RUSTAVI2 Rustavi2 TV News Portal RSS Feed Rustavi2 Broadcasting Company http://rustavi2.com/ მოხდა უდანაშაულობის პრეზუმფციის დარღვევა, როგორც პროკურატურის, ასევე მაღალი თანამდებობის პირების მხრიდან - ომბუდსმენი http://rustavi2.com/ka/news/68984

„დაკავების დღიდან იყო არაერთი პროცესუალური დარღვევა... თავიდანვე მოხდა უდანაშაულობის პრეზუმფციის დარღვევა, როგორც პროკურატურის, ასევე მაღალი თანამდებობის პირების მხრიდან. ეს პროცესი თქვენ ტელევიზიის მეშვეობით შეიტყო საზოგადოებამ, შემდეგ უკვე მოვისმინეთ არაერთი განცხადება პროკურატურისა და მაღალი თანამდებობის პირების მხრიდან, რომელიც მინიშნება იყო, რომ თითქოს სასულიერო პირებზე, პატრიარქზე იყო მინიშნება, ხებოდა სავარაუდო მკვლელობა,“- ეს განცხადება სახალხო დამცველმა შაბათის კურიერის პირდაპირ ეთერში ე.წ. ციანიდის საქმესთან დაკავშირებით გააკეთა.

„გამოძიება უნდა ცდილობდეს, მაქსიმალურად მოკლე ვადებში, ეფექტურად წარმართოს გამოძიება და ის მალე დასრულდეს, რაც გარკვეულწილად იწელება, ამაზე იყო საუბარი ადვოკატების მხრიდან,“ - განაცხადა უჩა ნანუაშვილმა.  

სახალხო დამცველის თქმით, მამა გიორგი მამალაძე საკანში აუდიო-ვიზუალური კონტროლის ქვეშ იმყოფება.

უჩა ნანუაშვილი ე.წ. ციანიდის საქმეში თანასწორუფლებიანობისა და შეჯიბრებითობის პრინციპის დარღვევაზე საუბრობს.

უჩა ნანუაშვილის თქმით, მამა გიორგის თხოვნაზე, რომ დაცული იყოს მისი ოჯახის წევრების უსაფრთხოება, სამართალდამცავი ორგანოების მხრიდან არანაირი ღონისძიება არ გატარებულა.

„იმ ფონზე, როდესაც საუბარია ყველაზე მაღალ ავტორიტეტულ ადამიანზე საქართველოში, როდესაც ასეთი ბრალდების ტირაჟირება ხდება, კონკრეტული სახელი-გვარი სახელდება, არ არის გამორიცხული, რომ მის მიმართ, მისი ოჯახის წევრების მიმართ რისკებს ჰქონდეს ადგილი და სახელმწიფომ უფრო დამატებითი ღონისძიებები უნდა გატაროს, რომ უსაფრთხოება იქნას დაცული,“ - განაცხადა უჩა ნანუაშვილმა.

სახალხო დამცველის განცხადებით, მამა გიორგი მამალაძის ჯანმრთელობის მდგომარეობა სტაბილურია და ის მზად არის, გამოძიებას ჩვენება მისცეს.

]]>
25-02-2017 21:37 +0400
ვიზიტები საპატრიარქოში და განვითარებული მოვლენები http://rustavi2.com/ka/news/68975

ბოლო დღეების განმავლობაში საპატრიარქოში ხელისუფლების წარმომადგენლები, ადვოკატები და ბრალდების მოწმეები იმყოფებოდნენ. საპატრიარქოში, დაახლოებით, 15 წუთის განმავლობაში იმყოფებოდა ბიძინა ივანიშვილი მეუღლესა და შინაურ ცხოველთან ერთად. ყოფილი პრემიერს მედიასთან კომენტარი არ გაუკეთებია.

უცნობია, რა დეტალებზე ისაუბრეს პატრიარქთან ვიცეპრემიერებმა, რომლებიც გამოსვლის შემდეგ ირწმუნებოდნენ, რომ მხოლოდ უწმინდესის ჯანმრთელობის მდგომარეობის გასაგებად იყვნენ საპატრიარქოსი მისულები. ინტერვიუდან სამ დღეში კი ახალმა ვიცეპრემიერმა აღიარა, რომ საპატრიარქოში მხოლოდ უწმინდესის ჯანმრთელობის მდგომაროების გასაგებად არ ყოფილა მოსული.

საპატრიარქოში მიმდინარე მოვლენებზე ღიად საუბრობს უფლებადამცველი, ნანა კაკაბაძე, რომელიც პატრიარქთანაც კი იმყოფებოდა. მოგვიანებით კი მან პრესკონფერენციაც მოაწყო და სინოდის გადაწყვეტილებების შესახებ მედიას ესაუბრა.

პრეზიდენტის აზრით, დარღვევაა, როდესაც ხელისუფლების წარმომადგენლები და საპარლამენტო უმრავლესობის წევრები გამოძიების დეტალებს ფლობენ და ამ თემაზე ღიად საუბრობენ მაშინ, როდესაც ბრალდებულის მხარეს მსგავსი შესაძლებლობა არ ეძლევა.

არაჯანსაღად მიმდინარე პროცესებზე საუბრობს სახალხო დამცველი. ბრალდებულის მხარის მიმართ განხორციელებულ შეზღუდვასა და საქმესთან დაკავშირებით ხელისუფლების ინფორმირებულობაზე არასამთავრობო ორგანიზაციებიც მიუთითებენ.

ოპოზიცია ხელისუფლების მხრიდან გამოძიების პროცესში უხეშ ჩარევასა და პროცესების მართვაზე საუბრობს.

 

 

 

]]>
25-02-2017 21:17 +0400
რუსთავი2-ის ინფორმაციით, პატრიარქსა და ზურაბ ბუჩუკურს შორის შეხვედრა შედგა http://rustavi2.com/ka/news/68982

კურიერის ინფორმაციით, პატრიარქის დაცვის უფროსის თანამდებობას ზურაბ ბუჩუკური დაიკავებს. ის ამ თანამდებობას მას შემდეგ დაიკავებს, რაც მოქმედი ხელმძღვანელი, სოსო ოხანაშვილი, პოსტს დატოვებს. 

როგორც რუსთავი2-ისთვის გახდა ცნობილი, ილია მეორესა და ბუჩუკურს შორის, რომელიც პატრიარქის დაცვაში მუშაობდა, შეხვედრა უკვე შედგა, რომელსაც სოსო ოხანაშვილიც ესწრებოდა.

საპატრიარქოს პრესსამსახურის უფროსმა, მამა დავით შარაშენიძემ, ამ თემაზე კომენტარი არ გააკეთა. მან რუსთავი2-თან სატელეფონო საუბარში აღნიშნა, რომ ის განცხადებებს არ აკეთებს. 

]]>
25-02-2017 21:07 +0400
ოკუპაციის დღესთან დაკავშირებით მეტროსადგურ რუსთაველში გამოფენა გაიხსნა http://rustavi2.com/ka/news/68964

ოკუპაციის დღესთან დაკავშირებით მეტროსადგურ რუსთაველში გამოფენა გაიხსნა. ფოტოები საქართველოს პირველი რესპუბლიკისა და მისი დამცველების ისტორიას ასახავს.

ღონისძიება მოძრაობა თავისუფლებისთვის - ევროპული საქართველოს ორგანიზებით მოეწყო.

გამოფენას პარტიის ლიდერებიც დაესწრნენ და ბროშურები დაარიგეს, სადაც რუსეთის იმპერიის წინააღმდეგ საქართველოს 200-წლიანი ბრძოლის ქრონოლოგიაა აღბეჭდილი. 

]]>
25-02-2017 18:15 +0400
ბრალდებას არ სურს, მოისმინოს ჭეშმარიტება - მამა გიორგი მამალაძის ადვოკატი http://rustavi2.com/ka/news/68974

დეკანოზ გიორგი მამალაძის ადვოკატები რამდენიმე დღეა, საჯარო განცხადებებს აკეთებენ, რომ ბრალდებული მამა გიორგი მამალაძე დაიკითხოს. დაცვის მხარემ გუშინ პროკურატურაში შესაბამისი შუამდგომლობაც შეიტანა.

გუშინ ე.წ. მატროსოვის ციხეში პროკურატურის წარმომადგენლები იმყოფებოდნენ, თუმცა მამა გიორგი მამალაძის დაკითხვა მაინც ვერ მოხერხდა. ადვოკატების შეფასებით, ბრალდების მხარე დაკითხვის პროცეს მიზანმიმართულად აჭიანურებდა.

„ბრალდებას არ სურს, მოისმინოს ის ჭეშმარიტება, რომელსაც ის აპირებს განცხადება გააკეთოს და ჩვენება მისცეს,“ - განაცხადა ადვოკატმა, გიორგი ფანცულაიამ.

ცოტა ხნის წინ ცნობილი გახდა, რომ მამა გიორგი მამალაძე 27 თებერვალს დაიკითხება.

 

]]>
25-02-2017 18:12 +0400
მამა გიორგი მამალაძე 27 თებერვალს დაიკითხება http://rustavi2.com/ka/news/68972

მამა გიორგი მამალაძე 27 თებერვალს დაიკითხება, - ამის შესახებ მთავარი პროკურატურის საგამოძიებო ნაწილის უფროსის მოადგილემ, ჯარჯი წიკლაურმა, განაცხადა.

ჯარჯი წიკლაურის თქმით, დეკანოზ გიორგი მამალაძეს პროკურატურამ რამდენჯერმე შესთავაზა დაკითხვა, თუმცა ბრალდებულმა უარი განაცხადა.

”ბრალდებული გიორგი მამალაძე დაკავების შემდეგ არ თანამშრომლობს გამოძიებასთან და უარს აცხადებს ჩვენების მიცემაზე. დაკავების შემდეგ მას 5-ჯერ შევთავაზეთ, მოეცა ჩვენება, თუმცა ყველა ჯერზე უარი მივიღეთ. გარდა ამისა, მას მივმართეთ ექსპერტიზისთვის მოეცა ნიმუშები. 14 თებერვალს შევთავაზეთ, ნებაყოფლობით მოეცა ხმის, ხელწერისა და ე.წ დნმ-ის ნიმუშები, რაზეც კვლავ უარი მივიღეთ. ამის შემდეგ განჩინების საფუძველზე კვლავ შევთავაზეთ, თუმცა ამ ჯერზეც მან ჯანმრთელობის მდგომარეობა დაასახელა მიზეზად და კვლავ უარი განცხადა, გაეცა ნიმუშები. რეალურად ჩვენ ექიმის თანხმობა გვქონდა, რომ მას თავისუფლად შეეძლო, მონაწილეობა მიეღო საპროცესო მოქმედებაში. ამ ყველაფრის გათვალისწინებით, ადვოკატების და ბრალდებულის განცხადებებები, რომ ჩვენ ვაჭიანურებთ პროცესს, არის სიცრუე და მიზნად ისახავს საზოგადოების შეცდომაში შეყვანას,“ - განაცხადა ჯარჯი წიკლაურმა.

 

]]>
25-02-2017 18:05 +0400
დეკანოზი გიორგი მამალაძე ე.წ. მატროსოვის ციხეში სახალხო დამცველის წარმომადგენელმა მოინახულა http://rustavi2.com/ka/news/68968

დეკანოზი გიორგი მამალაძე სახალხო დამცველის წარმომადგენელმა მოინახულა. ომბუდსმენის აპარატის წევრი ე.წ. მატროსოვის ციხეში იმყოფებოდა.

სახალხო დამცველის აპარატის სისხლის სამართლის მართლმსაჯულების დეპარტამენტის თანამშრომლის თქმით, ომბუდსმენის აპარატი საქმის შესწავლას აგრძელებს და დეკანოზ გიორგი მამალაძის მიმართ სისხლის სამართლებრივი დევნის მონიტორინგს განახორციელებს.

სახალხო დამცველის წარმომადგენლის განცხადებით, დეკანოზ გიორგი მამალაძის უსაფრთხოებას ამ ეტაპზე საფრთხე არ ემუქრება. მისივე თქმით, მამა გიორგი მამალაძის ჯანმრთელობის მდგომარეობა სტაბილურია.

სახალხო დამცველის წარმომადგენლის თქმით, ბრალდებული დეკანოზი ჩვენების მიცემაზე თანახმაა.  

]]>
25-02-2017 18:03 +0400
საქართველოს კათოლიკოს-პატრიარქი ილია მეორე ხვალ წირვას აღავლენს http://rustavi2.com/ka/news/68967

საქართველოს კათოლიკოს-პატრიარქი, ილია მეორე, ხვალ წირვას აღავლენს. პატრიარქის ექიმის, ცისანა შარტავას, თქმით, უწმინდესის ჯანმრთელობის მდგომარეობა დამაკმაყოფილებელია.

საქართველოს პატრიარქი ილია მეორე ერთი კვირაა, რაც ბერლინიდან ოპერაციის შემდეგ თბილისში დაბრუნდა. უწმინდესს Helios berlin bux-ის კლინიკაში ნაღვლის ბუშტზე ლაპარასკოპიული ოპერაცია გაუკეთეს. 

]]>
25-02-2017 17:35 +0400
ინფორმაციული ტექნოლოგიების ქართველმა სპეციალისტებმა ორგანიზაციების მართვის ხელოვნური ინტელექტი შექმნეს http://rustavi2.com/ka/news/68955

ინფორმაციული ტექნოლოგიების ქართველმა სპეციალისტებმა ორგანიზაციების მართვის ხელოვნური ინტელექტი შექმნეს. სილიკონ ველი თბილისის სივრცეში არსებული ბიზნესისა და ტექნოლოგიების უნივერსიტეტში სამუშაოები რამდენიმე თვის განმავლობაში მიმდინარეობდა.

ავტორების განმარტებით, გამოგონებას მსოფლიოში ანალოგი არ აქვს და მისი გამოყენება შესაძლებელია საფინანსო ინსტიტუტების, ბიზნესის სფეროში მომუშავე კომპანიებისა და სახელმწიფო ორგანიზაციების მართვის პროცესში.

ორგანიზაციების მართვის ხელოვური ინტელექტი მენეჯმენტს აწვდის ინფორმაციას კომპანიაში არსებული პრობლემების შესახებ და სთავაზობს მოგვარების გზებსაც.

ბიზნესისა და ტექნოლოგიების უნივერსიტეტის რექტორის განმარტებით, პროდუქტით მსოფლიოს წამყვანი ტექნოლოგიური კომპანიები უკვე დაინტერესდნენ. 

]]>
25-02-2017 15:38 +0400
საპატრიარქოს იურისტის თქმით, შორენა თეთრუაშვილი დაკითხვაზე არ დაუბარებიათ http://rustavi2.com/ka/news/68958

პატრიარქის მდივან-რეფერატი, შორენა თეთრუაშვილი, დაკითხვაზე არ დაუბარებიათ. ამის შესახებ საპატრიარქოს იურისტმა, ედიშერ ქარჩავამ, განაცხადა. მისი თქმით, შორენა თეთრუაშვილისთვის პროკურატურიდან არავის დაურეკავს. 

გავრცელებულ ინფორმაციას, პატრიარქის პირადი დაცვის 17 წევრის გათავისუფლების შესახებ საპატრიარქოში არ ადასტურებენ.

 

 

ავტორი: ეკო მაღრაძე 

]]>
25-02-2017 15:06 +0400
ექსკლუზივი - პატრიარქის დაცვის სამსახურს ზურაბ ბუჩუკური უხელმძღვანელებს http://rustavi2.com/ka/news/68948

რუსთავი2-ის ექსკლუზიური ინფორმაციით, საქართველოს კათოლიკოს-პატრიარქის, ილია მეორის დაცვის სამსახურს ზურაბ ბუჩუკური უხელმძღვანელებს. ის ამ თანამდებობას მას შემდეგ დაიკავებს, რაც მოქმედი ხელმძღვანელი, სოსო ოხანაშვილი, პოსტს დატოვებს. 

ზურაბ ბუჩუკური პატრიარქის დაცვის სამსახურში წლებია, მუშაობს. როგორც კონფიდენციალური წყარო საქართველოს საპატრიარქოდან რუსთავი2-ს უყვება, სოსო ოხანაშვილის შემცვლელი პატრიარქს თავად დაცვის წევრებმა შესთავაზეს და ახალი ხელმძღვანელი მათივე რიგებიდან აირჩიეს, რის შემდეგაც ისინი უწმინდესმა დალოცა. 

წყაროს ცნობით, სოსო ოხანაშვილი თანამდებობაზე მუშაობას ამ დრომდე განაგრძობს. უახლოეს მომავალში გადაბარების პროცესი დაიწყება და ოხანაშვილი პოსტის დატოვებას მხოლოდ გადაბარების პროცესის დასრულების შემდეგ გეგმავს. 

]]>
25-02-2017 14:37 +0400
ქუთაისში 18 წლის გოგონას გარდაცვალებასთან დაკავშირებით გამოძიება დაიწყო http://rustavi2.com/ka/news/68953

ქუთაისში 18 წლის გოგონას გარდაცვალებასთან დაკავშირებით გამოძიება დაიწყო. ამის შესახებ რუსთავი2-ს შსს-ში განუცხადეს.

შინაგან საქმეთა სამინისტროს ცნობით, გამოძიება სისხლის სამართლის კოდექსის 115-ე მუხლით მიმდინარეობა, რაც თვითმკვლელობამდე მიყვანას გულისხმობს.

შსს-ს ინფორმაციით, დანიშნულია შესაბამისი ექსპერტიზა.

ნათია შეყილაძე ჭითაურიდან ქუთაისში რამდენიმე დღის წინ რეანომობილით უგონო მდგომარეობაში გადაიყვანეს. გოგონა რეანიმაციაში ხელოვნურ სუნთქვაზე იმყოფებოდა, გუშინ საღმოს კი გარდაიცვალა.

]]>
25-02-2017 14:23 +0400
გავრცელებულ ინფორმაციას პატრიარქის დაცვის 17 წევრის მიერ თანამდებობის დატოვების შესახებ საპატრიარქოში არ ადასტურებენ http://rustavi2.com/ka/news/68944

გავრცელებული ინფორმაცია პატრიარქის დაცვის უფროსისა და დაცვის 17 წევრის მიერ თანამდებობის დატოვების შესახებ საპატრიარქოში არ დაადასტურეს.

შსს-ში აცხადებენ, რომ პატრიარქის დაცვის წევრები უწყების დაქვემდებარებაში რჩებიან.

საქართველოს საპატრიარქოს პრესსამსახურის ხელმძღვანელი, მამა დავით შარაშენიძე, ჟურნალისტების სატელეფონო ზარებს არ პასუხობს.

 

 

ავტორი: მარიკა გოცირიძე 

]]>
25-02-2017 12:11 +0400
ქუთაისში 18 წლის გოგონა საავადმყოფოში გარდაიცვალა http://rustavi2.com/ka/news/68936

გამოძიებას ითხოვენ ქუთაისში გარდაცვლილი 18 წლის ნათია შეყილაძის ოჯახის წევრები. გოგონას ახლობლები სამედიცინო პერსონალს გულგრულობაში ადანშაულებენ.

ნათია შეყილაძე ჭითაურიდან ქუთაისში რამდენიმე დღის წინ რეანომობილით უგონო მდგომარეობაში გადაიყვანეს. გოგონა რეანიმაციაში ხელოვნურ სუნთქვაზე იმყოფებოდა, გუშინ საღმოს კი გარდაიცვალა.

კლინიკა იუნიქალ მედის დირექტორის განცხადებით, მკურნალობისას შეცდომები არ დაუშვიათ და პაციენტი აპარატიდან გუშინ დილით, მდგომარეობის გაუმჯობესების შემდეგ, გამორთეს. თუმცა, რა გახდა სიკვდილის მიზეზი, მისთვის უცნობია. სამედიცინო პერსონალი ექსპერტიზის დასკვნას ელოდება. 

]]>
25-02-2017 11:25 +0400
პრეზიდენტი საქართველოს დამოუკიდებლობისთვის ბრძოლაში გმირულად დაღუპულ იუნკერთა მემორიალს გვირგვინით შეამკობს http://rustavi2.com/ka/news/68933

საქართველოს პრეზიდენტი, გიორგი მარგველაშვილი, დღეს, ტაბახმელაში 1921 წლის 25 თებერვალს საქართველოს დამოუკიდებლობისთვის ბრძოლაში გმირულად დაღუპულ იუნკერთა მემორიალს გვირგვინით შეამკობს.

ამის შესახებ ინფორმაციას პრეზიდენტის ადმინისტრაცია ავრცელებს.  

„საქართველოს პარლამენტის 2010 წლის 21 ივლისის დადგენილების თანახმად, ყოველი წლის 25 თებერვალი საბჭოთა ოკუპაციის დღედ არის გამოცხადებული და საქართველოს მთელ ტერიტორიაზე სახელმწიფო უწყებების შენობებზე დროშები ეშვება.

"დღესვე, ქვეყნის უმაღლესი მთავარსარდალი ტაბახმელაში, 1921 წლის 25 თებერვალს საქართველოს დამოუკიდებლობისთვის ბრძოლაში გმირულად დაღუპულ იუნკერთა მემორიალს გვირგვინით შეამკობს,“ - აღნიშნულია ინფორმაციაში.

]]>
25-02-2017 10:43 +0400
შსს-ს არქივმა საბჭოთა ოკუპაციის თემაზე მომზადებული წიგნის პრეზენტაცია გამართა http://rustavi2.com/ka/news/68931

შსს-ს არქივმა ბათუმში საქართველოს გასაბჭოების თემაზე მომზადებული წიგნის - „საქართველოს ოკუპაცია, ბოლშევიკური ინტერპრეტაციები (1921)“ - პრეზენტაცია გამართა. ღონისძიება საბჭოთა ოკუპაციის დღეს მიეძღვნა.

წიგნში თავმოყრილია შსს-ს არქივში დაცული, საქართველოს გასაბჭოების ამსახველი მასალები - რუსი სამხედრო მოსამსახურეების ჩანაწერები საქართველოს ოკუპაციისა და ქვეყანაში გატარებული პერიოდის შესახებ.

აღნიშნული წიგნის მეშვეობით, შსს-ს არქივის ფონდებში დაცული უნიკალური საარქივო მასალა საზოგადოებისათვის ხელმისაწვდომი გახდა.

