RUSTAVI2 Rustavi2 TV News Portal RSS Feed Rustavi2 Broadcasting Company http://rustavi2.com/ საქართველოსა და ლატვიის პრეზიდენტები ყვარელში "მუსიკის კუნძულის" გახსნის ცერემონიას დაესწრნენ http://rustavi2.com/ka/news/71858

საქართველოს პრეზიდენტი გიორგი მარგველაშვილი და ლატვიის პრეზიდენტი რაიმონდს ვეიონისი კახეთის რეგიონს ეწვივნენ. ორი ქვეყნის პრეზიდენტები ყვარელში პირველი ლატვიურ-ქართული პროექტის მუსიკის კუნძულის გახსნის ცერემონიას დაესწრნენ, რომელიც ილიას ტბაზე განხორციელდება.

ღონისძიებაზე გიორგი მარგველაშვილმა და რაიმონდს ვეიონისმა დამსწრე საზოგადოებას სიტყვით მიმართეს და ორი ქვეყნის თანამშრომლობის მნიშვნელობაზე გაამახვილეს ყურადღება. 

„ბატონო პრეზიდენტო, ლატვიამ არა ერთხელ გაუწოდა დახმარების ხელი საქართველოს. ეს გამოიხატა ბევრი თვალსაზრისით, თუმდაც იმ ევროპული ინტეგრაციის პროცესში, რომლის მონაწილეც ჩვენ ვართ,“ - განაცხადა გიორგი მარგველაშვილმა.

ლატვიის პრეზიდენტმა რაიმონდ ვეიონისმა კი ხაზი გაუსვა ქართულ და ლატვიურ ბიზნეს შორის პოზიტიური ზრდის ტენდენციას, ასევე ინვესტიციების ზრდას.

„ჩვენ დღეს სიმბოლურად გავცვლით მუსიკალურ გასაღებებს და დარწმუნებული ვარ, ეს გასაღები გააღებს იმ კარს, რომელიც უფრო და უფრო დააახლოებს ჩვენს კულტურებს და სხვა სფეროებს,“ - აღნიშნა რაიმონდ ვეიონისმა.

ლატვიის პრეზიდენტის რაიმონდს ვეიონისისა და მისი მეუღლის ივეტა ვეიონისის ოფიციალური ვიზიტი საქართველოში დღეს დასრულდა. ლატვიის დელეგაცია საქართველოს ხვალ დატოვებს.

]]>
29-03-2017 20:41 +0400
რუსული აგრესია - საქართველოს ოკუპირებულ რეგიონებში მოსკოვის ქმედებები გაეროში დაგმეს http://rustavi2.com/ka/news/71857

დღეს, უკრაინის ინიციატივით, რუსული აგრესია და საქართველოს ოკუპირებულ რეგიონებში რუსეთის ქმედებები, გაეროს უშიშროების საბჭოს განხილვის თემა კიდევ ერთხელ იყო. კიევი უკვე მეორედ ცდილობს საერთაშორისო თანამეგობრობის მობილიზება საქართველოს პრობლემებზე მოახდინოს.

რუსეთის წარმომადგენლის გარდა, ამ საკითხზე თითქმის ყველას ერთიანი პოზიცია ჰქონდა. საბჭოს წევრებმა ერთობლივი განცხადების მიღებაც დააყენეს დღის წესრიგში, თუმცა მოსკოვმა საკუთარი უფლება გამოიყენა და ეს საკითხი დაბლოკა.

ამის მიუხედავად, უკრაინა, რომელიც უშიშროების საბჭოს დროებითი წევრია, საქართველოს ოკუპირებული ტერიტორიების პრობლემატიკას ამ ფორმატში მუდმივად წამოწევს. უკრაინის შეშფოთებას იზიარებს დიდი ბრიტანეთიც, რომელიც ამ ეტაპზე უშიშროების საბჭოს თავმჯდომარეა.

საქართველოში კი, ოპოზიცია ხელისუფლებას წინა წლების პასიურობას ახსენებს და მოუწოდებს, უფრო აქტიურად გამოიყენოს საერთაშორისო ფორუმები იმისთვის, რომ რუსეთთან პირისპირ არ დარჩეს.

გაეროს უშიშროების საბჭოში უკრაინის ინიციატივით საქართველოს საკითხზე პირველი დისკუსია დეკემბრის დასაწყისში შედგა. მაშინაც ოფიციალური დოკუმენტის მიღებას გაერთიანებული ერების ორგანიზაციაში რუსეთმა შეუშალა ხელი.

]]>
29-03-2017 20:33 +0400
თვითმმართველი ქალაქების ბედი - სტატუსის შესაძლო ჩამორთმევას არასამთავრობოები და ოპოზიცია ეწინააღმდეგება http://rustavi2.com/ka/news/71855

120 არასამთავრობო ორგანიზაცია 7 თვითმმართველი ქალაქისთვის სტატუსის შესაძლო ჩამორთმევის წინააღმდეგია. ამ გადაწყვეტილებას ისინი დემოკრატიის ხარისხის შემცირების ტოლფასს უწოდებენ.

არასმთავრობო სექტორის წარმომადგნელებმა დღეს საგანგებო წერილით პრემიერმინისტრს და პარლამენტის თავმჯდომარეს მიმართეს. არასამთავრობო სექტორმა მმართველ გუნდს, თვითმმართველობის შესახებ, წინასაარჩევნო დაპირებაც შეახსენა.

პარლამენტის თავჯდომარე არ გამორიცხავს, რომ კონსულტაციები არასამთავრობო სექტორთან გამართოს. თვითმმართველი ქალაქების შემცირების თაობაზე მთავრობასა და პარლამენტს შორის მსჯელობა უკვე მიმდინარეობს. პარლამენტში საკანონმდებლო ინიციატივას სავარაუდოდ, რეგიონული განვითარების და ინფრასტრუქტურის სამინისტრო წარადგენს.  

საპარლამენტო უმცირესობა თვითმმართველი ქალაქების რაოდენობის და არჩევითი პოსტების შემცირებას, მხარს არ დაუჭერს. ოპოზიციაში მიაჩნიათ, რომ ხელისუფლებამ ადგილობრივი არჩევნებისთვის საკუთარი მხარდამჭერების მობილიზება დაიწყო.

პოლიტიკურ დაინტერესებას თვითმმართველობის რეფორმაში მმართველი გუნდი კატეგორიულად გამორიცხავს. საპარლამენტო უმრავლესობაში მიაჩნიათ, რომ ხშირ შემთხვევაში უფლებამოსილებების დუბლირება ხდება.

ამ ეტაპზე საქართველოს მასშტაბით 12 თვითმმართველი ქალაქია. იმ შემთხვევაში თუ თვითმმართველი ქალაქების რაოდენობა შემცირდა, ადგილობრივ არჩევნებზე მერს მხოლოდ თბილისში, რუსთავში, ქუთაისში, ფოთსა და ბათუმში აირჩევენ.

]]>
29-03-2017 20:20 +0400
პრეზიდენტის არჩევის წესი - ირაკლი კობახიძის კრიტერიუმები და ოპოზიციის შეფასებები http://rustavi2.com/ka/news/71852

პარლამენტის თავმჯდომარე იმ კრიტერიუმებს ასახელებს, რომლის მიხედვითაც ქვეყნის ახალი პრეზიდენტი უნდა შეირჩეს და აირჩეს. ირაკლი კობახიძის განმარტებით, უპირველეს ყოვლისა, ის არ უნდა იყოს ქარიზმატული და არც მოსახლეობასთან უნდა მართავდეს შეხვედრებს.

პარლამენტის თავმჯდომარის ციტატები დღეს ჟურნალისტებს უმცირესობამ წარუდგინა. მათივე ინფორმაციით, ამ არგუმენტით ირაკლი კობახიძე შეეცადა დაემტკიცებინა, რომ პრეზიდენტის პირდაპირი წესით არჩევის გაუქმება აუცილებელია. განცხადებები, რომლებზეც ოპოზიციამ ისაუბრა, დახურულ შეხვედრაზე გაკეთდა, სადაც გადამღები ჯგუფები არ იმყოფებოდნენ.

პარლამენტის თავმჯდომარემ ოპოზიცია სიცრუეში დაადანაშაულა. ირაკლი კობახიძის თქმით, მას დახურულ შეხვედრაზე ის განცხადებები არ გაუკეთებია, რაზეც ოპონენტები საუბრობენ.

მმართველი გუნდის პოზიციას - გაუქმდეს პრეზიდენტის პირდაპირი წესით არჩევა, სამოქალაქო სექტორიც ეწინააღმდეგება. არასამთავრობოები ხელისუფლებას საერთაშორისო ორგანიზაციების რეკომენდაციებს ახსენებენ.

პრეზიდენტის არჩევის წესის ცვლილების ინიციატივას არასაპარლამენტო ოპოზიცია პოლიტიკურ გადაწყვეტილებას უკავშირებს.

იმ შემთხვევაში თუ მმართველი გუნდის პოზიცია საბოლოდ დამტკიცდა, მაშინ ამ დრომდე გაკეთებული განცხადებების მიხედვით, პრეზიდენტის არჩევის წესი 2023 წლის არჩევნებისთვის შეიცვლება. მომდევნო წელს კი, პრეზიდენტს ისევ საქართველოს მოსახლეობა აირჩევს.

]]>
29-03-2017 19:55 +0400
ქუთაისში მძიმე და შეზღუდული შესაძლებლობების მქონე პირთათვის სპეციალიზირებული მომსახურების ცენტრი გაიხსნა http://rustavi2.com/ka/news/71851

მძიმე და შეზღუდული შესაძლებლობების მქონე პირთათვის სპეციალიზირებული მომსახურების ცენტრი გაიხსნა ქუთაისში. საოჯახო ტიპის ცენტრში 24 საათიანი სამედიცინო მომსახურება, რეაბილიტაცია, ინდივიდუალური განვითარებისა და თემში ინტეგრირების სერვისების მიღება იქნება შესაძლებელი.

„მე მიხარია, რომ იმ მცირე ხნის განმავლობაში, რაც ბავშვები აქ იმყოფებიან და მათზე ინდივიდუალური მოვლა ხორციელდება, მათი განვითარება უკვე თვალშისაცემია,“ - განაცხადა ჯანდაცვის მინისტრმა დავით სერგეენკომ.

გახსნას დაესწრო ამერიკის შეერთებული შტატების საგანგებო და სრულუფლებიანი ელჩი საქართველოში იან კელიც.

„ეს კიდევ ერთი მაგალითია საქართველოსა და ამერიკის შეერთებული შტატების კარგი პარტნიორობის. აუცილებლად უნდა ვახსენოთ UNICEF-იც, რომელიც ამ პროექტში მონაწილეობდა. ძალიან მომეწონა ეს ცენტრი - არა მხოლოდ მისი გარეგნული მხარე, არამედ სერვისის მომწოდებლების დამოკიდებულება. ეს სიყვარული და ზრუნვა ცენტრში მყოფი ბავშვების მიმართ - თვალშისაცემია,“ - განაცხადა იან კელიმ.

]]>
29-03-2017 19:11 +0400
უნდა იყოს არა "ქართული ოცნების", არამედ საქართველოს კონსტიტუცია - მამუკა კაციტაძე http://rustavi2.com/ka/news/71849

ახალი მემარჯვენეების თავმჯდომარე, მამუკა კაციტაძე 15 არასაპარლამენტო პარტიის ქართულ ოცნებისადმი მიმართვას განმარტავს. მისი განცხადებით, არასაპარლამენტო პარტიები, პირველ რიგში, საქართველოში არსებულ საპარლამენტო საარჩევნო სისტემის პრობლემურობაზე საუბრობს. მამუკა კაციტაძის თქმით, ქვეყანაში, სადაც ერთპალატიანი პარლამენტია, მაჟორიტარულისა და პროპორციულის შერეული საარჩევნო სისტემა მიუღებელია.

ის განმარტავს, რომ მმართველი გუნდი მაჟორიტარული სისტემის გაუქმების წინააღმდეგი არ არის, თუმცა საკონსტიტუციო კომისიაში არჩევნების ისეთი მოდელი განიხილება, რომლის მიხედვითაც კვლავ ხმების უმრავლესობის პარტია იქნება მოგებულ მდგომარეობაში.

„ვინც ვერ გადალახავს ბარიერს, მათ მიერ მიღებულ ხმებს მთლიანად წაიღებს პირველ ადგილზე გასული პარტია. თუ აქამდე 28-25 პროცენტს იპარავდა ხელისუფლება მაჟორიტარული ხელისუფლების წყალობით, ახლა ეს ყველაფერი უნდა მოიპაროს უკვე პროპორციული წესით, იმიტომ რომ რაც ვერ განაწილდება, ყველაფერი მიაქვს პირველ ადგილზე გასულს,“ - განაცხადა მამუკა კაციტაძემ.

მან არჩევნებში ოპოზიციური პარტიებისთვის ბლოკებად გაერთიანების შესაძლო აკრძალვაზეც ისაუბრა.

ქართული ოცნება გვეუბნება, რომ იყოს პროპორციული, დაკარგულ ხმებს მთლიანად წავიღებ მე, ბარიერს არ დავწევ, ისევ 2-3-4 პარტია იქნება პარლამენტში და რაც მთავარია, ბლოკი არავინ არ უნდა შექმნათ, იმიტომ რომ ბლოკი რომ შექმნათ, ხომ შეიძლება, რომ მე გადამირჩიოთ, მე მუდმივად უნდა ვიყო,“ - განაცხადა მამუკა კაციტაძემ.

მან აღნიშნა, რომ საკონსტიტუციო კომისიას პარტიებმა 15 აპრილამდე გადაწყვეტილების მიღება იმიტომ თხოვა, რომ არასაპარლამენტო ოპოზიციას საკუთარი შენიშვნების წარდგენის საშუალება ჰქონდეთ.

მამუკა კაციტაძის აზრით, კონსტიტუცია უნდა იყოს არა „ქართული ოცნების, არამედ საქართველოს კონსტიტუცია“, რომელშიც ცვლილებების შესატანად ფართო საზოგადოებრივი ჩართულობა და მმართველი გუნდის გარდა, სხვა ადამიანების აზრიც უნდა იყოს გათვალისწინებული.

]]>
29-03-2017 19:01 +0400
როდესაც თქვენ მე მომკლავთ, სხვა ფადი ასლები წამოდგებიან ფეხზე - ფადი ასლი განცხადებას ავრცელებს http://rustavi2.com/ka/news/71850

საერთაშორისო სავაჭრო პალატის თავმჯდომარე ფადი ასლი ახალ გაცხადებას აქვეყნებს, სადაც საუბარია, რომ საერთაშორისო სავაჭრო პალატის სამ წევრს ძალიან სერიოზული ზიანი მიაყენეს ბიზნესმენებმა, რომლებმაც საკუთარი მიზნის მისაღწევად, სამივე კომპანიისგან თაღლითურად მიეღოთ 150 მილიონი დოლარი, ერთი და იგივე კორუმპირებული მოსამართლე გამოიყენეს. 

"მივმართავ საზოგადოებას, დააკვირდნენ თუ როგორ განვითარდება მოვლენები. დანაშაულებრივად მოაზროვნეები, რომლებიც გეგმავდნენ უცხოური კომპანიების ხარჯზე ფულის გაკეთებას, ორგანიზებას გაუკეთებენ ჩემს წინააღმდეგ მიმართულ მედია კამპანიას, რათა შელახონ ჩემი რეპუტაცია. გარდა ამისა, ისინი შეეცდებიან გამოიყენონ მართლმსაჯულება ჩემს საწინააღმდეგოდ და ასევე ეცდებიან ფიზიკური ზიანიც მომაყენონ. ამ დამნაშავეებს მე ვეუბნები: შეგიძლიათ, რამდენიც გინდათ ბინძური ჟურნალისტი დაიქირაოთ, გამოიყენოთ თქვენი ოფიციალური კონტაქტები ან ვინმე დაიქირაოთ ჩემს მოსაკლავად. ვერაფერი მაიძულებს მე არ ვილაპარაკო სიმართლე და არ დავიცვა ჩემი წევრები თქვენი შანტაჟისა და რეკეტისგან. როდესაც თქვენ მე მომკლავთ, სხვა ფადი ასლები წამოდგებიან ფეხზე თქვენი დანაშაულებრივი საქმიანობის წინააღმდეგ. იცოდეთ, რომ მე უკვე დავაგზავნე ინფორმაცია როგორც საერთაშორისო, ასევე ადგილობრივ დონეზე და შესაბამისად, რაც არ უნდა მომივიდეს მე, ჩემი ოჯახის წევრებს თუ ჩემს პარტნიორებს, პასუხისმგებლობა თქვენ დაგეკისრებათ," - ნათქვამია განცხადებაში. 

 

 

 

 

]]>
29-03-2017 19:00 +0400
7 თვითმმართველი ქალაქისთვის სტატუსის ჩამორთმევა ადგილობრივი დამოუკიდებლობის ხარისხს უკან დაწევს - კოკა კიღურაძე http://rustavi2.com/ka/news/71845

მმართველობითი სისტემების განვითარების ცენტრის აღმასრულებელი დირექტორი, კოკა კიღურაძე აცხადებს რომ თვითმმართველი ქალაქების გამოყოფასთან დაკავშირებით არა ერთი კონსულტაცია გამართულა წლების განმავლობაში ხელისუფლებას, არასამთავრობო სექტორსა და ადგილობრივ მოსახლეობას შორის.

კოკა კიღურაძის აზრით, 7 თვითმმართველი ქალაქისთვის სტატუსის ჩამორთმევა ადგილობრივი დამოუკიდებლობის ხარისხს უკან დაწევს.

„ადგილობრივი თვითმმართველობა და ადგილობრივი დემოკრატიის ხარისხი არ არის მხოლოდ დაკავშირებული მერების და გამგებლების პირდაპირ არჩევითობასთან. ეს არის ერთ-ერთი ძალიან მნიშვნელოვანი კომპონენტი ადგილობრივი დემოკრატიისა და თვითმმართველობის, მაგრამ მეორე მნიშვნელოვანი კომპონენტი არის ის, რომ სოფელს ჰყავდეს საკუთარი ხელისუფლება და ბიუჯეტი, ხოლო ქალაქს საკუთარი ხელისუფლება და საკუთარი ბიუჯეტი,“ - განაცხადა კოკა კიღურაძემ.

მისი განმარტებით, ამგვარი მიდგომა სოფელსა და ქალაქს დამოუკიდებელი განვითარების საშუალებას აძლევს. ის აღნიშნავს, რომ თვითმმართველობების არსებობა ადგილობრივ მოსახლეობას მეტი ჩართულობის საშუალებას აძლევს, რაც პროცესებს უფრო დემოკრატიულს ხდის.

კოკა კიღურაძე მზაობას გამოთქვამს, რომ ამ საკითხზე კონსულტაციებში მონაწილეობა მიიღოს. მისი თქმით, ეს კონსულტაციები დაგვიანებული არ უნდა იყოს.

]]>
29-03-2017 18:22 +0400
ინდონეზიაში დაკარგული მამაკაცის ცხედარი პითონის სხეულში იპოვეს http://rustavi2.com/ka/news/71844

ინდონეზიაში დაკარგული მამაკაცის ცხედარი პითონის სხეულში იპოვეს. ამის შესახებ ინფორმაციას BBC ადგილობრივ პოლიციელზე დაყრდნობით ავრცელებს.

BBC-ის ცნობით, 25 წლის მამაკაცი რამდენიმე დღის წინ დაიკარგა. როგორც პოლიციამ BBC-ს განუცხადა, იპოვეს გველი, რომელზეც ეჭვობდნენ, რომ პითონს ადამიანი ჰყავდა გადაყლაპული.

7 მეტრიანი პითონის გაჭრის შემდეგ კი, მის სხეულში მამაკაცის ცხედარი აღმოაჩინეს. 

]]>
29-03-2017 18:15 +0400
"დღეს გვესმის, რომ თვითმმართველ ქალაქებს აუქმებენ, შესაბამისად, ქვეყნის განვითარებას აფერხებენ"- ლიზა სოფრომაძე http://rustavi2.com/ka/news/71843

საზოგადოებრივი და მედიაორგანიზაციების წარმომადგენლები პრემიერსა და პარლამენტის თავმჯდომარეს მიმართავენ და 7 თვითმმართველი ქალაქისთვის სტატუსის ჩამორთმევას აპროტესტებენ.

ღია წერილის შესახებ, რომელსაც 120 ორგანიზაცია აწერს ხელს, მიმართვის ერთ-ერთმა ავტორმა, რეგიონების განვითარების ცენტრის ხელმძღვანელმა, ლიზა სოფრომაძემ კურიერის პირდაპირ ეთერში დამატებითი განმარტებები გააკეთა.

„კატეგორიულად ხელისუფლებაში არავის განუცხადებია, რომ ამ ქალაქების გაუქმებაზე ლაპარაკი არ მიდის. ჩვენი განცხადების მიზანი იყო, რომ ხელისუფლებისთვის შეგვეხსენებინა, რომ 2013 წელს დეცენტრალიზაციის სტრატეგიით მათ აიღეს ვალდებულება თვითმმართველობის განვითარების, კარგად გაწერეს ვალდებულები, 2014 წელს თვითმმართველ ქალაქს, ანალიზზე, გათვლებზე დაყრდნობით, გამოყვეს 7 თვითმმართველი ქალაქი. დღეს გვესმის, რომ თვითმმართველ ქალაქებს აუქმებენ, შესაბამისად, ქვეყნის განვითარებას აფერხებენ,“ - განაცხადა ლიზა სოფრომაძემ.

რეგიონის განვითარების ცენტრის ხელმძღვანელის თქმით, დღეს იმაზე უნდა იყოს საუბარი, რომ ახალი ქალაქები შეიქმნას. 

„სამი წლის წინ ანალიზზე დაყრდნობით მიღებულ გადაწყვეტილებას შენ თვითონვე აუქმებ, როდის გენდოთ, როდის ვენდო ხელისუფლებას?“ - აღნიშნა ლიზა სოფრომაძემ. 

]]>
29-03-2017 18:07 +0400
მარიხუანას მოყვანა-კულტივაციის საქმეზე მოსამართლემ შუამდგომლობა პროცესის გადადების შესახებ არ დააკმაყოფილა http://rustavi2.com/ka/news/71842

ერთი ძირი მარიხუანას მოყვანა-კულტივაციის გამო ბრალდებული გიორგი ფანჯავიძის საქმის განხილვა 2 ივნისს გაგრძელდება.

დღევანდელ სხდომაზე მოსამართლემ ბრალდებულის შუამდგომლობა არ დააკმაყოფილა, რომელიც საკონსტიტუციო სასამართლოს გადაწყვეტილებამდე პროცესის გადადებას ითხოვდა. სწორედ საკონსტიტუციო სასამართლო განიხილავს იმ მუხლის კონსტიტუციურობას, რომლის საფუძველზეც გამოძიება მიმდინარეობს.

„ჩვენ დავაყენეთ შუამდგომლობა ერთი თვის წინ, რომ გადაედოთ სასამართლო პროცესი, რაც მოსამართლემ არ დააკმაყოფილა და სასამართლო პროცესი დაგვინიშნა 2 ივნისს,“ - აცხადებს გიორგი ფანჯავიძე.

]]>
29-03-2017 17:41 +0400
ლარი დოლართან მიმართებაში გაუფასურდა, ევროსთან კი გამყარდა http://rustavi2.com/ka/news/71839

საქართველოს ეროვნულმა ვალუტამ დოლართან მიმართებაში მცირე გაუფასურება განიცადა. ეროვნული ბანკის ოფიციალური კურსის მიხედვით, 1 აშშ დოლარი 2.4472 ლარს უტოლდება, როდესაც წინა ოფიციალური მონაცემის მიხედვით, დოლარი 2.4432 ლარი ღირდა.

დოლარისგან განსხვავებით, ლარი ევროსთან მიმართებაში 1 თეთრით გამყარდა. 1 ევრო, ოფიციალური კურსით, 2.6408 ლარი ღირს.

კომერციულ ბანკებში დოლარის ღირებულება ასეთია: TBC ბანკი2.492 ლარი, ბანკი რესპუბლიკა2.494 ლარი, პროკრედიტ ბანკი2.466 ლარი, საქართველოს ბანკი2.49 ლარი.

