka/news/68942

ბიონარკოტიკის შეძენის ექსპერტიმენტთან დაკავშირებით გირჩის დამფუძნებელი, ზურა ჯაფარიძე, პოლიციის განყოფილებაში დაკითხვაზე იმყოფებოდა.

პოლიტიკური ცენტრის წევრებმა გუშინ ოფისში პოლიცია გამოიძახეს და ინტერნეტით ნაყიდი ნარკოტიკი გადასცეს. გირჩი სამართალდამცველებს ბიონარკოტიკების ინტერნეტით შეძენის შესაძლო მფარველობაში ადანაშაულებს.

]]>
25-02-2017 12:17 +0400
იუნკერების მემორიალი ერთიანი ნაციონალური მოძრაობის წარმომადგენლებმა გვირგვინით შეამკეს http://rustavi2.com/ka/news/68945

იუნკერების მემორიალი გვირგვინით გვიან ღამით ერთიანი ნაციონალური მოძრაობის წარმომადგენლებმა შეამკეს. პოლიტიკოსებმა პარტიის მხარდამჭერებთან ერთად ქვეყნისთვის დაღუპული გმირების ხსოვნას წუთიერი დუმილით პატივი მიაგეს.

ნაციონალური მოძრაობის ლიდერების განცხადებით, სრულყოფილი დემოკრატიული და ევროპული სახელმწიფოს შექმნისთვის საქართველო ბოლომდე იბრძოლებს.

„ჩვენი მტერი დღესაც იგივე მეთოდებით იბრძვის, როდესაც ჩვენი სამშობლოს თავისუფლებისთვის მებრძოლ ადამიანებს არქმევს დამნაშავეებს, არქმევს მკვლელებს, მათ სვამს ციხეში, მათ ხოცავს,“ - განაცხადა ზაზა ბიბილაშვილმა.

ერთიანი ნაციონალური მოძრაობის პოლიტიკური საბჭოს წევრის, ნიკა რურუას, თქმით, დაღუპულმა გმირებმა უბრძოლველად არ დათმეს საკუთარი ქვეყნის თავისუფლება.

„ყველას უნდა გვახსოვდეს, რომ ის ბრძოლა, რომელშიც დაიღუპნენ, მაშინ საუკეთესო ნაწილი საქართველოსი, ეს ბრძოლა გრძელდება. მათ აჩვენეს ნამდვილი გმირობა,“ - განაცხადა ნიკა რურუამ. 

]]>
25-02-2017 12:17 +0400
პრეზიდენტმა და თავდაცვის მინისტრმა იუნკერთა მემორიალი გვირგვინით შეამკეს http://rustavi2.com/ka/news/68943

საქართველოს დამოუკიდებლობისთვის ბრძოლაში გმირულად დაღუპულ იუნკერთა მემორიალი გვირგვინით შეამკო დღეს გიორგი მარგველაშვილმა. უმაღლესი მთავარსარდლის გარდა, ტაბახმელაში იმყოფებოდნენ თავდაცვის მინისტრი და თბილისის მერი.

პრეზიდენტმა მემორიალთან გაკეთებული განცხადებისას ახალი ინიციატივაც გაახმაურა. პრეზიდენტის ფონდიდან გამოიყო თანხა, რომელიც კოჯრის ტყეში იმ ტერიტორიის აღდგენასა და ტურისტულ ზონად მოწყობას მოხმარდება, სადაც იუნკერების სანგრები მდებარეობდა. გიორგი მარგველაშვილის განცხადებით, სამუშაოები უახლოეს დღეებში დაიწყება.

„ჩვენ ვაპირებთ, რომ შემაღლებებზე, სადაც იყო სანგრები და, სადაც ჩვენი სახელოვანი მამულიშვილები იცავდნენ დედაქალაქს, გავაკეთოთ, აღვადგინოთ ნაწილი ამ სანგრების იმიტომ, რომ ახალგაზრდებმა, ტურისტებმა, ჩვენ ყველამ ვნახოთ ადგილები კონკრეტულად, სადაც იბრძოდნენ და თავს სწირავდნენ ჩვენი ქვეყნის დამცველები,“ - განაცხადა გიორგი მარგველაშვილმა.

თავდაცვის მინისტრმა, ლევან იზორიამ, აღნიშნა, რომ მომდევნო წლებში მუზეუმი შეიქმნება, სადაც თავს მოიყრის ყველა ექსპონატი.

]]>
25-02-2017 12:10 +0400
მამა გიორგი მამალაძის ადვოკატები სასულიერო პირზე ზეწოლის განხორციელებას არ გამორიცხავენ http://rustavi2.com/ka/news/68941

მამა  გიორგი მამალაძის ადვოკატი, გიორგი ფანცულაია, პროკურატურის მიერ ე.წ. მატროსოვის ციხიდან სასულიერო პირის დაკითხვის გარეშე წამოსვლას აკრიტიკებს. მისი თქმით, არანაირი ნორმების დარღვევა არ მოხდებოდა.

ადვოკატ გიორგი ფანცულაიას თქმით, მამა გიორგი მამალაძე შესაძლოა, ორშაბათსაც არ დაკითხონ.  

„გვაქვს საფუძვლიანი ვარაუდი, ეჭვი იმისა, რომ მამა გიორგი მამალაძის მიერ მისაწოდებელი ინფორმაცია შესაძლებელია იმდენად მნიშვნელოვანი იყოს, ამ შაბათ-კვირას, როცა ჩვენ დაცვის მხარე ვერ მოვახერხებთ მასთან შესვლას და მის უსაფრთხოებას ჩვენი თვალით ნახვას, რაიმე სახის ფსიქოლოგიური ან რაიმე სახის ზეწოლა მოხდეს,“ - განაცხადა გიორგი ფანცულაიამ.

ადვოკატი მიხეილ რამიშვილი მოუწოდებს სამართალდამცავ ორგანოებს, რომ მამა გიორგი მამალაძის ოჯახის უსაფრთხოება დაიცვან. 

]]>
25-02-2017 12:05 +0400
არასათანადო მოპყრობის ფაქტები საქართველო-ისრაელის საზღვარზე და ხელისუფლების რეაგირება მომხდარ ინციდენტებზე http://rustavi2.com/ka/news/68926

ისრაელთან უვიზო მიმოსვლის მიუხედავად საქართველოს მოქალაქეებისთვის ქვეყანაში შესვლა ბოლო პერიოდში პრობლემა გახდა. ხელისუფლების განმარტებით, მსგავსი ინციდენტების მოსაგვარებლად ისრაელთან მუშაობა მიმდინარეობს.

საქართველოს მოქალაქეების საჩივრები საგარეო საქმეთა სამინიტროს ადვოკატთა დამოუკიდებელი პროფკავშირების თავმჯდომარემ გაუგზავნა და არასათანადოდ მოპყრობის ფაქტებზე რეაგირება მოსთხოვა.

ისრაელის სახლის დამფუძნებელი, იცი მოშე ფიქრობს, რომ საკითხში გარკვევამდე 100 დღის განმავლობაში ისრაელსა და საქართველოს შორის უვიზო მიმოსვლა უნდა შეწყდეს.

საქართველოსა და ისრაელის მთავრობაში კი ამბობს, რომ კერძო პირის ინიციატივის განხილვას არ აპირებენ და საკითხს მოსაგვარებლად ორმხრივად მუშაობენ.

პრობლემის მოგვარების აუცილებლობაზე საუბრობენ ტურისტული კომპანიებიც. მათ განცხადებით, ბოლო რამდენიმე თვის განმავლობაში საზღვარზე საქართველოს მოქალაქეების არშეშვების ფაქტები გახშირდა.

უვიზო მისვლა ისრაელთან 2014 წლიდან მოქმედებს.

ავტორი: სოფო ზურაბიანი.

]]>
24-02-2017 21:53 +0400
ევროსასამართლოს მოსამართლეობის მსურველებისთვის განაცხადების მიღება დღეიდან დაიწყო http://rustavi2.com/ka/news/68928

ევროსასამართლოში მოსამართლეობის მსურველთა განაცხადების მიღება დაწყებულია. ასევე ნაწილობრივ გასაჯაროვდა შესარჩევი კომისიის შემადგენლობაც. პარალელურად, სტრასბურგის სასამართლოს მიერ, დაწუნებული მოსამართლე ხელისუფლებას რეკომენდაციებით მიმართავს.

ევროსასამართლოს მოსამართლეობის ყოფილი კანდიდატის  ევა გოცირიძის განცხადებით, შერჩევის ხელახალმა პროცესმა დაინტერესებულ პირებს სპეკულაციების მიზეზი აღარ უნდა მისცეს.

ევა გოცირიძის ღია წერილს დღეს მიმართვის ერთ-ერთი ადრესატი, იუსტიციის მინისტრი გამოეხმაურა. თეა წულუკიანი აცხადებს, რომ მოსამართლეობის კანდიდატების შერჩევის პროცესში ევროსაბჭოს წარმომადგენლები ვერ ჩაერთვებიან. მისი თქმით, ამ შეთავაზებაზე ევროპული მხარისგან უარი უკვე მიიღეს. მეტი ინკლუზიურობისთვის კი, წულუკიანის განცხადებით, შესარჩევი კომისია ფართოვდება.

მეორე მცდელობის შედეგში დარწმუნებულია მმართველი გუნდის ნაწილი. პოლიტიკური ოპონენტები კი ვარაუდობენ, რომ შესარჩევი კომისიის თავმჯდომარე პოლიტიკურად მისაღები კანდიდატურების გაყვანას შეეცდება.

 

]]>
24-02-2017 21:45 +0400
ბოთლის სროლა და დაპირისპირება - ნაზღაიძის ოჯახისთვის ქონების გადაცემის საკითხის ხმაურიანი განხილვა საკრებულოში http://rustavi2.com/ka/news/68925

მოსამართლე ნაზღაიძისთვის გადაცემული მილიონიანი ქონების დედაქალაქისთვის დაბრუნების შესახებ ინიციატივა თბილისის საკრებულოს უმრავლესობამ ჩააგდო, რასაც კამათი მოჰყვა. ბოლო დაპირისპირება საკრებულოში სხდომის დასრულებამდე ნახევარი საათით ადრე დაიწყო. საკრებულოს უმრავლესობამ მოსამართლე ნაზღაიძის ოჯახისთვის ქონების გადაცემის საკითხის პოლიტიზირებაში ოპოზიციასთან ერთად რუსთავი 2-ც დაადანაშაულა.

სიტუაცია განსაკუთრებით იმ დროს, დაიძაბა როდესაც უმრავლესობის წევრმა ოპონენტს დარბაზში ბოთლი ესროლა. უმრავლესობის დეპუტატმა ნაციონალური მოძრაობის წევრს საპასუხოდ ბოთლი მას შემდეგ ესროლა, რაც ირაკლი ნადირაძემ მმართველი გუნდი ივანიშვილის ინტერესების გატარებაში დაადანაშაულა.

სიტყვიერი დაპირისპირება საკითხის იმ ნაწილის განხილვასაც მოჰყვა, რომლის მიხედვითაც ოპოზიცია საქმეში საქართველოს ბანკის მონაწილეობას ამტკიცებს.

ოპოზიციის წინააღმდეგობის მიუხედავად უმრავლესობამ ნაზღაიძისთვის ქონების გადაცემის შესახებ მომზადებული 23 დეკემბრის განკარგულება არ გააუქმა. უმრავლესობამ არც კომპენსაციის გაცემის წესში ცვლილებები დაამტკიცა, რომლითაც დახმარების მიღმა დარჩენილი 13 ოჯახი ისარგებლებდა. დღევანდელ განხილვას არც დავით ნარმანია და არც მერიის სხვა რომელიმე წარმომადგენელი ესწრებოდა. სხდომათა დარბაზში კი მერიის უსაფრთხოების სამსახურის თანამშრომლების უპრეცედენტოდ დიდი რაოდენობა იყო მობილიზებული.

]]>
24-02-2017 21:40 +0400
ე.წ ფარული მოსმენების კანონის მიღების შემდეგ უმრავლესობა პრეზიდენტის ვეტოს ელოდება http://rustavi2.com/ka/news/68923

ე.წ ფარული მოსმენების კანონის მიღების შემდეგ უმრავლესობა ისევ პრეზიდენტის ვეტოს ელოდება. გიორგი მარგველაშვილს გადაწყვეტილება ჯერ არ გამოუცხადებია, თუმცა ცნობილია, რომ ის მოსმენების გასაღების ძალოვან უწყებაში დატოვებას არ ეთანხმება. სახელმწიფოს მეთაური ამ თემაზე კონსულტაციებს დღეს სახალხო დამცველთან მართავდა. ვეტოს მომხრეა ოპოზიციაც, რომელიც ვარაუდობს, რომ დავა უმრავლესობის მიერ ინიცირებულ კანონპროექტთან დაკავშირებით საკონსტიტუციო სასამართლოში გაგრძელდება.

კონკრეტულად კიდევ რა შენიშვნები აქვს პრეზიდენტის სავარაუდოდ ეს მომავალ კვირაში გაირკვევა. ადმინისტრაციაში მიაჩნიათ, რომ მმართველი გუნდის მოდელი საკონსტიტუციო სასამართლოს გადაწყვეტილებას ეწინააღმდეგება.

პრეზიდენტს მოსმენების კანონპროექტს საკანონმდებლო ორგანო მომავალ კვირაში გადაუგზავნის. გიორგი მარგველაშვილს დოკუმენტის ხელმოსაწერად 10 დღიანი ვადა აქვს.

 

]]>
24-02-2017 21:35 +0400
84 მომხრე 5 წინააღმდეგი - ფარული მოსმენების შესახებ კანონპროექტი მეორე მოსმენით მიღებულია http://rustavi2.com/ka/news/68921

84 5-ის წინააღმდეგ - პარლამენტმა კანონი ფარული საგამოძიებო საქმიანობის შესახებ მეორე მოსმენით მიიღო. კენჭისყრას პლენარულ სხდომაზე საპარლამენტო უმცირესობა არ დასწრებია, ევროპულმა საქართველომ პროტესტის ნიშნად დარბაზი ჯერ კიდევ განხილვის დაწყებამდე დატოვა. ოპოზიცია პარლამენტის თავმჯდომარის იმ გადაწყვეტილებას არ დაეთანხმა, რომლის მიხედვითაც, კანონპროექტის განხილვა დაჩქარებულ რეჟიმში უნდა წარმართულიყო.

პარლამენტის თავმჯდომარემ საკუთარი გადაწყვეტილება იმ პროცედურული ომის განეიტრალებით ახსნა, რომელიც, მისი თქმით, უმცირესობამ მოსმენების შესახებ კანონის განხილვისას წამოიწყო.

ნაციონალური მოძრაობის წევრების შეფასებით, ცვლილებები ქვეყანაში უკანონო მოსმენების პრევენციას არ უზრუნველყოფს.

კანონპროექტს მხარი არც პატრიოტთა ალიანსმა დაუჭირა.

უმრავლესობის დეპუტატების მიერ მომზადებული ცვლილებების მხარდაჭერამდე დღეს მმართველმა გუნდმა კენჭისყრისას ევროპული საქართველოს ალტერნატიული ვერსია ჩააგდო.

ფარული საგამოძიებო საქმიანობის შესახებ კანონში შესატან ცვლილებებს პარლამენტი მესამე მოსმენით სავარაუდოდ მომდევნო კვირაში, რიგგარეშე სხდომაზე განიხილავს. კანონი საკონსტიტუციო სასამართლოს გადაწყვეტილებით 31 მარტს უკვე ძალაში უნდა იყოს შესული.

ავტორები: თეონა ცხომელიძე, ნინო სამყურაშვილი.  

 

 

 

]]>
24-02-2017 21:27 +0400
ე.წ. ციანიდის საქმე - მთავრობაში არ უარყოფენ რომ პატრიარქს ინფორმაცია გამოძიებაზე მათ მიაწოდეს http://rustavi2.com/ka/news/68920

ვიცე-პრემიერი, ალექსანდრე ჯეჯელავა ჯერ კიდევ სამშაბათს, საპატრიარქოდან გამოსვლის შემდეგ აცხადებდა, რომ ე.წ. ციანიდის საქმე პატრიარქთან არ განხილულა და ამ თემაზე ილია მეორესთან არავის უსაუბრია. მისი დღევანდელი განცხადებიდან კი ირკვევა, რომ საქმე არა თუ განიხილეს, პატრიარქს და მის გარემოცვას გამოძიების შესახებ ინფორმაციაც სწორედ მან და კახი კალაძემ მიაწოდეს.

სამი დღის წინ საპატრიარქოში გამართული შეხვედრის შემდეგ ალექსანდრე ჯეჯელავაც და კახი კალაძეც ამტკიცებდნენ, რომ მათი ერთადერთი მიზანი, ისევე როგორც მთავარი პროკურორის, პატრიარქის მონახულება იყო.

მთავრობის წევრების მიერ გამოძიების შესახებ პატრიარქის ინფორმირებას არც საპარლამენტო უმრავლესობაში უარყოფენ.

ოპოზიცია კითხვებს სვამს, საიდან აქვთ ხელისუფლების წარმომადგენლებს საქმის მასალებზე წვდომა და გამოძიების მიმდინარე სამუშაოზე. დეპუტატები პროცესში ხელისუფლების უხეშ ჩარევაზე და არაუფლებამოსილი პირების ინტერესზე საუბრობენ.

ე.წ. ციანიდის საქმის გამოძიების პროცესში დარღვევებს ვერ ხედავს იუსტიციის მინისტრი.

ავტორები: ანა წერეთელი, ნინო სამყურაშვილი.

 

]]>
24-02-2017 21:19 +0400
გირჩი სამართალდამცველებს ნარკოტიკების ინტერნეტით შეძენის შესაძლო მფარველობაში ადანაშაულებს http://rustavi2.com/ka/news/68922

პოლიტიკური პარტია გირჩი სამართალდამცველებს ნარკოტიკების ინტერნეტით შეძენის შესაძლო მფარველობაში ადანაშაულებს. ამის შესახებ მათ დღეს ჩატარებული ექსპერიმენტის შემდეგ განაცხადეს - პარტიაში 40 წუთში ინტერნეტის საშუალებით ნარკოტიკული საშუალება ბიო იყიდეს.

„თუ გავითვალისწინებთ იმას, რა მასშტაბებზე და სქემაზეა საუბარი ბუნებრივად გაუჩნდება ნებისმიერ ადამიანს კითხვა, რომ ხომ არ არის ეს სქემა და ზოგადად ნარკოპოლიტიკა სპეციალურად შექმნილი ისე, რომ ვიღაცა ითბობდეს ხელს, ცხადია როდესაც ვსაუბრობ ვიღაცაზე პირველ რიგში ყველას თავში მოსდის ძალოვანი სტრუქტურები და შინაგან საქმეთა სამინისტრო,“-აცხადებს ზურაბ ჯაფარიძე.

გირჩის წევრებმა ოფისში სამართალდამცავები გამოიძახეს და იტერნეტით ნაყიდი ნარკოტიკი გადასცეს. 