პრეზენტაციაზე საბჭოთა ოკუპაციის პერიოდის ამსახველი გამოფენა და შსს-ს არქივის მიერ მომზადებული დოკუმენტური ფილმის - „1921“ ჩვენება მოეწყო.

ღონისძიებას შსს-ს აკადემიის და შსს-ს არქივის წარმომადგენლები, აჭარის მთავრობის, უმაღლესი საბჭოს წევრები და სხვა მოწვეული სტუმრები დაესწრნენ.

]]>
25-02-2017 10:09 +0400
სახელმწიფო უწყებებმა ოკუპაციის დღესთან დაკავშირებით დროშები დაუშვეს http://rustavi2.com/ka/news/68930

სახელმწიფო უწყებებმა ოკუპაციის დღესთან დაკავშირებით დროშები დაუშვეს. დროშები დაშვებულია პარლამენტის, თავდაცვისა და შს სამინისტროების შენობებზე. 

ამის შესახებ ინფორმაციას აღნიშნული უწყებები ავრცელებენ.  

„დღეს, 25 თებერვალს, საბჭოთა ოკუპაციის დღესთან დაკავშირებით, თავდაცვის სამინისტროს ყველა ადმინისტრაციულ შენობაზე და საქართველოს რეგიონებში არსებულ სამხედრო ნაწილებსა და ბრიგადებში საქართველოს სახელმწიფო დროშები დაეშვა,“ - აღნიშნულია თავდაცვის სამინისტროს ინფორმაციაში. 

ასევე დაშვებულია დროშები პრეზიდენტის სასახლეზე, პარლამენტის და შინაგან საქმეთა სამინისტროს ყველა ადმინისტრაციულ შენობაზე.

]]>
25-02-2017 10:02 +0400
ე.წ. ციანიდის საქმე - მთავრობაში არ უარყოფენ რომ პატრიარქს ინფორმაცია გამოძიებაზე მათ მიაწოდეს http://rustavi2.com/ka/news/68920

ვიცე-პრემიერი, ალექსანდრე ჯეჯელავა ჯერ კიდევ სამშაბათს, საპატრიარქოდან გამოსვლის შემდეგ აცხადებდა, რომ ე.წ. ციანიდის საქმე პატრიარქთან არ განხილულა და ამ თემაზე ილია მეორესთან არავის უსაუბრია. მისი დღევანდელი განცხადებიდან კი ირკვევა, რომ საქმე არა თუ განიხილეს, პატრიარქს და მის გარემოცვას გამოძიების შესახებ ინფორმაციაც სწორედ მან და კახი კალაძემ მიაწოდეს.

სამი დღის წინ საპატრიარქოში გამართული შეხვედრის შემდეგ ალექსანდრე ჯეჯელავაც და კახი კალაძეც ამტკიცებდნენ, რომ მათი ერთადერთი მიზანი, ისევე როგორც მთავარი პროკურორის, პატრიარქის მონახულება იყო.

მთავრობის წევრების მიერ გამოძიების შესახებ პატრიარქის ინფორმირებას არც საპარლამენტო უმრავლესობაში უარყოფენ.

ოპოზიცია კითხვებს სვამს, საიდან აქვთ ხელისუფლების წარმომადგენლებს საქმის მასალებზე წვდომა და გამოძიების მიმდინარე სამუშაოზე. დეპუტატები პროცესში ხელისუფლების უხეშ ჩარევაზე და არაუფლებამოსილი პირების ინტერესზე საუბრობენ.

ე.წ. ციანიდის საქმის გამოძიების პროცესში დარღვევებს ვერ ხედავს იუსტიციის მინისტრი.

ავტორები: ანა წერეთელი, ნინო სამყურაშვილი.

 

]]>
24-02-2017 21:19 +0400
დეკანოზ გიორგი მამალაძის დნმ-ის, კალიგრაფიის და ხმის ნიმუშები აღებულია, ბრალდებულის დაკითხვა კი გადაიდო http://rustavi2.com/ka/news/68924

დეკანოზ გიორგი მამალაძის დნმ-ის, კალიგრაფიის და ხმის ნამუშევრები აღებულია. ექსპერტები მატროსოვის ციხეში რამდენიმე საათის განმავლობაში მუშაობდნენ. ბრალდებულის დაკითხვა კი გადაიდო.

დეკანოზ გიორგი მამალაძის დაკავებიდან 14 დღის შემდეგაც პროკურატურა ისევ არ აკონკრეტებს, ვის მკვლელობას გეგმავდა ბრალდებული სასულიერო პირი. საქმის პროკურორი საქმეში არსებულ არც იმ მტკიცებულებებზე საუბრობს, რომელიც დეკანოზის ბრალეულობას ადასტურებს.

სახელმწიფო ბრალდება გამოძიების ინტერესებიდან გამომდინარე, არც იმაზე საუბრობს, რა შინაარსის არის ის ჩანაწერები, რომელიც საქმეში დევს.

საქმის პროკურორი ადასტურებს, რომ ე.წ. ციანიდის საქმის ერთ-ერთი მოწმე პატრიარქის მდივან-რეფერატი, შორენა თეთრუაშვილია. 

პროკურორისგან განსხვავებით წარდგენილ ბრალს აბსურდულს უწოდებენ ადვოკატები. მათი განცხადებით, საქმეში არსებულ ჩანაწერებში ციანიდი საერთოდ არ ფიგურირებს. ადვოკატები აცხადებენ, რომ დეკანოზის მიერ ჩვენების მიცემის შემდეგ პროკურატურის ვერსია რომ სასულიერო პირი მკვლელობას გეგმავდა, რადიკალურად შეიცვლება.

ავტორები:მარიამ გაფრინდაშვილი, დავით ქაშიაშვილი.

]]>
24-02-2017 21:09 +0400
„საფრთხის წინაშე დგას მამა გიორგის სიცოცხლე"- მიხეილ რამიშვილი http://rustavi2.com/ka/news/68919

„საფრთხის წინაშე დგას მამა გიორგის სიცოცხლე,“- ეს განცხადება დეკანოზ გიორგი მამალაძის ადვოკატმა ე.წ. მატროსოვის ციხიდან გამოსვლის შემდეგ გააკეთა.

მიხეილ რამიშვილი სახალხო დამცველს მიმართავს, რომ ხვალ-ზეგ დეკანოზი გიორგი მამალაძე მოინახულოს.

ადვოკატის თქმით, მამა გიორგისა და ადვოკატების მოთხოვნაზე, რომ დეკანოზის დაკითხვა დღესვე მომხდარიყო, პროკურატურის წარმომადგენლებმა უარი თქვეს, რასაც მიხეილ რამიშვილმა უპასუხისმგებლობა უწოდა.

„ვაჭრობა დაგვიწყეს, ახსნა ახლა ძალიან გვიანია, სხვა დროზე შევთანხმდეთ,“- აღნიშნა რამიშვილმა და ასევე აღნიშნა, რომ „პროკურატურას ფეხებზე ჰკიდია მამა გიორგის დაკითხვა".

ადვოკატების თქმით, არსებობს საფრთხე, რომ შაბათ-კვირის განმავლობაში მამა გიორგი მამალაძეზე განხორციელდეს ზეწოლა. მისი თქმით, ამის საფრთხე არსებობს, რადგან მამა გიორგი მამალაძე ჩვენების დროს ისეთი განცხადების გაკეთებას აპირებდა, რაც საქმის გარემოებებს რადიკალურად შეცვლიდა.

 

]]>
24-02-2017 19:52 +0400
სოსო ოხანაშვილი ნაძირალაა - მამა მიქაელ ბოტკოველი http://rustavi2.com/ka/news/68896

მამა მიქაელ ბოტკოველი სოსო ოხანაშვილს ნაძირალას უწოდებს. მან ამის შესახებ კურიერთან სატელეფონო საუბარში განაცხადა. მამა მიქაელ ბოტკოველი გავრცელებულ ინფორმაციას, მასსა და საპატრიარქოს დაცვის უფროსს შორის ფიზიკური დაპირისპირების შესახებ არ ადასტურებს.

„ფიზიკური დაპირისპირება არ ყოფილა, ეს არის აბსოლუტური სიბეცე, ვინ თქვა წარმოდგენა არ მაქვს. თუ ამას ოხანაშვილი ლაპარაკობს, კიდევ ერთხელ ვიმეორებ, ის ნაძირალაა და ის ყველაფრისთვის მზადაა, რომ თქვას,“- განაცხადა მამა მიქაელ ბოტკოველმა.

 

ავტორი: მარიკა გოცირიძე. 

]]>
24-02-2017 15:14 +0400
მამა კახაბერი მამა მიქაელსა და სოსო ოხანაშვილს შორის ფიზიკურ დაპირისპირებას არ ადასტურებს http://rustavi2.com/ka/news/68894

გავრცელებულ ინფორმაციას მამა მიქაელ ბოტკოველსა და საპატრიარქოს დაცვის უფროსს შორის ფიზიკური დაპირისპირების შესახებ საპატრიარქოში გამოეხმაურება მოჰყვა. მამა კახაბერ გოგოტიშვილმა ინციდენტი არ დაადასტურა.

საქართველოს საპატრიარქოს საგარეო ურთიერთობათა სამსახურის ხელმძღვანელის მოადგილის თქმით, მდივნის პოზიციის საკითხი არ განიხილება, რადგან ილია მეორეს ამ საკითხზე გადაწყვეტილება არ მიუღია და ამიტომ, მიქაელ ბოტკოველი ჯერჯერობით პატრიარქის მდივანად ითვლება.

მამა კახაბერ გოგოტიშვილის განცხადებით, დღეს დაინიშნება პიროვნება, ვისაც მედიასთან ურთიერთობა ექნება.

„არავითარი ფიზიკური დაპირისპირება არ ყოფილა, ისინი ერთმანეთს საერთოდ არ შეხვედრიან. საპატრიარქო ჩვეულ რეჟიმში აგრძელებს მუშაობას, დღის მეორე ნახევარში გადაწყდება თუ ვინ დაინიშნება ერთი პიროვნება, რომელიც პრესასთან ურთიერთობას უზრუნველყოფს და საინფორმაციო ვაკუუმი არ იქნება, ანუ მუდმივად შეგეძლებათ თქვენ მასთან ურთიერთობა. მდივნის პოზიციაზე არ არის ლაპარაკი, მდივნის პოზიციაზე საერთოდ არ განიხილება ჯერ ეს საკითხი, მის უწმინდესობას ამ საკითხთან დაკავშირებით არავითარი გადაწყვეტილება არ მიუღია. შესაბამისად, ჯერჯერობით მამა მიქაელი პატრიარქის მდივნად ითვლება,“- განაცხადა მამა კახაბერ გოგოტიშვილმა. 

ავტორი: მარიკა გოცირიძე. 

]]>
24-02-2017 15:09 +0400
გამომძიებლების ე.წ. მატროსოვის ციხეში მისვლა ერთი საათით გადაიდო http://rustavi2.com/ka/news/68895

პროკურატურის გამომძიებლების ე.წ. მატროსოვის ციხეში მისვლა ერთი საათით გადაიდო. გამომძიებლებს ბრალდებული დეკანოზი და მისი უფლებადამცველები ზუსტად 16:00 საათზე ელოდებიან.

ადვოკატების თანდასწრებით, ადგილზევე მოხდება დაკავებული დეკანოზის ხმის ნიმუშის აღება, რომელმაც პროკურატურის მიერ მოპოვებული ფარული ჩანაწერების ნამდვილობა უნდა დაადასტუროს. მამა გიორგი მამალაძის ადვოკატების თქმით, დღის ბოლომდე დეკანოზის სრულად დაკითხვა შესაძლოა ვერ მოესწროს.

„მამა გიორგი მამალაძეს დღეს დიდი ალბათობით ჩაუტარდება ექსპერტიზის ნიმუშების აღება, აქამდე ჩვენ მხოლოდ იმიტომ ვერ მივიღეთ ამაში მონაწილეობა, რომ მისი ჯანმრთელობის მდგომარეობა არ იყო საკმარისი. ექსპერტიზის ნიმუშების აღების შემდგომ, თუ პროკურატურა გადაწყვეტს, რომ დღეს უნდა მოხდეს მისი დაკითხვა, ჩვენ ვართ მზად, მაგრამ ამას დღეს გადაწყვეტს პროკურატურა თუ მომდევნო დღეებში, ეს უკვე მათზეა დამოკიდებული,“-განაცადა გიორგი მამალაძემ.

უფლებადამცველების განცხადებით, მკვლელობის მომზადების მცდელობისთვის დაკავებული მამა გიორგი მამალაძე ჩვენების მიცემისთვის მზად არის. ადვოკატთა განცხადებით, ჩვენება იქნება ვრცელი და ის საქმის არსს სრულად შეცვლის.

„უნდა ჩაატარონ ექსპერტიზა, არის თუ არა მამა გიორგი ის, ვინც ჩანაწერში საუბრობს. შესაბამისად, როგორც კი დამთავრდება საგამოძიებო მოქმედება, უნდა დაიწყონ წესით მისი დაკითხვა. აუდიო ჩანაწერებს რასაც გავეცანი, იქ ძალიან ბევრ ადამიანთან აქვს, რომლებიც მამაოდ იხსენიებენ, ეტყობა მრევლის წარმომადგენლებიც არიან. მე აუდიო ჩანაწერი არ მინახავს. მამა გიორგი ზუსტად იტყვის, ვისი თხოვნით იყო ეს იარაღი, ვინ თხოვა, რომ შეენახა,“ - აცხადებს მიხეილ რამიშვილი.  

]]>
24-02-2017 15:08 +0400
"ნიჭიერის" გამარჯვებულს მთავარი ჯილდო ოფიციალურად გადაეცა http://rustavi2.com/ka/news/68890

ნიჭიერის გამარჯვებულს მთავარი ჯილდო ოფიციალურად გადაეცა.

ეკატერინე აბულაძემ სალვუს დეველოპმენტისგან საჩუქრად ბათუმში, ოროთახიანი გარემონტებული ბინა მიიღო.

28 წლის თვითნასწავლი მომღერალი ყველაზე სახალხო შოუს მეშვიდე სეზონის გამარჯვებულია, მან 134 ათას 506 ხმიდან ყველაზე მეტი - 42 % მიიღო.

]]>
24-02-2017 14:45 +0400
ვის ექნება მედიასთან კომუნიკაცია, პრემიერთან ილია მეორის შეხვედრის შემდეგ გაირკვევა http://rustavi2.com/ka/news/68884

საქართველოს საპატრიარქოს მდივნის საკითხი, საქართველოს პატრიარქისა და პრემიერმინისტრის შეხვედრის შემდეგ გახდება ცნობილი. ამის შესახებ განცხადება, საპატრიარქოს უნივერსიტეტის სამეთვალყურეო საბჭოს თავმჯდომარემ გააკეთა.

„უახლოეს საათებში გადაწყდება ვინ იქნება ის ოფიციალური პიროვნება, რომელიც უპასუხებს ხოლმე თქვენს კითხვებს, მაგრამ ეს პიროვნება არ იქნება პატრიარქის მდივანი, რომელ პოსტსაც იკავებდა მამა მიქაელ ბოტკოველი. ეს საკითხები მოგვიანებით გადაწყდება,“ - აცხადებს ანდრიაძე.

მისივე თქმით, მისთვის უცნობია, რჩება თუ არა პატრიარქის დაცვის ხელმძღვანელად სოსო ოხანაშვილი.

„ამ წუთში არ დამინახავს. მე შევედი 15 წუთი, მივიღე დავალება და გავდივარ. ოფიციალურ პოზიციას და ინფორმაციას მოგაწვდით ის პიროვნება, ვისაც პრემიერმინისტრთან შეხვედრის შემდეგ დანიშნავს კათოლიკოს პატრიარქი, თქვენთან მოსაუბრეს,“ - განაცხადა გიორგი ანდრიაძემ.

]]>
24-02-2017 13:04 +0400
სოციალური ცვლილებებისკენ მიმართული საკომუნიკაციო კამპანიის პრეზენტაცია გაიმართა http://rustavi2.com/ka/news/68882

თანამედროვე ხელოვნების მუზეუმში სოციალური ცვლილებებისკენ მიმართული საკომუნიკაციო კამპანიის პრეზენტაცია გაიმართა. ღონისძიებაზე ორწლიანი ანტი-სტიგმა მოძრაობა წარადგინეს, რომელსაც დაინახე ყველაფერი ჰქვია.

კამპანიის მიზანია შშმ ბავშვებისა და ახალგაზრდების მიმართ დამოკიდებულებისა და ქცევის ნორმების შეცვლა.

ანტი-სტიგმა მოძრაობა გაეროს ბავშვთა ფონდის ინიციატივით და ამერიკის საერთაშორისო განვითარების სააგენტოს მხარდაჭერით ჩამოყალიბდა. მოძრაობის ლიდერები სწორედ შეზღუდული შესაძლებლობების მქონე ბავშვები და მშობლები არიან.

]]>
24-02-2017 12:54 +0400
"ნუ გვისმენთ" - გამაფრთხილებელი აქცია პარლამენტთან http://rustavi2.com/ka/news/68879

"ნუ გვისმენთ"- ნაციონალური მოძრაობის ქუთაისის წარმომადგენლებმა, პარლამენტის შენობის წინ გამაფრთხილებელი აქცია გამართეს. აქციის მონაწილეები ხელისუფლებას მოუწოდებენ, კანონპროექტის ის ვერსია, რომელიც დღეს არის პარლამენტში, არ მიიღოს.  

"ეს კანონი არც ადამიანის ულებების დაცვისკენ არის მიმართული და არც ქვეყნის უსაფრთხოების დაცვისკენ. ეს კანონი მიმართულია ერთი ადამიანის უსაფრთხო ძილისკენ, რომელსაც ჰქვია ბიძინა ივანიშვილი,“ - განაცხადა აქციის ერთ-ერთმა მონაწილემ.  

შეგახსენებთ, რომ ამ წუთებში საქართველოს პარლამენტში ე.წ. ფარული მოსმენების შესახებ კანონპროექტის მორე მოსმენით განხილვა იწყება.

]]>
24-02-2017 12:48 +0400
"რუსთავი 2" მაია ასათიანს და ირაკლი მახვილაძეს სამძიმარს უცხადებს http://rustavi2.com/ka/news/68876

გარდაიცვალა 18 წლის ნუცა მახვილაძე. ჩვენი კოლეგის და ტელეწამყვანის მაია ასათიანის ერთადერთი შვილი. ის პარიზის კლინიკაში მენინგო-კოკცემიის დიაგნოზით ორი დღის წინ მოხვდა.
 
ექიმებმა მისი გადარჩენა ვერ შეძლეს. ნუცა სტუდენტი იყო და პარიზში უნივერსიტეტში სწავლობდა.
რუსთავი 2 უსამძიმრებს მეგობრებსა და კოლეგებს მაია ასთიანს და ირაკლი მახვილაძეს.

]]>
24-02-2017 12:36 +0400
სასწავლებელში, რომლის რექტორიც ბრალდებული დეკანოზი იყო, პროკურატურის წარმომადგენლები მივიდნენ http://rustavi2.com/ka/news/68873

მამა გიორგი მამალაძის საქმესთან დაკავშირებით ბათუმში საგამოძიებო მოქმედებები მიმდინარეობს. როგორც ცნობილი გახდა, ერთ-ერთ სასწავლებელში, რომლის რექტორიც იყო მამა გიორგი მამალაძე, პროკურატურის წარმომადგენლები მივიდნენ და სასწავლებლის თანამშრომლებს სთხოვეს, რომ მათთვის გადაეცათ მამა გიორგი მამალაძის ხელნაწერი, თუმცა სასწავლებელში აცხადებენ, რომ აღნიშნული ხელნაწერის გადაცემა არ მოხდა.

“მოვიდა ახალგაზრდა, რომელმაც წარმომიდგინა დოკუმენტი, რომელიც იყო აჭარის პროკურატურის. არ ვიცი რამდენად სანდო იყო ეს დოკუმენტი, არ ვიცი მართლა წარმოადგენდა თუ არა ის პირი პროკურატურას თანამშრომელს, უბრალოდ ჩემში უნდობლობა გამოიწვია იმან, რომ ის ითხოვდა მამაოს ხელნაწერს, ნებისმიერი სახის, თუნდაც პატარა ფურცლის ნაგლეჯს და თვითონ მოთხოვნის პროცესი იყო ისეთი, რაც იწვევდა უნდობლობას. ეს ადამიანი იყო სხვისი გამოგზავნილი, ასე ჩავთვალე მე იმიტომ, რომ ის დრო და დრო ეკონტაქტებოდა სხვას და ის აძლევდა იქიდან რჩევებს, სამჯერ გაბრუნდა და უკან დაბრუნდა,“ - განაცხადა დირექტორის მოადგილემ მარიამ ტარიელაძემ.

]]>
24-02-2017 12:17 +0400
მამა გიორგი ზუსტად იტყვის ვინ თხოვა, რომ იარაღი შეენახა - მიხეილ რამიშვილი http://rustavi2.com/ka/news/68872

დაკავებული დეკანოზი დუმილს არღვევს, ის გამოძიებას ჩვენებას დღეს მისცემს. მატროსოვის საპყრობილეში, სადაც ამ დროისთვის მამა გიორგი მამალაძეა გადაყვანილი, პროკურატურის წარმომადგენლებს 3 საათისთვის ელოდებიან.

ადგილზევე მოხდება ხმის ნიმუშის აღება, ფარული ჩანაწერების ნამდვილობის დადგენის მიზნით. ცნობილია, რომ გამოძიებამ ე.წ. ციანიდის საქმის სავარაუდო ადრესატი, შორენა თეთრუაშვილიც უნდა დაკითხოს, თუმცა როდის, ამ ეტაპზე კვლავ უცნობია.

”აუდიო ჩანაწერები მე რაც მოვისმინე, რასაც გავეცანი იქ მრავალ ადამიანთან აქვს რომლებიც მამაოთი​ იხსენიებენ და სხვადასხვა მრევლის წარმომადგენლებიც არიან და გარკვეული პიროვნებებიც“ - განაცხადა მამა გიორგი მამალაძის ადვოკატმა მიხეილ რამიშვილმა. 

ადვოკატი აღნიშნავს, რომ ჩანაწერში მას ციანიდის საქმესთან დაკავშირებით ინფორმაცია არ მოუსმენია. ის ასევე აღნიშნავს, რომ მამა გიორგი მამალაძე გამოძიებას ასევე ეტყვის თუ საიდან აღმოჩნდა მის საცხოვრებელ სახლში ცეცხლსასროლი იარაღი.