]]>
29-03-2017 16:58 +0400
არასამთავრობო სექტორი ე.წ. მოსმენების კანონთან დაკავშირებით სარჩელს ამზადებს http://rustavi2.com/ka/news/71837

არასამთავრობო ორგანიზაციები ე.წ. მოსმენების კანონის გარკვეულ მუხლებთან დაკავშირებით, გეგმავენ საკონსტიტუციო სასამართლოში სარჩელი შეიტანონ. მათ ასევე დაგეგმილი აქვთ ამ საკითხზე სტრასბურგის სასამართლოს მიმართონ.

„ჩვენი მოქალაქეების მიყურადება და თვალთვალი უფრო ორგანიზებული ხდება, იმიტომ რომ შემოღებული იქნება ასევე რეგიონული სააგენტოების, რომლებიც ასევე განახორციელებენ მოსმენას და რომლებსაც ასევე ექნებათ წვდომა მობილურ ოპერატორებთან დაცულ ინფორმაციაზე,“ - განაცხადა არასამთავრობო ორგანიზაცია საერთაშორისო გამჭვირვალობა - საქართველოს აღმასრულებელმა დირექტორმა, ეკა გიგაურმა.

სამართლიანი არჩევნებისა და დემოკრატიის საერთაშორისო საზოგადოების აღმასრულებელი დირექტორი, მიხეილ ბენიძე ფიქრობს, რომ ე.წ. მოსმენების კანონმა შესაძლოა საფრთხე არა მხოლოდ მოქალაქეების პირადი ცხოვრების დაცულობას შეუქმნას, არამედ, ამასთანავე, ხელი შეუწყოს მცირე და საშუალო სატელეკომუნიკაციო ბიზნესის განვითარებას და მათ პრობლემები შეუქმნას.

ე.წ. მოსმენების კანონი პირველი აპრილიდან ამოქმედდება. 

]]>
29-03-2017 15:43 +0400
საპარლამენტო უმცირესობის აზრით, თვითმმართველი ქალაქების გაუქმება ცენტრალიციისკენ მიმავალი გზაა http://rustavi2.com/ka/news/71831

საპარლამენტო უმცირესობაში აცხადებენ, რომ 7 თვითმმართველი ქალაქისთვის სტატუსის შეჩერებით მმართველი გუნდი არჩევნებისთვის რეგიონულ სსიპ-ებსა და აიპ-ებში საკუთარი აქტივის გაძლიერებას ცდილობს.

პარლამენტის ფრაქცია ნაციონალური მოძრაობის თავმჯდომარე, რომან გოცირიძე აცხადებს, რომ ქვეყანაში არჩევითობის პრინციპის დანერგვა აუცილებელია.

„ცუდი ის არის, რომ გამოიკვეთა ხელისუფლებაში ტენდენცია, როდესაც მათ არ უნდათ პირდაპირი არჩევნები, რაც თავისთავად, ერთმმართველობისა და ცენტრალიზაციისაკენ მიმავალი გზაა, რაც უმარტივებს მმართველ ხელისუფლებას ერთი მხრივ სასურველი მიმართულებით თავისი პოლიტიკური აქტივობის წარმართვას და მეორე მხრივ, ცენტრალიზებული სახელმწიფო, ეს ყოველთვის არის ხელისუფლების შენარჩუნებისა და უზურპირების ერთ-ერთი ფორმა,“ - აცხადებს რომან გოცირიძე.

პარლამენტის ფრაქცია მოძრაობა თავისუფლებისთვის - რეგიონების წევრი, ლაშა დამენია ამბობს, რომ ქართული ოცნება ზუგდიდს წინასაარჩევნოდ ჰპირდებოდა, რომ თვითმმართველი ქალაქის სტატუსს დაუბრუნებდა და დღეს მოვლენები სრულიად სხვაგვარად ვითარდება.

„დღეს ჩვენი ქვეყნის გამოსავალი არის მეტ დეცენტრალიზაციაში და ხალხთან უფრო ახლოს მიტანაში მმართველობის. უკან გადადგმული ნაბიჯია, თავისთავად, როდესაც თვითმმართველ ქალაქებს აუქმებს და უერთებ მთლიანად რაიონს,“ - აცხადებს ლაშა დამენია.

]]>
29-03-2017 15:25 +0400
უნდა განისაზღვროს პლიუსები და მინუსები - ირაკლი კობახიძე თვითმმართველი ქალაქებისთვის სტატუსის გაუქმებაზე საუბრობს http://rustavi2.com/ka/news/71828

თვითმმართველი ქალაქების გაუქმების საკითხზე კომენტარი საქართველოს პარლამენტის თავმჯდომარემ გააკეთა. ირაკლი კობახიძეს და პრემიერმინისტრს დღეს არასამთავრობო და მედიაორგანიზაციებმა ღია წერილით მიმართეს. მათი აზრით, 7 თვითმმართველი ქალაქისთვის სტატუსის შეჩერება მიუღებელია.

პარლამენტის თავმჯდომარის აზრით, ამ საკითხზე განცხადებების გაკეთება ნაადრევია, რადგან ამ თემაზე მნიშვნელოვანი განხილვაა საჭირო.

„როცა საქმე ეხება ადგილობრივ თვითმმართველობას, ძალიან მნიშვნელოვანია ფრთხილი მიდგომა. დეტალური განხილვის საფუძველზე უნდა განისაზღვროს პლიუსები და მინუსები, მათ შორის ეკონომიკური და სოციალური ეფექტი,“ - განაცხადა ირაკლი კობახიძემ.

პარლამენტის ფრაქცია ქართული ოცნება - სოციალ-დემოკრატების თავმჯდომარე, გია ჟორჟოლიანი ფიქრობს, რომ გადაწყვეტილებამ შესაძლოა ადგილობრივ დონეზე სიტუაცია გააუმჯობესოს.

]]>
29-03-2017 15:14 +0400
სამოქალაქო სექტორის ღია მიმართვა პრემიერს - ისინი 7 თვითმმართველი ქალაქისთვის სტატუსის ჩამორთმევას აპროტესტებენ http://rustavi2.com/ka/news/71825

სამოქალაქო სექტორი და მედიაორგანიზაციები პრემიერსა და პარლამენტის თავმჯდომარეს ღია წერილით მიმართავენ. ავტორები ხელისუფლებას მოუწოდებენ, მკაფიოდ ჩამოაყალიბოს პოზიცია და არ მიიღოს ისეთი გადაწყვეტილება, რომელიც განვითარების პროცესს შეაჩერებს. საუბარია 7 თვითმმართველი ქალაქისთვის სტატუსის ჩამორთმევაზე. ღია წერილს ხელს 120 ორგანიზაცია აწერს.

არასამთავრობო სექტორის წარმომადგენლების აზრით, სტატუსის შეჩერება ქვეყანაში დემოკრატიული განვითარებას შეაფერხებს.

„თუ ჩვენ პირდაპირ არჩევითობას გავაუქმებთ ადგილობრივ დონეზე, მაშინ გვექნება მხოლოდ არჩევითი საკრებულო, რომელიც არის წარმომადგენლობითი ორგანო, ხოლო აღმასრულებელი ორგანო მხოლოდ დაინიშნება და იქნება მხოლოდ ქალაქის თუ სოფლის მენეჯერი, რომელსაც წარმომადგენლობითი ხელისუფლება დანიშნავს. ამ გვარად, ფაქტობრივად, ადგილობრივი დემოკრატიის ხარისხი მნიშვნელოვნად გაუარესდება,“ - აცხადებს მმართველობითი სისტემების განვითარების ცენტრის ხელმძღვანელი, აკაკი კიღურაძე.

გორის საინფორმაციო ცენტრის ხელმძღვანელი, მიშა ჩიტაძე აცხადებს, რომ მთლიანი ბიუჯეტის, ფაქტობრივად 89 % ქალაქზე იხარჯებოდა და სოფელს მხოლოდ 11 % რჩებოდა ბიუჯეტიდან. მისი თქმით, მუნიციპალიტეტში სოფლის მოსახლეობა ბევრად მეტია, ვიდრე ქალაქში.

]]>
29-03-2017 15:06 +0400
ეს ყველაფერი მიანიშნებს იმაზე, რომ ხელისუფლება მონაწილეობდა ამ გადაწვაში - ბავშვთა სამყაროს მოვაჭრეების აქცია პროკურატურასთან http://rustavi2.com/ka/news/71819

ბავშვთა სამყაროს მოვაჭრეებმა პროკურატურასთან გამართულ საპროტესტო აქციაზე ხანძრის შედეგად დაზარალებულის სტატუსის მინიჭება კიდევ ერთხელ მოითხოვეს.

ადვოკატის თქმით, მათ პროკურატურაში რამდენიმე საჩივარი აქვთ შეტანილი, რომლებიც ასევე ხანძრის გამოძიებასა და პასუხისმგებელი სუბიექტის დადგენას და კანცელარიასთან კარვის გაშლისთვის ხელის შეშლას ეხებოდა, თუმცა რეაგირება საჩივრებზე ამ დრომდე არ ყოფილა.

„შეგნებულად ხდება გაჭიანურება, შეგნებულად ხდება დაზარალებულად არ ცნობა, ვინაიდან დაზარალებულად ცნობისთანავე უნდა მოხდეს პასუხისგებაში პიროვნებების მიცემა. ვინც ვალდებული იყო დაეცვა უსაფრთხოების წესები ხანძართან მიმართებაში. მოვითხოვთ, რომ სასწრაფოდ მოხდეს რეაგირება, ეს ადამიანები დაზარალებულად იქნენ ცნობილი და სასწრაფოდ იქნას დასჯილი ყველა ის პირი ვისაც წვლილი მიუძღვის ადამიანების ქონების განადგურებაში,“-განაცხადა ადვოკატმა ფრიდონ სიხუაშვილმა.

მოგვიანებით მოვაჭრეებსა და ადვოკატებს პროკურატურის წარმომადგენელი შეხვდა, რომელიც დაჰპირდა, რომ მოკლე დროში დაიწყება ხანძრის გამოძიება და რეაგირება და ასევე მოვაჭრეების დაზარალებულად ცნობა.

ბავშვთა სამყაროს მოვაჭრეების მოთხოვნებს შორის საბანკო ვალდებულებების შეჩერება და დაზარალებულად ცნობამდე, ერთჯერადი 5 ათას ლარიანი დახმარებაცაა.

„ამ შენობაში ზის ერთ-ერთი ყველაზე სამარცხვინო პროკურორი შოთაძე, რომელიც ემორჩილება სავარაუდო გენერალურ პროკურორს შუშის სასახლეში, ივანიშვილს.

"ადამიანებმა, რომლებმაც 100 ათასობით ლარის ზარალი, დაზარალებულის სტატუსს არ აძლევენ. სავარაუდოდ ეს მიანიშნებს იმაზე, რომ ხელისუფლება მონაწილეობდა ამ გადაწვაში,“-განაცხადა ზაზა ხატიაშვილმა.

]]>
29-03-2017 14:21 +0400
ნაძალადევის რაიონში მძიმე სოციალურ მდგომარეობას და ინფრასტრუქტურულ პრობლემებს აპროტესტებენ http://rustavi2.com/ka/news/71816

მძიმე სოციალურ მდგომარეობას და ინფრასტრუქტურულ პრობლემებს აპროტესტებენ ნაძალადევის რაიონში, ქსოვრელის ქუჩაზე მცხოვრები სოციალურად დაუცველი და დევნილი ოჯახები.

მოსახლეობა ამბობს, რომ არ აქვთ ელექტროენერგია, ბუნებრივი აირი, კანალიზაცია, რის გამოც გაუსაძლის პირობებში იმყოფებიან.

შენობაში 40 სკოლამდელი და სასკოლო ასაკის ბავშვი ცხოვრობს, რომელთა ჯანმრთელობის მდგომარეობა ამ პირობების გამო ყოველ დღე უარესდება.

მათ პრობლემებს ევროპული საქართველოს ლიდერები გაეცნენ.

„მინდა მივმართო პირადად განათლების მინისტრს ბატონ ჯეჯელავას, მის ხელმოწერაზეა დამოკიდებული ამ შენობაში 40 ბავშვი იცხოვრებს სიბნელეში, როგორც ეს ხდება წლების განმავლობაში, ექნებათ ელექტროენერგია და ელემენტარული პირობები,“-განაცხადა დავით ბაქრაძემ.

]]>
29-03-2017 12:46 +0400
მკვლელობა ტყიბულში - 50 წლამდე მამაკაცი ცეცხლსასროლი იარაღით მოკლეს http://rustavi2.com/ka/news/71811

მკვლელობა ტყიბულში - 50 წლამდე მამაკაცი ცეცხლსასროლი იარაღით სახლთან ახლოს მოკლეს. მომხდარის ვერსიებზე გარდაცვლილის ოჯახის წევრები და ახლობლები არ საუბრობენ. თვითმხილველების ინფორმაციით, კი მათ მხოლოდ ორი გასროლა გაიგეს.

შემთხვევის ადგილზე წუხელ სასწრაფო დახმარების ბრიგადაც იყო მისული და დაჭრილი საავადმყოფოშიც გადაიყვანეს, თუმცა ექიმებმა მისი გადარჩენა ვერ შეძლეს.

მომხდარზე დაწყებულია გამოძიება.

]]>
29-03-2017 12:32 +0400
"რუსთავი 2"-ის საქმე და ქვეყანაში არსებული მედია გარემო-არასამთავრობო სექტორი ევროსაბჭოს წარმომადგენლებს ხდვება http://rustavi2.com/ka/news/71804

არასამთავრობოები ევროპის საბჭოს საპარლამენტო ასამბლეის მონიტორინგის კომიტეტის წევრებს დღეს რუსთავი 2-ის გარშემო განვითარებულ მოვლენებზე მიაწვდიან ინფორმაციას.

აქცენტი სასამართლო პროცესების მიმდინარეობასა და გამოვლენილ ხარვეზებზე გაკეთდება. საუბრის ძირითადი თემა საქართველოში არსებული მედია გარემო იქნება.

„საკითხი არის ქართული მედია და შეეხება საუბარი ყველა მნიშვნელოვან საკითხს მათ შორის რუსთავი 2-საც. ჩვენი ორგანიზაცია აკვირდება რუსთავი 2-ის სასამართლო პროცესს მისი დაწყების დღიდან და ბევრი კითხვა გვქონდა მიმდინარეობის ეტაპზე. შეიძლება ამ კითხვებზეც იყოს საუბარი,“-განაცხადა საერთაშორისო გამჭვირვალობა - საქართველოს წარმომადგენელმა ნინო რობაქიძემ.  

]]>
29-03-2017 09:05 +0400
ელისო კილაძის შვილის დაკავებისას პოლიციელების მხრიდან უფლებამოსილების შესაძლო გადამეტების ფაქტზე, გამოძიება დაიწყო http://rustavi2.com/ka/news/71793

თბილისის პროკურატურამ გაზეთ ქრონიკა პლიუსის რედაქტორის ელისო კილაძის შვილის, დავით ხარშილაძის დაკავებისას, შინაგან საქმეთა სამინისტროს ცალკეული თანამშრომლების მიერ სამსახურებრივი უფლებამოსილების შესაძლო გადამეტების ფაქტზე გამოძიება დაიწყო.

ელისო კილაძის თქმით, მომხდართან დაკავშირებით  უკვე დაიკითხა მისი შვილი.

დავით ხარშილაძეს ხუთი საათის განმავლობაში კითხავდნენ. დავით ხარშილაძემ გამოძიებას სრულყოფილი ინფორმაცია მიაწოდა.

ელისო კილაძე ყველა იმ სამართალდამცველის დაკითხვასაც ითხოვს, რომლებიც დაკავების ოპერციაში მონაწილეობდნენ.

“გამოძიების ფარგლებში უნდა მოხდეს სამართალდამცავების დაკითხვაც, ვინც ამ სპეცოპერაციაში მონაწილეობდა. გამოძიების მასალებით მათი რიცხვი არის სამი, მაგრამ რეალური ინფორმაციით, სამი ეკიპაჟი ანუ 12 პოლიციელი. თუ იქნება პოლიტიკური ნება იმისა, რომ დამნაშავეები დასაჯონ, დამნაშავეები დაისჯებიან, თუ არ იქნება ბიძინა ივანიშვილის პოლიტიკური გადაწყვეტილება დამნაშავეები არ დაისჯებიან და ეს გამოძიება იქნება ფორმალური,“-განაცხადა ელისო კილაძემ.

]]>
29-03-2017 08:03 +0400
მეტალურგიულ ქარხანაში მომხდარ აფეთქებაზე გამოძიება შრომის დაცვის წესის დარღვევის მუხლით დაიწყო http://rustavi2.com/ka/news/71794

შინაგან საქმეთა სამინისტრომ რუსთავში მომხდარ ფაქტზე გამოძიება შრომის დაცვის წესის დარღვევის მუხლით დაიწყო. კომპანია ჯეოსთილის მეტალურგიულ ქარხანაში ფოლადსადნობი ღუმელი აფეთქდა. დაშავდა ორი მუშა, საქართველოსა და ინდოეთის მოქალაქეები, რომლებიც თბილისში გადმოიყვანეს. ისინი რეანიმაციულ განყოფილებაში არიან მოთავსებული. ექიმის თქმით პაციენტებს სახესა და ხელებზე აქვთ დამწვრობა, ასევე დაზიანებული აქვთ სასუნთქი გზები. მათი მდგომარეობა სტაბილურია.

როგორც კომპანია ჯეოსთილში აცხადებენ, მკურნალობის ხარჯებს კომპანია დაფარავს. გენერალური დირექტორის განცადებით ასევე დაწყებულია შიდა მოკვლევა აფეთქების მიზეზის დასადგენად.

]]>
29-03-2017 08:00 +0400
საკრებულო არ უნდა გახდეს მერიის დანამატი - ზაზა ვეკუა http://rustavi2.com/ka/news/71791

„საკრებულო არ უნდა გახდეს მერიის დანამატი,“ - ეს განცხადება გადაცემა არჩევანის პირდაპირ ეთერში თბილისის საკრებულოს ფრაქცია დედაქალაქის თავმჯდომარემ, ზაზა ვეკუამ, გააკეთა.

მისი აზრით, საკრებულოს უმრავლესობის დეპუტატები უფრო კოლეგიალურები უნდა იყვნენ. ის აღნიშნავს, რომ უმცირესობის მიერ დავით ნარმანიას მოწვევა კანონიერი იყო და ამ დროს მთელი საკრებულო ერთად უნდა დამდგარიყო.

„საკრებულოში არ იყო ის მხარდაჭერა, რომ ერთიანი ყოფილიყო. რა თქმა უნდა, არა იდეებში, რა თქმა უნდა, არა მიდგომებში, მაგრამ, როდესაც კანონიერად რაღაცას ითხოვს, ამ დროს საკრებულოს ხელმძღვანელობას სწორედ უნდა დაეჭირა კოლეგიალური პოზიცია,“ - განაცხადა ზაზა ვეკუამ. 

]]>
28-03-2017 23:58 +0400
დღეს თბილისს სამარცხვინო მერი ჰყავს, რომელიც სისტემის მძევალი გახდა - თამაზ შოშიაშვილი http://rustavi2.com/ka/news/71790

თბილისის საკრებულოს ფრაქცია მოძრაობის წევრი, თამაზ შოშიაშვილი, აცხადებს, რომ დავით ნარმანია საკრებულოში მისვლის დროს ყოველ ჯერზე შოუებს დგამს.

ამის თაობაზე მანდ გადაცემა არჩევანში ისაუბრა.

მისი განმარტებით, ოპოზიციის მოთხოვნას, რომ თბილისი მერი საკრებულოში მივიდეს და, თუკი დავით ნარმანია არ დააკმაყოფილებს, უკვე არც მერის იმპიჩმენტის საშუალება იქნება, რადგან თვითმმართველობის არჩევნები უკვე მოახლოვდა.

„პრობლემა არის იმ ქმედებებში, რასაც დედაქალაქის მერია სჩადის მას შემდეგ, რაც ქართული ოცნება შევიდა თბილისის მერიაში, 100 მილიონ ლარზე მეტი დახარჯულია ერთ პირთან მოლაპარაკებით,“ - აცხადებს თამაზ შოშიაშვილი.

მისი თქმით, დეპუტატების მილიონერობა დანაშაული არ არის პრობლემა პოლიტიკოსის მიერ ბიუჯეტიდან ფულის არაკანონიერად მიღებაა.

„ხელისუფლება ამას იყენებს კანონს იმისთვის, რომ რეალურად შექმნან კორუფციული სისტემები,“ - განაცხადა თამაზ შოშიაშვილმა.

მისი თქმით, დღეს თბილისს სამარცხვინო მერი ჰყავს, რომელიც სისტემის მძევალი გახდა.

]]>
28-03-2017 23:49 +0400
ქვეყანას ოლიგარქი "მინიგარქებით" მართავს - ლევან ხაბეიშვილი http://rustavi2.com/ka/news/71788

სამოქალაქო პლატფორმა ახალი საქართველოს წევრი, ლევან ხაბეიშვილი, აცხადებს, რომ შესწავლის შედეგად დადგინა, რომ 29 დეკლარაციიდან 13 დეპუტატი საკრებულოში მილიონერია და მათ შორის 12 უმრავლესობის წევრია.

ამის თაობაზე მან გადაცემა არჩევანის პირდაპირ ეთერში ისაუბრა. მან აღნიშნა, რომ ორგანიზაცია მალე გეგმავს დეპუტატების ბიზნესინტერესებზე კვლევა გამოაქვეყნოს.

„მილიონრობა კი არ არის პრობლემა. აქ პრობლემა არის რაში, აი, მაგალითად, პარლამენტში 8 დეპუტატს, რომლებიც მილიონერთა სიაში არიან, სახელმწიფოსგან მიღებული აქვთ 131 მილიონი ლარის ხელშეკრულება, მათ შორის ტენდერების გარეშე,“ - განაცხადა ლევან ხაბეიშვილმა.

მისი თქმით, სამომავლო კვლევაში გაირკვევა, თბილისის საკრებულოს 13 მილიონერიდან რამდენია კეთილსინდისიერი.

"მილიონერმა დეპუტატებმა მიიღეს გადაწყვეტილება, რომ, მაგალითად, გააუქმეს სოციალური დახმარების ვაუჩერი," - განაცხადა ლევან ხაბეიშვილმა.

მისი თქმით, ქვეყანას ოლიგარქი "მინიგარქებით" მართავს.

ლევან ხაბეიშვილის აზრით, კომისიის შექმნას ბავშვთა სამყაროს ხანძრის შედეგად დაზარალებული ადამიანები ვერ დაელოდებიან, რადგან კომპენსაცია სასწრაფოდ სჭირდებათ.

]]>
28-03-2017 23:31 +0400
ვიცით, რომ ეს გამოძიება ვერასდროს დამთავრდება - ზაზა ვეკუა "ბავშვთა სამყაროს" ხანძარზე საუბრობს http://rustavi2.com/ka/news/71786

თბილისის საკრებულოს ფრაქცია დედაქალაქის თავმჯდომარე, ზაზა ვეკუა, ფიქრობს, რომ ბავშვთა სამყაროს ხანძრის ბრალეულობა აუცილებლად უნდა დადგინდეს.

ამის შესახებ მან გადაცემა არჩევანის პირდაპირ ეთერში ისაუბრა. მისი აზრით, 2 თვის განმავლობაში ეს საქმე უნდა გამოძიებულიყო და შესაბამისად, არც კითხვის ნიშნებს გააჩენდა.

„ვიცით, რომ ეს გამოძიება ვერასდროს დამთავრდება, ამ გამოძიებას ვერ დაელოდებიან ეს ადამიანები. იყო საუბარი კიდეც, რომ ბანკებთან ურთიერთობას დღევანდელი ხელისუფლება მოაგვარებდა და ეს ნამდვილად შეეძლო,“ - განაცხადა ზაზა ვეკუამ.

მისი აზრით, დაზარალებულების ზარალის დათვლა სრულიად შესაძლებელია.