]]>
24-02-2017 20:32 +0400
ე.წ. მატროსოვის ციხეში საგამოძიებო მოქმედებები დასრულდა, თუმცა მამა გიორგი მამალაძე არ დაუკითხავთ http://rustavi2.com/ka/news/68918

ე.წ. მატროსოვის ციხეში პროკურატურის შეხვედრა მამა გიორგი მამალაძესთან დასრულდა. პროკურორის არჩილ ტყეშელაშვილის განცხადებით, ამ ეტაპზე მხოლოდ ექსპერტიზისთვის საჭირო ნიმუშები აიღეს, როგორიცაა ხმის ნიმუში, ხელნაწერი და დნმ.

პროკურორის განცხადებით, ეს ნიმუშები ე.წ. ციანიდის საქმეში არსებული მტკიცებულებების შესადარებლად სჭირდებათ, თუმცა დღეს მამა გიორგი მამალაძის დაკითხვა არ მომხდარა. პროკურორის განცხადებით, საგამოძიებო მოქმედებების დასრულების შემდეგ საკმარისი დრო არ დარჩა, რომ დაკითხვა ჩატარებულიყო. 

პროკურორის არჩილ ტყეშელაშვილის თქმით, მამა გიორგი მამალაძის დაკითხვა შაბათ-კვირას არ მოხდება. თუმცა, პროკურორი, არ აკონკრეტებს დაკითხვის ჩატარების ზუსტ დროს.

„ვინაიდან ამ პროცედურებმა დიდხანს გასტანა, მისი დაკითხვის განხორციელება ვეღარ ესწრება დროში ამის გამო, ეს დაკითხვა გადაიდო სხვა დროისთვის. ბუნებრივია, ჩვენ შევუთანხმდებით დაცვის მხარეს და როცა იქნება ოპტიმალური დრო ორივე მხარისთვის, ამ დროს მოხდება მისი დაკითხვა,“ - განაცხადა არჩილ ტყეშელაშვილმა. 

]]>
24-02-2017 19:39 +0400
„იმედია ხელისუფლებამ კრიტიკულად გაანალიზა ხარვეზები"- არასამთავრობოები სტრასბურგში კანდიდატების ჩავარდნაზე საუბრობენ http://rustavi2.com/ka/news/68917

იუსტიციის მინისტრის განცხადებას, რომ სტრასბურგში წარსადგენი კანდიდატების ახალი კონკურსის შესარჩევი პროცესის ინკლუზიურობა მიღწეული იქნება იმით, რომ შესარჩევი კომისია ფართოვდება, არასამთავრობო ორგანიზაციები გამოეხმაურნენ.

სამოქალაქო სექტორის აზრით, ეს არ არის გარანტი საბოლოოდ ობიექტური და მიუკერძოებელი გადაწყვეტილებისა. არასამთავრობოთა თქმით, ხელისუფლების ნებაა გადამწყვეტი.

„იმედია ხელისუფლებამ სათანადოდ, კრიტიკულად გაანალიზა ის ხარვეზები და გამოწვევები, რომელიც ამ წარდგენის პროცესს ჰქონდა,“- განაცხადა ადამიანის უფლებათა ცენტრის წარმომადგენელმა, თამარ ავალიანმა. 

]]>
24-02-2017 19:23 +0400
„მინდა დავამშვიდო ის"- თეა წულუკიანი ევა გოცირიძეზე საუბრობს http://rustavi2.com/ka/news/68916

„მინდა დავამშვიდო ის და ვუთხრა, რომ ჩვენ მივმართეთ ევროსაბჭოს და მათ შევთავაზეთ, თუნდაც დამკვირვებლის რანგში ამ პროცესში მონაწილეობა, რაზეც მათ განაცხადეს უარი,“- ეს განცხადება იუსტიციის მინისტრმა ევა გოცირიძის მისამართით გააკეთა, რომელმაც ხელისუფლებას რეკომენდაციებით მიმართა.

თეა წულუკიანის თქმით, ევროსაბჭოსგან უარი, საქართველოში დამკვირვებლის რანგში მონაწილეობაზე მისთვის მოსალოდნელი იყო. 

„ეს ჩემთვის მოსალოდნელიც იყო, რადგან ჩვენ ვართ სუვერენული ქვეყანა და ევროსაბჭომ გვითხრა, რომ ისინი შიდა პროცედურებში არ და ვერ ჩაერევიან,“- განაცხადა თეა წულუკიანმა. 

ევროსასამართლოს მოსამართლეობის ყოფილი კანდიდატის, ევა გოცირიძის თქმით, კარგი იქნებოდა, სტრასბურგის სასამართლოდან, ან ევროპის საბჭოდან წარმომადგენელი დაესწროს საქართველოში კანდიდატების გასაუბრების პროცესს.

 

]]>
24-02-2017 19:12 +0400
"ამ საქმესთან არანაირ კავშირში არ არის მოსამართლის ძმა" - ჯაბა ჯიშკარიანი ნაზღაიძის საქმეზე საუბრობს  http://rustavi2.com/ka/news/68914

საკრებულოს უმრავლესობამ  რამდენიმე წუთის წინ გადაწყვეტილება მიიღო, რომლის მიხედვითაც ოპოზიცის მოთხოვნა ჩავარდა რაც იმას ნიშნავს, რომ განკარგულება რომლის მიხედვითაც მოსამართლე ნატა ნაზღაიძეს გადაეცა ქონება არ გაუქმდა.

თბილისის საკრებულოს ფრაქცია ქართული ოცნება - დემოკრატიული საქართველოს წევრის ჯაბა ჯიშკარიანის თქმით, ამ საქმესთან კავშირში არის ზვიად ჩოხელი რომელიც ნაზღაიძის ოჯახისთვის კომპენსაციის სახით გადაცემული  მიწის ნაკვეთის გადაფორმებას ადასტურებს.

“მიხეილ სააკაშვილის დაგეგმილი სპეცოპერაცია, მიტაცებული რუსთავი 2-ის გადარჩენის მცდელობით  დედაქალაქის საკრებულოში კრახით დასრულდა და ამას ვულოცავთ საზოგადოებას. ეს არის მცდელობა მოსამართლეებზე მიიტანონ იერიში ამ კონკრეტულმა ადამიანებმა, ვინაიდან ამ საქმესთან არანაირ კავშირში არ არის მოსამართლის ძმა, ამ საქმესთან კავშირში არის ჩოხელი და ეს დღეს აღიარა ოპოზიციამ და დიდი მადლობა მათ რომ ეყოთ გამბედაობა, ახლა ველოდებით, რომ ბოდიში მოუხადონ ჩოხელს. ჩვენ ბოლომდე დავიცავთ არამარტო სასამართლოს ინტერესებს, არამედ იმ სოლიდარობას და მონაპოვარს რომელიც იყო 13 ივნისის სტიქიის შედეგად,“ - განაცხადა ჯიშკარიანმა.

შეგახსენებთ, რომ თბილისის საკრებულოს სხდომა ხმაურისა და სიტყვიერი დაპირისპირების ფონზე მიმდინარეობდა. დეპუტატები მოსამართლე ნაზღაიძის ოჯახისთვის გადაცემულ მილიონიანი ქონებაზე მსჯელობდნენ. ოპოზიცია ამ გადაწყვეტილების გაუქმებას და მიწის თბილისისთვის დაბრუნებას ითხოვდა.

  

 

]]>
24-02-2017 18:54 +0400
"ნაზღაიძეს უნდა მიეღო მხოლოდ 23 ათას 260 ლარი, რაც შეაფასა სამხარეულის ექსპერტიზამ" - მარიკა დათუკიშვილი http://rustavi2.com/ka/news/68912

თბილისის საკრებულოს ფრაქცია ერთიანი ნაციონალური მოძრაობის წევრი მარიკა დათუკიშვილი აცხადებს, რომ უმრავლესობამ დღეს დეკლარირებულად დაამოწმა, რომ ამ გარიგებაში მონაწილება თავისი ნებით მიიღეს.

დღეს საკრებულოს სხდომაზე რუსთავი 2-ის საქმის განმხილველი მოსამართლისთვის მერიის მხრიდან ქონების გადაცემის საკითხზე მსჯელობდნენ, მათ შორის, მიწის ნაკვეთის საქართველოს ბანკიდან გამოსყიდვაზე.  

კურიესის ეთერში მარიკა დათუკიშვილმა განაცხადა, რომ 2014 წლიდან აღნიშნული ნაკვეთი საქართველოს ბანკის მფლობელობაში იყო.

„ნაზღაიძე ამ მიწის ნაკვეთის მფლობელი გახდა მხოლოდ 2016 წლის 29 ნოემბერს და თუ ნაზღაიძეს უნდა მიეღო და სახელმწიფოს ნამდვილად გადაუდებელი აუცილებლობით უნდა გამოესყიდა ეს ნაკვეთი, ნაზღაიძეს უნდა მიეღო მხოლოდ 23 ათას 260 ლარი, რაც შეაფასა სამხარეულის ექსპერტიზამ, იმიტომ, რომ ნაზღაიძე ამ მიწის ნაკვეთის მფლობელი არ ყოფილა სტიქიის მომენტში,“ - განაცხადა მარიკა დათუკიშვილმა. 

]]>
24-02-2017 18:50 +0400
„ეს საკითხი დამოკლეს მახვილივით იქნება ჩამოკიდებული უმრავლესობაზე,"- ხათუნა სამნიძე ნაზღაიძის საქმეზე საუბრობს http://rustavi2.com/ka/news/68913

„ეს საკითხი დამოკლეს მახვილივით იქნება ჩამოკიდებული უმრავლესობაზე, რომელიც იყო ნაწილი ამ კორუფციული გარიგების,“- ეს განცხადება კურიერის პირდაპირ ეთერში თბილისის საკრებულოს ფრაქცია რესპუბლიკელების თავმჯდომარემ, ხათუნა სამნიძემ მოსამართლე ნატა ნაზღაიძის საქმესთან დაკავშირებით გააკეთა.

ხათუნა სამნიძის თქმით, საკრებულოს დღევანდელ სხდომაზე უმრავლესობის მიერ გაკეთებული განცხადებებით ის დარწმუნდა, რომ საკრებულოს უმრავლესობა გარიგების მონაწილეა.

„დღევანდელ განხილვაზე უმრავლესობის რეაქცია, ის, რომ მათ საშუალება არ მოგვცეს საერთოდ, რომ რაციონალიზმის ფარგლებში, საქმიანად, საგნობრივად გვესაუბრა, შეკითხვებზე პასუხი კი არ მივიღეთ, მივიღეთ აგრესია, შეურაცხყოფები... დღევანდელი განცხადებებით, დღევანდელი ქმედებით უმრავლესობამ დაადასტურა ის, რომ შეცდომაში კი არ შეიყვანა მერიამ ის, უმრავლესობა არის მონაწილე ამ გარიგების და კორუფციის, რომელთანაც გვაქვს საქმე,“- აღნიშნა სამნიძემ.

 

 

]]>
24-02-2017 18:47 +0400
"პროცესი როგორც ეტყობა თავიდანვე იყო დაგეგმილი" -  მამუკა ახვლედიანი საკრებულოში მომხდარ დაპირისპირებაზე საუბრობს  http://rustavi2.com/ka/news/68911

საკრებულოს უმრავლესობამ  რამდენიმე წუთის წინ გადაწყვეტილება მიიღო რომლის მიხედვითაც ოპოზიცის მოთხოვნა ჩავარდა რაც იმას ნიშნავს, რომ განკარგულება რომლის მიხედვითაც მოსამართლე ნატა ნაზღაიძეს გადაეცა ქონება არ გააუქმებდა.

თბილისის საკრებულოს ფრაქცია მოძრაობა თავისუფლებისთვის - თბილისის თავმჯდომარის მამუკა ახვლედიანის თქმით, პროცესი იყო დადგმული.

“ძალიან სამწუხაროა, რომ თბილისის საკრებულოს უმრავლესობამ არ გაიზიარა ის არგუმენტები, რომლებსაც ჩვენ ამ დღეების განმავლობაში ვაწვდიდით. პროცესი როგორც ეტყობა თავიდანვე იყო დაგეგმილი, არავინ არაფრის გაზიარებას არ აპირებდა. პროცესი იყო დადგმული. ყველა ჩვენთაგანი დარწმუნდა, რომ პოლიტიკური შოუ დადგმა დღევანდელმა უმრავლესობამ,“ - განაცხადა ახვლედიანმა.  

შეგახსენებთ, რომ თბილისის საკრებულოს სხდომა ხმაურისა და სიტყვიერი დაპირისპირების ფონზე მიმდინარეობდა, სადაც დეპუტატები მოსამართლე ნაზღაიძის ოჯახისთვის გადაცემულ მილიონიანი ქონებაზე მსჯელობდნენ. ოპოზიცია ამ გადაწყვეტილების გაუქმებას და მიწის ნაკვეთის თბილისისთვის დაბრუნებას ითხოვდა.

 

 

 

 

 

]]>
24-02-2017 18:43 +0400
რომელიმე მხარე ძალიან ბედნიერი რომ იყოს ცვლილებით, ცუდი პროექტი იქნებოდა - ჩუგოშვილი ე.წ. მოსმენების კანონპროექტზე საუბრობს http://rustavi2.com/ka/news/68910

„პარლამენტმა სცადა 2 მნიშვნელოვანი ინტერესის დაბალანსება, ერთი მხრივ, ყველას ინტერესია უსაფრთხოების ინტერესი, მეორე - პერსონალური ცხოვრება, პირადი ინფორმაცია დაცული იყოს,“- ამის შესახებ განცხადება პარლამენტის თავმჯდომარის პირველმა მოადგილემ, თამარ ჩუგოშვილმა კურიერის პირდაპირ ეთერში ე.წ. მოსმენების შესახებ კანონპროექტზე საუბრისას გააკეთა.

ფრაქცია ქართული ოცნების წევრის თქმით, კანონპროექტთან დაკავშირებით არასამთავრობოების და ოპოზიციის გარკვეული მოსაზრებების ნაწილი გაზიარებულია.

ჩუგოშვილი განმარტავს, რომ კანონპროექტი თვეების განმავლობაში მზადდებოდა და არა ფორსირებულ რეჟიმში.

პარლამენტის თავმჯდომარის პირველმა მოადგილემ საკომუნიკაციო კომპანიებთან დაკავშირებითაც გააკეთა კომენტარი.

„ეს არის მოცემულობა, რთული საკითხია, სხვადასხვა ინტერესია, რომელიც ერთმანეთთან იკვეთება, ეს არის ისეთი შემთხვევა, როდესაც რომელიმე მხარე ძალიან ბედნიერი და კმაყოფილი რომ იყოს ცვლილებით, ცუდი პროექტი იქნებოდა, იმიტომ, რომ ნიშნავს ვიღაცა მეორის ინტერესების ხარჯზე მოხდა,“- განაცხადა ჩუგოშვილმა.

თამარ ჩუგოშვილი ევროპული საქართველოს მიერ სხდომათა დარბაზის პროტესტის ნიშნად დატოვებას გამოეხმაურა და აღნიშნა, რომ მისთვის გაუგებარია "რატომ გახდა საჭირო დემონსტრაციული მარშით გასვლა დარბაზიდან." 

 

]]>
24-02-2017 18:33 +0400
თინათინ ბოკუჩავა ე.წ. მოსმენების კანონთან დაკავშირებით მმართველ გუნდს მკაცრად აკრიტიკებს http://rustavi2.com/ka/news/68909

პარლამენტის ფრაქცია ნაციონალური მოძრაობის მდივანი თინათინ ბოკუჩავა ე.წ. მოსმენების კანონის დაჩქარებული ტემპით განხილვაში მმართველ გუნდს აკრიტიკებს. მისი თქმით, ქართული ოცნება ცდილობს, რაც შეიძლება მალე გადასცეს ე.წ. მოსმენების გასაღები სუს-ის დაქვემდებარებაში მყოფ ორგანოს.

კურიერის ეთერში თინათინ ბოკუჩავამ აღნიშნა, რომ პარლამენტში დღევანდელ განხილვაში მონაწილეობა მიიღეს, რათა საკუთარი პროტესტი და კითხვები გაეხმაურებინათ პარალამენტის ტრიბუნიდან არსებულ კანონპროექტთან დაკავშირებით.

„ ჩვენ შევთავაზეთ ის, რომ ამოქმედებულიყო ორგასაღებიანი სისტემა, რომლზეც ასევე ძალიან დიდი ხნის განმავლობაში საუბრობდა არასამთავრობო სექტორი, რომელიც ძალიან აქტიურად იყო ჩართული ამ სამუშაოებში, სადაც ერთი გასაღები იქნება სწორედ ასეთი დამოუკიდებელი სააგენტოს ხელში, ხოლო მეორე გასაღები იქნება სასამართლოს ხელში, ხოლო ორივე ინსტანციის მხრიდან ამ გასაღების ჩართვა არის საჭირო რომ ამოქმედდეს მოსმენის ან თვალთვალის აპარატურა,“ - განაცხადა თინათინ ბოკუჩავამ.

მისი თქმით, კანონპროექტის მსგავსი სახით დამტკიცება ადამიანის უფლებების საერთაშორისო სტანდარტებს არღვევს და არ გამორიცხავს სტრასბურგის სასამართლოში გასაჩივრებას.

თინათინ ბოკუჩავამ საკომუნიკაციო კომპანიებში ფარული აგენტების მუშაობასთან დაკავშირებით აღნიშნა, რომ მსგავსი ღონისძიების გატარება ბიზნეს დააზარალებს.

„არ შეიძლება ეს კანონი არა მხოლოდ გამოყენებული იქნას იმისთვის, რომ ივანიშვილის ხელში მოვათავსოთ ე.წ. გასაღები და შესაბამისად მთლიანად მას დავუქვემდებაროთ უკანონო მოსმენები, არამედ ეს სააგენტო ასევე გამოყენებული იყოს როგორც ბიზნესზე ზემოქმედების ძალიან სერიოზული ბერკეტი,“ - განაცხადა თინათინ ბოკუჩავამ.

 

]]>
24-02-2017 18:32 +0400
ნატა ნაზღაიძის ოჯახისთვის გადაცემულ ქონებაზე მსჯელობას საკრებულოში ხმაური და სიტყვიერი დაპირისპირება მოჰყვა http://rustavi2.com/ka/news/68908

ხმაურისა და სიტყვიერი დაპირისპირების ფონზე მიმდინარეობს თბილისის საკრებულოს სხდომა, სადაც დეპუტატები მოსამართლე ნაზღაიძის ოჯახისთვის გადაცემული მილიონიან ქონებაზე მსჯელობენ. ოპოზიცია ამ გადაწყვეტილების გაუქმებას და მიწის თბილისისთვის დაბრუნებას ითხოვს. საქმის დეტალების განხილვა მალევე პოლიტიკური ოპონენტების ურთიერთდაპირისპირებაში გადაიზარდა. 