“მამა გიორგი ზუსტად იტყვის ვინ თხოვა, რომ იარაღი შეენახა. მოგეხსენებათ, მე თვითონ ადვოკატი ვარ და შეიძლება ადამიანმა ახლობელმა მთხოვოს რაღაცა ნივთის შენახვა, დროებით მაინც და ახლა მამაოებს ძალიან ბევრ ადამიანთან აქვთ ურთიერთობა და შეუძლია გაუგოს და დროებით რაღაცაში მიეხმაროს. ამაში მე დანაშაულს ნამდვილად ვერ ვხედავ,“ -აღნიშნა რამიშვილმა.   

]]>
24-02-2017 12:05 +0400
"მე ბავშვი არ ვარ, რომ ემოციურ განცხადებებს ვაკეთებდე" - მამა მიქაელი გიორგი ანდრიაძეს პასუხობს http://rustavi2.com/ka/news/68871

მამა მიქაელ ბოტკოველი გადადგომის შესახებ მიღებული გადაწყვეტილების გადახედვას არ აპირებს. ამ შესახებ განცხადება მან კურიერთან სატელეფონო საუბრისას გააკეთა.

მამა მიქაელ ბოტკოველი საპატრიარქოს უნივერსიტეტის სამეთვალყურეო საბჭოს თავმჯდომარის განცხადებას გამოეხმაურა, სადაც გიორგი ანდრიაძემ განმარტა, რომ მდივანმა ემოციური განცხადება გააკეთა.

„მე ბავშვი არ ვარ, რომ ემოციურ განცხადებებს ვაკეთებდე, საკმაოდ ზრდასრული ადამიანი ვარ. მე მივიღე აბსოლუტურად გაცნობიერებული გადაწყვეტილება და მის რევიზიას არ ვაპირებ. ეს რა თქმა უნდა, თქვას ანდრიაძემ თავისი აზრი, შეიძლება სხვამაც გამოთქვას თავისი პოზიცია. მე გადაწყვეტილება უკვე მიღებული მაქვს,“ - აცხადებს კურიერთან სატელეფონო საუბრისას მამა მიქაელ ბოტკოველი.

მამა მიქაელ ბოტკოველი ამბობს, რომ საკუთარი გადაწყვეტილების შესახებ პატრიარქისთვის არ შეუტყობინებია, შესაბამისად, არც უწმინდესის პოზიციაა მისთვის ცნობილი.

შეგახსენებთ, რომ მამა მიქაელ ბოტკოველმა თანამდებობიდან გადადგომის გადაწყვეტილება გუშინ მიიღო. 

]]>
24-02-2017 12:00 +0400
შორენა თეთრუაშვილის დაკითხვის ზუსტი დრო საპატრიარქოსთვის უცნობია http://rustavi2.com/ka/news/68868

ჯერჯერობით ისევ უცნობია, როდის დაკითხავს პროკურატურა პატრიარქის მდივან რეფერანტს, შორენა თეთრუაშვილს. თუმცა, საპატრიარქოს იურისტი ადასტურებს, რომ ამ საკითხზე საგამოძიებო ორგანოდან გუშინ დაუკავშირდნენ, მაგრამ, მისივე თქმით დაზუსტებული არ ყოფილა შორენა თეთრუაშვილის დაკითხვის დრო.

ედიშერ ქარჩავა აცხადებს, რომ საპატრიარქო მზადყოფნას გამოთქვამს, ნებისმიერ დროს მიაწოდონ პროკურატურას ამომწურავი ინფორმაცია.

„საქმის გარემოებები ჩემთვის უცნობია. თუ არის რაიმე შეკითხვები ქალბატონ შორენასთან დაკავშირებით, ჩვენ მზად ვართ, ამომწურავი ჩვენება მივცეთ და დავეხმაროთ გამოძიებას ჩვენთვის ცნობილ გარემოებებთან დაკავშირებით,“ - აცხადებს ედიშერ ქარჩავა. 

]]>
24-02-2017 11:23 +0400
დაკავებული დეკანოზი გამოძიებას ჩვენებას დღეს მისცემს http://rustavi2.com/ka/news/68865

დაკავებული დეკანოზი გამოძიებას ჩვენებას დღეს მისცემს. მატროსოვის საპყრობილეში, სადაც ამ დროისთვის მამა გიორგი მამალაძეა გადაყვანილი, პროკურატურის წარმომადგენლებს 3 საათისთვის ელოდებიან.

ადგილზევე მოხდება ხმის ნიმუშის აღება, ფარული ჩანაწერების ნამდვილობის დადგენის მიზნით.

]]>
24-02-2017 11:10 +0400
მამა მიქაელ ბოტკოველმა წასვლის შესახებ ემოციური განცხადება გააკეთა - გიორგი ანდრიაძე http://rustavi2.com/ka/news/68864

მამა მიქაელ ბოტკოველმა წასვლის შესახებ ემოციური განცხადება გააკეთა - აცხადებს საპატრიარქოს უნივერსიტეტის სამეთვალყურეო საბჭოს თავმჯდომარე.

გიორგი ანდრიაძე არ გამორიცხავს, რომ მამა მიქაელი კვლავ დარჩეს პატრიარქის მდივნის თანამდებობაზე.

ანდრიაძე აცხადებს, რომ ეს საკითხი არ იყო ილია მეორესთან შეთანხმებული და პატრიარქის პოზიცია ამ ეტაპზე არ არის ცნობილი.

"ჩვენ ყველას იმედი გვაქვს, მის მეგობრებს და პატრიარქის თანამებრძოლებს, რომ მამა მიქაელი პატრიარქის მდივნად ვიხილოთ. ის რჩება პატრიარქის უახლოეს თანამებრძოლად და მეგობრად," - აღნიშნა გიორგი ანდრიაძემ.

მამა მიქაელ ბოტკოველმა პოსტის დატოვების შესახებ ინფორმაცია, გუშინ ჟურნალისტებთან დაადასტურა. 

]]>
24-02-2017 10:58 +0400
მოსამართლეების საქმეები - სამოქალაქო სექტორი პროკურატურას საქმის გამოძიებისკენ მოუწოდებს http://rustavi2.com/ka/news/68854

მოსამართლე ნაზღაიძის ოჯახისთვის, მილიონი ლარის გადაცემის შესახებ მიღებული გადაწყვეტილების კანონიერების დასაბუთებისკენ მოუწოდებენ მერიას და საკრებულოს, არასამთავრობო ორგანიზაციები.

სამოქალაქო სექტორი ასევე მიმართავს პროკურატურას - უზრუნველყოს უზენაესი სასამართლოების მოსამართლეებზე შესაძლო ზეწოლის ფაქტებთან დაკავშირებით დროული და ობიექტური გამოძიება და გაასაჯაროოს მტკიცებულებები.

"სიუჟეტი, რომელიც გავიდა რუსთავი 2-ზე და რომელზეც გაჟღერდა შესაძლო კორუფციულ დანაშაულზე ინფორმაცია, ფაქტია, რომ შეიცავდა დანაშაულის შესახებ მითითებას, რაც ავტომატურად, ჩვენი კანონმდებლობით არის საფუძველი, რომ დაიწყოს შესაბამისმა უწყებებმა სამართლებრივი რეაგირება ანუ გამოძიება. მითუმეტეს, როდესაც ეს უკავშირდება კონკრეტულ მოსამართლეს და კონკრეტულ საქმეს განხილვის დაწყების დღიდან, თან სდევდა პოლიტიკური ელფერი. ასეთ დროს პირველ რიგში, ალბათ, სახელმწიფო უწყებებს უნდა აინტერესებდეთ, რომ ამ საქმეს ეს პოლიტიკური ელფერი მოაშორონ,“ - განაცხადა ადამიანის უფლებების სწავლებისა და მონიტორინგის ცენტრის იურისტმა გურამ იმნაძემ.

შეგახსენებთ, რომ რუსთავი 2-ის გენერალური დირექტორის განცხადებით, ტელეკომპანია მზად არის ჩაერთოს მოსამართლე ნაზღაიძის ოჯახისთვის ქრთამის სახით ქონების შესაძლო გადაცემის დეტალების გამოკვლევაში.

]]>
24-02-2017 08:23 +0400
ე.წ. ციანიდის საქმეზე დღეს ხმის ექსპერტიზის ჩატარება იგეგმება http://rustavi2.com/ka/news/68848

ე.წ. ციანიდის საქმეზე დღეს ხმის ექსპერტიზის ჩატარება იგეგმება. სამართალდამცველები ამ მიზნით სასჯელაღსრულების დაწესებულებაში ბრალდებულს შეხვდებიან. საექსპერტო ნიმუშების აღების პროცესს ადვოკატებიც დაესწრებიან.

ამის შემდეგ კი, არ არის გამორიცხული, მკვლელობის მომზადების საქმეზე, დღესვე დაიკითხოს მამა გიორგი მამალაძე. ადვოკატების თქმით, ის მზად არის ჩვენების მისაცემად და დაცვის მხარემ შესაბამისი შუამდგომლობით პროკურატურას უკვე მიმართა.

პარალელურად, დაცვის მხარის განცხადებით, ამ საქმესთან დაკავშირებით მათ ხელთ არსებული ინფორმაცია საპატრიარქოში შეხვედრის დროს სასულიეროს პირებს გააცნეს.

]]>
24-02-2017 07:45 +0400
სასულიერო პირებმა, რომლებმაც საპატრიარქო გვიან ღამით დატოვეს, ჟურნალისტებთან საუბარი არ ისურვეს http://rustavi2.com/ka/news/68847

საპატრიარქოში გვიანობამდე იმყოფებოდა სინოდის წევრთა ნაწილი. სასულიერო პირებმა შენობის დატოვების შემდეგ ჟურნალისტებთან საუბარი არ ისურვეს. მათ შორის არც მეუფეებმა პეტრე ცაავამ და დიმიტრი შიოლაშვილმა.

დღის ბოლოს პატრიარქის მდივნის მამა მიქაელ ბოტკოველის განცხადებას თანამდებობის დატოვების შესახებ ლაშა ჟვანია გამოეხმაურა. პატრიარქის ფონდის ხელმძღვანელის განმარტებით, ამ თანამდებობაზე ადამიანს უწმინდესი ნიშნავს და თავადვე ათავისუფლებს.

ჟვანიას მტკიცებით, მამა მიქაელ ბოტკოველმა კი გადაწყვეტილება ილია მეორესთან შეუთანხმებლად მიიღო და ის ჯერ ისევ რჩება ამ პოზიციაზე.

რაც შეეხება პატრიარქის უსაფრთხოების სამსახურის უფროსს სოსო ოხანაშვილს, რომელმაც მამა მიქაელი სიცრუეში დაადანაშაულა, ჟვანიას განცხადებითვე, პატრიარქის დაცვის სამსახური შინაგან საქმეთა სამინისტროს დაქვემდებარებაშია და გადაწყვეტილებაც ამ უწყებამ უნდა მიიღოს.

]]>
24-02-2017 07:38 +0400
თბილისის ცენტრალურ უბნებს ელექტროენერგია შეუწყდა - მიზეზად დაზიანება სახელდება http://rustavi2.com/ka/news/68846

თბილისის ცენტრალურ უბნებში რამდენიმე წუთის განმავლობაში ელექტროენერგიის მიწოდება შეწყდა. სახელმწიფო ელექტროსისტემაში მიზეზად დაზიანება დასახელდა. 

საზოგადოებასთან ურთიერთობის სამსახურის უფროსის ინფორმაციით, ენგურჰესზე მიმდინარე სამუშაოების გამო ელექტროენერგიის იმპორტი სომხეთიდან ხორციელდებოდა. ხაზზე დაზიანება მოხდა, რის გამოც ელექტროენერგია მთაწმინდის, საბურთალოს და ვაკის რაიონების ნაწილს 7 წუთის განმავლობაში ქონდა შეწყვეტილი.

ეკა ვერულაშვილის განცხადებით, ამჟამად საქართველო ახორციელებს ელექტროენერგიის მიწოდებას. მისივე ინფორმაციით, ქალაქში ამ ეტაპზე ელექტროენერგიის მიწოდება აღდგენილია.

 

]]>
23-02-2017 22:13 +0400
ზომით და აგებულებით დედამიწის მსგავსი 7 პლანეტა - 3 მათგანზე შესაძლოა სიცოცხლე იყოს http://rustavi2.com/ka/news/68832

ზომით და აგებულებით დედამიწის მსგავსი 7 პლანეტა Nasa-ს ტელესკოპმა სპიცერმა მერწყულის თანავარსკვლავედში შენიშნა. ახალი პლანეტები მკრთალი ჯუჯა ვარსკვლავის Trappist-1-ის გარშემო ბრუნავენ, რომელიც დედამიწიდან 40 სინათლის წლითაა დაშორებული.

მეცნიერები ამ აღმოჩენას სენსაციურს უწოდებენ, რადგან პლანეტებზე შესაძლოა სიცოცხლე იყოს. შვიდიდან სამი სწორედ სიცოცხლის საარსებოდ დასაშვებ ზონაში მდებარეობს.

7-ვე პლანეტა მეცნიერებისთვის უკვე ცნობილი ვარსკვლავის Trappist-1-ის ირგვლივ მდებარეობს. სპეციალისტებმა დაადგინეს, რომ მასთან ყველაზე ახლოს მდებარე სამ პლანეტაზე სიცოცხლის არსებობისთვის ზედმეტად ცხელა, ყველაზე შორს მდებარეზე კი საკმაოდ ცივა. მეცნიერები დარწმუნებული არიან, რომ თუ ახლა ამ ციურ სხეულებზე სიცოცხლე არ არსებოს, მას შეუძლია გაჩნდეს.

ვარსკვლავი სახელად Trappist-1 500 მილიონი წლისაა. დედამიწიდან კი მისი სისტემა 40 სინათლის წლითაა დაშორებული. მეცნიერები ახალ 7 პლანეტაზე დაკვირვებას უკვე უების ტელესკოპით გააგრძელებენ, რომელიც 2018 წელს ჰაბლის ობსერვატორიას ჩაანაცვლებს.

 

ავტორი: თამარ ჭავჭავაძე.

 

]]>
23-02-2017 22:11 +0400
მილიონი დოლარი ქართველი მფრინავისთვის - ოსურაული ერთი თვეა ტყვეობაშია http://rustavi2.com/ka/news/68831

მილიონი დოლარი ქართველი მფრინავისთვის. სწორედ ამ რაოდენობის გამოსასყიდს ითხოვენ კონგოელი ამბოხებულები სოსო ოსურაულის გათავისუფლების სანაცვლოდ. თითქმის ერთი თვეა მფრინავი ტყვეობაშია.

ქართველი მფრინავი ტყვეობაში 27 იანვრიდან იმყოფება, როდესაც მეამბოხეებმა კონგოს სამხედრო-საჰაერო ძალების 2 ვერტმფრენი ჩამოაგდეს. ერთ-ერთს სწორედ სოსო ოსურაული მართავდა. ვრცელდება ინფორმაციაც, რომ ემ-23-ის ამბოხებულები გამოსასყიდსაც ითხოვენ.

სამხრეთ აფრიკაში საქართველოს დიპლომატიურ მისიაში აცხადებენ, რომ ქართველი პილოტის ტყვედ ყოფნა კონგოს მთავრობამ მხოლოდ გუშინ დაუდასტურა. საქართველოს ელჩის ინფორმაციით, ამ ეტაპზე კონგოს წარმომადგენლებთან მიდის მოლაპარაკებები ქართველი პილოტის ამბოხებულების ტყვეობიდან დასახსნელად.

თავდაცვის სამინისტროს განმარტებით, ოსურაული კონგოში მათ მიერ არ არის წარგზავნილი. თუმცა, საქართველოს მთავრობის წევრები დარწმუნებული არიან, რომ კონგოში ტყვედ მყოფი ქართველი პილოტის დახსნას შეძლებენ. მოლაპარაკებებში ჩართულია საგარეო საქმეთა სამინისტრო, საკითხის შესწავლა უშიშროების საბჭოს დაავლა საქართველოს პრეზიდენტმაც.

აფრიკული მედიის ინფორმაციით, კონგოელი ამბოხებულების ქართველი ტყვე, დაჯგუფების ერთ-ერთ საველე ბანაკში იმყოფება.

]]>
23-02-2017 21:41 +0400
მეუფე დიმიტრი ადასტურებს, რომ პატრიარქის ვიდეომიმართვა დამონტაჟებული ვერსიის სახით ილია მეორესთან შეთანხმებით გავრცელდა http://rustavi2.com/ka/news/68843

ბათუმისა და ლაზეთის მიტროპოლიტი და საქართველოს საპატრიარქოს საინფორმაციო სამსახურის ხელმძღვანელი, მეუფე დიმიტრი კურიერთან სატელეფონო საუბარში პატრიარქის მიმართვასთან დაკავშირებით საუბრობს, რომელიც ბერლინში ყოფნის პერიოდში ჩაიწერა.

მეუფე დიმიტრის თქმით, ვიდეომიმართვა დამონტაჟებული ვერსიის სახით პატრიარქთან შეთანხმებით გავრცელდა.

„იქვე, ყველამ ერთად მივიღეთ გადაწყვეტილება, პატრიარქიც ისმენდა, რომ ეს ფრაზა, ეს წინადადება უნდა მოკვეცილიყო იმიტომ, რომ მამა გიორგი დუმს და ხან ერთს, ხან მეორეს, ხან მესამე განცხადებებს არ აკეთებს. იქვე ვთქვით, რომ ის ვერსია, სადაც პატრიარქი ამბობს მამა გიორგის შესახებ ამას, არ უნდა გავრცელებულიყო, რატომღაც ვიღაცამ, ერთერთმა გადაუგზავნა თავის ახლობელს, იმ ახლობელმა კი რომელიღაც ტელეკომპანიას და ასე გავრცელდა,“- განაცხადა მეუფე დიმიტრიმ.

 

 

]]>
23-02-2017 21:20 +0400
"მამა მიქაელს მისი ეს ემოციური გადაწყვეტილება მის უწმინდესობასთან არ შეუთანხმებია"- ლაშა ჟვანია http://rustavi2.com/ka/news/68842

საქართველოს კათოლიკოს-პატრიარქის ფონდის ხელმძღვანელი აცხადებს, რომ პატრიარქის მდივანს თანამდებობიდან გადადგომის შესახებ გადაწყვეტილება პატრიარქთან არ შეუთანხმებია და შესაბამისად, ის ვერ დატოვებდა თანამდებობას. ლაშა ჟვანია მიქაელ ბოტკოველის განცხადებას ემოციურს უწოდებს.

„მამა მიქაელ ბოტკოველის თანამდებობა გახლავთ კონკორდატის თანამდებობა, მამა მიქაელის გათავისუფლება არის პრეროგატივა და სრული კომპეტენცია იმ ადამიანის, რომელიც ნიშნავს მამა მიქაელს, ეს გახლავთ მისი უწმინდესობა, სრულიად საქართველოს კათოლიკოს პატრიარქი. მე როგორც ვიცი, მამა მიქაელს მისი ეს ემოციური გადაწყვეტილება მის უწმინდესობასთან არ შეუთანხმებია, ამიტომ, დაველოდოთ, ეს არ არის ცალმხრივი, მამა მიქაელს შეიძლება სურვილი აქვს თანამდებობის დატოვების, მაგრამ მისი უწმინდესობის გადაწყვეტილებას დაველოდოთ,“- განაცხადა ლაშა ჟვანიამ.

 თავად მამა მიქაელ ბოტკოველი ადასტურებს, რომ მან თანამდებობა დატოვა.

 

 

]]>
23-02-2017 21:15 +0400
მეუფე დიმიტრი შიოლაშვილი აცხადებს, რომ ამბიცია - პატრიარქი გახდეს, არ აქვს http://rustavi2.com/ka/news/68841

ბათუმისა და ლაზეთის მიტროპოლიტი და საქართველოს საპატრიარქოს საინფორმაციო სამსახურის ხელმძღვანელი კურიერთან სატელეფონო საუბარში აცხადებს, რომ მას არ აქვს ამბიცია, რომ პატრიარქი გახდეს.

მეუფე დიმიტრი შიოლაშვილი გავრცელებულ ინფორმაციას, რომ შემდეგი პატრიარქი შესაძლოა სწორედ ის იყოს, მოგონილ თემას უწოდებს.

„ამაზე ფიქრიც კი დღეს, როცა პატრიარქი ცოცხალია, არის უზნეობა, მაგრამ რახან ზოგიერთები ფიქრობდნენ რაღაცებს მომაწერდნენ, მინდა საქვეყნოდ, სახალხოდ განვაცხადო, რომ მე ამის ამბიცია არ მაქვს, ვიცი ჩემი შესაძლებლობები... ეს უფრო მოგონილია თემაა სიტუაციის სიმძაფრისთვის,“- განაცხადა მეუფე დიმიტრიმ.

 

]]>
23-02-2017 21:13 +0400
"საუბარია სერიოზულ დარღვევებზე"- სახალხო დამცველი ე.წ. ციანიდის საქმეზე საუბრობს http://rustavi2.com/ka/news/68840

ე.წ. ციანიდის საქმის ადვოკატებმა საქმის დეტალებზე დღეს სახალხო დამცველთან ისაუბრეს. უჩა ნანუაშვილი დაცვისა და ბრალდების მხარის არათანაბარ პირობებსა და საქმეში არსებულ დარღვევებზე საუბრობს. ომბუდსმენი აცხადებს, რომ საქმის მასალების გადმოცემის მოთხოვნით პროკურატურას რამდენიმე დღის წინ უკვე მიმართა.

„მათ აქვთ ხელი მოწერილი გაუთქმელობის ხელწერილზე, რაც უზღუდავთ მათ უფლებებს, მათ შორის, სახალხო დამცველისადმი მიმართვის უფლებას, ხელწერილი მათ უკრძალავთ. საუბარია სერიოზულ დარღვევებზე საქმეში, მათ შორის, ისეთ პროცესუალურ დარღვევებზე, რომელზეც სახალხო დამცველი აუცილებლად უნდა ჩაერთოს, მაგრამ ადვოკატებს, სამწუხაროდ, ეს შესაძლებლობა ჩამორთმეული აქვთ,“- განაცხადა უჩა ნანუაშვილმა.

