რაგბის კავშირის სპონსორი კომპანია `გალფი` ხდება
24.02.12 15:10
საქართველოს რაგბის კავშირის სპონსორი დღეიდან კომპანია "გალფი" იქნება. ხელშეკრულება რაგბის კავშირისა და კომპანია გალფის წარმომადგენლებმა დღეს გააფორმეს.
კომპანია რაგბის კავშირის პარტნიორი 2013 წლის პირველ იანვრამდე იქნება და ამ პერიოდში 100 ათასი ლარის ინვესტიციას ჩადებს სპორტის ამ სახეობის განვითარებაში. კომპანიის წარმომადგენლების განცხადებით, მსგავსი თანამშრომლობა მნიშვნელოვანია არა მარტო ნაკრებისთვის, არამედ თავად კომპანიისთვის. ხელშეკრულების თანახმად, ეროვნული ნაკრების ფორმაზე კომპანია `გალფის` ლოგო იქნება გამოსახული.
`ძალიან მიხარია, რომ შედგა ეს თანმშრომლობა და იმედი მაქვს, სხვა კომპანიებიც მიბაძავენ `გალფს`, რადგან ქართულ რაგბის და კლუბებს სჭირდებათ სპონსორები, იმიტომ, რომ თუ ფინანსური მდგომარეობა არ გამოსწორდა და არ მივიღეთ კონკურენტუნარიანი გუნდები, დიდი მომავალი არ გვიწერია,`- განაცხადა საქართველოს რაგბის კავშირის პრეზიდენტმა გია ნიჟარაძემ და სხვა ქართულ კომპანიებსაც მოუწოდა ქართული სპორტის განვითარებისათვის ინვესტიციების ჩადებისკენ.
ხვალ საქართველოს ნაკრები პორტუგალიის გუნდს შეხვდება. პრინციპული თამაშისთვის საქართველოს ნაკრები განსაკუთრებულად ემზადება.
|