„სიები უნდა მოსულიყო, მთელი საკრებულო უნდა ყოფილიყო ჩართული, ვინ იყო ამაში, როგორ იყო და ასე განაწილებულიყო, მაგრამ საბოლოო ჯამში, საკრებულოს სხდომაზე უცბად გავიგეთ, რომ მოხდა საკრებულოს უმრავლესობის შეხვედრა დაზარალებულებთან. მე მაშინ ვთქვი კიდეც, რომ ეს კითხვის ნიშნებს აუცილებლად გააჩენდა და გაურკვეველი იყო, ოპოზიცია რატომ არ დაესწრო ამ შეხვედრას,“ - განაცხადა ზაზა ვეკუამ. 

მისი აზრით, დედაქალაქის მერიას არ უნდა ჰქონდეს იმის შეგრძნება, რომ ბიუჯეტი ხელისუფლებას ეკუთვნის.

]]>
28-03-2017 23:17 +0400
პრობლემა არის ხელისუფლების ძალიან უპასუხისმგებლო დამოკიდებულება - თამაზ შოშიაშვილი დაზარალებულებზე http://rustavi2.com/ka/news/71787

ბავშვთა სამყაროს ხანძრის შედეგად დაზარალებულების შესახებ გადაცემა არჩევანში თბილისის საკრებულოს ფრაქცია მოძრაობა თავისუფლებისთვის - თბილისის წევრი, თამაზ შოშიაშვილი, ამბობს და აცხადებს, რომ „პრობლემა არის ხელისუფლების ძალიან ზერელე და უპასუხისმგებლო დამოკიდებულება მათი თანამოქალაქეების მიმართ“. 

შოშიაშვილის თქმით, ისინი მოუწოდებენ დავით ნარმანიას, რომ უნდა მოხდეს ამ ადამიანების მიმართა თანადგომა.

„თვენახევრის განმავლობაში მათ არავინ არ შეხვედრია და კონკრეტული თანადგომა არ გამოუხატავს. პირველი დღეებიდან თბილისის მერის მხრიდან რომ ყოფილიყო ადეკვატური დამოკიდებულება, რომ ყოფილიყო თანადგომა, გარკვეული თანხები რომ გამოყოფილიყო, რათა ამ 2 თვის განმავლობაში ამ ადამიანებს თავი გაეტანათ, ეს მოძრაობა ასეთ სახეს არ მიიღებდა,“ - განაცხადა შოშიაშვილმა.

მისი თქმით, ხელისუფლების მხრიდან დაზარალებულების მისამართით მიდიოდა უპასუხისმგებლო დამოკიდებულება.

შოშიაშვილის თქმით, „ბიუჯეტიდან შესაძლებელია თანხების გადმოტანა და ამ ადამიანების დახმარება, რომ მათ შეძლონ ცხოვრების გაგრძელება“. 

„მათი მდგომარეობა არის ურთულესი, ქუჩაში არიან დარჩენილი,“ - ამბობს შოშიაშვილი.

„არა მხოლოდ დედაქალაქის მერია, მინდა ავღნიშნო, რომ თვითონ პრემიერმინისტრი, მინისტრები არ მუშაობენ ამ ადამიანებთან, არ ხვდებიან. ეს არის უპასუხისმგებლობა და ზერელე დამოკიდებულება. სამარცხვინოა, როდესაც არავინ არ გამოდის და თვეების განმავლობაში ხალხი ქუჩაში ატარებს,“ - აცხადებს შოშიაშვილი.

]]>
28-03-2017 23:17 +0400
ამ ხელისუფლებას ავიწყდება, რომ ის არის ხელისუფლება - ირაკლი ნადირაძე http://rustavi2.com/ka/news/71785

საკრებულოს ფრაქცია ერთიანი ნაციონალური მოძრაობის თავმჯდომარე, ირაკლი ნადირაძე, აცხადებს, რომ ბავშვთა სამყაროს ხანძრის შედეგად დაზარალებულებს საკრებულოს უმცირესობის წევრები ხშირად ხვდებიან და მათ პრობლემას იზიარებენ. მისი თქმით, ხელისუფლება ამ პროცესში უნდა ჩაერთოს.

„ამ ხელისუფლებას ავიწყდება, რომ ის არის ხელისუფლება და ის გარედან ვერასოდეს ვერ დააკვირდება და არ უნდა დააკვირდეს პროცესს, როდესაც მოსახლეობაა დაზარალებული,“ - აცხადებს ირაკლი ნადირაძე.

ის აღნიშნავს, რომ თბილისის მერიას 3-მილიონიანი სარეზერვო ფონდი აქვს.

„ნუ დარგავ, ბატონო, წელს 1 მილიონ ხეს, დავრგოთ 900 000 და იმ 100 ათასის მაგივრად დავეხმაროთ ამ ადამიანებს მცირედით მანამ, სანამ მოხდება ამ ადამიანების ცნობა დაზარალებულებად,“ - განაცხადა ირაკლია ნადირაძემ.

მისი აზრით, ხელისუფლება ამ პროცესს წელავდა, რადგან იმედი ჰქონდა, რომ დაზარალებულები დაიღლებოდნენ და ბრძლას შეწყვეტდნენ.

"ერთადერთი პასუხი, რაც მოისმინეს ამ ადამინებმა, არის ის, რომ კანცელარიის შენობა გადაიტანონ კრწანისში," - განაცხადა ირაკლი ნადირაძემ.

]]>
28-03-2017 23:04 +0400
ერთი ხომ აქცევდა და ახლა ორი მთლად აქცევს - ალეკო ელისაშვილი P.S-ში გასულ სიუჟეტს ეხმაურება http://rustavi2.com/ka/news/71784

"ერთი ხომ აქცევდა და ახლა ორი მთლად აქცევს,“ - საკრებულოს დამოუკიდებელი დეპუტატი, ალეკო ელისაშვილი, გადაცემა არჩევანში კვირას P.S-ში გასულ სიუჟეტს ეხმაურება, სადაც დავით ნარმანიას ძმას, ირაკლი ნარმანიას, შესახებ იყო საუბარი.

ალეკო ელისაშვილის თქმით, დავით ნარმანიას ძმაც და მეორე ირაკლი ნარმანიაც, რომელმაც ასევე "ჯოჯოხეთად უქცია ცხოვრება" ბარნოვის 77-ის მაცხოვრებებლებს, მოსახლეობის ინტერესების საწინააღმდეგოდ მოქმედებენ სწორედ მერიის ხელშეწყობით.    

„ირაკლი ნარმანია არის დავით ნარმანიას ძმა, რომელმაც ჯოჯოხეთად უქცია ცხოვრება ბოჭორიშვილის 15 ნომერში, გლდანში და კუტუზოვის 5 ნომერში ერთ-ერთ სადაზღვეო კომპანიას და მესამე, ხალხი მოვიდა ჩემთან, ბარნოვის 77-დან, ირაკლი ნარმანია არისო არქიტექტურის სამსახურის წარმომადგენელი. დოკუმენტებში აღმოჩნდა, რომ სხვა ირაკლი ნარმანია. იმანაც ჯოჯოხეთად უქცია და ქილიკობენ ახლა ოცნების მხარდამჭერები. მიდით ბარნოვის 77-ში და გლდანში, რა უქნეს. თავზე 11-სართულიანი სახლი დაადგეს. ჯერ მიდით და მერე იქილიკეთ, ორია თუ სამია. ერთი ხომ აქცევდა და ახლა ორი მთლად აქცევს. ორი დარდი აქვთ. ერთი, რომ ფული იშოვონ და თან ისე, რომ ბიძინა ივანიშვილი არ გაუბრაზდეთ,“ - ამბობს ელისაშვილი. 

]]>
28-03-2017 22:56 +0400
მაშინ ხალხის ხმა სჭირდებოდა, უნდოდა, საქართველოს თავზე მოსჯდომოდა, ახლა ხალხი ფეხებზე დაიკიდა - ალეკო ელისაშვილი ბიძინა ივანიშვილზე http://rustavi2.com/ka/news/71783

საკრებულოს დამოუკიდებელი დეპუტატი, ალეკო ელისაშვილი, 2012 წელს, წინასაარჩევნოდ მომხდარ წყალდიდობას იხსენებს, რომლის შემდეგაც ბიძინა ივანიშვილმა ადგილობრივების დასახმარებლად დიდი ოდენობით ფული დაკარგა. მან ის სიტუაცია ბავშვთა სამყაროს ხანძრის შედეგებს შეადარა.

„მაშინ ხალხის ხმა ხომ სჭირდებოდა იმიტომ, რომ არჩევნებში უნდოდა გამარჯვება და უნდოდა, საქართველოს თავზე მოსჯდომოდა. ახლა ხალხი ფეხებზე დაიკიდა, ბოდიშს ვიხდი გამოთქმისთვის, ბიძინა ივანიშვილმაც და მას რომ მისჩერებია, მთელმა ქართულმა ოცნებამაც,“ - განაცხადა ალეკო ელისაშვილმა.

ის აღნიშნავს, რომ დაზარალებულების დასახმარებლად ხელისუფლებას სპეციალური ფონდი აქვს, რომელიც ადამიანების დასახმარებლად ვალდებულია, რომ გამოიყენოს.

ალეკო ელისაშვილის განცხადებით, საკრებულოს უმრავლესობისა და მერიის წევრები ოპოზიციის წევრებს დაზარალებულებთან შეხვედრებს განზრახ არ ასწრებენ. 

]]>
28-03-2017 22:53 +0400
საკრებულოს მხრიდან იყო დათქმა იმისა, ან დათანხმდებით ჩვენს პირობას, ან ვერაფერს ვერ მიიღებთ - ფრიდონ სიხუაშვილი http://rustavi2.com/ka/news/71781

ადვოკატი ფრიდონ სუხიაშვილი აცხადებს, რომ ბავშვთა სამყაროს ხანძრის  შედეგად დაზარალებულ ადამიანებს გარკვეულწილად ემუქრებიან, რომ დაპირებულ 3000-ლარიან კომპენსაციას არ გადაუხდიან, თუ ისინი აქციებს არ შეწყვეტენ.

„ყოველ შეხვედრაზე, ცალსახად, საკრებულოს მხრიდან იყო დათქმა იმისა, ან დათანხმდებით ჩვენს პირობას, ან ვერაფერს ვერ მიიღებთ და არაფერს არ ელოდოთ სახელმწიფოსთან,“ - განაცხადა ადვოკატმა, ფრიდონ სიხუაშვილმა.

მან აღნიშნა, რომ ხელისუფლების წარმომადგენლები დაზარალებულთა სიას ყოველ ჯერზე ითხოვენ და ცდილობენ, ეს ადამიანები ერთმანეთთან დააპირისპირონ, რადგან რაც უფრო ნაკლები პირი იქნება სიაში, მით უფრო მეტს მიიღებს თითოეული მათგანი.

„ამ ხალხის ნერვებზე თამაშობენ,“ - აცხადებს ფრიდონ სიხუაშვილი.

ის ამბობს, რომ ბიუჯეტში დაზარალებული ადამიანების დასახმარებლად საკმარისი თანხა უნდა გამოიყოს.

„თუ დაგვჭირდა, პოლიტიკურ გადაწყვეტილებებსაც გავაკეთებთ,“ - განაცხადა ფრიდონ სიხუაშვილმა. 

]]>
28-03-2017 22:45 +0400
ერთ ადამიანს შვილი დაეღუპა იმიტომ, რომ წამლები ვეღარ უყიდა - ზაზა ხატიაშვილი ბავშვთა სამყაროს დაზარალებულებზე http://rustavi2.com/ka/news/71782

საქართველოს ადვოკატთა ასოციაციის თავმჯდომარე, ზაზა ხატიაშვილი, ბავშვთა სამყაროს დაზარალებულზე საუბრობს. ხატიაშვილი გადაცემა არჩევანში კონკრეტულად, დაზარალებულების ჯანმრთელობის რთულ მდგომარეობაზე მიუთითებს.

„ორი კვირის წინ, დეპუტატებმა არ ვიცი, იცით თუ არა, ადამიანი იყო 60 წლის. 35 ათასი ჰქონდა გამოტანილი, გული გაუსკდა მოკვდა, რომ არ ხვდებოდა ხელისუფლება. დაასაფლავეს ორი კვირის უკან. სამი ადამიანი მოხვდა სტენოკარდიული შეტევით საავადმყოფოში. ერთი ადამიანი არის რეანიმაციაში. ერთ ადამიანს შვილი დაეღუპა იმიტომ, რომ წამლები ვეღარ უყიდა. ხალხო, უმძიმეს მდგომარეობაში არიან,“ - განაცხადა ზაზა ხატაშვილმა.

მან საქართველოს მოქალაქეებს მიმართა და გვერდში დგომისკენ მოუწოდა.

„50 კაციც არ მოდიხართ, როგორ შეიძლება, ხალხო, ესე არ გაინტერესებდეთ. ეს არის შიმშილით სიკვდილისათვის ადამიანების გაწირვა... საკუთარი ხელისუფლება ხალხს ემალება და ამერიკის საელჩოსთან რომ მივიდნენ, 15 წუთში წარმომადგენელი გამოვიდა. ეს არის ხელისუფლება?“  - აცხადებს ხატიაშვილი.  

]]>
28-03-2017 22:44 +0400
ბავშთა სამყაროს მოვაჭრეებისთვის დაზარალებულის სტატუსის მინიჭებაზე უარის თქმა პოლიტიკური გადაწყვეტილებაა - ზაზა ხატიაშვილი http://rustavi2.com/ka/news/71780

„მე რა სიბინძურე არ მინახავს ხელისუფლების მხრიდან ჩადენილი, მაგრამ ეს არის უიშვიათესი სიბინძურე,“ - განაცხადა საქართველოს ადვოკატთა ასოციაციის თავმჯდომარემ, ზაზა ხატიაშვილმა, გადაცემა არჩევანის პირდაპირ ეთერში.

მან აღნიშნა, რომ „დავით ნარმანიას მსგავსად“ ბავშვთა სამყაროს ხანძრის შედეგად დაზარალებულებს უარს დახმარებაზე ვერ ეტყოდა.

მისი განცხადებით, დაზარალებულები მას ეუბნებიან, რომ სავაჭრო ცენტრში 8 კერა ერთდროულად გაჩნდა და ამით არავინ ინტერესდება. 

ის ყურადღებას ამახვილებს იმაზე, რომ გარკვეული ადგილები სავაჭრო ცენტრში მხოლოდ მესამე დღეს ჩააქრეს.

„21-ე საუკუნეში მე თუ ფაშისტებს ვნახავდი, არ მეგონა, ვინ არიან ესენი? დაზარალებულის სტატუსი არ აქვთ,“ - აცხადებს ზაზა ხატიაშვილი.

ის განმარტავს, რომ ამ სტატუსის მისანიჭებლად ესპერტიზის ჩატარებაა აუცილებელი.

„ხალხს აქვს 100 ათასი ლარის ზარალი და დაზარალებულად არ ცნობენ. ეუბნებიან, მოწმეები ხართო,“ - აცხადებს ზაზა ხატიაშვილი.

მისი თქმით, გამომძიებლები დაზარალებულებს აწერინებდნენ, რომ ხანძართან პრეტენზია არ აქვთ.

ზაზა ხატიაშილის აზრით, ამ ადამიანებისთვის დაზარალებულის სტატუსის მინიჭებაზე უარის თქმა პოლიტიკური გადაწყვეტილებაა. ის აღნიშნავს, რომ ამ ხალხს უღირსად ექცევიან.

„ხელისუფლება ფიქრობდა, რომ ეს ადამინების გატყდებოდნენ, მაგრამ არ გატყდნენ. 3 ათას ლარზე რატომ იძახიან იცით უარს? რა უთხრა, იცით რიმა ბერაძემ თუ არ ვიცი ვინ, დაწერეთ, რომ 3 ათას ლარს რომ მიღებთ, სხვა ზარალის ანაზღაურებას აღარ მოითხოვთო. დაამცირეს ეს ხალხი. იციი, რა უღირსად ექცევიან?“ - განაცხადა ხატიაშვილმა.

]]>
28-03-2017 22:33 +0400
აქ ვიღაც მაღალჩინოსნის ხელი ურევია - ბავშვთა სამაყროს დაზარალებული http://rustavi2.com/ka/news/71779

ბავშვთა სამყაროს ხანძრის შედეგად დაზარალებულები გადაცემა არჩევანში იმ ზარალზე საუბრობენ, რომელიც მათ ხანძრის შედეგად მიადგათ და იმ ხარჯებზე საუბრობენ, რომელიც საქმიანობის პარალელურად ჰქონდათ.

„არ შეიქმნა საშველი პრემიერმინისტრმა, არ გაგვხადა პასუხის ღირსად არავინ,“ - განაცხადა დაზარალებულმა ჯულიეტა ელიავამ.

ის ამბობს, რომ „აქ ურევია ვიღაც მაღალჩინოსანის ხელი“ და ამბობს, რომ ისინი არიან დაზარალებულები და ამ სტატუსს მათ არავინ აძლევს. 

ჯულიეტა ელიავა კიდევ ერთხელ ამბობს, რომ ხელისუფლებისგან ერთჯერადად 5 ათასლარიან კომპენსაციას ითხოვდნენ და შემდეგ მთლიანად ზარალის დათვლას და ანაზღაურებს.

„მე ამ ხელისუფლებას ცოცხალი თავით არ შევარჩენ ჩემს კაპიკებს. 25 წლის ნაშრომი, ნაწვალები რაც მქონდა, ჩამიწვეს იქ ყველაფერი. ამათი დაუძინებელი მტერი ვიქნები,“ - განაცხადა ჯულიეტა ელიავამ.

„ხელისუფლების ხელი რომ არ ერიოს, ეს ესე არ გაკეთდებოდა,“ - ამბობს დაზარალებული.

]]>
28-03-2017 22:21 +0400
მე არავისი გამოსაყენებელი იარაღი არ ვიქნები პოლიტიკური მიზნებისთვის - დაზარალებული მეგი ფალელიშვილი http://rustavi2.com/ka/news/71778

„თავს შეურაცხყოფილად ვგრძნობ,“ - ეს განცხადება გადაცემა არჩევანის პირდაპირ ეთერში ბავშვთა სამყაროს ხანძრის შედეგად დაზარალებულმა, მეგი ფალელაშვილმა, მმართველი გუნდის ზოგიერთი წარმომადგენლის მხრიდან გაკეთებულ გამონათქვამებზე გააკეთა.

მისი თქმით, მან თავის დროზე ხმა ქართულ ოცნებას მისცა და დღეს ასეთ მდგომარეობაში აღმოჩნდა.

„მე არავისი გამოსაყენებელი იარაღი არ ვიქნები პოლიტიკური მიზნებისთვის იმიტომ, რომ მე ვთვლი თავს სრულუფლებიან მოქალაქედ და მოაზროვნე ადამიანად,“ - განაცხადა მეგი ფალელაშვილმა.

მან აღნიშნა, რომ თვითღირებულებით დაახლოებით 75 000 ლარი დაკარგა, რაც მოგებასთან ერთად ბევრად მეტი იქნებოდა.

მეგი ფალელაშვილმა განმარტა, რომ ბავშვთა სამყაროს ხანძრის შედეგად არამხოლოდ მოვაჭრეები, არამედ კიდევ არაერთი ადამიანი დარჩა უმუშევარი.

„ჩემთვის 10 000 ლარიც არაფერია, მაგრამ რომ დამიდგები გვერდზე და მეტყვი, რომ მე მეტი არ შემიძლია, მაგრამ, როგორც მოქალაქეს, პატივს გცემ, ეს არის მნიშვნელოვანი,“ - განაცხადა მეგი ფალელიშვილმა.

ბავშვთა სამყაროს ხანძრის შედეგად დაზარალებულები ასევე აღნიშნავენ, რომ კრედიტები აქვთ გამოტანილი ბანკებიდან და მიკროსაფინანსო ორგანიზაციებიდან. ისინი ვალების გადახდის გადავადებას ითხოვენ.

]]>
28-03-2017 22:19 +0400
ამ ხალხის გადასახადები ბიუჯეტში მიდიოდა - დაზარალებული ფატი გულუა http://rustavi2.com/ka/news/71776

ბავშვთა სამყაროს ხანძრის შედეგად დაზარალებული, ფატი გულუა, აცხადებს, რომ ხელისუფლების მხრიდან 3000 ლარის კომპენსაცია დაზარალებულებისთვის დაცინვის ტოლფასია.

„ამ ხალხის გადასახადები ბიუჯეტში მიდიოდა, ყველას ბანკები ჰქონდა, ყველა ოჯახს არჩენდა, ყველას უკან ამ დენი ხალხი იდგა,“ - აცხადებს ფატი გულუა.

ის აღნიშნავს, რომ დაზღვევა მისთვის არავის შემოუთავაზებია, თუმცა ამაზე უარს ნამდვილად არ იტყოდა.

“ამ 2 თვის განმავლობაში ადამიანი ვერ მოიძებნა, რომელმაც ამდენი ადამიანი გაამწარა და ასეთ მდგომარეობაში ჩააგდო,” - განაცხადა ფატი გულუამ.

დახარალებულმა ნარგიზ მეგენეიშვილმა არჩევანის პირდაპირ ეთერში განაცხადა, რომ ქართული ოცნების წარმომადგენლების თქმით, მათ სალარო აპარატები არ სჭირდებოდათ, რადგან მცირე მეწარმეები იყვნენ. ის აღნიშნავს, რომ დღეს ხელისუფლება მათ ადანაშაულებს, რომ დაზარალებულები გადასახადებს არ იხდიდნენ.

]]>
28-03-2017 22:09 +0400
კი არ დაიწვა, დაგვწვეს... სანამ დიაკეტებოდა ბაზარი, ნახევარი საათით ადრე ჭერში დარბოდა ვიღაც - ბავშვთა სამყაროს დაზარალებული http://rustavi2.com/ka/news/71777

ბავშვთა სამყაროს ხანძრის შედეგად დაზარალებულები ხელისუფლებისგან დაზარალებულების სტატუსის მინიჭებას ითხოვენ.

განცხადება ამის შესახებ დაზარალებულებმა გადაცემა არჩევნის პირდაპირ ეთერში გააკეთეს.

ისინი საკუთარ საქმიანობას იხსენებენ, როდესაც ისინი ბავშვთა სამყაროში მუშაობდნენ. ისინი ასევე კონკრეტულად იმ ღამესაც იხსენებ, როდესაც აღნიშნული შემთხვევა მოხდა.

„ნახევრად დამწვარი ბაზარი იყო და სახანძრო წყალს არ ასხამდა,“ - აცხადებს ერთერთი დაზარალებული, ნარგიზ მეგენეიშვილი.

ისინი პირდაპირ ამბობენ, რომ ბავშვთა სამყაროს გამიზნულად გაუჩინეს ხანძარი.

„კი არ დაიწვა, დაგვწვეს შვილო,“ - ამბობს ნარგიზ მეგენეიშვილი და აქვე აცხადებს, რომ „ისინი ბოლოს საიჯარო ხელშეკრულება ერთ თვეზე გადაუყვანეს“.

„ჩვენ ამ გზით მოგვიშორეს თავიდან. სანამ დაიკეტებოდა, ჭერზე დარბოდა ვიღაცა და რა ხდებაო, ვიძახდით. არ ვიცი, რა დაყარეს, რა ქნეს. 4-ის ნახევარზე რო გამოვედი ადგილზე, ნახევარი ბაზარი უკვე დამწვარი იყო და სახანძრო მაშინ მოვიდა. ყველა დამნაშავეა ამაში,“ - აცხადებს დაზარალებული.

დაზარალებულები ფიქრობენ, რომ ხელისუფლებიდანაც იყო ხელშეწყობა.

 

]]>
28-03-2017 22:09 +0400
PS გადაცემაში გასული სიუჟეტის გამო ბოდიშს იხდის http://rustavi2.com/ka/news/71775

PS თბილისის მერს, დავით ნარმანიას, მის ძმას, ირაკლი ნარმანიას და მათ ოჯახს გადაცემაში მათ შესახებ გასული სიუჟეტის გამო ბოდიშს უხდის. 

ამის შესახებ განცხადება გადაცემა არჩევანის წამყვანმა, გიორგი გაბუნიამ, რომელიც ასევე გადაცემა PS-ის წამყვანია, გადაცემის სახელით გააკეთა. 