 

ავტორი: მარიამ გაფრინდაშვილი.

 

]]>
23-02-2017 21:09 +0400
ურთიერთბრალდებები და რადიკალური განცხადებები - საპატრიარქოში მოვლენები რეკორდული სისწრაფით ვითარდება http://rustavi2.com/ka/news/68835

პატრიარქის მდივანმა თანამდებობა დღეს ისე დატოვა, რომ გადაწყვტილების შესახებ ილია მეორესთვის არ უცნობებია. მამა მიქაელ ბოტკოველი გადაწყვტილებას, ნაწილობრივ, პატრიარქის დაცვის უფროსთან, სოსო ოხანაშვილთან დაპირისპირებას უკავშირებს. მიქაელ ბოტკოველი არც იმას უარყოფს, რომ მისი წასვლის ერთერთი მიზეზი ციანიდის საქმე და ეკლესიაში ბოლო პერიოდში განვითარებული მოვლენებია.

პატრიარქის დაცვის უფროსსა და მდივანს შორის კიდევ ერთი დაპირისპირება დღეს მიქაელ ბოტკოველის განცხადების გამო მოხდა. მიქაელ ბოტკოველმა ჟურნალისტების კითხვაზე, რჩება თუ არა თანამდებობაზე ილია მეორის დაცვის უფროსი, განაცხადა, რომ ბერლინიდან დაბრუნების შემდეგ ოხანაშვილი საპატრიარქოში არ ყოფილა, რასაც მალევე პატრიარქის დაცვის უფროსმა უპასუხა და სასულიერო პირი სიცრუეში დაადანაშაულა.

საპატრიარქოში შეხვედრები მთელი დღის განმავლობაში იმართებოდა, ადგილზე ყოფილი პრემიერიც იმყოფებოდა, ბიძინა ივანიშვილმა მეუღლესთან ერთად შენობაში მხოლოდ 15 წუთი გაატარა.

საპატრიარქოში დღეს ციანიდის საქმის ადვოკატებიც მივიდნენ. 2 საათიანი შეხვედრის დასრულების შემდეგ საპატრიარქოში განაცხადეს, რომ სასულიერო პირები გამოძიების დასრულებას და ბრალდებული დეკანოზის მიერ ჩვენების მიცემას ელოდებიან.

სასულიერო პირების შემდეგ, ადვოკატებმა ციანიდის საქმის დეტალებზე სახალხო დამცველთან ისაუბრეს. დაცვისა და ბრალდების მხარის არათანაბარ პირობებზე და საქმეში არსებულ დარღვევებზე საუბრობს სახალხო დამცველიც. უჩა ნანუაშვილი აცხადებს, რომ საქმის მასალების გადმოცემის მოთხოვნით პროკურატურას რამდენიმე დღის წინ უკვე მიმართა.

ბრალდებული დეკანოზის უფლებების შელახვაზე საუბრობს მეუფე პეტრეც. ჭყონდიდის მიტროპოლიტი დღეს ე.წ. მატროსოვის დაწესებულებაში ბრალდებულის სანახავად მივიდა, თუმცა ის საპატიმროში არ შეუშვეს.

ჭყონდიდის მიტროპოლიტი აცხადებს, რომ შორენა თეთრუაშვილი გამოძიების ობიექტურად მიმდინარეობას ხელს უშლის და პროკურატურაზე გავლენას ახდენს.

 

ავტორები: მარიამ გაფრინდაშვილი, მარიკა გოცირიძე.

 

 

]]>
23-02-2017 21:08 +0400
საგამოძიებო ორგანოდან გამოვიდა გამოძიება და გადავიდა საპატრიარქოში - იურისტი ლევან ვეფხვაძე ე.წ. ციანიდს საქმეზე http://rustavi2.com/ka/news/68825

საქართველოს ახალგაზრდა იურისტთა ასოციაციის სისხლის სამართლის ადვოკატი, ლევან ვეფხვაძე აცხადებს, რომ ე.წ. ციანიდის საქმეზე მაღალი საზოგადოებრივი ინტერესი არსებობს. მისი თქმით, ყოველდღიურად გამოქვეყნებული ახალი გარემოებები მოსახლეობაში სულ უფრო მეტ კითხვებს ბადებს.

მისი განცხადებით, გამოძიებამ საპატრიარქოში გადაინაცვლა, სადაც გაურკვეველია რა სტატუსით ესწრება სხვადასხვა სასულიერო პირი საქმის მასალების განხილვას. ლევან ვეფხვაძე აცხადებს, რომ საბოლოო ჯამში, სასულიერო პირები ისეთ მნიშვნელოვან დეტალებზე საუბრობენ საჯაროდ, რომლებზეც გამოძიება აპელირებს, რომ ეს არის გამოძიების ინტერესებიდან გამომდინარე საიდუმლო.

„მოცემულ შემთხვევაში ვღებულობთ ისეთ რეალობას, რომ პრაქტიკულად, საგამოძიებო ორგანოდან გამოვიდა გამოძიება, გადავიდა უკვე სხვა სტრუქტურაში, კერძოდ, ამ შემთხვევაში, საპატრიარქოში და გარდა ამისა, მნიშვნელოვანია ერთი დეტალი, რაც ასევე საყურადღებოა, რომ მოცემულ შემთხვევაში, თავდაპირველ ეტაპზე და დღემდე დაცვის მხარეს არ ეძლევა საშუალება თავისი პოზიცია წარმოთქვას საჯაროდ,“ - აცხადებს ლევან ვეფხვაძე.

ის აღნიშნავს, რომ როდესაც ხდება ისეთი საპროცესო ნორმის გამოყენება, როგორიც არის გაუხმაურებლობაზე გაფრთხილება, ამ შემთხვევაში, მთავარი მიზანი არის გამოძიების გაუხმაურებელად დასრულება. თუმცა, მისი თქმით, ამ საკითხზე მესამე მხარე უკვე ინფორმირებულია და საქმეს საჯაროდ განიხილავს.

ლევან ვეფხვაძის განცხადებით, ე.წ. ციანიდის საქმის ირგვლივ მიმდინარე პროცესები აზიანებს როგორც თავად გამოძიების მიმდინარეობას, ისე სახელმწიფო ინტერესებსა და ქვეყნის დემოკრატიული განვითარების პროცესს.

]]>
23-02-2017 19:04 +0400
არასამთავრობოები ეჭვქვეშ არ აყენებენ კანონდარღვევის არსებობის ფაქტებს - თამარ კორძაია მოსამართლე ნაზღაიძის ოჯახისთვის მილიონის გადაცემაზე http://rustavi2.com/ka/news/68821

საქართველოს რესპუბლიკური პარტიის პოლიტიკური მდივანი, თამარ კორძაია, 9 არასამთავრობო ორგანიზაციის მიერ, მოსამართლე ნატა ნაზღაიძის ოჯახისთვის 1 მილიონი ლარის ქონების გადაცემის თაობაზე გავრცელებულ განცხადებას მნიშვნელოვანს უწოდებს.

ის ხელისუფლებას ურჩევს ეს განცხადება კარგად წაიკითხოს, რადგან ამ განცხადების ადრესატები სწორედ მთავრობის წარმომადგენლები არიან.

„მინდა ვთქვა, რომ ამ განცხადების ადრესატები არიან სწორედ ხელისუფლების წარმომადგენლები. ისინი, ვინც ამ განცხადებას თავის სასარგებლოდ ახმოვანებდა დღეს, ვურჩევდი, რომ კარგად წაიკითხონ ეს განცხადება. მე მინდა გითხრათ, რომ რესპუბლიკური პარტია და ფრაქცია რესპუბლიკელები აქტიურად მუშაობს ამ საკითხებზე საკრებულოში და არავინ ეჭვქვეშ არ აყენებს იმ ფაქტს, რომ საკრებულომაც ძალიან სერიოზული შეცდომები, თუ დანაშაული არა, შეცდომები დაუშვა, მაგრამ მერიის მხრიდან ცალსახად შეიძლება გვქონდეს საქმე დანაშაულის არსებობის ფაქტთან,“ - განაცხადა თამარ კორძაიამ.

მისი განმარტებით, დღეს არასამთავრობო ორგანიზაციებმა განაცხადეს, რომ უნდა დადასტურდეს, პირდაპირი კავშირი არსებობს თუ არა მოსამართლე ნაზღაიძესთან დაკავშირებით.

„არასამთავრობო ორგანიზაციები ეჭვქვეშ არ აყენებენ კანონდარღვევის არსებობის ფაქტებს,“ - განაცხადა თამარ კორძაიამ.

მისი თქმით, მედიას საკუთარი ფუნქცია უნდა შეესრულებინა და კორუფციის შესაძლო რისკებზე შეკითხვები უნდა დაესვა და ეს ასეც მოხდა.

თამარ კორძაიას აზრით, ქართულ ოცნებას დღეს მოსახლეობის აზრი და ნება "საერთოდ რ ადარდებს“. 

 

]]>
23-02-2017 18:38 +0400
მამა მიქაელ ბოტკოველმა თანამდებობა დატოვა http://rustavi2.com/ka/news/68817

მამა მიქაელ ბოტკოველმა თანამდებობა დატოვა. ამის შესახებ ცოტა ხნის წინ გახდა ცნობილი. როგორც საქართველოს კათოლიკოს პატრიარქის მდივანმა კურიერთან სატელეფონო საუბარში დაადასტურა, რომ ამის მიზეზი ბოლო დროს საპატრიარქოს ირგვლივ განვითარებული მოვლენებია, მათ შორის ერთ-ერთი მიზეზი ასევე დღეს მის მიერ გაკეთებული განცხადება გახდა.

როგორც ცნობილია, მამა მიქაელ ბოტკოველმა დღეს განაცხადა, რომ პატრიარქის პირადი დაცვის უფროსი, სოსო ოხანაშვილი, უწმინდესის ბერლინიდან საქართველოში დაბრუნების შემდეგ, საპატრიარქოში არ გამოჩენილა.

ამ განცხადებას თავად სოსო ოხანაშვილმა უპასუხა და მამა მიქაელ ბოტკოველ სიცრუეში დაადანაშაულა.

]]>
23-02-2017 18:13 +0400
მტკიცებით ფორმაში თქმა, რომ ნატა ნაზღაიძის ოჯახს მილიონი ლარის ქონება ქრთამის სახით გადასცეს, საფუძველს მოკლებულია - ოლიკო შერმადინი http://rustavi2.com/ka/news/68818

არასამთავრობო ორგანიზაცია საერთაშორისო გამჭვირვალობა - საქართველოს იურისტი, ოლიკო შერმადინი აცხადებს, რომ განხილული დოკუმენტების საფუძველზე, არასამთავრობო ორგანიზაციებმა დაასკვნეს, რომ მტკიცებით ფორმაში იმის თქმა, რომ მოსამართლე ნაზღაიძეს 1 მილიონი ლარის ქონება გადასცეს, საფუძველს მოკლებულია.

"ჩვენი განცხადების მიზანი არის ის, რომ ვთქვათ, რომ მედიაში მტკიცებით ფორმაში გავრცელებული ინფორმაცია იმასთან დაკავშირებით, რომ მოსამართლე ნატა ნაზღაიძის ოჯახის მიერ ერთ მილიონამდე ლარის ქონება ქრთამის სახით იყო მიღებული, ამის მტკიცებით ფორმაში თქმის საფუძველს, ჩვენ მიერ შესწავლილი დოკუმენტაცია არ იძლევა. ჩვენი განცხადების მიზანი არის საკრებულოს განკარგულების კანონიერების მტკიცება ან მიზანშეწონილობის მტკიცება, იქიდან გამომდინარე, რომ ჩვენც გაგვიჩნდა კითხვები ამ დოკუმენტაციის შესწავლისას,“ - აცხადებს ოლიკო შერმადინი.

ის აღნიშნავს, რომ არასამთავრობო ორგანიზაციებმა მერიისა და საკრებულოს წარმომადგენლებს მოუწოდეს, რომ მიღებული გადაწყვეტილება განმარტონ და გამოთქმულ ბრალდებებს უპასუხონ.

ოლიკო შერმადინის განმარტებით, საკრებულოს მიერ მიღებულ გადაწყვეტილებაზე, ნატა ნაზღაიძის ოჯახისთვის გადაცემული მილიონის თაობაზე, ლეგიტიმური კითხვები არსებობს. 

]]>
23-02-2017 18:13 +0400
"რუსთავი 2" არასამთავრობო ორგანიზაციების განცხადებას ეხმაურება http://rustavi2.com/ka/news/68815

რუსთავი 2 მზად არის ჩაერთოს მოსამართლე ნაზღაიძის ოჯახისთვის ქრთამის სახით ქონების შესაძლო გადაცემის ისტორიის დეტალების გამოკვლევაში“ - ეს არის რუსთავი 2-ის პოზიცია, რომლითაც ტელეკომპანია 9 გავლენიანი არასამთავრობო ორგანიზაციის ერთობლივ განცხადებას პასუხობს.

არასამთავრობოებს რუსთავი 2-ის საქმის მოსამართლეების კორუფციულ გარიგებებში მონაწილეობასა და მათზე სავარაუდო ზეწოლასთან დაკავშირებით გავრცელებულ ინფორმაციაზე კითხვები აქვთ.

არასამთავრობო ორგანიზაციები წერენ, რომ მათთვის წარდგენილი დოკუმენტაცია ობიექტურ დამკვირვებელს არ მისცემს საფუძველს მტკიცებით ფორმაში დაასკვნას, რომ ნატა ნაზღაიძის ოჯახის მიერ სტიქიის შედეგად დაზარალებული ნაკვეთის საკომპენსაციოდ ერთ მილიონ ლარამდე თანხა ქრთამის სახით იქნა მიღებული, და მეორე - საქმის მნიშვნელობიდან გამომდინარე, პროკურატურამ ეტაპობრივად უნდა გაასაჯაროოს საქმესთან - უზენაესი სასამართლოს მოსამართლეების საქმესთან - დაკავშირებული ინფორმაცია და მტკიცებულებები.

]]>
23-02-2017 17:57 +0400
"მიქაელ ბოტკოველმა იცრუა" - პატრიარქის პირადი დაცვის უფროსი თანამდებობის დატოვებას არ ადასტურებს http://rustavi2.com/ka/news/68811

საქართველოს კათოლიკოს პატრიარქის პირადი დაცვის უფროსი, გავრცელებულ ინფორმაციას თანამდებობის დატოვების შესახებ არ ადასტურებს. ამის შესახემ მან ჟურნალისტებს თავად განუცხადა.

სოსო ოხანაშვილის მიერ თანამდებობის დატოვების თაობაზე ინფორმაცია დღის განმავლობაში ვრცელდებოდა.

საქართველოს კათოლიკოს-პატრიარქის მდივნის, მამა მიქეილ ბოტკოველის განცხადებით, პატრიარქის პირადი დაცვის უფროსი, სოსო ოხანაშვილი, უწმინდესის ბერლინიდან საქართველოში დაბრუნების შემდეგ, საპატრიარქოში არ გამოჩენილა.

პატრიარქის პირადი დაცვის უფროსი განმარტავს, რომ მამა მიქაელ ბოტკოველმა დღეს "იცრუა" და ის აცხადებს, რომ პატრიარქის გერმანიიდან დაბრუნების დღიდან ის განაგრძობს მოვალეობის შესრულებას.

"უპირველეს ყოვლისა, მინდა გაცნობოთ, რომ მიქაელ ბოტკოველმა იცრუა, მოიტყუა, როდესაც თქვა, რომ მე არ ვიმყოფები საპატრიარქოში. გერმანიიდან ჩამოსვლის დღიდან, მე ვარ საპატრიარქოში და ვასრულებ ჩემს მოვალეობას," - განაცხადა სოსო ოხანაშვილმა.

მან ასევე დააანონსა, რომ უახლოეს დღეებში აპირებს გამართოს ბრიფინგი, სადაც მისი თქმით, თავად გააცნობს საზოგადოებას საკუთარ გადაწყვეტილებას. 

]]>
23-02-2017 17:23 +0400
როგორც დღეს მამა გიორგის სიცოცხლეა საფრთხეში, ასევე პატრიარქის სიცოცხლეც საფრთხეშია - ირინა სარიშვილი http://rustavi2.com/ka/news/68812

„სამწუხაროდ, როგორც დღეს მამა გიორგის სიცოცხლეა საფრთხეში, იმიტომ, რომ ის დილემის წინაშეა, ან სიცოცხლე უნდა ჩაიგდოს საფრთხეში, ან წავიდეს ამ უმსგავსოებთან რაღაც მოლაპარაკებებზე, ასევე პატრიარქის სიცოცხლეც საფრთხეშია, თუ ის დააპირებს სიმართლის თქმას და ამას მოასწრებს,“- ეს განცხადება ირინა სარიშვილმა გააკეთა, რომელიც საპატრიარქოში მივიდა. მას საპატრიარქოში შესვლაზე უარი უთხრეს. 

ირინა სარიშვილის თქმით, მამა გიორგი მამალაძე აპირებდა, რომ პატრიარქისთვის ეკლესიაში მიმდინარე პროცესების შესახებ ინფორმაცია მიეწოდებინა. მისივე განცხადებით, შესაძლებელი იყო, რომ გუშინ დეკანოზი გიორგი მამალაძე კლინიკიდან იმიტომ გადაიყვანეს სასჯელაღსრულების დაწესებულებაში, რომ ის პატრიარქს ვერ შეხვედროდა.

„დეკანოზი მამალაძე გახლავთ ერთ-ერთი ის იშვიათი გამონაკლისი, რომელიც არა პიარისთვის, არამედ საქმისთვის აპირებდა იმ სიბინძურეების და უმსგავსობების შეტყობინებას პატრიარქისთვის, რომელიც ჩავთვალოთ, რომ ინფორმირებული არ არის, რაც დღეს საქართველოს ეკლესიაში ხდება. კლინიკაში არსებობდა მექანიზმი, რომ პატრიარქს შეხვედროდა, ის სწორედ იმიტომ იქნა იზოლატორში გადაყვანილი სასწრაფოდ, რომ დღეს მავანთ როგორც ფარისეველთა საბჭოდან, ისე მთავრობისგან, რომელიც არანაკლებ ნაძირლებისგან შედგება, ჰქონოდათ სათქმელი, რომ პატრიარქისა და დეკანოზ მამალაძის შეხვედრა შეუძლებელია. ფაქტია, რომ რაღაც მოხდა ისეთი, რამაც შემსრულებელთა უვარგისობის გამო, ძალიან უხერხულ და სულელურ მდგომარეობაში ჩააყენა დღევანდელი ხელისუფლება, უკვე მერამდენედ, აქედან გამომდინარე, ისინი გამოსავალს ეძებენ,“- განაცხადა ირინა სარიშვილმა.

 

ავტორი: მარიკა გოცირიძე. 

]]>
23-02-2017 17:23 +0400
კონგოში დატყვევებული ქართველი მფრინავი 2015 წლის მარტიდან სამხედრო სამსახურში არ არის - ლევან იზორია http://rustavi2.com/ka/news/68813

საქართველოს თავდაცვის მინისტრი, ლევან იზორია აცხადებს, რომ ქართველი მფრინავი, რომელიც ახლა კონგოში მეამბოხეების მიერ არის დატყვევებული, 2015 წლის მარტიდან სამხედრო სამსახურში არ არის. მინისტრის განცხადებით, სოსო ოსურაულის უფლებების დასაცავად ხელისუფლება ყველა ბერკეტს იყენებს.

„2015 წლის მარტიდან ის უკვე არ არის სამხედრო სამსახურში. თავისი სურვილისამებრ იმყოფებოდა კერძო კომპანიის დაკვეთით კონგოში. სამწუხაროდ, საქმე გვაქვს ამბოხებულებთან და შესაბამისად, გარკვეულ სპეციფიკასთან არის კომუნიკაცია დაკავშირებული, თუმცა, როგორც ვთქვი, ძალ-ღონეს არ იშურებს მთავრობა, რომ თითოეული მოქალაქის უფლებები და ამ შემთხვევაში, კონკრეტულად ჩვენი მოქალაქის უფლებები იყოს დაცული,“ - განაცხადალევან იზორიამ.

საქართველოს ვიცე პრემიერი, ალექსანდრე ჯეჯელავა აცხადებს, რომ მნიშვნელობა არ აქვს რა საქმით იყო დაკავებული ქართველი მფრინავი, მნიშნელოვანია სოსო ოსურაულის უფლებები დაცული იყოს. მისი თქმით, საგარეო საქმეთა სამინისტრო, მის გასათავისუფლებლად ძალ-ღონეს არ იშურებს.

სოსო ოსურაული მეამბოხეებმა დაახლოებით 1 თვის წინ დაატყვევეს.  ამის შესახებ ინფორმაცია ქართულ მხარეს 22 თებერვალს მიაწოდეს.

]]>
23-02-2017 17:22 +0400
ბიძინა ივანიშვილმა საპატრიარქო დატოვა http://rustavi2.com/ka/news/68810

ბიძინა ივანიშვილმა საპატრიარქო დატოვა. ყოფილმა პრემიერმინისტრმა საპატრიარქოდან გამოსვლის შემდეგ ჟურნალისტებთან კომენტარი არ გააკეთა.

მას არც საპატრიარქოში შესვლამდე გაუკეთებია მედიასთან კომენტარი. შესაბამისად, უცნობია ბიძინა ივანიშვილის საპატრიარქოში სტუმრობის მიზეზი.

კურიერთან სატელეფონო საუბარში საპატრიარქოს მედია კოორდინატორმა სოსო ტყებუჩავამ დაადასტურა, რომ მან ილია მეორე მოინახულა. ყოფილი პრემიერი საპატრიარქოში მეუღლესთან ერთად იმყოფებოდა.

 

]]>
23-02-2017 16:29 +0400
ბიძინა ივანიშვილი საპატრიარქოში მივიდა http://rustavi2.com/ka/news/68808

ბიძინა ივანიშვილი საპატრიარქოში მივიდა. ყოფილ პრემიერმინისტრი შენობაში მანქანით შევიდა, საპატრიარქოში შესვლამდე მას ჟურნალისტებთან კომენტარი არ გაუკეთებია. შესაბამისად, უცნობია ბიძინა ივანიშვილის საპატრიარქოში სტუმრობის მიზეზი. 

ყოფილი პრემიერი საპატრიარქოში მეუღლესთან ერთად იმყოფება. 