“ბატონმა თედო კობახიძემ მოგვმართა თუ რატომ არ შეიტანეთ სასამართლოში აღნიშნული საკითხიო, რომელ სასამართლოში შეგვეტანა? ნატა ნაზღაიძესთან მიგვეტანა თავის ძმის საქმე? ეს არის თქვენი მოთხოვნა?  ამ დარბაზში დღეს უნდა იდგეს დავით ნარმანია და დავით ნარმანია უნდა გვცემდეს პასუხს, მაგრამ კანონის უხეში დარღვევით, სწორედ იმიტომ რომ ამ ადამიანს არ გააჩნია პასუხები, ვერ მობრძანდა საკრებულოში. ეს არის დანაშაულებების მთელი კასკადი,“ - განაცხადა თბილისის საკრებულოს ფრაქცია ერთიანი ნაციონალური მოძრაობის თავმჯდომარემ ირაკლი ნადირაძემ.

]]>
24-02-2017 18:27 +0400
"ჩვენ კვლავ სუს-ი მოგვისმენს" - ირაკლი აბესაძე http://rustavi2.com/ka/news/68907

პარლამენტმა ე.წ. ფარული მოსმენების კანონპროექტის მეორე მოსმენით განხილვა დაასრულა. პროექტში მეორე მოსმენის დროს გარკვეული ცვლილებები შევიდა, თუმცა ნაციონალურ მოძრაობისთვის ის კვლავაც მიუღებელია. კიდევ ერთმა ოპოზიციურმა ფრაქციამ, ევროპულმა საქართველომ კი სხდომათა დარბაზი პროტესტის ნიშნად დატოვა. პროტესტი პარლამენტის თავმჯდომარის გადაწყვეტილებას მოჰყვა, რომლითაც საკანონმდებლო ორგანომ კანონპროექტის მუხლობრივ განხილვაზე უარი დროის ეკონომიის მიზნით თქვა.

”საზოგადოება კარგად უყურებდა რომ გასული დღეების განმავლობაში ევროპულმა საქართველომ გააკეთა ყველაფერი, მათ შორის პირველი მოსმენის მაქსიმალურად დროში გახანგრძლივების კუთხით, რომ ხელისუფლებისთვის დაგვენახებინა, საზოგადოებისთვის გვეჩვენებინა ყველა ის მნიშვნელოვანი ხარვეზი, რომელიც კვლავ ანტიკონსტიტუციურს ხდის იმ კანონმდებლობას, რომელიც დღეს მიიღო ხელისუფლებამ. ამ ყველაფრის პასუხად პარლამენტის თავმჯდომარემ განაცხადა, რომ მზად არ არიან და საჭიროდ არ თვლიან  კანონპროექტზე მუხლობრივ მსჯელობას. როგორც ჩანს სუს-ისგან მიღებული დავალება გულისხმობდა ამ კანონპროექტზე მუშაობის სწრაფად დასრულებას. ყველა ის ძირითადი ეტაპი, რომელიც კანონად ქცევას ნიშნავს დასრულებულია და სამწუხაროდ ჩვენ კვლავ სუს-ი მოგვისმენს და მოგვისმენს კონსტიტუციური პრინციპების დარღვევით,“ - განაცხადა საპარლამენტო უმცირესობის მდივანმა, ფრაქცია მოძრაობა თავისუფლებისთვის - ევროპული საქართველოს წევრმა ირაკლი აბესაძემ.

]]>
24-02-2017 18:13 +0400
ე.წ. ფარული მოსმენების კანონპროექტში მეორე მოსმენის შედეგად გარკვეული ცვლილებები შევიდა http://rustavi2.com/ka/news/68906

პარლამენტმა ე.წ. ფარული მოსმენების კანონპროექტის მეორე მოსმენით განხილვა დაასრულა. პროექტში მეორე მოსმენის დროს გარკვეული ცვლილებები შევიდა.

„ჩვენ მივიღეთ ძალიან ბევრი ცვლილება და ბევრ ცვლილებასთან დაკავშირებული შეთანხმება. მაგალითად ის, რომ სააგეტოს უფროსის მოადგილეებს აღარ დანიშნავს სუს-ის უფროსი, ასევე სუს-ის უფროსი არ იქნება ექსკლუზიური წარმდგენი კანდიდატისა, ან კანდიდატებისა, რომელიც საქართველოს პრემიერმინისტრმა უნდა დანიშნოს, ასევე სააგენტოს დებულებას არ დაამტკიცებს სუს-ის უფროსი, მას დაამტკიცებს საქართველოს მთავრობა ან პრემიერმინისტრი,“- განაცხადა ფრაქცია ქართული ოცნების თავმჯდომარემ, მამუკა მდინარაძემ.

ცვლილებების მიუხედავად, ე.წ. მოსმენების კანონი ოპოზიციისთვის ისევ მიუღებელია.

ნაციონალურ მოძრაობას,  რომლის წევრების აზრით, ე.წ. მოსმენების კანონი მობილურ ოპერატორებთან ე.წ. აგენტურის ჩანერგვის საშუალებას იძლევა, საპარლამენტო უმრავლესობის წევრებმა უპასუხეს. დავით მათიკაშვილის თქმით, საუბარი აგენტურაზე არ არის, საუბარია ტექნიკურ შემოწმებაზე.

კიდევ ერთმა ოპოზიციურმა ფრაქციამ, ევროპულმა საქართველომ კი სხდომათა დარბაზი პროტესტის ნიშნად დატოვა. პროტესტი პარლამენტის თავჯდომარის გადაწყვეტილებას მოჰყვა, რომლითაც საკანონმდებლო ორგანომ კანონპროექტის მუხლობრივ განხილვაზე უარი დროის ეკონომიის მიზნით თქვა.

ავტორი: ნინო სამყურაშვილი. 

]]>
24-02-2017 18:09 +0400
ე.წ. მატროსოვის ციხეში დეკანოზ გიორგი მამალაძესთან გამომძიებლები მივიდნენ http://rustavi2.com/ka/news/68905

ე.წ. მატროსოვის ციხეში გამომძიებლები მივიდნენ. პროკურორი არჩილ ტყეშელაშვილი აცხადებს, რომ დღეს დეკანოზ გიორგი მამალაძის ხმის, ხელნაწერისა და დნმ-ს ნიმუშებს აიღებენ. მისივე თქმით იმ შემთხვევაში თუ სასულიერო პირი თანახმა იქნება, პროკურატურა მზად არის მამა გიორგის დაკითხვა დაიწყოს.

ჟურნალისტებთან საუბრისას ტყეშელაშვილმა დაადასტურა, რომ საქმეზე დასაკითხ პირთა სიაში პატრიარქის მდივან-რეფერენტი, შორენა თეთრუაშვილიც არის. მას არ უსაუბრია საქმეში არსებულ მტკიცებულებებზე და იმაზე, თუ რა წერია ბრალის დადგენილებაში და ვისი მკვლელობის მომზადებას ედავებიან დეკანოზ გიორგი მამალაძეს.

„საქმის დეტალებზე ვერ ვისაუბრებთ ამ ეტაპზე, ვინაიდან ამით დაზიანდება გამოძიების ინტერესები. შესაბამისად, როდესაც ასეთი საფრთხე აღარ იარსებებს ეს მტკიცებულებები გახდება საჯარო. მომავალში დაგეგმილია არაერთი მოწმის დაკითხვა, მათ შორის, შორენა თეთრუაშვილის. შესაბამისად, არსებობს საქმეზე საგამოძიებო გეგმა და ამ გეგმის მიხედვით მოხდება მოწმეების დაკითხვა. გამოძიების ინტერესებიდან გამომდინარე ასეთ დეტალებზე ვერ ვისაუბრებ. საქმეში არსებული ყველა მტკიცებულება საქმეზე მოპოვებულია კანონის სრული დაცვით და საქმეზე დამაგრებულია კანონის სრული დაცვით,“ - განაცხადა არჩილ ტყეშელაშვილმა. 

ტყეშელაშვილმა კომენტარი გააკეთა გაუთქმელობის პირობაზეც, რომელიც მამა გიორგის ადვოკატებს აქვთ დადებული და აღნიშნა, რომ მათ აქვთ კანონით დადგენილი ნებისმიერი საპროცესო ნორმის განხორციელების საშუალება, გაუთქმელობის პირობა კი გამოძიების ინტერესებიდან გამომდინარე და უსაფრთხოების მიზნით დაწესდა.

მამა გიორგი მამალაძის ადვოკატების განცხადებით, ჩვენება რომელსაც დეკანოზი მისცემს სრულად შეცვლის საქმის არსს.

]]>
24-02-2017 16:25 +0400
რომან გოცირიძის თქმით ე.წ. მოსმენების კანონი მობილურ ოპერატორებთან ე.წ. აგენტურის ჩანერგვის საშუალებას იძლევა http://rustavi2.com/ka/news/68904

პარლამენტის ფრაქცია ნაციონალური მოძრაობის თავმჯდომარის რომან გოცირიძის თქმით ე.წ. მოსმენების კანონის მიხედვით სააგენტოს აქვს უფლება მობილური ოპერატორების შტატში ჰყავდეს ე.წ. ფარული თანამშრომლები, რაც აგენტურას ნიშნავს.

რომან გოცირიძის განცხადებით, ეს ყველაფერი მიანიშნებს იმას, რომ ხელისუფლება ცდილობს ქვეყანაში საბჭოთა ტიპის სიტემის დანერგვას.

„ამ კანონში წერია, რომ ამ სააგენტოს შეიძლება ჰყავდეს ღია და ფარული მოსამსახურეები. ფარული მოსამსახურეები ქართულად ნიშნავს აგენტურას. ეს არის რუსული თუ საბჭოთა კაგებეს ისტორიისკენ დაბრუნება, ეს არის საბჭოთა სპეცსამსახურის რესტავრაცია მასობრივი კომუნიკაციის საშუალებების ბიზნესში,“- განაცხადა რომან გოცირიძემ. 

]]>
24-02-2017 16:01 +0400
უსაფრთხოების ერთიანი მიდგომის ჩამოყალიბება - უშიშროების საბჭოს აპარატმა კონსულტაციები დაიწყო http://rustavi2.com/ka/news/68903

უშიშროების საბჭოს აპარატმა ეროვნული უსაფრთხოების ერთიანი მიდგომის ჩამოყალიბებისათვის, დისკუსიები და კონსულტაციები დაიწყო. ინიციატივა საქართველოს პრეზიდენტს ეკუთვნის.

ინიციატივის ფარგლებში თანამშრომლობის მემორანდუმს ხელი საქართველოს სტრატეგიული ანალიზის ცენტრმა და უშიშროების საბჭოს მდივანმა მოწერეს.

„ეს გულისხმობს პირველ რიგში საქართველოს შიგნით საქართველოს მოქალაქეების ხედვის გაგებას თუ რა არის ჩვენი ერისთვის უსაფრთხოება, შემდეგ უცხოელ პარტნიორებთან კონსულტაციებს და ბოლოს, უკვე საქართველოს პრეზიდენტი ამ ხედვას ჩამოყალიბებულს მისცემს იმ ფორმას, რომელიც მისაღები იქნება ჩვენი ქვეყნის ინტერესებისთვის,“ - განაცხადა სტრატეგიული ანალიზის ცენტრის დამფუძნებელმა ნოდარ ხარშილაძემ.

]]>
24-02-2017 15:21 +0400
მოსამართლის ოჯახისთვის ქონების გადაცემა - საკრებულოში საკითხის განხილვას მერიის წარმომადგენლები არ ესწრებიან http://rustavi2.com/ka/news/68900

თბილისის საკრებულოში უმცირესობა 23 დეკმებრის გადაწყვეტილების გაუქმებას მოითხოვს, რომლითაც რუსთავი 2-ის საქმის განმხილველი მოსამართლის, ნაზღაიძის ოჯახს მილიონიანი ქონება გადაეცა. უმრავლესობის გადაწყვეტილებით, თბილისის მერიის წარმომადგენლები დღევანდელ განხილვაში მონაწილეობას არ მიიღებენ.

თბილისის საკრებულოს თავმჯდომარის პირველი მოადგილე, ფრაქცია ქართული ოცნება - მრეწველების წევრის, გიორგი ტყემალაძის თქმით, უმრავლესობაში ზვიად ჩოხელის მიმართ დახმარების მიცემის გადაწყვეტილებაში კითხვის ნიშნებს ვერ ხედავენ.   

„13 ივნისის სტიქიის შედეგად დაზარალებული მოქალაქის ჩოხელის მიმართ დახმარების გადაწყვეტილება არის სრულიად სამართლებრივად გამართული, არანირი კითხვის ნიშანი ჩვენ უმრავლესობას ამ გადაწყვეტილებასთან დაკავშირებით არ გვაქვს,“ - განაცხადა გიორგი ტყემალაძემ.

თბილისის საკრებულოს ფრაქცია ქართული ოცნება - დემოკრატიული საქართველოსთვის წევრმა ჯაბა სამუშიამ განაცხადა, რომ ამ ქონებასთან დაკავშირებით თბილისის მერიასთან საქმიანი ურთიერთობა ზვიად ჩოხელს ჰქონდა იმისდა მიუხედავად, რომ საკრებულოში არსებულ დოკუმენტაციაში ზვიად ნაზღაიძის გვარიც ფიგურირებს.

ჯაბა სამუშია არ პასუხობს ჟურნალისტის შეკითხვას, ვის გადაეცა ქონება ნაზღაიძეს თუ ჩოხელს. მან აღნიშნა, რომ ამ საკითხზე უკვე ისაუბრა. 

ავტორი: ეკო მაღრაძე.

]]>
24-02-2017 15:16 +0400
საქართველოს პატრიარქი დღეს სომხეთის სამთავრობო დელეგაციამ მოინახულა http://rustavi2.com/ka/news/68897

საქართველოს პატრიარქი დღეს სომხეთის სამთავრობო დელეგაციამ მოინახულა.

მოგვიანებით, სომხეთის პრემიერმინისტრმა საქართველოს ერთიანობისთვის დაღუპულ გმირთა მემორიალი გვირგვინით შეამკო.  

]]>
24-02-2017 15:14 +0400
"ევროპული საქართველოს" მიერ პარლამენტის დარბაზის დატოვებას დეპუტატების შეფასებები მოყვა http://rustavi2.com/ka/news/68893

ე.წ. ფარული მოსმენების შესახებ კანონპროექტის მეორე მოსმენით განხილვის დროს ევროპული საქართველოს მიერ პარლამენტის დარბაზის პროტესტის ნიშნად დატოვებას, აფასებენ დეპუტატები. პარლამენტის საპროცედურო საკითხთა და წესების კომიტეტის თავმჯდომარის გიორგი კახიანის თქმით, ყველაფერი მოხდა რეგლამენტის დაცვით.

“ბოლო ორი დღეა ჩვენ უმცირესობის მხრიდან ვადევნებთ თვალს იმას, რომ ისინი ცდილობენ პროცედურული ხრიკებით უშინაარსოდ დროში გაწელვას საპარლამენტო პროცესის. მიუხედავად იმისა, რომ არა ერთხელ ვთხოვეთ, რომ ასეთი მიდგომა შეეცვალათ და გადავსულიყავით მართლა კანონპროექტის შინაარსიან განხილვაზე. მათ დღეს დილიდან დანონსეს, რომ აპირებენ იგივეს გაგრძელებას,“ - განაცხადა კახიანმა.

პარლამენტის საგარეო ურთიერთობათა კომიტეტის თავმჯდომარის პირველი მოადგილის ნინო გოგუაძის თქმით, ევროპულ საქართველოს დარბაზი არ უნდა დაეტოვებინა.

“ჩემთვის გაუგებარი იყო ჩემი კოლეგების გადაწყვეტილება იმიტომ, რომ ძალიან ხანგრძლივი განხილვა იყო გუშინაც იურიდიული კომიტეტის სხდომაზე. მათ წარმოადგინეს წინადადებები, რომელთაგან გაზიარებული იქნა ჩვენის მხრიდან, ჩვენ გვქონდა მნიშვნელოვანი ინიციატივები. ამიტომ, ჩემთვის გაუგებარია რატომ დატოვეს. ვფიქრობ, რომ ისინი უნდა დარჩენილიყვნენ ამ პროცესში,“ - აღნიშნა გოგუაძემ.

პარლამენტის ფრაქცია ნაციონალური მოძრაობის თავმჯდომარის მოადგილის სალომე სამადაშვილის თქმით, პარლამენტის პლენალურ სხდომაზე მიმდინარეობს ფარსი.

“დღეს ამ დარბაზში საქართველოს პარლამენტის პლენალურ სხდომაზე მიმდინარეობს ფარსი, როდესაც ცდილობენ, რომ დაჩქარებული წესით, შესაბამისი პროცედურების დაცვის გარეშე, გააფორმონ არაკონსტიტუციური კანონი, რომლითაც ბიძინა ივანიშვილი ცდილობს რეალურად გაუმარტივოს ბატონ გომელაურს შესაძლებლობა, რომ მოუსმინოს ყველა ჩვენთაგანს,“ - განაცხადა სამადაშვილმა.

]]>
24-02-2017 15:07 +0400
თანასწორუფლებიანობის და შეჯიბრობითობის პრინციპი დარღვეულია - უჩა ნანუაშვილი ე.წ. ციანიდის საქმეზე საუბრობს http://rustavi2.com/ka/news/68892

უჩა ნანუაშვილი ე.წ. ციანიდის საქმეში თანასწორუფლებიანობისა და შეჯიბრობითობის პრინციპის დარღვევებზე საუბრობს. სახალხო დამცველის განცხადებით, დაცვის მხარეს ხელის შეშლის გარეშე უნდა მიეცეს მუშაობის საშუალება.  

„დღემდე, რეალურად, თანასწორუფლებიანობის და შეჯიბრობითობის პრინციპი დარღვეულია. იმედი მაქვს, რომ ადვოკატებს მიეცემა შესაძლებლობა, რომ საკუთარი დაცვის ობიექტი დაიცვან და ხელშეშლა აღარ მოხდეს, რასაც ამ ერთი კვირის განმავლობაში ჰქონდა ადგილი ისევე, როგორც დანარჩენი სხვა საპროცესო უფლებები იყოს გარანტირებული ამ შემთხვევაში. ამ მიმართებით სერიოზული პრობლემები ნამდვილად იყო გასული კვირის განმავლობაში,“ - განაცხადა უჩა ნანუაშვილმა.

სახალხო დამცველმა აღნიშნა, რომ გამოძიების პროცესს თვალყურს ადევნებენ და ამ ეტაპზე საგამოძიებო უწყებიდან დოკუმენტები აქვთ გამოთხოვილი. 

]]>
24-02-2017 15:01 +0400
არასაპარლამენტო ოპოზიცია საარჩევნო სისტემის შესახებ მომზადებულ სარჩელს სასამართლოში შეიტანს http://rustavi2.com/ka/news/68891

ინტერპარტიულმა ჯგუფმა საკონსტიტუციო სარჩელზე მუშაობა დაასრულა. კვალიფიციური პოლიტიკური სუბიექტები აცხადებენ, რომ მაჟორიტარული საარჩევნო სისტემის გაუქმებას ხელი 200 ათასმა მოქალაქემ მოაწერა და პარლამენტი საკონსტიტუციო ინიციატივას ამ დრომდე კენჭს არ უყრის, რაც, მათი თქმით, კანონდარღვევაა.