"კვირას, პოსტსკრიპტუმში გავიდა სიუჟეტი, რომელშიც საუბარი იყო სამშენებლო კომპანიებზე, რომლებსაც დავით ნარმანიას ძმა, ირაკლი ნარმანია, უწევს ან უწევდა იურიდიულ მომსახურებას. სიუჟეტი სამი კომპანიის საქმიანობას ეხებოდა, აქედან ორის იურისტი ნამდვილად თბილისის მერის ძმაა.

"მესამე კომპანიის იურისტს ასევე ირაკლი ნარმანია ჰქვია, ოღონდ აღმოჩნდა, რომ ეს სულ სხვა პირია და მას არანაირი კავშირი არა აქვს დავით ნარმანიასთან. ვაღიარებ, ეს ჩვენი შეცდომა იყო, რომელიც იდენტურმა სახელმა, იდენტურმა პროფესიამ და კომპანიის იდენტურმა საქმიანობამ გამოიწვია.

"თუმცა, მე არ ვცდილობ ახლა ამ შეცდომის გამართლებას. ასეთ ხარვეზს, რა თქმა უნდა, გამართლება არა აქვს და ეს სრულიად არ შეესაბამება მუშაობის იმ სტანდარტებს, რომელთა დაცვასაც ჩვენ ვცდილობთ. ჩვენ ვალდებული ვიყავით, უფრო ღრმად გადაგვემოწმებინა წყაროს მიერ მოწოდებული ინფორმაცია და მსგავსი შეცდომა დაუშვებელია.

"ჩვენი მიზანი ნამდვილად არ ყოფილა ასეთი ცილისწამება, რომელიც ჩვენდაუნებურად გამოგვივიდა. ამიტომ მე PS-ის სახელით ბოდიშს ვუხდი ხსენებული კომპანიის იურისტს, ირაკლი ნარმანიას; ბოდიშს ვუხდი თბილისის მერის ძმას, ირაკლი ნარმანიას და ბოდიშს ვუხდი თავად დავით ნარმანიასაც მისი ოჯახის წევრის შესახებ მცდარი ინფორმაციის გავრცელებისთვის.

"კიდევ ერთხელ ვიმეორებ, ჩვენ ეს გამიზნულად არ გაგვიკეთებია და თან ეს ეხება სიუჟეტში გაშუქებულ მხოლოდ ერთ კომპანიას, დანარჩენი ორის შემთხვევაში კი ყველაფერი წესრიგში იყო - იქ ნამდვილად მერის ძმა, ირაკლი ნარმანია ფიგურირებს და იკვეთება მისი მხრიდან სამშენებლო კომპანიების ლობირების ნიშნები," - განაცხადა გაბუნიამ. 

]]>
28-03-2017 21:55 +0400
სახელმძღვანელოების დაბეჭდვის კრიტერიუმები - გამომცემელთა მსოფლიო ასოციაცია შესაძლო მონოპოლიაზე საუბრობს http://rustavi2.com/ka/news/71774

რომელი გამომცემლობები მიიღებენ სახელმძღვანელოების დაბეჭდვის უფლებას და რა კრიტერიუმებს უნდა აკმაყოფილებდეს საგამომცემლო სახლი, ამ დრომდე უცნობია. განათლების სამინისტრო არ აკეთებს განმარტებებს, რატომ შეიცვალა ავტორებთან და საგამომცემლო სახლებთან შეთანხმებული მოდელი.

ბაკურ სულაკაურის გამომცემლობის დირექტორი ამბობს, რომ მიუხედევად შეთანხმებისა, განათლების მინისტრმა სახელმძღვანელოების გრიფირების მოდელი, რომელიც გამომცემლებს თავად შესთავაზა, მაინც შეცვალა. 

განათლების სამინისტროს გრიფირების წესის წინააღმდეგი კიდევ 20-მდე გამომცემლობაა. ისინი არ იზიარებენ პოზიციას, რომ საჯარო სკოლებში შესატან წიგნს შემდგენელი თავად ვეღარ გამოსცემს.

გამომცემლები სამინისტროს ინტელექტუალურ საკუთრებასთან დაკავშირებულ ტენდერის ჩატარებასაც ეწინააღმდეგებიან. ისინი ფიქრობენ, რომ ეს წესი ბაზრის მონოპოლიის საფუძველს იძლევა, რის გამოც გრიფირების სისტემაში ვერ ჩაერთვებიან.

განათლების მინისტრის გადაწყვეტილებას გამომცემელთა მსოფლიო ასოციაციაც გამოეხმაურა.

ორგანიზაციის წევრები, რომელიც ხვალ საქართველოში ჩამოდიან, ასოციაციის ფეისბუქ გვერდზე საქართველოში სასკოლო სახელმძღვანელოების მიმართულებით მიმდინარე პროცესებზე წერენ. ისინი სახელმწიფოს მხრიდან სახელმძღვანელოების გამოცემის მონოპოლიაზე საუბრობენ.

გამომცემელთა მსოფლიო ასოციაციის წევრები და ნორვეგიის წიგნის გამომცემელთა ასოციაციის ხელმძღვანელი თბილისში იმ კონფერენციას დაესწრებიან, სადაც სახელმძღვანელოების გამოცემის ირგვლივ მიმდინარე პროცესები განიხილება. კონფერენცია, ეროვნულ ბიბლიოთეკაში ორ დღეში გაიმართება. 

]]>
28-03-2017 21:48 +0400
ნარკოპოლიტიკის ლიბერალიზაცია - მთავრობამ მარიხუანის შესახებ კანონში შესატანი ცვლილებების პაკეტი უკვე მოამზადა http://rustavi2.com/ka/news/71772

მცირე ოდენობის მარიხუანისა და კანაფის ფლობისთვის 15-დღიანი ადმინისტრაციული პატიმრობა უქმდება.

საქართველოს მთავრობამ მარიხუანის შესახებ კანონში შესატანი ცვლილებების პაკეტი უკვე მოამზადა. საუბარია მსუბუქი ნარკოტიკის კანონის ლიბერალიზაციაზე და არა დეკრიმინალიზაციაზე.

კანონპროექტის მიხედვით, შესაძლოა, შეძენა-შენახვა-მოხმარებისთვის ადმინისტრაციული ჯარიმა, 500 ლარის ნაცვლად, 300 გახდეს. არ არის გამორიცხული, ცვლილებები შეეხოს დათესვას, მოყვანას და კულტივირებას, რომლის მიხედვითაც მოქმედი ნორმა 2-დან 5 წლამდე პატიმრობას ითვალისწინებს. ცვლილებების პაკეტის მიხედვით პატიმრობა 160 საათიდან 220 საათამდე საზოგადოებისთვის სასარგებლო შრომით იცვლება.

კანონპროექტის ავტორი იუსტიციის სამინისტროა.

ცვლილებების პაკეტი ნაწილობრივ საკონსტიტუციო სასამართლოში მიღებულმა გადაწყვეტილებამ გამოიწვია. სარჩელი, რომელიც თეთრი ხმაურის მოძრაობას დაუკმაყოფილეს, მცირე ოდენობით მარიხუანის შეძენას ეხებოდა. ამ დრომდე საკონსტიტუციო სასამართლო 265 გრამი კანაფის დათესვა-მოყვანის შემთხვევაში პატიმრობის კონსტიტუციურობაზე მსჯელობს. 

ნაციონალურ მოძრაობაში მიაჩნიათ, რომ ამ ინიციატივით პოლიცია კვლავ დარჩება საზოგადოებისთვის რეპრესიულ მექანიზმად. ევროპულ საქართველოში კი თვლიან, რომ აუცილებელია ცვლილებები კლუბურ ნარკოტიკსაც შეეხოს. კანონპროექტით უკმაყოფილოა პოლიტიკური გაერთიანება გირჩიც.

ქართულ ოცნებაში აცხადებენ, რომ ნარკოპოლიტიკის ლიბერალიზაციის გარდა, მუშაობა მიმდინარეობს დეკრიმინალიზაციაზე.

 

 

 

ავტორი: ნიკა თევდორაძე 

 

]]>
28-03-2017 21:45 +0400
მოსამართლემ დეკანოზი გიორგი მამალაძე პატიმრობაში დატოვა http://rustavi2.com/ka/news/71770

პროკურატურის შუამდგომლობა დაკმაყოფილებულია. შოთაძის უწყებას კიდევ ერთი თვე აქვს ე.წ. ციანიდის საქმესთან დაკავშირებით მტკიცებულებების მოსაპოვებლად. ამ დროის განმავლობაში კი ბრალდებული პატიმრობაში დარჩება. დაცვის მხარის პოზიცია გირაოთი დეკანოზ გიორგი მამალაძის გათავისუფლებასთან დაკავშირებით მოსამართლემ არ გაიზიარა.

მოსამართლემ დაცვის მხარეს 20 ათასლარიან გირაოზე უარი უთხრა და დეკანოზი გიორგი მამალაძე პატიმრობაში დატოვა. ერთ-ერთ მთავარ მიზეზად მოსამართლემ ბრალდებულის მხრიდან გამოძიების მსვლელობასა და საქმის მოწმეებზე ზეგავლენის შესაძლებლობა დაასახელა.

ამ გადაწყვეტილებით მოსამართლემ ადვოკატების არგუმენტები არ გაიზიარა, რომლებიც სასმართლოს დარწმუნებას იმაში ცდილობდნენ, რომ ბრალდებულ დეკანოზს გამოძიებასა და საქმის მოწმეებზე გავლენის მოხდენის სურვილი და შესაძლებლობა არა აქვს. ადვოკატებმა დამატებით არგუმენტად დღეს ბრალდებულის ჯანმრთელობის მდგომარეობაც დაასახელეს, რომელიც მათი განცხადებით გაუარესებულია.

დეკანოზის ინტერესების დამცველებმა სასამართლო დღეს არაობიექტურობაში ღიად დაადანაშაულეს. ისინი დაინტერესებული წრეების მხრიდან გავლენებზე მიუთითებენ.

ადვოკატების ვარაუდებსა და პოზიციებს არ იზიარებენ საქმის პროკურორები, რომლებიც აცხადებენ, რომ ბრალდებულის გათავისუფლება დაუშვებელია. ერთ-ერთი მთავარი არგუმენტი პროკურატურისთვის ამ დრომდე უცნობი პირია, რომელმაც გამოძიების ვერსიით, ბრალდებულ დეკანოზს ციანიდი მიჰყიდა და, რომელიც შესაძლოა, დანაშაულის თანამზრახველია.

ციანიდის საქმეზე მომდევნო სხდომა 5 მაისს გაიმართება.

]]>
28-03-2017 21:41 +0400
კონსულტაციები ე.წ. მოსმენებზე - კანონი ძალაში 31 მარტს უნდა შევიდეს http://rustavi2.com/ka/news/71768

ე.წ. მოსმენების კანონის თაობაზე პრეზიდენტი კონსულტაციებისთვის ემზადება. კანონი კვირის ბოლოს შედის ძალაში. გიორგი მარგველაშვილი, როგორც პოლიტიკოსების, ასევე არასამთავრობო ორგანიზაციების პოზიციებს გაეცნობა. სამართლებრივი ბრძოლა გაგრძელდება და მესამე სექტორი ისევ სასამართლოს მეშვეობით შეეცდება, დაამტკიცოს, რომ უმრავლესობის მიერ მიღებული კანონი ანტიკონსტიტუციურია.

კონსულტაციებში ასევე ჩაერთვება საპარლამენტო ოპოზიცია. კანონის გასაჩივრებისას ხელისუფლების ოპონენტები ეცდებიან, დაასაბუთონ, რომ ახალი რეგულაციები ანტიკონსტიტუციურია და წინა ჩანაწერზე მეტად საფრთხის შემცველი.

სამართლებრივ ბრძოლასა და კონსულტაციებში მონაწილეობას აქტიურად აპირებს არასაპარლამენტო ოპოზიციაც და მოსმენების კანონის გაპროტესტებას აქციების გზითაც არ გამორიცხავს.

მმართველ გუნდი დარწმუნებულია, რომ ოპონენტების შენიშვნებს არგუმენტი არა აქვს და კანონის სახელისუფლებო ვერსიაც ადამიანის პირადი ცხოვრების უფლებისა და უსაფრთხოების დაცვას თანაბრად უზრუნველყოფს.

სტრასბურგისა და საკონსტიტუციო სასამართლოსთვის სარჩელს უკვე ამზადებენ კამპანია ეს შენ გეხებაში შემავალი არასამთავრობო ორგანიზაციები.

კამპანია ეს შენ გეხებას წევრები დარწმუნებული არიან, რომ ერთხელ უკვე გაუქმებულ ნორმებს საკონსტიტუციო სასამართლო კვლავ ანტიკონსტიტუციურად მიიჩნევს.

სამოქალაქო სექტორის, ოპოზიციის და პრეზიდენტის წინააღმდეგობის მიუხედავად, მმართველმა გუნდმა გასულ კვირას ვეტო დაძლია და ე. წ მოსმენების კანონი ძალაში 31 მარტს უნდა შევიდეს.

]]>
28-03-2017 21:25 +0400
ვიზალიბერალიზაციის შეფასებები და საქართველოს მორიგი ნაბიჯები http://rustavi2.com/ka/news/71765

ვიზალიბერალიზაციას თბილისში საზეიმოდ აღნიშნავდნენ. ევროკავშირთან წარმატებით დასრულებული შვიდწლიანი მოლაპარაკების შედეგი საქართველოს მოქალაქეებს დღეს პარლამენტის თავმჯდომარემ მიულოცა. ირაკლი კობახიძემ იმ ახალ შესაძლებლობებზე ისაუბრა, რომელსაც ევროპა საქართველოს ამ გადაწყვეტილებით სთავაზობს.

მმართველი გუნდი ევროპაში უვიზოდ გადაადგილების მსურველებს იმ ვალდებულებებსაც ახსენებს, რომლის შესრულებაც აუცილებლად მოუწევს.

საპარლამენტო და არასაპარლამენტო ოპოზიციის წევრებმა დღეს ვიზალიბერალიზაცია ქართველ ხალხს მიულოცეს და ეს ისტორიული დღე აღნიშნეს.

ანალიტიკოსებს, რომლებიც ევროკავშირთან ასოცირებისა და თავისუფალი ვაჭრობის ხელშეკრულებაზე მუშაობდნენ, მიაჩნიათ, რომ შემდეგი ეტაპი ევროზონაში უფრო დიდხანს ყოფნა და საქართველოს მოქალაქეებისთვის სამუშაო უფლებებზე ზრუნვა იქნება.

ევროკავშირთან უვიზო მიმოსვლაზე მოლაპარაკებები 2010 წლიდან დაიწყო და წელს, 2 თებერვალს, ევროპარლამენტმა ვიზალიბერალიზაციას მწვანე შუქი აუნთო. საქართველოს მოქალაქეებისთვის ევროპაში თავისუფალ მოგზაურობას მხარი 553-მა ევროპელმა დეპუტატმა დაუჭირა.

]]>
28-03-2017 21:16 +0400
უვიზო რეჟიმის პირველი დღე - უვიზო პასპორტებით პირველი რეისი საბერძნეთში შესრულდა http://rustavi2.com/ka/news/71764

საქართველოს საზღვარი ევროპული ვიზის გარეშე პირველმა პრემიერმინისტრმა, მთავრობის სხვა წევრებმა და სტუდენტებმა გადალახეს. მანამდე გიორგი კვირიკაშვილმა საპასპორტო კონტროლი გაიარა და ქართველი მესაზღვრის შეკითხვებს უპასუხა.

უვიზო პასპორტებით პირველი რეისი თვითმფრინავმა საბერძნეთის დედაქალაქ ათენში შეასრულა.

ოფიციალური შეხვედრები ქართულმა დელეგაციამ საბერძნეთის პრემიერმინისტრთან შეხვედრით დაიწყო. ალექსის ციპრასმა ქართულ მახარეს უვიზო მიმოსვლა მიულოცა.

საბერძნეთის პრემიერმინისტრთან შეხვედრამდე ქართული დელეგაცია ათენის ეროვნულ უნივერსიტეტში გამართულ კონფერენციას დაესწრო. კონფერენციას ასევე დაესწრნენ საქართველოდან წასული სტუდენტები და პროფესორ მასწავლებლები. ათენში იმყოფებოდნენ ოკუპირებული ტერიტორიების მაცხოვრებლებიც.

ათენში ვიზიტის დასრულებამდე ქართულმა დელეგაციამ აკროპოლისი დაათვალიერა, რის შემდეგაც თვითმფრინავი ქართველი მგზავრებით ევროპის კულტურული დედაქალაქიდან პოლიტიკურ დედაქალაქში - ბრიუსელში გაფრინდა.

 

 

]]>
28-03-2017 21:12 +0400
დღეს საზეიმო მიღებაზე ევროპელ პოლიტიკოსებს საქართველოს მთავრობის სახელით პრემიერმინისტრი უმასპინძლებს http://rustavi2.com/ka/news/71773

უვიზო მიმოსვლის პირველი დღე. საქართველოს ეროვნული დროშა ევროკომისიის წინ არის აღმართული. ქართული დელეგაცია კი ვიზალიბერალიზაციის მიღების შემდეგ, ევროპის პოლიტიკურ დედაქალაქში პირველ შეხვედრებს მართავს. დღესვე დაგეგმილია საზეიმო მიღება, სადაც ევროპელ პოლიტიკოსებს საქართველოს მთავრობის სახელით პრემიერმინისტრი უმასპინძლებს.

„მინდა, მივესალმო საქართველოს პრემიერმინისტრს ამ ისტორიულ დღეს ბრიუსელში. გრძელი და რთული გზის გავლის შემდეგ საქართველოს მოქალაქეებს საშუალება მიეცათ, უვიზოდ შემოვიდნენ ევროკავშირის ტერიტორიაზე, იქნება ეს ტურისტული, ოჯახური თუ საქმიანი ვიზიტი. ეს შესაძლებელი გახდა ამბიციური და კომპლექტური რეფორმების შედეგად, რომლის გატარებაც საქართველოს მთავრობის და ქართველი ხალხის დამსახურებაა,” - განაცხადა ჟან კლოდ იუნკერმა ერთობლივ პრესკონფერენციაზე.

პრესკონფერენციაზე გიორგი კვირიკაშვილმაც ისაუბრა, მან ვიზალიბერალიზაციის მნიშვნელობას გაუსვა ხაზი.

„ეს არის მთელი ჩვენი ქვეყნის მოსახლეობის მიღწევა, განსაკუთრებით კი მნიშვნელოვანი ოკუპირებულ ტერიტორიებზე მცხოვრები ხალხისთვის. მინდა, დაგარწმუნოთ რომ ამ მიზნის მიღწევით არ დასრულებულა ჩვენი რეფორმების გზა. სრულად ვაცნობიერებთ ჩვენს ვალდებულებებს და ერთგული ვრჩებით შეთანხმებების შესრულების მიმართ, რომ უზრუნველყოფილი იყოს კარგად მართული და უსაფრთხო გარემო,” - განაცხადა გიორგი კვირიკაშვილმა.

ხვალ საქართველოს მთავრობის ხელმძღვანელი, ქართველ სტუდენტებთან და მეცნიერებთან ერთად, რომლებიც ასევე დელეგაციის შემადგენლობაში არიან, ბრიუსელს დაათვალიერებს.

]]>
28-03-2017 21:07 +0400
ინციდენტი რუსთავში - საწარმოში აფეთქების შედეგად 2 ადამიანი დაშავდა http://rustavi2.com/ka/news/71767

რუსთავში, ერთ-ერთ საწარმოში ლითონის გადამდნობი ღუმელის აფეთქების შედეგად, 2 მუშა დაშავდა. ორივე მათგანის მდგომარეობა სტაბილურია და მათ მძიმე სახის დაზიანებები არ აღენიშნებათ.

როგორც რუსთავი2-ს შსს-ში განუცხადეს, საქმე აღძრულია "სისხლის სამართლის კოდექსის" 170-ე მუხლით, რაც შრომის დაცვის წესის დარღვევას გულისხმობს.

ამ ეტაპზე მიმდინარეობს შესაბამისი საგამოძიებო ღონისძიებები და ჩანიშნულია ექსპერტიზა.

 

 

]]>
28-03-2017 20:07 +0400
ნარკოპოლიტიკის ლიბერალიზაცია - იუსტიციის სამინისტროს ინიციატივას ოპოზიციაში აფასებენ http://rustavi2.com/ka/news/71762

იუსტიციის სამინისტროს ინიციატივას, რომელიც  ნარკოპოლიტიკის ლიბერალიზაციას ეხება, შეფასებები მოყვა პოლიტიკურ სპექტრში. მათი ნაწილი მიიჩნევს, რომ ეს არის ხელისუფლების მხრიდან წინ გადადგმული ნაბიჯი, თუმცა ფიქრობენ, რომ ხელისუფლებას ამ მიმართულებით ბევრი აქვს სამუშაო.

პარლამენტის ფრაქცია ევროპული საქართველოს ლიდერები ამბობენ, რომ ნარკოპოლიტიკა კლუბური ნარკოტიკების მიმართულებითაც უნდა შეიცვალოს. 

„ნარკოტიკების მომხმარებელთა მიმართ პოლიტიკა ფუნდამენტურად უნდა შეიცვალოს. აქ არ იგულისხმება, რა თქმა უნდა, გასაღების მიზანი. ჩვენთვის მნიშვნელოვანია, რომ დაცული იყოს საზოგადოებრივი წესრიგი, მაგრამ ეს უნდა მოხდეს იმგვარად, რომ, რაც შეიძლება, ნაკლები ადამიანი წავიდეს ციხეში და პატიმრობა და თავისუფლების აღკვეთა არ იყოს გამოყენებული სასჯელად იმ შემთხვევაში, თუკი ადგილი არ აქვს გასაღების მიზანს და ამ შეთხვევაში ხდება მსუბუქი ნარკოტიკების მოხმარება,“ - განაცხადა ოთარ კახიძემ.

ერთიანი ნაციონალური მოძრაობის პოლიტიკური საბჭოს წევრის, კოტე იოსელიანის, თქმით, იუსტიციის სამინისტროს მიერ ინიცირებული კანონპროექტი რეალურად არ ცვლის სიტუაციას.

„აქ მთავარი არის ის, რომ მარიხუანას მოწევა კვლავ რჩება კრიმინალად. პოლიცია კვლავ რჩება რეპრესიულ მექანიზმად, რომელსაც შეუძლია, მსუბუქი ნარკოტიკული საშუალებები გამოიყენოს, როგორც პოლიტიკური ოპონენტების წინააღმდეგ, ასევე ნებისმიერი მოქალაქის წინააღმდეგ,“ - განაცხადა კოტე იოსელიანმა.

წინგადადგმულ ნაბიჯად აფასებს ინიციატივას ახალი პოლიტიკური ცენტრი - გირჩის თავმჯდომარე, ზურაბ ჯაფარიძე, თუმცა აქვე აცხადებს, რომ ეს არასაკმარისია.

„არასაკმარისია იმიტომ, რომ მთავარი პრობლემა ნარკოპოლიტიკასთან მიმართებაში არის ის, რომ შინაგან საქმეთა სამინისტროს აქვს ხელში რეპრესიული ბერკეტები,“ - განაცხადა ზურაბ ჯაფარიძემ.

]]>
28-03-2017 18:51 +0400
გიორგი კვირიკაშვილის და დონალდ ტუსკის პრესკონფერენცია - ევროპის საბჭოს პრეზიდენტმა რუსთავი2-ზეც ისაუბრა http://rustavi2.com/ka/news/71763

ევროპული საბჭოს პრეზიდენტი და საქართველოს პრემიერმინისტრი ამ წუთებში პრესკონფერენციას მართავენ.

დონალდ ტუსკმა საქართველოსთვის უვიზო რეჟიმის ამოქმედების მნიშვნელობაზე ისაუბრა. ევროპის საბჭოს პრეზიდენტმა ყურადღება საქართველოს მიერ გატარებულ დემოკრატიულ რეფორმებზე გაამახვილა და ამ კონტექსტში მედიაპლურალიზმსა და კერძოდ, რუსთავი2-ის საქმეზე ისაუბრა.