]]>
23-02-2017 16:16 +0400
89 - 20-ის წინააღმდეგ - პარლამენტმა მოსმენების კანონი პირველი მოსმენით მიიღო http://rustavi2.com/ka/news/68809

საქართველოს პარლამენტმა ფარული მიყურადების შესახებ კანონი ცოტა ხნის წინ, პირველი მოსმენით მიიღო. კანონპროექტს მხარი 89 დეპუტატმა დაუჭირა, ხოლო 20 წინააღმდეგი იყო. 

კანონპროექტი სახელმწიფო უსაფრთხოების სამსახურში ოპერატიულ-ტექნიკური სააგენტოს შექმნას ითვალისწინებს.

შეგახსენებთ, რომ საპარლამენტო უმცირესობა კანონის ამ ვერსიას არ ეთანმხმება. ოპოზიციისა და არასამთავრობო ორგანიზაციების აზრით, ე.წ. მოსმენების კანონი არაკონსტიტუციურია, რადგან საკონსტიტუციო სასამართლოს მიერ გაცემულ რეკომენდაციებს არ ითვალისწინებს.

უმცირესობაში აცხადებენ, რომ ე.წ. მოსმენების გასაღები ამ კანონით, სახელმწიფო უსაფრთხოების სამსახურს რჩება.

]]>
23-02-2017 16:16 +0400
"რუსეთი კლავს" - ორგანიზაცია "თავისუფალმა ზონამ" აქცია-პერფომანსი გამართა http://rustavi2.com/ka/news/68803

ოკუპაციის კვირის ფარგლებში დღეს არასამთავრობო ორგანიზაცია თავისუფალმა ზონამ აქცია-პერფორმანსი გამართა სახელად რუსეთი კლავს. აქციის მონაწილეებმა კრემლის პოლიტიკა დაგმეს. მათი განცხადებით, რუსეთი არა მარტო საქართველოში, არამედ მსოფლიოს სხვადასხვა ქვეყანაში იბრძვის და ტერორისტულ ქმედებებს ახორციელებს.

„რუსეთი არ არის მოძმე ერი, ის არის ჩვენდამი მტრულად განწყობილი ოკუპანტი ერი,“ - განაცხადა თავისუფალი ზონის თავმჯდომარემ, ნიკა ჭურაძემ.

თავისუფალი ზონის წევრებმა საზოგადოებას კიდევ ერთხელ შეახსენეს, თუ რა ჩაიდინა რუსეთმა საქართველოს წინააღმდეგ 2008 წელს.

]]>
23-02-2017 15:45 +0400
საპატრიარქო ე.წ. ციანიდის საქმეზე მამა გიორგი მამალაძის დაკითხვას ელოდება http://rustavi2.com/ka/news/68801

„ჩვენ კიდევ ერთხელ ვუდასტურებთ ქართულ საზოგადოებას, რომ ჩვენ მზად ვართ, მოვისმინოთ სიმართლე და მხოლოდ სიმართლე ამ საკითხებთან დაკავშირებით,“ - ეს განაცხადება საქართველოს კათოლიკოს-პატრიარქის მდივანმა, მამა მიქაელ ბოტკოველმა ე.წ. ციანიდის საქმეში ბრალდებული მამა გიორგი მამალაძის ადვოკატებთან შეხვედრის შემდეგ გააკეთა.

მისი თქმით, საპატრიარქო მთელი გულისყურით ელოდება მამა გიორგის ჩვენების მიცემას, რადგან უკვე 10 დღეა ცდილობენ გაარკვიონ, თუ რა ხდება ამ საქმესთან დაკავშირებით.

„მთელი 10 დღე ვართ ამ მოლოდინის რეჟიმში, რომ ბოლოსდაბოლოს გავიგოთ სიმართლე, რისი თქმა უნდა მამა გიორგის,“ - განაცხადა მამა მიქაელ ბოტკოველმა. 

ავტორი: მარიამ გაფრინდაშვილი.

]]>
23-02-2017 15:28 +0400
მამა გიორგი მამალაძის ადვოკატებმა სწმინდა სინოდის წევრებს ე.წ. ციანიდს საქმეზე ინფორმაცია მიაწოდეს http://rustavi2.com/ka/news/68798

ე.წ. ციანიდის საქმეში ბრალდებული დეკანოზ გიორგი მამალაძის ადვოკატებმა საპატრიარქო ცოტა ხნის წინ დატოვეს. ადვოკატებისა და სინოდის წევრების შეხვედრა რამდენიმე საათს გაგრძელდა. მამა გიორგი მამალაძის უფლებადამცველები აცხადებენ, რომ მათ სასულიერო პირებს ე.წ. ციანიდის საქმესთან დაკავშირებით ინფორმაცია მიაწოდეს.

მათ აღნიშნეს, რომ სინოდის წევრებს, მამა გიორგი მამალაძის საქმეზე გარკვეულ გარემოებებთან დაკავშირებით შეკითხვები ჰქონდათ.

„ჩვენ აბსოლუტურად დეტალურად მივაწოდეთ ინფორმაცია, თუ რასთან არის საერთოდ საქმე და ეს განპირობებულია იქიდან გამომდინარე, რომ ჩვენებასთან დაკავშირებით ძალიან ბევრი კითხვა ჰქონდათ წმინდა სინოდის წევრებს,“ - განაცხადა მიხეილ რამიშვილმა.

ადვოკატის განცხადებით, მამა გიორგი ჩვენებას მისცემს წაყენებულ ბრალთან დაკავშირებით და დეკანოზი ამ საქმესთან დაკავშირებით უდანაშაულოა.

„ჩვენებას აძლევს ჩვეულებრივად მამა გიორგი იმ გარემოებებთან დაკავშირებით, ანუ ბრალი რაზეც წაუყენეს, რომ ეს ბრალი არის აბსოლუტურად უკანონო და გარკვეულწილად, ის არის უდანაშაულო ამ საქმესთან დაკავშირებით,“ - განაცხადა მიხეილ რამიშვილმა.

დეკანოზ გიორგი მამალაძის ადვოკატი, გიორგი ფანცულაია არ აკონკრეტებს, თუ ვინ ესწრებოდა საპატრიარქოში შეხვედრას. მისი თქმით, ამაზე საუბარი არაეთიკური იქნება.

ავტორი: მარიამ გაფრინდაშვილი.

]]>
23-02-2017 15:20 +0400
დეკანოზი გიორგი მამალაძე ჩვენების მისაცემად მზად არის-ადვოკატებმა პროკურატურას შესაბამისი შუამდგომლობით მიმართეს http://rustavi2.com/ka/news/68797

მკვლელობის მომზადების ბრალდებით დაკავებული მამა გიორგი მამალაძის ადვოკატების განცხადებით, მამა გიორგი მამალაძე ჩვენების მისაცემად მზად არის. შესაბამისი შუამდგომლობით დაცვის მხარემ პროკურატურას უკვე მიმართა.

გიორგი ფანცულაიას განცხადებით, მამა გიორგი მამალაძე დაარღვევს დუმილის უფლებას, ისაუბრებს ძალიან ბევრ საკითხზე, მათ შორის საკუთარ უდანაშაულობაზე.

„იმედი მაქვს, რომ დაგვიკავშირდებიან უახლოეს პერიოდში მთავარი პროკურატურის საგამოძიებო ორგანოს თანამშრომლები. განცხადებაში მითითებული გვაქვს, რომ დაკითხვის დროზე მოხდეს შეთანხმება ორმხრივად, ტექნიკური ხარვეზი რომ არ იყოს დროის მხრივ. ჩვენ მზადყოფნას გამოვთქვამთ უახლოეს პერიოდში, მათ შორის შეიძლება ხვალაც, დაიკითხოს მამა გიორგი მამალაძე, მისცეს მან სრული ჩვენება, დაარღვიოს დუმილის უფლება, ისაუბროს ძალიან ბევრ რამეზე და მათ შორის საკუთარ უდანაშაულობაზე.

"რც ერთ ბრალდებაზე, მათ შორის იარაღთან დაკავშირებით ბრალდებაშიც, ის არის სრულად უდანაშაულო. ამას ვამბობ პირდაპირ და ამ საკითხზეც მათ შორის იქნება ჩვენებაში დაფიქსირებული თუ საიდან, როგორ და რა ვითარებაში მოხდა ეს ყველაფერი,“-განაცხადა გიორგი ფანცულაიამ.

]]>
23-02-2017 15:17 +0400
სოსო ოხანაშვილი პატრიარქის საქართველოში ჩამოსვლის შემდეგ საპატრიარქოში არ გამოჩენილა - მამა მიქაელ ბოტკოველი http://rustavi2.com/ka/news/68796

საქართველოს კათოლიკოს-პატრიარქის მდივნის, მამა მიქეილ ბოტკოველის განცხადებით, პატრიარქის პირადი დაცვის უფროსი, სოსო ოხანაშვილი, უწმინდესის ბერლინიდან საქართველოში დაბრუნების შემდეგ, საპატრიარქოში არ გამოჩენილა.

მამა მიქაელ ბოტკოველმა ასევე დაადასტურა, რომ ახლა სოსო ოხანაშვილი საპატრიარქოში არ იმყოფება.

მამა მიქაელმა შეკითხვაზე - "დატოვა თუ არა სოსო ოხანაშვილმა პატრიარქის პირადი დაცვის უფროსის თანამდებობა" პასუხის გაცემა არ ისურვა. 

შეგახსენებთ, რომ ცოტა ხნის წინ გავრცელდა ინფორმაცია, რომლის თანახმადაც სოსო ოხანაშვილმა პატრიარქის დაცვის სამსახურის უფროსის თანამდებობა დატოვა. 

ავტორი: მარიამ გაფრინდაშვილი.

]]>
23-02-2017 15:05 +0400
შორენა თეთრუაშვილი დაკითხვაზე საპატრიარქოს იურისტთან ერთად მივა  http://rustavi2.com/ka/news/68794

შორენა თეთრუაშვილს პროკურატურა დღეს დაკითხავს. ცნობილია, რომ ჩვენებები პატრიარქის მდივან-რეფერანტმა დღის ბოლომდე უნდა მისცეს, თუმცა უცნობია დაკითხვის ადგილი.

ე.წ. ციანიდის საქმეზე, საქართველოს პატრიარქის მდივან-რეფერენტი შორენა თეთრუაშვილი პროკურატურაში მოწმის სახით არის დაბარებული. ამის შესახებ რუსთავი 2-ს საპატრიარქოს იურისტმა განუცხადა. ედიშერ ქარჩავას ინფორმაციით, შორენა თეთრუაშვილი დაკითხვაზე ადვოკატთან ერთად მივა. 

დაკითხავს გამოძიება პატრიარქის მდივან-რეფერენტს უცნობია. ქარჩავა ამბობს, რომ დეტალები ამ დრომდე ზუსტდება.

„ზუსტდება გარემოება ჯერ კიდევ, სავარაუდოდ მოხდება და სავარაუდოდ ერთად წავალთ. დაბარებულია, უბრალოდ ჯერ არ ვიცი დრო, სად, რა, როგორ,“-განაცხადა  კურიერთან საუბრისას საპატრიარქოს იურისტმა ედიშერ ქარჩავამ.

პატრიარქის მდივან-რეფერენტის დაკითხვაზე დაბარების ფაქტს არც უარყოფენ და არც ადასტურებენ მთავარ პროკურატურაში.  

უწყების საზოგადოებასთან ურთიერთობის სამსახურის ხელმძღვანელის განცხადებით, საგამოძიებო უწყებაში  ყველა იმ პირის დაკითხვა მოხდება, რომლის დაკითხვის საჭიროებაც საგამოძიებო მოქმედებებიდან გამომდინარე  დადგება.  

]]>
23-02-2017 14:48 +0400
ქალბატონი შორენა პასუხისმგებლიანი ქალბატონია და გამოძიებასთან თანამშრომლობისთვის მზადაა - მამა მიქაელ ბოტკოველი http://rustavi2.com/ka/news/68793

საპატრიარქოს მდივნის, მამა მიქაელ ბოტკოველის თქმით, საპატრიარქოს მაღალი იერარქიის ყველა სასულიერო პირი და სინოდის წევრები მზად არიან პროკურატურის შეკითხვებს უპასუხონ. ე.წ. ციანიდის საქმეზე გამოძიებასთან თანამშრომლობისთვის მზად კათოლიკოს-პატრიარქის მდივან-რეფერენტი, შორენა თეთრუაშვილიც მზად არის.

„ქალბატონი შორენა პასუხისმგებლიანი ქალბატონია, თუ მასთან დაკავშირებით, საგამოძიებო უწყებებს გაუჩნდებათ შეკითხვები, ქალბატონი შორენა მზადაა მიიღოს მონაწილეობა და დაეხმაროს გამოძიებას ამ საკითხში, ასევე მოიქცევა საპატრიარქოს ყველა მაღალი რანგის თანამშრომელი, თუნდაც ეს მე მეხებოდეს მეც მზად ვარ მივიღო მონაწილეობა,“ - განაცხადა მამა მიქაელმა.

ავტორი: მარიამ გაფრინდაშვილი.

]]>
23-02-2017 14:46 +0400
მამა გიორგი მამალაძის ადვოკატები ამ წუთებში საპატრიარქოში იმყოფებიან http://rustavi2.com/ka/news/68791

ე.წ. ციანიდის საქმეზე ბრალდებული მამა გიორგი მამალაძის ადვოკატები რამდენიმე წუთის წინ საპატრიარქოში  მივიდნენ.

შეხვედრაზე დეკანოზ გიორგი მამალაძის ადვოკატებთან ერთად, მეუფე პეტრე ცაავაც იმყოფება, რომელიც დღეს  ე.წ. მატროსოვის ციხეში მამა გიორგისთან არ შეუშვეს.

ცოტა ხნის წინ კი პატრიარქის მდივანმა მამა მიქაელ ბოტკოველმა განაცხადა, რომ საპატრიარქოს ყველა თანამშრომელი და სინოდის წევრები მზად არიან პროკურატურის შეკითხვებს უპასუხონ.

„აზრი იმის თაობაზე, რომ ჩვენ თავს ვიკავებთ დაცვის მხარესთან შეხვედრისგან, ვფიქრობ, რომ უსაფუძვლოა,“ - განაცხადა მამა მიქაელმა.

მისივე თქმით, პროკურატურას კათოლიკოს-პატრიარქის მდივან-რეფერენტისთვის, შორენა თეთრუაშვილისთვის ოფიციალურად შეკითხვებით არ მოუმართავს. 

ავტორი: მარიამ გაფრინდაშვილი.

]]>
23-02-2017 13:12 +0400
"ერთიანი ნაციონალური მოძრაობის" წევრები ვაშლიჯვარში მცხოვრებ დევნილებს შეხვდენენ http://rustavi2.com/ka/news/68788

მოუწესრიგებელი, საცხოვრებელ პირობებთან შეუსაბამო შენობა, რომელიც დღემდე დაუკანონებელია - საკუთარ პრობლემებზე ვაშლიჯვარში მცხოვრები დევნილები დღეს ერთიანი ნაციონალური მოძრაობის წარმომადგენლებს ესაუბრნენ.

როგორც დევნილები აღნიშნავენ, მათი საცხოვრებელი ფართი დაუკანონებელია, რაზეც არაერთხელ მიმართეს შესაბამის სამსახურებს, თუმცა 5 წლის განმავლობაში რეაგირება არავის მოუხდენია.

მათივე თქმით, ისინი მზად არიან საკუთარი სახსრებით მოაწესრიგონ შენობა, თუკი საკუთრებაში გადაეცემათ, მაგრამ არც ქალაქ თბილისის მერია და არც ლტოლვილთა და განსახლების სამინისტრო ამ მხრივ ყურადღებას არ იჩენს.

მოსახლეობის თქმით, თბილისის მერი დევნილთა კომპაქტურ ჩასახლებაში წინასაარჩევნოდ იმყოფებოდა და მაშინ მათ შენობის დაკანონებასაც დაჰპირდა.

]]>
23-02-2017 13:01 +0400
სატელეკომუნიკაციო ოპერატორების ნაწილი ე.წ. მოსმენების კანონზე საკუთარ პოზიციას აფიქსირებს http://rustavi2.com/ka/news/68784

სატელეკომუნიკაციო ოპერატორების ნაწილი ე.წ. მოსმენების კანონზე საკუთარ პოზიციას აფიქსირებს.

დღეს პარლამენტში მაგთის წარმომადგენლები მივიდნენ, თუმცა ჟურნალისტების შეკითხვებზე პასუხის გაცემა არ ისურვეს. ბილაინმა კი ამ საკითხზე, სპეციალური განცხადება გაავრცელა.

„კანონპროექტი მიმდინარეობს ჩართულობის გარეშე. აღნიშნული საკანონმდებლო პაკეტი გულისხმობს ახალი რეგულაციებისა და ვალდებულებების შემოღებას ყველა ავტორიზებული პირობისთვის, რაც მნიშვნელოვან ნეგატიურ გავლენას მოახდენს როგორც ელექტრონული კომუნიკაციების სფეროში ავტორიზებული პირების საქმიანობაზე ვალდებულებაზე, ასევე ბიზნესის განვითარების სამომავლო გეგმებზეც. აქედან გამომდინარე, ბილაინს მიაჩნია, რომ უნდა შეიქმნას სამუშაო ჯგუფი რომელიც დაკომპლექტდება ყველა დაინტერესებული მხარის წარმომადგენლით და მოხდება საკანონმდებლო ცვლილებებთან დაკავშირებულ ყველა საკითხებზე საბოლოო პოზიციების შეჯერება-შეთანხმება,“ - ნათქვამია განცხადებაში.

ავტორი: ნინო სამყურაშვილი.

]]>
23-02-2017 12:41 +0400
ე.წ. მოსმენების კანონი - უმრავლესობა და უმცირესობა კანონდმდებლობის კონსტიტუციურობაზე ვერ თანხმდებიან http://rustavi2.com/ka/news/68782

პარლამენტი ე.წ. მოსმენების შესახებ კანონის სასესიო განხილვას განაგრძობს. საპარლამენტო ოპოზიციაში აცხადებენ, რომ სახელმწიფო უსაფრთხოების სამსახურს არ უნდა დაექვემდებაროს ის სააგენტო, რომელსაც ე.წ. მოსმენების გასაღები ექნება ჩაბარებული. უმცირესობაში ასევე ფიქრობენ, რომ უნდა არსებობდეს სააგენტოს მონიტორინგის საშუალება, როგორც დეპუტატების, ისე სახალხო დამცველის მხრიდანაც. ოპოზიცია უმრავლესობის მიერ ინიცირებულ კანონპროექტს ეწინააღმდეგება და ფიქრობს, რომ კანონპროექტი საკონსტიტუციო სასამართლოს გადაწყვეტილების უხეში დარღვევაა.

„სინამდვილეში ვღებულობთ კანონს, სადაც გვისმენენ უფრო მეტს, გვისმენენ უფრო ხარისხიანად, გვისმენენ უფრო ძვირად და თანაც საკუთარი ხარჯებით, ჩვენვე ვაფინანსებთ მონსტრს, უზარმაზარ ორგანიზაციას, ეკონომიკაში რომ ესენი ვერ ერკვევიან, კარგად ვხედავთ, მაგრამ დათვლაც არ იციან, რა დაუჯდება ეს სამსახური თითოეული ჩვენგანის ჯიბეს,“ - განაცხადა პარლამენტის ფრაქცია ნაციონალური მოძრაობის თავმჯდომარემ, რომან გოცირიძემ.

უმრავლესობაში კი ფიქრობენ, რომ ე.წ. მოსმენების კანონპროექტი, რომელიც უმრავლესობის მიერ არის ინიცირებული, ყველა იმ გამოწვევას პასუხობს, რომელიც საკონსტიტუციო სასამართლოს მოთხოვნებში იყო დაყენებული.  პარლამენტის საპროცედურო საკითხთა და წესების კომიტეტის თავმჯდომარე, გიორგი კახიანი ფიქრობს, რომ არსებული კანონპროექტი სახელმწიფოს უსაფრთხოებასა და ადამიანის უფლებების დაცვას უზრუნველყოფს.

ავტორი: ნინო სამყურაშვილი.

]]>
23-02-2017 12:29 +0400
უმრავლესობაში აცხადებენ, რომ კონგოში დატყვევებული ქართველი მფრინავის გასათავისუფლებლად აქტიური ღონისძიებები მიმდინარეობს http://rustavi2.com/ka/news/68780

პარლამენტის ფრაქცია ქართული ოცნება - სოციალ-დემოკრატების წევრი, კობა ნარჩემაშვილი აცხადებს, რომ კონგოს მეამბოხეების მიერ დატყვევებული ქართველი მფრინავის სამომავლო ბედთან დაკავშირებით, ძალიან აქტიური ღონისძიებები მიმდინარეობს.

„აქამდე უბრალოდ, ინფორმაცია არ არსებობდა, 22 თებერვალს მიიღო ინფორმაცია საგარეო საქმეთა სამინისტრომ და ამის შემდეგ არის ძალიან ინტენსიური კონტაქტი მისი ჯანმრთელობის მდგომარეობის და სამომავლო ბედთან დაკავშირებით. მიმდინარეობს ძალიან აქტიური ღონისძიებები,“ - განაცხადა კობა ნარჩემაშვილმა.

პარლამენტის ფრაქცია მოძრაობა თავისუფლებისთვის - რეგიონების წევრი, ზურაბ ჭიაბერაშვილი ამბობს, რომ ხელისუფლებამ ქართველი მფრინავის უსამართლო ტყვეობიდან გასათავისუფლებლად ყველა დიპლომატიური ბერკეტი უნდა აამუშავოს.

ნაციონალურ მოძრაობაში კი ხელისუფლების უმოქმედობის ძველ გამოცდილებას იხსენებენ. თინათინ ბოკუჩავას აზრით, ხელისუფლება საქართველოს მოქალაქეების ინტერესებს სათანადოდ ვერ იცავს.

ქართველი სამხედროს დატყვევების თაობაზე კომენტარს პატრიოტთა ალიანსშიც აკეთებენ. მათი აზრით, სახელმწიფომ მაქსიმალურად უნდა უპატრონოს საკუთარ მოქალაქეს.