პარტია თავისუფალი საქართველოს თავმჯდომარე კახა კუკავა პარლამენტის თავმჯდომარეს თავის მოვალეობას ახსენებს და მოუწოდებს, რომ მაჟორიტარული საარჩევნო სისტემის გაუქმების საკითხი კენჭისყრაზე გაიტანოს.  

ახალი მემარჯვენეების თავმჯდომარე მამუკა კაციტაძე პარლამენტის მხრიდან 200 ათასი მოქალაქის მოთხოვნის უგულებელყოფაზე საუბრობს და სარჩელის კანონიერებას ასაბუთებს.

„საქართველოს პარლამენტმა კონსტიტუციით მინიჭებული უფლება გაუუქმა საქართველოს 200 ათას მოქალაქეს, რომ ეს ინიცირება პარლამენტში კენჭის საყრელად დამდგარიყო, ამიტომ ჩვენ გავამზადეთ სარჩელი,“ - განაცხადა მამუკა კაციტაძემ.

დემოკრატიული მოძრაობა - ერთიანი საქართველოს მთავარი საბჭოს წევრის გიორგი ახვლედიანის თქმით, საკონსტიტუციო სასამართლო ხელისუფლებას კანონის აღსრულებას დაავალდებულებს.  

„მე იმედი მაქვს, რომ სამივე ინსტიტუტი მოახერხებს ერთობლივი ინიციატივის განხორციელებას და ჩვენ ვთვლით, რომ საკონსტიტუციო სასამართლომ უნდა დაავალდებულოს ხელისუფლება არ დაარღვიოს კანონი,“ - განაცხადა გიორგი ახვლედიანმა.

საკოორდინაციო საბჭო საარჩევნო სისტემის შესახებ მომზადებულ სარჩელს სასამართლოში მომდევნო კვირას შეიტანს.

]]>
24-02-2017 14:48 +0400
"ქართული ოცნების" მილიონერი დეპუტატები და მინისტრები - "მედიატორის" და "სამოქალაქო პლატფორმა-ახალი საქართველოს" კვლევა http://rustavi2.com/ka/news/68889

ქართული ოცნების 7 დეპუტატისა და ერთი მინისტრის ბიზნეს საქმიანობა შეისწავლეს მონიტორინგის ცენტრმა მედიატორმა და სამოქალაქო პლატფორმა-ახალი საქართველოს წევრებმა.

ირკვევა, რომ სახელისუფლებო გუნდის აღნიშნულ 8 წევრთან დაკავშირებულმა კომპანიებმა 2012 წლიდან დღემდე სახელმწიფოსგან სხვადასხვა შეკვეთების სახით, 132 მილიონ ლარამდე მიიღეს. მათ შორის ტენდერის გარეშე, ერთ პირთან მოლაპარაკების გზით, 42 მილიონი ლარი. საუბარია დეპუტატ იოსებ მაკრახიძეზე, ზაქარია ქუცნაშვილსა და მინისტრ ტარიელ ხეჩიკაშვილზე. 

„საპარლამენტო სიას ლიდერობს იოსებ მაკრახიძე, რომლის კომპანიასაც მიღებული აქვს 83 მილიონი ლარის ხელშეკრულება. ზაქარია ქუცნაშვილის ოჯახის წევრების ბიზნეს ინტერესებიც გამოიკვეთა. რაც შეეხება მინისტრებს, აქ იკვეთება ტარიელ ხეჩიკაშვილი. ჩვენ მოვუწოდებთ შესაბამის ორგანოებს, დაინტერესდნენ აღნიშნული საკითხით, შეისწავლონ, ხომ არ ხდება თანამდებობის ბოროტად გამოყენება,“ - განაცხადა სამოქალაქო პლატფორმა-ახალი საქართველოსთვის წევრმა დიმიტრი ბიძინაშვილმა.

]]>
24-02-2017 14:36 +0400
ალექსანდრე ჯეჯელავას თქმით, მან და კალაძემ ე.წ. ციანიდის საქმეზე პატრიარქს ინფორმაცია მიაწოდეს http://rustavi2.com/ka/news/68888

ვიცე პრემიერის, ალექსანდრე ჯეჯელავას განმარტებით, მან და კახი კალაძემ 2 დღის წინ საპატრიარქოში გამართულ შეხვედრაზე პატრიარქს და სინოდის წევრებს ე.წ. ციანიდის საქმის გამოძიებასთან დაკავშირებით ინფორმაცია მიაწოდეს.

საპატრიარქოში შეხვედრის შემდეგ კი, ორივე ვიცე პრემიერი აცხადებდა, რომ შეხვედრის ერთადერთი მიზანი მხოლოდ პატრიარქის მონახულება იყო.

„ჩვენ ინფორმაცია მივაწოდეთ პატრიარქსაც და საპატრიარქოს სხვა წარმომადგენლებს და მათი მხრიდან მივიღეთ სრული მხარდაჭერა. ვინც არ უნდა იყოს დამნაშავე, როცა ასეთ მძიმე დანაშაულზეა საუბარი, ცალსახად საქმე უნდა მივიდეს ბოლომდე. მე დარწმუნებული ვარ, რომ ასეც იქნება. ჩვენი ხელისუფლება, პირადად პრემიერი, დიდ ყურადღებას აქცევს ამ საკითხს, იმას რომ გამოძიება სამართლიანად, გამჭვირვალედ წარიმართოს და ბოლომდე მივიდეს,“ - განაცხადა ალექსანდრე ჯეჯელავამ. 

]]>
24-02-2017 14:13 +0400
"ეს უკვე გავს სახელმწიფოს უსაფრთხოების საკითხებისადმი ცალმხრივ და არაობიექტურ მიდგომას“ - ეკა ბესელია პრეზიდენტზე საუბრობს http://rustavi2.com/ka/news/68887

დღეს პარლამენტი ე.წ. ფარული მოსმენების შესახებ კანონპროექტს მეორე მოსმენით განიხილავს. კანონპროექტთა პაკეტში რამდენიმე ცვლილება შევიდა. თუმცა, ოპოზიციის მთავარი მოთხოვნა, რომ ე.წ. გასაღები არ ყოფილიყო სახელმწიფო უსაფრთხოების სამსახურის დაქვემდებარებულ უწყებაში, არ იქნა გათვალისწინებული.

კანონპროექტში ცვლილებების შეტანა საკონსტიტუციო სასამართლოს გადაწყვეტილების შემდეგ გახდა აუცილებელი. უმაღლესმა სამართლებრივმა ინსტანციამ თავდაპირველი ვერსიის რამდენიმე მუხლი არაკონსტიტუციურად ცნო. წარმოდგენილ საკანონმდებლო პ​აკეტს უმცირესობა მხარს არ უჭერს.

პარლამენტის იურიდიულ საკითხთა კომიტეტის თავმჯდომარე ეკა ბესელია აღნიშნავს, რომ მათ საქმიან მოსაზრებებს მხარი დაუჭირეს.

“ყველა საქმიანი მოსაზრება იყო მხარდაჭერილი, მაგრამ პოზიციები, რომელიც ემსახურება უსაფრთხოების საფრთხის ქვეშ დაყენებას, ჩვენი მოქალაქეების დაცულობის საფრთხის ქვეშ დაყენებას, ასეთ მოსაზრებებს ბუნებრივია, ვერა. ფაქტიურად პრეზიდენტმა უკვე თქვა, რომ ის აპირებს ვეტოს დადებას, მისი საუბრის კონტექსტი ატარებს ამ გადაწყვეტილების შინაარსს. ეს უკვე გავს სახელმწიფოს უსაფრთხოების საკითხებისადმი ცალმხრივ და არაობიექტურ მიდგომას“ - განაცხადა ეკა ბესელიამ.

]]>
24-02-2017 13:59 +0400
"კანონის განხილვა ბიძინა ივანიშვილის დაკვეთით ხორციელდება" - "ევროპულმა საქართველომ" პარლამენტის დარბაზი პროტესტის ნიშნად დატოვა http://rustavi2.com/ka/news/68886

ევროპულმა საქართველომ პარლამენტის დარბაზი დღეს პროტესტის ნიშნად დატოვა, რის შემდეგაც მათ საგანგებო ბრიფინგი გამართეს. მათი თქმით, უმრავლესობის შეთავაზება ფარისევლობაა და კანონის განხილვა ბიძინა ივანიშვილის დაკვეთით ხორციელდება, რის გამოც ისინი სხდომას არ დაესწრებიან.

“ეს არის კანონი რომელსაც საქართველოში ეწინააღმდეგება ყველა, არასამთავრობო სექტორი, თვითონ მობილური ოპერატორები და ბიზნესი, პრეზიდენტი, საპარლამენტო უმცირესობა და ევროპული საქართველო, პოლიტიკური პარტიების ძალიან დიდი ნაწილი, მაგრამ ეს არის კანონი, რომლის მიღებაც ამ ქვეყანაში აინტერესებს ერთ ადამიანს და დღეს კიდევ ერთხელ ვიხილეთ, რომ ერთი ადამიანის ნება უფრო მაღლა დგას, ვიდრე მთელი საზოგადოების ინტერესი. ჩვენ ვერ მივიღებთ იმ უკანონობის დაკანონებაში მონაწილეობას, რომელიც ამ კანონის მიღებას მოჰყვება საქართველოში. ჩვენ დაგვრჩა ერთადერთი პოლიტიკური მექანიზმი, დემონსტრაციულად დავტოვოთ სხდომა,“ - განაცხადა დავით ბაქრაძემ.

ასევე ევროპულმა საქართველოს წევრის ირაკლი აბესაძის თქმით, მათ ყველაფერი გააკეთეს, რომ ქვეყანაში შეზღუდულიყო უკანონო მოსმენები, თუმცა აღმოჩნდა, რომ პარლამენტში არის სუს-ის მორჩილი უმრავლესობა.

ევროპული საქართველოს განცხადებას მხარს უჭერს ნაციონალური მოძრაობა, თუმცა სალომე სამადაშვილის განცხადებით, ისინი დარბაზის დატოვებას არ აპირებენ.

შეგახსენებთ, რომ საკანონმდებლო ორგანოში ე.წ. ფარული მოსმენების შესახებ კანონპროექტის მეორე მოსმენით განხილვის დროს პარლამენტის იურიდიულ საკითხთა კომიტეტის თავმჯდომარემ ეკა ბესელიამ პარლამენტის თავმჯდომარეს თხოვა განხილვა არა მუხლობრივად, არამედ თავების მიხედვით მომხდარიყო, რასაც ოპოზიციის მხრიდან პროტესტი მოჰყვა.

]]>
24-02-2017 13:50 +0400
ხმაური და დაპირისპირება პარლამენტში http://rustavi2.com/ka/news/68885

ხმაური და დაპირისპირება პარლამენტში. საკანონმდებლო ორგანოში ე.წ. ფარული მოსმენების შესახებ კანონპროექტის მეორე მოსმენით განხილვის დროს პარლამენტის იურიდიულ საკითხთა კომიტეტის თავმჯდომარემ ეკა ბესელიამ პარლამენტის თავმჯდომარეს თხოვა განხილვა არა მუხლობრივად არამედ თავების მიხედვით მომხდარიყო, რასაც ოპოზიციის მხრიდან პროტესტი მოჰყვა.

ევროპულმა საქართველომ დარბაზი დატოვა. ისინი სამოქმედო გეგმაზე მსჯელობენ. 

]]>
24-02-2017 13:24 +0400
ვის ექნება მედიასთან კომუნიკაცია, პრემიერთან ილია მეორის შეხვედრის შემდეგ გაირკვევა http://rustavi2.com/ka/news/68884

საქართველოს საპატრიარქოს მდივნის საკითხი, საქართველოს პატრიარქისა და პრემიერმინისტრის შეხვედრის შემდეგ გახდება ცნობილი. ამის შესახებ განცხადება, საპატრიარქოს უნივერსიტეტის სამეთვალყურეო საბჭოს თავმჯდომარემ გააკეთა.

„უახლოეს საათებში გადაწყდება ვინ იქნება ის ოფიციალური პიროვნება, რომელიც უპასუხებს ხოლმე თქვენს კითხვებს, მაგრამ ეს პიროვნება არ იქნება პატრიარქის მდივანი, რომელ პოსტსაც იკავებდა მამა მიქაელ ბოტკოველი. ეს საკითხები მოგვიანებით გადაწყდება,“ - აცხადებს ანდრიაძე.

მისივე თქმით, მისთვის უცნობია, რჩება თუ არა პატრიარქის დაცვის ხელმძღვანელად სოსო ოხანაშვილი.

„ამ წუთში არ დამინახავს. მე შევედი 15 წუთი, მივიღე დავალება და გავდივარ. ოფიციალურ პოზიციას და ინფორმაციას მოგაწვდით ის პიროვნება, ვისაც პრემიერმინისტრთან შეხვედრის შემდეგ დანიშნავს კათოლიკოს პატრიარქი, თქვენთან მოსაუბრეს,“ - განაცხადა გიორგი ანდრიაძემ.

]]>
24-02-2017 13:04 +0400
მოსამართლე ნაზღაიძე და მილიონიანი კომპენსაცია-ოპოზიცია კორუფციაზე საუბრობს http://rustavi2.com/ka/news/68883

საპარლამენტო ოპოზიცია რუსთავი 2-ის საქმის განმხილველი მოსამართლის ოჯახისათვის მილიონი ლარის გადაცემის საქმეზე გამოძიების დაწყებას ელოდება.

საპარლამენტო უმცირესობის განცხადებით, არსებობს დოკუმენტაცია და კონკრეტული მტკიცებულებები, რომელიც საგამოძიებო ორგანომ უნდა შეისწავლოს.

"თბილისის მერიის მხრიდან ამ კომპენსაციის, მილიონი ლარის გაცემა იყო ერთმნიშვნელოვნად უკანონობა და დანაშაულებრივი მოქმედება. ამ დანაშაულებრივი მოქმედებით ნამდვილად ისარგებლა მოსამართლე ნაზღაიძის წევრმა, მაგრამ უკავშირდებოდა თუ არა ეს მის სამოსამართლეო საქმიანობას და რუსთავი 2-ზე მიღებულ გადაწყვეტილებას, ეს უნდა გამოიძიოს საქართველოს მთავარმა პროკურატურამ,“ - აცხადებს ირაკლი აბესაძე.

სასამართლო სისტემით და პროკურატურით მანიპულირებაში ადანაშაულებს ხელისუფლებას ნაციონალური მოძრაობა. პარტიაში ამბობენ, რომ სწორედ ამ ორი ინსტიტუტის გამოყენებით ცდილობს მმართველი გუნდი რუსთავი 2-ის ხელში ჩაგდებას.

„ვფიქრობ, რომ ხელისუფლებამ პასუხი უნდა გასცეს ყველა შეკითხვას. ახსნან რასთან გვაქვს ჩვენ რეალურად საქმე, როდესაც მოსამართლე ნაზღაიძის ძმას გადაეცა სრულიად არაპროპორციული ანაზღაურება,“ - განაცხადა სალომე სამადაშვილმა.

უმრავლესობა კი მოსამართლეების დისკრედიტაციის მცდელობაზე საუბრობს.

„თუ ნაზღაიძის, მოსამართლის ძმა არის, ეს არ ნიშნავს, რომ უნდა დაიჩაგროს, როდესაც ანაზღაურება ხდება და მითუმეტეს, თუ მას საერთოდ არ ეკუთვნის ეს ნაკვეთი და გარდა ამისა, მოვიგოთ ისიც, რომ ადამიანი, რომელზეც ყველაზე დიდი შეტევა მიმდინარეობს უსაფუძვლოდ და უზნეოდ, ბიძინა ივანიშვილი არის მთავარი შემომტანი იმ ფონდში, რითაც აუნაზღაურდა ზარალი,“ - განაცხადა გია ვოლსკიმ.

]]>
24-02-2017 12:54 +0400
"ნუ გვისმენთ" - გამაფრთხილებელი აქცია პარლამენტთან http://rustavi2.com/ka/news/68879

"ნუ გვისმენთ"- ნაციონალური მოძრაობის ქუთაისის წარმომადგენლებმა, პარლამენტის შენობის წინ გამაფრთხილებელი აქცია გამართეს. აქციის მონაწილეები ხელისუფლებას მოუწოდებენ, კანონპროექტის ის ვერსია, რომელიც დღეს არის პარლამენტში, არ მიიღოს.  

"ეს კანონი არც ადამიანის ულებების დაცვისკენ არის მიმართული და არც ქვეყნის უსაფრთხოების დაცვისკენ. ეს კანონი მიმართულია ერთი ადამიანის უსაფრთხო ძილისკენ, რომელსაც ჰქვია ბიძინა ივანიშვილი,“ - განაცხადა აქციის ერთ-ერთმა მონაწილემ.  

შეგახსენებთ, რომ ამ წუთებში საქართველოს პარლამენტში ე.წ. ფარული მოსმენების შესახებ კანონპროექტის მორე მოსმენით განხილვა იწყება.

]]>
24-02-2017 12:48 +0400
პარლამენტში ე.წ. ფარული მოსმენების შესახებ კანონპროექტის მეორე მოსმენით განხილვა იწყება http://rustavi2.com/ka/news/68878

ამ წუთებში საქართველოს პარლამენტში ე.წ. ფარული მოსმენების შესახებ კანონპროექტის მორე მოსმენით განხილვა იწყება. კანონპროექტთა პაკეტში რამდენიმე ცვლილება შევიდა. თუმცა, ოპოზიციის მთავარი მოთხოვნა, რომ ე.წ. გასაღები არ ყოფილიყო სახელმწიფო უსაფრთხოების სამსახურის დაქვემდებარებულ უწყებაში, არ იქნა გათვალისწინებული.

კანონპროექტში ცვლილებების შეტანა საკონსტიტუციო სასამართლოს გადაწყვეტილების შემდეგ გახდა აუცილებელი. უმაღლესმა სამართლებრივმა ინსტანციამ თავდაპირველი ვერსიის რამდენიმე მუხლი არაკონსტიტუციურად ცნო. წარმოდგენილ საკანონმდებლო პ​აკეტს უმცირესობა მხარს არ უჭერს.

პარლამენტის იურიდიულ საკითხთა კომიტეტის თავმჯდომარე ეკა ბესელია კი აღნიშნავს, რომ მათ საქმიან მოსაზრებებს მხარი დაუჭირეს.

“ყველა საქმიანი მოსაზრება იყო მხარდაჭერილი, მაგრამ პოზიციები, რომელიც ემსახურება უსაფრთხოების საფრთხის ქვეშ დაყენებას, ჩვენი მოქალაქეების დაცულობის საფრთხის ქვეშ დაყენებას, ბუნებრივია ვერა. ფაქტიურად პრეზიდენტმა უკვე თქვა, რომ ის აპირებს ვეტოს დადებას, მისი საუბრის კონტექსტი ატარებს ამ გადაწყვეტილების შინაარსს. ეს უკვე ჰგავს სახელმწიფოს უსაფრთხოების საკითხებისადმი ცალმხრივ და არაობიექტურ მიდგომას“ - განაცხადა ეკა ბესელიამ.