„მე მოხარული ვიყავი, გამეგო ხელისუფლების ერთგულების შესახებ მედიაპლურალიზმისადმი საქართველოში და კერძოდ კი სამაუწყებლო კომპანია რუსთავი2-ის საქმის ირგვლივ განვითარებულ მოვლენებზე. ევროკავშირი მედიაპლურალიზმს დიდ მნიშვნელობას ანიჭებს და მოლოდინი აქვს, რომ საქართველოც კონკრეტულ ნაბიჯებს გადადგამს ამ მიმართულებით,“ - განაცხადა დონალდ ტუსკმა.

დონალდ ტუსკმა აგრეთვე აღნიშნა, რომ საქართველოს ჰყავს მეზობელი, რომელიც ქვეყნის ტერიტორიულ მთლიანობას საფრთხეს უქმნის.

„მაშინ, როდესაც ევროკავშირი საქართველოს საზღვრებს უხსნის, თვქენ გყავს მეზობელი, რომელიც ცდილობს ახალი საზღვრები შექმნას, რათა თქვენი თავისუფლება შეზღუდოს თქვენივე სუვერენული სახელმწიფოს ფარგლებში,“ - განაცხადა დონალდ ტუსკმა.

გიორგი კვირიკაშილმა დონალდ ტუსკს მადლობა გადაუხადა და განაცხადა, რომ საქართველო მზად არის გააგრძელოს გზა ევროინტეგრაციისკენ.

]]>
28-03-2017 18:49 +0400
ირაკლი მამალაძის გარდა, მოწმე არ არსებობს საქმეში და მას იცავს დაცვის სპეციალური სამსახური - გიორგი ფანცულაია http://rustavi2.com/ka/news/71758

დეკანოზ გიორგი მამალაძის დაცვის მხარისთვის გაუგებარია, როგორ შეუძია მამა გიორგის გამოძიებაზე გავლენის მოხდენა, რადგან საქმეში მხოლოდ ერთი მოწმეა, რომელიც სანდოდ არის დაცული და აუდიო-ვიდეო ჩანაწერები.

„რომელ მოწმეზე უნდა მოახდინოს მამა გიორგი მამალაძემ ზეწოლა, როდესაც, ირაკლი მამალაძის გარდა, მოწმე არ არსებობს საქმეში და ირაკლი მამალაძეს იცავს დაცვის სპეციალური სამსახური, ფიზიკურად ვერ მოახდენს. რომელ მტკიცებულებაზე უნდა მოახდინოს გავლენა, როდესაც საქმეში არის მხოლოდ აუდიო-ვიდეო ვერსია. რამდენად კანონიერად არის მოპოვებული ცალკე საკითხია, მაგრამ ის აუდიო-ვიდეო ვერსიაც კი დაცვის პოზიციის სასარგებლოა, ვიდრე ბრალდების და შესაბამისად, ვერ გაბედა და ვერ გაუშვა პროკურატურამ სრულად იმიტომ, რომ ჩვენი სასარგებლო ინფორმაცია მასში მეტია და მხოლოდ ამოჭრილი ვერსია გაუშვა,“ - განაცხადა გიორგი ფანცულაიამ.

დეკანოზ გიორგი მამალაძის ადვოკატებს გირაოს ოდენობა არ დაუკონკრეტებიათ. მათ ასევე არ უსაუბრიათ მიზეზებზე, რის გამოც ისინი ე.წ. ციანიდის საქმეში ბრალდებულის გამოშვებას ითხოვენ.

მამა გიორგი მამალაძის დაცვის მხარის შუამდგომლობას აღმკვეთი ღონისძიების შეცვლასთან დაკავშირებით სასამართლო ამ წუთებში განიხილავს

]]>
28-03-2017 18:37 +0400
იუსტიციის სამინისტრო ნარკოპოლიტიკის ლიბერალიზაციის ინიციატივით გამოდის http://rustavi2.com/ka/news/71761

იუსტიციის სამინისტრო ნარკოპოლიტიკის ლიბერალიზაციის ინიციატივით გამოდის.

საკანონმდებლო პაკეტი პარლამენტში უკვე გადაგზავნილია, რომლის მიხედვით, სისხლის სამართლის და ადმინისტრაციულ სამართალდარღვევათა კოდექსის რამდენიმე მუხლში ცვლილებები შედის. მათ შორის, დაგეგმილია მარიხუანის მოხმარებაზე ფულადი ჯარიმების შემცირება და 15-დღიანი ადმინისტრაციული პატიმრობის გაუქმება. მსუბუქდება პასუხისმგებლობა მარიხუანის დათესვაზეც და ამ შემთხვევაში სასჯელის სახედ საზოგადოებრივი შრომა იქნება გათვალისწინებული.

კანონპროექტი ითვალისწინებს ნარკოპოლიტიკის ლიბერალიზაციას და არა დეკრიმინალიზაციას. საუბარია სხვადასხვა მიმართულებით მიღებულ გარკვეულ ცვლილებებზე. ცვლილებები კანონპროექტის დამტკიცების შემთხვევაში, განხორციელდება როგორც სისხლის სამართლებრივ კოდექსში, ასევე ადმინისტრაციულ სამართალდარღვევათა კოდექსში.

„მცირე ოდენობით მარიხუანის და მცენარე კანაფის შეძენის, ფლობისთვის და ა.შ. აღარ იქნება ადმინისტრაციული პატიმრობა. ასევე ცვლილება შედის სისხლის სამართლის კოდექსის იმ მუხლში, რომელიც ეხება დიდ ოდენობამდე მარიხუანის და მცენარე კანაფის შემცველი მცენარის დათესვას და კულტივირებას. ამ შემთხვევაშიც არ იქნება გათვალისწინებული თავისუფლების აღკვეთა სასჯელის სახით. გარდა ამისა, როდესაც საქმე ეხება დიდი ოდენობით, ან განსაკუთრებით დიდი ოდენობით მცენარე კანაფის და მარიხუანის ფლობას, ამ შემთხვევაშიც სანქციები არის ბევრად უფრო ლიბერალური. მაგალითად, დიდი ოდენობისთვის, 4-7 წლით თავისუფლების აღკვეთის ნაცვლად იქნება 3 წლამდე თავისუფლების აღკვეთა, დიდი ოდენობის შემთხვევაში, 6-12 წლით თავისუფლების აღკვეთს ნაცვლად იქნება 6 წლამდე თავისუფლების აღკვეთა,“ - განაცხადა საქართველოს იუსტიციის მინისტრის მოვალეობის შემსრულებელმა, ალექსანდრე ბარამიძემ.

]]>
28-03-2017 18:36 +0400
საქართველოსთან სავიზო რეჟიმის გაუქმებით ევროკავშირმა რუსეთს თითების კომბინაცია აჩვენა - რადიო თავისუფლების ჟურნალისტი http://rustavi2.com/ka/news/71757

უცხოელი ჟურნალისტები საქართველოს ევროპასთან უვიზო მიმოსვლის რეჟიმის დამყარებას ულოცავენ. მათი აზრით, დღევანდელი დღე რუსეთის ფედერაციისთვის გამოწვევის გაგზავნის ტოლფასია.

„ქართველებისთვის ეს ნიშნავს უდიდეს ნაბიჯს ოცნების ახდენისკენ - გაწევრიანდეს ევროკავშირში. შემდეგი ეტაპი წევრობის კანდიდატის სტატუსის მიღებაა და შეგიძლიათ, ეს მოითხოვოთ. მიუხედავად იმისა, რომ ევროკავშირს უამრავი პრობლემა აქვს, მან ძლიერი გზავნილი გაუგზავნა ყველას. რა თქმა უნდა, ევროკავშირი ამას არასდროს იტყვის, მაგრამ საქართველოსთან სავიზო რეჟიმის გაუქმებით რუსეთს თითების კომბინაცია აჩვენა,“ - აცხადებს რადიო თავისუფლების ჟურნალისტი, რიკარდი ჟოზვიაკი.

უკრაინული ტელეარხის ჟურნალისტი ფიქრობს, რომ ეს უკრაინელებისთვის პოზიტიური სიგნალია. ინტერის ჟურნალისტი, ალენე აბრამოვიჩი, ამბობს, რომ ამ ფაქტმა უკრაინელ ხალხს იმედი ჩაუსახა.

„საქართველოსთან უვიზო რეჟიმის ამოქმედებამ უკრაინელებს იმედი ჩაუსახა, რომ ჩვენს შევძლებთ. თუმცა, მოგვიწევს დაველოდოთ საფრანგეთში არჩევნების დასრულებას, რადგან არ არის გამორიცხული, ამ პროცესზე გარკვეული გზით იმოქმედოს,“ - განაცხადა ალენე აბრამოვიჩმა.

]]>
28-03-2017 18:11 +0400
ბრიუსელში, ევროკომისიის შენობის წინ, საქართველოს დროშა აღმართეს http://rustavi2.com/ka/news/71756

ამ წუთებში საქართველოს პრემიერმინისტრისა და ევროკავშირის საბჭოს პრეზიდენტის ორმხრივი შეხვედრა იწყება. მოგვიანებით დონალდ ტუსკი ჟურნალისტებისთვის ოფიციალურ განცხადებას გააკეთებს. გიორგი კვირიკაშილი დღეს ჟან კლოდ იუნკერსაც შეხვდება.

დღეს ევროკომისიაში ყურადღება საქართველოსთან უვიზო რეჟიმის დამყარებაზე გამახვილდა.

“მოხარული და ამაყი ვართ, რომ საქრთველომ მიაღწია ამ მომენტს. სიამოვნებით მივესალმებით საქართველოს პრემიერ მინისტრს ამ მოვლენის აღსანიშნავად. მე აქ შევჩერდები, რადგან ვერ წავართმებ მთავარ როლს ევროკომისიის, რომელიც უფრო ელეგანტურად წაუძღვება ღინისძიებას, ვიდრე ამას ახლა მე ვაკეთებ," -  აცხადებს ევროკომისიის სპიკერი, მარგარიტის შინასი.

საქართველოს მუდმივი წარმომადგენელი ევროკავშირში, ნატალია საბანაძე, აცხადებს, რომ ყველა პოლიტიკურ შეხვედრაზე დღეს საზეიმო განწყობა იქნება.

]]>
28-03-2017 18:03 +0400
დეკანოზ გიორგი მამალაძის აღკვეთის ღონისძიების შეფარდების თაობაზე პროცესი დახურულ რეჟიმში მიმდინარეობს http://rustavi2.com/ka/news/71752

დეკანოზ გიორგი მამალაძის წინასასამართლო პროცესი  ცოტა ხნის წინ დაიწყო. მამა გიორგი მამალაძის ადვოკატები დეკანოზის აღკვეთის ღონისძიების გირაოთი შეცვლის შუამდგომლობას აყენებენ.

პროკურატურამ პროცესის დახურვის შუამდგომლობა დააყენა და მიზეზად საქმეში არსებული საიდუმლო მასალები დაასახელა.

მოსამართლემ ბრალდების მხარის შუამდგომლობა ნაწილობრივ დააკმაყოფილა. ამ წუთებში პროცესი დახურულია.

პროკურორების განცხადებით, ბრალდებულის გამოშვებამ შესაძლოა, გამოძიებაზე გავლენა იქონიოს, რადგან, მათი თქმით, ამ დრომდე უცნობია, თუ ვისგან შეიძინა დეკანოზმა ციანიდი.

„პროკურატურას და ბრალდების მხარეს მიაჩნია, რომ გიორგ იმამალაძის მიმართ გამოყენებული პატიმრობა, აღკვეთის ღონისძიების სახით, უნდა დარჩეს ძალაში, ვინაიდან ამ ეტაპზეც არსებობს გიორგი მამალაძის მხრიდან მართლმსაჯულებისთვის თავის არიდების, მოწმეებზე ზემოქმედებისა და ახალი დანაშაულის ჩადენის რეალური საფრთხე,“ - განაცხადა პროკურორმა ზვიად გუბელაძემ.

დაცვის მხარე პროკურატურას არ ეთანხმება. ადვოკატები დარწმუნებულები არიან, რომ დეკანოზის გირაოთი გამოშვება საქმეზე გავლენას არ მოახდენს.

]]>
28-03-2017 17:35 +0400
აღმაშენებლის ქუჩაზე საცხოვრებელ სახლში ხანძარი გაჩნდა - შედეგად არავინ დაშავებულა http://rustavi2.com/ka/news/71751

აღმაშენებლის ქუჩაზე, 3 სართულიან საცხოვრებელ სახლში ცეცხლი გაჩნდა. ხანძრის შედეგად დამწვარია საცხოვრებლის ორი ოთახი. ადგილზე 6 სახანძრო ბრიგადა მუშაობდა. შემთხვევის შედეგად არავინ დაშავებულა.

„იწვოდა 3 სართულიანი შენობის დაშენებული მე-4 სართულის 2 ოთახი. ხანძრის შედეგად დაიწვა 2 ოთახი დაახლოებით, 80-120 კვადრატული მეტრი. ადგილზე მობილიზებული იყო 6 სახანძრო, 1 სამაშველო და 2 სპეციალური სახანძრო მექანიკური კიბეები, დაშავებული არავინ არ გვყავს და ხანძარი ამ დროისთვის ლიკვიდირებულია,“ - განაცხადა შსს-ს საგანგებო სიტუაციების მართვის სააგენტოს თბილისის სამმართველოს უფროსის მოადგილემ, დავით გელაშვილმა.

ამ დროისთვის ხანძარი ლიკვიდირებულია. დაწყებულია გამოძიებაც. ცეცხლის გაჩენის სავარაუდო მიზეზები ცნობილი არ არის.

]]>
28-03-2017 15:41 +0400
თბილისის საკრებულოს უმრავლესობის მილიონერი დეპუტატები - მათი რაოდენობა 13-მდე გაიზარდა http://rustavi2.com/ka/news/71749

საკრებულოს მილიონერი დეპუტატების რაოდენობა 13-მდე გაიზარდა. საკრებულოს დეპუტატების ქონებრივი დეკლარაციები სამოქალაქო პლატფორმა ახალი საქართველოს და არასამთავრობო ორგანიზაცია მედიატორის წარმომადგენლებმა შეისწავლეს.

კვლევის მიხედვით, 2015 წლიდან დღემდე დეპუტატების მფლოებლობაში არსებული ქონების ღირებულება მნიშვნელოვნად მატულობს. სიაში პირველი ადგილი ქართული ოცნების დეპუატატ თამარ ტალიაშვილს უკავია, რომლის ქონება 3.5 მლნ ლარს აღწევს.

"2 წლის წინ იყო 8 მილიონერი. ფაქტია, რომ ზრდა არის ამ მიმართულებით, რომ ქართული ოცნების დეპუტატებში ნელ-ნელა უფრო მეტი მილიონერია, ვიდრე აქამდე იყო," - განაცხადა სამოქალაქო პლატფორმა - ახალი საქართველოს წევრმა, ლევან ხაბეიშვილმა.

მისი თქმით, დეპუტატებს შორის აღმოჩნდა რამდენიმე ადამიანი, რომელსაც ქონება დეკლარირებული არ აქვს და ამ საკითხზე ორგანიზაცია გეგმავს აუდიტის სამსახურს მიმართოს.

]]>
28-03-2017 15:25 +0400
საზეიმო მიღება „ენმ“-ში უვიზო მიმოსვლის აღსანიშნად http://rustavi2.com/ka/news/71747

ნაციონალური მოძრაობის წევრები ყურადღებას ევროპასთან უვიზო მიმოსვლის დადებით მხარეებზე ამახვილებენ. სპეციალურად ამ ისტორიული მოვლენის აღსანიშნავად პარტიაში საზეიმო მიღება გაიმართა.

„საქართველოს მოქალაქეებმა დაიბრუნეს თავისი ადგილი, თავისი პოლიტიკური და ისტორიული განვითარების სივრცეში და ბუნებრივია, ეს შეუძლებელია არ იყოს საზეიმო განწყობის მიზეზი ყველა ქართველისთვის, ამ ქვეყნის ყველა მოქალაქისთვის, მიუხედავად პოლიტიკური გემოვნებისა,“ - განაცხადა ნიკა მელიამ.

ნაციონალურ მოძრაობაში ფიქრობენ, რომ დღევანდელ წარმატებაში ყველაზე მნიშვნელოვანი წვლილი საქართველოს მოქალაქეებს მიუძღვით.

]]>
28-03-2017 15:22 +0400
საკონსტიტუციო სასამართლო მაჟორიტარული და პროპორციული საარჩევნო სისტემის კონსტიტუციურობაზე მსჯელობს http://rustavi2.com/ka/news/71745

საქართველოს საკონსტიტუციო სასამართლო მაჟორიტარული და პროპორციული საარჩევნო სისტემის კონსტიტუციურობაზე მსჯელობს. მოსარჩელე მხარე მიიჩნევს, რომ საარჩევნო სისტემა ვერ უზრუნველყოფს, ამომრჩევლების ხმების ადეკვატურ გარდასახვას საპარლამენტო მანდატებში.

კერძოდ, ხმების რაოდენობა მაჟორიტარული და პროპორციული მანდატების შემთხვევაში მიახლოებული უნდა იყოს.

„თუ სარჩელი დაკმაყოფილდა, ეს იმას ნიშნავს, რომ მაქსიმალურად იქნება მიახლოებული მანდატების რაოდენობა ხმების რაოდენობასთან. პროპორცია პროცენტულობის უნდა იყოს დაცული,“ - განაცხადა საკონსტიტუციო სამართლის სპეციალისტმა, ვახუშტი მენაბდემ.

]]>
28-03-2017 15:15 +0400
ცხინვალის ივანე მაჩაბლის სახელობის თეატრს 140 წელი შეუსრულდა http://rustavi2.com/ka/news/71746

ცხინვალის ივანე მაჩაბლის სახელობის თეატრს 140 წელი შეუსრულდა. საიუბილეო თარიღთან დაკავშირებით დასმა სპექტაკლი ჯაყო შეასრულა.

წარმოდგენის შემდეგ დასის უხუცეს მსახიობებს - ციალა გიგაურსა და ნელი სალამაძეს ხელოვნების ქურუმის სპეციალური ჯილდო გადეცა.

მარჯანიშვილის სახელობის პრემია კი თეატრის სამხატვრო ხელმძღვანელს გოჩა კაპანაძეს გადაეცა. იუბილე თეატრის საერთაშორისო დღეს დაემთხვა.

]]>
28-03-2017 15:15 +0400
თეიმურაზ მურვანიძის ნახატების გამოფენა ჯანსუღ კახიძის მუსიკალურ ცენტრში http://rustavi2.com/ka/news/71739

ჯანსუღ კახიძის მუსიკალურ ცენტრში თეიმურაზ მურვანიძის ნახატების გამოფენა გაიმართა. ღონისძიება ცნობილი მუსიკოსის მასტისლავ როსტროპოვიჩის 90 წლისთავს ეძღვნებოდა.

გამოფენაზე მსოფლიოს სხვადასხვა თეატრსა და საკონცერტო დარბაზში, მხატვრისა და მუსიკოსის მიერ ერთობლივად განხორციელებული 20-მდე ნამუშევარი იყო წარმოდგენილი.

]]>
28-03-2017 14:42 +0400
წყნეთში მცხოვრები დევნილები მძიმე სოციალურ პირობებს აპროტესტებენ http://rustavi2.com/ka/news/71736

წყნეთში მცხოვრები დევნილები მძიმე სოციალურ პირობებს აპროტესტებენ. მათი თქმით, სოციალურ ფონს ინფრასტრუქტურული პრობლემებიც ემატება, საცხოვრებელ სახლს არ აქვს სახურავი, დაზიანებულია კედლები.

დევნილების პრობლემები მოძრაობა თავისუფლებისთვის ევროპული საქართველოს წარმომადგენლებმა მოისმინეს.

დევნილების განცხადებით, არაერთხელ მიმართეს მთავრობის სხვადასხვა სტრუქტურას დახმარებისთვის, მაგრამ დღემდე საკითხი არ გადაჭრილა.

]]>
28-03-2017 14:34 +0400
უვიზო მიმოსვლა ევროკავშირის ქვეყნებში - ქუთაისის აეროპორტიდან რამდენიმე რეისი შესრულდა http://rustavi2.com/ka/news/71728

უვიზო მიმოსვლის ამოქმედების შემდეგ, ევროპის მიმართულებით რამდენიმე რეისი შესრულდა ქუთაისის საერთაშორისო აეროპორტიდან.

გამგზავრებამდე საქართველოს მოქალაქეებს მესაზღვრეები კიდევ ერთხელ უხსნიან, რა საბუთების წარმდეგნა მოეთხოვებათ მათ ევროპის საზღვარზე, რათა უვიზო მიმოსვლით დაუბრკოლებლად ისარგებლონ. ამ წუთებში ქუთაისის საერთაშორისო აეროპორტიდან რეისი ლარნაკას მიმართულებით სრულდება.

სულ 139 მგზავრი ჰყავს ამ რეისს და დღეს საქართველოს რამდენიმე ათეულმა მოქალაქემ გადაკვეთა უვიზოდ საზღვარი.

აეროპორტების გაერთიანებას მგზავრებისთვის სიახლე ჰქონდა. მგზავრებს შეეძლოთ სპეციალური კონვერტი აერჩიათ, სადაც უფასო ბილეთი იყო. 

დღეს გამარჯვებულიც გამოვლინდა და უფასო ბილეთი მარიამ ყაულაშვილმა მიიღოა. ის ერთი წლის განმავლობაში ლარნაკას მიმართულებით უფასოდ იფრენს.

საქართველოს მოქალაქეები უვიზო მიმოსვლის მნიშვნელობაზე ამახვილებენ ყურადღებას.

ქუთაისი ლარნაკას მგზავრები დღეს იყვნენ ტურისტული კომპანიებიც, რომლებიც საუბრობდნენ იმ უპირატესობაზე, რომელიც უვიზო მიმოსვლის პირობებში საქართველოს მოქალაქეებს და ტურისტულ კომპანიებს მოუტანს.

 

]]>
28-03-2017 12:11 +0400
ევროსაბჭოს დელეგაცია პირველ შეხვედრას სამოქალაქო სექტორთან გამართავს http://rustavi2.com/ka/news/71718

ევროსაბჭოს დელეგაცია დღეს ოფიციალურ შეხვედრებს, სამოქალაქო სექტორთან შეხვედრით დაიწყებს. სტუმრები რამდენიმე საათში ევროპის საბჭოს ოფისში არასამთავრობო ორგანიზაციებთან პირველ შეხვედრას გამართავენ.

აქცენტი ძირითადად ე.წ. მოსმენების შესახებ კანონზე და საარჩევნო სისტემებზე, ასევე პრეზიდენტის არჩევის წესზე გაკეთდება.

"მთავარი თემა საარჩევნო საკითხებში არის საპარლამენტო არჩევნების საარჩევნო სისტემა, 5%-ანი ბარიერის დატოვება, საარჩევნო ბლოკების აკრძალვა და გაუნაწილებელი მანდატების პირველ ადგილზე გასული პარტიისთვის მინიჭება. ჩვენ ვფიქრობთ, რომ მნიშვნელოვანი პრობლემა არის ამ შემოთავაზებაში და არსებითად დიდად სურათს არ შეცვლის არსებულ რეალობასთან მიმართებით. სწორედ ამ საკითხებთან დაკავშირებით იქნება საუბარი ამ შეხვედრაზე,“ - განაცხადა საერთაშორისო გამჭვირვალობა - საქართველოს წარმომადგენელმა ლევან ნატროშვილმა.

ინფორმაციის თავისუფლების განვითარების ინსტიტუტი გეგმავს განსახილველ საკითხებს შორის საკონსტიტუციო კომისიის საქმიანობის თემაც დააყენოს. ასევე საუბარი შეეხება ქვეყანაში ინტერნეტის თავისუფლების, როგორც უფლების აღიარებას კონსტიტუციით.

]]>
28-03-2017 09:04 +0400
უვიზო მიმოსვლა - ისტორიული დღე გალა კონცერტით და გრანდიოზული ფოიერვერკით აღინიშნა http://rustavi2.com/ka/news/71711

გრანდიოზული ფოიერვერკით დასრულდა გვიან ღამით ევროკავშირში საქართველოს ვიზალიბერალიზაციასთან დაკავშირებული საზეიმო ღონისძიებები თბილისში. მანამდე ევროპის მოედანზე ორ საათზე მეტხანს გალა კონცერტი მიმდინარეობდა.