]]>
23-02-2017 12:12 +0400
უშიშროების საბჭოს აპარატის ყველა არხით ვცდილობთ დავაზუსტოთ ინფორმაცია სოსო ოსურაულზე - დავით რაქვიაშვილი http://rustavi2.com/ka/news/68778

ეროვნული უშიშროების საბჭოს მდივანი, დავით რაქვიაშვილი აცხადებს, რომ პრეზიდენტის დავალებით, უშიშროების საბჭოს აპარატი ყველა არხით ცდილობს კონგოში დატყვევებული ქართველი მფრინავის შესახებ დამატებითი ინფორმაციის მოპოვებას.

მფრინავი სოსო ოსურაული კონგოელი მეამბოხეების ტყვეობაში უკვე დაახლოებით ერთი თვეა იმყოფება. ქართველი სამხედროს გასათავისუფლებლად მეამბოხეები 1 მილიონ დოლარს ითხოვენ.

„პრეზიდენტის ადმინისტრაცია, პრეზიდენტის დავალებით, უშიშროების საბჭოს აპარატის ყველა არხით, მათ შორის დიპლომატიური არხებით ვცდილობთ დავაზუსტოთ ინფორმაცია, რომ ჩვენი მოქალაქეების ინტერესები იყოს დაცული და ისინი იყვნენ უსაფრთხოდ,“ - განაცხადა დავით რაქვიაშვილმა.

]]>
23-02-2017 11:58 +0400
დეკანოზ გიორგი მამალაძის ადვოკატები შესაძლოა საპატრიარქოს წარმოამდგენლებს შეხვდნენ http://rustavi2.com/ka/news/68776

გავრცელებული ინფორმაციით, მკვლელობის მომზადების ბრალდებით დაკავებული დეკანოზის გიორგი მამალაძის ადვოკატები დღეს საპატრიარქოს წარმომადგენლებს შეხვდებიან. ჯერჯერობით უცნობია ვისთან გაიმართება შეხვედრა.

უფლებადამცველები ამ წუთებში ე.წ. მატროსოვის ციხეში იმყოფებიან, ისინი ბრალდებულ დეკანოზს ხვდებიან.

როგორც ჟურნალისტებს ციხეში შესვლამდე მამა გიორგი მამალაძის ერთ-ერთმა ადვოკატმა გიორგი ფანცულაიამ განუცხადა, ინფორმაცია საპატრიარქოში დაგეგმილ შესაძლო შეხვედრასთან დაკავშირებით, მასაც აქვს თუმცა ჯერჯერობით ეს ინფორმაცია გადამოწმებას საჭიროებს.  ფანცულაია ამბობს, რომ შესაძლო შეხვედრაზე გადაწყვეტილებას უფლებადამცველები, ბრალდებულთან საუბრის შემდეგ მიიღებენ.

რაც შეეხება დაკავებული დეკანოზის მიერ გამოძიებისთვის ჩვენების მიცემის საკითხს, ადვოკატები განმარტავენ, რომ დეკანოზი გიორგი მამალაძე გამოძიებას ჩვენებას უახლოეს პერიოდში მისცემს.

„ჩვენი დაყენებული საკითხი კვლავ ძალაში რჩება, მამა გიორგი მამალაძე დაარღვევს დუმილის უფლებას. ეს უახლოეს პერიოდში იქნება.  ის ისაუბრებს ძალიან ბევრ რამეზე, მათ შორის პირველ რიგში მის უდანაშაულობაზე,“-განაცხადა გიორგი ფანცულაიამ.

როდის უპასუხებს ბრალდებული მამა გიორგი მამალაძე გამომძიებლების შეკითხვებს უცნობია. უფლებადამცველების თქმით, მათ ვერ მოახერხეს, რომ პროკურატურისთვის შესაბამისი შუამდგომლობით მიემართათ.  მათი თქმით, დეკანოზი წარდგენილ ბრალდებას არ ეთანხმება, ხოლო ჩვენება ბევრ ბუნდოვან საკითხს მოჰფენს ნათელს.

 ავტორი:მარიამ გაფრინდაშვილი

]]>
23-02-2017 11:50 +0400
ძალისხმევას არ დავიშურებთ, რათა ჩვენი მოქალაქე იქნეს გათავისუფლებული - საქართველოს ელჩი სამხრეთ აფრიკის რესპუბლიკაში http://rustavi2.com/ka/news/68777

ქართველი მფრინავი, სოსო ოსურაული თითქმის ერთი თვეა კონგოელი მეამბოხეების ტყვეობაშია. მის გასათავისუფლებლად ემ-23-ის მეამბოხეები 1 მილიონ დოლარს ითხოვენ. დასავლური მედიის ცნობით, ქართველი მფრინავი ტყვეობაში 27 იანვრიდან იმყოფება, როდესაც მეამბოხეებმა კონგოს სამხედრო-საჰაერო ძალების 2 ვერტმფრენი ჩამოაგდეს. ერთ-ერთს სწორედ სოსო ოსურაული მართავდა. თავდაცვის სამინისტროს განმარტებით, ოსურაული კონგოში მათ მიერ არ არის წარგზავნილი. მოლაპარაკებებში საგარეო საქმეთა სამინისტრო უკვე ჩაერთო.

„ჩვენ ძალისხმევას არ დავიშურებთ, რომ გადაიდგას ყველა ის ოპტიმალური ნაბიჯი, რაც ვითარების მიხედვით იქნება გადასადგმელი, რათა ჩვენი მოქალაქე იქნეს გათავისუფლებული,“ - აცხადებს საქართველოს საგანგებო და სრულუფლებიანი ელჩი სამხრეთ აფრიკის რესპუბლიკაში, ბექა დვალი.

ის დატყვევებული ქართველი მფრინავის უსაფრთხოების ინტერესებიდან გამომდინარე, დამატებითი ინფორმაციის გავრცელებისგან თავს იკავებს.

მისი თქმით, კონგოს მხარემ სოსო ოსურაულის დატყვევების თაობაზე ინფორმაცია საქართველოს მხოლოდ გუშინ დაუდასტურა.

]]>
23-02-2017 11:49 +0400
მეუფე პეტრეს თქმით პატრიარქისა და დეკანოზ გიორგი მამალაძის შეხვედრა შორენა თეთრუაშვილმა ჩაშალა http://rustavi2.com/ka/news/68773

ჭყონდიდის მიტროპოლიტი პეტრე ცაავა ამბობს, რომ საქართველოს პატრიარქის და დაკავებული დეკანოზის მამა გიორგი მამალაძის შეხვედრა, პატრიარქის მდივან-რეფერენტმა შორენა თეთრუაშვილმა ჩაშალა. 

განცხადება მეუფე პეტრემ ე.წ. მატროსოვის ციხესთან გააკეთა.  მან ჟურნალისტებთან მამა გიორგისა და პატრიარქის არშემდგარ შეხვედრაზე ისაუბრა. მეუფემ განაცხადა, რომ უწმინდესს ჰქონდა ბრალდებულ დეკანოზთან შეხვედრის სურვილი.

„პატრიარქის ჩამობრძანებიდან უკვე საპატრიარქოში სიტუაციას მართავს, ყველაზე დიდი დამნაშავე, სცენარის ავტორი, შემოქმედი ამ სკანდალისა ქალბატონის სახით, რომელიც მე ვფიქრობ სასწრაფოდ უნდა ჩამოცილდეს ამ მმართველობას, რომ გამოძიებას არ შეეშალოს ხელი.

"გაკეთებული განცხადებები, მამა მიქაელის განცხადება, სხვა ცილისმწამებლური ცრუ ინფორმაციები საპატრიარქოს სახელით, მისი გარემოცვისგან რაც კეთდება, ემსახურება ხელის შეშლას გამოძიების პროცესისათვის. მე ვადასტურებ, რომ სიტუაციას მართავს ისევ ქალბატონი,“-განაცხადა მეუფე პეტრემ.

მეუფე პეტრე ასევე განმარტავს, რომ პატრიარქის სურვილი იყო დეკანოზი გიორგი მამალაძე თავმდებით გაეთავისუფლებინათ, თუმცა ესეც შორენა თეთრუაშვილის ჩარევით არ განხორციელდა.

მეუფე პეტრ ე.წ. მატროსოვის ციხეში დეკანოზ გიორგი მამალაძის სანახავად მივიდა, თუმცა ის შენობაში არ შეუშვეს.

„ძალიან მოულოდნელი პასუხი მივიღე, რომ არ მიშვებენ მამა გიორგის სანახავად. მე ვფიქრობ, რომ ძალიან დიდ შეცდომებს უშვებს ისევ ხელისუფლება ამ შემთხვევაში.

"როდესაც პირველად ვნახე მამა გიორგი, მას არ აქვს საშუალება საინფორმაციო საშუალებებს მოუსმინოს. არ აქვს ტელევიზორი და ვფიქრობ, რომ დღემდე ტექნიკური მიზეზებით აფერხებენ ამ საკითხის მოგვარებას,“-განაცხადა მეუფე პეტრემ.

 

]]>
23-02-2017 11:01 +0400
ქართველი სამხედრო კონგოელი მეამაბოხეების ტყვეობაში-საგარეო საქმეთა სამინისტროს განცხადება http://rustavi2.com/ka/news/68770

კონგოში დატყვევებულ ქართველ სამხედროსთან დაკავშირებით, საქართველოს საგარეო საქმეთა სამინისტრო განცხადებას ავრცელებს. უწყებაში სოსო ოსურაულის ტყვეობის ფაქტს ადასტურებენ

განცხადებაში ნათქვამია, რომ საქართველოს საელჩოს  კონგოს მხარემ ინფორმაცია 22 თებერვალს მიაწოდა. უწყების ცნობით, კონგოს მხარის ინფორმაციით, ოპოზიციურმა დაჯგუფებამ დაატყვევა საქართველოს 1 მოქალაქე, ხოლო მეორე მოქალაქე დაიჭრა, მაგრამ იგი სამშვიდობოზეა და მკურნალობს.

„პრეტორიაში საქართველოს საელჩო რეგულარულ კონტაქტზე იმყოფება კონგოს ხელისუფლებასთან. კონგოს მხარე ოფიციალურად ამ დრომდე არ ადასტურებდა საქართველოს მოქალაქეების მონაწილეობას. ასევე, არც ოჯახის წევრებს მოუმართავთ. 22 თებერვალს კი საქართველოს საელჩოს კონგოს მხარემ მიაწოდა ინფორმაცია, რომ ოპოზიციურმა დაჯგუფებამ დაატყვევა საქართველოს 1 მოქალაქე, ხოლო მეორე მოქალაქე დაიჭრა, მაგრამ იგი სამშვიდობოზეა და მკურნალობს.

"კონგოში საქართველოს მოქალაქეების ყოფნის ოფიციალური მიზეზი უცნობია. ჩვენი ინფორმაციით, ისინი ყოფილი სამხედროები არიან და დამოუკიდებლად იმყოფებიან კონგოში. ვითარება რთულია, ვინაიდან ერთ-ერთი უკანონო შეიარაღებული დაჯგუფების ტყვეობაშია,”- წერია საგარეო საქმეთა სამინისტროს განცხადებაში.

]]>
23-02-2017 10:03 +0400
ეროვნული გამოცდებისთვის რეგისტრაცია იწყება http://rustavi2.com/ka/news/68769

დღეიდან ერთიანი ეროვნული გამოცდებისთვის რეგისტრაცია იწყება, რომელიც 31 მარტამდე გაგრძელდება. პროცესი სამ ეტაპიანია.

აბიტურიენტები პირველ რიგში უნდა დარეგისტრირდნენ, აირჩიონ საგნები და ფაკულტეტები. საგნების შეცვლის უფლება მათ 20 მაისამდე აქვთ.

რაც შეეხება უმაღლესი სასწავლებლებისა და ფაკულტეტების შეცვლას, ამის შესაძლებლობა სტუდენტებს გამოცდების შედეგების გაგების შემდეგაც შეეძლებათ, თუმცა ეს პროცესი სააპელაციო განაცხადების მიღების დასრულებასთან ერთად შეწყდება.

დღეიდან იწყება ასევე სტუდენტთა საგრანტო კონკურსში მონაწილეთა რეგისტრაცია.

]]>
23-02-2017 09:45 +0400
ტყვედ ჩავარდნილი ქართველი მფრინავი-საპარლამენტო უმრავლესობა ინფორმაციას არ ფლობს, ოპოზიცია კი ხელისუფლებას უყურადღებობაში ადანაშაულებს http://rustavi2.com/ka/news/68767

საპარლამენტო უმრავლესობა კონგოში დატყვევებული ქართველი მფრინავის შესახებ ინფორმაციას არ ფლობს. როგორც ქართულ ოცნებაში აცხადებენ, ინფორმაცია სოსო ოსურაულის ტყვედ აყვანის შესახებ მათ რუსთავი 2-ისგან შეიტყვეს.

მმართველი გუნდის ერთ-ერთი ლიდერის კობა ნარჩემაშვილის განცხადებით, ხელისუფლება დაინტერესდება ამ საკითხით.

„სამწუხარო ამბავია თუ ეს ასეა. თქვენგან ვარ ინფორმირებული. არ ვიცი, დავინტერესდები ამ საკითხით. არ აქვს მნიშვნელობა საქართველოს მოქალაქე სად არის. ჩვენ ხელისუფლებას და სახელმწიფოს გვაქვს ვალდებულება ნებისმიერ ჩვენს მოქალაქეზე, არის ის სამხედრო მოსამსახურე, ყოფილი, ამჟამინდელი, არ აქვს მნიშვნელობა, ნებისმიერ მოქალაქეზე განვახორციელოთ ზრუნვა ეს ჩვენი კონსტიტუციური ვალდებულებაა,“-განაცხადა კობა ნარჩემაშვილმა.

ოპოზიცია კი ხელისუფლებას ჯარისკაცების მიმართ უყურადღებობაში ადანაშაულებს. ნაციონალური მოძრაობა მთავრობას მოუწოდებს, დატყვევებული ქართველი მფრინავის გასათავისუფლებლად,  ყველა შესაძლო ბერკეტი გამოიყენოს.

„სამწუხაროდ ძველი გამოცდილება გვიჩვენებს, რომ საქართველოს მთავრობას არად უღირს ჩვენი ჯარისკაცების სიცოცხლე და საქართველოს მთავრობამ უნდა გამოიჩინოს შესაბამისი მოქმედებები, იმისათვის, რომ ჩვენ დავიხსნათ ჩვენი ჯარისკაცი. უყურადღებობის შემთხვევაში სავსებით შესაძლებელია ამ ადამიანის სიცოცხლეს ემუქრებოდეს საფრთხე,“-აცხადებს ნუგზარ წიკლაური.

]]>
23-02-2017 09:26 +0400
53 წლის მამაკაცი 40 დღიანი ძებნის შემდეგ გარდაცვლილი იპოვეს http://rustavi2.com/ka/news/68764

დაკარგული მონადირე, 53 წლის ჯემალ მორჩილაძე 40 დღიანი ძებნის შემდეგ ქობულეთის მუნიციპალიტეტის სოფელ ოჩხამურში გარდაცვლილი იპოვეს.

იგი შემთხვევით ადგილობრივმა მონადირემ შენიშნა ჭაობში. ერთ-ერთი ვერსიით მამაკაცი ჭაობში დაიხრჩო.

ჯემალ მორჩილაძე ოჯახის ინფორმაციით მარტო იყო წასული. ცხედარს წუხელ ბათუმში ჩაუტარდა ექსპერტიზა და დღეს გადაასვენებენ მის სახლში, ქობულეთში.

]]>
23-02-2017 09:02 +0400
ევროსასამართლოში წარსადგენი მოსამართლეები-სამოქალაქო სექტორში პროცესის გამჭვირვალობის აუცილებლობაზე საუბრობენ http://rustavi2.com/ka/news/68763

არასამთავრობო ორგანიზაციები, ადამიანის უფლებათა ევროპულ სასამართლოში საქართველოდან წარსადგენ მოსამართლეთა კანდიდატების შერჩევის პროცესის გამჭვირვალობის აუცილებლობაზე საუბრობენ.

სამოქალაქო სექტორში აცხადებენ, რომ შერჩევისას მკაფიოდ უნდა იყოს გაწერილი კრიტერიუმები, ასევე მნიშვნელოვანია არ მოხდეს პროცესის პოლიტიზირება.

მათივე თქმით, ამჯერად განსაკუთრებული სიფრთხილით და ყველა საჭირო პროცედურის დაცვით უნდა შეირჩეს კანდიდატი, რომ წინა შემთხვევის მსგავსად არ დაიწუნოს ის ევროსაბჭოს სპეციალურმა კომიტეტმა.

„ამ სამ ადამიანს უნდა ჰქონდეთ მაღალი მორალური თვისებები და შესაბამისი კვალიფიკაცია. თუ წინა შესარჩევ პროცესს თან სდევდა პოლიტიკური ნაწილი, მაქსიმალურად უნდა შევეცადოთ, რომ ისეთ კანდიდატები იყვნენ რომელთა მიმართაც არ არსებობს კითხვის ნიშნები პოლიტიკური მოსაზრებებიდან გამომდინარე,“-განაცხადა კონსტიტუციის 42-ე მუხლის აღმასრულებელმა დირექტორმა  ნიკოლოზ ლეგაშვილმა.

]]>
23-02-2017 08:59 +0400
დეკანოზ გიორგი მამალაძის ადვოკატები ბრალდებულის დაკითხვის მოთხოვნით მთავარ პროკურატურას მიმართავენ http://rustavi2.com/ka/news/68759

დეკანოზ გიორგი მამალაძის ადვოკატები ბრალდებულის დაკითხვის მოთხოვნით დღეს მთავარ პროკურატურას ოფიციალური წერილით მიმართავენ.

უფლებადამცველების განცხადებით, დეკანოზი მზად არის ჩვენება მისცეს, რის შემდეგაც მათივე თქმით, ბევრ კითხვას გაეცემა პასუხი. მამა გიორგი მამალაძე მათ შორის საცხოვრებელი ბინიდან ამოღებულ იარაღზეც ისაუბრებს, რომელიც ადვოკატის განმარტებით, ბრალდებულს არ ეკუთვნის.

დაცვის მხარის განცხადებით, სავარაუდოდ ვერ მოხერდება დეკანოზის შეხვედრა პატრიარქთან და სასულიერო პირებთან.

დეკანოზის  თხოვნის მიუხედავად პატრიარქმა და სინოდის წევრებმა ბრალდებულთან შეხვედრაზე უარი თქვეს.

ადვოკატი მიხეილ რამიშვილი ვარაუდობს, რომ შესაძლოა პროკურატურა ცდილობს საპატრიარქოს საკუთარი აზრი მოახვიოს.

ადვოკატები ბრალდების მხარესთან შედარებით არათანაბარ პოზიციებში ყოფნაზეც საუბრობენ.

„მამა გიორგი გამოძიებას დეტალურად მისცემს ჩვენებას თუ ვისგან რატომ, რისთვის, როდის აღმოჩნდა მის საცხოვრებელ ბინაში აღნიშნული იარაღი. ჩემთვის ცოტა გაუგებარია, თუ საშუალება ეძლევათ ბრალდების მხარის მოწმეებს და საპატრიარქოში მისვლა და გარკვეული ინფორმაციის მიწოდება შეუძლიათ, მაშინ რატომ არ გვაქვს ჩვენ ეს უფლება და რატომ გვაქვს ჩამორთმეული. რა რეკომენდაციებს აძლევენ ამის საწინააღმდეგოდ,“-განაცხადა მიხეილ რამიშვილმა.

შეგახსენებთ, რომ დეკანოზი გიორგი მამალაძე რამდენიმედღიანი მკურნალობისა და გამოკვლევების შემდეგ ჩაფიძის კლინიკიდან გუშინ ისევ ე.წ.  მატროსოვის ციხეში გადაიყვანეს.

]]>
23-02-2017 08:29 +0400
საქართველოს კათოლიკოს-პატრიარქი თავს კარგად გრძნობს-შალვა პეტრიაშვილი http://rustavi2.com/ka/news/68758

საქართველოს პატრიარქი კარდიოლოგმა შალვა პეტრიაშვილმა მოინახულა.

პეტრიაშვილი საპატრიარქოში გუშინ დღის ბოლოს მივიდა. მედიკოსის განცხადებით, სრულიად საქართველოს კათოლიკოს-პატრიარქი თავს კარგად გრძნობს.

შეხვდება თუ არა იგი დეკანოზ გიორგი მამალაძეს, პეტრიაშვილის თქმით, ეს ილია მეორის გადასაწყვეტია.

„ამჟამად მდგომარეობა კარგია, ახალი გაკეთებულია ოპერაცია და ოპერაციის შემდგომი პერიოდი მოითხოვს უფრო მეტ ყურადღებას და სიმშვიდეს,“-განაცხადა, კარდიოლოგმა შალვა პეტრიაშვილმა.  

საპატრიარქოში მივიდა თბილისის მერიც, თუმცა დავით ნარმანიამ ჟურნალისტებთან კომენტარი არ გააკეთა. დღის განმავლობაში საპატრიარქოში პროკურატურის მოწმეები - ადვოკატები ირმა ჭკადუა და ლალი გელაშვილიც იმყოფებოდნენ.

]]>
23-02-2017 08:17 +0400
სოსო ოსურაულის კონგოში ტყვედ აყვანას, მფრინავის ოჯახი ადასტურებს http://rustavi2.com/ka/news/68756

სოსო ოსურაულის ოჯახში ადასტურებენ, რომ ქართველი მფრინავი ტყვედაა აყვანილი. მათთვის ასევე ცნობილია, რომ მეამბოხეები გამოსასყიდს ითხოვენ. სხვა დეტალებზე ოჯახის ახლობლები ვერ საუბრობენ.

მათი ინფორმაციით, სოსო ოსურაული საქართველოდან ორი წლის წინ წავიდა და ოჯახს პერიოდულად ეკონტაქტებოდა.

ინფორმაცია სოსო ოსურაულის ტყვედ აყვანის შესახებ ოჯახისგან გაიგეს ახმეტის მუნიციპალიტეტში.  

„ჩვენ ინფორმაცია მივიღეთ ძირითადად ოჯახის წევრებისგან და დაახლოებით ორი კვირის უკან. ვიცით რომ ტყვეობაშია ამჟამად, ცდილობენ ოჯახიც და როგორც ვიცით სამთავრობო შტოებია ჩართული, ასეთი ინფორმაცია გაგვაჩნია ამ დროისთვის,“-განაცხადა ახმეტის მუნიციპალიტეტის გამგებლის წარმომადგენელმა სოფელ ალვანში  გიორგი გოგიტიძემ.