პარლამენტის ფრაქცია ევროპული საქართველოს წევრის სერგო რატიანის თქმით, აღნიშნული კანონი ბიძინა ივანიშვილს სჭირდება უმრავლესობის წევრების გასაკონტროლებლად.

“ეს კანონი არის იმდენად მძიმე და იმდენად უსაზღვრო ძალაუფლებას ანიჭებს უსაფრთხოების სამსახურს, რომ ცხადია, მოსმენების კანონი, მოსმენების სამსახური მას სჭირდება არა ოპოზიციის და არასამთავრობოების საკონტროლოდ, არამედ ბიძინა ივანიშვილს ეს სჭირდება პრემიერმინისტრის, პარლამენტის თავმჯდომარის და დანარჩენი უმრავლესობის წევრების საკონტროლებლად,“ - აღნიშნა რატიანმა.

პარლამენტის ფრაქცია ნაციონალური მოძრაობის თავმჯდომარის რომან გოცირიძის თქმით, ხელისუფლებამ ყველაზე ცუდი კანონი მიიღო.

“ეს არის ერთ-ერთი ყველაზე უარესი კანონი, რაც ოცნების ხელისუფლებას მიუღია ამ ბოლო 4 წლის განმავლობაში. იქმნება ორგანო, რომელიც იქნება მაკონტროლებელი, შემმოწმებელი და გარდა ამისა, ახალი მალიცენზირებელი ორგანო შემოდის,“ - განაცხადა გოცირიძემ.

]]>
24-02-2017 12:40 +0400
სახალხო დამცველი ე.წ. მოსმენების შესახებ "ენმ"-ის ალტერნატიულ კანონპროექტს ეთანხმება http://rustavi2.com/ka/news/68877

ნაციონალური მოძრაობის წევრებმა სახალხო დამცველს ე.წ. ფარული მოსმენების შესახებ კანონთან დაკავშირებით ალტერნატიული პროექტი გააცნეს. როგორც შეხვედრის დასრულების შემდეგ ნანუაშვილმა განაცხადა, ის ოპოზიციის არგუმენტებს იზიარებს.

ომბუდსმენი ამბობს, რომ საყოველთაო უნდობლობის ფონზე, დამატებითი მექანიზმები, რომელიც ფარული მიყურადება-თვალთვალის შეუზღუდავად კონტროლის შესაძლებლობას იძლევა, აუცილებელია.

„სახალხო დამცველი იქნება დაინტერესებული, მითუმეტეს იმ ფონზე, როდესაც საყოველთაო უნდობლობა არსებობს ამ საკითხთან დაკავშირებით საზოგადოებაში, რომ  ჩვენ გარკვეულწილად დამატებითი მექანიზმი გავხდეთ იმასთან დაკავშირებით, რომ მოსმენების საკითხი ერთხელ და სამუდამოდ ქვეყანაში დამთავრდეს,“ - განაცხადა უჩა ნანუაშვილმა.

ნაციონალური მოძრაობის მიერ შემუშავებული ალტერნატიული კანონპროექტი, ორგასაღებიან სისტემას გულისხმობს.

გარდა ამისა, პარტიის ლიდერები მიიჩნევენ, რომ სახალხო დამცველს, ოპოზიციის ერთ დეპუტატს და საპარლამენტო უმრავლესობის ასევე ერთ წევრს, ფარულ მიყურადება-მოსმენებზე მონიტორინგის შეუზღუდავად განხორციელების საშუალება უნდა ქონდეთ.

„ეს იქნება ერთადერთი გზა, რომ გათვალისწინებულ იქნეს, როგორც სახელმწიფო უსაფრთხოების, ასევე მოქალაქეთა პირადი ცხოვრების დაცულობის ინტერესები. ჩვენი ინიციატივა ითვალისწინებს სამმაგ დაცვას, სახალხო დამცველს, უმრავლესობის წარმომადგენელს და ოპოზიციის წარმომადგენელს ნებისმიერ დროს უნდა ჰქონდეს დაშვება მოსმენების, როგორც ტექნიკურ, ასევე სამართლებრივ მხარესთან,“ - აცხადებს ზაზა ბიბილაშვილი.

]]>
24-02-2017 12:38 +0400
სააპელაციო სასამართლომ ვალერი გელაშვილზე თავდასხმის საქმეზე ვანო მერაბიშვილი დამნაშავედ სცნო http://rustavi2.com/ka/news/68875

სააპელაციო სასამართლომ ვალერი გელაშვილზე განხორციელებული თავდასხმის საქმეში შინაგან საქმეთა ყოფილი მინისტრი ვანო მერაბიშვილი დამნაშავედ სცნო. თბილისის სააპელაციო სასამართლომ ძალაში დატოვა საქალაქო სასამართლოს 2016 წლის 22 სექტემბრის გამამტყუნებელი განაჩენი.

თბილისის საქალაქო სასამართლოს განაჩენის გაუქმების მოთხოვნით, თბილისის სააპელაციო სასამართლოს სააპელაციო საჩივრით მსჯავრდებულმა ივანე მერაბიშვილმა მიმართა. 

ვალერი გელაშვილზე განხორციელებული თავდასხმის ორგანიზების ბრალდებით, თბილისის საქალაქო სასამართლოში ყოფილი პრეზიდენტის მიხეილ სააკაშვილის საქმეც იხილება. ამ საქმეზე მიხეილ სააკაშვილს წარდგენილი აქვს ბრალი, რაც 3-დან 10 წლამდე თავისუფლების აღკვეთას ითვალისიწნებს.

]]>
24-02-2017 12:25 +0400
სასწავლებელში, რომლის რექტორიც ბრალდებული დეკანოზი იყო, პროკურატურის წარმომადგენლები მივიდნენ http://rustavi2.com/ka/news/68873

მამა გიორგი მამალაძის საქმესთან დაკავშირებით ბათუმში საგამოძიებო მოქმედებები მიმდინარეობს. როგორც ცნობილი გახდა, ერთ-ერთ სასწავლებელში, რომლის რექტორიც იყო მამა გიორგი მამალაძე, პროკურატურის წარმომადგენლები მივიდნენ და სასწავლებლის თანამშრომლებს სთხოვეს, რომ მათთვის გადაეცათ მამა გიორგი მამალაძის ხელნაწერი, თუმცა სასწავლებელში აცხადებენ, რომ აღნიშნული ხელნაწერის გადაცემა არ მოხდა.

“მოვიდა ახალგაზრდა, რომელმაც წარმომიდგინა დოკუმენტი, რომელიც იყო აჭარის პროკურატურის. არ ვიცი რამდენად სანდო იყო ეს დოკუმენტი, არ ვიცი მართლა წარმოადგენდა თუ არა ის პირი პროკურატურას თანამშრომელს, უბრალოდ ჩემში უნდობლობა გამოიწვია იმან, რომ ის ითხოვდა მამაოს ხელნაწერს, ნებისმიერი სახის, თუნდაც პატარა ფურცლის ნაგლეჯს და თვითონ მოთხოვნის პროცესი იყო ისეთი, რაც იწვევდა უნდობლობას. ეს ადამიანი იყო სხვისი გამოგზავნილი, ასე ჩავთვალე მე იმიტომ, რომ ის დრო და დრო ეკონტაქტებოდა სხვას და ის აძლევდა იქიდან რჩევებს, სამჯერ გაბრუნდა და უკან დაბრუნდა,“ - განაცხადა დირექტორის მოადგილემ მარიამ ტარიელაძემ.

]]>
24-02-2017 12:17 +0400
თბილისის საკრებულოში რამდენიმე კომისიის გაერთიანებული სხდომა მიმდინარეობს   http://rustavi2.com/ka/news/68874

ამ წუთებში თბილისის საკრებულოში რამდენიმე კომისიის გაერთიანებული სხდომა მიმდინარეობს.  სხდომაზე დეპუტატები დღის წესრიგით გათვალისწინებულ საკითხებს განიხილავენ და მათგან ერთ-ერთი მთავარი საკითხი, რუსთავი 2-ის საქმის განმხილველი მოსამართლის, ნატა ნაზღაიძის ოჯახისთვის, მერიის მიერ კომპენსაციის სახით გადაცემული ქონებაა.

ოპოზიცია 2016 წლის 23 დეკემბრის განკარგულების გაუქმებას ითხოვს, რომლის საფუძველზეც ნაზღაიძის ძმას მილიონი ლარის ქონება გადაეცა. ასევე საკრებულოს დღევანდელ სხდომაზე ოპოზიცია კომპენსაციის გაცემის წესში ცვლილების შეტანას მოითხოვს.

„ჩვენ გვაქვს რამდენიმე გარემოება, რომლითაც გვინდა დავარწმუნოთ უმრავლესობის წევრები, რომლებიც შეცდომაში შეიყვანა მერიამ, რომ აუცილებელია ამ განკარგულების გაუქმება, ბათილად ცნობა და მხოლოდ ამის შემდეგ შეიძლება ვილაპარაკოთ რაიმე ტიპის ზარალის ანაზღაურებაზე ნაზღაიძისთვის,“ - განაცხადა თბილისის საკრებულოს ფრაქცია რესპუბლიკელების თავმჯდომარემ ხათუნა სამნიძემ.

თბილისის საკრებულოს ფრაქცია თბილისის თავმჯდომარე მამუკა ახვლედიანი თბილისის მერს საკუთარ უფლება-მოვალეობებს ახსენებს და ამბობს, რომ ნარმანიას გადაწყვეტილება არ მივიდეს საკრებულოს სხდომაზე კანონდარღვევაა.

„მას მაინც აუცილებლად მოუწევს საკრებულოს რიგგარეშე სხდომაზე მოსვლა, იმიტომ, რომ ჩვენ ცალკე მოთხოვნა გვაქვს მის საკრებულოს სხდომაზე დაბარებაზე. ასე გადაწყდება ეს საკითხები თუ ისე გადაწყდება, მაინც უნდა გასცეს პასუხი. კიდევ ერთხელ ვიმეორებ, რომ თუ არ მოვა ნარმანია სხდომაზე, ეს არის სამსახურეობრივი უფლებამოსილების გადამეტება," - განაცხადა მამუკა ახვლედიანმა. 

]]>
24-02-2017 12:16 +0400
მამა გიორგი ზუსტად იტყვის ვინ თხოვა, რომ იარაღი შეენახა - მიხეილ რამიშვილი http://rustavi2.com/ka/news/68872

დაკავებული დეკანოზი დუმილს არღვევს, ის გამოძიებას ჩვენებას დღეს მისცემს. მატროსოვის საპყრობილეში, სადაც ამ დროისთვის მამა გიორგი მამალაძეა გადაყვანილი, პროკურატურის წარმომადგენლებს 3 საათისთვის ელოდებიან.

ადგილზევე მოხდება ხმის ნიმუშის აღება, ფარული ჩანაწერების ნამდვილობის დადგენის მიზნით. ცნობილია, რომ გამოძიებამ ე.წ. ციანიდის საქმის სავარაუდო ადრესატი, შორენა თეთრუაშვილიც უნდა დაკითხოს, თუმცა როდის, ამ ეტაპზე კვლავ უცნობია.

”აუდიო ჩანაწერები მე რაც მოვისმინე, რასაც გავეცანი იქ მრავალ ადამიანთან აქვს რომლებიც მამაოთი​ იხსენიებენ და სხვადასხვა მრევლის წარმომადგენლებიც არიან და გარკვეული პიროვნებებიც“ - განაცხადა მამა გიორგი მამალაძის ადვოკატმა მიხეილ რამიშვილმა. 

ადვოკატი აღნიშნავს, რომ ჩანაწერში მას ციანიდის საქმესთან დაკავშირებით ინფორმაცია არ მოუსმენია. ის ასევე აღნიშნავს, რომ მამა გიორგი მამალაძე გამოძიებას ასევე ეტყვის თუ საიდან აღმოჩნდა მის საცხოვრებელ სახლში ცეცხლსასროლი იარაღი.

“მამა გიორგი ზუსტად იტყვის ვინ თხოვა, რომ იარაღი შეენახა. მოგეხსენებათ, მე თვითონ ადვოკატი ვარ და შეიძლება ადამიანმა ახლობელმა მთხოვოს რაღაცა ნივთის შენახვა, დროებით მაინც და ახლა მამაოებს ძალიან ბევრ ადამიანთან აქვთ ურთიერთობა და შეუძლია გაუგოს და დროებით რაღაცაში მიეხმაროს. ამაში მე დანაშაულს ნამდვილად ვერ ვხედავ,“ -აღნიშნა რამიშვილმა.   

]]>
24-02-2017 12:05 +0400
რასაც პოლიტიკოსების მხრიდან ადგილი ქონდა, ამორალურია - ლევან მურუსიძე მოსამართლე ნაზღაიძეზე http://rustavi2.com/ka/news/68870

მოსამართლე ნატა ნაზღაიძის ოჯახოსთვის მილიონიანი ქონების გადაცემის ფაქტზე დამატებითი განმარტება გააკეთა იუსტიციის უმაღლესი საბჭოს მდივანმა. ლევან მურუსიძე აცხადებეს, რომ ის მოსამართლეს პირადად შეხვდა და სადავო საკითხთან დაკავშირებულ დოკუმენტაციასაც სრულად გაეცნო.

საბჭოს მდივანი მიიჩნევს, რომ ნაზღაიძის ოჯახის მისამართით უსაფუძვლო ბრალდებები ისმის და კანონდარღვევას გამორიცხავს.

"ადამიანს, თუ არ არის დაინტერესებული, ეჭვი არ გაუჩნდებოდა იმაში, რომ არავითარ ურთიერთობასა და ქრთამის აღებაზე აქ საუბარი არ არის. გიშინ რა დოკუმენტებზეც იყო საუბარი და რაც არის ჩამონათვალი, ყველა დოკუმენტი ნანახი მაქვს. მე შევხვდი ნატას და გამოვართვი ის დოკუმენტები. ამიტომ ვიძახდი მე არაერთხელ, რამდენჯერმე გავუსვი ხაზი და მოვუწოდებდი პოლიტიკოსებს, რომ ადამიანს ცილს ნუ სწამებთ. ის, რასაც პოლიტიკოსების მხრიდან ადგილი ქონდა, არის ჩემი მხრიდან ამორალური," - განაცხადა ლევან მურუსიძემ. 

]]>
24-02-2017 11:48 +0400
თბილისის მერი საკრებულოში მისვლას არ აპირებს http://rustavi2.com/ka/news/68867

თბილისის მერი დავით ნარმანია, საკრებულოში მისვლას არ აპირებს. ნარმანია ჟურნალისტებთან საუბრისას კიდევ ერთხელ ეხმაურება თბილისის საკრებულოს ოპოზიციის მოთხოვნას, გაუქმდეს განკარგულება, რომლის საფუძველზეც, სამაუწყებლო კომპანია რუსთავი 2-ის საქმის განმხილველი მოსამართლის ოჯახს მილიონი ლარის ღირებულების ქონება გადაეცა.

თბილისის მერი ამბობს, რომ ოპოზიციის მოთხოვნა უსაფუძვლოა, რადგან ნარმანიას მტკიცებით, ქონება მოსამართლის ოჯახს კანონის სრული დაცვით გადაეცა.  

დავით ნარმანია ოპონენტთა განცხადებებს, კვლავ პოლიტიკურ შოუს უწოდებს.

„გამომდინარე იქიდან, რომ დღეს იგეგმება პოლიტიკური შოუ, მე ამ პოლიტიკურ შოუში მონაწილეობის მიღებას არ ვაპირებ. ეს არის აბსოლუტურად თითიდან გამოწოვილი საკითხი, რომლის პედალირებასაც სპეციალურად აკეთებენ ჩვენი პოლიტიკური ოპონენტები. ვინაიდან ეს იქნება პოლიტიკური შოუ და მას რეალობასთან არანაირი შეხება არ აქვს, ასევე გამომდინარე იქიდან, რომ ჩვენ ტერიტორიის გადაცემა კანონმდებლობის სრული დაცვით გავაკეთეთ, ძალიან კარგად იცის საზოგადოებამ და არა ერთხელ განვუმარტეთ ეს საზოგადოებას, არ ვაპირებ დღეს დედაქალაქის საკრებულოში მისვლას. ვფიქრობ, რომ განკარგულება არ უნდა გაუქმდეს. ეს არის აბსოლუტურად კანონიერად მიღებული განკარგულება, რომლის გაუქმების რაიმე სახის სამართლებრივი, პოლიტიკური საფუძველი და მექანიზმი არ არსებობს,“-განაცხადა დავით ნარმანიამ.  

მოსამართლე ნატალია ნაზღაიძის ოჯახისათვის კომპენსაციის სახით მილიონი ლარის გადაცემის საკითხი, ოპოზიციის მოთხოვნით დღეს საკრებულოს სხდომაზე განიხილება.

დეპუტატები ასევე იმსჯელებენ იმ დოკუმენტის გაუქმებაზე, რომლის მიხედვითაც ეს თანხა მოსამართლის ოჯახმა მიიღო და მიწის ნაკვეთის ჩამორთმევის საკითხზე. კვლავ ძალაში რჩება მერის მისვლის მოთხოვნაც.

 

]]>
24-02-2017 11:19 +0400
"არ შეიძლება დარჩეს ისეთი ვერსიით, რომლითაც დღეს წარმოდგენილია პარლამენტში" - ანა დოლიძე ე.წ. მოსმენების კანონზე http://rustavi2.com/ka/news/68860

მოსმენების შესახებ კანონპროექტს პრეზიდენტის ადმინისტრაციაში უარყოფითად აფასებენ. გიორგი მარგველაშვილის საპარლამენტო მდივანი ამბობს, რომ პარლამენტში დასამტკიცებლად წარდგენილი მოდელი საკონსტიტუციო სასამართლოს გადაწყვეტილებას ეწინააღმდეგება.

ანა დოლიძის განმარტებით, საპარლამენტო უმრავლესობის მიერ შემუშავებული კანონპროექტი, უწყების დამოუკიდებლობას ვერ უზრუნველყოფს.

„თუ ჩვენ ვიღებთ უწყებას, სადაც ძირეულ და შინაარსობრივ კონტროლს მაინც განახორციელებს უსაფრთხოების სამსახური, მაშინ ეს არ იქნება უწყება, რომელიც იქნება შინაარსობრივად და ნამდვილად დამოუკიდებელი. ეს პრობლემა არის საკონსტიტუციო სასამართლოს გადაწყვეტილებასთან მიმართებაში, თუმცა არის რამდენიმე საკითხი, სააგენტოს უფლებამოსილება, რომელიც ძალიან დიდია და რომელიც არ შეიძლება, რომ დარჩეს ისეთი ვერსიით, რომელი ვერსიითაც ის არის დღეს წარმოდგენილი პარლამენტში,“ - განაცხადა ანა დოლიძემ.