სცენაზე ყველა თაობის მომღერლები ავიდნენ, შესრულდა სხვადსხვა ჟანრის მუსიკა.

კონცერტს პრემიერმინისტრი პარლამენტის თავმჯდომარესთან, მთავრობის წევრებთან და დეპუტატებთან ერთად დაესწრო.

დღევანდელ ისტორიულ დღესთან დაკავშირებით საქართველოს დედაქალაქი გუშინ საზეიმოდ იყო განათებული - ევროკავშირის დროშების ფერებში იყო წარმოდგენილი მშვიდობის ხიდი და სატელევიზიო ანძა.

]]>
28-03-2017 08:18 +0400
უვიზო მიმოსვლა ევროპასთან - მოქალაქეებს ინფორმაციის მიღება ცხელი ხაზის საშუალებით შეუძლიათ http://rustavi2.com/ka/news/71709

უვიზო რეჟიმის ამოქმედებასთან დაკავშირებით საგანგებო რეჟიმში მუშაობს საქართველოს საგარეო საქმეთა სამინისტროს ცხელი ხაზი.

საქართველოს მოქალაქეებს  შესაბამის ტელეფონზე დაკავშირება 24 საათის განმავლობაში შეუძლიათ - ისინი მიიღებენ ამომწურავ ინფორმაციას და საჭირო დახმარებას უვიზო მიმოსვლის წესებთან და პროცედურებთან დაკავშირებით.

ასევე უწყვეტ რეჟიმში მუშაობენ საზღვარგარეთ საქართველოს დიპლომატიური წარმომადგენლობები და საკონსულო დაწესებულებები.

მინისტრის ინიციატივით, ევროპის ცალკეულ დედაქალაქებში, სადაც საქართველოდან პირდაპირი ფრენები ხორციელდება, საქართველოდან მიმავალ მგზავრებს აეროპორტში დახვდებათ საქართველოს საკონსულო დაწესებულების თანამშრომელი.

„24 საათის განმავლობაში მოქალაქეებს შეუძლიათ დაგვიკავშირდნენ და მიიღონ ნებისმიერი ინფორმაცია, რაც შეეხება უვიზო მიმოსვლასთან დაკავშირებულ წესებს. რა დოკუმენტები უნდა იქონიონ თან, როგორია გასაჩივრების მექანიზმი თუ არ იქნა მოქალაქე შეშვებული საზღვარზე,“-განაცხადა საქართველოს საგარეო საქმეთა სამინისტროს საკონსულო დეპარტამენტის დირექტორის მოადგილემ ინგა კიკვაძემ. 

]]>
28-03-2017 08:09 +0400
უვიზო რეჟიმის ამოქმედების შემდეგ, თბილისის საერთაშორისო აეროპორტიდან პირველი რეისი ვარშავის მიმართულებით შესრულდა http://rustavi2.com/ka/news/71707

უვიზო რეჟიმის ამოქმედების შემდეგ, თბილისის საერთაშორისო აეროპორტიდან პირველი რეისი ვარშავის მიმართულებით შესრულდა. კურიერმა ის პირველი მგზავრი ჩაწერა, რომელმაც ევროპის მიმართულებით საზღვარი უვიზოდ გადაკვეთა. ვარშავის რეისის მგზავრებს შორის აღმოჩნდა ამერიკის ელჩის მოადგილეც.

ნიკოლას ბერლინერიმ საქართველოს უვიზო მიმოსვლა მიულოცა. 

“ვულოცავ ქართველ ხალხს და საქართველოს მთავრობას. ეს ძალიან მნიშვნელოვანი ნაბიჯი და ნდობის ნიშანია, ასევე იმ სამუშაოს აღიარება, რაც საქართველომ გასწია. ამ პროცესს შეერთებული შტატები დიდი ხანია მხარს უჭერს და ძალიან მიხარია, რომ ვხედავ საბოლოო შედეგს. საქართველო რეფორმების განხორციელებით ამ ყველაფრისთვის ძალიან აქტიურად მუშაობდა. ეს არის იმის აღიარება, რომ საქართველო ევროატლანტიკურ გზას ადგას და უახლოვდება ევროპულ ინსტიტუტებს, რისი დემონსტრირებაც უკვე ხელშესახებად მოხდა. იმედი გვაქვს, მეტ ქართველს ვნახავთ ევროპაში, ხოლო მეტ ევროპელს საქართველოში,“ - განაცხადა ნიკოლას ბერლინერიმ.

უვიზო რეჟიმის ამოქმედებას თბილისის საერთაშორისო აეროპორტი საქართველოსა და ევროკავშირის დროშებით გაფორმებული დახვდა. მგზავრებს მესაზღვრე კონტროლიორებმა უვიზო მიმოსვლის პირობებთან დაკავშირებით კონსულტაცია გაუწიეს.

უვიზო მიმოსვლის უფლების გამოყენება შეუძლია ოკუპირებულ ტერიტორიაზე მცხოვრებ მოსახლეობასაც. წესების დარღვევის შემთხვევაში, გათვალისწინებულია ჯარიმაც - მოქალაქეს დეპორტაციასთან ერთად, 3 ათასი ევროს გადახდა მოუწევს.

]]>
28-03-2017 08:04 +0400
გორის თეატრის დაარსების თარიღი, რომელიც თანამედროვე ქართული პროფესიული თეატრის ისტორიას ცვლის http://rustavi2.com/ka/news/71703

გორის თეატრი უკვე დიდი ხანია ცდილობს დაადგინოს საკუთარი ასაკი. საბჭოთა დროიდან სეზონის ათვლა რამდენიმეჯერ აირია. ერისთავის დასის დაკვეთით, თეატრმცოდნე ლაშა ჩხარტიშვილმა ისტორიული წყაროები მოიძია. დასკვნა კი არამარტო ერისთავის, მთლიანად თანამედროვე თეატრის ისტორიას ცვლის.

თეატრმცოდნემ არაერთ ისტორიულ წყაროზე დაყრდნობით დაადგინა, რომ გორის თეატრს კიდევ უფრო დიდი ხნის ისტორია აქვს, ვიდრე აქამდე მიიჩნეოდა. დღეიდან მისი დაარსების თარიღად ირიცხება 1845 წელი.

გორის თეატრის დაარსების ახალი თარიღი ცვლის თანამედროვე ქართული პროფესიული თეატრის ისტორიასაც, რომლის შესახებ მაყურებელს გიორგი ერისთავის სახელობის დასმა გუშინ - თეატრის საერთაშორისო დღეს განუცხადა.

მნიშვნელოვანი აღმოჩენა გორში სპექტაკლით აღინიშნა, რომელშიც დასის სრული შემადგენლობით და გორის ქალთა კამერული გუნდი მონაწილეობდა.

ავტორები:იზო ჩუბინიძე. 

 

]]>
27-03-2017 21:57 +0400
არასამთავრობოების კვლევა - სტატისტიკური ინფორმაციით, ოჯახური ძალადობის შემთხვევები ყოველწლიურად იზრდება http://rustavi2.com/ka/news/71698

ოჯახში ძალადობის, ოჯახური დანაშაულისა და ქალთა მიმართ ძალადობის საქმეებზე სასამართლო მონიტორინგი ახალგაზრდა იურისტთა ასოციაციამ ჩაატარა. არასამთავრობო ორგანიზაციაში მოსამართლეების მიერ, მსგავს საქმეებზე ბრალდებული პირებისთვის, დაუსაბუთებლად ლმობიერ და არაადეკვატურ აღკვეთის ღონისძიების შეფარდებაზე საუბრობენ.

კვლევის შედეგის ის ნაწილი სადაც, პროკურატურის არაეფექტურ და ხარვეზიან საქმიანობაზეა საუბარი, მიუღებელია პროკურატურისთვის. უწყებაში განმარტავენ, რომ უწყების მიდგომა ოჯახურ დანაშაულთან მიმართებით მკაცრია, თუმცა ქალის მიმართ განხორციელებული ძალადობისა და ოჯახში ძალადობის საქმეზე კვლევამ პროკურატურის მხრიდან არასრული და მსუბუქი კვალიფიკაციის შემთხვევები მაინც გამოავლინა.

მესამე სექტორის მიერ შემუშავებული რეკომენდაციები მისაღებია სააპელაციო სასამართლოს მოსამართლისთვის ნათია ქუთათელაძისთვის. 

ქალთა მიმართ ძალადობის აღკვეთის, ოჯახში ძალადობის მსხვერპლთა დაცვისა და დახმარებისთვის გარკვეული ნაბიჯების გადადგომას ითხოვენ ძალადობის მსხვერპლთან მომუშავე იურისტები. 

სტატისტიკური ინფორმაციით, ოჯახური ძალადობის შემთხვევები ყოველწლიურად იზრდება.

 

 

]]>
27-03-2017 21:47 +0400
საერთაშორისო სავაჭრო პალატამ იუსტიციის უმაღლეს საბჭოს საჩივრით მიმართა http://rustavi2.com/ka/news/71702

საერთაშორისო სავაჭრო პალატა სასამართლოში არსებულ კორუფციაზე საუბრობს. ამის დასტურად ფადი ასლი 3 სასამართლო გადაწყვეტილებას ასახელებს, რომელიც ერთი და იმავე მოსამართლემ, ვლადიმერ კაკაბაძემ, მიიღო.

ერთ შემთხვევაში ფილიპ მორისისა და თბილისის თამბაქოს შორის დავაში უცხოურ კომპანიას 92 მილიონი ლარის ჯარიმა დაეკისრა, ომეგა ჯგუფისა და ბრითიშ ამერიქან თობაქოს საქმეში კი, მოსამართლის გადაწყვეტილებით, საერთაშორისო მწარმოებელს 270 მილიონი ლარის ჯარიმა აქვს გადასახდელი. ტერა ბანკის შემთხვევაში კი პროცესი ერთი წელია მიმდინარეობს და შესაძლოა სასამართლო პროცესის დასრულების შედეგად ინვესტორმა საქართველო საერთოდ დატოვოს.

ფადი ასლი დარწმუნებულია, რომ მოსამართლემ გადაწყვეტილებები კორუფციული გარიგების შედეგად მიიღო.

ოპოზიცია სასამართლო სისტემაში არსებული კორუფციული ნიშნების შესახებ მიუთითებს. მმართველი გუნდის ნაწილს მიაჩნია, რომ სასამართლოს მიმართ უარგუმენტო ბრალდებები ისმის, ნაწილი კი ფიქრობს, რომ დასახელებული პრობლემები იუსტიციის უმაღლესმა საბჭომ რეაგირების გარეშე არ უნდა დატოვოს.

იუსტიციის უმაღლეს საბჭოს მოსამართლეს საერთაშორისო სავაჭრო პალატამ საჩივრით უკვე მიმართა.

]]>
27-03-2017 21:33 +0400
ევროპა უკვე აღარ არის ქართველებისთვის აბსტრაქცია - ევროპარლამენტარები ქართველებს ვიზალიბერალიზაციას ულოცავენ http://rustavi2.com/ka/news/71704

ევროპელი პოლიტიკოსები საქართველოს უვიზო რეჟიმის დამყარებას ულოცავენ. ევროპარლამენტის დეპუტატების აზრით, ქართველმა ხალხმა ეს დაიმსახურა.

"ეს დიდი ხნის წინაც უნდა ყოფილიყო ასე. მნიშვნელოვანი ნიშანია ქართველი ხალხისთვის, რომ არ უნდა დანებდნენ და ყოველთვის იბრძოლონ ევროპული ღირებულებებისთვის, ევროპული მისწრაფებებისთვის, რომ ჰქონდეთ კარგი მმართველობა, დაიცვან კანონის უზენაესობა. ეს ყველაფერი განსაკუთრებით მნიშვნელოვანია იმ დროს, როდესაც საქართველოც და ევროკავშირიც არადემოკრატიული ქვეყნის-რუსეთის მხრიდან არსებული გამოწვევის წინაშე დგანან,“ - განაცხადა ევროპარლამენტის წევრმა, ანა გომეშმა.

ევროდეპუტატი პეტრას აუსტრევიჩიუსი ფიქრობს, რომ ეს ნაბიჯი საქართველოსთვის იქნება სტიმული, რომ იდევ უფრო დიდი ძალისხმევით იაროს ევროპისკენ.

„ევროკავშირმა იმის დემონსტრირება მოახდინა, რომ ის არის დემოკრატიული და გახსნილი ორგანიზაცია, რომელიც მიესალმება ასეთივე იდეის მქონე ქვეყნის მოქალაქეებს.
ევროპა უკვე აღარ არის ქართველებისთვის აბსტრაქცია. მათ შეუძლიათ ჩამოვიდნენ და საკუთარი თვალით ნახონ როგორია ევროპა. ვიცი რომ ქართველები ამბიციური ხალხია და უფრო მეტის მიღწევა სურთ. მოვუწოდებ, რომ იბრძოლონ ევროკავშირში გაწევრიანებისთვის, ისევე როგორც ამას ნატოსთან მიმართებით აკეთებენ და ეს სავსებით ლეგიტიმურია,“ - განაცხადა ევროპარლამენტის წევრმა, პეტრას აუსტრევიჩუსმა.

ვიზალიბერალიზაციაზე კომენტარი საქართველოს საგანგებო და სრულუფლებიანმა ელჩმა ბელგიასა და ლუქსემბურგში, ნატალია საბანაძემაც  გააკეთა. საქართველოს მუდმივი წარმომადგენელი ევროკავშირში აცხადებს, რომ საქართველოსთვის ეს ძალიან მნიშნელოვანი მიღწევაა.

„ეს იყო საკმაოდ სერიოზული გზავნილი, დაფასება და მხარდაჭერა საქართველოს მიმართ,“ - განაცხადა ნატალია საბანაძემ.

]]>
27-03-2017 21:24 +0400
მზადება აეროპორტებში - მოქალაქეებს უვიზოდ გამგზავრებამდე პროცედურებს მესაზღვრეები განუმარტავენ http://rustavi2.com/ka/news/71701

საქართველოს აეროპორტები, საიდანაც ევროპაში რეგულარული რეისები სრულდება, ხვალინდელი დღისთვის განსაკუთრებულად ემზადებიან.

ქუთაისის აეროპორტში, ახალი რეგულაციების შესახებ ინფორმაციის მიღება მგზავრებს საინფორმაციო მაგიდასთან შეეძლებათ. სპეციალურად უვიზო მიმოსვლის ამოქმედების გამო, აეროპორტის ადმინისტრაციამ თანამშრომლები გადაამზადა.

საზღვრის გადაკვეთამდე, მესაზღვრეები მგზავრებს ყველა დოკუმენტს შეუმოწმებენ. პატრულ-ინსპექტორი მიაწვდის მათ ინფორმაციას რა დოკუმენტს შესაძლოა ჰქონდეს პრობლემა და რა შეკითხვები შეიძლება ჰქონდეს მგზავრთან ევროკავშირის წევრ ქვეყანაში შესვლის დროს მესაზღვრეს რის გამოც შესაძლოა, საზღვრის გადაკვეთის უფლება არ მისცენ. ამ სავალდებულო პროცედურებთან დაკავშირებით, შინაგან საქმეთა მინისტრმა დღეს ოფიციალური ბრძანება გამოსცა.

უსაფრთხოებასა და სავალდებულო პროცედურების დაცვაზე პასუხისმგებლობა შინაგან საქმეთა სამინისტროს ეკისრება.

ქუთაისის აეროპორტში მგზავრთა ნაკადი უკვე გაზრდილია. აეროპორტების გაერთიანებამ ვიზალიბერალიზაციის ამოქმედების გამო აეროპორტში მგზავრთა კიდევ ერთი გასასვლელი დაამატა. თბილისი-ქუთაისი-თბილისის მიმართულებით მგზავრების გადასაყვანად დაემატა სამგზავრო ავტობუსებიც.

ქუთაისის აეროპორტის მმართველ კომპანიაში აცხადებენ, რომ ევროპის სხვადასხვა ავიაკომპანიებთან მოლაპარაკებები უკვე მიმდინარეობს და არ არის გამორიცხული უახლოეს მომავლში, ქუთაისიდან ფრენა ევროპის ქვეყნებში რამდენიმე ახალი მიმართულებით დაინიშნოს.

]]>
27-03-2017 21:14 +0400
რამდენიმე საათი ვიზალიბერალიზაციამდე - ევროპაში მოგზაურობის ვადების დარღვევისას საქართველოს მოქალაქეები დაჯარიმდებიან http://rustavi2.com/ka/news/71697

ევროპის საზღვრების გახსნამდე რამდენიმე საათია დარჩენილი. ხვალიდან საქართველოს მოქალაქეები შენგენის ზონაში და ევროკავშირის კიდევ რამდენიმე წევრ და არაწევრ ქვეყანაში უვიზოდ შეძლებენ მოგზაურობას. ამ პრივილეგიით ოკუპირებულ ტერიტორიებზე მცხოვრები მოსახლეობაც ისარგებლებს.

ვიდრე საქართველოს მოქალაქეები ევროპის საზღვარს ხვალ უვიზოდ გადაკვეთენ, საგარეო უწყების ხელძღვანელი განმარტებებს კიდევ ერთხელ აკეთებს. ევროპაში თავისუფალი მიმოსვლის პრივილეგიით ის მოქალაქეები ისარგებლებენ, რომლებიც შენგენის ზონას მოკლე ვადით გაემგზავრებიან.

უკვე განსაზღვრულია ის ჯარიმა, რომელსაც საქართველოს მოქალაქეები ევროპაში მოგზაურობის ვადების დარღვევისას მიიღებენ. 3000-ევროინაი ჯარიმის გარდა მათ შენგენის ზონაში შესვლა აეკრძალებათ.

ვიზალიბერალიზაციის ამოქმედებასთან დაკავშირებით, საგანგებო მიღება დღეს ევროპული საქართველოს წევრებმა გამართეს. პარტიის ოფისში ევროკავშირის ჰიმნი შესრულდა და ტორტიც გაიჭრა.

საქართველოს, ევროინტეგრაციის გზაზე წინ გადადგმული ნაბიჯი ლიტვის პრეზიდენტმა, დალია გრიბაუსკაიტემ მიულოცა.

ისტორიულ თარიღამდე რამდენიმე საათი რჩება. სულ მალე საქართველოს პირველი მოქალაქე ევროპის საზღვარზე თავისუფლად, ვიზის გარეშე შეაბიჯებს.

]]>
27-03-2017 21:06 +0400
მიხეილ რამიშვილი აზრით, გამოძიება პროცესის გაჭიანურებას არასაკმარისი მტკიცებულებების გამო ცდილობს http://rustavi2.com/ka/news/71696

დეკანოზ გიორგი მამალაძის ადვოკატი, მიხეილ რამიშვილი აცხადებს, რომ გამოძიების მხარეს ამ დრომდე ყველა საჭირო საგამოძიებო მოქმედება არ ჩაუტარებია და კიდევ ჰყავს ადამიანები დასაკითხი. მისი აზრით, პროკურატურას ამ ქმედებებისთვის საკმარისი დრო ჰქონდა და წინასასამართლო სხდომის ვადის გაგრძელების აუცილებლობა არ არსებობს.

„მე ვფიქრობ, რომ ეს გამოძიების დროის გაჭიანურების მიზნით არის ყველაფერი მოთხოვნილი,“ - აცხადებს მიხეილ რამიშვილი.

მისი თქმით, დღეს მოსამართლე გადაწყვეტს, დააკმაყოფილებს თუ არა სასამართლო პროკურატურის შუამდგომლობას წინასასამართლო სხდომის ვადის გაგრძელების თაობაზე.

„ამის შემდეგომ თუ დაკმაყოფილდება, 72 საათის ვადაში სასამართლოს მიერ უნდა მოხდეს განხილვა, თუ რამდენად მიზანშეწონილი არის წინასწარ პატიმრობაში ამის საფუძველზე დარჩეს მამა გიორგი,“ - განაცხადა მიხეილ რამიშვილი.

ის აცხადებს, რომ არანაირი საფუძველი იმისა, რომ მამა გიორგი პატიმრობაში დარჩეს, არ არსებობს.

„სათანადო მტკიცებულებები რომ ყოფილიყო სრულყოფილი, შესაბამისად, მოგეხსენებათ, წინასასამართლო სხდომა დანიშნული არის 5 აპრილს 11 საათზე და მე მგონი თავისუფლად შეეძლო ბრალდების მხარეს ემოქმედა და სრული მტკიცებულებები წარედგინა იმ ბრალის დასამტკიცებლად, რაც მოხდებოდა შემდეგ საქმის არსებითი განხილვის დროს,“ - განაცხადა მიხეილ რამიშვილმა. 

ის აღნიშნავს, რომ დაცვის მხარე აღკვეთის ღონისძიებად გირაოს მოითხოვს. მისი განცხადებით, დაცვის მხარე საპატრიარქოს იურისტის დახმარების გარეშე, შესაბამის არგუმენტებზე თავად იზრუნებს. 

„ნუ წუხდება ბატონი ედიშერი, მე თვითონ დავასაბუთებ, რატომ უდნა მოხდეს წინასწარი პატიმრობიდან გათავისუფლება მამა გიორგის,“ - განაცხადა მიხეილ რამიშვილმა.

ის აღნიშნავს, რომ მამა გიორგი მამალაძის ბრალდება არცერთი ჩვენებით არ დასტურდება.

 

 

 

]]>
27-03-2017 19:12 +0400
გვაქვს ტექნიკური საშუალებები, რათა გამოვავლინოთ მოქალაქეები, რომლებიც უვიზო მიმოსვლის პირობებს დაარღვევენ - შალვა ხუციშვილი http://rustavi2.com/ka/news/71685

ვიზალიბერალიზაციის მოახლოებასთან დაკავშირებით, მესაზღვრე-კონტროლიორებმა სპეციალური გადამზადება გაიარეს, რათა საქართველოს მოქალაქეებს, რომლებსაც ევროპის უვიზო მიმოსვლის ზონის ქვეყნებში სურთ გამგზავრება, კონსულტაცია გაუწიონ და თითოეულმა მოქალაქემ შესაბამისი შემოწმება გაიაროს.

„პრემიერის დავალების შესაბამისად, გვაქვს ტექნიკური საშუალებები იმისა, რომ გამოვავლინოთ მოქალაქეები, რომლებიც უვიზო მიმოსვლის პირობებს დაარღვევენ, გადააჭარბებენ ვადას და ა.შ. და ამის შესახებ პროაქტიულად მივაწოდოთ ინფორმაცია ევროკავშირის შესაბამის სტრუქტურებს და ჩვენს კოლეგებს სხვადასხვა ქვეყანაში,“ - განაცხადა საქართველოს შინაგან საქმეთა მინისტრის მოადგილემ, შალვა ხუციშვილმა.

უვიზო მიმოსვლის ამოქმედებიდან პირველი რეისი ქუთაისი-ბუდაპეშტის მიმართულებით შესრულდება.

]]>
27-03-2017 18:27 +0400
"ჩვენ არ უნდა ჩავთვალოთ, რომ ეს არის სამარადჟამო მონაპოვარი," - ვანო ჩხიკვაძე უვიზო მიმოსვლაზე საუბრობს http://rustavi2.com/ka/news/71683

ფონდ ღია საზოგადოება - საქართველოს ევროინტეგრაციის მიმართულების მენეჯერი ვანო ჩხიკვაძე თავისუფალი სავიზო რეჟიმის შესახებ საუბრობს და ამბობს, რომ ამ მონაპოვარს გაფრთხილება სჭირდება.

„გამოწვევაა პირველ რიგში არის ის, რომ ჩვენ არ უნდა ჩავთვალოთ, რომ ეს არის რაღაც სამარადჟამო მონაპოვარი და ამას აუცილებლად სჭირდება გაფრთხილება, როგორც ხელისუფლების მხრიდან, ასევე თითოეული მოქალაქის მხრიდან, რომელიც გადაწყვეტს, რომ გაემგზავროს შენგენის ზონის ქვეყნებში უვიზოდ,“ - განცხადა ვანო ჩხიკვაძემ.

მისი თქმით, მოქალაქეები ბევრად უფრო გამარტივებული ფორმით შეძლებენ შენგენის წევრ ქვეყნებში გამგზავრებას, ვიდრე ეს იყო მანამდე.