]]>
23-02-2017 08:09 +0400
ქართველი სამხედრო მფრინავის სანაცვლოდ კონგოელი მეამაბოხეები მილიონ დოლარს ითხოვენ http://rustavi2.com/ka/news/68755

მილიონი დოლარი ქართველი სამხედრო მფრინავის სანაცვლოდ-გავრცელებული ინფორმაციით, სწორედ ამ თანხას ითხოვენ კონგოელი მეამაბოხეები ქართველი მფრინავის, სოსო ოსურაულის გასათავისუფლებლად. იგი თითქმის ერთი თვეა ტყვეობაშია.

კონგოს სამხედრო-საჰაერო ძალების ორი შვეულმფრენი მეამბოხეებმა 27 იანვარს ჩამოაგდეს. ერთ-ერთს სწორედ სოსო ოსურაული მართავდა.

თავდაცვის სამინისტროში ამ საქმის დეტალებზე ვერ საუბრობენ. უწყების განმარტებით ოსურაული არ არის მათ მიერ წარგზავნილი ამ ქვეყანაში. ჩართულია თუ არა საგარეო უწყება გათავისუფლების პროცესში, ამ თემაზე არც საგარეო საქმეთა სამინისტროში საუბრობენ. თადარიგის პოლკოვნიკი დავით მაყიშვილი ხელისუფლებას ქართველი მებრძოლის გათავისუფლებისკენ და მისი ტყვეობიდან დახსნისკენ მოუწოდებს. უკრაინაში მებრძოლმა ქართველმა მოთხოვნა სოციალურ ქსელში გაავრცელა.

“ამა წლის 27 იანვარს აფრიკის კონტინენტზე კონგონს დემოკრატიული რესპუბლიკის კონტინენტზე მოხდა ამბოხებულების მიერ ვერტმფრენის ჩამოგდება, რომელსაც მართავდა ქართველი მფრინავი, საქართველოს შეიარაღებული ძალების თადარიგის პოლკოვნიკი იოსებ ოსურაული. ჰყავთ აყვანილი ტყვედ და  ითხოვენ გამოსასყიდს ამბოხებულები. მივმართავ საქართველოს მთავრობას, საგარეო საქმეთა სამინისტროს, უსაფრთხოების სამსახურს, რომ გადაამოწმოს ეს ინფორმაცია და დროულად დაეხმარონ საქართველოს შეიარაღებული ძალების პოლკოვნიკს. როგორც ჩემთვის არის ცნობილი მილიონ დოლარს ითხოვენ გამოსასყიდის სახით,“-განაცხადა პოლკოვნიკმა დავით მაყიშვილმა.

 

]]>
23-02-2017 08:02 +0400
ახალგაზრდა ქართველი დიზაინერი მარიამ გვასალია კოლექციას იტალიაში გასაგზავნად ამზადებს http://rustavi2.com/ka/news/68754

ახალგაზრდა ქართველი დიზაინერი საკუთარ კოლექციას იტალიაში გასაგზავნად ამზადებს. ევროპული ბაზრისთვის სამოსი ქართულ ფაბრიკაში შეიკერა. შეთავაზება მარიამ გვასალიამ თბილისის მოდის კვირეულზე 2016 წლის შემოდგომაზე მიიღო.

ახალგაზრდა ქართველი დიზაინერი ბოლო კოლექციის ახალ ვერსიას იტალიისთვის პირველად ამზადებს. მარიამ გვასალიას ნამუშევრებით კვირეულის სტუმარი ჟურნალისტებიც დაინტერესდნენ. 

პრეცედენტის გამეორებას სხვა დიზაინერებთან ერთად, კვირეულის ორგანიზატორები მომავალშიც გეგმავენ.

გაზაფხული-ზაფხული 2017 ვენეციაში, მაღაზია ალდუკადაოსტაში თებერვლის ბოლოდან გაიყიდება, ახალ კოლექციებს კი მარიამ გვასალიაც და სხვა ქართველი დიზაინერიც ქართველ და უცხოელი მოდის მოყვარულებს 19 და 23 აპრილის ჩათვლით, თბილისის მოდის კვირეულის ფარგლებში გააცნობენ.

ავტორი: სალომე ბენაშვილი. 

]]>
22-02-2017 22:12 +0400
წყალმომარაგების პრობლემა თელავში - მოსახლეობა ქალაქის მერიას უმოქმედობაში ადანაშაულებს  http://rustavi2.com/ka/news/68753

რამდენიმე წელია თელავის მოსახლეობის ნაწილი წყალმომარაგების პრობლემის მოგვარებას ელოდება. ვითარება ზამთრის პერიოდში კიდევ უფრო რთულდება და ადგილობრივებს სასმელი წყალი გრაფიკითაც აღარ მიეწოდებათ.

მსგავსი პრობლემის წინაშე დგას თელავის მოსახლეობის ნახევარზე მეტი. სასმელი წყლის მოსამარაგებლად ადგილობრივებს რამდენიმე კილომეტრის გავლა უწევთ. პრობლემით შეწუხებული ადგილობრივები ქალაქის მერიას უმოქმედობაში ადანაშაულებენ.

თელავის მერიაში აღიარებენ, რომ წყლის მიწოდების სისტემა მოსაწესრიგებელია. სადავო არც ისაა, რომ პრობლემას დროულად სჭირდება გადაჭრა. ვიცე მერის მტკიცებით, აღნიშნული საკითხის მოსაგვარებლად, მათ მუშაობა 2014 წელს დაიწყეს. მერიის პოზიცია მიუღებელია საკრებულოს უმცირესობისთვის.

პრობლემას ვერ უარყოფენ გაერთიანებული წყალმომარაგების კომპანიაშიც. კომპანიაში აცხადებენ, რომ მილების ზამთარში წყლის მიწოდებას თავად აჩერებენ.

რამდენ ხანში გადაიჭრება თელაველების წყლის პრობლემა, ამას ვერც მერიაში და ვერც გაერთიანებული წყალმომარაგების კომპანიაში აკონკრეტებენ, თუმცა კომპანია ადასტურებს, რომ საკითხის მოსაგვარებლად წლები იქნება საჭირო.

ავტორი: ია გულიშვილი, ვანო გავაშელი. 

 

]]>
22-02-2017 22:02 +0400
ქობულეთის მოსახლეობა ნაგავსაყრელის მშენებლობას აპროტესტებს - ოპოზიცია თაღლითობის ფაქტზე საუბრობს http://rustavi2.com/ka/news/68750

ქობულეთში მცხოვრები მოსახლეობა დღეს საპროტესტო აქციით ნაგავსაყრელის მშენებლობის შეჩერებას ითხოვდა. ტერიტორიაზე, სადაც ნაგავსაყრელი უნდა განთავსდეს, მოსახლეობის სახნავ-სათესი მიწებია. ადგილობრივების თქმით, კომპანიის წარმომადგენლები თავდაპირველად მათ გარკვეული რაოდენობის კომპენსაციას დაპირდნენ, თუმცა თანხა შეუსაბამოა.

ქობულეთში ნაგავსაყრელის მშენებლობა კომპანია ჰიგიენა 2009 -მ უნდა დაიწყოს, რომლის ხელმღვანელიც ნაციონალურმა მოძრაობამ დღეს თაღლითობაში დაადანაშაულა. ოპოზიციის მიერ გავრცელებული ინფორმაციის მიხედვით, ევროპის რეკონსტრუქციის განვითარების ბანკის მიერ გამოყოფილი 5 მილიონი ლარი ირაკლი ცეცხლაძემ მიითვისა და მიიმალა.

პარტიის წევრების თქმით, კორუფციულ გარიგებაში აჭარის მთავრობის წარმომადგენლებიც მონაწილეობდნენ. ინფორმაციის გავრცელებიდან მალევე კომპანიის ახალ დირექტორად გიორგი ლომთათიძე დაინიშნა, რომელიც აჭარის მთავრობის თავმჯომარის, ზურაბ პატარაძის პრესსპიკერის მეუღლეა.

ნაციონალური მოძრაობა აჭარის მთავრობის მაღალჩინოსენების თანამდებობრივი პასუხისმგებლობის საკითხზე საუბრობს.

კომპანიის ფინანსური დარღვევების შესწავლა უკვე დაიწყო ფინანსთა სამინისტროს საგამოძიებო სამსახურმა. აჭარის ავტონომიური რესპუბლიკის ფინანსთა და ეკონომიკის მინისტრი აცხადებს, რომ ქობულეთში ნაგავსაყრელის მშენებლობის პროექტი არ შეფერხდება.

ქობულეთის მოსახლეობა საპროტესტო აქციების შეწყვეტას არ აპირებს. ჯერჯერობით უცნობია, გადაიხედება თუ არა მათთვის გაცემული კომპენსაციების საკითხი.

ავტორები: მარიამ შანშიაშვილი, თეა ვაშალომიძე.

]]>
22-02-2017 21:59 +0400
სტატუსშეჩერებული სტუდენტების რაოდენობა 35 ათასს აჭარბებს http://rustavi2.com/ka/news/68749

სტატუსშეჩერებული სტუდენტების რიცხვმა 35 ათასს გადააჭარბა. წელს კიდევ უფრო გაიზარდა იმ ახალგაზრდების რაოდენობა, რომლებიც ვერ აგრძელებენ განათლების მიღებას უმაღლეს სასწავლებლებში და ხშირ შემთხვევაში, ეს უსახსრობის გამო ხდება.

განათლების სფეროში მომუშავე ექსპერტებს მიაჩნიათ, რომ განათლების სისტემის დაფინანსება სახელმწიფოს მიერ ძალიან მცირეა და სოციალურ საჭიროებაზე ორიენტირებული არ არის. მათი შეფასებით, სტუდენტებს რისკ ჯგუფად მიიჩნევენ კომერციული ბანკებიც და მათზე სესხების გაცემას ერიდებიან.

საპარლამენტო უმციორესობის წარმომადგენლები განათლების სამინისტროს თანხების არარაციონალურად განაწილებაში, ხელისუფლებას კი სოციალური მდგომარეობის გაუარესებაში ადანაშაულებენ. ოპოზიცია მინისტრს დაფინანსების წესის შეცვლისკენ მოუწოდებს.

განათლების მინისტრმა საპასუხოდ, დაფინანსების არასწორი სისტემის შექმნაში წინა ხელისუფლების წარმომადგენლები დაადანაშაულა. ალექსანდრე ჯეჯელავას თქმით, სტატუსშეჩერებული სტუდენტების ნაწილისთვის კარგი გამოსავალი პროფესიული განათლებაა.

სწავლის საფასურის ნაწილის გადახდა სტუდენტებს მეორე სემესტრის დაწყებამდე მოუწევთ.

ავტორი: სოფო ვარდიაშვილი

]]>
22-02-2017 21:54 +0400
ნარმანიას საკრებულოში იბარებენ - 13 დეპუტატის მიერ ხელმოწერილი მოთხოვნა მერიაში უკვე გადაგზავნილია http://rustavi2.com/ka/news/68752

საკრებულოს ოპოზიცია რუსთავი 2-ის საქმის განმხილველი კოლეგიის თავმჯდომარისთვის მილიონიანი ქონების გადაცემის საკითხზე დავით ნარმანიასგან განმარტებებს ელოდება.

რიგგარეშე სხდომაზე მერის დაბარების აუცილებლობა დღის წესრიგში მას შემდეგ დადგა, რაც გუშინ ოპოზიციის მიერ ორგანიზებული შეხვედრა ნარმანიას მოადგილეების გამოუცხადებლობის გამო ჩაიშალა. 

კანონით გათვალისწინებულ ვალდებულებას თბილისის მერს საკრებულოდან უკვე ორი დღეა ახსენებენ, თუმცა უშედეგოდ. რეგლამენტის დაცვის ნაცვლად, თბილისის მერმა ოპოზიცია ჯერ კიდევ გუშინ პოლიტიკური შოუს მოწყობაში დაადანაშაულა და საკუთარი მოადგილეები ოპონენტებთან შესახვედრად არ გაუშვა.

რეგლამენტი თბილისის მერს და მაღალი თანამდებობის პირებს დეპუტატების 1/5-ის მოთხოვნის შემთხვევაში, საკრებულოში მისვლას ავალდებულებს. ნარმანიას მიერ წესის დარღვევის შემთხვევაში, ოპოზიცია სისხლის სამართლის სავარაუდო დანაშაულზე საუბრობს.

საკრებულოს 4 ფრაქცია და 2 დამოუკიდებელი დეპუტატი ნაზღაიძის ოჯახთან დაკავშირებით მიღებული გადაწყვეტილების გამო, ნარმანიას იმპიჩმენტის აუცილებლობაზეც საუბრობს.

13 დეპუტატის მიერ ხელმოწერილი მოთხოვნა, ნარმანიას საკრებულოში მისვლის შესახებ, მერიაში უკვე გადაიგზავნა. საკრებულო ვალდებულია რიგგარეშე სხდომა 7 დღის ვადაში დანიშნოს.

ავტორი: ეკო მაღრაძე. 

]]>
22-02-2017 21:50 +0400
მერაბიშვილის ციხიდან შესაძლო გაყვანაზე გამოძიება შეწყდა - ადვოკატი პროკურატურას უნდობლობას უცხადებს http://rustavi2.com/ka/news/68751

ვანო მერაბიშვილის ციხიდან შესაძლო გაყვანის ფაქტზე პროკურატურამ გამოძიება შეწყვიტა. ყველა დოკუმენტს კი, რომელიც ვანო მერაბიშვილის საკნიდან შესაძლო გაყვანის გამოძიების შეწყვეტის საფუძველი გახდა, მთავარი პროკურატურა სტრასბურგის სასამართლოში გაგზავნის.

ქართული მხარე მას 8 მარტს დანიშნულ სხდომაზე ერთერთ მთავარ მტკიცებულებად გამოიყენებს. სწორედ ამ გამოძიების მასალებით შეეცდება ხელისუფლება იმის დამტკიცებას, რომ ყოფილი პრემიერის და შინაგან საქმეთა ყოფილი მინისტრის მიმართ უფლებები არ დარღვეულა.

პროკურატურის განცხადებით, საქმეში დანაშაულის ნიშნების არარსებობის დადგენამდე, თავიდან შეისწავლეს ამ საქმეზე სასჯელაღსრულების დეპარტამენტის მიერ ჩატარებული სამსახურებრივი შემოწმების მასალები. პროკურატურის განცხადებით, არანაირი საეჭვო ჩანაწერი არ აღმოჩნდა არც სასჯელაღსრულების მე-9 დაწესებულების აღრიცხვის ჟურნალში.

პროკურატურის ჩატარებულ გამოძიებას უნდობლობა უცხადებს ვანო მერაბიშვილის ადვოკატი.  

პროკურატურის განცხადებაში აღნიშნულია, რომ საქმეზე 50-მდე მოწმე დაკითხეს. განცხადებაში ასევე წერია, რომ გამოძიებისთვის ინფორმაციის მიწოდება არ ისურვეს მსჯავრდებულ მერაბიშვილის ადვოკატებმა. 

რამდენად სარწმუნო იქნება პროკურატურის მტკიცებულებები ევროპული სასამართლოსთვის, 8 მარტს გაირკვევა. სტრასბურგის სასამართლოს დიდ პალატაში სექციის გადაწყვეტილება იუსტიციის სამინისტრომ გაასაჩივრა.

ხელისუფლება არ ეთანხმება სასამართლოს იმ ჩანაწერს, რომლითაც ევროპელმა მოსამართლეებმა ვანო მერაბიშვილის მიმართ მე-18 მუხლის მეხუთე მუხლთან ერთობლიობაში დარღვევა დაადგინეს, ანუ თქვეს, რომ მერაბიშვილის პატიმრობას შესაძლოა სხვა ფარული ზრახვა ქონოდა

]]>
22-02-2017 21:42 +0400
"რუსთავი 2"-ის წინააღმდეგ მიმდინარე სასამართლო პროცესები Amnesty International-ის ანგარიშში მოხვდა http://rustavi2.com/ka/news/68748

რუსთავი 2 -ის წინააღმდეგ მიმდინარე სასამართლო პროცესები Amnesty International-ის ანგარიშში მოხვდა. საერთაშორისო ორგანიზაცია საქართველოში სასამართლოს დამოუკიდებლობის ნაკლებობაზე აკეთებს აქცენტს და ერთ-ერთ საქმედ სწორედ რუსთავი 2-ის სასამართლო პროცესები სახელდება.

დოკუმენტში ასევე მოხვდა კაბელების საქმე, კორცხელის ინციდენტი და ფარული ჩანაწერების გავრცელება. დოკუმენტში საუბარია სამართალდამცველების მხრიდან უფლებების შელახვის ფაქტებზეც და აღნიშნულია, რომ ხელისუფლებამ დღემდე ვერ მოახერხა დამოუკიდებელი საგამოძიებო უწყების შექმნა, რომელიც ასეთ ფაქტებზე მოკვლევას ჩაატარებს.

ადამიანის უფლებების დამცველი ავტორიტეტული ორგანიზაცია ასკვნის, რომ მაღალი საზოგადოებრივი ინტერესის მქონე სასამართლო პროცესებში პოლიტიკური ჩარევა შეშფოთების საგნად რჩება.

დოკუმენტში წერია, რომ თბილისის სააპელაციო სასამართლომ მხარი დაუჭირა ქვედა ინსტანციის გადაწყვეტილებას ოპოზიციური ტელეარხის მფლობელობის გადაცემასთან დაკავშირებით. ანგარიშში აღნიშნულია, რომ დავა სარჩელის ხანდაზმულობის ვადის გასვლის შემდეგ დაიწყო და ფართოდ მიჩნეული იყო, რომ მას მოქმედი მთავრობა მხარს უჭერს.

Amnesty International-ის ანგარიშში ასევე საუბარია უმცირესობების უფლებებზე, კერძოდ პრალამენტში რელიგიური გრძნობების შეურაცხყოფის შესახებ კანონპროექტის ირგვლივ განხილვებზე.

ამასთანავე, დოკუმენტში ოკუპირებული ტერიტორიების ადმინისტრაციულ საზღვართან არსებული ვითარებაა შეფასებული. ანგარიშში წერია, რომ რუსი სამხედროებისა და დეფაქტო ხელისუფლების მხრიდან გრძელდება ადამიანთა გატაცებებისა და წამების ფაქტები, საუბარია ოთხოზორიას მკვლელობის ფაქტზე.

ადგილობრივი ორგანიზაციები ამბობენ, რომ ეს ანგარიში ქვეყნის მოქმედი არასმთავრობო ორგანიზაციების შეშფოთებას მთელ რიგ საკითხებზე ემთხვევა.

უმრავლესობაში აცხადებენ, რომ დოკუმენტს ჯერ არ იცნობენ. ხოლო უმცირესობა მათ და ხელისუფლებას ურჩევს ანგარიშს დეტალურად გაეცნონ, რათა საკუთარი შეცდომების შესახებ მეტი გაიგონ.

ავტორი: სოფო ზურაბიანი

]]>
22-02-2017 21:39 +0400
გურამ ჯაში რეანიმაციაში რჩება - საქმე სხეულის განზრახ მსუბუქი დაზიანების მუხლით აღიძრა http://rustavi2.com/ka/news/68743

მსახიობ გურამ ჯაშის ჯანმრთელობის მდგომარება დამაკმაყოფილებელია, თუმცა ის ამ დრომდე რეანიმაციულ განყოფილებაში რჩება.

კლინიკაში მსახიობი თავის არეში მიყენებული მძიმე დაზიანებებით შეიყვანეს. ოჯახის ინფორმაციით, მასზე თავდასხმა მოხდა და უცნობმა პირებმა ტელეფონის წართმევისა და ქურთუკის გახდის მცდელობისას, მას თავში ბლაგვი საგანი ჩაარტყეს.

გურამ ჯაშს თავს სავარაუდოდ ორი მამაკაცი დაესხა. ინციდენტის შემდეგ მსახიობი მშობლების სახლში მივიდა.

გურამ ჯაში თავდასხმის შემდეგ, მისივე მოთხოვნით, საავადმყოფოში არ გადაუყვანიათ, თუმცა რამდენიმე საათში მისი მდგომარეობა დამძიმდა, რადგან თავის ქალა ჰქონდა გაბზარული. მსახიობი ინგოროყვას კლინიკაში გადაიყვანეს, მას თავის არეში დიდი ზომის ჰემატომა ჰქონდა და თავის ქალის ტრეპანაცია დასჭირდა.

მსახიობს თავს მშრალ ხიდზე, საღამოს დაესხნენ. გურამ ჯაში ჯერ გამოძიებას არ დაუკითხვას, თუმცა მისი მშობლების ინფორმაციით, დაზარალებულმა ექიმებს უამბო, რომ თავს ყაჩაღობის მიზნით დაესხნენ. თავში სავარაუდოოდ, ბლაგვი საგნის ჩარტყმის შემდეგ დაზრალებულმა რამდენიმე წუთით გონება დაკარგა.

სამართლადამცველები მომხდარში ყაჩაღური თავდასხმის ნიშნებს ვერ ხედავენ და საქმეს სხეულის განზრახ მსუბუქი დაზიანების მუხლით იძიებენ. უცნობია დაადგინა თუ არა პოლიციამ თავდამსხმელების ვინაობა. ამ დრომდე დაკავებული არავინ არ არის.

]]>
22-02-2017 21:15 +0400
ე.წ. ციანიდის საქმის მთავარი მოწმეები მეორე დღეა საპატრიარქოში აქტიურად დადიან http://rustavi2.com/ka/news/68744

ციანიდის საქმის მთავარი მოწმეები ილია მეორის თბილისში დაბრუნების შემდეგ საპატრიარქოში უკვე მეორე დღეა აქტიურად დადიან. ადვოკატების - ლილი გელაშვილის და ირმა ჭკადუას ვიზიტები პატრიარქთან, სავარაუდოდ, სწორედ ციანიდის საქმეს უკავშირდება.

ირმა ჭკადუა და ლილი გელაშვილი ის ადვოკატები არიან, რომლებსაც დეკანოზი გიორგი მამალაძის საქმეში არსებული ჩანაწერები საქმის მთავარმა მოწმემ, ირაკლი მამალაძემ გადასცა.