]]>
24-02-2017 09:11 +0400
ე.წ. ფარული მიყურადების კანონპროექტი - კითხვები აქვს პერსონალურ მონაცემთა დაცვის ინსპექტორს http://rustavi2.com/ka/news/68859

ე.წ. ფარული მიყურადების კანონპროექტს კანონმდებლები დღეს მეორე მოსმენით განიხილავენ. ოპოზიციის შეფასებით, მმართველი გუნდის მიერ შემუშავებული მოდელი ერთ-ერთი ყველაზე ცუდი ვარიანტია და ის პოლიციური სახელმწიფოსთვის დამახასიათებელ ნორმებს შეიცავს.

„ეს კანონი მთლიანობაში არის უხეში ჩარევა ადამიანების პირად ცხოვრებაში. ეს არის პოლიციური სახელმწიფოსთვის დამახასიათებელი ნორმების შედგენა, რომელსაც არავითარი კავშირი არ აქვს სახელმწიფო უსაფრთხოებასთან და დიდი იმედი გვაქვს, რომ პრეზიდენტი გამოიყენებს ვეტოს უფლებას და საკონსტიტუციო სასამართლო კიდევ ერთხელ დააბრუნებს ამ კანონს პარლამენტში,“ - განაცხადა პარლამენტის ფრაქცია ნაციონალური მოძრაობის თავმჯდომარემ რომან გოცირიძემ.

საპარლამენტო უმცირესობა ამბობს, რომ ე.წ. მოსმენების შესახებ მმართველი გუნდის მიერ შემუშავებული კანონპროექტის ახალი ვარიანტი, იძლევა სახელმწიფოს მხრიდან ადამიანის პირად ცხოვრებაში უხეში ჩარევის შესაძლებლობას.

ქართული ოცნება სამწუხაროდ, არ აპირებს არცერთი შეთავაზების გათვალისწინებას, რომელიც მოდის პოლიტიკური ოპოზიციიდან, არასამთავრობო სექტორიდან, რომელიც არის მოცემული საკონსტიტუციო სასამართლოს გადაწყვეტილებაში და ჯიუტად აპირებს სუს-ის შემადგენლობაში დატოვოს მოსმენების ტექნიკური საშუალებები,“ - განაცხადა ირაკლი აბესაძემ.

დოკუმენტთან დაკავშირებით კითხვები აქვს პერსონალურ მონაცემთა დაცვის ინსპექტორს.

„საკმაოდ პრინციპული და მნიშვნელოვანია ჩვენთვის ე.წ. ორგასაღებიანი სისტემის ცვლილება და ჩვენ უფრო მეტად შეჩერების და ზედამხედველობის როლში გადავდივართ. როგორ განხორციელდეს, რა ვადებში, ამ ყველაფერზე ბუნებრივია, გვაქვს გარკვეული კითხვები და შეთავაზებები. იმიტომ, რომ გვგონია, რომ ერთ-ერთი მნიშვნელოვანი ფაქტორი არის ის, რომ კონტროლის ბერკეტები არც ერთ შემთხვევაში არ უნდა გაუარესდეს,“ - აცხადებს თამარ ქალდანი.

ოპონენტების შენიშვნებს არ იზიარებს უმრავლესობა. მმართველი გუნდის მთავარი არგუმენტი სახელმწიფო უსაფრთხოებასთან დაკავშირებული საკითხებია.

]]>
24-02-2017 09:02 +0400
ნაზღაიძის ოჯახისთვის გადაცემული ქონება - ოპოზიცია კორუფციაზე, მმართველი გუნდი კი მოსამართლეთა დისკრედიტაციის მცდელობაზე საუბრობს http://rustavi2.com/ka/news/68855

საპარლამენტო ოპოზიცია რუსთავი 2-ის საქმის განმხილველი ერთ-ერთი მოსამართლის, ნატალია ნაზღაიძის ოჯახისათვის მილიონი ლარის გადაცემის საქმეზე გამოძიების დაწყებას და პროკურატურისგან პასუხს ელოდება.

საპარლამენტო უმცირესობაში განმარტავენ, რომ არსებობს დოკუმენტაცია და კონკრეტული მტკიცებულებები, რომელიც უნდა შეისწავლოს საგამოძიებო ორგანომ.

„როდესაც კონკრეტულ ე.წ. მიწის ნაკვეთში, სამხარაულის ექსპერტიზის ეროვნულ ბიუროს შეფასებული აქვს 37 ათას ლარად და შემდგომ ვიგებთ, რომ ბიუჯეტიდან მილიონია გადახდილი ამ ნაკვეთში, ეს ზედმეტ კითხვის ნიშნებს არ ტოვებს. რაც შეეხება კონკრეტული პირის ბრალეულობას, ჩვენ მოვითხოვეთ ჩატარებულიყო გამოძიება და გამოვლენილიყო ყველა ის პირი, რომელიც რაიმე ფორმით ამ სქემაში მონაწილეობდა,“ - განაცხადა პარლამენტის ფრაქცია ევროპული საქართველო - უკეთესი მომავლისთვის წევრმა გიორგი ტუღუშმა.

ნაზღაიძის ოჯახისთვის ბიუჯეტიდან კომპენსაციის კანონის დარღვევით გაცემაზე ამახვილებს ყურადღებას ნაციონალური მოძრაობა.

„უდავოა ის ფაქტი, რომ ანაზღაურება ბიუჯეტიდან მოხდა დარღვევით ყველანაირი შესაბამისი კანონმდებლობის, კონკრეტულად ჩვენ და მასმედიამ გამოთქვა ვარაუდი, რომ ეს უკავშირდება სწორედ ნაზღაიძის კორუფციულ გარიგებას. ეს არის ხელისუფლების პირდაპირი ვალდებულება, რომ დაამტკიცოს, რომ ეს ასე არ არის. არასამთავრობო ორგანიზაციებმა ნათლად თქვეს, რომ ხელისუფლება არაფერს აკეთებს იმისთვის, რათა დაამტკიცოს, რომ ეს ასე არ არის,“ - აცხადებს სალომე სამადაშვილი.

ოპოზიციის ბრალდებები საფუძველს მოკლებულია საპარლამენტო უმრავლესობისთვის. მმართველი გუნდი მოსამართლეების დისკრედიტაციის მცდელობაზე საუბრობს.

„როდესაც ეს განცხადებები გაკეთდა, ამას არ ჰქონდა მყარი საფუძველი და იყო წარმოჩენილი ისე, რომ თითქოს კონკრეტულმა მოსამართლემ აიღო ქრთამი. ეს იყო მტკიცებით ფორმატში, ეს არის ბუნებრივია არასწორი და სწორედ ამას გამოეხმაურნენ არასამთავრობო ორგანიზაციები, რომლებიც ხელისუფლების მიმართ არიან კრიტიკულად განწყობილი, თუმცა როგორც ჩანს, ამ შემთხვევაში, მათ არ ჰქონდათ არანაირი საფუძველი, რომ სხვანაირი განცხადება გაეკეთებინათ,“ - განაცხადა მამუკა მდინარაძემ.

]]>
24-02-2017 08:50 +0400
მოსამართლეების საქმეები - სამოქალაქო სექტორი პროკურატურას საქმის გამოძიებისკენ მოუწოდებს http://rustavi2.com/ka/news/68854

მოსამართლე ნაზღაიძის ოჯახისთვის, მილიონი ლარის გადაცემის შესახებ მიღებული გადაწყვეტილების კანონიერების დასაბუთებისკენ მოუწოდებენ მერიას და საკრებულოს, არასამთავრობო ორგანიზაციები.

სამოქალაქო სექტორი ასევე მიმართავს პროკურატურას - უზრუნველყოს უზენაესი სასამართლოების მოსამართლეებზე შესაძლო ზეწოლის ფაქტებთან დაკავშირებით დროული და ობიექტური გამოძიება და გაასაჯაროოს მტკიცებულებები.

"სიუჟეტი, რომელიც გავიდა რუსთავი 2-ზე და რომელზეც გაჟღერდა შესაძლო კორუფციულ დანაშაულზე ინფორმაცია, ფაქტია, რომ შეიცავდა დანაშაულის შესახებ მითითებას, რაც ავტომატურად, ჩვენი კანონმდებლობით არის საფუძველი, რომ დაიწყოს შესაბამისმა უწყებებმა სამართლებრივი რეაგირება ანუ გამოძიება. მითუმეტეს, როდესაც ეს უკავშირდება კონკრეტულ მოსამართლეს და კონკრეტულ საქმეს განხილვის დაწყების დღიდან, თან სდევდა პოლიტიკური ელფერი. ასეთ დროს პირველ რიგში, ალბათ, სახელმწიფო უწყებებს უნდა აინტერესებდეთ, რომ ამ საქმეს ეს პოლიტიკური ელფერი მოაშორონ,“ - განაცხადა ადამიანის უფლებების სწავლებისა და მონიტორინგის ცენტრის იურისტმა გურამ იმნაძემ.

შეგახსენებთ, რომ რუსთავი 2-ის გენერალური დირექტორის განცხადებით, ტელეკომპანია მზად არის ჩაერთოს მოსამართლე ნაზღაიძის ოჯახისთვის ქრთამის სახით ქონების შესაძლო გადაცემის დეტალების გამოკვლევაში.

]]>
24-02-2017 08:23 +0400
მოსამართლე ნაზღაიძის ოჯახისთვის გადაცემული ქონების საკითხს დღეს საკრებულოს სხდომაზე განიხილავენ http://rustavi2.com/ka/news/68852

მოსამართლე ნატალია ნაზღაიძის ოჯახისათვის კომპენსაციის სახით მილიონი ლარის გადაცემის საკითხი, ოპოზიციის მოთხოვნით დღეს საკრებულოს სხდომაზე განიხილება.

დეპუტატები ასევე იმსჯელებენ იმ დოკუმენტის გაუქმებაზე, რომლის მიხედვითაც ეს თანხა მოსამართლის ოჯახმა მიიღო და მიწის ნაკვეთის ჩამორთმევის საკითხზე. კვლავ ძალაში რჩება მერის მისვლის მოთხოვნაც.

„ველოდებით დედაქალაქის მერ დავით ნარმანიას, რომელიც ამ რამდენიმე დღის განმავლობაში უტიფრად იქცევა და აცხადებს, რომ შოუზე არ მივა და არც თანამშრომლებს გამოუშვებს. ეს არ არის შოუ, ეს არის საკრებულოს სხდომა. თუ დავით ნარმანია შვიდი დღის განმავლობაში არ გამოცხადდება საკრებულოს სხდომაზე, ეს არის უფლებამოსილების გადამეტება, რაც არის სისხლის სამართლის კოდექსით გათვალისწინებული დანაშაული,“ - განაცხადა ფრაქცია თბილისის თავმჯდომარემ, მამუკა ახვლედიანმა.

ოპოზიციის მოთხოვნებს პასუხობენ საკრებულოს უმრავლესობაში. საკრებულოს თავმჯდომარის პირველი მოადგილისთვის უცნობია, რა გადაწყვეტილებას მიიღებს დავით ნარმანია და მივა თუ არა ის სხდომაზე.

რაც შეეხება რუსთავი 2-ის საქმის განმხილველი მოსამართლის ნატა ნაზღაიძის ოჯახისთვის ქონების გადაცემის საკითხს, უმრავლესობის აზრით, კანონი არ დარღვეულა.

]]>
24-02-2017 08:13 +0400
ე.წ. ციანიდის საქმე - ოპოზიცია საქმის მასალების გასაჯაროებას და მთავარი პროკურორის გადადგომას ითხოვს http://rustavi2.com/ka/news/68851

ე.წ. ციანიდის საქმის გამოძიების გამჭვირვალობის აუცილებლობაზე საუბრობს საპარლამენტო ოპოზიცია. მათი შეფასებით, უნდა დადგინდეს მართლა ჰქონდა თუ არა დეკანოზის მხრიდან ადგილი მკვლელობის მომზადების მცდელობას და ეკუთვნოდა თუ არა მას ციანიდი.

ევროპული საქართველოს წევრები კვლავ მთავარი პროკურორის გადაყენებას და საგანგებო პროკურორის მიერ საქმის შესწავლას მოითხოვენ.

“დეკანოზ მამალაძის ბარგში კალიუმის ციანიდი მისი დაკავებიდან 6 საათის შემდგომ აღმოჩნდა. როგორ მოხვდა, წარმომავლობა ამ მტკიცებულების არის შესასწავლი და გამოსაძიებელი. გამოსაძიებელია მთავარმა პროკურორმა რატომ მოახდინა საზოგადოების დეზინფორმირება. ეს ყველაფერი უნდა გააკეთოს არა ისევ მთავარმა პროკურორმა, არამედ საგანგებო პროკურორმა, რომელმაც უნდა გამოიძიოს ეს საქმე,“ - განაცხადა ოთარ კახიძემ.

პროკურატურის მიერ საქმესთან მიმართებაში გაკეთებულ განცხადებებს სპექტაკლს უწოდებს და დაცვის მხარის თანაბარ პირობებში ჩაყენებას მოითხოვს ნაციონალური მოძრაობა.

„ის სპექტაკლი, რაც ვიხილეთ პროკურატურის მხრიდან, როდესაც ისინი ხან ერთს ამბობდა ხან მეორეს, თავიდანვე მიანიშნებდა იმაზე, რომ ხელისუფლება ცდილობდა ჩარეულიყო საქართველოში ყველაზე მაღალი ნდობის მქონე ინსტიტუტის საქმიანობაში,“ - აცხადებს თინა ბოკუჩავა.

განსხვავებულია პოზიციები მმართველ გუნდში. საპარლამენტო უმრავლესობა ოპონენტებს გამოძიების შედეგების დალოდებას ურჩევს.

„თუ რამე კითხვის ნიშნები არსებობს, პასუხები უნდა მოვისმინოთ პროკურატურისგან და გამოძიებისგან. აქედან გამომდინარე, გამოძიებას უნდა მიეცეს პირველ რიგში საშუალება, რომ კითხვებზე პასუხი გასცეს. რა თანმიმდევრობით მოახდენს ის ამ პასუხების გასაჯაროებას და ჩააყენებს საქმის კურსში საზოგადოებას, ესეც გამოძიების გადასაწყვეტია გამოძიების ინტერესებიდან გამომდინარე. გამოძიებაზე კონტროლის განხორციელება პროკურატურასთან მიმართებაში არ არის სწორი,“ - განაცხადა გედევან ფოფხაძემ.

]]>
24-02-2017 08:02 +0400
ქართველი მფრინავის ტყვეობიდან დასახსნელად მოლაპარაკებები მიმდინარეობს http://rustavi2.com/ka/news/68850

კონგოში მეაბმოხეების მიერ დატყვევებული სოსო ოსურაულის გასათვისუფლებლად, როგორც საქართველოს დიპლომატიურ წარმომადნგელობაში აცხადებენ, მუდმივ კონტაქტზე არიან კონგოს ოფიციალურ წარმომადგნელებთან.

ელჩის განმარტებით, ქვეყნის მთავრობამ მხოლოდ ორი დღის წინ დაუდასტურა ქართველი სამხედრო მფრინავის ტყვეობაში ყოფნა.

სამხრეთ აფრიკაში საქართველოს საგანგებო და სრულუფლებიანი ელჩის თქმით, ამბოხებულთა ტყვეობიდან სოსო ოსურაულის დასახსნელად, ამ ეტაპზე კონგოს წარმომადგენლებთან მოლაპარაკებები მიმდინარეობს. მისივე ინფორმაციით, მეორე ქართველი, რომელიც დაიჭრა, თავს კარგად გრძნობს.

]]>
24-02-2017 07:58 +0400
პარლამენტი ფარული მოსმენების შესახებ კანონპროექტს, დღეს მეორე მოსმენით განიხილავს http://rustavi2.com/ka/news/68849

ფარული მოსმენების შესახებ კანონპროექტს, დღეს მეორე მოსმენით განიხილავენ სესიაზე. ის მეორე მოსმენით უკვე მიიღო იურიდიულმა კომიტეტმა. დოკუმენტზე გვიანობამდე მსჯელობდნენ პარლამენტში. თითქმის ხუთ საათიანი მსჯელობა კამათისა და ხამურის ფონზე მიმდინარეობდა.

კანონპროექტთა პაკეტში რამდენიმე ცვლილება შევიდა, თუმცა, ოპოზიციის მთავარი მოთხოვნა რომ გასაღები არ ყოფილიყო სახელმწიფო უსაფრთხოების დაქვემდებარებულ უწყებაში, უცვლელი დარჩა.

დოკუმენტთან დაკავშირებით შენიშვნები აქვთ მობილური ოპერატორების ხელმძღვანელებსაც. სხდომაზე ასევე კენჭი უყარეს მოძრაობა ევროპული საქართველოსთვის ალტერნატიულ ვარიანტს, კომიტეტის წევრებმა უმცირესობის მიერ წარმოდგენილი ვესია არ გაიზიარეს.

]]>
24-02-2017 07:53 +0400
მედეა ვასაძე აჭარის მთავრობის ყოფილ მაღალჩინოსნებს კორუფციულ გარიგებაში ადანაშაულებს http://rustavi2.com/ka/news/68836

აჭარის მთავრობის ყოფილი მაღალჩინოსნები მედეა ვასაძემ კორუფციულ გარიგებაში დაადანაშაულა. საქმე ეხება კომპანია ჰიგიენა 2009-ს, რომლის დირექტორსაც ოპოზიცია 5 მილიონი ლარის მითვისებას ედავება. აჭარის უმაღლესი საბჭოს ყოფილი დეპუტატის მტკიცებით, თაღლითურ სქემაში ჰიგიენა 2009-ის დირექტორი არჩილ ხაბაძესთან და ყოფილ ფინანსთან მინისტრთან, დავით ბალაძესთან ერთად მონაწილეობდა.

მედეა ვასაძის ბრალდების ადრესატებიდან დღეს კომენტარი მხოლოდ არჩილ ხაბაძემ გააკეთა. აჭარის მთავრობის ყოფილი თავმჯდომარის განცხადებით, შპს ჰიგიენა 2009-ის მუშაობასთან დაკავშირებით პრეტენზიები არ ჰქონია და არც პირადად იყო დაინტერესებული ამ კომპანიის შემოსავლებით. არჩილ ხაბაძე საგამოძიებო უწყებასთან თანამშრომლობისთვის მზად არის.

ამ დრომდე უცნობია შპს ჰიგიენა 2009-ის ყოფილი დირექტორის ადგილსამყოფელი. ირაკლი ცეცხლაძე კომპანიაში კვირაზე მეტია არ გამოჩენილა. თანამშრომლები ამბობენ, რომ ცეცხლაძე სამსახურში ჯანმრთელობის მდგომარეობის გამო არ დადის.

კომპანია ჰიგიენა 2009-თან დაკავშირებით პრეტენზიები აქვთ იმ ადგილობრივებსაც, რომელთა სახნავ-სათესი მიწებიც ნაგავსაყრელის მშენებლობისთვის გამოყოფილ ტერიტორიაზე მდებარეობს. ისინი კომპენსაციების გაცემას ელოდებიან, იქამდე კი საპროტესტო აქციების შეწყვეტას არ აპირებენ.

ავტორი: თეა ვაშალომიძე, მარიამ შანშიაშვილი.