ჩხიკვაძე არ გამორიცხავს, რომ პროცესების პარალელურად, რუსეთის მხრიდან რაიმე გარკვეულ პროვოკაციებს ჰქონდეს ადგილი.

„რაც უფრო უახლოვდება ნებისმიერ სახელმწიფო ევროკავშირს, ეს ცხადია რომ რუსეთისთვის დიდად სასიამოვნო არ არის,“ - განაცხადა ვანო ჩხიკვაძე.

]]>
27-03-2017 18:23 +0400
ქუთაისის საერთაშრისო აეროპორტში მგზავრებისთვის დამატებითი გასასვლელი დაემატება http://rustavi2.com/ka/news/71680

​ვიზალიბერალიზაციამდე რამდენიმე საათი რჩება. უვიზო მიმოსვლის რეჟიმის დადებით მხარეებზე შპს საქართველოს აეროპორტების გაერთიანების დირექტორი, ქეთევან ალექსიძე საუბრობს და ადასტურებს, რომ მგზავრთა ნაკადი გაზრდილია და ქუთაისის აეროპორტის ხელმძღვანელობის გადაწყვეტილებით, აეროპორტს კიდევ ერთი გასასვლელი დაემატება. ამას თან ერთად, ქუთაისი-თბილისისა და თბილისი-ქუთაისის მარშრტუტზე 2 სამგზავრო ავტობუსი დაემატება.

ქეთევან ალექსიძის აზრით, ვიზალიბერალიზაცია საქართველოს ავიაციისთვის ძალიან მნიშვნელოვანი წინგადადგმული ნაბიჯი იქნება.

„ძალიან მნიშვნელოვანია ეს ფაქტი არა მხოლოდ საქართველოს განვითარებისთვის, არამედ ასევე მნიშვნელოვანია ავიაციისთვის. ჩვენ ვფიქრობთ, რომ ეს მნიშვნელოვანი წინგადადგმული ნაბიჯი იქნება. როგორც იცით, ავიაცია საკმაოდ დინამიურად ვითარდებოდა ბოლო რამდენიმე წლის განმავლობაში. წელსაც პრაქტიკულად უპრეცედენტო ზრდა გვქონდა საერთაშირისო აეროპორტებში და ეს ახალი შესაძლებლობა უფრო დაგვეხმარება, რომ კიდევ უფრო უკეთ წარმოვაჩინოთ საქართველო,“ - აცხადებს შპს საქართველოს აეროპორტების გაერთიანების დირექტორი, ქეთევან ალექსიძე.

]]>
27-03-2017 18:01 +0400
საგურამოში შეზღუდული შესაძლებლობის მქონე პირთა დღის ცენტრი გაიხსნა http://rustavi2.com/ka/news/71678

შეზღუდული შესაძლებლობის მქონე პირთა დღის ცენტრი გაიხსნა საგურამოში. ახალი ცენტრი ბენეფიციარებს ინკლუზიური განათლებისთვის აუცილებელი უნარების განვითარებაში დაეხმარება.

ცენტრის წევრებს შესაძლებლობა აქვთ თერაპიულ და სარეაბილიტაციო მომსახურებასთან ერთად, პროფესიასაც დაეუფლონ.

„აქ არის საუკეთესო პირობები იმისთვის, რომ ბავშვებმა, ახალგაზრდებმა მიიღონ ელემენტარული უნარები იმისთვის, რომ მოემზადონ და ადაპტაცია განიცადონ ცხოვრების პირობებთან, რათა ისინი იყვნენ ჩვენი საზოგადოების სრულუფლებიანი წევრები,“ - განაცხადა სოციალური მომსახურების სააგენტოს დირექტორმა ზაზა სოფრომაძემ.

]]>
27-03-2017 15:30 +0400
რიმა ბერაძე "ბავშვთა სამყაროს" მოვაჭრეთა ბრალდებებს უარყოფს http://rustavi2.com/ka/news/71675

რიმა ბერაძე ბავშვთა სამყაროს მოვაჭრეებს პასუხობს და დეპუტატი ბავშვთა სამყაროს ხანძრის შედეგად დაზარალებულების ბრალდებებს უარყოფს.

საკრებულოს უმრავლესობის დეპუტატი ბავშვთა სამყაროს მოვაჭრეებმა შანტაჟსა და მუქარაში დაადანაშაულეს.

„ეს ნამდვილად არასწორი ინფორმაციაა. კითხვა იყო ის, რომ გაეზრდებოდა თუ არა თანხები თითოეულ მათგანთან დაკავშირებით. ჩემი პასუხი იყო თავისთავად ცხადია ის, რომ გამოყოფილი, მილიონ 50 ათასი ლარიდან, რომელიც აკმაყოფილებდა 345 მოქალაქეს, ამ ეტაპზე მეტი საშუალება სახელმწიფოს, კერძოდ, ქალაქ თბილისის მერიის სარეზერვო ფონდს არ გააჩნდა,“ - განაცხადა რიმა ბერაძემ.

დაზარალებულები შეერთებული შტატების საელჩოსთან შეიკრიბნენ, და დიპლომატიურ უწყებას თხოვენ მთავრობასთან შუამდგომლობას. მოვაჭრეები დაზარალებულის სტატუსის მინიჭებას, საბანკო ვალდებულებების შეჩერებას, ასევე პრემიერთან შეხვედრას და ხელისუფლებისგან პირველადი კომპენსაციის სახით 5 ათას ლარს ითხოვენ.

საკრებულოს მიერ 3 ათას ლარიან შეთავაზებაზე კი უარი განაცხადეს. მოვაჭრეები უახლოეს დღეებში სხვა ქვეყნების დიპლომატიურ წარმომადგენლობებთან გამართავენ აქციას.

 

]]>
27-03-2017 15:21 +0400
ევროპის მოედანზე გალა კონცერტისთვის მუსიკოსებმა შეკრება უკვე დაიწყეს http://rustavi2.com/ka/news/71672

ამ დროისთვის ევროპის მოედანზე შემსრულებლები როგორც სოლო არტისტები, ნელ-ნელა იკრიბებიან. ასევე საღამოს ზაქარია ფალიაშვილის ოპერისა და თეატრის ორკესტრი დავით მაზანაშვილი უდირიჟორებს. 

„დღევანდელი დღისადმი მიძღვნილ კონცერტში იქნება როგორც ქართული, ასევე ევროპული მუსიკა შესრულებული. კონცერტში მონაწილეობას მიიღებს ჩემი ორკესტრი, რა თქმა უნდა, მიიღებენ ასევე საოპერო გუნდი მონაწილეობას,“ - განაცხადა დირიჟორმა დავით მაზანაშვილმა.

უვიზო მიმოსვლის ამოქმედებას თბილისში გალა კონცერტით აღნიშნავენ. საქართველოსა და ევროკავშირის დროშების ინსტალაცია განათდება ევროპის მოედანზე.

ღონისძიება საღამოს 9 საათზე დაიწყება და საზეიმო ფოიერვერკით დასრულდება. უკვე მზად არის სცენა, რომელიც დღეს ქართველ შემსრულებლებს დაეთმობათ.

ევროპის მოედანზე 4 საათიდან რეპეტიცია დაიწყება, საღამოს 21:00 საათზე კი ნებისმიერ მსურველს ელოდებიან. 

]]>
27-03-2017 15:09 +0400
ნიდერლანდების ელჩი ვიზალიბერალიზაციის მნიშვნელობაზე ფოთში სტუდენტებს და სასულიერო პირებს ესაუბრა http://rustavi2.com/ka/news/71670

ნიდერლანდების ელჩი ვიზალიბერალიზაციის მნიშვნელობაზე ფოთში სტუდენტებს და სასულიერო პირებს ესაუბრა. შეხვედრა ახალი საქართველოს უნივერსიტეტში შედგა.

ელჩმა განმარტა, რა სარგებელს მოუტანს ქვეყანას ვიზალიბერალიზაცია. მსგავს საინფორმაციო შეხვედრებს დიპლომატი საქართველოს სხვა რეგიონებშიც გამართავს.

]]>
27-03-2017 14:42 +0400
გარემოსდაცვითი ზედამხედველობის დეპარტამენტმა არჩვზე ნადირობის ფაქტი გამოავლინა http://rustavi2.com/ka/news/71669

გარემოსდაცვითი ზედამხედველობის დეპარტამენტის, დასავლეთის რეგიონული სამმართველოს თანამშრომლებმა, საქართველოს „წითელი ნუსხით“ დაცულ სახეობაზე - არჩვზე ნადირობის ფაქტი გამოავლინეს.

უწყების ინფორმაციით, ბაღდათის მუნიციპალიტეტის სოფელ ზეკარში, მოქალაქე მამუკა ვაჭარაძემ, მასზე რეგისტრირებული სანადირო თოფით არჩვი მოკლა. ეს სახეობა გადაშენების პირას მყოფია. მამუკა ვაჭარაძესა და მის თანმხლებ ანდრო გელენიძეს ჩამოერთვათ სანადირო თოფები.

გარემოზე მიყენებული ზიანის ოდენობამ 30 000 ლარი შეადგინა. საქმის მასალები სისხლის სამართლის დანაშაულის ნიშნებს შეიცავს და შინაგან საქმეთა სამინისტროს ბაღდათის რაიონულ სამმართველოს გადაეგზავნება.

]]>
27-03-2017 14:39 +0400
ზუგდიდში 144 დევნილ ოჯახს ბინები გადაეცათ http://rustavi2.com/ka/news/71662

ზუგდიდში 144 დევნილ ოჯახს ბინები გადაეცათ. დევნილთა და განსახლების სამინისტრომ ახალაშენებულ კორპუსში დევნილებს საცხოვრებელი საკუთრებაში გადასცა.

პარალელურად, დევნილთა სამმართველოსთან მივიდნენ ის ადამიანები, ვინც ვერ მიიღო ბინა. მათი თქმით, საცხოვრებელი ფართები უსამართლოდ გადანაწილდა.  

„ყველას ექნება შანსი, უმოკლეს ვადაში, ვინც უბინაო არის და უმძიმეს მდგომარეობასა და გაჭირვებაში, ეტაპობრივად დაკმაყოფილდნენ. დღეს ჩვენ გადავეცით 144 დევნილ ოჯახს ახალაშენებულ კორპუსებში ბინები. შერჩევის პროცესი ოჯახების იყო გამჭვირვალე,“ - განაცხადა ოკუპირებული ტერიტორიებიდან დევნილთა, განსახლებისა და ლტოლვილთა მინისტრის პირველმა მოადგილემ, გრიგოლ გიორგაძემ. 

]]>
27-03-2017 14:30 +0400
"საიას" კვლევა ოჯახში ძალადობის შესახებ - ორგანიზაცია დანაშაულის წინააღმდეგ ბრძოლაში არსებულ ხარვეზებზე საუბრობს http://rustavi2.com/ka/news/71656

ახალგაზრდა იურისტთა ასოციაციის კვლევა ოჯახში ძალადობის შესახებ - არასამთავრობო ორგანიზაციაში დანაშაულის წინააღმდეგ ბრძოლაში არსებულ ხარვეზებზე საუბრობენ.

მათი განმარტებით, ძალადობის მსხვერპლი ხშირ შემთხვევაში დაუცველია მსგავსი შემთხვევისგან მომავალშიც, რადგან სასამართლოებში, აქცენტი არა მსხვერპლის უსაფრთხოებაზე, არამედ ბრალდებულის დადებით მხარეებზე კეთდება.

არასამთავრობო ორგანიზაცია მსგავსი ფაქტების თავიდან ასაცილებლად, რისკების შეფასების სისტემის აუცილებლობაზე საუბრობს.

„ქალთა მიმართ ძალადობის საქმეებში ბრალდების და სასამართლო ორგანოები კვლავ მნიშვნელოვანი ხარვეზებით მოქმედებენ, მიუხედავად საქმეში არსებული საყურადღებო რისკებისა და საფრთხეებისა, მოსამართლეები ხშირ შემთხვევაში ყურადღებას ამახვილებენ არა მსხვერპლის უსაფრთხოებაზე, არამედ მოძალადის დადებით თვისებებზე. გარდა ამისა, პროკურატურა მოქმედებს გარკვეული ხარვეზებით, ქალთა მიმართ ძალადობის საქმეზე კვალიფიკაციის განსაზღვრის ნაწილში,“- განაცხადა საქართველოს ახალგაზრდა იურისტთა ასოციაციის პროექტის ანალიტიკოსმა, გოგა ხატიაშვილმა. 

]]>
27-03-2017 12:22 +0400
დეპუტატ რიმა ბერაძეს "ბავშთა სამყაროს" მოვაჭრეები შანტაჟსა და მუქარაში ადანაშაულებენ http://rustavi2.com/ka/news/71655

ბავშვთა სამყაროს მოვაჭრეები საკრებულოს ზეწოლასა და მუქარაში ადანაშაულებენ. დაზარალებულები ამერიკის შეერთებული შტატების საელჩოსთან შეიკრიბნენ. ისინი ხელისუფლებასთან შუამდგომლობას დიპლომატიურ უწყებას სთხოვენ.

"გუშინ, დღეს საკრებულოდან ისმის უკვე მუქარები ამ ადამიანების მიმართ, რომ თუ თქვენ განაგრძობთ საპროტესტო აქციებს ჩვენ უკან გავითხოვთ თანხას. კიდევ ერთხელ იტყუება საკრებულო. ჯერ არანაირი თანხა გამოყოფილი არ არის.

რიმა ბერაძე, რომელიც უშუალოდ ჩვენთან ახორციელებდა მოლაპარაკებებს, დაურეკია და ამ ხალხს ემუქრება, რომ თუ თქვენ არ დათანხმდებით 3 ათას ლარს, ჩვენ ამ თანხას უკან გავითხოვთ და გადავცემთ სოციალურად დაუცველებს," - აცხადებს დაზარალებულების ადვოკატი ფრიდონ სიხუაშვილი.

მოვაჭრეების მოთხოვნები უცვლელია, ისინი დაზარალებულის სტატუსის მინიჭებას, საბანკო ვალდებულებების შეჩერებას, ასევე პრემიერთან შეხვედრას და ხელისუფლებისგან პირველადი კომპენსაციის სახით 5 ათას ლარს ითხოვენ.

საკრებულოს მიერ 3000 ლარიან შეთავაზებაზე კი უარი განაცხადეს. მოვაჭრეები უახლოეს დღეებში სხვა ქვეყნების დიპლომატიურ წარმომადგენლობებთან გამართავენ აქციას.

„დაზარალებულები, რომლებიც ხელისუფლებამ გაწირა შიმშილით სიკვდილისათვის, რომლებიც ფიქრობენ, რომ ხელისუფლების ბრალია, რომ გადაწვეს ბავშვთა სამყარო, ითხოვენ ამერიკის ელჩთან შეხვედრას, რათა მოახსენონ თუ რა ვითარებაში დაიწვა მათი შენობა. სთხოვონ ამერიკის ელჩს დახმარებას, რომ უშუამდგომლოს ხელისუფლებასთან ზიანის ანაზღაურებაზე,“ - განაცხადა ზაზა ხატიაშვილმა.

]]>
27-03-2017 12:20 +0400
უვიზო მიმოსვლა ევროკავშირში - თბილისში გალა კონცერტისთვის ემზადებიან http://rustavi2.com/ka/news/71652

უვიზო მიმოსვლის ამოქმედებასთან დაკავშირებით გალა კონცერტი გაიმართება თბილისში. საქართველოსა და ევროკავშირის დროშების ინსტალაცია განათდება ევროპის მოედანზე. ღონისძიება საღამოს 9 საათზე დაიწყება და საზეიმო ფოიერვერკით დასრულდება.

უკვე მზად არის სცენა, რომელიც დღეს ქართველ შემსრულებლებს დაეთმობათ.

„გალა კონცერტი გაიმართება ევროპის მოედანზე, რომელიც 21:00 საათზე დაიწყება და ორ საათს გაგრძელდება. ევროპის მოედანზე განთავსდა ევროკავშირისა და საქართველოს დროშები, რომელიც აქ მუდმივად დარჩება,“ - განმარტა თბილისის მერიის კულტურის საქალაქო სამსახურის უფროსმა ია მაქაცარიამ.

რეჟისორი ზაზა ორაშვილი ამბობს, რომ მსმენელს და მაყურებელს საინტერესო საღამო ელოდება. დღევანდელ კონცერტზე მაყურებლის წინაშე სხვადასხვა მუსიკალური ჟანრის მომღერლები წარდგებიან. გარდა ამისა, დღევანდელი დღის აღსანიშნავად ქორეოგრაფიულ ნომრებს ერისიონი წარადგენს.

„მაყურებელს და მსმენელს ელოდება სასიამოვნო კონცერტი, მოისმენს ძალიან ბევრ მუსიკას, იქნებიან სხვადასხვა მუსიკალური ჟანრის წარმომადგენლები, ნახავენ საყვარელ სახეებს მუსიკალური სფეროდან, ცეცხლს დაანთებს ერისიონი, იქნებიან სოლო მომღერლები ორკესტრის თანხლებით, იქნება მუსიკალური ინსტალაციები, ისეთი პროგრამა, რომელიც დღესასწაულს და სასიხარულო თარიღს უხდება,“ - განაცხადა ზაზა ორაშვილმა.

]]>
27-03-2017 12:08 +0400
ქალთა ძალადობის წინააღმდეგ ბრძოლა - "საია" ხარვეზებზე საუბრობს http://rustavi2.com/ka/news/71639

ქალთა ძალადობის წინააღმდეგ ბრძოლას, არსებული ხარვეზების გამო უარყოფითად აფასებს ახალგაზრდა იურისტთა ასოციაცია.

არასამთავრობო ორგანიზაციის წევრთა განმარტებით, ძალადობის მსხვერპლი ხშირ შემთვევაში, ძალადობის განმეორებისგან დაუცველია, რადგან სასამართლოებში, აქცენტი არა მსხვერპლის უსაფრთხოებაზე, არამედ ბრალდებულის დადებით მხარეებზე კეთდება.

მსგავსი ფაქტების თავიდან ასაცილებლად არასამთავრობო ორგანიზაცია რისკების შეფასების სისტემის აუცილებლობაზე საუბრობს. 

„ძალიან მნიშვნელოვანია, რომ სახელმწიფო უწყებებმა დანერგონ ქვეყანაში რისკების შეფასების სისტემა, რომელიც მისცემს იმის საშუალებას, რომ წინასწარ განჭვრიტონ საფრთხეები და უფრო ეფექტური ზომები მოიფიქრონ ქალების სიცოცხლისა და ჯანმრთელობის დასაცავად,“ - განაცხადა საიას იურისტმა გოგა ხატიაშვილმა.

]]>
27-03-2017 08:21 +0400
გარევაჭრობის წინააღმდეგ თბილისის მერიამ შესაბამისი ღონისძიებების განხორციელება დაიწყო http://rustavi2.com/ka/news/71636

თბილისის მერიამ უნებართვო, გარევაჭრობის წინააღმდეგ, შესაბამისი ღონისძიებების განხორციელება დაიწყო. ზედამხედველობის საქალაქო სამსახურის თანამშრომლებმა რამდენიმე ადგილას უკვე დაშალეს უკანონო კონსტრუქციები. გარევაჭრობის აკრძალვის მოთხოვნით თბილისის მერიასა და რაიონულ გამგეობებს მოქალაქეებმა არა ერთხელ მიმართეს.

ისინი ანტისანიტარიას, გზებზე არსებულ შეფერხებას და თბილისის იერსახის დამახინჯებას აპროტესტებდნენ.

დედაქალაქის მთავრობამ უკვე გამართა მოლაპარაკება ბაზრობების ასოციაციის წარმომადგენლებთან, რომელიც გარემოვაჭრეებს რამდენიმე ბაზრობაზე შეღავათიანი პირობებით, 6 თვის ვადით, ადგილს დაუთმობს.

„თბილისში ეს ღონისძიებები აქტიურად გაგრძელდება, განსაკუთრებით ცხელ წერტილებში, მეტროს მიმდებარე ტერიტორიებზე, სადაც ძალიან აქტიურად არის წარმოდგენილი გარევაჭრობა და ეს ხელს უშლის გარკვეული პირობების მოწესრიგებას. თუკი გაჩნდება ასეთი კერები, ბუნებრივია, ჩვენ კანონის შესაბამისად გვაქვს შესაძლებლობა, რომ კონსტრუქციები, რომლის განთავსებაც დაშვებული არ არის, გავასუფთაოთ ისე, როგორც გავასუფთავეთ აქამდე,“ -განაცხადა თბილისის მერის მოადგილემ ირაკლი ლექვინაძემ.

]]>
27-03-2017 08:06 +0400
80-მდე დევნილი და სოციალურად დაუცველი ოჯახი მათ შესაძლო გამოსახლებას აპროტესტებს http://rustavi2.com/ka/news/71634

80-მდე დევნილი და სოციალურად დაუცველი ოჯახი მათ შესაძლო გამოსახლებას აპროტესტებს. ისინი სანაცვლოდ სხვა ფართის დაკანონოებას ითხოვენ, წინააღმდეგ შემთხვეაში არ აპირებენ უშანგი ჩხეიძის ქუჩაზე მდებარე ყოფილი მუსიკლაური სკოლის შენობის დატოვებას.

მათი თქმით, გამოსახლების შესახებ მას შემდეგ გაუჩნდათ ეჭვები, რაც თითქოსდა აღწერის მიზნით შენობაში სამართალდამცველები მივიდნენ.

ყოფილ მუსიკალურ სკოლაში 80-მდე ოჯახი 2012 წლიდან არის უნებართვოდ შეჭრილი.

]]>
27-03-2017 08:02 +0400
ერთი დღე უვიზო მიმოსვლამდე - თბილისში საზეიმო ღონისძიებები იმართება http://rustavi2.com/ka/news/71635

ვიზალიბერალიზაციის ამოქმედების დღესთან დაკავშირებით, დღეს ევროპის მოედანზე სპეციალურად  მოწყობილი ინსტალაციის - საქართველოსა და ევროკავშირის დროშების განათების საზეიმო ღონისძიება და გრანდიოზული გალა-კონცერტი გაიმართება.

ღონისძიება საღამოს 9 საათზე დაიწყება და საზეიმო ფოიერვერკით დასრულდება. ვიზალიბერალიზაციისადმი მიძღვნილი ღონისძიებები კი გუშინ თბილისში კლასიკური და ელექტრონული მუსიკის კონცერტით დასრულდა.

განახლებული აღმაშენებლის გამზირი თემატური დეკორაციებით და საქართველო-ევროკავშირის დროშებით იყო მორთული. ღონისძიებებს აღმასრულებელი და საკანონმდებლო ხელისუფლების წარმომადგნლებიც დაესწრნენ.

„ევროპასთან უვიზოდ მიმოსვლა არ არის მხოლოდ იოლად მგზავრობა, არამედ ეს არის კიდევ უფრო დიდი პოტენციალი და კიდევ უფრო მეტი შესაძლებლობა იმისა, რომ ჩვენ ევროპული ქვეყნებისგან, ჩვენი პარტნიორებისგან გავიზიაროთ დიდი გამოცდილება,“ - განაცხადა პარლამენტის საგარეო კომიტეტის თავმჯდომარემ სოფო ქაცარავამ.

ვიზალიბერალიზაციის მნიშვნელობაზე საუბრობენ ოპოზიციაშიც.

„ევროპასთან მეტი სიახლოვე ნიშნავს, როგორც მეტ განათლებას, ისე მეტ ეკონომიკურ შესაძლებლობებს. იმედია, რომ ქართველი ხალხი ამ მონაპოვარს შეინარჩუნებს და ვერავინ გაბედავს, რომ ამ მიმართულებით უკან გადაიდგას ნაბიჯი,“ - აცხადებს ენმ-ის ერთ-ერთ ლიდერი გია ბარამიძე.

]]>
27-03-2017 08:01 +0400
"ბავშვთა სამყაროში" გაჩენილი ხანძრის შედეგად დაზარალებულები აქციას აშშ-ის საელჩოსთან გამართავენ http://rustavi2.com/ka/news/71633

ბავშვთა სამყაროში გაჩენილი ხანძრის შედეგად დაზარალებულები დღეს, საპროტესტო აქციას ამერიკის შეერთებული შტატების საელჩოსთან გამართავენ. დიპლომატიური წარმომადგენლობების ინფორმირებულობის მიზნით, უახლოეს დღეებში სხვა საელჩოებთანაც აპირებენ შეკრებას.