გავრცელებული ინფორმაციით, გუშინ მთავარი პროკურორის პარალელურად, ციანიდის საქმეზე ინფორმაცია საქართველოს კათალიკოს პატრიარქს, პროკურატურის მოწმეებმა პირადად მიაწოდეს.

ციანიდის საქმესთან დაკავშირებით კარგად ინფორმირებულია ნანა კაკაბაძეც. სწორედ მისგან გახდა გუშინ ცნობილი რომ, საქმეში არსებული ჩანაწერები პროკურატურამ სასულიერო პირების უმრავლესობას მოასმენინა.

კაკაბაძე საქმეში არსებული ჩანაწერების მძიმე შინაარსზეც საუბრობს, თუმცა კითხვაზე, საიდან, ან რა სტატუსით გაეცნო პროკურატურის მტკიცებულებებს, განმარტავს, რომ ამის შესახებ ინფორმაცია მას ირმა ჭკადუამ მიწოდა, რომლსაც ხელი გაუთქმელობის პირობაზე აქვს მოწერილი.

ნანა კაკაბაძემ განცხადება გუშინ საპატრიარქოს პოზიციასთან დაკავშირებითაც გააკეთა. მისი ინფორმაციით, სინოდის წევრები მიტროპოლიტ პეტრე ცაავას გარდა, დეკანოზ გიორგი მამალაძის თავდებით გათავისუფლებას ეწინააღმდეგებიან და მიმდინარე გამოძიებას ენდობიან.

პროკურატურას საქმის მასალების მისთვის სასურველი პირებისთვის გაცნობაში ადანაშაულებს ოპოზიცია. ევროპული საქართველოს წევრებს მიაჩნიათ რომ, ბრალდების მხარის მოწმეების ვიზიტებით საპატრიარქოში, პროკურატურა ეკლესიაზე გავლენის მოხდენას ცდილობს.

გაასაჯაროვებს თუ არა პროკურატურა ციანიდის საქმეში არსებულ მტკიცებულებებს ჯერ-ჯერობით უცნიბია. პროკურატურაში მიმდინარე საგამოძიებო უწყებებზე კომენტარს არ აკეთებენ.

გავრცელებული ინფორმაციით, ამავე საქმეზე დღეს ბრალდებას პატრიარქის რეფერატი უნდა დაეკითხა. თუმცა, ის პროკურატურაში დღეს არ გამოჩენილა. სწორედ შორენა თეთრუაშვილის მკვლელობის მომზადებას ედავება, ადვოკატების ცნობით, პროკურატურა დეკანოზ გიორგი მამალაძეს. რა ინფორმაციას მიაწოდებს პატრიარქის მდივან რეფერატი გამოძიებას, უცნობია. 

ავტორი: მარიამ გაფრინდაშვილი. 

]]>
22-02-2017 21:10 +0400
ბრალდებული დეკანოზი 11 დღიანი დუმილის შემდეგ გამოძიების შეკითხვებს უპასუხებს http://rustavi2.com/ka/news/68740

დღეს დეკანოზი გიორგი მამალაძე ჩაფიძის კლინიკიდან ე.წ. მატროსოვის ციხეში გადაიყვანეს. 5 დღიანი მკურნალობის შემდეგ ექიმებმა ბრალდებული სასულიერო პირის ჯანმრთელობის მდგომარეობა დამაკმაყოფილებლად ჩათვალეს.

მამა გიორგის თხოვნის მიუხედავად, პატრიარქმა და სინოდის წევრებმა ე.წ. ციანიდის საქმეში ბრალდებულთან შეხვედრაზე უარი თქვეს. მიზეზად ილია მეორეს ჯანმთელობის მდგომარეობა, სინოდის შემთხვევაში კი უსაფრთხოება დაასახელეს. ამ საკითხზე დამატებითი განმარტება საპატრიარქოს ფონდის ხელმძღვანელმა, ლაშა ჟვანიამ გააკეთა.

დღეს დეკანოზ გიორგი მამალაძის ადვოკატმა კიდევ ერთხელ დაადასტურა, რომ სასულიერო პირი მზად არის ჩვენების მისაცემად. მამაოს უფლებების დამცველი დარწმუნებულია, რომ ეს ჩვენება ბევრ კითხვას გასცემს პასუხს. მათ შორის იმ იარაღზეც, რომელიც გიორგი მამალაძის სახლში აღმოაჩინეს.

ადვოკატი დეტალებს არ აკონკრეტებს, თუმცა აცხადებს, რომ ცეცხლსასროლი იარაღი დეკანოზს არ ეკუთვნის. ახლა ყველა სწორედ მკვლელობის მომზადებაში ბრალდებული სასულიერო პირის ჩვენების მოლოდინშია. მამალაძე 11 დღიანი დუმილის შემდეგ გამოძიების შეკითხვებს უპასუხებს.

ავტორი: თეონა ცხომელიძე

]]>
22-02-2017 21:06 +0400
მეუფე პეტრე აცხადებს, რომ დეკანოზის თავდებით გათავისუფლების მოსაზრება პატრიარქმა გააჟღერა http://rustavi2.com/ka/news/68746

მეუფე პეტრე მამა გიორგის ცაავა ნანა კაკაბაძის მიერ გაკეთებულ განცხადებას ეხმაურება იმასთან დაკავშირებით, თითქოს ე.წ. ციანიდის საქმეზე დაკავებული დეკანოზის თავდებით გათავისუფლების მომხრე მხოლოდ ის იყო. მეუფეს განმარტებით, ეს მოსაზრება პირველად თავად პატრიარქმა გააჟღერა.

მეუფე პეტრემ ასევე, კურიერთან სატელეფონი საუბარში აღნიშნა, რომ მამა გიორგის უსაფრთხოებიდან გამომდინარე, სინოდის წევრებმა მოსაზრება გამოთქვეს, რომ ჯობდა, ის დარჩენილიყო საპყრობილეში, რასაც საბოლოოდ მეუფე პეტრეც და პატრიარქიც დაეთანხმა. 

"ის, რომ მხოლოდ მეუფე პეტრე იყო განსხვავებულ აზრზე თავდებით გამოშვებისა, არ შეესაბამება სიმართლეს და ეტყობა ან ცრუობს ან არასწორი ინფორმაცია აქვს ქალბატონ უფლებათა დამცველს. პატრიარქის მიერ იქნა ეს მოსაზრება პირველად გაჟღერებული, რომ თავდებით გამოსულიყო მამა გიორგი. ფაქტიურად, მე და პატრიარქი ვიყავით ამ კუთხით ერთ აზრზე, უბრალოდ სინოდის წევრებმა თხოვეს მის უწმინდესობას, რომ მამა გიორგის უსაფრთხოებიდან გამომდინარე, ჯობდა, ის დარჩენილიყო საპყრობილეში და დავლოდებოდით გამოძიების წარმართვას, რასაც საბოლოოდ დავეთანხმეთ," - აცხადებს მეუფე პეტრე. 

]]>
22-02-2017 20:54 +0400
დედაქალაქის მერი საპატრიარქოში მივიდა http://rustavi2.com/ka/news/68741

დედაქალაქის მერი საპატრიარქოში იმყოფება. დავით ნარმანია იქ ცოტა ხნის წინ მივიდა. ამ ეტაპზე უცნობია მისი საპატრიარქოში მისვლის მიზეზი. მას ჟურნალისტებთან კომენტარი არ გაუკეთებია.

]]>
22-02-2017 20:09 +0400
Amnesty International-ის ანგარიში საქართველოს სასამართლო დამოუკიდებლობაზე - პოლიტიკური შეფასებები http://rustavi2.com/ka/news/68739

პოლიტიკოსები საერთაშორისო ორგანიზაცია Amnesty International-ის მიერ საქართველოში სასამართლოს დამოუკიდებლობის ნაკლებობის თაობაზე გამოქვეყნებულ დოკუმენტს აფასებენ.

Amnesty International ყოველწლიურ ანგარიშში რუსთავი 2-ის გარშემო განვითრებულ მოვლენებზე არის საუბარი. დოკუმენტში ასევე ნახსენებია ე.წ. კაბელების საქმე და ვანო მერაბიშვილის წინასწარი პატიმრობის ვადის გახანგრძლივებაზე სტრასბურგის სასამართლოს მიერ მიღებული გადაწყვეტილებაც.

საქართველოს პარლამენტის თავმჯდომარის მოადგილე, ზვიად ძიძიგური აცხადებს, რომ დოკუმენტს არ გაცნობია, თუმცა აღნიშნავს, რომ წელიწადნახევრის განმავლობაში არის მცდელობა ქართული ოცნება რუსთავი 2-ის საქმეში მხარედ გამოიყვანონ.

„ეს არ გამოუვათ ეს ამბავი, რუსთავი 2-ის მეპატრონეები შეიცვალა ძალიან ბევრჯერ და ძალიან უცნაურ ვითარებაში 95 წლის შემდეგ, ამიტომ სასამართლო დავა, თუ ვისი საკუთრებაა რუსთავი 2, არის ძალიან ლოგიკური მოვლენა,“ - განაცხადა ზვიად ძიძიგურმა.

პარლამენტის ფრაქცია მოძრაობა თავისუფლებისთვის - ევროპული საქართველოს წევრი, გიორგი ტუღუში ხელისუფლებას ურჩევს ანგარიში ყურადღებით წაიკითხონ, რათა მიხვდნენ, თუ რა პრობლემები არსებობს ქვეყანაში.

ერთიანი ნაციონალური მოძრაობის პოლიტიკური საბჭოს წევრი კი აცხადებს, რომ ანგარიშიდან მკაფიოდ ჩანს, რომ საქართველოში „ადგილი აქვს შერჩევით მართლმსაჯულებას“.

]]>
22-02-2017 19:10 +0400
ლაშა ჟვანიას თქმით, პატრიარქი ჯანმრთელობის მდგომარეობის გამო მამა გიორგის ვერ შეხვდება http://rustavi2.com/ka/news/68736

საქართველოს კათოლიკოს-პატრიარქის ფონდის ხელმძღვანელმა, ლაშა ჟვანიამ ჟურნალისტებთან კომენტარი გააკეთა. მან ცოტა ხნის წინ დატოვა საპატრიარქოს შენობა. 

ლაშა ჟვანიას თქმით, პატრიარქი ჯანმრთელობის მდგომარეობის გამო ე.წ. ციანიდის საქმეში ბრალდებულ მამა გიორგისთან შესახვედრად სასჯელაღსრულების დაწესებულებაში ვერ მივა. მისივე განცხადებით, თავად ბრალდებულის საპატრიარქოში მისვლის პრეცენდენტი არ მომხდარა და ამიტომ არ მიაჩნია სწორად დეკანოზის საპატრიარქოში მისვლა.

ლაშა ჟვანიამ საპატრიარქოში აუდიტის შესვლასთან დაკავშირებით დასმულ შეკითხვასაც უპასუხა და აღნიშნა, რომ თუ საჭიროება არსებობს, აუდიტი საპატრიარქოში უნდა შევიდეს. 

]]>
22-02-2017 18:54 +0400
მთელი ეს პერიოდი ხდებოდა, არა კონსულტაციების რეჟიმში ყოფნა, არამედ, ერთპიროვნული გადაწყვეტილებების მიღება - გიორგი აბაშიშვილი http://rustavi2.com/ka/news/68735

საქართველოს პრეზიდენტის ადმინისტრაციის უფროსი, გიორგი აბაშიშვილი აცხადებს, რომ ე.წ. მოსმენების კანონპროექტი ძალიან მგრძობიარე თემაა, რადგან საზოგადოებრივი ინტერესი ძალიან მაღალია. აქედან გამომდინარე, მისი თქმით, პრეზიდენტის ადმინისტრაციამ საპარლამენტო უმრავლესობას კონსულტაციები შესთავაზა, რაზეც დეპუტატებმა უარი განაცხადეს.

„სწორედ ეს არის საფუძველი კიდევ ერთი და არა ერთადერთი, რომ ვივარაუდოთ, უმრავლესობა მიდის თვითიზოლაციისკენ, რომელიც არ არის კარგი არც ქვეყნისთვის და არც ამ პოლიტიკური გუნდისათვის,“ - განაცხადა გიორგი აბაშიშვილმა.

მისი თქმით, მსგავსი თვითიზოლაციის ფაქტები პარლამენტისთვის ხშირად უშედეგოდ სრულდება.

ზურაბ აბაშიშვილი ამბობს, რომ საპარლამენტო უმრავლესობა ძალიან ხშირად დგამს მსგავს ნაბიჯებს და პრეზიდენტის არა ერთი ვეტოს დაძლევის ფაქტს იხსენებს.

„მთელი ეს პერიოდი ხდებოდა, პრაქტიკულად, არა კონსულტაციების რეჟიმში ყოფნა, არამედ, ასე ვთქვათ, ერთპიროვნული გადაწყვეტილებების მიღება, ჩაკეტილ წრეში გადაწყვეტილებების მიღება და ჩვენ ამის შედეგს ყოველთვის ვიმკიდით მომავალში. მთელი ეს პერიოდი ვკარგავდით დროს, ენერგიას და ფინანსურ რესურსს. სამწუხაროდ, მთავარი პრინციპი არის კვლავ ის, რომ უმრავლესობა თვლის, რომ მას აქვს მონოპოლია ჭეშმარიტებაზე,“ - განაცხადა გიორგი აბაშიშვილმა.

მისი თქმით, მსგავს შეცდომას როგორც წინა მოწვევის, ისე ნაციონალური მოძრაობის საპარლამენტო უმრავლესობაში ყოფნის დროს სამწუხაროდ, ხშირად უშვებს და „ერთსა და იმავე წრეზე მიდის“.

შეკითხვაზე - დაადებს თუ არა საქართველოს პრეზიდენტი ვეტოს ე.წ. მოსმენების კანონპროექტს - გიორგი აბაშაშვილმა განაცხადა, რომ ეს გიორგი მარგველაშვილმა თავად უნდა გადაწტყვიტოს.

]]>
22-02-2017 18:48 +0400
„სუს-ი არ შეიძლება უსმენდეს მოსახლეობას“ - ირაკლი აბესაძე http://rustavi2.com/ka/news/68731

ფრაქცია მოძრაობა თავისუფლებისთვის - ევროპული საქართველოს წევრი, ირაკლი აბესაძე აცხადებს, რომ საკონსტიტუციო სასამართლოს გადაწყვეტილებით, სახელმწიფო უსაფრთხოების სამსახურის დაქვემდებარებაში მყოფი ორგანოს მიერ მოქალაქეების პირად ცხოვრებაში ჩარევა დაუშვებელია.

„სუს-ი არ შეიძლება უსმენდეს მოსახლეობას,“ - განაცხადა ირაკლი აბესაძემ კურიერის პირდაპირ ეთერში.

ის ამბობს, რომ უმრავლესობის მიერ პარლამენტში ინიცირებული ე.წ. მოსმენების კანონპროექტი საკონსტიტუციო სასამართლოს მთავარ მოთხოვნას არ აკმაყოფილებს.

მოძრაობა თავისუფლებისთვის - ევროპული საქართველო პარლამენტს ალტერნატიულ კანონპროექტს თავაზობს. ირაკლი აბესაძის თქმით, პარტიის კომპრომისულ ვარიანტში მონიტორინგის ფუნქცია ქართული ოცნების მიერ არჩეულ პრემიერმინისტრს რჩება.

„შევქმნათ სუს-ისგან დამოუკიდებელი სააგენტო, რომელიც განახორციელებს ამ მოსმენებს და ის იქნება პრემიერმინისტრის დაქვემდებარებაში,“ - აცხადებს ირაკლი აბესაძე.

მისი თქმით, სახელმწიფო უსაფრთხოების სამსახურს მოსმენების უკანონოდ განხორციელების ინსტრუმენტი არ უნდა დარჩეს. ირაკლი აბესაძე აცხადებს, რომ პარლამენტს მოძრაობა თავისუფლებისთვის - ევროპული საქართველოს ინიციატივის მოსმენა მოუწევს.

„რეგლამენტის და კანონმდებლობის შესაბამისად, მათივე ინიციატივის პარალელურად, საქართველოს პარლამენტს მოუწევს მსჯელობა და ხვალ-ზეგ უკვე საკომიტეტო მოსმენებზე საზოგადოება დაინახავს, თუ რა კონტრარგუმენტები შეიძლება აღმოაჩნდეს ხელისუფლებას იმის საწინააღმდეგოდ, რომ ქვეყანაში უზრუნველყოფილი იყოს კანონიერი მოსმენები, ადამიანის უფლებების დაცვა,“ - განაცხადა ირაკლი აბესაძემ.

ის ასევე ამბობს, რომ დღეს ნაციონალური მოძრაობის მიერ წარდგენილი ინიციატივა ფარული მიყურადების კანონპროექტის თაობაზე, მოძრაობა თავისუფლებისთვის - ევროპული საქართველოს მიერ შეთავაზებული ალტერნატივის გამოძახილია.

]]>
22-02-2017 18:33 +0400
"გადაადგილება თავისუფალია" - ირმა ჭკადუამ საპატრიარქო დატოვა http://rustavi2.com/ka/news/68730

"გადაადგილება თავისუფალია, თქვენ ხომ არ გგონიათ, რომ ფიზიკურად მზღუდავთ,“ - ასე მიმართა ე.წ. ციანიდის საქმეზე პროკურატურის ერთ-ერთმა მოწმემ, ირმა ჭკადუამ საპატრიარქოდან გამოსვლის შემდეგ ჟურნალისტებს.

ადვოკატმა ირმა ჭკადუამ მედიასთან კომენტარი არ გააკეთა, თუ რასთან დაკავშირებით იმყოფებოდა ის საპატრიარქოში.

ირმა ჭკადუა საპატრიარქოში უკვე მეორედ მივიდა. მასთან ერთად ადვოკატი ლილი გელაშვილიც იმყოფებოდა.

]]>
22-02-2017 18:20 +0400
ციანიდის საქმის მოწმეები საპატრიარქოში მივიდნენ http://rustavi2.com/ka/news/68727

ცოტა ხნის წინ საპატრიარქოში უკვე მეორედ მივიდა ე.წ. ციანიდის საქმეზე პროკურატურის ერთ-ერთი მთავარი მოწმე ირმა ჭკადუა. მასთან ერთად იმყოფება ადვოკატი ლილი გელაშვილიც.

ირმა ჭკადუამ და ლილი გელაშვილმა მედიასთან კომენტარი არ გააკეთეს.

 

ავტორი: მარიკა გოცირიძე.  

]]>
22-02-2017 18:06 +0400
ლუკავას საქმე - გალის სამმხრივი შეხვედრა დღეს უშედეგოდ დასრულდა http://rustavi2.com/ka/news/68726

გალში ინციდენტების პრევენციისა და მათზე რეაგირების მექანიზმის სამმხრივი შეხვედრა დღეს უშედეგოდ დასრულდა. ენგურის ხიდზე ქართულ მხარეს გიორგი ლუკავას ოჯახი დახვდა, თუმცა დელეგაციის განმარტებით, საქმეზე კონკრეტული პასუხები შეხვედრისას ვერ მიიღეს.

ლალი ბასარია ამტკიცებს, რომ მისი მეუღლე საოკუპაციო რეჟიმმა შეიწყალა და მის გაცვლას ითხოვს, თუმცა ქართული მხარე ამ შემოთავაზებას არ თანხმდება.

„აფხაზურმა მხარემ შეიწყალა ლუკავა გიორგი, რამდენადაც ჩვენ გვაქვს ინფორმაცია. პრეზიდენტმა მოაწერა ხელი, დეფაქტო ხელისუფლების უშიშროების მინისტრი შევიდა და უთხრა, რომ შეწყალებულია ლუკავა გიორგი, მაგრამ ქართულ ხელისუფლებას, რამდენადაც ვიცით, ისეთ ადამიანს ითხოვენ, რომელიც არ უღირს ალბათ ლუკავა გიორგიზე გაცვალონ და როგორც ის 4 რუსი აჩუქეს, გაყიდეს, თუ გაასხვისეს, ამაში არ ვარ ჩაძიებული, ისე უნდათ, რომ ის ვიღაცა გაყიდონ და ჯიბეები გაისქელონ,“ - განაცხადა ლალი ბასარიამ.

ლუკავას შეწყალებასთან დაკავშირებით, ინფორმაციას არ ფლობენ სახელმწიფო უსაფრთხოების სამსახურში. უწყებაში აცხადებენ, რომ შეხვედრაზე ინფორმაცია მხოლოდ ლუკავას ჯანმრთელობისა და უსაფრთხოების მდგომარეობის შესახებ მიიღეს.

სახელმწიფო უსაფრთხოების სამსახურის საინფორმაციო ანალიტიკური დეპარტამენტის დირექტორის მოადგილის კახაბერ ქემოკლიძის განცხადებით, შეხვედრაზე გათავისუფლებასთან დაკავშირებით რაიმე მკაფიო პოზიცია არ დაფიქსირებულა და მისი თქმით, ერთადერთი რაც განაცხადეს იყო ის, რომ გიორგი ლუკავას ბრალი ედება საკმაოდ მძიმე დანაშაულებში.

„მის ე.წ. ბრალთან დაკავშირებით არის ბევრი კითხვის ნიშანი. მისი ჯანმრთელობის მდგომარეობას შეიძლება ემუქრებოდეს საფრთხე. მის უსაფრთხოებასთან დაკავშირებით, გვაქვს ჩვენ გარკვეული შეშფოთების მიზეზები,“ - განაცხადა კახაბერ ქემოკლიძემ.

ამ საკითხთან დაკავშირებით კომენტარი გააკეთა ერთიანი ნაციონალური მოძრაობის პოლიტიკური საბჭოს წევრმა კოტე იოსელიანმა, რომელმაც ხელისუფლება რუსულ სპეცსამსახურებთან თანამშრომლობაში დაადანაშაულა.

„დარწმუნებული ვართ, რომ მათ ზუსტად იციან რა ვითარებაა, მაგრამ დავალება აქვთ მიღებული ისეთი, რომ არანაირი წინსვლა ამ მიმართულებით არ იყოს. ხელისუფლება უკვე ღიად თანამშრომლობს რუსულ სპეცსამსახურებთან,“ - განაცხადა კოტე იოსელიანმა.

გიორგი ლუკავას მეუღლე ხვალიდან შიმშილობის დაწყებას გეგმავს.

]]>
22-02-2017 17:54 +0400