]]>
23-02-2017 22:04 +0400
ჩამორთმეული ქონება - რჩეულიშვილების ადვოკატები სასამართლოს გადაწყვეტილებას არ ეთანხმებიან http://rustavi2.com/ka/news/68833

საქალაქო სასამართლოს გადაწყვეტილებით ცენტრ პოინტის დამფუძნებელს, მაია რჩეულიშვილს, კუთვნილი 250 ათასი ლარის ღირებულების ქონება ჩამოერთვა. პირველმა ინსტანციამ პროკურატურის შუამდგომლობა გაიზიარა და ცენტრ პოინტის საქმეზე, ბრალდებულს ის მიწის ნაკვეთი ჩამოართვა, რომლითაც 2013 წელს გირაოს უზრუნველყოფა მოხდა.

სახელმწიფო ბრალდების მტკიცებით, რჩეულიშვილმა გირაოთი გათავისუფლების პერიოდში, მენაშენეთა თანხები მოტყუებით მიითვისა და აღმკვეთი ღონისძიების პირობები დაარღვია.

სასამართლოს გადაწყვეტილებას არ ეთანხმება დაცვის მხარე და ხელისუფლების ინტერესებზე საუბრობს. ადვოკატები ამბობენ, რომ დიდ დიღომში მდებარე მიწის ნაკვეთის ღირებულება მილიონ ლარს აღემატება და ის აუქციონზე განაჩენის გამოცხადებამდე არ უნდა გაიყიდოს.

სასამართლო სხდომაზე დღეს ბრალდების მოწმეები დაიკითხნენ. მათ შორის სამხარაულის ბიუროს ექსპერტი და კომპანია ცენტრ პოინტ სითის მთავარი ბუღალტერი.  

საია-ში აცხადებენ, რომ ბათუმის მაგნოლიას ეპიზოდზე რჩეულიშვილისთვის აღმკვეთი ღონისძიების შეცვლაზე პირველმა ინსტანციამ ზედაპირულად იმსჯელა.

ცენტრ პოინტის საქმის განხილვა საქალაქო სასამართლოში 27 თებერვალს მოწმეთა დაკითხვით გაგრძელდება.

ავტორი: შოთა კიკნაძე

]]>
23-02-2017 21:55 +0400
"წაიკითხე პროექტი" - მმართველი გუნდის და უმცირესობის დაპირისპირება კომიტეტის სხდომაზე http://rustavi2.com/ka/news/68845

მოსმენების შესახებ კანონპროექტი პირველი მოსმენით დამტკიცებულია. უმრავლესობამ საკუთარი ინიციატივა გაიტანა, თუმცა განხილვა კვლავ მწვავე დებატებისა და ურთიერთბრალდებების ფონზე მიმდინარეობდა. გუშინდელისგან განსხვავებით დღეს ოპოზიციისთვის მიკროფონები აღარ გამოურთავთ და ამიტომ მათ მიერ დასმულ კითხვებსაც არაერთხელ მოჰყვა დაპირისპირება.

კამათი პარლამენტის ფრაქცია ნაციონალური მოძრაობის მდივნის თინათინ ბოკუჩავას განცხადებას მოჰყვა.

“ თუ კომისიაში არ გინდათ შეიყვანოთ სხვა ადამიანები ან პარლამენტარები შეგვიძლია, რომ ან სახალხო დამცველი ან, პერსონალური დაცვის ინსპექტორი კომისიაში არის? „ - აღნიშნა ბოკუჩავმ.

პარლამენტის იურიდიულ საკითხთა კომიტეტის თავმჯდომარემ ეკა ბესელიამ კი თინათინ ბოკუჩავას პროექტის წაკითხვა ურჩია.

“ არ იცი, წაიკითხე ეს პროექტი, ინსპექტორი არ არის იმიტომ, რომ არ უნდა, სახალხო დამცველი არის, სამი კომიტეტის თავმჯდომარე“ - აღნიშნა ბესელიამ.

ავტორი: ნინო სამყურაშვილი.   

]]>
23-02-2017 21:52 +0400
"რუსთავი 2"-ის საქმის განმხილველი მოსამართლის ოჯახისთვის ქონების გადაცემის საკითხზე საკრებულოში ხვალ იმსჯელებენ http://rustavi2.com/ka/news/68830

თბილისის საკრებულოში ხვალ სხდომა გაიმართება, სადაც მერიის მხრიდან რუსთავი 2­-ის საქმის განმხილველი მოსამართლის ოჯახისთვის ქონების სავარაუდო კორუფციული გზით გადაცემაზე იმსჯელებენ. გაერთიანებული ოპოზიცია მწვავე დებატებისთვის ემზადება.

იმ შემთხვევაში თუ საკრებულოს უმრავლესობამ ოპოზიციის მოთხოვნა დააკმაყოფილა, კომპენსაციას ის ადამიანებიც მიიღებენ, რომლებსაც წყალდიდობის დროს მხოლოდ მიწის ნაკვეთი ჰქონდათ ან ამ დრომდე ისევ სტიქიის ზონაში ცხოვრობენ და დაზარალებულის სტატუსი არ აქვთ.

დაზარალებულები საკრებულოში ხვალინდელ სხდომასაც დაესწრებიან, სადაც ნაზღაიძის ოჯახისთვის ქონების გადაცემის გამო ოპოზიცია დავით ნარმანიას პასუხისმგებლობის საკითხს დააყენებს.

ოპოზიციაში აცხადებენ, რომ მერია გარკვეული პერიოდის განმავლობაში შესაბამის დოკუმენტაციას მალავდა. საპასუხო განცხადებების გაკეთებას მმართველ გუნდშიც გეგმავენ, სადაც ოპონენტები დღეს საკითხის პოლიტიზირებაში კიდევ ერთხელ დაადანაშაულეს.

არ არის გამორიცხული, რომ საკრებულოში ხვალინდელ სხდომას მერიის ქონების მართვის სამსახურის რომელიმე წარმომადგენელი მაინც დაესწროს, წინააღმდეგ შემთხვევაში ოპოზიციის მწვავე კითხვებზე პასუხების გაცემა მხოლოდ უმრავლესობის დეპუტატებს მოუწევთ.

ოპოზიციის მოთხოვნა საკრებულოში დავით ნარმანიას მისვლის შესახებ ისევ დღის წესრიგში რჩება.

ავტორი: ეკო მაღრაძე.

]]>
23-02-2017 21:51 +0400
„გვეყო რა“ - "მაგთის" დამფუძნებელი ხელისუფლებას მიმართავს http://rustavi2.com/ka/news/68844

მმართველი გუნდის მიერ წარდგენილ ე.წ. მოსმენების კანონს მობილური პროვაიდერები და ინტერნეტ პროვაიდერები აკრიტიკებენ. იურიდიული კომიტეტის სხდომაზე კანონპროექტის განხილვისას მათ განაცხადეს, რომ კანონპროექტის ამ ვარიანტის დამტკიცების შემთხვევაში, ისინი სერიოზული პრობლემების წინაშე დადგებიან.

„თუ არ შეგიძლიათ ამდენის კონტროლი, მაშინ უნდა დაასტოპოთ იქ სადაც შეგიძლიათ, მაგრამ ბიზნესს ვალდებულება აქვს გადაიხადოს დღგ, რაღაცები. დამთავრებული არ იყო ლიცენზიები და თავიდან გადავიხადე, ხმა არ ამოგვიღია, უჭირს ქვეყანას და რაღაცა. მაგრამ, ამ ვალდებულებებს უკვე გვეყო რა, ჩვენ არ შევიხოცავთ თქვენს არანაირ აპარატურას,“ - განაცხადა გია ჯოხთაბერიძემ.

ინტერნეტ პროვაიდერების თქმით, კანონპროექტის ამგვარი სახით დამტკიცების შემთხვევაში დიდ ფინანსურ დანახარჯს მიიღებენ. 

 

ავტორი: ნინო სამყურაშვილი

]]>
23-02-2017 21:42 +0400
მილიონი დოლარი ქართველი მფრინავისთვის - ოსურაული ერთი თვეა ტყვეობაშია http://rustavi2.com/ka/news/68831

მილიონი დოლარი ქართველი მფრინავისთვის. სწორედ ამ რაოდენობის გამოსასყიდს ითხოვენ კონგოელი ამბოხებულები სოსო ოსურაულის გათავისუფლების სანაცვლოდ. თითქმის ერთი თვეა მფრინავი ტყვეობაშია.

ქართველი მფრინავი ტყვეობაში 27 იანვრიდან იმყოფება, როდესაც მეამბოხეებმა კონგოს სამხედრო-საჰაერო ძალების 2 ვერტმფრენი ჩამოაგდეს. ერთ-ერთს სწორედ სოსო ოსურაული მართავდა. ვრცელდება ინფორმაციაც, რომ ემ-23-ის ამბოხებულები გამოსასყიდსაც ითხოვენ.

სამხრეთ აფრიკაში საქართველოს დიპლომატიურ მისიაში აცხადებენ, რომ ქართველი პილოტის ტყვედ ყოფნა კონგოს მთავრობამ მხოლოდ გუშინ დაუდასტურა. საქართველოს ელჩის ინფორმაციით, ამ ეტაპზე კონგოს წარმომადგენლებთან მიდის მოლაპარაკებები ქართველი პილოტის ამბოხებულების ტყვეობიდან დასახსნელად.

თავდაცვის სამინისტროს განმარტებით, ოსურაული კონგოში მათ მიერ არ არის წარგზავნილი. თუმცა, საქართველოს მთავრობის წევრები დარწმუნებული არიან, რომ კონგოში ტყვედ მყოფი ქართველი პილოტის დახსნას შეძლებენ. მოლაპარაკებებში ჩართულია საგარეო საქმეთა სამინისტრო, საკითხის შესწავლა უშიშროების საბჭოს დაავლა საქართველოს პრეზიდენტმაც.

აფრიკული მედიის ინფორმაციით, კონგოელი ამბოხებულების ქართველი ტყვე, დაჯგუფების ერთ-ერთ საველე ბანაკში იმყოფება.

]]>
23-02-2017 21:41 +0400
მოსმენების შესახებ კანონპროექტი პირველი მოსმენით დამტკიცებულია - განხილვა მწვავე დებატების ფონზე წარიმართა http://rustavi2.com/ka/news/68829

კვორუმი შედგა - ორდღიანი გაცდენების შემდეგ, საპარლამენტო უმრავლესობის წევრები დღის მეორე ნახევარში სხდომათა დარბაზში შეიკრიბნენ და მოსმენების შესახებ კანონპროექტი პირველი მოსმენით დაამტკიცეს.

კანონპროექტს მხარი საპარლამენტო ოპოზიციამ არ დაუჭირა. ოპოზიციამ კანონი არაკონსტიტუციურად და არასახელმწიფოებრივად შეაფასა.

კითხვები, რომელსაც საპარალამენტო ოპოზიცია სვამდა და რომელმაც მმართველი გუნდის წევრები გააღიზიანა, ე.წ. მოსმენების კანონს ეხებოდა.

ოპოზიცია აცხადებს, რომ შემოტანილი ცვლილებებით ე.წ. მოსმენების გასაღები პირდაპირ სუს-ის დაქვემდებარებაში გადადის.

განსხვავებული სტანდარტები და ოპოზიციონერი დეპუტატებისთვის მიკროფონების გამორთვის პრაქტიკა პარლამენტის თავმჯდომარეს დღეს კიდევ ერთხელ შეახსენეს

 

ავტორები: ნინო სამყურაშვილი, ეკა გაგუა. 

]]>
23-02-2017 21:32 +0400
არასამთვრობოების საგანგებო განცხადება და "რუსთავი 2"-ის გამოხმაურება http://rustavi2.com/ka/news/68838

არასამთვრობო ორგანიზაციების საგანგებო განცხადება რუსთავი 2-ის საქმის გარშემო მიმდინარე მოვლენებს ეხება. განცხადების ერთი ნაწილი მოსამართლე ნატა ნაზღაიძის ძმისთვის მერიის მიერ გადარიცხული მილიონის კანონიერებას უკავშირდება. 

მმართველი გუნდის შეფასებით, მესამე სექტორის წევრების განცხადება თანხის გადარიცხვის კანონიერებას ადასტურებს. საპარლამენტო უმრავლესობამ დღეს ოპოზიცია ტყუილის გავრცელებაშიც დაადანაშაულა.

ოპოზიციაში კი ამბობენ, რომ არასამთავრობო სექტორის წევრები სწორედ იმ კითხვებს სვამენ, რასაც საზოგადოება და ოპოზიცია. მათი შეფასებით, სწორედ გამოძიებამ უნდა დაადგინოს, იყო თუ არა ქრთამი ნაზღაიძისთვის მერიიდან მიღებული მილიონი.

არასამთავრობოების განცხადებას დღეს რუსთავი 2-ის გენერალური დირექტორიც გამოეხმაურა. ნიკა გვარამია აცხადებს, რომ რუსთავი 2 მზად არის ღია ეთერი დაუთმოს ნატა ნაზღაიძის ძმისთვის გადაცემული მილიონის საქმის განხილვას საკრებულოში და საზოგადოებამ შეკითხვებზე პასუხი მოისმინოს.

დღის ბოლოს განცხადების ავტორებმა ნატა ნაზღაიძის საქმის ნაწილზე მიმართვის შემდეგ გაჩენილი შეკითხვები კიდევ ერთხელ განმარტეს. არასამთავრობოები ამბობენ, რომ მათი განცხადება, სწორედ ობიექტური გამოძიების და შეკითხვებზე პასუხის გაცემის აუცილებლობაზე მიუთითებს.

განცხადების კიდევ ერთი ნაწილი უზენაესი სასამართლოს მოსამართლეებზე შესაძლო ზეწოლას ეხება. არასამთავრობოები მოუწოდებენ პროკურატურას, საქმისადმი მაღალი საზოგადოებრივი ინტერესიდან გამომდინარე, მტკიცებულებები გაასაჯაროოს. 

]]>
23-02-2017 21:27 +0400
ე.წ. ციანიდის საქმე - მთავარ პროკურატურაში არასამთავრობო სექტორისა და პოლიტიკოსების ბრალდებებს არ პასუხობენ http://rustavi2.com/ka/news/68837

ე.წ. ციანიდის საქმეში ბრალდებულ მამა გიორგი მამალაძეს პროკურატურა ხვალ დაკითხავს, თუმცა, უცნობია, რა მტკიცებულებები აქვს საგამოძიებო უწყებას სასულიერო პირის წინააღმდეგ. საქმის ერთ-ერთი მოწმე ირმა ჭკადუა ადასტურებს, რომ საქმეში არსებულ მტკიცებულებებთან დაკავშირებით პირადად პატრიარქს ესაუბრა, მათ შორის, აუდიო ჩანაწერის ზოგადი შინაარსის შესახებ.

ირმა ჭკადუა, ბრალდების მხარისა და მისი მოწმეების ამ ვიზიტებთან დაკავშირებით, არც სამოქალაქო სექტორისა და სახალხო დამცველის შენიშვნებს იზიარებს.

სახალხო დამცველი საქმის დეტალებისა და საქმეში არსებული მტკიცებულებების გარეშე პირებისთვის განდობას სამართალდარღვევად აფასებს. უჩა ნანუაშვილი, რომელიც კვირაზე მეტია პროკურატურისგან დაცვის მხარისთვის გაუთქმელობის პირობის გაუქმებას ითხოვს, მხარეების არათანაბარ პირობებში ყოფნაზე მიუთითებს.

არასამთავრობო სექტორში ბრალდების მხარისა და მისი მოწმეების არასათანადო ქმედებებსა და გადაწყვეტილებებზე მიუთითებენ.

პროკურატურის ქმედებებს ეკლესიის საქმიანობაში ხელისუფლების ჩარევად აფასებენ ოპოზიციურ პარტიებში და სახელმწიფო ბრალდებას ობიექტური გამოძიების ვალდებულებას ახსენებენ.

პოლიტიკური ოპონენტების შენიშვნებს არ იზიარებს და სახელმწიფო ბრალდების ობიექტურობაში დარწმუნებული არიან მმართველი გუდნის წევრები.

მთავარ პროკურატურაში არასამთავრობო სექტორისა და პოლიტიკოსების ბრალდებებს არ პასუხობენ.

]]>
23-02-2017 21:18 +0400
გიორგი კვირიკაშვილი სომეხ კოლეგას შეხვდა http://rustavi2.com/ka/news/68839

ეკონომიკა, ენერგეტიკა და ტრანსპორტი, ასევე რეგიონში არსებული გამოწვევები განიხილეს საქართველოს და სომხეთის პრემიერმინისტრებმა საქართველოს მთავრობის ადმინისტრაციაში გამართულ შეხვედრაზე.

შეხვედრის დასრულების შემდეგ, ერთობლივ პრესკონფერენციაზე გიორგი კვირიკაშვილმა რეგიონში მშვიდობის და სტაბილურობის შენარჩუნების მნიშვნელობაზე გაამახვილა ყურადღება.

“ბატონ პრემიერმინისტრს ჰქონდა ძალიან საინტერესო შემოთავაზებები ჩვენ ორ ქვეყანას შორის სხვადასხვა სფეროებში, ერთიანი ბაზრის პოტენციალის ათვისების მიმართულებით, კოოპერაციის თაობაზე. ჩვენი მხრიდან სრული მზადყოფნა ამ მიმართულებით,“ - განაცხადა საქართველოს პრემიერმინისტრმა გიორგი კვირიკაშვილმა.

სომხეთის პრემიერმინისტრის კარენ კარაპეტიანის თქმით, ის მზად არის გიორგი კვირიკაშვილი მიიწვიოს ერევანში, საქართველოში დაწყებული მოლაპარაკებების გასაგრძელებლად.

"შევთანხმდით, რომ ახალ სტიმულს მივცემთ ორ ქვეყანას შორის თანამშრომლობის მიმართულებებს. ასევე ვისაუბრეთ რეგიონალური კოოპერაციის ახალ მიდგომაზე, რადგან ჩვენს ქვეყნებს ამ მიმართულებით დიდი პოტენციალი აქვს,“ - აღნიშნა კარენ კარაპეტიანიმ.

შეგახსენებთ, რომ საქართველო და სომხეთი წელს დიპლომატიური ურთიერთობის 25 წლისთავს აღნიშნავს. კარენ კარაპეტიანი თბილისში ორდღიანი ოფიციალური ვიზიტით იმყოფება. დღის ბოლოს სომხეთის მთავრობის მეთაური პრეზიდენტის სასახლეში სახელმწიფოს მეთაურს შეხვდა.

]]>
23-02-2017 20:49 +0400
ოპოზიციის კვოტით საპროკურორო საბჭოს წევრი ოთარ კახიძე იქნება http://rustavi2.com/ka/news/68834

ოპოზიციის კვოტით საპროკურორო საბჭოს წევრი ევროპული საქართველოს წევრი ოთარ კახიძე იქნება. გადაწყვეტილებას კახიძის ამ პოსტზე არჩევასთან დაკავშირებით საპარლამენტო ოპოზიციის 20-მა დეპუტატმა დაუჭირა მხარი.