მათ არა ერთი საპროტესტო აქცია გამართეს უკვე, თუმცა უშედეგოდ.

პარალელურად კვლავ აგრძელებენ შიმშილობას ბავშვთა სამყაროსთან. მოვაჭრეები დაზარალებულის სტატუსის მინიჭებას, საბანკო ვალდებულებების შეჩერებას, ასევე პრემიერთან შეხვედრას და ხელისუფლებისგან პირველადი კომპენსაციის სახით 5 ათას ლარს ითხოვენ.

საკრებულოს მიერ 3 ათას ლარიან შეთავაზებაზე კი უარი განაცხადეს. მერიაში კი განმარტავენ, რომ ეს საკითხი არ გადაიხედება. 

]]>
27-03-2017 07:56 +0400
გიორგი ოქროპირიძის სახლთან კრიმინალისტები მუშაობდნენ http://rustavi2.com/ka/news/71631

კრიმინალისტები მუშაობდნენ გუშინ ღამით აბაშიძის 17 ნომერში, სადაც ლაშა მახარაძის მკვლელობისთვის მსჯავრდებული გიორგი ოქროპირიძის დედა ცხოვრობს. ცირა გოდერძიშვილის თქმით, უცნობმა პირებმა ფანჯრიდან ე.წ. მოლოტოვის კოქტეილის შეგდება და სახლის დაწვა სცადეს.

გაჩენილი ცეცხლის შედეგად, დაზიანდა მეზობლის ავტომობილი. ცირა გოდერძიშვილის განცხადებით, ეს უკვე მეოთხე შემთხვევაა, ბოლო ინცინდენტის დროს მათი მანქანის დაწვა სცადეს.

ის ამ ფაქტს სტრასბურგში მისი შვილის საქმის განხილვას უკავშირებს და ამბობს, რომ მათი დაშინებით ხელისუფლებაა დაინტერესებული.

ლაშა მახარაძის მკვლელობის საქმეზე ნაფიცმა მსაჯულებმა გამამტყუნებელი ვერდიქტი დაახლოებით ერთი წლის წინ გამოიტანეს და გიორგი ოქროპირიძეს 20 წლით თავისუფლების აღკვეთა მიესაჯა.

]]>
27-03-2017 07:53 +0400
მოწვევა ვენეციის ბიენალედან - თანხის უქონლობის გამო, ქართველმა სტუდენტებმა შესაძლოა ისტორიული შანსი ვერ გამოიყენონ http://rustavi2.com/ka/news/71628

მსოფლიო თანამედროვე ხელოვნების ერთ-ერთი ყველაზე მნიშვნელოვანი გამოფენის, ვენეციის ბიენალეს ფარგლებში ქართველმა სტუდენტებმა წელს პირველად მიწვევა მიიღეს. სამხატვრო აკადემიის სტუდენტების ნამუშევრები რამდენიმე თვის განმავლობაში ვენეციის ერთ-ერთ ყველაზე ცნობილ შენობაში უნდა გამოიფინოს.

10 სტუდენტი საქველმოქმედო გამოფენისთვის ემზადება, თუმცა, ეს მხოლოდ იმ შემთხვევაში მოხდება, თუ ახალგაზრდებს საჭირო რაოდენობის თანხა ექნებათ. მიუხედავად ასეთი მნიშვნელოვანი და საქართველოსთვის უპრეცენდენტო მიწვევისა, სახელმწიფომ ისინი მხოლოდ ნაწილობრივ დააფინანსა.

სტუდენტების ფერწერული ნამუშევრები და ინსტალაციები ბემბოს სასახლეში უნდა გამოიფინოს, თუმცა ქირის თანხა სრულად არ აქვთ, ამიტომ გამოიყენებენ თუ არა ამ ისტორიულ შანსს არ იციან.

კულტურის სამინისტროში ამბობენ, რომ სტუდენტების ვენეციის ბიენალეში მონაწილეობას სრულად ვერ აფინანსებენ, რადგან ახლა ამის რესურსი არ აქვთ.

სტუდენტებმა თანხის შესაგროვებლად გამოფენა-გაყიდვა მოაწყვეს, სადაც საკუთარ ნამუშევრებთან ერთად პედაგოგებისა და უფროსი კოლეგების ნახატებიც გამოიტანეს.

ავტორი: გვანცა სუთიძე. 

 

 

 

 

 

]]>
26-03-2017 23:03 +0400
ზუგდიდში, გაუსაძლის პირობებში მცხოვრები დევნილები  - იძულებით გადაადგილებულები უსამართლოდ განაწილებულ ბინებზე საუბრობენ http://rustavi2.com/ka/news/71071

დევნილები, რომელთაც ცხოვრება გაუსაძლის პირობებსა და თითქმის დანგრევის პირას მყოფ შენობებში უწევთ ცხოვრება - მათი დიდი ნაწილი ბავშვებთან ერთად თავს ნესტიან, ნახევრად ჩამოშლილ კედლებს აფარებს. 

ბევრ ბინაში, რომელიც  დევნილებს სახელმწიფომ  გადასცა ახლადაშენებულ კორპუსში, საცხოვრებლად არც გადასულან. დევნილები სახელმწიფოს მიერ მათთვის გაცემულ ბინებს ყიდიან და აქირავებენ.

ბევრ სახლს ფანჯრიდანაც ეტყობა, რომ დევნილების ნაწილი, რომლებთაც სახელმწიფომ კანონის თანახმად ბინები იმიტომ აჩუქა რომ მათი სოციალური მდგომარეობა უკიდურესად მძიმე იყო, ახლადაშენებულ კორპუსში საცხოვრებლად არც გადასულან. ეს იმ ფონზე, როდესაც ბევრ მათგანს ცხოვრება ნესტსა და სიცივეში, მოზარდებთან ერთად უწევთ ცხოვრება, რომელსაც ჯანმრთელობასთან დაკავშირებული უამრავი პრობლემა ახლავს თან.

ავტორი: თეა ადეიშვილი. 

]]>
26-03-2017 22:43 +0400
დევნილებისთვის ბინების გაცემის თაღლითური სქემა და წლობით რიგში მდგომი იძულებით გადაადგილებული პირები http://rustavi2.com/ka/news/71063

დევნილები, სახელმწიფოსგან ახალი ბინების გადაცემას ელოდებიან. წესები ყველამ იცის, ბინებს დევნილები სპეციალური ქულებისა და კომისიის მიერ შედგენილი სიის მიხედვით მიიღებენ. რამდენიმე მათგანს საკუთარმა რიგმა უკვე მოუწია, თუმცა ბევრ ოჯახს ბინის გადაცემაზე უარი უთხრეს.

იძულებით გადაადგილებულ პირთა ოჯახები არ გამორიცხავენ, რომ დევნილთა სამინისტროსგან ბინების მოსყიდვა ნაცნობობით ან რაიმე სხვა სახის თაღლითური სქემით, შესაძლებელია.

სამინისტროში ამბობენ, რომ მსგავსი ფაქტები იქ აღარ მეორდება, თუმცა თვითონ დევნილები ასე არ ფიქრობენ. ეჭვებს ის უღრმავებთ, რომ სახელმწიფო მათ უარს ეუბნება საცხოვრებლის გადაცემაზე მაშინ, როდესაც მათზე უკეთეს მდგომარეობაში მყოფი და ნაკლებად გაჭირვებული ოჯახი სამინისტროსგან უკვე დაკმაყოფილებულია ბინით.

კორუფციული გარიგების ფაქტები სახელმწიფო უწყებაში გამოძიებამაც დაადასტურა. სამინისტროსგან წერილობით მიღებული ინფორმაციის თანახმად, 6 შემთხვევა იყო, როდესაც დევნილს ბინის მიღების სანაცვლოდ, თაღლითური სქემით, თანხა გამოსძალეს.

დევნილთა სამინისტროს, ბოლო წლების განმავლობაში, გამოუვლენია თაღლითობის შემთხვევები, თუმცა დევნილთა სამინისტროს შიდა აუდიტის დეპარტამენტის უფროსის ზვიად ლათიბაშვილის თქმით, თაღლითობის არცერთ შემთხვევაში, რომლებიც დევნილთა სამინისტრომ გამოავლინა, კვალი სამინისტროს თანამშრომლებამდე არ მისულა.

ავტორი: ლაშა კვესელაძე. 

]]>
26-03-2017 22:34 +0400
თანხის ჩასარიცხი აპარატის "ჩადება" - გორში დავით ბასილაშვილის ოჯახი სამართალდამცველების მხრიდან დევნაზე მიუთითებს http://rustavi2.com/ka/news/71625

მამა-შვილი ზვიად და გვანცა ბასილაშვილები ამტკიცებენ, რომ პროკურატურამ მათ ოჯახის წევრს, 380 კილოიანი თანხის ჩასარიცხი აპარატის დაუხმარებლად მოპარვას აბრალებს. 

კრიმინალური შემთხვევა 2014 წლის 6 სექტემბერს ქალაქ გორში, სუხიშვილის ქუჩაზე მოხდა. გამოძიების ვერსიით, 24 წლის დავით ბასილაშვილმა მაღაზიის წინ დამონტაჟებული ჩასარიცხი აპარატი, მოპარვის მიზნით მოგლიჯა და დაახლოებით ათი მეტრით გადაადგილა.

ამ სისხლის სამართლის საქმეში არსებული ერთადერთი პირდაპირი მოწმე მაღაზიის მეპატრონეა. გია ხუბულოვი შემთხვევის ადგილზე აპარატის მოგლეჯიდან დაახლოებით ერთ საათში მივიდა. მის მიერ გამოძიებისა და სასამართლოსთვის მიცემული ჩვენებები დაცვის მხარის მტკიცებით შეუსაბამო და ურთიერთგამომრიცხავია.

პროკურატურის მიერ წარდგენილ ბრალდებაში დავით ბასილაშვილი თავს დამნაშავედ არ ცნობდა და აცხადებდა, რომ იმ დღეს, როცა დანაშაული მოხდა ის სახლში იმყოფებოდა. ბრალდებულის ალიბი სასამართლო პროცესზე მისმა ოჯახის წევრებმაც დაადასტურეს.

არც გორის საქალაქომ და მოგვიანებით არც თბილისის სააპელაციო სასამართლომ, დავით ბასილაშვილის ალიბი არ გაიზიარა. საბოლოდ დავით ბასილაშვილის მიმართ გამამტყუნებელი განაჩენი საქმეში არსებული ერთადერთი მოწმის ჩვენებას დაეფუძნა.

ამჟამად, დავით ბასილაშვილს ქურდობის მცდელობისთვის ოთხი წელი და სამი თვე აქვს შეფარდებული. მისი ოჯახის წევრები ფიქრობენ, რომ მსჯავრდებული პროკურატურის მიერ განხორციელებული დევნის ობიექტია.

დაცვის მხარე იმედოვნებს, რომ უზენაესი სასამართლო ან დამაჯერებლად დაასაბუთებს, ავტომობილის გარეშე და სხვა ადამიანების დაუხმარებლად როგორ აპირებდა დავით ბასილაშვილი ისეთი ნივთის მოპარვას რომელიც 380 კილოს იწონიდა ან მის მიმართ გამამართლებელ ვერდიქტს გამოიტანს.

ავტორი: გიორგი გვიშიანი. 

]]>
26-03-2017 22:24 +0400
ცხოვრება ქუჩაში - მზრუნველობის გარეშე დარჩენილი პირების ისტორია http://rustavi2.com/ka/news/71627

მზრუნველობამოკლებული ბავშვების დიდი ნაწილი ძირითადად ქუჩაში იბადება, იზრდება და წლების განმავლობაში მათთვის საცხოვრებელი პირობების მნიშვნელოვნად არ იცვლება.

საზოგადოებაში მათ ნაკლებად ენდობიან, რადგან ზოგჯერ, მათი ცხოვრების წესი კრიმინალისკენ დიდი ბიძგია.

რომელიმე მათგანს, თუ ძალიან გაუმართლებს, შეიძლება ოჯახური ტიპის ბავშვთა სახლში მოხვდეს, მაგრამ საკმარისია სრულწლოვან ასაკს მიაღწიოს და ეს სიკეთეც ქრება და ის უკვე საბოლოოდ ქუჩაში რჩება.

ქუჩაში მცხოვრები ახალგაზრდების სტატისტიკა არ არსებობს. სახელმწიფო ბავშვების საოჯახო ტიპის სოციალურ სახლებში ცხოვრებას მხოლოდ გარკვეულ ასაკამდე, 18 წლამდე უზრუნველყოფს. სრულწლოვანების ასაკის მიღწევის შემდეგ მათი ბედი გაურკვეველი და ბუნდოვანია.

ავტორი: თაკო მესხი.

]]>
26-03-2017 22:05 +0400
მზრუნველობამოკლებული ბავშვები - მათი შემოსავლის წყარო, ყოველდღიური საქმიანობა და ცხოვრების წესი http://rustavi2.com/ka/news/71626

მზრუნველობამოკლებული ბავშვების ზუსტი  რაოდენობა საქართველოში არავინ იცის. ოფიციალური სტატისტიკა საერთოდ არ არსებობს. არსებობს მხოლოდ არასამთავრობო ორგანიზაციების კვლევები, რომელთა მიხედვითაც, 2 ათასზე მეტი ბავშვი ქუჩაში იზრდება.

მათ შემთხვევაში გაეროს ბავშვთა უფლებათა კონვენციის აბსოლუტურად ყველა პუნქტი სრულად დარღვეულია - მათ არ აქვთ არც განათლების, არც ჯანდაცვის, არც საცხოვრისის უფლება. მათი ძირითადი ნაწილი, შეიძლება ითქვას, სახელმწიფოსთვის საერთოდ არც არსებობს, რადგან ისინი აღრიცხულები არ არიან.

ხშირად მზრუნველობამოკლებული ბავშვები სასაფლაოდან შეგროვებული ყვავილების გაყიდვით ირჩენენ თავს. ზოგიერთი მათგანი იაფად შეძენილ ხატებს ან ხელსახოცებს ყიდის. ზოგიც უბრალოდ მათხოვრობს.

როგორც წესი, ფული, რომელიც ზემოთხსენებული საქმიანობებიდან ბავშვებს უგროვდებათ, მათ არ ეკუთვნის. ისინი უფროსებთან არიან ანგარიშვალდებულნი, დარჩენილი თანხით კი საკვებსა და ფსიქოტროპულ მედიკამენტებს ყიდულობენ. უსახლკარო ბავშვებში სააფთიაქო ნარკომანია ფართოდ არის გავრცელებული.

ზოგადად, მათი სიცოცხლე ყოველდღიურად საფრთხის წინაშე დგას, მაგრამ ამასთან ერთად, ქუჩაში მცხოვრები ბავშვების საქმიანობის კრიმინალში გადაზრდის რისკ-ფაქტორი ძალიან მაღალია.

პოსტსკრიპტუმის ჟურნალისტები სიუჟეტზე მუშაობისას, კიდევ ერთ მოვლენას გადააწყდნენ -ბავშვების დიდი ნაწილი, რომლებიც მათ ქუჩაში ჩაწერეს, ე.წ. სატანისტურ სექტაშია გაერთიანებულა. როგორც თავად ამბობენ დროის დიდ ნაწილს სასაფლაოზე ატარებენ არა მარტო ყვავილების შესაგროვებლად, არამედ სხვადასხვა რიტუალის ჩასატარებლადაც.

ავტორი: ანანო ბაკურაძე.

 

]]>
26-03-2017 21:54 +0400
სიკვდილის ზონები თბილისში ქვეითებისთვის - დამძიმებული მდგომარეობა ქალაქის გზებზე http://rustavi2.com/ka/news/71629

რამდენიმე დღის წინ საყოველთაო აღშფოთება გამოიწვია თბილისში მომხდარმა ​ავტოსაგზაო შემთხვევამ, რომელსაც მცირეწლოვანი ბავშვი შეეწირა.

ბოლო დღეების განმავლობაში ავტოსაგზაო შემთხვევების რიცხვმა და შედეგად მსხვერპლმა, იმატა.

დღეს საქართველოში და კერძოდ თბილისში, ქვეითების უფლებები უკიდურესად ირღვევა. გზებზე, სადაც ფეხით მოსიარულეებს წესით უპირატესობა აქვთ, ავტომობილების მძღოლები მათ, ხშირ შემთხვევაში, ადგილს არ უთმობენ. მეტიც, ისინი საპირისპირო მიმართულებით მოძრაობის ზოლში გადადიან და იქაც ახერხებენ ქვეითებთან შეჯახებას.

მოძრაობის წესების დაცვასთან ერთად, ქალაქში პრობლემა ინფრასტრუქტურაა. დღეს ზოგიერთ გზაზე ტროტუარებზე ან ავტომობილებია გაჩერებული, ან ახალაშენებული კორპუსის მიერ არის შევიწროვებული.

თბილისის ზოგიერთ ქუჩაზე ფეხით გადაადგილება ფაქტობრივად შეუძლებელი გახდა.

2016 წელს საქართველოში 170 ფეხით მოსიარულე გარდაიცვალა, ქვეითთა დიდი ნაწილი ისეთ გზატკეცილებზე იღუპება, სადაც მანქანებს დიდი სიჩქარის განვითარების მეტი შანსი აქვთ.

ავტორი: თეა ადეიშვილი.

]]>
26-03-2017 21:43 +0400
თბილისის მერის ძმის, ირაკლი ნარმანიას მფარველობის ქვეშ არსებული უკონტროლო მშენებლობები http://rustavi2.com/ka/news/71622

დედაქალაქის ცენტრში, აბაშიძის ქუჩაზე, ერთ-ერთი სამსართულიანი სახლიდან რამდენიმე სანტიმეტრში, 11-სართულიანი კორპუსი შენდება. კორპუსს აშენებს კომპანია, რომლის იურისტი თბილისის მერის, დავით ნარმანიას ძმაა.

ადგილობრივმა მაცხოვრებლებმა მშენებლობის შესახებ გვიან შეიტყვეს და ასევე სრულიად შემთხვევით გაიგეს ისიც, რომ ნარმანიას ძმა მათი სახლის დანგრევასაც გეგმავს და ამ გეგმას მერია იხილავს.

საკრებულოს წევრი ალეკო ელისაშვილი დავით და ირაკლი ნარმანიებს უკანონობაში არაერთი წელია ამხელს, თუმცა ვერცერთი სტრუქტურის ყურადღება ვისაც რეაგირება ევალება, ვერ მიიქცია.

თბილისის სხვა უბანში მცირე ზომის სახლი ასევე ორ უზარმაზარ კორპუსს შორის მოექცა - მიუხედავად იმისა, რომ ამ ადგილზე მრავალსართულიანი ნაგებობების მშენებლობა აკრძალული იყო, მერიამ გამონაკლისი დაუშვა, განაშენიანების დასაშვები კოეფიციენტი საგანგებოდ შეცვალა და სამშენებლო კომპანიას კორპუსების დადგმის ნებართვა მისცა.

ამ ადგილის ისტორია სახალხო დამცველის ანგარიშშიც მოხვდა, მან მერიას მშენებლობის ნებართვის გაუქმება ურჩია, ოღონდაც პასუხი, კანონით დადგენილი 20 დღის ნაცვლად 7 თვის შემდეგ მიიღო, განმარტებით, რომ კორპუსი უკვე დასრულებულია და შედეგის შეცვლა შეუძლებელია.

დედაქალაქის კიდევ სხვა კუთხეში მშენებლებმა ერთ-ერთი სადაზღვევო კომპანიის კედელი ჩამოანგრიეს, იმ მიზეზით, რომ ის, თითქოს, სხვა მესაკუთრის ტერიტორიაზე იყო გადასული.

ყველა ამ მშენებლობას თბილისის მერის ძმა, ირაკლი ნარმანია აერთიანებს.

ავტორი: აკაკი გოგიჩაიშვილი.

]]>
26-03-2017 21:13 +0400
2015 წელს წინასწარ გამჟღავბეული საგამოცდო საკითხები - მოსამართლეთა საკვალიფიკაციო გამოცდები ახლოვდება http://rustavi2.com/ka/news/71624

ახლო მომავალში საქართველოში მოსამართლეთა საკვალიფიკაციო გამოცდები უნდა ჩატარდეს. იუსტიციის უმაღლესი საბჭო იძულებულია, რომ ტესტირება ჩაატაროს, წინააღმდეგ შემთხვევაში, ახალი მოსამართლეების დანიშვნა ვერ მოხერხდება.

ჯერ კიდევ 2015 წელს ჩატარებული გამოცდების შემდეგ, სადაც ტესტების შესახებ ინფორმაციამ წინასწარ გაჟონა, ახალი გამოცდები არ ჩატარებულა. ასევე, ვერ მოხერხდა იმის გარკვევა, ვისგან ან რა გზით გაჟონა კონფიდენციალურმა მონაცემებმა.

ინფორმაცია მაშინ თბილისის საქალაქო სასამართლოს ყოფილმა თავმჯდომარემ, მამუკა ახვლედიანმა კონფიდენციალურ წყაროზე დაყრდნობით გაასაჯაროა, რაც მალევე დადასტურდა. იუსტიციის საბჭომ შიდა მოკვლევის შემდეგ დაადგინა, რომ საქმე დანაშაულის ნიშნებს შეიცავდა და მასალები პროკურატურას გადაუგზავნა.

ერთი წლის წინ, გაირკვა, რომ საგამოცდო ტესტები სასამართლო სისტემამ გამარტივებული შესყიდვით იუსტიციის სამინისტროს სასწავლო ცენტრისგან იყიდა. 

გამზადებული ტესტები კი ხელშეკრულებასა და მიღება-ჩაბარების აქტში მითითებულ ელექტრონულ ფოსტაზე გაგზავნის ნაცვლად დღემდე საზოგადოებისთვის უცნობმა კონფიდენციალურმა პირმა ჩაიბარა. მამუკა ახვლედიანის მტკიცებით, ეს საიდუმლო პიროვნება უზენაესი სასამართლოს თავმჯდომარე ნინო გვენეტაძე იყო.

ახლა, როდესაც დღის წესრიგში მოსამართლეთა ახალი გამოცდების ჩატარების საკითხი მწვავედ დგას, ისევ არ არის ცნობილი, ვისგან გაჟონა ინფორმაციამ წინა გამოცდების დროს. საინტერესოა, რა შეიცვალა, რომ საგამოცდო საკითხები ახლა მაინც უფრო დაცული იყოს.

გაირკვა, რომ უკვე ერთი წელია შეცვლილი წესების მიხედვით, საგამოცდო ტესტების მომზადება 12 კაციანი საექსპერტო კომისიას ევალება, რომელიც იუსტიციის უმაღლეს საბჭოს დღემდე არ შეუქმნია.

ორი კვირის წინ სხდომაზე ის ვარიანტიც განიხილეს, რომ, თუ ტესტებზე მომუშავე ექსპერტთა საბჭოს შექმნა ვერ მოესწრება, გამოცდები ისევ შარშანდელი სისტემით ჩატარდეს.

ავტორი: ლაშა კვესელაძე. 

 

]]>
26-03-2017 19:54 +0400
წყნეთში სპორტულ მოედანზე დაგეგმილ მშენებლობას აპროტესტებენ http://rustavi2.com/ka/news/71621

წყნეთში ადგილობრივი მოსახლეობის ნაწილი სპორტულ მოედანზე დაგეგმილ მშენებლობას აპროტესტებს. მათი განცხადებით, სტადიონის ადგილას საცხოვრებელი სახლის ასაგებად ნებართვა უკვე გაიცა და მოხდა ტერიტორიის შემოღობვა.

აქციის მონაწილეები ინვესტორისთვის ალტერნატიული ფართის შეთავაზებას ითხოვენ. ადგილობრივების თქმით, ეს სტადიონი 10 000 მოსახლეზე ერთადერთია და მისი შენარჩუნება ახალგაზრდებისთვის აუცილებელია.

ადგილზე იმყოფებოდა მოსახლეობის ის ნაწილიც, რომელიც მშენებლობას ემხრობა და ტერიტორიის კეთილმოწყობის იმედი აქვს.

]]>
26-03-2017 18:18 +0400