ოთარ კახიძე საპროკურო საბჭოში მთავარი პროკურორის ირაკლი შოთაძის გადადგომის საკითხს დააყენებს. ოპოზიციის სხდომას დღეს პარლამენტში პატრიოტთა ალიანსის წევრები და დამოუკიდებელი დეპუტატი სალომე ზურაბიშვილი არ დასწრებიან.

“წარვადგინეთ წვერი, ამ შემთხვევაში ჩემი კანდიდატურის შერჩევა მოხდა იმ მიზნით, რომ დავსვა საქართველოს მთავარი პროკურორის ირაკლი შოთაძის პასუხისმგებლობის საკითხი საპროკურორო საბჭოს წინაშე. საპროკურორო საბჭოს გამოვიყენებთ, როგორც კიდევ ერთ მექანიზმს იმისთვის, რომ შესაბამისმა პასუხისმგებელმა პირებმა, ვინც არიან შემსრულებლები ივანიშვილის დავალებების, პასუხი აგონ კანონის წინაშე,“ - განაცხადა კახიძემ.  

]]>
23-02-2017 20:25 +0400
"მთავარია, რამდენად იქნება წარმოდგენილ კანონპროექტში საკონსტიტუციო სასამართლოს პოზიცია" - ანა დოლიძე მოსმენების კანონზე http://rustavi2.com/ka/news/68828

მოსმენების კანონთან დაკავშირებით საქართველოს პრეზიდენტის საპარლამენტო მდივანი ანა დოლიძე საუბრობს. მისი თქმით, მთავარია, იქნება თუ არა გათვალისწინებული წარმოდგენილ კანონპროექტში საკონსტიტუციო სასამართლოს პოზიცია.  

“მთავარი არის ის საკითხი თუ რამდენად იქნება  წარმოდგენილ კანონპროექტში საკონსტიტუციო სასამართლოს პოზიცია, რომელმაც გვითხრა, რომ გამოძიების ფუნქციები და ტექნიკურად მიყურადების ფუნქციები უნდა იყოს სხვადასხვა უწყების ხელში. დღესდღეობით წარმოდგენილი ვერსიით ფაქტობრივად, კონტროლი, ზედამხედველობა და ანგარიშვალდებულება ახალ სააგენტოზე მაინც რჩება უსაფრთხოების სამსახურზე, ანუ იმ ორგანოში, რომელიც მთელ რიგ საკითხებზე აწარმოებს გამოძიებას,“ - განაცხადა დოლიძემ.

შეგახსენებთ, რომ ამ წუთებში იურიდიული კომიტეტი ე.წ. მოსმენების კანონზე მეორე მოსმენით მსჯელობს. პარლამენტში იმყოფებიან მობილური ოპერატორი კომპანიების და ინტერნეტ პროვაიდერების წარმომადგენლები, ასევე პერსონალურ მონაცემთა დაცვის ინსპექტორი.

მანამდე კი, პარლამენტმა 89 მომხრე და 20 წინააღმდეგი, კანონის პროექტი პირველი მოსმენით მიიღო.    

]]>
23-02-2017 19:11 +0400
პარლამენტში რეგლამენტის დაცვასთან დაკავშირებით ირაკლი კობახიძესა და დავით ბაქრაძეს შორის დებატები გაიმართა http://rustavi2.com/ka/news/68827

დღეს პარლამენტში რეგლამენტის დაცვასთან დაკავშირებით საკანონმდებლო ორგანოს თავმჯდომარესა და უმცირესობის ლიდერს შორის დებატები გაიმართა. დავით ბაქრაძე ითხოვს, რომ პარლამენტში გამოსვლებთან დაკავშირებით ერთიანი სტანდარტი დაფიქსირდეს.

„პარლამენტში დაფიქსირდეს ერთიანი სტანდარტი, ამას გახსენებთ გუშინდელ გამოსვლებთან დაკავშირებით, იყოს ერთიანი სტანდარტი, ან ყველა გამომსვლელს ვზღუდავთ მაშინვე, როგორც კი ის ცდება განსახილველი კანონპროექტის ჩარჩოებს, ან ვიქცევით იმ წესით, რაც დღემდე იყო პარლამენტში, რომ განხილვადი საკითხისა და კანონების ფარგლებში, პარლამენტის წევრს უფრო ფართო პოლიტიკურ კონტექსტში განიხილოს საკითხი,“- განაცხადა დავით ბაქრაძემ.

დავით ბაქრაძეს ირაკლი კობახიძემ უპასუხა.

„გუშინ საქმე გვქონდა ე.წ. მცირე საბოტაჟთან, რომ არ მიგვეღო ზომები, უსასრულოდ გაგრძელდებოდა განხილვა,“- განაცხადა ირაკლი კობახიძემ, რაზეც დავით ბაქრაძემ უპასუხა, რომ „საბოტაჟის წოდება იმისთვის, როდესაც ოპოზიცია კითხვებს სვამს, არასწორია“.

 

ავტორი: ნინო სამყურაშვილი.  

]]>
23-02-2017 19:10 +0400
ე.წ. მოსმენების კანონი - დეპუტატებმა პარლამენტში იკამათეს http://rustavi2.com/ka/news/68826

ამ წუთებში იურიდიული კომიტეტი ე.წ. მოსმენების კანონზე მეორე მოსმენით მსჯელობს. პარლამენტში იმყოფებიან მობილური ოპერატორი კომპანიების და ინტერნეტპროვაიდერების წარმომადგენლები, ასევე პერსონალურ მონაცემთა დაცვის ინსპექტორი.

მანამდე კი, პარლამენტმა 89 მომხრე და 20 წინააღმდეგი კანონპროექტი პირველი მოსმენით მიიღო.

ოპოზიცია მოსმენების შესახებ კანონს აპროტესტებს. მათ მიაჩნიათ, რომ უნდა იყოს ალტერანტიული კანონპროექტი გატანილი, რაც გულისხმობს, რომ ე.წ. გასაღები უსაფრთხოების სამსახურს არ ჰქონდეს და ის ჰქონდეს დამოუკიდებელ სააგენტოს.

„ბიძინა ივანიშვილი არ დაუშვებს იმას, რომ ეს სამსახური იყოს პარლამენტის დაქვემდებარების ქვეშ, ან პრემიერის დაქვემდებარებაში, ეს სამსახური მას უპირატესად სჭირდება, რომ პრემიერმინისტრმა არ მიიღოს გადაჭარბებული ძალაუფლება და მისი ყველა საუბარი მოსმენილი იყოს, ასევე პარლამენტის თავმჯდომარის,“- განაცხადა ევროპული საქართველოს წევრმა, სერგო რატიანმა.

ნაციონალურ მოძრაობაში კი მოსმენების შესახებ კანონს არადემოკრატიული, არასახელმწიფოებრივი უწოდეს.

„მცოცავად, ნელ-ნელა ჩვენ ვღებულობთ სამსახურს, მონსტრს, ურჩხულს, რომელიც ჩემს ფინანსურ რესურსებს ნთქავს, ეკონომიკაში რომ ძალიან სუსტია ეს ხელისუფლება ვხედავთ, რა ხდება ეკონომიკაში, როგორი ეკონომიკური ზრდაა და რა მდგომარეობაშია ლარი, არ გამიკვირდება, რომ დათვლა არ იცით, ვის რაში ჭირდება, ხარჯიანი სამსახური. ეს არის არადემოკრატიული, არასახელმწიფოებრივი კანონი, რომელიც ზღუდავს ადამიანის უფლებას და უშლის სამართლებრივ სახელმწიფოს ჩამოყალიბებას ხელს,“- განაცხადა რომან გოცირიძემ.

ოპოზიციას საპარალამენტო უმრავლესობამ უპასუხა.

„ერთ დროს ერთიანი და დღეს მარტივ მამრავლებად დაშლილი ნაციონალური მოძრაობა დესტრუქტივიზმის გარშემო დიდი სიხალისით ერთიანდება,“- განაცხადა პარლამენტის იურიდიულ საკითხთა კომიტეტის თავმჯდომარის მოადგილემ, დავით მათიკაშვილმა.

საპარლამენტო უმრავლესობის აზრით, მმართველი გუნდის მიერ ინიცირებული კანონპრექტი ყველა გამოწვევას პასუხობს, რაც საკონსტიტუციო სასამართლოს გადაწყვეტილებაში იყო დასმული.

„ამ ორი დღის განმავლობაში ჩვენ ვართ უპრეცენდენტო უტიფრობის და უპრეცენდენტო საბოტაჟის მომსწრეები,“- განაცხადა ფრაქცია ქართული ოცნების წევრმა, ლევან გოგიჩაიშვილმა.

 

 

ავტორი: ნინო სამყურაშვილი.

 

]]>
23-02-2017 19:04 +0400
პროკურატურა მამა გიორგი მამალაძის დაკითხვის მზადყოფნას გამოთქვამს - მიხეილ რამიშვილი http://rustavi2.com/ka/news/68824

მამა გიორგი მამალაძის ადვოკატი მიხეილ რამიშვილი პროკურატურის მიერ მამა გიორგი მამალაძის დაკითხვას ხვალისთვის ელოდება. მისი თქმით, პროკურატურიდან დაცვის მხარეს უკვე დაუკავშირდნენ და დაკითხვისთვის მზადყოფნა გამოთქვეს.

„ჩვენ უკვე დაგვიკავშირდნენ პროკურატურიდან და გვითხრეს, რომ მზად არიან, რომ დაკითხონ მამა გიორგი. დღეს აღნიშნული პროცესი ვერ განხორციელდება დროის უქონლობის გამო. პენიტენციურ სისტემაში აღარ შეიძლება და ალბათ უფრო ხვალისთვის მოხდება მამა გიორგის დაკითხვა,“ - განაცხადა მიხეილ რამიშვილმა.

მიხეილ რამიშვილის თქმით, წმინდა სინოდის წევრებთან შეხვედრისას მათ გადასცეს მამა გიორგი მამალაძის სათქმელი. მისი თქმით, წმინდა სინოდი სიმართლის დადგენით არის დაინტერესებული.

 

]]>
23-02-2017 18:54 +0400
მამა დავით შარაშენიძე პატრიარქის დაცვის უფროსის განცხადებას არაკორექტულს უწოდებს http://rustavi2.com/ka/news/68823

დეკანოზი, საქართველოს საპატრიარქოს პრესსამსახურის ხელმძღვანელი დავით შარაშენიძე სოსო ოხანაშვილის განცხადებას ეხმაურება. მისი თქმით, პატრიარქის პირადი დაცვის უფროსის განცხადება იყო ცილისმწამებლური. 

“ბატონმა სოსო ოხანაშვილმა გააკეთა განცხადება და საქართველოს კათოლიკოს პატრიარქის მდივანს, დეკანოზ მიქაელ ბოტკოველს, სიცრუეში დასდო ბრალი რაც არის აბსოლუტური სიცრუე. მამა მიქაელმა ცალსახად, ერთმნიშვნელოვნად გააკეთა განცხადება იმის შესახებ, რომ მას თვითონ ის არ ჰყავდა ნანახი საპატრიარქოში და იქ არ იყო საუბარი მის პოზიციაზე, თუ რა პოზიციას იკავებს ის დღეს დღეისობით, აგრძელებს თუ არა სამსახურს თუ არის ის გათავისუფლებული სამსახურიდან. აქედან გამომდინარე ჩვენ მიგვაჩნია, რომ მისი გამოსვლა იყო სრულიად არაკორექტული, სიცრუეში ბრალის დადება, ცილისწამება დეკანოზ მიქაელ ბოტკოველისადმი და ეს არის სამწუხარო ფაქტი“ - განაცხადა შარაშენიძემ. 

ავტორი: მარიკა გოცირიძე.

]]>
23-02-2017 18:49 +0400
არასამთავრობოები ეჭვქვეშ არ აყენებენ კანონდარღვევის არსებობის ფაქტებს - თამარ კორძაია მოსამართლე ნაზღაიძის ოჯახისთვის მილიონის გადაცემაზე http://rustavi2.com/ka/news/68821

საქართველოს რესპუბლიკური პარტიის პოლიტიკური მდივანი, თამარ კორძაია, 9 არასამთავრობო ორგანიზაციის მიერ, მოსამართლე ნატა ნაზღაიძის ოჯახისთვის 1 მილიონი ლარის ქონების გადაცემის თაობაზე გავრცელებულ განცხადებას მნიშვნელოვანს უწოდებს.

ის ხელისუფლებას ურჩევს ეს განცხადება კარგად წაიკითხოს, რადგან ამ განცხადების ადრესატები სწორედ მთავრობის წარმომადგენლები არიან.

„მინდა ვთქვა, რომ ამ განცხადების ადრესატები არიან სწორედ ხელისუფლების წარმომადგენლები. ისინი, ვინც ამ განცხადებას თავის სასარგებლოდ ახმოვანებდა დღეს, ვურჩევდი, რომ კარგად წაიკითხონ ეს განცხადება. მე მინდა გითხრათ, რომ რესპუბლიკური პარტია და ფრაქცია რესპუბლიკელები აქტიურად მუშაობს ამ საკითხებზე საკრებულოში და არავინ ეჭვქვეშ არ აყენებს იმ ფაქტს, რომ საკრებულომაც ძალიან სერიოზული შეცდომები, თუ დანაშაული არა, შეცდომები დაუშვა, მაგრამ მერიის მხრიდან ცალსახად შეიძლება გვქონდეს საქმე დანაშაულის არსებობის ფაქტთან,“ - განაცხადა თამარ კორძაიამ.

მისი განმარტებით, დღეს არასამთავრობო ორგანიზაციებმა განაცხადეს, რომ უნდა დადასტურდეს, პირდაპირი კავშირი არსებობს თუ არა მოსამართლე ნაზღაიძესთან დაკავშირებით.

„არასამთავრობო ორგანიზაციები ეჭვქვეშ არ აყენებენ კანონდარღვევის არსებობის ფაქტებს,“ - განაცხადა თამარ კორძაიამ.

მისი თქმით, მედიას საკუთარი ფუნქცია უნდა შეესრულებინა და კორუფციის შესაძლო რისკებზე შეკითხვები უნდა დაესვა და ეს ასეც მოხდა.

თამარ კორძაიას აზრით, ქართულ ოცნებას დღეს მოსახლეობის აზრი და ნება "საერთოდ რ ადარდებს“. 

 

]]>
23-02-2017 18:38 +0400
არასამთავრობოთა განცხადება ადასტურებს, რომ "რუსთავი 2"-ის მფლობელობასთან დაკავშირებულ საკითხს პირდაპირი კავშირი აქვს ამ ტელევიზიის დამოუკიდებლობასთან - სალომე სამადაშვილი http://rustavi2.com/ka/news/68822

„ეს განცხადება, პირველ რიგში, ადასტურებს, რომ რუსთავი 2-ის მფლობელობასთან დაკავშირებულ საკითხს პირდაპირი კავშირი აქვს ამ ტელევიზიის დამოუკიდებლობასა და მისი სარედაქციო პოლიტიკის დამოუკიდებლობასთან,"- ეს განცხადება კურიერის პირდაპირ ეთერში ნაციონალური მოძრაობის წევრმა, სალომე სამადაშვილმა არასამთავრობოების მიერ დღეს გამოქვეყნებულ განცხადებასთან დაკავშირებით გააკეთა.

სალომე სამადაშვილის თქმით, რუსთავი 2-ის სარედაქციო პოლიტიკის დამოუკიდებლობის დაკარგვა პირდაპირ ზეგავლენას მოახდენს მედიაპლურალიზმზე.

"ამავე დროს განცხადება ადასტურებს იმას, რომ რუსთავი 2-ის სარედაქციო პოლიტიკის დამოუკიდებლობის დაკარგვა პირდაპირ ზეგავლენას მოახდენს მედიაპლურალიზმზე და დემოკრატიულ გარემოზე. ეს განცხადება ადასტურებს, რასაც ჩვენ ვამბობთ დიდი ხანია, რომ არცერთ შეკითხვაზე ხელისუფლება პასუხს არ გვცემს, რაც ამ საქმის მიმდინარეობის პროცესში გაჩნდა, მათ შორის მოსამართლეებზე ზეწოლის საკითხთან დაკავშირებით, მათ შორის პროკურატურის მხრიდან გაჟღერებულ ბრალდებებზე,"- აღნიშნა სამადაშვილმა.

სალომე სამადაშვილის თქმით, არასამთავრობოების მიერ გავრცელებულმა განცხადებამ უზენაესი სასამართლოს თავმჯდომარეს ბიძგი უნდა მისცეს, რომ შეკითხვებზე პასუხი გასცეს. 

"არასამთვრობოების ორგანიზაციების განცხადება გარკვეულწილად ბიძგი უნდა იყო იმისთვის, რომ უზენაესი სასამართლოს თავმჯდომარეს მოტივაცია გაუჩნდეს, რომ იმოქმედოს კანონის და საზოგადოებრივი ვალდებულებებიდან გამომდინარე და პასუხი გასცეს შეკითხვებს,“- განაცხადა სალომე სამადაშვილმა. 

]]>
23-02-2017 18:37 +0400
"მერიის მხრიდან ჩადენილია მნიშვნელოვანი სამართალდარღვევა" - ირაკლი აბესაძე არასამთავრობოების განცხადებას ეხმაურება http://rustavi2.com/ka/news/68820

საპარლამენტო უმცირესობის მდივანი, ფრაქცია მოძრაობა თავისუფლებისთვის - ევროპული საქართველოს წევრი ირაკლი აბესაძე არასამთავრობო ორგანიზაციების მიერ გავრცელებულ ერთობლივ განცხადებას ეხმაურება.

განცხადებაში საუბარია რუსთავი 2-ის სასამართლო პროცესზე და ამ პროცესში მონაწილე მოსამართლეებთან დაკავშირებულ სკანდალურ ისტორიებზე. კერძოდ, მოსამართლე ნაზღაიძის ოჯახის წევრებზე.

რამდენიმე დოკუმენტი ჩვენ მივაწოდეთ არასამთავრობო ორგანიზაციას. მიუხედავად იმისა, რომ ისინი სწავლობდნენ საკითხს, მათ სრულად დოკუმენტაცია მოძიებული არ ჰქონდათ. ყველა ვთანხმდებით, რომ თბილისის მერიის მხრიდან ჩადენილი არის მნიშვნელოვანი სამართალდარღვევა, ჩვენი შეფასებით დანაშაულებრივი. ანუ ყველა თანხმდება რომ, ამ თანხის გადახდა იქნებოდა ეს ნაზღაიძე, ჩოხელი, აბესაძე, პეტრიაშვილი თუ სხვა, ეს არის უკანონობა. დაველოდოთ გამოძიებას და გამოძიებამ გვითხრას, უკანონობა, რომელიც ჩაიდინა თბილისის მერიამ, იყო თუ არა  კავშირში რუსთავი 2-ის საქმის გამოძიებასთან, მაგრამ ამ ნაწილში ობიექტური გამოძიების იმედი რუსთავი 2-ს და საზოგადოებას არ უნდა ჰქონდეს,“ - განაცხადა აბესაძემ.

]]>
23-02-2017 18:33 +0400